رواية مختلفه عنهم الفصل الثاني والثلاثون بقلم اوسار

32 والاخير

قصي: مرتاح من قراري هذا جانت تكدر تنفذ الي اريده وتطلع وياي وويه غيري وشمدريه رجلهه لاراح يعرف ولايحس وتعيش حياتهه وشبابهه وحته اذا عرف ميكدر يحجي شيكول مااخذتهه ويفضح نفسه الي مثله انام واني باامان مرتاح اعرف راح تحافظ عله شرفي واسمي
رحت للدلال كتله يشوفلي بيت صغير واخذت غده ورجعت
هههههههههه كعدتهه تضحك هيه وثوبهه وحافيه وشعرهه ممشط
شنو هل خلقه شمزوج طفله بالروضه اني شبيج بس تباوعين مثل الهبله
مريم: والله ممفتهمه شي هسه شنو اني شوكت ينطم عاري شوكت ا…
قصي: اشششش زماله صرتي مرتي يعني بااسمي شحده الي يجيب طاريج
مريم: يعني شلون مرتك
قصي: يعني راح اكفخج ماكو هيج غباء ازوجتج وبعلم ابوج واطيته العقد بيده ايوديه لليجيب سيرتج
مريم: ها
قصي: وجعا ههههههه كومي اكلي وعدلي كفشتج
مريم: يعني هسه اني مرتك
قصي: لاضرتي ولج شده الغي من الصبح اي مرتي
واكفه كبالي صارت بحضني وتصيح الله يستر عليك مثل ماسترت عليه والله اعيش خدامه الك طول عمري
مريم: مصدكت يعني منفضحت ابويه مراح بغلطي خواتي مطلكن الحمدلله ربي جريت ايده ده ابوسهه مقبل وخر نزلت ابوس رجلهه
قصي: لج كافي تخبلتي رفعتهه انتي مرتي موخدامتي وبيوم اتمنيت اخليج تنذلين الي وتتزلين اتبوسين القنادر بس هسه لا لان لمثلج تنحط عل راس كافي بجي تره طولت خلك ليش اتخليني اكلب عله قناه سته رفعت ايد اهددهه
مريم: لالا هذاهوه والله ركضت غسلت احمد ربي سترني
قصي: بيومهه عفتهه بشقه رحت شفت لبيت الي عد لدلال حلو مشتمل وبي حديقه صغيره اخذته لان بقيتهه بشقه غلط هاي الشقه جانت للجمعات واصدقائي كلهه تندلهه والي عده وحده وحاير يجي بيهه اطلع منهه احسلي طبيت لمحل ملابس اخذتلهه كم شغله للبيت تمشي نفسه بيهن ضلينه 8ايام بشقه بس متقربتلهه بعد هيه بمكان واني بمكان خلصت البيت واثثتهه وجبتهه بيه شنو رئيج حلو
مريم: يطلع الصبح يرجع بليل ياكل وينام اسلوبه عادي ويايه ومتقربلي بعد اخذني لبيت حلو صغير ململم بس يرادله ترتيب
اي حلو كلش
قصي: هذا بيتنه صار
مريم: والشقه
قصي: الشقه متلوكلج ختولي يله هذا بيتج عدلت الي اعرف عليه الباقي عليج واني اساعدج بس مو تتعلمين هههههه
ضلينه نرتب بالغراض لليل يله خلصنه يله كافي كومي سبحي ونامي كلج تراب طبت سبحت وطلعت طببيت وراها شفتهه نايمه بالغرفه طبيت يمهه
مريم: ايساعدني بس كل شويه براي ساعه ايعيط ساعه يغلط ساعه يضحك يشاقه واني وياه وياه تعبت كلش سبحت وطلعت انام شفته طب للغرفه كمت
قصي: وين شكو نامي تره زوجج وماريد شي لتخافين بس انام عله فراش واحد كلمه رجال مااتقربلج اذا موانتي تردين هل شغله نامي بمكانج
اول محطيت راسي نمت الصبح كعدنه كملت الناقص من ترتيب البيت العصر اخذتهه تشتري هدوم احذيه كلشي ماعدهه وبالكوه تاخذ اخر شي كمت اني اختار هدوم طلعه وهدوم البيت اخذت كم سيت عجبني وبجامه مال نوم حرير تصير احسن من الي تلبسهن اخذتلهه3 ضلت مصيبه لملابس الداخليه
مريم: هوه يختار وهوه يشتري اني بس واكفه اشيل العلاليك طبينه لمحل البسه نسائيه عزه هاي شلون
قصي: يعني شلون ذني هم اني اشتريهن هسه لو اعرف القياس ميخالف روحي بنيه واكفه اشتري فضيهه بسرعه
مريم: اخذت كم قطعه وهوه واكف عله صفحه اخذ عطور وقراصات وماعرف شنو
قصي: انهد حيلي من الفره رجعتهه للبيت ولفيت راسي ونمت كعدت المغرب شفتهه فارشه جرجف وتصلي اني اشتريت قران وسجاده وين حطيتهن اف بسياره بعدهن رحت نزلتهن اطيتهياه كيفت بيهن تصرفاتهه ببراءه تخليني اتعاطف وياهه واندمج بعالمهه عالمهه المختلف عنهم كل الي عرفتهن مجانت اكو وحده عدهه هيج براءه وعفويه خلاني احسب لكل بسعر واحد واقرر ان مستحيل اربط نفسي بوحده
كل يوم انام عله جربايه وحده امنع نفسي منع عنهه من تنام اضل اباوع عله وجهه ابتسامه ترسم عله وجهي من اشوف نقائها اتمنه قربهه مني اضل انتضر شوكت تندار عليه واذا مندارا اني احارشهه بخيط عله خشمهه اوباذنهه وهيه تضل تحك لمكان لحد متندار واخلي راسه بصدري واحس بنفاسهه الي تهدي انفاسي وتخليني انام احس عليهه من تكعد وتسحب نفسهه عله كيف حته لااحس هيه تنام بحضني واني امثل دور الي ميدري
مريم: عجيب من عدو لحبيب شلون ماعرف شلون اكعد والكه روحي بحضني اخجل واكول انتبه عله نومتي بعد وكل يوم نفس الشي بس احس حياتي ده تكمل مثل اي بنيه اكذب اذا اكول مامتمنيه قربه الي بس اخجل ابادر باي شي
قصي: 8ايام بشقه و19يوم بالبيت يعني27يوم تنام عله صدري واتمناها وامنع روحي هسه منعول تطي كلمه ليش وضال تحوص
اليوم اتعشينه وكالت تريد شي ليش وين رايحه
لا مرايحه بس حطب اسبح اسويلك جاي شي
لالا حطب انام
ضليت احوص بالفراش طبت للغرفه سويت روحي نايم حاط ايدي عله عيوني وبسابع نومه اصلا هيه. طبت عله رؤس اصابيعهه تمشي ضوه التيبلام مشتغل مسوي اناره هادئه بالغرفه فتحت شعرهه تنشفه بالخاولي تحطه بنص الخاولي وتفركهه بيدهه من الجهتين انوب ترجعه ليوره وتنشف من فوك راسهه مشطته ورحي ويه المشط تصعد وتنزل بت الكلب شطوله غير تفضهه روحي نار صارت بالف ياصبر شدته حطت عطر وجتي عله كيفهه عود دخلت جوه الغطه سويت روحي فزيت بحركتهه

مريم: اسفه كعدتك والله عود عله كيفي شلت الغطه

قصي: عادي عادي يله نامي تؤ تؤ شعرج مي ناطيتني ضهرج وكلج مي
مريم: اسفه اسفه هسه اكوم الفه
قصي: لتكومين هم من تجين تفززيني من نومتي ديري وجهج عليه بين مينشف شعرج اندارت عليه ضليت اباوع بوجهه ابتسمت ونزلت عينهه رفعت نفسي بستهه من خدهه شفتهه ممانعت نزلت شويه شويه وكل مانزل ابوسهه بهدوءلحد مصارت بوستي بين خدهه وشفتهه نفسه سريع تذكرت كلمت مو رجال اذا قربتلج بعدت عنهه اسف موقصدي تره اذكر الوعد تصبحين عله خير
رجعت عله مخدتي ده اندار لزمت ضهري التفت عليهه جرت ايدي دارتني عله ضهري نمت واخذت ايدي نامت عليهه عيوني تراقب حركتهه وهيه تباوع وتنزل عيونهه تبتسم بخجل حطت راسهه عله صدري ورفعت وجهه صار تنفسهه عله ركبتي صدرهه يصعد وينزل من تنفسهه السريع لازم نفسي كوه عنهه اريد بعد بعد تبين انها تريدني حسيت بشفتهه الترجف باست ركبت

هههه
كدالحركه هاي انتي
مريم: من باسني شعور غريب بداخلي صار ابتعد وذكرني بوعده ماعرف شنو الجرءه الي خلتني انام عله صدره وابوس ركبتهه بوسه خفيفيه كلي كد هل حركه
ضحكت
قصي: بله ضحك كد هل حركه مستعده تتحملين النتائج هزت راسهه اي خرب… بس موبعدين ينفتح نهر الشاميه مجره الفرات كله ينشف وعيونج متوكف
هههههههههه لا ماينفتح
خوش جنيتي عله روحج عله بركه الله شكد بيه شوق وتمني لقربه خليته يتحول لهدوء بكل هدوءابوسهه والمسهه لحد ماكمت اسمع ونهه من ابوسهه
يله تقربتلهه
مريم: عالم ثاني لابيه صوت خنكه ولاقوه ولاعياط ولاتتحركين وبالاخير اضل خايغه ليموت
مونفس الشعور الي حسيته باول مره ويه قصي قوه وضرب وحزن شعور مختلف رحت وياه لعالم ثاني اول مره ادخله همس بااذني اتحملي تره ذاك اليوم مكملنه اتحملي شويه
قصي: من تقربتلهه اول مره وحسيت بصعوبه كمت مكملت عرفت هل مره راح تتأذه طلبت منهه تتحمل لان اذا دفعتني ادفنهه بالكوه حامل روحي
اكوشي بداخلي يحس بااختلاف مواول مره اتقربلهه مريم ولااول بنيه اني اخذهه بس مجانن هيج مختلفه عنهم بكل شي حته ،بندماجهه الي يضهر انهه بين ايدي ورقه بيضه اني اكتب بيهه مومثل غيرهه رغم جانت حركاتهن تثيرني بس هسه هدوئها وبرائتها بين ايدي تثيرثي اكثر

عشت ايام حلوه وياها تحملت عصيبيتي ومزاجيتي روحي صارت بيهه بس اغار عليهه من الهوه اذا وصلت للكراج اتخبل وديتهه لاهلهه كم مره ادخل وياهه ساعه واكولهه كومي احله شي من تتلكاني بكامل اناقتهه بيتي نضيف هدومي مرتبه واكلي جاهز ماانام اذا موهيه بين ايدي اروح لدوامي اريد بس يخلص الوقت اذا مو نص الوقت اني احجي وياها بتلفون
اليوم بدوام واتصلت عليه نور هنتهه وسديته من طلعت لكيتهه تنتضرني
بحجه احبك وماكدر
مقارنه صارت بدماغي بين النقاءوالنضافه الي بين ايدي
وبين عرض انفسهن والقرف الي جنت اروحله طردتهه ليش انكس نفسي وعندي شي طاهره ومكفي وموفي
وره تقريبا شهر من زواجنه انتبهت مصار مانع يمنعني اتقربلهه سئلتهه كالت اي عده وقتهه ماعرف يمكن تخربطت
دكومي بدلي لاادفرج اخذتهه حللت الهه طلعت حامل هذاهوه حياتي كملت تركت الدرب لاعوج من اخذتهه بس متركت لمشروب بيوم الي سمعت بيهه حامل حلفت مااحطه بحلكي بعد
مريم: دائما جنت اقره فااصبر ان الله مع الصابرين الحمدلله جازاني صبري خير
كلام سعاد صحيح المره تحتاج الرجل مثل ماهوه يحتاجهه موفقط بالفراش لا بحنيته عليهه بعصبيتهه وغيرتهه عليهه بلهفته بضمهه بحضنهه حته بنومتهه تحسسهه هيه باامان
الحمدلله الله رزقنه ب قتيبه فرحت انه ولد لان هوه جان يتمنه ولد لان ماعنده اخ من امه وابوه امه ميته وهوه عمره 4سنين متربي بيد عماته وبيبيته لان ابوه مزوج عنده اخوان من مرت ابوه علاقته سطحيه بيهم
قصي: صار عندي قتيبه ووره قتيبه قائد وراهم اسماء الي كمت مااخاف عله الام بس لا صارت عندي بنيه هم يم حسين صرتي بثنين واخر العنقود رائد
الحمدلله الله هداني بعدت عن كل شي اتوجهت لربي واستغفرت عن كل شي سويته اولادي كبرو لحمدلله وره الاحداث غادرت العراق واستقريت بااحد الدول ملفي نضيف ماعندي شي بس صعبه ابقه بالعراق تعلمنه عله الحكم والالتزام والهيبه وذني ضاعن
الحمدلله عله كل حال اليوم زوجنه قتيبه وامه غارت تريد عرس تكولي مسويتلي عرس خلتنه نذكر ايامنه الحمدلله حلوه والمره واذا موهيج متمشي

يمكن قصتنه لاشئ بهواي قصص بس وافقت عله نشرهه لسبب ان اكو بعض اليابس الي رخص بنفسه غطه عله العود الاخضر الغالي وكل رجل مهما كان يدور الثكيله الي يكون هوه اول نقش بيهه
كشباب نحب نعيش ونستمتع بس بساعه قرار الارتباط لا يختلف واحله مابالالماس لمعته والنساءكالالماس تزين حياتنه وتطينه من بريقهه اذا كانت صافيه نقيه ومحافضه عله اغله شي عدهه
اما اذا كان الماس بلابريق هذا كل مايلمس يسود اكثر لحد مايتحول فحم لافاد نفسه ولافاد غيره
نعتذر اذا خطأنه بشئ ولكن نتمنه تفهمون قصدنه تحياتنه لكم

لاتعليق كل مره اعلق عله نهايه القصه ببعض الكلمات اليوم هذي القصه اقف امامهه صامته لاتعليق يناسب جمالها قد لاتعجب البعض لكني متاكده انها ستعجب الكثيرين كل مايناسبهه هوه قوله تعالي(سيجعل الله للمتقين من كل ضيق فرجا)
(فأن مع العسر يسرا)
دمتم بحفظ الله ورعايته كاتبتكم ورد العامري احبكم في الله استودكم الله عله موعد اللقاء بقصه جديده ترضي اذواقكم ان شاءالله
الى اللقاء(ورد العامري) 😘