تحميل رواية مكتوب في النجوم بقلم نور محمد pdf

يارا ملامحها كلها اتغيرت كان شكلها لا يبشر بالخير ابدا وقربت تاني من حبيبه وهي مصره تخلص منها المره دي بس حبيبه بعدت عنها بسرعه وقالت بتهديد وخوف: والله لو قربتي مني خطوه كمان انا هصرخ جامد وهلم عليكي العماره كلها فالاحسن ليكي تخرجي من هنا واخر مره اشوفك في اوضتي تاني فاهمه

يارا بصتلها بغضب بس بعدت عنها بخوف لان حبيبه كانت جديه اوي في كلامها وتوجهت لباب الغرفه وقالت: ماشي ياحبيبه فلتي من ايدي المره دي بس اوعدك المره الجايه هخلص عليكي بجد لو شوفتك قريبه من جوزي تاني ياخط,افه الرجاله

يارا خلصت كلامها وخرجت من الشقه كلها بغضب وضيق وحبيبه تهندت براحه ودموعها نزلت بخوف وهي بتضم ايدها بألم ووجع بس في الحقيقه وجعها حقيقي كان موجود في قلبها من حب طفولتها اللي وصلها للمرحله دي في حياتها

وهي لسه طفله صغيره بس شافت اللي محدش شافه في حياته من وجع وعذ,اب قعدت على السرير واحضرت علبه الاسعاف الاوليه وبدأت تضمض جر,,حها ودموعها كانت بنتزل بغزاره وحسره على حياتها التعيسه

وعلى الجهه الاخرى

دخلت يارا شقتها وتوجهت لغرفه نومها بعد مابدلت هدومها تاني بس وقفت بصدمه وخوف لما لقت حازم واقف قدامها

ورفع حاجبه بشك واستغراب من شكلها قدامه وقال بتعجب: انتي كنتي فين يايارا انا صحيت فجأه ملقتكش جنبي روحتي فين في الوقت ده؟!

يارا بلعت ريقها بتوتر وخوف وقالت: انا انا كنت بشرب ميه بس ياحبيبي ليه في حاجه؟!

حازم بصلها بشك وتفكير بس تهند ومسك ايدها وقرب من السرير وقال:لا مفيش بس قلقت عليكي ياله ننام بقى لان الوقت اتأخر اوي

يارا نامت جنبه وقلبها كان بيدق بعنف وقلق لغايه ماغلبها النوم ونامت هي وحازم

وفي الصباح في شقه جمال

جمال كان على السفره وحنان بتحط الاكل قدامه وفجأه خرجت حبيبه من غرفتها ووجهها كان اصفر وشاحب بسبب اللي حصل معاها في الليل

وجمال اول ماشاف شكلها وقف وقرب منها بقلق وقال: مالك ياقلبي وشك اصفر كده ليه و

قاطع كلامه لما عنيه وقعت على ايدها الملفوفه بشاش ابيض وقال بخوف: مين عمل فيكي كده ياحبيبه ايدك مالها ياحبيبتي؟!

حبيبه بصتله بتعب وتوهان وامها حنان قربت منها علشان تتطمن عليها وقالت: حبيبه ردي على ابوكي وقولي حصل معاكي ايه يابنتي انتي كويسه؟

حبيبه هزت رأسها بهدووء وقالت: ايوه انا كويسه متقلقوش عليا وده جرح بسيط بس انا انجرحت لما صحيت احضر ليا حاجه اكلها باليل

جمال بصلها بشك وقلبه مكنتش مصدق كلام حبيبه ابدا لان واضح على وجهها ان حصل معاها حاجه اكبر من كده بس تهند ومسك ايدها السليمه وقال بحنان: تمام ياحبيبتي تعال معايا علشان تفطري وبعدها انا هاخدك لدكتور علشان نتطمن على جرحك ده

حبيبه توترت اوي من كلامه وخافت تتكشف الحقيقه قدامهم فقالت بتعب وتوتر: لا انا كويسه اوي يابابا صدقني ده حرج بسيط مش محتاج اروح لدكتور يعني انا كويسه

جمال بصلها بستغراب بس محبش يضعط عليها فقال بحب: تمام زي ماتحبي يابنتي بس لو حصل معاكي حاجه وعاوزه تحكي انا موجود دايما اسمعك ماشي ياحبيبه

هزت حبيبه رأسها بتوتر وقالت: حاضر يابابا

جمال اخدتها وقعدوا على الفطار وكان بيأكلها بأيده بحنيه وحب وحبيبه كانت سعيده جدا بوجوده اللي دايما بيعوضها عن نقص أي شخص تاني في حياتها بجانب امها منبع الحنان طبعا

وعلى الناحيه الاخرى في شقه حازم

حازم جهز نفسه علشان يخرج النهاردا لشغل ولبس بدلته وظبط نفسه كويس وتوجه لباب الشقه

ونادي على يارا وقال: يارا انا خارج الشغل دلوقتي عاوزه حاجه مني ياقلبي

خلص كلامه بس مفيش رد وصله من يارا فتوجه لغرفه نومه بقلق ودخل وهنا اتصدم بشده لما شاف يارا قاعده على الارض قدامه وهي منهاره في العياط

فجرى عليها حازم بقلق وعدم فهم وقال: يارا مالك بتعيطي كده ليه اهدي مالك ياقلبي؟

يارا بصتله وجرت حضنته بقوه وقالت بصوت باكي ومنهار: بابا بابا ياحازم الداده رنت عليا وقالتلي ان بابا ما*ت دلوقتي

حازم انصدم بشده من الخبر ده وحاول يهديها شويه وهو بيقول:لا اله الا الله إنا لله وإنا له لراجعون كل نفس زائقه المو*ت ربنا يرحمه خلاص كفايه يايارا ده قضاء ربنا ادعيله بالرحمه دلوقتي ياحبيبتي

يارا كانت منهاره بشده وحازم كان حاضنها علشان تهدى وبعد وقت هديت شويه وبعدت عنه وقالت بدموع:انا عاوز اروح اشوفه فورا ياحازم ارجوك خدي عنده دلوقتي

حازم مسح دموعها بحنيه وقال:حاضر قومي غيري هدومك وانا هستناكي بره ماشي

هزت رأسها بسرعه ودخلت الحمام تغير هدومها وحازم خرج من الغرفه وتهند براحه غريبه وقال بهمس:يااه الحمد لله يارب اخيرا قبلت دعائي وخلصت منه يا ما انت كريم يارب

↚

يارا بعد دقايق بس خرجت وحازم اخدتها وراحوا عزاء ابوها سوى

وفي الليل رجع حازم لبيته تاني علشان يغير هدومه ويرجع ليارا تاني اللي سابها في غزاء ابوها لوحدها

نزل من عربيته وتوجه لعماره اللي ساكن فيها بس فجأه سمع صوت وحده ست تبقى جارتهم في العماره اللي قدامهم وهي بتنادي عليه

فوقف لها حازم بحترام وقال:نعم ياام محمود اتفضلي عاوزه حاجه مني

ام محمود بلعت ريقها بتوتر قدامه وقالت:لا يابني شكرا انا بس اول ماشوفتك نزلت من عربيتك قولت انزل الحقك قبل ماتدخل البيت علشان شوفت امبارح حاجه مهمه لازم تعرف انت بيها كمان

حازم بصلها بستغراب وتسائل وقال:حاجه؟! حاجه ايه يعني ياام محمود قولي انا سامعك

ام محمود حمحمت بخوف وقالت بهمس:بصراحه يابني انا من امبارح مش قادره انام من بعد اللي شوفته في شقه جمال ابوك احم قصدي يعني في اوضه حبيبه مراتك لانك عارف ان بلاكونه اوضتي قريبه منها و

قاطعها حازم بصدمه وحده لما سمع اسم حبيبه في الموضوع وقال:حبيبه؟! مالها حبيبه حصل معاها ايه يعني قولي بسرعه ياام محمود لو سمحتي

ام محمود قربت منه بخوف وتوتر وقالت:انا شوفت امبارح مراتك يارا عندها في الاوضه فستغربت الموضوع وقربت من البلاكونه بتاعتي علشان اشوف كويس وهنا انصدمت يابني لما لقيت معاها سكـ*ـينه وكانت عاوز تقـ*ـتل بيها حبيبه وهي نايمه بس ربك ستر وحبيبه فاقت ولحقت نفسها في اخر لحظه

حازم سمعها بصدمه وزهول والغضب ولع جوه قلبي وضم ايده بشده وتوعد وقال بغضب مكتوم:انتي متأكده من كلامك ده ياام محمود لانه لو طلع غلط انتي هتتأزي اوي مني صدقيني

ام محمود بلعت ريقها وقالت بصدق وتأكيد:لا يابني حد الله بيني وبين الكذب انا بقول الحقيقه وحتي هتلاقي مراتك حبيبه ايدها اليمين مجر*وحه لما مسكت قبل مامراتك يارا تقتـ*ـلها بيها انا شوفتها بعنيا

حازم عنيه اسوده وبص لام محمود وقال بغضب وتوعد ليارا:تمام شكرا ياام محمود على خدمه دي بس لو سمحتي الموضوع ده مش عاوز حد يعرف بيه هنا لانك عارفه ان يارا ابوها ما*ت النهاردا ومش عاوزين شوشره في الوقت ده وانا هتصرف معاها بطريقتي الخاصه تمام

هزت ام محمود رأسها بطاعه وقالت: حاضر يابني انا بس جيت اقولك علشان تتصرف انت معاها مش اكتر وكده عملت اللي عليا عن ازنك

ام محمود مشت من قدامه وحازم توجه فورا لشقه جمال ابوه وقلبه بقى بيدق بقلق ورعب على حبيبه

وصل قدام الشقه ورن الجرس ففتحت له حنان اللي قالت بضيق:افندم عاوز ايه ياحازم بيه؟

حازم بصلها بقلق وقال:عاوز حبيبه هي جوه مش كده نادي عليها عاوزها؟

حنان ضمت ايدها لصدرها بعتراض وقالت: وانت عاوزها في ايه بقى انا بنتي علاقتك بيها اتقطعت خلاص وسيبها بقى في حالها احسن كفايه اللي حصلها بسببك

حازم تجاهلها ودفعها ببرود ودخل نادى على حبيبه بس بدون فايده لغايه ماطلع له جمال من غرفته وقال:حبيبه مش موجوده هنا ياحازم طلعت فوق سطح العماره يابني

حازم بصله وتوجه للباب بصمت وحنان كانت هتجري خلفه بخوف على بنتها بس جمال مسك ايدها بسرعه وقال:سبيه يطلع لها حازم مستحيل يأزيها ياحنان وحبيبه محتاجه تقعد معاه دلوقتي

حنان بصتله بقلق بس جمال اخدها في حضنه وقال:صدقيني انا بعمل ده كله علشان حبيبه بس وبكره الايام تثبت لك كلامي ده ياحنان

حنان ضمته بقلق وخوف على بنتها بس جوها ثقه كبيره في جوزها جمال لانه عمره ماخذلها قبل كده

اما عند حبيبه فكانت قاعده على السطح وهي شارده زي العاده لما بتكون حزينه بتطلع هنا تقعد مع نفسها لغايه ماترتاح

بس المره دي طلع لها حازم اللي اول ماشافها قدامه وجه نظره تجاه ايدها الملفوفه بشاش الابيض وجرى عليها بقلق وخوف ومسك ايدها بحنان وقال:حبيبه انتي كويسه مش كده ايدك بتو*جعك صح تعالي معايا نروح لدكتور فورا نطمن عليها

حبيبه انصدمت من وجوده معاها لانها عارفه انه اخد يارا ومشى من الصبح بعد ماعرفت بخبر موت ابو يارا فبصتله بصدمه وزهول وقالت:انت جيت هنا ليه وسايب طنط يارا هناك لوحدها ده النهاردا اول يوم عزاء ابوها واكيد هي بحاجه كبيره ليك و

قاطعها حازم اللي قال بحده وانفعال:بس بس بقى ياحبيبه كفايه انتي هتفضلي لحد امتي كده انتي لازم تتعلمي متشفقيش على حد أزاكي وحاول يمو*تك كمان فاهمه

حبيبه توترت اوي من كلامه وقالت:انت قصدك ايه ياابيه انا انا..

رد عليها حازم بضيق وحزن:انا عرفت اللي حصل معاكي ياحبيبه بس وحيات عيونك ماهسيب حقك ابدا لكن الصبر حلو برضو

حبيبه وقفت بعد ماحست انها ممكن تضعف دلوقتي قدام كلامه لها فقالت:انا هنزل علشان اتأخرت اوي على ماما و

سكتت فجأه لما لقت حازم قرب وحضنها بقوه ودفن وجهه في رقبتها بعمق وقال بهمس وضعف: حبيبه انا محتاجك دلوقتي محتاجك اوي صدقيني

حبيبه تسمرت بين ايديه بضعف ونبضات قلبها بقت زي الطبول ومده ايدها تجاه صدره بتحاول تبعده عنها بضعف وقالت بكسوف:ابيه لو سمحت ابعد عني ميصحش كده انا..

قاطعها حازم اللي قرب من شفايفها بحتياج وحب وبعد دقايق بعد عنها وسند جبيبه على جبينها وقال بنفس عالي:انا عارف اني وجعتك اوي زمان ياحبيبه بس صدقيني انا عملت ده كله علشان تبقى معايا انا بحبك والله بحبك اوي

حبيبه تاهت في الصدق النابع من عنيه وحست ان قلبها هيقف من فرط سرعته بسبب مشاعر عشقها الكبير لحازم

وحازم ابتسم بحب وحملها على ايديه بشتياق وقرب وجهه منها وقال: اوعدك مش هجرحك تاني ومش هوجعك تاني ياحبيبه وكل دقيقه هثبت لك اني بجد بحبك بس ثقي فيا وفي حبي ليكي انا عارف انك كمان بتحبيني زي مانا بحبك ياحبيبه قلبي

حبيبه ضعفت اوي قدام كلامه اللي سيطر على مشاعرها من فرط حبها ليه وحازم نزل بيها لشقته تحت ودخل غرفه النوم وهو لسه شايها بحب واحتياج وقضوا سوى احلا وقت من حياتهم مع بعض

وبعد ساعه حازم كان محاوط خصر حبيبه بسعاده كبيره وقلبه لسه بيدق بعنف بسبب قربها منه وحبيبه كانت دافنه وجهها في صدره بكسوف وحب بس فجأه بصوا الاتنين قدامهم بصدمه وزهول لما لقوا يارا دخلت عليهم الغرفه

واول ماشافتهم كده قدامها شهقت بصدمه وجرت على حبيبه مسكتها من شعرها بغضب وقالت بجنون:ياحيو*انه يازباله ازاي نايمه هنا في شقتي وعلى سريره وفي حضن جوزي كمان ياخطا,فه الرجاله مش كفاكي اللي عملته فيكي امبارح ياو*سخه ووو

….بقلم نور محمد

↚

وبعد ساعه حازم كان محاوط خصر حبيبه بسعاده كبيره وقلبه لسه بيدق بعنف بسبب قربها منه وحبيبه كانت دافنه وجهها في صدره بكسوف وحب بس فجأه انتفضوا الاتنين سوى بصدمه وزهول لما لقوا يارا دخلت عليهم الغرفه

واول ماشافتهم كده قدامها شهقت بصدمه وجرت على حبيبه مسكتها من شعرها بغضب وقالت بجنون:ياحيوانه يازباله ازاي نايمه هنا في شقتي وعلى سريره وفي حضن جوزي كمان ياخطافه الرجاله مش كفاكي اللي عملته فيكي امبارح ياوسخه

حبيبه نزلت دموعها بوجع وحست ان شعرها هيطلع في ايد يارا وهي بتحاول تدافع عن نفسها وتفلت منها بس يارا كانت ماسكه شعرها بقوه وغضب

لغايه ماوقف حازم بخوف وغضب وقرب من يارا وسحبها بعنف من قدام حبيبه وصرخ فيها بقوه وحده وقال: ابعدي ايدك عنها يازباله ازاي تتجرئي تلمسيها كده قدامي يابت الـ****

يارا انصدمت منه لانه اول مره يكلمها بالسلوب العنيف ده وسحبت ايدها منه بعنف وقالت بغضب وغيره: انت ازاي تكلمني بالأسلوب البشع ده ياحازم انت نسيت انا ابقى بنت مين وكمان نسيت كلامك ليا ياخاين انت مش قولتلي قبل كده انك مش هتقرب منها تاني قولت كده والا لا رد عليا

حازم ضم ايديه لصدره ببرود وقال: قولت ورجعت في كلامي يايارا هانم لانها بختصار تبقى مراتي ومفيش مخلوق ليه حق انه يبعدني عنها

خلص كلامه ببسمه مستفزه وقرب منها بخبث وغضب وكمل بحده: اما بانسبه بقى اني نسيت انتي تبقى بنت مين فانا هقولك فورا انتي هتبقى ايه من هنا ورايح

سكت فجأه ومد ايده بسرعه خاطفه وشد شعرها بقوه وقال بغضب وتوعد: انتي هتكوني هنا مجرد خدامه ليا ولاهلي كمان يابت معتز بيه ابو العز الله يرحمه لان اللي كنتي بتخوفيني بيه خلاص مات ودلوقتي هتشوفي وش حازم جمال ابو الوفى الحقيقي يايارا هانم

يارا بقت تصرخ من الوجع تحت ايده وحازم كان بيشد شعرها بغل وكره وكل مايفتكر انها حاول تقتل حبيبته حبيبه يزيد اكتر ويارا بقت تحاول تفلت منه بس مش قادره عليه

وحبيبه نزلت دموعها بخوف من شكل حازم اللي تحول قدامها لشخص تاني اول مره تشوف شكله اللي بقى مرعب لها بس كمان شكل يارا صعب عليها اوي فأخدت هدومها ولبستها بسرعه

وجرت على حازم بدموع ومسكت ايده وهي بتقول:كـفـايـه ياحازم ارجوك سيبها كفايه حرام عليك كفايه

حازم بصلها بغضب بس هدي شويه لما حبيبه مسكت ايده وبقى بيتنفس بصوت عالي علشان يهدى اعصابه قبل مايأزيها هي كمان وبعد ايده عن يارا

بضيق وقال:حبيبه ابعدي عنها انا لسه معملتش لها حاجه دي حسابها بقى تقيل اوي معايا

حبيبه بقت بتبص على يارا وهي بتتطمن عليها بدموع وقالت:انتي كويسه ردي عليا ياطنط يارا انتي كويسه اخدك لدكتور طيب

يارا بصتلها بحقد وغل ودفعتها بعيد عنها وقالت:ابعدي عني ده كله بسببك انتي ياخطافه الرجاله منك لله ياحبيبه مش مسامحاكي ابدا على اللي حصل ده منك لله

حبيبه نزلت دموعها بحزن من كلام يارا وحازم بصلها بغضب رهيب ولسه هيقرب منها تاني لقى حبيبه جرت عليه ومسكت ايده وقالت بترجي ودموع: لا والنبي متقربش منها تاني ياأبيه هي عملت كده بسببي انا حاسه بشعورها دلوقتي علشان مفيش ست هتتحمل تشوف جوزها في حضن وحده تاني غيرها انا السبب في ده كله مش هي

حازم بصلها بصدمه من كلامها البريئ وقال بضيق: بس انتي كمان مراتي ياحبيبه وده حقك عليا زيك زيها ولو هي مش عاجبها الوضع ده انا اقدر اطلقها دلوقتي وكل واحد يشوف حياته بقى يايارا هانم

حبيبه بصتله بصدمه من كلامه اللي عمرها ماكانت ممكن تتخيل انه يقول كده ويارا نزلت دموعها بصدمه وحسره ووقفت قربت منه بضعف لاول مره تبقى ضعيفه كده قدامه

وقالت بضعف ودموع: تطلقني ياحازم بسهوله دي قدرت تقولها دلوقتي طيب مش انت بتحبني وعلطول كنت تقولي انا مستحيل اتخلى عنك يايارا لانك القلب والروح ها رد عليا اتغيرت كده ازاي في يوم وليله بس حصل ايه غيرك كده معايا

حازم بصلها ببرود وحبيبه قلبها وجعها على حاله يارا قدامها وحست بازنب تجاها ويارا قربت اكتر من حازم وبصتله بحسره وضعف وقالت: رد عليا انت اجوزتني ليه ها مش انت قولتلي انك بتحبني وأمنيه حياتك انك تتجوزني مش كده رد عليا ده مش كان كلامك ليا زمان ياحازم

حازم ابتسم بستفزار وقال بكل برود اعصاب: صح ده كان كلامي وانا مكذبتش عليكي لاني فعلا كان أمنيه حياتي اني اجوزك علشان تبقى كل املاك ابوكي ملكي كنت بفكر في تأمين مستقبلي على حسابك واستحملت تكبرك واسلوبك الزباله معايا علشان مخسرش ده كله

سكت حازم دقيقه وضحك بشماته وقال:بس اللي كنت خايف منه خلاص مات وكل حاجه بقت تحت ايدي يعني مفيش داعي دلوقتي اني امثل الحب والطاعه قدامك وقريب اوي هملك كل حاجه ملكك لانك ببساطه عامله ليا توكيل بكل شئ ملكك من زمان ودلوقتي لو عاوزه تعيش معانا هنا تمام بس تحت طوعي واللي اقوله يتنفذ بالحرف الواحد مش عاوزه يبقى سكه السلامه والشارع يسع حبايب الف

يارا من شده صدمتها فيه مقدرتش تتحمل اكتر من كده قدامه ووقعت اغمي عليها وحبيبه جرت عليها بخوف وشفقه وبقت تحاول تفوق فيها تحت نظرات اللا مبالاه من حازم وو

↚

وفي يوم حبيبه قررت انها تروح المدرسه بتاعتها لانها زمان مرحتش وفات عليها دروس كتير وبعد ماخلصت يومها الدراسي خرجت من المدرسه ووقفت قدام بوابه المدرسه وهي منتظره حازم ياجي ياخدها بعربيته زي العاده وبعد دقايق بس

وقفت عربيه حازم قدامها بس على مسافه منها ونزل منها حازم وهو بيبتسم لها بحب وحبيبه فرحت اوي لما شافته قدامها ولسه هترجي عليه بس فجأه تسمرت مكانها بصدمه وزهول لما لقت شاب تاني

قرب منها وحضنها بقوه وفرحه كبيره وهو بيقول:حبيبه ياروح قلبي وحشتيني موت انا رجعت من السفر اهو زي ماوعدك علشان نجوز ياقلبي انا وحشك كمان مش كده؟

حبيبه وقف الزمن عندها في اللحظه دي وبصت تجاه حازم بخوف لما لقت عنيه بقت لونها احمر من الغضب وعروقه برزت بشده وتقدم عليهم بغضب وغيره مفرطه

وحبيبه جسمها كله ارتجف من شكل حازم وبقت تدفع الشخص ده بعيد عنها بخوف رهيب وهي بتقول:ابعد ابعد عني و

قاطع كلامها ايد حازم اللي سحبت الشخص بعنف رهيب لدرجه انه وقع على الارض بشده قدام حبيبه اللي شهقت بصدمه ورعب

لما حازم قرب منه ومد ايده مسكه من رقبته وبقى بيضرب فيه بكل قوته بغضب وغل والشاب كان بيحاول يدافع عن نفسه قدامه بس بدون فايده

روايه النصيب حصريه بقلم

لغايه ماجرت عليه حبيبه برعب ومسكت ايد حازم برعشه وهي بتقول:حازم سيبه والنبي سيبه هيموت في ايدك كده ياحازم ارجوك سيبه بقى

حازم اللتفت لها بغضب وعيون حمراء مرعبه خلت حبيبه بعدت عنه برعب حقيقي وقال وهو بيجز على اسنانه بشده:لو سمعت صوتك دلوقتي هخلص عليه قدامك فاااهمه

حبيبه تراجعت بخوف وهي بترتجف قدامه وحازم وجه نظره لشاب اللي مرمي على الارض قدامه وهو زي الجثه وقال:لو لمحت ظلك قدامي تاني هلبس اهلك كلهم عليك اسود تمام ياروح امك

الشاب غمض عنيه بتعب وضعف وهو نايم على الارض قدامهم بوجع رهيب وحازم قرب من حبيبه والغضب لسه مولع في قلبه من شده غيرته عليها ومسك ايدها بقوه لدرجه انه كان هيكسرها في ايده وسحبها خلفه بضيق ووقف قدام العربيه دفعها جواها بعنف ولف من الجهه الاخرى

وقال بفحيح مرعب:مش عاوز اسمع نفسك لغايه مانوصل للبيت لاني على اخري منك وممكن ازعلك جامد مني ياحبيبه مفهووم

حبيبه هزت رأسها بخوف وهي كاتمه صوت عياطها وخوفها قدامه وحازم بص عليها بشفقه وحزن بس كان لازم يعمل كده علشان يخوفها منه ومتعدش اللي حصل قدامه ده تاني

وبعد وقت وصل حازم للعماره بتاعتهم ووقف العربيه وحبيبه تهندت براحه لما وصلت لبر الامان بتاعها ولسه هتفتح الباب علشان تهرب منه لقت ايد حازم مسكت ايدها بقوه وحده وهو بيقول:على فين انتي مفكره اني هسيبك كده بدون عقاب على اللي شوفته قدام عيني ده

حبيبه بلعت ريقها بخوف ودموع وقالت:والله ياابيه ماعملت حاجه سيبي اروح لماما ارجوك

حازم بصلها بضعف قدام دموع عنيها اللي ديما بتضعفه قدامها بس تمالك نفسه وتهند بغضب مزيف وقال:انا قولت ايه مش عاوز اسمع صوتك وهتاجي حالا معايا على شقتي بدون نقاش كمان فاهمه

حبيبه نزلت دموعها بخوف منه وحازم خرج من العربيه وسحبها خلفه بحنيه وحرص لغايه ماوصل عند شقه ابوه فنادت حبيبه على جمال بخوف من حازم وقالت بصوت عالي:بابا جمال الحقني ارجوك من أبيه حازم يابابا

جمال سمع صوتها وطالع من الشقه بسرعه ووقف قدامهم وقال:فيه ايه مالك ياحبيبه وانت ياحازم ماسكها كده ليه عملت في البت ايه انطق؟!

حازم بصله ببرود وقال:لسه مش عملت حاجه يابابا بس ناوي اربيها تاني من اول وجديد على اللي شوفته منها قدامي ده؟

قال كده ووجه نظره لها بخبث وغضب علشان يخوفها منه بس هو في الحقيقه مستحيل يعمل لها حاجه وحشه هو بس عاوز يعذبها نفسيا علشان تفكر تاني مليون مره قبل ماتسيب أي حد يقرب منها بدون ماتدافع عن نفسها قدامه وحازم واثق انها مش غلطانه في اللي حصل ده بس لازم تتعلم الدرس المره دي

حبيبه كانت بتبصله بخوف حقيقه وبعدها بصت على جمال بترجي ودموع وقالت:والله يابابا ماعملت حاجه انا مظلومه صدقني والنبي خدني معاك انا خايفه منه اوي

جمال صعبت عليه حبيبه اوي فقرب من حازم وقال:معلش يابني خلاص سيبها المره دي انا واثق انها مظلومه و

قاطعه حازم اللي قال بأصرار وغضب:لوسمحت يابابا ده شئ يخصني انا ومراتي بس وانا مش هسيبها لغايه مااعاقبها على اللي حصل ده عن ازنك

خلص كلامه وسحب حبيبه خلفه بقوه وهي مرعوبه اوي منه لغايه ماوصل لباب شقته وفتحها بس فجأه لقى يارا قدامه وهي لابسه هدوم الخروج وقالت اول ماشافته قدامها بتوتر: احم الحمد لله اني لحقتك قبل مااخرج لاني مخنوقه اوي من قعدت البيت وعاوزه اروح النادي اشم هواء شويه ممكن اخرج

حازم بصلها بلامبالاه ودخل الشقه وقال بجمود:تمام روحي بس معاكي ساعه بس لو زادت دقيقه كمان عليها هاجي اجيبك من شعرك مفهوم

يارا هزت رأسها بخوف وطاعه وخرجت من البيت تحت نظرات حبيبه المرعوبه وهي بتنادي عليها:طنط يارا استني خديني معاكي والنبي ياطنط يا..

سكتت فجأه على صوت حازم اللي قال بسخريه وغيظ:ههه تاخدك معاها فين يابيبه هو انا مش مالي عينك هنا والا ايه ياقلبي

حبيبه بصتله بخوف وتراجعت للخلف برعشه وقالت:ابيه والله العظيم انا مظلومه ده كذاب انا مكلمتوش قبل كده والله صدقني و

سكتت حبيبه بصدمه كبيره لما لقت حازم قرب بسرعه منها وفجأه.🫢🫢

↚

كانت سارحه في افكارها العميقه دي لغايه مااخترق تفكيرها صوت شخص تاني وهو بيقول:ممكن اقعد هنا ياانسه

يارا بصتله بلامبالاه والشخص ده قعد جنبها وطلع سجاره وولعها وقال:يااه على الدنيا صحيح مش كل شئ الانسان بيتمناه بيكمل معاه زي ماهو مخططله في خياله ابدا

يارا حاولت تتجاهل وجوده جنبها بس هو بصلها بأعجاب وقال:إلا صحيح الجميل سرحان في ايه اصل بصراحه انا من مده شايفك سرحانه كده في ملكوت تاني ايه حب جديد ده والا ايه؟!

خلص جملته الاخيره بغمزه وخبث ويارا ابتسمت بخفوت وقالت:والا جديد والا قديم والله ياكابتن احنا اصلا مش مكتوب علينا نشوف حب في حياتنا الظاهر كده

رد عليها وهو بيلوي فمه زي النسوان وقال:والله عندك حق ياختي دي الدنيا بقت صعبه بشكل لكن قوليلي هو القمر اسمه ايه؟!

يارا بصتله ببسمه وقالت: اسمي يارا المدام يارا ياخويا

ضحك بأحراج وقال:طب وبتقوليها كده ليه دنا حتي كنت قاصد خير ياطنط

يارا وقفت بضيق من كلمته الاخيره وقالت وهي ماشيه:ياخي جاك قطر لما ينط عليك قادر ياكريم ولد ثقيل بجد

ضحك بقوه على كلامها وقال:ماشي ياطنط بكره نشوف بقى هيحصل معانا ايه ياجميل؟!

يارا ابتسمت من جواها على طريقه كلامه وطلعت علشان تركب عربيتها لانها اتأخرت على المعاد اللي قاله لها حازم

اما الشاب ده فتغيرت ملامحه كلها لغضب بمجرد ما اختفي اثر يارا من قدامه وطلع فونه بسرعه ورن على شخص تاني وقال بسرعه وستعجال:نفذ دلوقتي حالها هي طلعت من نادي لازم تخبطها قبل ماتصل لعربيتها انت فاهم

خلص كلامه ببسمه شريره وتخطيط مدبر لما هو قادم؟!

اما يارا فبصت تجاه عربيتها وهي بتمر من الطريق لقت عربيه قربت منها بسرعه كبيره وخبطتها بقوه لدرجه انها طارت في الهواء وبعدها وقعت على الارض بعنف وهي سايحه في دمها..

الـروایـه حـصـریـه بـقـلـم الـکـاتـبـه نـور مـحـمـد

وبعد وقت يارا فتحت عنيها بتعب وألم كبير في رأسها وبصت قدامها بتوهان وقالت:اااه انا فين وحصل ايه معايا؟!

خلصت جملتها بوجع وفجأه اخترق سمعها صوته وهو بيقول بلهفه وقلق:انتي كويسه يامدام يارا ردي عليا انتي سمعاني مش كده؟

يارا وجهت نظرها تجاهه بصدمه وستغراب وقالت:انت..انت بتعمل ايه هنا وانا حصل معايا ايه انا مش فاكره حصل ايه بعد ماسبتك في النادي ورايا

ابتسم لهاوقرب وجهه منها بخبث وقال:مفيش ياقمر بس الظاهر ان جمالك سحر السواق اللي كان معدي قدامك ودخل فيكي بالغلط بس الحمد لله اني لحقتك بسرعه قبل ماكان خطفك حد تاني غيري

غمز لها في نهايه كلامه بمشاكشه خلت يارا ابتسمت له بكسوف وهو قرب منها اكتر وقال:ممكن اسئلك سؤال هو الجدع جوزك ده ازاي سايبك تخرجي كده لوحدك وانتي بسم الله قمر وتقدري تسرقي قلب أي حد كده بسهوله ايه مش خايف حد يخطفك منه والا ايه؟

يارا سمعته وابتسامتها اختفت بحزن وقالت بهمس وحسرة:هه وحازم هيخاف عليا ليه وهو اصلا نايم في العسل دلوقتي مع حبيبه قلبه

قالت كلامها بهمس بس هو قدر يسمعه بوضوح فبعد عنها وقال ببسمه:على العموم اعرفك بنفسي الاول انا اسمي احمد الشيمي ابن عصام الشيمي الله يرحمه صاحب مصنع ملابس الشيمي للملابس المتنوعه تسمعي عنه

ردت عليه يارا بمعرفه وقالت:طبعا اسمع عنه ده بابا كان بيستورد الملابس من عنده للمحلات بتاعتنا اتشرفت اوي بمعرفتك يا..

قاطع كلامها دخول حازم الغرفه وعلامات القلق كان مرسومه على وجهه وقرب من يارا بسرعه وقال بقلق :يارا انتي كويسه حصل معاكي ايه ومين ده اللي خبطك بعربيته؟!

يارا بصتله بصدمه وستغراب واحمد بصله بضيق غريب وقال:اهدي ياستاذ مراتك كويسه الحمد لله واللي خبطها بعربيته سواق تاكسي وانا بلغت عنه

حازم سمعه وقرب منه بشك وضيق وقال:وحضرتك تبقى مين اصلا وبتعمل ايه هنا جنب مراتي لوحدكم؟

احمد توتر اوي من كلام حازم الموجه له بشك وتهام بس يارا لحقت الموضوع بسرعه وهي بتقول:حازم اهدى ده هو اللي انقذني بعد ماالعربيه خبطتني في نص الشارع ولولا وجوده وقتها انا كنت مت هناك و

قاطعها صوت احمد اللي سبق حازم في الرد وهو بيقول:بعد الشر عنك متقوليش على نفسك كده تاني