الفصل الثالث عشر

رواية مختلفة الجزء الثالث عشر 13 بقلم وتين خالد مختلفةرواية مختلفة الحلقة الثالثة عشر -قمت كأني بحاول أهرب من الأفكار اللي بدأت تيجي في دماغي ‏دخلت المطبخ، غسلت الكوباية اللي كنت شربت فيها الأيس كوفي… وبعدها رجعت أوضتي ‏كل شوية ببص للموبايل… ‏وأول ما الشاشة تنور، قلبي يدق ‏كنت مستنية منه أي رسالة…أي مكالمة…أي حاجة تطمني منه ‏وفجأة… ‏رن ‏ابتسمت تلقائي أول ما شفت اسمه ‏ـ ألو؟ ‏~ حبيبتي… عاملة إيه؟ ‏مجرد ما سمعت صوته…

‏كل الخوف اللي كان جوايا هدي شوية ‏ـ الحمد لله… وأنتَ؟ ‏~ كويس… قلت أطمن عليكي قبل ما اتشغل علشان عندي ميتينج مهم ‏ابتسمت من غير ما أحس و انا بقول : ‏ـ ربنا معاك يا حبيبي ‏~يا رب ‏سكت ثانية، وبعدها قال بقليل من القلق: ‏~ مالِك؟ صوتك هادي زيادة عن اللزوم النهارده -اتوترت..انا مش عايزة اكدب عليه ،و بردو مش عايزة اقول حاجة فقولت : لا… عادي أنا تمام ‏~ موج… متأكدة إن مفيش حاجة؟ ‏بصيت قدامي شوية…

‏وكان قدامي ألف فرصة أسأله ‏أقوله عن الصورة…وأقوله عن الرسالة…لكن لو طلعت فاهمة غلط؟ ‏ولو مجرد سؤال مني جرحه؟ ‏بلعت ريقي وقلت بسرعة: ‏ـ لا يا أدهم… مفيش حاجة ‏حسيت انه لسة شاكك في نبرة صوتي و خفت يقلق فقولت علشان اطمنه : -ممكن تجيبلي و انتَ جاي حلويات و هبعتلك معلش نوع بهارات محتاجاه ‏~عيوني لعيوني طبعاً..حاجة تاني عايزاها اجيبها -ممم.. تقريباً لا بس لو افتكرت حاجه هتصل بيك او ابعتلك ‏فضل ساكت كام ثانية…

‏وبعدين قال بنفس الحنية اللي متعودة عليها : ‏~ تمام… بس لو في أي حاجة مضايقاكي قوليلي، ماشي؟ ‏ـ حاضر ‏~ يلا اسيبك انا علشان متأخرش… ادعيلي ‏ـ ربنا يوفقك ‏~ بحبك ‏ابتسمت رغم الدموع اللي بدأت تتجمع في عيني و قلت : ‏ـ وأنا كمان ‏قفلنا المكالمة…وفضلت ماسكة الموبايل بإيدي ‏هزيت راسي بعنف و قلت لنفسي : ‏ـ كفاية بقى يا موج…أنتِ بنفسك قولتي إنك واثقة فيه

‏و لو يعني هو عمل كدة هيعاملني بالحب ده كله ليه ولا نظراته ليا هتبقى كإني اغلى انتصاراته ليه ‏فضلت قاعدة مكاني شوية ببص للموبايل ‏وبعدين حطيته على الترابيزة وقومت أكمل شغل البيت ‏خلصت باقي اليوم، ولما قرب ميعاد رجوعه بدأت أجهز العشا ‏و بعد حوالي ساعة… ‏سمعت صوت باب الشقة بيتفتح و هو بينادي عليا ‏ـ موجي… حبيبي …أنا جيت ‏ابتسمت من غير ما أحس، وخرجتله علطول ‏كان شايل أكياس في إيده ، وأول ما شافني ابتسم و قال:

‏~ بصي… جبتلك الحلويات اللي طلبتيها و الي بتحبيها، والبهارات كمان… بس الصراحة لفيت على كذا مكان علشان ألاقي النوع اللي بعتيه ‏بصيت للأكياس، وابتسمت ابتسامة صغيرة و قلت -معلش حقك عليا و تعبتك معايا ‏هز راسه وهو بيقرب مني ‏~ فداكي اي تعب و اي حاجة يا روحي ‏ومد إيده يطبطب على راسي بخفة -قربت منه و بوسته من خده و قلت : بس انتَ بردو جاي تعبان ‏~ ها… هتفضلي مخبية عليا مالك؟ ‏اتوترت للحظة لكن ابتسمت وقلت :

‏ـ مفيش حاجة… يمكن علشان كنت لوحدي طول اليوم و شغلي كان كتير شوية ‏بصلي كام ثانية…كأنه بيحاول يتأكد إني بقول الحقيقة و في الآخر ابتسم و قال : ‏~ خلاص… المهم إنك كويسة ‏قضينا باقي اليوم سوا و اتعشينا مع بعض ‏وكان بيتعامل معايا بنفس اهتمامه المعتاد ‏لدرجة إني ابتديت أحس بالذنب ‏ذنب إني سمحت لصورة مجهولة تدخل الشك بيني وبينه ‏وفي آخر الليل كنت نايمة في حضنه كعادة جديدة مبقتش اعرف انام من غير ما اعملها

‏و رحت في النوم و رميت اي افكار تافهة من دماغي ‏~~~~~~~~~~~~~~~~~~~~~~~~~~~ ‏تاني يوم ‏اليوم عدى عادي كله بهدوء نفس الروتين بتاعي.. ‏وأول ما الساعة قربت من سبعة. ‏سمعت صوت باب الشقة بيتفتح ‏ابتسمت تلقائي كعادتي و جريت على الباب و انا بحضنه ‏ـ حبيبي… حمد لله على السلامة ‏~ الله يسلمك يا حبيبتي ‏قرب مني، وباس راسي وهو بيبتسم و قال : ‏~ وحشتيني ‏ـ وإنتَ كمان ‏خلع الجاكيت وهو بيتنهد بتعب

‏~ النهارده اليوم كان قصير بس كان متعب جداً ..يادوب خلصت كل حاجة و جيت ‏ـ طب اقعد وارتاح، أنا هحضر العشا علطول ‏اتعشينا سوا… ‏وكان بيحكيلي عن الشغل و يومه، وأنا بحكيله عن يومي ‏كل حاجة كانت طبيعية ‏~~~~~~~~~~~~~~~~~~~~~~~~~~~~ ‏بعد العَشا ‏قال وهو بيقوم من مكانه : ‏~ هفتح الفيلم اللي قولتلك عليه… يلا تعالي ‏ـ حاضر… بس هقوم أعمل فشار الأول ‏~ تمام… وأنا هحضر الفيلم و هستناكي

‏راح هو على الصالة، وقعد قدام شاشة التلفزيون على الكنبة، وبدأ يدور على الفيلم ‏أما أنا دخلت المطبخ ‏حطيت حلة الفشار على النار، ووقفت مستنياها تستوي ‏وفجأة… ‏رن موبايلي بإشعار رسالة ‏ابتسمت تلقائي… ‏افتكرته أدهم باعتلي حاجة وهو في برا عادي…يمكن مش قادر ينادي عليا مثلا ‏مسكت الموبايل… ‏لكن أول ما بصيت للشاشة… ‏اختفت الابتسامة من على وشي! ‏نفس الرقم الرقم المجهول ‏اتقبض قلبي ‏بصيت ناحية باب المطبخ…

‏كان أدهم لسه قاعد برا ، وصوت التلفزيون واصل لحد عندي ‏رجعت بصيت للموبايل ، وكانت رسالة واحدة ‏من غير أي كلام مجرد فيديو بس ‏إيدي بدأت ترتعش…وقلبي بيدق بعنف ‏فضلت باصة لعلامة التشغيل ثواني… ‏وأخيرًا… ‏ضغطت عليها علشان الفيديو يشتغل ‏أول ما ضغطت على الفيديو ‏ظهر ممر طويل..واضح من شكله انه ممر فندق ‏في الأول استغربت لان مفيش حاجة و الممر فاضي ‏فضلت باصة للشاشة وأنا حاسة إن قلبي هيقف ‏وفجأة… ‏ظهرت ندى

‏كانت ماشية بخطوات سريعة، لحد ما وقفت قدام باب أوضة قريبة من الكاميرا الي بتصور الفيديو الي بشوفه ‏بصت حواليها يمين وشمال ، ‏وبعدين خبطت على الباب ‏بعد ثواني…الباب اتفتح ‏وأدهم ظهر ،كان لابس تيشيرت أسود وبنطلون اسود بيتي ‏واضح إن الأوضة دي بتاعته ‏وقف قدامها، وفضل يتكلم و ‏ندى قالت حاجة بردو ‏بس مكنش فيه صوت للفيديو فمعرفتش بيقولوا ايه ‏فضلت تتكلم كام ثانيةو بعدين ‏دخلت الأوضة والباب اتقفل!

‏اتجمدت مكاني…وحسيت نفسي مش قادرة آخد نفسي ‏ثبت عيني على الفيديو ، كان مجرد باب مقفول ‏و بعد حوالي دقيقة ، و شكل الفيديو اتسرع من الايديت نفسه ‏الباب اتفتح و خرجت ندى ‏كانت بتظبط شعرها بإيديها ، ‏وعدلت ياقة الشيميز اللي كانت لابساه ‏وبصت حواليها بسرعة…وبعدين مشيت ‏وقبل ما الفيديو يقف بثانية… ‏ظهر أدهم واقف عند باب الأوضة ‏الفيديو وقف ‏و أنا عيني اتسعت و أنا مصدومة و ببص للشاشة ‏وقلبي كان بيدق بعنف لدرجة حسيت انه هيقف

‏همست بصوت متقطع: لا ..لا مستحيل ..ايه ده ‏فضلت أشغل الفيديو مرة… ‏واتنين…وتلاتة…يمكن ألاقي حاجة فاتتني او مشوفتهاش، يمكن ألاقي تفسير ‏لكن كل مرة…‏كنت بشوف نفس المشهد ‏وفي اللحظة دي… ‏وصلت رسالة جديدة من نفس الرقم، كان مكتوب فيها ‏”ده علشان شكلك مصدقتيش الصورة الي فاتت” ‏وقبل ما أستوعب أي حاجة… ‏سمعت صوت أدهم جاي من الصالة ‏~ موجي… خلصتي؟ ..الفيلم بدأ ‏شهقت بخضة ‏قفلت الموبايل بسرعة…

‏ومسحت دموعي الي محستش انها نزلت اصلا بطرف كُم البيجامة ‏بصيت لنفسي في شاشة الموبايل السودة… ‏وحاولت أرجع ملامحي طبيعية ‏خدت حلة الفشار بإيد مرتعشة و فضيتها في طبق ‏واتحركت ناحية الصالة ،وكل خطوة كنت باخدها كنت حاسة اني هقع ‏كان قلبي بيكَذِب اللي شافه و بيطلع مليون تفسير ‏وعقلي كان مصدق ‏قعدت معاه و مرضتش اقعد جنبه او في حضنه ، لكنه شدني ليه و قعدي غصب عني ، وشغل الفيلم

‏مكَملش الفيلم نص ساعة و مقدرتش اقعد اكتر من كدة ، ‏صراع بين عقلي و قلبي مخليني مش قادرة اتنفس -قمت من جنبه و شيلت ايده من عليا ‏~رايحة فين؟ -هدخل الحمام ‏~ماشي هستناكي -لا كمل الفيلم انتَ ‏و سيبته و مشيت دخلت الحمام و التليفون كان معايا ‏فضل واقف مكانه وعينيه مليانة صدمة ‏~ موج… إنتِ بتقولي إيه؟ ‏ـ اللي سمعته…طلقني ‏~ مستحيل ‏إيه اللي حصل في الوقت ده ..احنا كنا كويسين من شوية..ايه خلاكي تقولي الكلام ده؟

‏ـ ياريت متسألش ‏~ يعني ايه مسألكيش..إنتِ مراتي..ولحد دلوقتي مش فاهم إيه اللي حصل ‏قرب مني خطوة تاني ‏فرجعت لورا بسرعة و قولت : ‏ـ متقربش ‏وقف مكانه فورًا، ورفع إيده باستسلام ‏~ قال و هو بيشد في شعره من العصبية : حاضر مش هقرب ‏بس بالله عليكي قوليلي عملت إيه؟ ..إيه غلطي؟ ‏فضلت باصة له ثواني… ‏والدموع بتنزل من غير صوت ‏كنت نفسي أصرخ… ‏وأقوله كل اللي شوفته…لكن ‏كل حاجة كانت بتقولي إن مفيش فايدة من الكلام ‏هزيت راسي

وأنا بمسح دموعي و قولت : ‏ـ خلاص يا أدهم…كل حاجة انتهت ‏وشيلت الدبلة من صباعي وحطيتها على الكومود ‏أول ما شافه وشه شحب ‏~ لا…موج… بالله عليكي متعمليش كده و سيبينا نتكلم ‏سيبيني حتى أعرف أنا غلطت في إيه و ايه سبب كل ده ‏لكني مردتش و لفيت بسرعة ‏وجريت على أوضتي القديمة ‏ودخلتها وقفلت الباب بالمفتاح على نفسي ‏في نفس اللحظة سمعت خطواته بيجري ورايا ‏و وقف قدام الباب وخبط عليه بخفة ‏~ موج…افتحي ‏مفيش رد

‏~ بالله عليكي متخوفنيش عليكي ‏بردو ولا كلمة ‏سند راسه على الباب وقال بصوت مكسور لأول مرة : ‏~ لو أنا غلطان… ‏قوليلي غلطت في إيه ، وأقسم بالله هصلحه ‏إنما متسبنيش كده…وأنا مش فاهم حاجة -كنت قاعدة على الارض ورا الباب ضامة رجليا لصدري ‏وحاطة إيدي على بُقي ، ‏علشان ميطلعش صوت عياطي ‏سمعته وهو بيخبط تاني ‏~ موج…ردي عليا ، قولي اي حاجة، حتى لوهتزعقي..اعملي أي حاجة بس متسكتيش كدة ‏عدت ساعة ‏وراها ساعة تانية…

‏وهو ممشيش من قدام الباب ‏كل شوية يخبط و يحاول يفتح الباب وكل شوية يحاول يكلمني ‏لكني فضلت ساكتة ‏~~~~~~~~~~~~~~~~~~~~~~~~~~~~~~~~ ‏تاني يوم… ‏فتحت عيني قبل الفجر ‏بصيت حواليا يمكن يكون ده كله حلم… ‏ب للأسف كله حقيقة ‏و مكنش فيه اي صوت في البيت..البيت كان هادي ‏فتحت باب الأوضة بهدوء ‏لقيته نايم على الأرض قدام الباب ‏وقفت ابصله لثواني والدموع لمعت في عينيا ‏لكني بصيت بعيد بسرعة ، و دخلت الاوضة التانية

‏جمعت شوية هدوم و حاجتي المهمة في شنط ‏وخرجت من الشقة من غير ما اعمل أي صوت ‏بعد حوالي ساعة… ‏أدهم فتح عينيه بسرعة ادرك انه نام غصب عنه ‏لقى الاوضة مفتوحة دخلها بسرعة و ملقهاش ، راح على الاوضة التانية و نفس النتيجة مش موجودة ، قلبه وقع اكتر ، فضل يدور في الشقة كلها زي المجنون و هو مش مصدق انها ممكن تكون مشيت ، و بالذات انها ملهاش حد تروحله ‏بعد شوية ..رن تليفونه ‏رد في أقل من ثانية ‏~ موج… إنتِ فين؟

‏سمع صوتها..كان بارد وهادي بشكل خوفه أكتر ‏ـ متدورش عليا ‏~ يعني إيه؟ ‏إنتِ مشيتي؟ ‏ـ أيوة ‏~ إنتِ فين طيب؟ قوليلي وأنا جاي حالًا ‏ـ مش هرجع يا أدهم ‏ساد صمت طويل ‏وبعدين قلت بنفس البرود : ‏ـ ورقة طلاقي ابعتهالي…وأرجوك متحاولش تدور عليا -مدتهوش مساحة يرد عليا و قفلت التليفون في وشه و قفلت التليفون خالص -بعد ما مشيت ، روحت فندق مش معروف اوي و حجزت اوضة لنفسي لغاية ما افكر هعمل ايه

‏حسيت اني مخنوقة فسمحت لنفسي اعيط و اطلع كل الي جوايا ‏كنت حاسة اني خسرت كل حاجة ‏و هنا ادركت انه كان بالنسبة ليا كل حاجة حرفيا ‏~~~~~~~~~~~~~~~~~~~~~~~~~~~~~~~ ‏أدهم : بقالي اسبوع بدور عليها و ملهاش اي وجود ، و تليفونها مقفول ، القلق ابتدى ياكلني ، اسبوع مدوقتش فيهم النوم ‏اصل يعني ايه عشر دقايق بس يشقلبوا حالها بالشكل ده؟! ‏جالي مأمورية آخر الاسبوع و كنت مش عارف هروح ازاي و انا مش مطمن عليها ولا اعرف هي فين

‏تليفوني رن بصيت لقيتها هي رديت بسرعة ‏~موج يا حبيبي انتِ فين بالله عليكي -اتكلمت بعصبية : متجيبش اسمي على لسانَك ولا تقولي يا حبيبي دي انا مش حبيبتك انا بكرهك و بطل كدب بقى ‏~مكنش مستوعب كل الي بتقوله فقال: خلاص مش هقول حاجة ..قوليلي بس انتِ فين و آجي نتفاهم مع بعض -ملكش دعوة بيا قلتلك ‏~ايه الي خلى قلبك قاسي عليا كدة -ياريت تطلقني قبل نهاية الاسبوع ده ‏وقفلت قبل ما اسمع منه اي رد تاني

‏فضلت أبص لشاشة الموبايل بعد ما قفلت… ‏هي مش قفلت المكالمة بس ، لا هي قفلت كل الطرق بينا ‏حاولت أتصل بيها مرة و اتنين و عشرة ‏كل مرة يديني نفس الاجابة ‏”الهاتف مغلق او غير متاح” ‏رميت الموبايل على الكنبة بعصبية، وعديت إيدي في شعري ‏~ ليه يا موج ‏إيه اللي حصل خلاكي تتغيري بالشكل ده؟ ‏فِضلت ألف في الشقة و أبص لكل ركن فيها ‏كل حاجة كانت بتفكرني بيها ‏كل رُكن ليها تفصيلة و اثر فيه

‏ولأول مرة…حسيت إن البيت فاضي و مفيهوش روح ‏عدى يوم… ‏ورا التاني… ‏وموج مكنتش بترد على أي محاولة أوصلها بيها ‏ولما بعتلها رسايل كانت بتقرأها ‏من غير ما ترد ‏وأخيراً في رسالة بعتتها ‏كتبتلي ‏”أنا قولتلك اللي عندي… ورقة طلاقي ابعتهالي يا إما هرفع قضية” ‏وقتها عرفت إنها مش مجرد لحظات غضب و هتروح مع اصراري ‏لا هي كانت واخدة قرارها و مِرتبة كل حاجة ‏ورغم إن كل ذرة جوايا كانت رافضة…إلا إني اضطريت أبدأ إجراءات الطلاق

‏وأنا لحد آخر لحظة… ‏مش فاهم أنا بتعاقب على إيه ‏~~~~~~~~~~~~~~~~~~~~~~~~~~~~~~ -كنت قاعدة في أوضة الفندق‏ ببص للسقف بشرود ‏فضلت ماسكة الموبايل فترة طويلة مترددة لحد ما أخيرًا… ‏اتصلت بالرقم ‏رنيت كذا مرة لحد ما رد ‏~ ألو؟ ‏سكت ثواني وبعدين قولت بصوت واطي : ‏ـ عاصم… ‏اتغير صوته فجأة و قال : ‏~مين؟ -أنا…أنا موج ‏~ موج! و عايزة ايه ؟ ‏ـ معلش محتاجة مساعدتك. ‏سكت لحظة…وكأنه مستغرب إني أول مرة أطلب منه حاجة ‏~ قولي

‏ـ محتاجة منك فلوس معلش و هبقى ابعتهم ليك لما اظبط أحوالي ‏~انتِ كويسة؟ -زفرت نفسي جامد و قولت : الصراحة لا ‏~ايه الي حصل ..انا بقالي كتير معرفش حاجة عنك من بعد ما امك جت هزقتني بعد ما بابا اتوفى علشان اشتكيتي مني ليها -عاصم بجد انا مش قادرة.. بس انا معملتش حاجة هي كدبت عادي و اخترعت الفيلم ده و أنا معرفتش اكلمك تاني بانهي وش بعد ما عرفت انها بهدلتك و كانت قليلة الزوق معاكم ‏~خلاص الي راح راح انتِ في ايه دلوقتي

-حكيتله اني اتجوزت و محكيتش تفاصيل و قلتله اني اتطلقت و مفيش مكان اروحه -فمعلش لو مش هتقل عليك محتاجة مبلغ صغير ‏~هحولك الفلوس حالاً -شكراً يا عاصم بجد ‏~شكر ايه انتِ اختي متقوليش كدة…انتِ فين دلوقتي -قاعدة في فندق لغاية ما اعرف هعمل ايه ‏~قال بعصبية : ابن ال**** سابك تقعدي في فندق ال**** -خلاص يا عاصم كفاية ..هو معملش حاجة انا الي سيبت البيت و مرضتش آخد من فلوسه و فلوسي انا خلصت ‏~زفر

انفاسه و قال : طيب بصي.. دلوقتي خالتِك رجعت من دبي هي و أمير ابنها ، عرفت ده لان انا و أمير لسة على تواصل ببعض و هما معرفوش يوصلوا ليكي… ‏~انتِ دلوقتي شوفي اقرب مواصلة توديكي اسكندرية و انا هبعتلك عنوانها مع الفلوس و هتابعِك -دموعي لمعت في عيني و قلت : شكراً ‏سكت شوية وبعدين قال بهدوء: ‏~ موج…أنا عارف إن علاقتنا عمرها ما كانت أحسن حاجة بس مهما حصل إنتِ أختي ، ولو احتجتي أي حاجة كلميني

‏~ يلا اقفلي دلوقتي واحجزي أول مواصلة لإسكندرية ‏متفضليش لوحدك كدة -حاضر هعمل كدة -قفلت المكالمة وبعد دقيقة ‏وصلتني رسالة فيها العنوان بتاع خالتو… ‏ورسالة تانية من البنك بتأكيد تحويل الفلوس ‏بصيت للشاشة… ‏ولأول مرة من ساعة ما خرجت من بيتي حسيت إن قدامي مكان أروحه و ابقى مرتاحة فيه ~~~~~~~~~~~~~~~~~~~~~~~~~~~

ادهم : مبقاش قدامي حل غير اني انفذ رغبتها ، مش عارف اوصلها باي طريقة ، في كلام من حقي اقوله ، و من حقي افهم ،و مش عايز ابعدلها في المحاكم مهما حصل فهي مراتي …او كانت مراتي مسافر انهاردة الفجر المأمورية ، و بعد الي حصل هنا ، فانا مش هقدر اكمل في نفس المكان الي عيشت فيه اسعد ايام حياتي

فقررت اني لما اطلع المأمورية هوافق على تعييني برا في الجهاز الامني بعد ما كنت رافض الفكرة ، بس دلوقتي مفيش حاجة تخليني افضل هنا او مسافرش ~كنت عند المأذون و قدامي ورق الطلاق *يلا يا بشمهندس أدهم اتفضل امضي هِنا القلم كان في ايدي بس مش قادر امضي و بعد محاولات مع نفسي و بعد مرور شريط ايامي الحلوة كله معاها قدامي ،نزلت دمعة من عيني مسحتها بسرعة و أخيراً مضيت مكنتش مجرد امضاء و خلاص، أنا حسيت كإن جزء مني اتكسر

»»»»»»»»»»»»»»»»»»»»»»»»»»»»»»»»»»»»»»»