تحميل رواية «مقتل جوليو ريجيني» PDF

...

قضية جوليو ريجيني

جوليو ريجيني طالب إيطالي الجنسية، عنده 28 سنة، جه مصر في يناير 2016.. جوليو كان بيحضر دكتوراه في جامعة كامبربدج البريطانية، وجه مصر عشان يعمل دراسة ويجمع مادة علمية عن الحركات والنقابات العمالية في مصر ضمن أطروحة الدكتوراه بتاعته.

وكان كل يوم متعود يبعت لأهله رسالة يطمنهم عليه، ويحكي معاهم عن العيشة في مصر، والدراسة اللي بيقوم بيها.

لحد يوم 25 يناير 2016، ذكرى ثورة يناير.. في اليوم ده كانت آخر رسالة نصية وصلت لأهل جوليو الساعة 8 إلا ربع مساءً.

وبعدها تليفونه اتقفل واختفى 📵

وطبعًا لما بطل يبعت لأهله الرسايل المعتادة، قلقوا عليه جدًا، خصوصًا إن دي ذكرى الثورة، وخافوا لتكون في حاجة حصلت في مصر تاني ويكون ابنهم اتأذى بأي شكل من الأشكال 😔

وطبعًا بلغوا السلطات المصرية باختفاء جوليو، وفضل مختفي لمدة تسع أيام كاملة.

لحد يوم 3 فبراير 2016 اتلقت الشرطة المصرية بلاغ من شخص مصري عن وجود جث.ة مجهولة الهوية كانت مرمية في خندق على الطريق الصحراوي اللي ما بين القاهرة وإسكندرية، بالقرب من طريق الجيزة في 6 أكتوبر..

وعلى طول الشرطة اتحركت على مكان الحادث، ولما وصلوا هناك لقوا جث.ة على الأرض ملفوفة في بطانية، وظاهر عليها علامات تعذ.يب شديدة جدًا، وكان واضح وضوح الشمس إن الجث.ة دي اتمثل بيها، وده واضح من التشوه اللي موجود في كل أجزاء الجسم 😢

طبعًا الطب الشرعي جه وعاين الجث.ة في مكان الحادث، وبعدها اتنقلت على الطب الشرعي عشان التشريح.. ولكن ما تمش إعلان النتيجة دي للإعلام، وحصل تضارب في أقوال الصحف والجرايد.

وعشان كده السلطات الإيطالية أخدت الجث.ة عندها عشان تعمل هي الفحص ده.

وكانت النتيجة كارثية.. 💔