رواية مَحبوبي . الفصل الخامس عشر 15 - بقلم نيني 🎀.

* عند أيمن و غَيهب *
ورى ما صعد أيمن تمدد على السرير و أجة غَيهب و حط إله المغذي
گعد يمه على السرير و كان أيمن هادء بشكل غريب
بس من يزعل يصير هيج هادء
غَيهب " شطلعك انتَ! "
غَيهب " أني مو محذرك متطلع؟. "
مارد عليه أيمن بقى ساكت و صافن على الحايط
غَيهب " سوالك شي؟ "
أيمن " لا "
غَيهب " متأكد؟ ما اغتصبك؟ ما ضربك؟ "
أيمن " بس ضربني "
كان أيمن يحجي وصافن على الحايط ما يباوع بوجه غَيهب
غَيهب " وين ضربك "
أيمن " بكل جسمي "
تقرب غَيهب منه و نزعه تيشيرته
و كان جسم أيمن الابيض كله جروح ويطلع دم
غَيهب " ابن الكحبة هاي شمسوي ييك "
غَيهب " گوم اسبح ومن تطلع احطلك المغذي واعقم الك الجروح "
ما حجة أيمن اي كلمة و وخر غَيهب المغذي عن أيده و گومه للحمام
نزعه ملابسه و فتح الدوش و وگف أيمن تحت الدوش
و بدأ غَيهب يفرك بشعره و يفرك بجسمه خفيف
بس هل شي كان كلش يأذي أيمن
بس بقى ساكت ماحجة شي
غَيهب " جاي اوجعك؟ "
أيمن " شوي "
كمل غَيهب بسرعة وطلعه من الحمام
طلع اله ملابس
نشفه ولبسه بس البوكسر يعقم جروحه بعدين يلبسه
غَيهب " اتمدد على بطنك "
تمدد أيمن على بطنه و راح غَيهب جاب المعقم و قطن و لزكات الجروح
بدأ يعقم جروحه واحد واحد و يحط عليهن لزكة جروح
ورة ما كمل حط اله المغذي
و تمدد بصفه
غَيهب " لتبقى تفكر ونام "
غَيهب " اني حبقى گاعد لحدما يخلص المغذي اوخره و انام "
حجة أيمن بصوت مبحوح " نام انتَ انا حبقى گاعد منعسان "
غَيهب " اش بدون عناد "
أيمن " ما اگدر انام حبقى گاعد "
غَيهب " نام وليدي لتبقى تفكر بهل شي صار من الماضي عوفه خيولي لا تبقى ضايج هيج "
" وداعة عيونك الساحلتني اخذ حقك منه بس اصبرلي  "
" نام و تگعد تلگاني دازلك فيديو اله "
أيمن " لتحلف بداعة عيوني وما ساحلتك و ميحتاج تاخذ حقي ولا شي "
" لو شما سوي ماحنسى ولا حرجع طبيعي "
" حبقى هيج لحدما ربي ياخذ امانته! "
غَيهب " اشششش و نام يلا "
غَيهب " دغمض عيونك و ريحهن و
ريح بالك شوية "
صفن أيمن بقى يفكر و عيونه مليانة دموع
نزلت دمعته و انتبه غَيهب اله
گعد عدل و سحبه لحضنه
غَيهب " وليداتي بس ليش تبجي؟ گلي شسوالك احجيلي لا تبقى ساكت "
بالگوة حجة كلمتين
" م-م-ما سوة شي "
گالها و شهگ و نزلن دموعه على خدوده
غَيهب " مو فطرته لگلبي بدموعك هاي "
غَيهب " كافي بجي يابعد عيوني ومايهن "
حجة هيج و باس دموعه و باس عيونه
غَيهب " أيمن حبيبي كافي بجي شوف عيونك شلون صارن حمر "
أيمن " تصرفاتك هاي تكسرني اكثر من الي سواه هوَ "
أيمن " ع-على الاقل هوَ شخص غريب ماعرفه ولا يعرفني شافني مرتين بس اما انتَ "
" انتَ ابن عمي الي ربيتني من و انا صغير انا وياك عشت وياك وشفتك اكثر من اهلي اعتبرتك اب و اخ و صديق و حبيب لك  كنت اعتبرك كلشي ملجأي الوحيد انتَ لا عندي اهل لا عندي اخوان ماعندي أحد غيرك كنت احبك حب مو طبيعي
افديك بروحي لك والله لو تريد عيوني ماحتردد ثانية وحدة و حنطيهن إلك وانتَ بالمقابل شسويت؟ كنت أبرد من الثلج وياي تعاملني كأني شخص غريب وجودي و عدمه واحد بالنسبة الك
متت عشت انتَ ما مهتم ولا داري اصلًا
من اعترفتلك عذبتني كسرتني فطرت گلبي و حجيت حجي بعمري ما حنساه
بعدين تغيرت و صرت زين و انا مثل الغبي نسيت كلشي و رجعتلك
نسيت كل سوالفك الخايسة نسيت كلشي ماهتميت بشي بگدما كنت مهتم تبقى وياي
وانتَ حضرة جنابك كنت ماخذني شهوة
أخذت مني الي تريده و عفتني
الشخص الي كنت معتبره كل اهلي و ناسي بالاخير گال عني مجرد گحبة و ناجه
غَيهب أنا طلعت گحبة؟ لك انا الناس لو يدوسون على ضلي ابتعد و اخاف و احس نفسي خنتك و خنت حبي إلك
كنت أحبك حب نقي
ما كنت حجيب طاري ذيج السالفة ابدًا
انتَ الي ردت تسويها مو انا
و بالاخير طلعتني انا الكحبة
تحملت رزايلك و اهاينك و غلطك و حقارتك تحملت كلشي منك
حتى من ترزلني كنت افرح لأنو حجيت وياي انت كنت اريدك بس تحاجيني و انتَ ولا همك كلهذا
تحملتك هواي و ما الي طاقة اتحملك بعد
نفسي بعد مگدر اتحملها
حبتعد عنك و اعتبر نفسك بس انتَ بالبيت ولا احاجيك ولا اي شي و كل واحد ياكل وحده و كلشي
و انا حدور خط يوديني للمدرسة
و كل هل حل مؤقت لحدما اصير 18 حتى اگدر اطلع وحدي
تحملني هل سنتين بس "
سكت غَيهب و بقى بس يستمع و ما حجة اي كلمة
لحد ما كمل كل الي بگلبه
غَيهب " مادري شگلك "
غَيهب " اسف "
غَيهب " اعرف مايفيد بس أسف "
أيمن " تمام "
غَيهب " سامحني "
أيمن " ماگدر "
غَيهب " من صدگ اعتذر منك "
غَيهب " ماجنت ادري بهل اشياء تضوجك وتبقى متذكرهن "
أيمن " شلون اگدر أنساهن وانتَ گايلهن "
أيمن " اعتذارك ما حيغير شي ماحگدر اسامحك ولا حگدر انسى حجيك "
أيمن " و اصلًا ما عندي اي ثقة بيك "
أيمن " كلشي ممكن تسوي ممكن تطلع كذاب و رجعت تضحك علية "
غَيهب " والله العظيم ما اجذب ولا اضحك عليك "
غَيهب " انتَ تدري بية مو يم هل سوالف ولا فارغلهن بس مدري شجاني و سويت هيج وياك و كلش متندم والله "
أيمن " مايفيد الندم هسة "
أيمن " خلص سد الموضوع و من اليوم اعتبرني شخص غريب ولا تحاجيني ولا احاجيك حتى نومتي حخليها عكسك حتى متشوفني
وانتَ تگدر تسوي مثل ماكنت تسوي قبل
من تبقى بالمقر حتى متجي وتشوفني ههه "
غَيهب " شمدريك "
أيمن " عبالك فاهي و ماعرف بيك؟ "
أيمن " أعرف كلشي و دائمًا أسمعك تحجي عني يم أيهاب و وَهاب و تگول الهم ابقى هناك حتى ماشوفه لأنك مطايق شوفتي "
" تگول أنا بلوة و نزلت عليك و انتَ ابتليت بية "
" غَيهب أنا مو ذنبي أهلي توفو و بقيت وياك مو ذنبي معندي غيرك "
" إذا هلگد متريدني ليش ما خليتني ابقى يم عمي و هوَ الي يربيني "
" ليش انتَ اخترت ابقى يمك "
" أي ابوك وصاك علية بس انتَ تكدر متسمع كلامه تكدر تعوفني ما كنت مجبور بهل شي "
غَيهب " أمني عليك خلاك أمانة برگبتي "
غَيهب " و حتى لو ما أمني ما جنت حعوفك "
أيمن " ليش "
أيمن " ليش مبقيني وياك إذا انا عبء عليك "
سكت غَيهب ما كان عنده رد
أيمن " تمام لتجاوب "
" وخر خل اگوم "
غَيهب " أبقى خل يخلص "
أيمن " وخر خل اگوم من حضنك "
غَيهب " أبقى لحدما يخلص "
أيمن " گتلك وخر "
غَيهب " أيمن بلا عناد "
ورة كم دقيقة خلص المغذي و وخره عنه
أيمن " روح نام بغرفتك "
غَيهب " أنام يمك "
أيمن " گتلك من اليوم نعتبر غرباء "
غَيهب " اشش اش لا تمضرط "
أيمن " كافي "
غَيهب " أيمن اعتذرت منك و اعترفت بأغلاطي و طلبت منك تسامحني شسوي اكثر من هيج بعد! "
أيمن " و بهل سهولة اگدر اسامحك؟ "
أيمن " غَيهب رجاءًا أطلع برة أريد انام "
غَيهب " ما اطلع گتلك أنام يمك "
أيمن " بس لمرة وحدة أسمعني و سويلي الي اريده! "
أيمن " مرة وحدة لا تمشيني على كلامك لا تغصبني على اشياء ماريدها "
غَيهب " تمام "
گام غَيهب طلع برة
بقى أيمن يبكي وحده
كان غَيهب واگف يم باب غرفة أيمن و كان يسمع صوت بكائه
مايعرف شيسوي
جان گلبه يتفطر عليه و جان من صدگ ندمان بس أيمن ميقبل ينطيه فرصة
بقى أيمن يبكي لحدما نام
صار هدوء و غَيهب عرفه نام
دخل للغرفة بهدوء و راح يمه شاف دموعه على خدوده باسهن و مسحهن و بقى يبوس بيه
غَيهب " تصبح على خير وليدي "
" نوم العوافي "
باسه بوسة اخيرة و طلع
راح بغرفته و ماگدر ينام بسبب التفكير بـ أيمن
و هم بسبب الارق
بقى يفكر لحد ما صار الصبح گام سبح و اكل و طلع لشغله

__________________________________
أي غلط غلسو عليه 👈🏻👉🏻
البارت احس مو كلش عاجبني
الشروط
80 ڤوت
50 تعليق
ولا تعلقون تعاليق فارغة او أيموجيات او نقاط حتى يكملن الشروط بسرعة 😭😭.
ترا ما احسبهن
ما انشر الا لما اشوف 50 تعليق كلامم
و هم ترا ما انشر الا لما يكملن الشروط كملوهن بسرعة حتى انشر البارت الجاي
و أسف على البارت القصير بس انا فهمتكم و گلت مگدر اكتب بارت طويل
رجاءًا أفهمو
و من تردون بارتات هواي بالاسبوع سوو الشرط بسرعة حتى أنشر