تحميل رواية ملاك أحمد بقلم منه محمد pdf

-ملااك انا جيت

خرجِت من الاوضه و هي شايله ابنها الصغير بتلاعبه و بيضحكو سوا. ردت_هاااااي بابي جيه

راحت ناحيته و باسته من خده و قالت بابتسامه لطيفه_ حمد الله على سلامتك.

ابتسملها و اخد منها الطفل و لاعبه- يلا نلعب سوا لحد م ماما تحضر الغدا

قالت و هي بتروح للمطبخ- الغدا جاهز هحطه ع السفره عبل م تغسل ايدك

حط آسر(الطفل) على الارض يلعب و قام- تمام هغسل ايدي و اغير هدومي لحد م تخلصي.

جهزت الاكل ع السفره و هو غير هدومه و رجع شالت آسر على رجليها و بدأت تأكله هو الاول

أحمد_ طيب كلى انتي الاول و بعدين اكليه

بصيتله بابتسامه و قالت بهدوء- لا لما تاكلو و تشبعو بيبقى اكني اكلت و شبعت هأكله الاول و بعدين هاكل

بصلها بتوتر و قال_ ملاك بصراحه كنت عاوزك ف موضوع

- طيب ايه رأيك لما نخلص أكل هعمل كوبايتين شاي بالنعناع و نتكلم ف ال انت عاوزه..

ابتسملها_ خلاص اتفقنا.

و كمل اكل بتوتر و بيتابعها و هي بتأكل آسر و و بتلاعبه و بيضحكو سوا.. خايف ان ال هيعمله يدمر عيلته الصغيره..

خلصو أكل و هو اخد آسر و طلع بيه البلكونه و ملاك شالت السفرة و رتبت المطبخ و عملت الشاع بالنعناع و راحتلهم.. حطت الصينيه على الترابيزة و قالت بمرح و ابتسامه- احلى كوباية شاي بالنعناع لعيوني

قعدت و بصتله بابتسامه- ها قولي بقا كنت عاوز تقول ايه.

نزل آسر على الأرض ال بدأ يسحف جنبهم و يلعب بالالعاب بتاعته..

_ ك. كنت عاوز اقولك اني.. يعني

طبطبت على ايده بهدوء و هي بطمنه- قول و انا سمعاك

_ ملاك انا قررت اني هتجوز تاني.

بصتله بصدمة مش مستوعبه ال سمعته سحبت ايدها ال كانت ماسكه ايده ببطئ و هي لسه بصاله مش عارفه تنطق ووو....

بقلمي منه محمد

تفاعلو عشان اعرف اكمل.. اتمني تعجبكم 🌿

د

_احمد

بقلمي منه محمد

شجعوني عشان اكمل 🖤

part 2

سحبت ايدها بصدمه مسك ايدها بلهفه و قال- ملاك اسمعيني انتي.. انتي عارفه اننا اتجوزنا بناء على رغبة اهلنا... و كنت متوقع ان مع الايام و العشرة هحبك و علاقتنا هتبقى كويسه.. اه انتي كنتي زوجه مثاليه

جميله و اخلاقك عاليه و مثقفه و مرحه.. بس بس انا معرفتش احبك.... انا بحترمك جدا و مقدرش استغنى عنك انتي و آسر بس.. بس انا حبيت واحده تانيه.. غصب عني قلبي مال ليها حاولت كتير اني مفكرش فيها لكن معرفتش لانها قدامي ع طول.. انا اسف ان... سحبت ايدها منه تاني و وقفت بتوهان و دموع- محبتنيش! محبتنيش طيب ليه كملت معايا.. ليه منفصلتش عني من البدايه.. انا انا قلتلك قبل الخطوبه حتى.. قلتلك لو محبتنيش قبل الفرح ننفصل بهدوء لاني مش هستحمل اتعلق بيك و بعدين تبعد.. ليه عملت كدا.. انا معملتش حاجه ولا اذيتك ف حاجه.. ليه تأذيني و توجعني كدا..

قرب منها وقال _ ملاك انا اسف اسف اني عملت كدا.. بس كنت معتقد ان الايام هتقربنا..

صرخت بدموع- و الايام كانت بتعدي و محبتنيش ليه خلفت منى ليه كملت معايا تلات سنين ليه سيبتني احبك و اتعلق بيك اكترر لييه ليييه يا احمد

آسر عيط لما سمع صوتها العالي على عياطها و سحف ناحيتها شالته بدموع و طبطبت عليه و بتحاول تسكته.. بصت لاحمد بعتاب و دموعها بتنزل و مشت لاوضتها و قفلت عليها حاولت تهدي آسر بس كان بيعيط على عياطها ضمته جامد و هي بتقول بعياط بتطبطب عليه-بس بس اهدى يا حبيبي شششش.. مبقلناش مكان هنا يا آسر..

لمت هدومه و هدومها ف شنطة و غيرت هدومها و شالت آسر و جرت شنتطتها و خرجت.. شافها احمد و جري عليها وقال بتوتر- ملاك ممكن تهدي و نتكلم و هنوصل لحل صدقيني انا مقدرش استغنى عنكم.. انا.

قاطعته بثبات و الدموع لسه ف عينها- انا رايحه بيت اهلى يا احمد يا ريت ورقة طلاقي توصلني بكرا..!!

اتمنى تعجبكم

صلو على اشرف الخلق و آلهِ صلى الله عليه و سلم🌿

part3

سمعت جرس الباب بيرن ف خرجت تفتح.. شهقت بصدمه لما لقت بنتها قدامها منهاره و تايهه بالشكل ده مامت ملاك- ملاك! ادخلى ادخلى مالك ايه ال حصل

بصتله بدموع و مش قادرة تتكلم طبطبت مامتها على دراعها تهديها واخدت منها آسر نيمته ف اوضة ملاك و خرجتلها لقيتها قاعده سرحانه و دموعها نازله قعدت جنبها بهدوء و اخدتها ف حضنها و طبطبت عليها بهدوء من غير اي كلام.. ملاك ضمتها جامد و عيطت بصوت عالى و جسمها بيترعش و بتقول بانهيار-مبحبنيش يا ماما مبيحبنيش.. عايز يتجوز عليا انا عملتله ايه عشان يوجع قلبي كدا.. انا حبيته و صونته ف حضوره و غيابه يا ماما.. انا انا..

قاطعتها مامتها ال كانت بتعيط على عياطها بهدوء-ششش يا حبيبتي اهدي..اهدي.

اخدت نفسها اكتر من مرة لحد م بطلت عياط بعدت وهي بتمسح دموعها و قالت- مش عيزاه يا ماما خلاص مبقتش عيزاه خلوه يطلقتني مش هرجعله تاني..

طبطبت مامتها على كتفها و قالت بهدوء و رزانه- طيب اهدي كدا قومي خدي شاور و اتوضي و صلي ركعتين و اشتكي ل ربنا و ادعي يلهمك حسن التصرف يا بنتي و بكرا تكوني هديتي نتكلم سوا.. اتفقنا

ابتسمت بوهن و قبلت يد والدتها و قالت- حاضر يا ماما ربنا يبارك ف عمرك يا رب. اكملت بتساؤل-اومال بابا فين و نور

مامتها- بابا ياستي مسافر ف شغل هييجي كمان يومين و نور نايمه من شويه عشان عندها كليه بكرا.

أومأت براسها بهدوء و قالت- ييجي بالسلامه ان شاء الله.. انا هقوم انا عشان مش قادرة.. قبلت راسها و اكملت تصبحي ع خير يا ماما..

ابتسمت لها مامتها- وانتي من اهل الخير يا حبيبتي

استغفرو🌿

عند احمد كان قاعد ف البلكونه ف الارض باهمال باصص للبيت حوليه بتوهان حاسس ببروده و انه لوحده..و كأنها و هي ماشيه اخدت كل الدفا معاها معقول ضيعها من ايده بس بسهو مش بيحبها ليه حس بالتوهان ده.. ف الوقت ده مفكرش ابدا ف الانسانه التانيه ال عايز يتجوزها دي و لكن كل تفكيره مع ملاك.. لو مش بيحبها زي م قالها ليه بيفكر فيها كتير كدا... قام من مكانه بضعف و دخل اوضة النوم بص على السرير و افتكر لما كانت بتنام ف حضنه اد ايه كان بيكون مرتاح.. معقول يكون كان فاهم مشاعره غلط و اقنع نفسه انه مش بيحبها.. بص على سرير ابنه و ندم انه هد بيته و عيلته الصغيره ال عامله لحياته طعم و معنى و دلوقتي هو خسر كل حاجه .. عند النقطه دي و مقدرش يكمل تفكير رمى نفسه على السرير و نام من التعب..

استغفرو🌿

كل يوم تشرق فيه الشمس ينادى علينا... أنا يوم جديد و على عملك شهيد فاغتنمني فإني لا أعود إلى يوم القيامة.

بدأت ملاك يومها ب صلاة الفجر و قعدت تدعي ربنا انه يقف جنبها ف المحنه دي و تعرف تتصرف صح..

انتبهت على صوت آسر ال صحي من النوم قربت منه و شالته بابتسامه- صباح النور يا عيون ماما.. حقك على ماما انها خليتك تعيط يا روحي..

مد آسر ايده يمسك وشها وهو بيضحك و بيلعب معاها ضحكت معاه من قلبها و نست حزنها شطفته وغيرتله هدومه و خرجت لمامتها عشان تقعد معاها كانت نور خارجه من اوضتها ف نفس الوقت وقفت بصدمه مضحكه وقالت- بسم الله.. انتي جيتي امتى

ضحكت عليها ملاك- بليل..

قربت منها نور بسعاده حضنتها و اخدت منها آسر تلاعبه- وحشتوني و الله بقالكم فترة مش بتيجو.. باست آسر من خدوده جامد- حبيب خالتو يا نااس

حضنها آسر و بيقول بطفوله-نونو. اااااغغاااا.

حضنته نور جامد و ضحكت- يا نهااااري يا مامااااا مش رايحه الكليه انهارده..

مامتها و هي بتحط الاكل ع السفره هي و ملاك و بيقعدو للفطار- يلا ابت عشان تفطري و تروحي جامعتك .. لما تيجي اقعدى معاه براحتك..

و كملو فطار سوا و راحت نور كليتها و قعدت ملاك مع مامتها و آسر بيلعب جنبهم

-احكيلي بقا ايه ال حصل

اتنهدت ملاك بحزن و حكت ليها ال قاله احمد مسحت دمعه نزلت من عينها- ده ال حصل

مامتها بهدوء- طيب تيجي نفكر براحه.!

هزت راسها بهدوء كملت مامتها- طيب. احمد عمره قبل كدا عاملك بطريقه مش حلوة او اهان كرامتك بكلمه حتى او عمره مد ايده عليكي!

ركزت ف كلام مامتها و سرحت وافتكرت لما كان...!!

يتبع..

بعتذر ان البارت قصير بس لما بيكون طويل بيترفض و اخدت بان اسبوع بسبب كدا

اتمنى يعجبكم و شجعوني بالتفاعل عليه و ننزل واحد تاني

"صلو على من جلس على ركبتيه يواسي طفلا مات عصفوره" 🌿

-احمد

part4

سرحت ف كلام مامتها و افتكرت لما كان بيدافع عنها لما حد يضايقها من اهله و مكنش بيسمح لحد يغلط فيها قدملها كل الاحترام..

بصت لمامتها بدموع و هزت راسها ب لأ وهي بتقول-لا يا ماما بالعكس كان ديما بيدافع عني حتى ف غضبه كان بيمشي عشان ميتعصبش عليا.

ابتسمت مامتها و سألت:

طيب هو قصر معاكي ف حاجه قبل كدا ليكي او لابنك او للبيت

دموعها زادت و هزت راسها ب لأ من غير م تتكلم

ابتسمت مامتها براحه و قالتلها: طيب انتي حسيتي قبل كدا من تصرفاته انه ممكن يكون بيكلم واحده او انه مش بيحبك

قامت وففت و اتكلمت بدموع و توهان- م ده ال هيجنني تصرفاته كلها معايا بتدل على حبه ليا حتى لما بنكون ف مكان سوا مش بيبص لغيري و احمد بيغض بصره اصلا.. حياتنا سوا كانت مثاليه بيتنا كان كله دفا يا ماما.. من تصرفاته عمري م تخيلت انه ممكن يقولي كلمه زي دي... قعدت جنب مامتها حطت ايدها على وشها و عيطت...

طبطبت مامتها على رجلها و قالت بكلمات مختصرة وراها كلام كتير - حافظي على بيتك يا بنتى رجعي جوزك ليكي و لابنه احمد بيحبك انتي متهديش بيتك.. و بردو محدش هيغصبك على حاجه.. بس انا عارفه ان بنتي هتتصرف صح

و سابتها تفكر ف كلامها و تشوف هتعمل ايه.. هي حتى مردتش ترد عليه رن عليها كتير و هي مش بترد عليه..

فاقت على آسر و هو بيمسك فيها عشان تشيله و بيقول- دادا.. دادا(قصده بابا)

شالته حضنته و قالت بهمس: حاضر.. بابا هيرجع لينا يا آسر مش هنبعد عن بعض.. محدش هيفرقنا

بعدته و بصتله وكملت اكنه فاهمها. بس هنتعبه شويه عشان يعرف قيمتنا عنده كويس.. صح. ضحك آسر و ضحكت معاه و حضنته..( ده حقى و حقك و انا مش هستغني عنه)

استغفرو🌿

صحى من النوم على البيت هادي غير العاده مش سامع صوتها و هي بتلعب مع آسر وبيضحكو سوا.. مش شامم ريحة القهوة المميزة ال بيصحى عليها كل يوم.. البيت ضلمه و الشبابيك مقفله و البيت اكن مفيهوش روح.. مشى بحزن للحمام اخد شاور و اتوضى و صلى و غير هدومه و نزل على شغله من غير م يفطر او حتى يحرك حاجه من مكانها.. حاول يكلمها كتير الا انها مش بترد عليه و ف الآخر قفلت فونها عشان ميوصلهاش وصل لانه هيخلص شغله و يروح ليهم و مش هيرجع غير و هي معاه هي و ابنه.. دول حياته ال ميقدرش يستغنى عنهم.. دول ال من غيرهم حياته ملهاش معنى.

وصل شغله متأخر ع غير العاده ع غير عادته دخل لمكتبه و طلب السكرتاريه

سالى-صباح الخير يا استاذ احمد

احمد بجمود و هو مش باصصلها- صباح النور.. جهزي نفسك عشان هتتنقلي الفرع التاني.

قربت منه بزعل مصطنع و هي بتقول-ليه بس هو انا قصرت ف حاجه

وقف من مكانه و بعد عنها و قال بحده- ال قلته هيتنفذ بدون نقاش اتفضلي يلا و في واحد هييجي يستلم الشغل.. اتفضلى

قالت بخوف- حاضر يافندم بعد اذنك.. و خرجت

تنهد بتعب و بص للصورة ال ع مكتبه ثورة ليه و ل ملاك و لآسر .. قال ف نفسه-انا ازاي ضيعتكم من ايدي ..قارن ف نفسه بين ملاك و سالي وقال انا ازاي فكرت ف ان سالي ممكن تكون زوجه ازاي سمخت لنفسي ابصلها حد يبقى ف ايده ماس زي ملاك و يضيعه...الحقيقه اني معرفتش قيمتها عندي غير لما بعدت عمي يوم واحد.. انا فعلا بحبها.. مش معقول اشتياقي ليها و ان مش عارف اركز ف حاجه ان لمجرد بحترمها.. ازاي مكنتش عارف احدد مشاعري تجاهها.. فكرة انها تكون مفروضه عليا من جهة والدي دي كانت مأثرة عليا و علاقتي بيها.. كنت بقولها انها كانت اختيار اهلى و انا وافقت... بس الحقيقه اني اتغصبت عليها ف الاول و معرفتش ارفض عشان والدي تعبان ووكنت خايف اظلمها معايا.. لكن مردتش اقولها عشان متزعلش و تحس بالرفض... ااااه من الواضح ان ال عملته كل ده هديته ف لحظه.. عشان كنت خايف احبها.. واديني وقعت و غرقت ف حبها و اكتشفت اني مقدرش اعيش من غيرها.. محاولتي ان الاقي حب تاني عشان اثبت لنفسي اني اقدر اختار و احب من غير ضغط من اهلي.. لكن تيقنت ان اختيارهم كان صح.. و قبل ده اختيار ربنا ليا كان صح... بس دول دنيتي و هرجعهم ليا تاني مهمها حصل.....

استغفرو🌿

مر اليوم بسرعه و جيه الليل و راح احمد ل ملاك عشان يكلمها .. رن جرس البيت و فتحت ليه والدتها قالت بهدوء- اتفضل يا ابني ادخل..

دخل و هو بيدور بعينه عليهم مش لاقيهم

بص لوالدتها .. فهمته فقالت بهدوء-ملاك و آسر ف اوضتها دلوقتي بتنيمه..

قال بسرعه-طيب ممكن اشوفهم.. قصدي يعني اشوف آسر قبل م ينام

ابتسمت و هزت راسها بهدوء-اتفضل دي مراتك وابنك.

بصلها بامتنان و راح ناحية اوضتها اخد نفسه و خبط بهدوء

سمع صوتها بيقول بضحك- تعالي يا ماما.. شوفي آسر مش راضي ينام خالص.

الباب اتفتح و مسمعتش صوت.. بصت وراها وقفت بصدمه-احمد!!

بقلمي منه محمد

اتمني يعجبكم.. و شجعوني عشان اكمل..

صلو على الحبيب المصطفى صلى الله عليه و سلم❤

الباب اتفتح لكن مسمعتش صوت حد دخل لفت باستغراب اتحول لصدمه لما لقيته ادامها-احمد!

قرب منها بهدوء و وقف قصادها بصلها ووحاسس انه بقاله كتير مشافهاش رغم ان ال عدا عليهم يوم واحد بس مسك ايدها بين ايديه و قال و هو باصص ف عينها_وحشتيني.

سحبت ايدها من ايده بعنف و عيونها مليانه دموع قالت بسخريه-فعلا! غريبه رغم انك المفروض تكون ارتحت بعد م بعدت مش ده ال انت عايزه..

قال بلهفه- لا ابدا.. انا.. انا بحبك عارف انك مش هتصدقيني بعد الكلام ال قلته بس بعدك عني اليوم ده بس عرفني ان اد ايه حياتي من غيرك ملهاش معنى.. ملاك انا فعلا بحبك.. انا اسف على كل الكلام ال قلته و ارجعي معايا ارجوكي..

بصت ليه بدموع و بتهز راسها بالنفي- مش قادرة اصدقك و الوجع ال حسيت بيه و انت بتقلهالي ف وشي انك مبتحبنيش و عايز تتجوز عليا مش هيروح بالسهوله دي يا احمد...انت زي م تكون رفعتني للسما و رحت منزلني لسابع ارض و الوقعه كانت شديدة.. علي مشاعري وعلى كرامتي.. و مش هقدر اكمل.

بصلها بتعب من ال عمله ف نفسه و ف عيلته و قال بتوتر-قصدك ايه يا ملاك

لفت الناحيه التانيه عشان تداري دموعها ال نزلت بسرعه و قالت- يعني طلقني يا احمد

بصلها بصدمه و قال ف محاوله منه انه يهديها- ممكن تديني فرصه اصلح ال عملته ملاك احنا مع بعض بقالنا تلات سنين و عمرك م شوفتي مني حاجه وحشه.. عاملتك بكل احترام و كنت بحبك لكن كنت رافض اعترف لنفسي بده و لما بعدتي عني يوم اتجننت و عرفت اني مقدرش اعيش من غيرك

بصيتله و قالت بضعفو دموعها بتنزل- الكلام ال قلته كافي ينسيني ال عملته ف التلات سنين يا احمد..مسحت دموعها و قالت بجمود مصطنع- بس خلاص مش عايزة افتكر حاجه انا على موقفي ولو سمحت تطلقني بهدوء بدون مشاكل و زي م انت شوفت واحده تانيه و عايز تتجوزها انا كمان هلاقي راجل تاني يحبني وي...

قطع كلامها لما شدها ليه بعنف و غضب و حاسس بغيرة هتقتله من مجرد ذكرها لراجل تاتي قال بقوة و غضب- انا حاولت كتير اتكلم براحه لان عارف الكلام ال قلته صعب.. لكن انك تجيبي سيرة راجل تاني على لسانك يا ملاك قسما بالله هخليكي تندمي و طلاق مش هطلق و هتفضلي على زمتي و هترجعي هسيبك كام يوم تهدي و هرجع اخدك كلامي واضح..مشي لحد باب الاوضه و قال و هو مديها ضهره من غير م يبصلها..واه انا عمري م بصيت لواحده غيرك.. سلام

قالها بغضب و سابها و مشي.. بصت ف اثره بعد م مشي بدموع و ابتسمت بين دموعها.. مسحت دموعها و بصت على آسر ال نام و اخدته ف حضنها و نامت....

حوقلو🌿

ركب عربيته و فضل يلف بيها و هو متعصب جامد و بيفتكر كلامها و الغيرة بتقتله بالبطئ مجرد التفكير ف انها تكون لغيره جننه.. مستحيل يسيبها مستحيل.. لف بالعربيه و رجع البيت و نام بعد تفكير كتير و ارهاق بسبب انه مأكلش اي حاجه و من الضغط ال حاسس بيه من كل جهه

استغفروا🌿

صحيت الفجر صلت و قعدت تقرأ ورد القرآن و تسبح و تذكر الله الى طلوع الشمس حتى بعد الشروق ب عشر دقائق صلت ركعتين الضحى(و هذه ما تسمى ب جلسه الضحى ف قال صلى الله عليه و سلم حديث فيما معناه "شرح الحديث مش نصه" انه اذا صلى الرجل الفجر في جماعه ثم جلس يذكر الله حتى طلوع الشمس ثم صلى ركعتين كانت له كأجر حجه و عمره تامه . و المرأه في بيتها) زادنا الله و اياكم من فضله لعلها المنجيه و لو جربتوها مرة مش هتسبوها حاجه بسيطه و كلنا محتاجينها و معلومه ع السريع ان بعض العلماء قال ان تأخير صلاة الفجؤ لبعد الشروق كبيره من الكبائر.. صلاة الفجر مينفعش نضيعها يا اخواني "و قرآن الفجر إن قرآن الفجر كان مشهودا" صدق الله العظيم.

خلصت ملاك جلسة الضحى و قامت تنام تاني شويه قربت من آسر باسته من خده بس بعدت بخضه و هي بتحط ايدها على راسه لقيته سخن جدا عيونها دمعت حاولت تعمله كمادات بس حرارته مش بتنزل بردو.. جريت على صحيتها و قالتلها

-طيب البسي و نروح بيه المستشفى بسرعه..

- لا يا ماما انا هلبس و اروح لوحدي انتي تعبانه و مش هتقدري تنزلي و لو سمحتى بلاش جدال لان مش هخليكي تيجي معايا وانتي تعبانه وانا هلبس بسرعه عشان متأخرش.. و مشت بسرعه تلبس و هي بتدعي و دموعها بتنزل عشان آسر

عند مامتها برا تنهدت بضيق من عند بنتها و انها لو عملت ايه مش هتخليها تروح معاها.. فكرة ف فكره و نفذتها يمكن تكون السبب ف جمعهم مرة تانيه..

لبست و لبست آسر كمان و كان نايم و طلعت بيه بسرعه نزلت من بيتهم و وقفت تشوف تاكسي بس ف الوقت ده صعب تلاقي لان لسه بدري جدا.. ضمت آسر ليها بخضه و رجعت ورا لما لقيته جاي بيسوق العربيه بسرعه جدا و وقف قدامها نزل بسرعه وقرب عليهم-في ايه يا ملاك ماله آسر

نست كل شئ بينهم و مفكرتش هو عرف ازاي كل ال ف بالها آسر و قالت وهي بتعيط جامد- آسر سخن اوي يا احمد عملتله كمادات و حرارته مش بتنزل

شاله منها بقلق و ضمها ليه و باس راسها و ركبها العربيه - اهدي يا حبيبتي هيبقى كويس ان شاء الله..

قعدت مكانه و اداها آسر ال ضمته ليها بخوف و دموع و بتردد-يا رب يا رب

شغل العربيه بسرعه و طلع على اقرب مستشفى و الدكتور كشف على آسر و قالهم انه آخد برد و بسبب الحساسيه ال عنده عملتله سخونيه كدا و بعدين خرج و سابهم بعد م طمنهم ان حرارته بتنزل للطبيعي

عيطت ملاك جامد و بتقول- انا السبب انا السبب

ضمها احمد و هداها- يا حبيبتي انتي السبب ليه بس هو بقا كويس اهو الحمد لله و حرارته نزلت.. اهدي بقا الحمد لله انها جات على اد كدا

كلامه ليها هداها شويه مسحت دموعها و لما استوعبت الوضع انه حاضنها بعدت عنه فجأة وقالت بحده- انت ازاي تحضني كدا..

بصلها بصدمه من تغيرها ف ثانيه بس عرف انها اخدت بالها انها زعلانه كتم ضحكه و قال بتهكم-والله واحد و حاضن مراته مفيهاش حاجه

قلبها دق بعنف بس خبت توترها و قربت شالت آسر و قالت- قلتلك انك هتطلقني ف لو سمحت متقربش كدا تاني

شدها لحضنه و هي شايله آسر و حضنهم هم الاتنين و همس لها بحدة و تحذير- هعديها المرادي كمان و هقول اعصابها تعبانه لكن اسمع منك كلمه طلاق تاني يا ملاك مش هيحصل خير.

بعدت بخوف و توتر من كلامه و قربه ليها. بصتله بغيظ و دبت رجليها ف الارض زي الاطفال و خرجت من المستشفى

ضحك على شكلها و طلع وراها لقاها واقفه و بتشاور لتاكسي راح عندها و شاور للتاكسي يمشي.. بصيتله بغضب- ايده هروح ازاي دلوقتي

رد بغضب- صوتك يا ملاك.. و ايه الجنان ده بتوقفي تاكسي اومال انا هنا بعمل ايه..

دورت وشها و قالت-وانا مش عايزة امشي معاك

-استهدي بالله يا حبيبتي و يالا اركبي خلينا نمشي

بنرفزة- مش عايزة اركب معاك انا هروح لوحدي متشكره اوي لحد كدا و معلش قلقناك معانا

بصلها بغضب و شدها من ايدها جامد ووو

د

كنت واقفه على سطح بيتنا و ضامه الشال على كتفي بحاول استمد منه الدفا. ال بعد عني من وقت م بعدت عن حضنه.. اه بحبه و عايزة ارجعله بس مش قادرة الكلام ال قاله كان صعب حتى لو مكنش قصده..

فلاش باك

بعد م رجعو من عند الدكتور ب آسر ركن العربيه بعصبيه و شدها من ايدها بعنف و دخل بيتهم

احمد ل مامت ملاك- معلش يا طنط خلى آسر معاكي

اخدته منه بهدوء _ماشي يا بني هاته انيمه

شد ملاك ال كانت واقفه و بعدها عينها عنه و ماسكه دموعها بالعافيه و دخل اوضتها و قفل الباب

قال بعصبيه و بيشدها عليه مش كفايه جنان بقا لحد كدا

زقته و اتكلمت بعصبيه و دموعها بتنزل- جنان! انت لسه مشفتش جناني يا احمد ولو سمحت كفايه لحد كدا و طلقني

قالها بعصبيه- مش هطلقك يا ملاك مش هطلق و هتفضلي على زمتي و ملكي لحد م اموت

قلبها وجعها من كلمته بس دورت وشها وقالت بجمود و دموع ف عنيها-بس انا مش عايزة اكمل معاك لو سمحت متخليهاش توصل للمحاكم يا احمد ننفصل بهدوء افضل و روح لل كنت عايز تتجوزها

شدها من وسطها بقوة و قال- انتي ليه مش عايزة تصدقيني اني مبصتش لغيرك وان كنت بقول كدا اختبار لنفسي و ليكي عشان اتأكد من مشاعري ناحيتك و انتي عارفه اني بغض بصري..عمري م حبيت غيرك يا ملاك

بصت ف عنيه و حست انه صادق احمد مش بيكذب بس كلامه وجعها و لسه فاكره كل كلمه قالها و بيترددو ف دماغها.. بعدت عنه بهدوء و قالت و هي بتبص بعيد عن عينه- انا اسفه يا احمد بس مش هقدر كلامك وجعني ولسه فاكراه بالحرف.. مش هقدر يا احمد حتى لو رجعت هيكون بينا شك بسبب كلامك هشك فيك مش عايزة علاقتنا تبقى كدا.. بصتله بدموع. طلقني يا احمد و خلي بينا ذكريات حلوة بلاش نبوظ ال فات

مسك ايدها و قال بندم و عينه بتلمع بدموع- بلاش يا ملاك.. هستحمل اي حاجه و اي شك منك لحد م ترجعي تثقي فيا و هنعمل ذكريات احلى بلاش تنهي ال بينا لو مش عشاني حتى عشان آسر.. ارجوكي انا محتاجكم انتو كل حياتي و عايش عشانكم.

قعدت على الارض و بكت كتير جدا كانها بتطلع كل ال جواها من وجع و زهق و كانت ماسكه نفسها كل الوقت ده.. قالت بعياط شديد- امشي يا احمد امشييي مش عاايزة اشووفك.. بقيت بتأذيني و بتوجع قلبي اكتر امشييي يا احمد

بصلها بزهول من كلامها معقول وصلها لكدا من غير قصد رجع خطوات لورا و قال- ماشي يا ملاك مش هخليكي تشوفيني تاني لو ده هيريحك

و خرج بسرعه و غضب من البيت

باااك

ضمت نفسها اكتر و بتشد الشال عليها بسبب برودة الجو و هي بتغمض عنيها و دموعها بتنزل بصمت.. لما صرخت فيه بالشكل ده مكنش قصدها هي متقدرش تعدي يومها من غير م تشوفه او تسمع صوته بس هو كان جد ف كلامه فعلا لا عدى اكتر من اسبوع و هي مشافتوش.. بتتمنى لو تلمحه بس من بعيد تطمن انه بخير..

عدت ثواني و هي سرحانه و الدنيا مطرت فتحت عنيها و ابتسمت و هي بترفع ايدها تلمس المطر و كأن السما بتواسيها بحاجه تفرحها هي بتعشق المطر و ريحه المطر و صوت المطر و كل حاجه بستنى الشتا من السنه للسنه.. المطر زاد اوي و هي لسه واقفه سرحانه و هدومها غرقت مايه لانها كانت لابسه هدوم خفيفه فاقت على ايد بتحط جاكت تقيل عليه و بيضمها ليه يدفيها غمضت عينها و همست-احمد..

فتحت عينها بدموع بصتله بعتاب و هي بتبعد الجاكت و بتعيط- شكرا مش عايزة منك حاجه

حطه عليها تاني و ضمها ليه و هو بينزل من المطر-ششش ينفع كدا غرقتي نفسك و هيجيلك برد

حاولت تزقه تاني بس شدها و حضنها جامد بشوق و همسلها بصدق- وحشتيني

ضمته كمان و عيطت جامد و بتقوله-هونت عليك تسيبني كل ده

-عمرك ما تهوني عليا بس كنت عايز اديكي فرصه تهدي و تفكري بهدوء

مسك وشها بين ايده و قال- موافقه تكملي معايا يا ملاكي

ضربته على صدره و اترمت ف حضنه و قالت بدموع- اصلا عشان اخد فيك ثواب بس بدل م تعيش لوحدك

ضحك و ضمها-يعني مش عشان بتحبيني!

ضحكت-تؤتؤ عشان اخد فيك ثواب.

ضمها بحب و شوق و بيحمد ربنا ان عيلته الصغيرة رجعتله تاني و انه مضيعهمش من ايده و فاق قبل فوات الاوان و رجعت معاه ملاك و آسر للبيت و عاشو حياتهم بسعاده و احمد بيقدملها كل الحب و الاحترام وهي اقنعت نفسها ان ال حصل كان تجربه عاشوها و احمد يستحق انها تثق فيه و بدأو حياتهم من تاني و كانت احلى حياه..