رواية مَحبوبي . الفصل الخامس 5 - بقلم نيني 🎀.

جان گاعد أيمن بغرفته واجة غَيهب
غَيهب " أيمن گاعد؟ "
أيمن " اي "
فتح غَيهب الباب ودخل وأيمن ما باوعله بقى صافن على الحايط
غَيهب " هاك بزوناتك "
بسرعة اندارله أيمن و شافهن وگام سريعع عليهن و شالهن وبقى يگمز من الفرحة و حضن غَيهب
حجة أيمن بفرح " شكرًاا "
وباس خد غَيهب
غَيهب " تدلل "
أيمن " شنو اساميهنن "
غَيهب " انتَ سميهن "
أيمن " شو جبت اربعة مو على اساس ثنين "
غَيهب " شفت ذني صغار و عمرهن يوم و امهن ميتة و جبتهن "
أيمن " ياا خطية "
أيمن " فدووة باوعع ينوكلننن كيوتتت
وحتى نفس الالوان الي اريدهنن "
أيمن " ثنين الي و وحدة لأنس و وحدة لأوس
أمشيي نروحلهمم "
غَيهب " يلا "
شال أيمن البزونات و راح لولد عمه
دخل لبيتهم وصعد فوگ فتح باب غرفتهم وحجة
أيمن " جبتلكم هدية "
أنس " شجايب "
أوس " حتنطينة بوسة مو؟ كل مرة تگول حنطيكم هدية وبالاخير تطلع حضن لو بوسة "
أيمن " لاعع جبتلكم شي تحبونهه
غمضو عيونكمم ولتفتحون "
طلع أيمن و جاب البزونات و رجع حطهن عليهم
حجة أوس بخوف " خرب گلبي عبالي
حطيت فارة "
أنس " يمه فدوة شنهايييي كيوتت "
أيمن " غَيهب جابهن النة
هاي الك و هاي لأوس وذني اليي "
أوس " گول والله "
ايمن " والله العظيمم "
حجة أوس بصوت ناصي حتى ميسمعه غَيهب
" اگلكم احس غَيهب مضروب على راسه مو طبيعي الي جاي يسويه حيل متغير خاف مو هوَ "
أنس " انجب هسة يسمعك ويرجع ينچلب "
أيمن " هيييي ترا ما اسمحلكم تحچون على غَيهوبتيي "
أنس " زربة عليك وعليه "
أوس " هسة صار غَيهوبتك ومن يمنعك من شي يصير الحقير الگواد "
أيمن " لواگة "
بقو يحچون و يلعبون ويا البزونات
ب 11:37
غَيهب " أيمن يلا امشي الوگت تأخر لازم تنام "
أيمن " بس شوييي واجي "
غَيهب " لا هسة "
أيمن " بس 10د والله "
غَيهب " ولا دقيقة يلا امشي "
تأفأف أيمن و گام اخذ بزوناته وراح يمشي ورة غَيهب ومطنگر مايريد ينام هسة يريد يبقى
ويا ولد عمه
راح غَيهب يسبح وبقى ايمن بالصالة
شوي وسمع صوت وخاف وراح يركض لـ غَيهب
دخل للغرفة و لگى غَيهب هستوه طالع من الحمام وما لابس شي مصلخ اول ما شافه غَمض عيونه وگام يعتذر
أيمن " اسف والله ما ادري ما لابس بس شسمه خفت واجيت يمك "
غَيهب " عادي ما صار شي "
ايمن " لبست؟ "
غَيهب " لا "
أيمن " البس حتى افتح عيوني "
غَيهب " فتحهن عادي "
أيمن " لاا شلون افتحهن واشوفك ما لابس "
غَيهب " عادي "
أيمن " لاا يلااا البس بسرعة "
غَيهب " لبست "
فتح أيمن عيونه و راح گعد على السرير
أيمن " سمعت صوت وخوفني وجيتك واسف لأن هواي دا ازعجك "
غَيهب " انجب لا تعتذر وماتزعجني عادي "
أيمن " بلي دا ازعجك لازگ بيك وانام يمك وكلشوي بليل اگعد وانتَ هم تگعد من وراي وابقى ابكي وازعجك "
غَيهب " اشششش ما تزعجني "
ايمن " كذاب "
غَيهب " والله "
ايمن " امممم "
غَيهب " يلا نام "
أيمن " ما نعسان "
غَيهب " اتمدد وانتَ تنام "
أيمن " لا "
غَيهب " شني بكيفك "
أيمن " اي بكيفي مااريد ااناممممم بعد وقتتتتت "
غَيهب " الساعة ب 12 الوگت تأخر "
أيمن " والله بعد وقت "
غَيهب " بدون عناد "
ضاچ ايمن وگام حتى يطلع
غَيهب " وين؟ "
أيمن " اروح انام "
غَيهب " تنام هنا "
أيمن " لا بغرفتي ماريد ازعجك "
غَيهب " هاي غرفتك تنام وياي بعد "
أيمن " ليش "
غَيهب " احسن "
أيمن " لا انام بغرفتي وانتَ بغرفتك وهاهي "
غَيهب " أيمن تعال واسكت "
راح للسرير وتمدد وصفن يفكر
بُقى أيمن يفكر وما نام و غَيهب هم گاعد
لزم أيمن موبايله لبين ما ينعس وينام
غَيهب " أيمن عوف الموبايل ونام "
أيمن " ما نعسان "
غَيهب " اي عوفه ما راح تنام حتبقى عليه "
أيمن " لا هسة شوي وانام "
سكت غَيهب وبُقى ايمن على الموبايل لنص ساعة
غَيهب " تره صارلك نص ساعة "
أيمن " دا احجي ويا صديقي "
غَيهب " احجي وياه من تگعد "
أيمن " بس شوي "
غَيهب " استغفر الله "
بعد ربع ساعه
غَيهب " أيمن تدري صارلك ساعة على الموبايل! "
أيمن "عادي"
غَيهب " اكلخرة ونام "
أيمن " ما نعسان شنو گوة "
غَيهب " اي گوة يلا نام "
ايمن " والله ما انام "
سحب غَيهب الموبايل منه
حجة ايمن بضجر " غَيهب جيب الموبايل!! "
غَيهب " لا لازم تنام "
أيمن " مااااريددد "
ضم غَيهب الموبايل و رجع تمدد وزعل أيمن وبقى يحجي عليه
أيمن " جيبه غَيهب معليك بيةةةة "
أيمن " لا تسوي نفسك نايم جيبهههه "
أيمن " غَيهب والله ابقى احجي وماخليك تنام فَ جيبه واسكت "
أيمن " شبيككككككك بس جيبههههه
شوي واناممم "
عصب أيمن وصعد فوگ غَيهب وغَيهب فتح عيونك وباوعله يريد يعرف شيسوي
أيمن " اذا ما انطيتني الموبايل والله ابقى گاعد على بطنك و اضرب بيك "
غَيهب " يا يابة على اساس حتخوفني و حنطيك ؟ چوء اصلًا عادي كل يوم تنام بحضني وهسة گاعد بحضني عادي ما فرگت "
صفن أيمن وضحك عليه غَيهب وعصب أيمن اكثر
وگام يضرب بيه
لزم أيديه غَيهب و وجهه صار قريب من وجهه أيمن
وأيمن صفن عليه وبقى يباوع لشفايفه القريبات من شفايفه وانتبه غَيهب على أيمن صافن عليهن
قرب أيمن اكثر و انفاس غَيهب الحارة تطخ ببشرته
استوعب أيمن شجاي يسوي وبسرعة بعد عنه
أيمن " هدني "
غَيهب " ما اهدك "
أيمن " هسة شبيك هدني اريد اروح انام "
غَيهب " هسة صرت تريد تنام؟ "
أيمن " اي نعست "
غَيهب " نام على صدري عادي "
ايمن " لاا شبيك تخبلتت "
غَيهب " چا كل يوم منو هذا الي
ينام على صدري؟ "
أيمن " أنجب "
غَيهب " يلا نام "
أيمن " هدني "
غَيهب " ناام على صدري "
أيمن " مااريد! "
أيمن " يلا هدني اريد انام "
غَيهب " ما اهدك "
أيمن " غَيهب هدني "
بقى أيمن يتحرك يريد يوخر عنه بس غَيهب لازمه حيل وماگدر يفلت أيده منه
تعب أيمن و استسلم لأنه يدري شما يسوي ما يگدر يفلت أيده منه
أيمن " هسة عليش لازمني شتريد "
غَيهب " هيج عاجبني "
ايمن " وأنا ما عاجبنيي "
غَيهب " أيمن نام على صدري "
أيمن " لا "
غَيهب " أيمن والله العظيم اذا ما نمت اسحب الموبايل منك "
نام أيمن على صدر غَيهب
أيمن " شلون راح انام هيج مو مريح "
غَيهب " نام واسكت "
أيمن " ماگدر مو مريحح وبعدين انا ثقيل حتعبك "
غَيهب " ثگيل؟ هاي البزونة اثگل منك "
أيمن " ترا انا سمينن "
غَيهب " وزنك 40 "
ايمن " اي هواي 40 كيلو "
غَيهب " بأيد وحدة اشيل ضعفهن "
سكت أيمن لأن حجي غَيهب صحيح وهوَ يتمرن على اوزان اثقل منه
ورة خمس دقايق
أيمن " عادي تهدني اريد انام زين "
غَيهب " لا "
تأفأف أيمن وسكت
غَيهب " نام لا تبقى تفكر وتره ماهدك شما حاولت
حتى المرة الثانية من اگلك على شي تسويه مو تعاند وتگعد علية و مسوي نفسك قوي وراح تگدرلي تمام وليداتي؟ "
حجة أيمن بزعل " انجب "
غَيهب " لسانك وليدي "
أيمن " شبيه "
غَيهب " يرادله گص "
أيمن " ليش شگلت "
غَيهب " هواي تتمغلط "
أيمن " ترا ماغلط عليك! "
غَيهب " چا وال انجب و اكلخرة و گواد و الباقيات شنو ذني؟ "
أيمن " ها "
غَيهب " هسة صرت ماتعرف تحجي "
سكت أيمن و صفن
ورة 5 دقايق
أيمن " غَيهب نعست اريد انام ومدا اكدر انام لأن هيجي مو مريح "
غَيهب " نام واسكت "
أيمن " مو مريحة لا الي ولا الك فَ هدني و خلي انام هنا بصفك وهاهي!! "
غَيهب " انه كلش مرتاح عادي وانتَ تحمل شوية تنام وماتحس بالوضعية مريحة لو لا "
ايمن " لا والله؟ "
غَيهب " اي والله "
أيمن " والله اذا ما عفتني اخمشك واعضك "
غَيهب " شنو البزونة عضتك و صار بيك داء القطط وكمت تخمش وتعضعض؟ "
أيمن " انجبب "
غَيهب " شلون حگص لسانه "
ايمن " ترا انجب مو غلطة "
غَيهب " اي مدحة "
أيمن " ايي "
گاعد يحجي أيمن و فجأة سكت ديستوعب
موبايله انقفل على محادثته بينه وبين صديقه و هو كان ديحجي على غَيهب
أيمن ويا نفسه " خربحظييي هسة اول ما يفتح الموبايل حيشوفف يمههه وهسة يشوف الرسائلل كلها يمه حنفضحح وهسة هذا الكواد يرسل و يشوف الاشعارات و يفتح الموبايل خربب حموت هسة شلون اقنعه اخذ الموبايل يابة ماريد الموبايلل بس اريد احذف الرسايلل"
غَيهب " شبيك وجهك اصفر و جاي ترجف "
أيمن " من وراك "
غَيهب " شدخلني "
أيمن " لأن ماتقبل تهدني "
غَيهب " سبحان الله "
أيمن " غَيهب انطيني الموبايل والله بس دقيقة وحدة وارجعه والله العظيم "
غَيهب " شلك بيه شراح تسوي بهاي الدقيقة "
أيمن " شي صغيرون "
غَيهب " گلي و انطيك "
أيمن " ماريد اسوي شي بس اطفي النت و هاهي "
غَيهب " اني اطفيه "
أيمن " لااا لا انا اطفيه "
غَيهب " لا اني "
أيمن " والله ماا انا اريد اطفيه "
غَيهب " نام وعود اني اطفيه "
أيمن " غَيهب اريد انا اطفيه "
غَيهب " اشش ونام "
أيمن " ما انام براحة اذا ماطفيته "
غَيهب " تمام هسة اطفيه "
أيمن " لا لا هاهي ماريد اطفيه عوفه "
غَيهب " اطفيه حتى تنام براحة "
أيمن " لا ميحتاج "
غَيهب " تمام نام "
غَيهب " تره الساعة 1 وانتَ ما نايم؟! "
أيمن " عادي بيبي بعد وقت "
غَيهب " الوگت متأخر نام احسن ما اشگك "
غَيهب " و لازم تگعد من الصبح تدرس "
أيمن " اهوو ماريد ادرس! "
غَيهب " تدرس غصب "
أيمن " غَيهب خل اغيب الاحد والله ماعدنة شي حتى المدرسين ما يجون والكل يغيب حتى انس و اوس حيغيبون و الطلاب محد يداوم و حتى ميسجلون غياب فَ خل اغيب قبل لا يبلشون يسجلون بليززز غَيهبي "
سكت غَيهب وبقى صافن عليه و تتردد برأسه اسمه بياء التملك بصوت أيمن
أيمن " غَيهب ليش صافن "
أيمن " غَيهبب "
غَيهب " عيونه "
أيمن " اريد اغيب "
غَيهب " تمام "
أيمن " يعنيي اغيبب؟؟ "
غَيهب " اي "
انصدم ايمن لأن غَيهب اقتنع بسرعة وما عانده وعصب
غَيهب " اذا ما تنام اغير رأيي "
أيمن " اريد انام بس منعسان "
غَيهب " غمض عيونك و شوي وحتنام حتى لو منعسان "
سكت أيمن و صفن
وغَيهب يباوع لأيمن
ورة ربع ساعة نام أيمن و غَيهب نومه بصفه و حضنه ونام وياه

__________________________________
مدري احس معجبني
وصارلي اسبوع حاير انشرو لو لا
وبالاخير قررت انشرو حتى لو محلو 😭.
وأسف لأن البارت قصير
هسة اعوضكُم وانشر انوب بارتين 🤏🏻.