تحميل رواية مكتوب في النجوم بقلم نور محمد pdf

يارا بصتله بحرمان اول مره تشعر بيه حرمان الحب والحنان اللي شافته في عيون ابوها الله يرحمه بس ومن بعد وفاته وحياتها انقلبت رأس عن عقد ومفيش كلمه حنينه او حب حسه بيه من بعد ابوها بس دلوقتي رجعت شافت نفس الحب والحنان المحرومه منه في عيون احمد لها فبدون وعي رمت نفسها في حضنه وهي بتقول بدموع وسعاده: انا بحبك اوي وعمري ماحبيت حد قدك يااحمد ومش عاوزه من الدنيا غيرك

احمد ابتسم بشده وحاوطها بزراعيه بحب متبادل وقال: وانا كمان بحبك ومش عاوز من الدنيا غيرك يايارا

وفضلوا كده لوقت طويل وبعدها قعدوا يأكلوا سوى تحت نظرات الحب والضحك المتبادل بيهم في جو رومانسي هادي وجميل

.........................

وعلى الجهه الاخرى

في مكتب عمر دخلت بنت جميله مكتبه وهي منزله عنيها في الارض وقالت بطاعه:حضرتك طلبتني يامستر عمر

عمر رفع نظره لها بخبث وقال: ايوه يااميره تعالي قربي هنا

اميره بصتله بخوف بس قربت منه بتوتر وقالت: نعم يامستر عمر

عمر طلع من جيبه علبه شكلها غريب ومدها لها بخبث وقال: خدي العلبه دي يااميره خليها معاكي علشان انا عاوزك تعملي بيها حاجه مهمه

اميره اخدت منه العلبه وبصتله بستغراب وقالت: العلبه دي فيها ايه يامستر عمر وحاجه ايه دي؟!

عمر ابتسم لها وقال ببرود: العلبه دي فيها حبو*ب مخد*رات وعاوزك تحطي منها في العصير لصحبتك حبيبه موسي محمود كل يوم بنتظام لغايه مااقولك كده كفايه تمام

اميره فتحت بوقها قدامه بصدمه وزهول كبير من كلامه لها ووقعه العلبه منها من شده الصدمه ووو

↚

حازم كان قاعد في مكتبه في الشركه بتاعته وهو حاطط ايده على قلبه اللي بقى يدق بعنف وقلق كبير وفجأه وقف مكانه وقال بقلق وخوف: لا كده بقى كتير اوي انا لازم اخرج اطمن عليها فورا واطمن قلبي اللي هيقف من شده القلق والخوف ده و

سكت حازم فجأه وعنيه وسعت بصدمه لما لقى حبيبه دفعت باب المكتب بتاعه بقوه وبصتله بدموع وتعب كبير وهي بتقول: حازم.. حازم الحقني انا بقيت مد*منه

حازم سمعها وهو لسه في صدمته منها ولسه هيجري عليها بقلق ورعب لقاها وقعت و اغمي عليها قدامه

فجرى حازم زي المجنون عليها وشال جسدها بخوف ورعب كبير ودقات قلبي بقت زي الطبول ونزل من الشركه كلها وهو حاملها ومش شايف حد تاني قدامه

لغايه ماوصل قدام عربيته فقال بصوت عالي مليان قلق وخوف كبير على حبيبه:عمو احمد سوق العربيه بسرعه على اقرب مستشفي ارجوك علشان انا مش قادر اتمالك اعصابي بسرعه

عم احمد بصله بصدمه وقلق وجرى على العربيه ركبها بسرعه وحازم دخل حبيبه الاول من الخلف وبعدها ركب جنبها واخدها في حضنه وانفاسه بقت عاليه جدا من حاله الرعب اللي تلبسته عليا وهو بيضمها لقلبه بقوه وقلق كبير وهو بيقول: لا يارب متوجعنيش فيا دي النفس اللي انا بتنفسه في الدنيا يارب خد مني أي حاجه الا هي يارب

فضل يدعي وهو لسه مكانه وعيونه اتملت دموع وهو طول الطريق مش قادر ينظم انفاسه او حتي دموعه اللي نزلت بغزاره لاول مره بالشكل ده في حياته كلها

وبعد دقايق معدوده بس وقف عم احمد قدام اقرب مستشفي قدامهم وقال بقلق وسرعه:وصلنا يابني ياله اطلع شيلها بسرعه البت بقى وشها اصفر وحالتها بقت متطمنش ابدا

حازم سمعه ونزل من العربيه زي المجنون وهو حرفيا مش شايف أي حد تاني قدامه غير حبيبه بس وحملها بسرعه وهو بيجري بيها لداخل المستشفي وحالته في الوقت ده كانت تقطع القلب حرفيا

وصل حازم لعياده الدكتوره ودخل بدون أي اذن وقال بدموع وخوف كبير:يادكتوره الحقيني بسرعه ارجوكي مراتي تعبانه اوي

الدكتوره وقفت بصدمه منه وقالت:حطها هنا بسرعه واهدى يافندم ان شاء الله خير

حازم بصلها بقلق وقرب على سرير الكشف ووضع حبيبه عليه بحرص وحنيه ووقف جنبها وقال:اكشفي عليها بسرعه يادكتوره وقوليلي حصل معاها ايه ارجوكي؟!

الدكتوره بصتله ببسمه بتحاول تطمنه شويه بيها لان حالته كانت صعبه اوي قدامها وبدأت الكشف على حبيبه تحت نظرات حازم المصوبه تجاها بقلق وخوف بياكل في قلبه حرفيا عليها

وبعد دقايق الدكتوره خلصت وبصت على حازم ببسمه وقالت:هي كويسه متقلقش عليها والاغماء ده طبيعي في حالتها دلوقتي الف مبروك المدام حامل

حازم تهند براحه لما سمع انها كويسه بس عنيه وسعت بصدمه وسعاده كبيره من الخبر ده وقال بلهفه وسعاده عارمه:بجد انتي بتتكلمي بجد يادكتوره حبيبه مراتي حامل بجد

ردت عليه الدكتوره ببسمه وقالت:ايوه المدام حامل في اربعين يوم دلوقتي كمان

حازم كان حرفيا هيطير من شده الفرحه بالخبر ده بس ملامحه كلها تحولت لخوف كبير لما تذكر كلام حبيبه له قبل مايغمي عليها فقرب من حبيبه وقعد جنبها ومسك ايدها بقلق وحنيه وقال:الحمد لله على نعمتك يارب بس لو سمحتي يادكتوره انا عاوز اعمل تحاليل شامله لمراتي اطمن عليها اكتر ممكن

الدكتوره قربت منه وقالت:اكيد ممكن يافندم دقايق اعمل لها كل التحاليل المطلوبه

حازم هز رأسه لها وهو قلقان ان يطلع كلام حبيبه صحيح بس تهند وفضل يدعي جوه قلبي انه يطلع في النهايه كلامها غلط

………………

وبعد وقت

الدكتوره خلصت كل التحاليل المطلوبه وحازم قعد قدامها بتوتر وقلق وقال:ها يادكتوره طمنيني مراتي كويسه مش كده مفيش حاجه في التحاليل دي صح؟!

الدكتوره بصتله بتوتر وشفقه وقالت:والله انا مش عارفه اقولك ايه يافندم بس تحاليل المدام اثبتت انها كانت بتاخد نوع من انواع المخدرات وللاسف هي حاليا بقت مدمنه بسببه ومحتاجه علاج مكثف وعنايه خاصه كمان

حازم نزل عليه كلام الدكتوره زي الصاعق الكهربي وعنيه وسعت بصدمه وزهول وقال:اييه انتي بتقولي ايه ازاي كلامك ده يحصل انا مستحيل مراتي تعمل كده ابدا؟!

الدكتوره اترعبت من رد فعل حازم المفاجئ لها بس تمالكت نفسها بصعوبه قدامه وقالت:يافندم انا مش بتهـ،ـم المدام بأي شئ انا بقولك بس اللي ظاهر معايا في التحاليل قدامي بس انا من واجبي دلوقتي احظرك ان حالتها دي ممكن تأثر على حياتها وحيات الجنين كمان

حازم بصلها بصدمه اكبر وقال بتوتر وزهول:قصدك ايه يعني حيات حبيبه وابني دلوقتي بقت في خطر والا ايه؟!

الدكتوره بلعت ريقها بخوف قدامه وكملت:لا انا مش قصدي كده بس فتره العلاج هتكون صعبه عليها في البدايه وممكن تحاول تأذي نفسها والجنين كمان معاها فالاحسن لها دلوقتي انك تدخلها مصحه تتعالج هناك او

قاطعها حازم بحده واصرار وقال:لا طبعا انا مستحيل اعمل كده مراتي مش هرميها في مصحه او هخليها تبعد عني هي بقت مسئوليتي وانا اللي هعالجها بنفسي

الدكتوره بصتله باعجاب وتعجب وقالت:بس يافندم ده هيكون صعب عليك وعليها كمان هي لازم تتعالج عند اشخاص غراب عنها علشان ميشفقوش على حالتها في فتره العلاج و

سكتت لما حازم وقف وقال بهدووء غريب:شكرا يادكتوره على تعبك معانا انا هاخد مراتي وهمشي بس لو سمحتي اكتبي لها العلاج المناسب لحالتها وادعي لها باشفا بس ممكن

الدكتوره هزت رأسها له ببسمه وهي سعيده بيه لانه متمسك بمراته للدرجه الكبيره دي ومصر انه يفضل جنبها في الوقت الصعب ده من حياتها فوقفت قدامه بحترام وقالت:حاضر يافندم انا هكتب لك العلاج المناسب لها والباقي عليك وان شاء الله ربنا هيعينك في المهمه دي معاها

حازم ابتسم لها وشكرها تاني وبعدها قرب وحمل حبيبه بحرص وحنان كبير وخرج من المستشفي وكل ده وحبيبه لسه غارقه في احلامها من حالتها الصعبه

……………………..

وعلى الجهه الاخرى في شقه حازم

يارا كانت قاعده بتكلم احمد في الفون وبتقول: يااحمد انا قولتلك مقدرش دلوقتي لان حازم لسه مرجعش وانا مقدرش اطلع من البيت بدون اذنه و

قاطعها احمد اللي قال بحزن وزعل: بس انتي وحشتيني اوي يايارا بقالي يومين مش قادر اشوفك وكل مااكلمك تقوليلي حازم حازم ايه انتي لسه بتحبي حازم والا ايه فهميني؟!

يارا سمعته وتهندت بحزن وقالت:الموضوع مش كده يااحمد وانت عارف اني من الاول محبتش حازم بس كنت خادعه نفسي بالوهم ده ووالله انا ماحبيت حد غيرك لانك الوحيد اللي قدرت تغير حياتي وتعلمني الحب بجد

احمد سمع كلامها وكان سعيد جدا بيه فقال بحب:طيب لو بتحبني بجد تعالي دلوقتي انا نفسي اوي اشوفك واقعد معاكي نتكلم شويه مع بعض وحياتي عندك يايارا

يارا ابتسمت وردت عليه بحب وقالت:حاضر ياقلبي هلبس وهنزل اقول لعمو جمال اني نازله علشان حازم ميتعصبش عليا بعدين ماشي

↚

رد عليها احمد بسرعه وفرحه وقال:ماشي ياقمري انا هستناكي متتأخريش عليا

يارا ببسمه وحب:حاضر ياله سلام بقى

خلصت كلامها وقفلت معاه بسعاده ووقفت علشان تجهز نفسها وبعد وقت خلصت لبس ونزلت لشقه جمال بس انصدمت بشده لما لقت حازم داخل الشقه قدامها وهو حامل حبيبه على ايديه وحالته كانت متدهوره اوي من حزنه عليها

فجرت يارا ودخلت خلفه بسرعه وقالت:حازم مالك وحبيبه حصل معاها ايه؟

حازم وضع حبيبه على الكنبه قدامه وامها حنان جرت قعدت جنبها هي وجمال اللي قال بقلق وخوف:حبيبه مالك ياقلبي هي مغمي عليها كده ليه ياحازم رد عليا

حازم قعد قدامهم وتهند بتعب ودموع وقال:حبيبه كويسه يابابا متقلقش عليها بس..

قاطعه جمال اللي وقف قدامه بضيق وقلق وقال:كويسه ازاي وهي بشكل ده قدامك رد عليا ياحازم بنتي حبيبه مالها؟!

حازم بصله بتعب وحزن وقال:حبيبه حامل يابابا وكمان الدكتوره قالتلي انها كانت بتاخد نوع من انواع المخدرات وبقت مدمنه بسببه

سكت حازم على شهقت كل من جمال وحنان وحتي يايارا اللي قالت بصدمه وزهول:لا مستحيل حبيبه متعملش كده ابدا انا متأكده

حازم بصلها ووقف قدامها وقال بتأكيد وشك:وانا متأكد مليون في الميه ان فيه شخص تاني هو اللي عمل فيها كده بس وديني ماهرحمه من ايدي لو كان مين

يارا بصتله بخوف وقالت:انت ليه بتقول كده قدامي انا انا مستحيل اعمل فيها كده والله دي بقت زي اختي الصغيره

حازم بصلها بشك بس ابوه جمال قرب منهم وقال:اهدي يابني يارا مستحيل تعمل كده في حبيبه انا واثق فيها

حازم بصله بضيق وقال:تمام يابابا حبيبه لما تفوق هنعرف منها مين اللي عمل فيها كده

سكت دقيقه ووجه نظره ليارا بتحذير واضح وقال:وانتي هتفضلي هنا قدام عنيا لغايه مااعرف الحقيقه بس وحيات حبيبه عندي لو طلعتي انتي السبب يايارا انا هفرجك ايام مايعلم بيها غير ربنا تمام

يارا هزت رأسها بخوف قدامه وحازم حمل حبيبه لغرفتها وقعد جنبها على السرير وهو لسه قلقان اوي عليها

اما يارا فطلعت فونها بسرعه وبعتت رساله لاحمد انها مش هتقدر تقابله دلوقتي لظروف طارئه عندها بعدين هتقوله عنها وقفلت فونها تاني وقعدت مكانها بتوتر وخوف من القادم

وفي الليل

اخيرا حبيبه فتحت عنيها بارهاق وتعب كبير وبصت في الغرفه حولها لقت حازم جنبها وامها من الجهه الاخرى وجمال واقف بيبص عليها بقلق من جنب السرير

فقالت بتعب وارهاق كبير:اه هو حصل ايه معايا ياجماعه

حازم قرب منها بسرعه وقال:محصلش حاجه ياقلبي وانتي زي الفل كمان متقلقيش

حبيبه بصتله بحب وجمال قرب منها وقال:حبيبه حاسه حاجه بتوجعك دلوقتي ياحبيبتي قولي متخبيش علينا

حبيبه بصتله بتوهان وصداع وقالت:لا انا كويسه يابابا بس فيه شويه صداع في راسي تعبني

جمال بصلها بحزن وحنان وقفت وقالت ببسمه:طيب انا هخرج احضر لك الاكل لانك مأكلتيش حاجه من الصبح ياقلبي ماشي

حبيبه ابتسمت لها وحازم قرب منها اكتر وقال بشك وقلق:حبيبه ياقلبي ممكن تقوليلي حصل معاكي ايه النهاردا في المدرسه؟!

حبيبه بصتله بحزن لما تزكرت اللي عملته فيها صاحبتها اميره وقالت بدموع:محصلش حاجه ياحازم معايا و

قاطعها حازم اللي قال بنفعال لا ارادي منه:ازاي يعني محصلش حاجه ياحبيبه انا خلاص عرفت كل حاجه بس عاوزك تقوليلي مين اللي عمل فيكي كده ارجوكي قوليلي وريحي قلبي

حبيبه بصتله بخوف ودموع وجمال قرب منها بحنيه وقال:اهدي يابنتي ومتخافيش انا معاكي وحازم بس خايف عليكي قولي حصل معاكي ايه وطمنينا كلنا عليكي

حبيبه بلعت ريقها بتوتر وخوف قدامهم وقالت:حاضر هقولكم حصل ايه معايا

حازم وجمال بصولها بتركيز وحبيبه بدأت تحكي والدموع موقفتش نزول من عنيها لغايه ماخلصت وكملت بخوف:بس وحياتي عندك متعمل لها حاجه ياحازم دي صحبتي وهي كانت خايفه بس من تهديده و

سكتت حبيبه لما حازم وقف بغضب وملامح مشدوده وقال:بابا لو سمحت خد بالك منها كويس وانا هروح مشوار هنا ضروري ومش هتأخر عليكم تمام

جمال بصله بقلق وخوف عليه ولسه هيكلمو حازم سابهم وخرج بسرعه تحت نظرات حبيبه اللي قالت بقلق ورعب عليه:لا بابا جمال ارجوك الحقه بسرعه ده ممكن يقتله ويروح في داهيه بسببه الحقه بسرعه ارجوك

جمال قرب منها علشان يهديها شويه وقال:اهدي ياحبيبتي وتخافيش حازم مش غبي واكيد مش هيعمل كده اهدي انا متأكد ان ابني مستحيل يعمل كده

حبيبه حضنته بدموع وخوف كبير على حازم وهي بتدعي ربنا انه يرجع لها سالم

اما حازم فخرج من الغرفه حبيبه وهو مش شايف قدامه من شده غضبه وهو بيتوعد لعمر بالعذاب على اللي عمله في حبيبه قلبه

ويارا بصتله بصدمه من هيئته المرعبه قدامها ولسه هتنادي عليه لقته خرج بسرعه فجرت على غرفه حبيبه علشان تطمن عليها وتعرف منها حصل ايه

…………………

وعلى الناحيه الاخرى في شقه عمر المتواضعه

عمر كان بياخد شور بستمتاع وهو بيفكر في حبيبه زي العاده بس فجأه سمع صوت جرت الباب اللي كان بيرن بطريقه مرعبه

فتخض وبلع ريقه بخوف ولبس هدومه بستعجال وخرج من الحمام وهو بيقول بقلق وخوف:فيه ايه استر يارب مين بيرن الجرس كده؟!

وصل لباب الشقه وفتحه ولسه هيبص قدامه لقى لكمه حازم اصتدمت في وشه بسرعه جنونيه لدرجه انه وقع على الارض خلفه بقوه وقال بألم ووجع:ااااه مين الحيوان اللي ضربني كده و

قاطعه صوت حازم اللي دخل الشقه وقفل الباب خلفه بغضب وهو بيجز على اسنانه بتوعد كبير وقال:ده انا عملك الاسود في الدنيا ياروح امك

عمر وسعت عنيه بصدمه وزهول وقال برعب كبير:حا حازم بيه اسمعني انا…..

…

↚

وعلى الناحيه الاخرى في شقه عمر المتواضعه

عمر كان بياخد شور بستمتاع وهو بيفكر في حبيبه زي العاده بس فجأه سمع صوت جرت الباب اللي كان بيرن بطريقه مرعبه

فتخض وبلع ريقه بخوف ولبس هدومه بستعجال وخرج من الحمام وهو بيقول بقلق وخوف:فيه ايه استر يارب مين بيرن الجرس كده؟!

وصل لباب الشقه وفتحه ولسه هيبص قدامه لقى لكمه حازم اصتدمت في وشه بسرعه جنونيه لدرجه انه وقع على الارض خلفه بقوه وقال بألم ووجع:ااااه مين الحيوان اللي ضربني كده و

قاطعه صوت حازم اللي دخل الشقه وقفل الباب خلفه بغضب وهو بيجز على اسنانه بتوعد كبير وقال:ده انا عملك الاسود في الدنيا ياروح امك

عمر وسعت عنيه بصدمه وزهول وقال برعب كبير:حا حازم بيه اسمعني انا انا هفهمك و

سكت على قضبه حازم اللي مسكه بقوه وغضب وهو بيقول بحده: انت ايه يابن الو**.. انا مش قولتلك المره الجايه مش هيبقى فيه كلام او تحزير معاك وهيبقى فعل علطول

سكت حازم وهو مركز نظره معاه بخبث وغضب كبيره تحت نظرات عمر اللي بقى مرعوب منه حرفيا وكمل بتوعد وحده: ودلوقتي هتشوف بعينك فعل حازم جمال ابو الوفي شكله ازاي ياروح امك

خلص جملته من هنا وانقض على عمر زي الوحش وبقى يضرب فيه بكل قوته والغل اللي في صدره ناحيته وعمر كان بيحاول يفلت منه بس كان ضعيف اوي قدام ضخامه وقوه حازم

وبعد وقت بعد حازم عنه وبص عليه بشماته وهو شايفه بقى زي الجثه الهامده قدامه ونزل لمستواه وسحبه لغرفه النوم وجاب حبل كبير وبعدها ربطه بقوه في السرير وبعد عنه وهو بيقول بشماته وتوعد: هسيبك دلوقتي كام ساعه تاخد فيهم نفسك تاني ويكون هضمك لم شويه لغايه بكره علشان هاجي بكره الصبح اصبح عليك بنفس الطريقه دي تاني

عمر بصله بألم كبير لان جسمه كله كان بينزف ومش قادر يحرك حتي ايده وقال بخوف ووجع: لا بوس ايدك خلاص سماح المره دي بس ياحازم بيه وانا همشي من البلد دي كلها اوعدك والنهاردا كمان

حازم بصله بسخريه وغضب وقال: اهدي يارايق انت كده كده هتمشي من البلد فعلا بس ده بكيفي انا بعد مااخلص حسابك معايا علشان الوجع ده يفكرك كل دقيقه بفعل حازم جمال ابو الوفي شكله ازاي

سكت حازم بعدها وقرب من عمر وقال بأمر وحده وتوعد: فين مفتاح الشقه دي ياعموري علشان اقفل عليك واخده معايا احنا مش عاوزين نزعج سكان العماره هنا بالي هيحصل فيك كل يوم والا ايه يامستر

عمر بصله برعب وانتفض على صوت حازم اللي صرخ فيه بغضب وقوه وقال: انطق ياض المفتاح فين وخلصني مراتي زمانها قلقانه عليا دلوقتي ياله اخلص

عمر بلع ريقه بخوف واشار على درج جنبه بألم وقال: المفتاح موجود هنا ياحازم بيه

حازم ابتسمله بتوعد واخد المفتاح من الدرج وتوجه لباب الغرفه وهو بيشاور له ببسمه مستفزه وبيقول: تشاو انت بقى ياعموري وبكره هبقى اطل عليك تاني ياحبيبي خليك فايق ليا بقى ماشي

عمر بصله بخوف ووجع كبيره وقبل مايتكلم كان حازم سابه وخرج من الشقه كلها بعد ماقفل عليه بالمفتاح كويس وعمر عنيه دمعت بخوف وندم وقال بضعف وتعب كبير: اعمل ايه دلوقتي اهرب ازاي وانا جسمي كله متكسر كده ومش قادر احركه اصلا من مكاني يارب ابعتلي أي حد ينقذني قبل بكره يارب

فضل يدعي مكانه وهو فعلا خايف اوي من حازم بعد الضرب اللي اخده منه

وعلى الجهه الاخرى

في غرفه حبيبه جمال وحنان ويارا كمان كانوا جنبها وهما بيحاولوا يهدوا فيها بس بدون فايده

وحبيبه من كتر التعب والوجع حالتها انقلبت خالص وبقت تصرخ فيهم بعنف من شده وجعها وهي بتقول بدموع: ابعدوا عني انا هروح له عاوزه الحبوب دي هموت من الوجع ده بقولكم سبووني بقى

جمال كان واقف قدامها وهو عاجز عن مساعدتها ودموعه بتنزل عليها وحنان قعدت مكانها وهي بتعيط بقوه على حاله بنتها كمان

اما يارا فكانت قريبه اوي من حبيبه وهي بتحاول تهدي فيها وقلبها واجعها اوي من حالته حبيبه الصعبه قدامها وفجأه دخل حازم عليهم الغرفه وانصدم بشده من حاله حبيبه قدامه اللي لقاها بتصرخ فيهم وهي بتعيط بعنف

ووقف متسمر دقيقه مكانه من الصدمه والوجع عليها وبعدها قال بحزن ودموع: بابا لو سمحت اخرج بره انت وطنط حنان كمان وانتي يايارا روحي لشقه فوق ارتاحي وانا هقعد معاها لوحدي لو سمحتم

كلهم بصوا عليه بدموع وحزن كبير وجمال قرب من حنان وقال بدموع: تعالي ياحنان نخرج ونسيبه معاها انا متأكد ان حازم هيقدر يساعدها احسن مننا

حنان تهندت بدموع ووجع على بنتها وهزت رأسها بطاعه وخرجت مع جمال ويارا خرجت خلفهم بحزن ونظرات شفقه كبيره على حبيبه

وهنا حبيبه قربت من حازم بتعب ودموع وهي بتقول: حازم ابوس ايدك روح جبلي منه الحبوب دي انا مصدعه اوي ودماغي هتفرقع من الوجع

حازم بصلها بدموع ووجع كبير في قلبه عليها وقرب ضمها بحنيه وحتواء وقال بضعف ودموع: ابوس ايدك انتي ياحبيبه متعمليش فيا انا كده مش هقدر استحمل اشوفك باشكل ده قدامي والله ماهقدر ياحبيبه

حبيبه مسكت فيه بقوه ودفنت وشها في حضنه بدموع وقالت: مش قادره ياحازم صدقني حاسه نفسي بموت من الوجع ده مش قادره استحمله والله

حازم ضمها بقوه اكبر بدموع وصوته كان مخنوق من وجعه عليها: انا اسف حقك عليا انا كان لازم اخد بالي منك اكتر من كده انا السبب في حالتك دي انا السبب ياروحي

حبيبه سمعته وانفجرت في العياط وهي في حضنه وحازم قرب من السرير ونومها عليه بحنان وعينه كانت كلها دموع وقال بضعف: غمضي عنيكي وانا هفضل هنا جنبك مش هبعد دقيقه بس حاول تتجاهلي الوجع وخدي العلاج ده هترتاحي عليه اوي ياقلبي

حبيبه بصتله بتعب وحازم جلب لها علاج اللي كتبته له الدكتوره وعطاه لها وبعدها قال: ياله ياقلبي حاولي بس تنامي دلوقتي وهتصحي زي الفل ان شاء الله

حبيبه ابتسمت له بحب وتعب واشارت بأيدها على المكان جنبها على السرير وقالت: حاضر بس تعال هنا جنبي مش عاوزه احس اني هنا لوحدي ياحازم

حازم ابتسم لها ونام جنبها واخدها في حضنه بحنيه وحب كبير وهمس لها بحنان: انا هفضل ديما جنبك ياحبيبه قلبي ومش هبعد عنك ابدا ابدا

حبيبه ابتسمت براحه كبيره بعد ماحضنته بقوه وسعاده واخيرا زهبت في نوم عميق تحت نظرات حازم العاشقه لها

وبعد مرور ثلاث شهور كان حازم فيهم ديما جنب حبيبه ومسبهاش دقيقه وطول الوقت كان جنبها وحتي عمر سابه في حاله بعد ماامره انه سيب البلد كلها وهدده لو رجع تاني مش هيرحمه ابدا وشركته كمان سابها وبقى يشتغل من البيت علشان ياخد باله منها هي وابنه كمان واخيرا حاله حبيبه بقت تتحسن كتير عن الاول بفضل دعم حازم لها ووجوده ديما بجنبها وكمان وجود ابنها جعل لها عزيمه مضاعفة في الشفاء علشانه هو كمان

اما يارا فكانت حياتها زي ماهي وكل يوم كان بيزيد الحب بينها وبين احمد اكتر لغايه مااتفقوا سوى ان يارا تطلب الطلاق من حازم بعد ماتتم حبيبه شفائها ويجوزها بعد عدتها ماتخلص وهي كانت متحمسه وفرحانه اوي لانها لاول مره في حياتها تجرب شعور الحب الحقيقه مع حبيبها احمد

وفي يوم ما

يارا حست بتعب كبير وكان فيه ألم في بطنها اول مره تشعر به قبل كده في حياتها وكانت عاوزه تقول لحازم عن تعبها بس تراجعت عن الفكره دي لان حازم في الوقت الحالي كان مشغول بس مع حبيبه وحتي جمال وحنان كانوا معاه في المهمه دي

فهي قررت تروح تكشف وفكرت قبلها تقول لاحمد بس للاسف احمد كان مشغول اوي في شركته كمان الوقت ده فجهزت نفسها وقالت لجمال انها هتخرج تشم هواء وتوجهت فورا لاقرب دكتوره نسا علشان تطمن على نفسها

وبعد وقت خلصت الدكتوره كشف عليها وقالت ببسمه لها: اهدي يامدام انتي زي الفل ودي كلها اعراض طبيعيه في حالتك الف مبروك انتي حامل

يارا سمعتها من هنا وانتفضت من مكانها بصدمه وزهول كبير وهي بتقول: انتي بتقولي ايه حامل ازاي وانا مش بخلف اصلا

الدكتوره بصتلها بعدم فهم وستغراب وقالت بتعجب: مش بتخلفي ازاي يامدام حضرتك سليمه ميه في الميه وانا متأكده انك حامل دلوقتي وفي الشهر الثالث كمان

يارا عنيها وسعت بصدمه كبيره وقالت بزهول: انتي متأكده يادكتوره اني سليمه واقدر اخلف ودلوقتي حامل كمان يعني يعني حازم كان بيضحك عليا الفتره اللي فاتت دي كلها ووو

↚

وبعد وقت خلصت الدكتوره كشف عليها وقالت ببسمه لها: اهدي يامدام انتي زي الفل ودي كلها اعراض طبيعيه في حالتك الف مبروك انتي حامل

يارا سمعتها من هنا وانتفضت من مكانها بصدمه وزهول كبير وهي بتقول: انتي بتقولي ايه حامل ازاي وانا مش بخلف اصلا

الدكتوره بصتلها بعدم فهم وستغراب وقالت بتعجب: مش بتخلفي ازاي يامدام حضرتك سليمه ميه في الميه وانا متأكده انك حامل دلوقتي وفي الشهر الثالث كمان

يارا عنيها وسعت بصدمه كبيره وقالت بزهول: انتي متأكده يادكتوره اني سليمه واقدر اخلف ودلوقتي حامل كمان يعني يعني حازم كان بيضحك عليا الفتره اللي فاتت دي كلها

الدكتوره قربت منها بقلق وقالت: ممكن تهدي يامدام الانفعال ده غلط كبير عليكي في الوقت ده وممكن تأزي طفلك كده

يارا بصتلها بتوهان وجوها غضب كبيره اوي تجاه حازم اللي اتضح انه كان بيضحك عليها السنين دي كلها بس هي برضو لازم تتأكد اكتر من الموضوع ده فقالت لدكتوره بتوتر وقلق: يادكتوره ممكن تعملي ليا تحاليل شامله علشان اطمن على نفسي اكتر لو سمحتي

الدكتوره هزت رأسها بطاعه وقالت: حاضر يامدام اهدي وانا هعمل لك كل التحاليل المطلوبه وبأذن الله تظهر النهاردا باليل وانا هبعتها لك على الوتس بس حاولي تهدي وتاخدي بالك اوي من نفسك الفتره دي

يارا هزت رأسها بطاعه وضياع وهي بتدعي ربنا يطلع كلام الدكتوره ده غلط لانه لو طلع صح هي هتبقى اخدت اكبر صدمه في حياتها فعلا

وعلى الناحيه الاخرى

في شقه جمال حازم كان قاعد جنب حبيبه وهو بيأكلها بأيده بحنان ورعايه وهو بيقول: ياله ياقلبي خلصي الاكل ده كله علشان تاخدي علاجك احنا الحمد لله اتحسنا عن الاول كتير اوي

حبيبه ابتسمت له بسعاده وقالت وهي بتلمس بطنها بحنان وحب: وكمان ابننا كبر دلوقتي وبقى بيضربني كتير ياحازم قوله دي ماما وعيب كده بقى

حازم ضحك بقوه على كلامها وقال ببسمه: حاضر ياقلبي هبقى اقوله عيب يابابا تعمل كده علشان ماما تعبانه دلوقتي

خلص جملته وضحك تاني بقوه تحت نظرات الغيظ من حبيبه لانها عارفه انه بيسخر منها بس وجمال وحنان كانوا قاعدين جنبهم بسعاده وراحه

حتي قال جمال بتسائل: هي يارا تأخرت كده ليه يابني دي من زمان قالتلي انها خارجه بره ممكن ترن انت وتطمن عليها

حازم بصله بضيق بس قال:حاضر يابابا هرن عليها

وفعلا حازم رن عليها بس يارا مردتش عليه ابدا فقال بخنقه: مش بترد عليا وانا ميه مره قولتلها لما ارن تتزفت ترد عليا و

قاطع كلامه دخول يارا عليهم الشقه وكان شكلها تعبان ومرهق اوي فجرى عليها جمال اول واحد وقال بقلق: مالك يابنتي انتي كويسه وشك بقى لونه اصفر كده ليه؟!

يارا بصتله بتعب وتوتر وقالت: مفيش ياعمو ده تعب عادي من المشوار بس و

قاطعها صوت حازم اللي قال بضيق وسخريه: والمشوار ده يقعد اكتر من ساعتين ليه بقى يايارا هانم كنتي عند الدكتور بتكشفي والا ايه ؟!

يارا سمعته ورغم انها عارفه انه بيسخر منها بس توترت اوي بسبب كلامه قدامها وقالت بتوتر وارتباك: احم لا اصلا انا روحت عند وحده صحبتي من زمان مش شوفتها وقعدت معاها شويه ومحستش بالوقت بس مش اكتر

حازم ركز نظره معاها بشك لانها لتاني مره تقول نفس الحجه وكمان لان شكلها كان واضح عليه التوتر والكذب بس تهند بقوه وقال: تمام تعالي كلي معانا اكيد زمانك جعانه اوي دلوقتي

يارا بصتله بقلق انها تتكشف قدامهم لو كلت معاهم بسبب الحمل فقالت بكذب وخوف: لا انا مش جعانه اصل اكلت مع صحبتي شكرا انا هطلع بس ارتاح فوق لاني تعبانه اوي

حازم امال لها بتفهم بس جواه شك كبير تجاها ويارا سابتهم وجرت بسرعه على شقتها فوق بعد ماحست ان نفسها غمت عليها من ريحه الاكل تحت نظرات حازم اللي كان مركز اوي في تصرفاتها الغريبه بشك وريبه كبيره