رواية ملاك الرحمة الفصل العاشر 10 - بقلم زهراء العراقيه

صدك لبست ثوب يخبل
وسرور حطت اله مكياج طلعت قمر ولبست شال يخبل وضلينا ننتظر بالصالة عود ع طبيعتنا وماكو شي واحنه كعدنا الدنيا وكفناهه

دخل عباس للبيت سلم علينا من شافنه كاعدين من غير ما يركز بينا صعد لغرفته نزل ورة
اشوية وخاله هم طلعت من غرفته اجت كعدت يمنا كالت سمعتكم يا يمة وفهمت عباس يريد يحجي ويه غفران اني راح اضل كاعده يمهم انتن بس يجي روحن

كلنا اوكي خاله

سرور" نكول مبروك غفورة حتى خاله حاسه

غفران أبتسمت

اني من يمي متوترة
" هف اشو اني من يمي كلبي راح يطلع الله يعينج غفران

نور " اي والله اني هم يكلك راح يخطبنا كلنا جماعي

غفران "ههههههه كافي ولجن

باوعت لخالتي لكيته صافنه على غفران وتبتسم قريته من عيونه طايره من الفرحه واخيرا عباس فكر ...
نزل الرجال شافنه كلنا متحنطات يكولك بفاتحه . اني ابسرعه من هو كعد كمت سويت نفسي اثاوب واريد انام ونور هم وسرور نموت ضحك  وصلنا يم الباب ووكفنا وراه نسمع
يانوم هذا واحنه الفضول موتنا جانت غفران كاعده مقابيل الباب يعني احنه نشوفه وهو وخاله ما نشوفهم كاعدين عكسنا ..
عباس : ها غفران خو ما تأخرت
" لا عادي
"والله اعذريني ماعندي وقت اشوفج بيه حتى احجي وياج لأن الصبح اطلع وبالليل الا اجي
" اي حقك الله يساعدك

اني: بهمس؛ يمعود ادخل بالموضوع مو متنا

" والله قبل فترة عرفت من امي

اهنا دك موبايله و باوع ع موبايله وكال دقيقه كام واحنه اطافرنا لغرفة خاله 😁😂 حتى ما يلمحنا
غفران بان عليه التوتر يا ترى خاله شنو حاجية اله
رجع واحنه رجعنا الى اماكنه ورة الباب 😃😂
"اي غفران اني اليوم حجيت
وهم دك موبايله
خرررب حضي
رد بس ما كام اختصر الحديث وسده

خاله: اي يمة شكووو

طبعا هو بنظرة خطافية شاف غفران لابسه ثوب يخبل ومكياج فول مو مال وحده تريد تنام بعد اشويه ..

" ها اي يمة قبل فترة سمعت غفران تريد تشتغل وطبعا دوخة المحاكم ما تراد اذا وحده من غير مكتب يدعمه لهذا اني اتكلمت عنه عند صاحبي واخوهه المحامي المشهور حسن ساجب هذا كله قضاية مستميته يحله وبمكتبه وتحت ايدة أكفأ المحامين ووافق على ان غفران تباشر بالعمل وياه الاسبوع المقبل اذا هي موافقة....!!!!!!!!!
وهذا كل مافي الموضوع غفران شنو ردج
امه ضلت فاتحه حلكة
وغفران كانه كانت بالسمااااااء ووكعت على وجه على الارض
ضلت ساكته وتعابير وجه تحجي عن خيبة الأمل .
" اها موافقه حتى اردله خبر ؟؟

اتحشرج صوته
"ااااحم اي اي موافقه وين واحد يلكه هيج عمل ويرفضه تصبحون على خير
خاله وعباس ؛: وانت من اهله
طلعت وباوعت علينا وصعدت لغرفته
احنه رحنا وراهه
سرور: ها غفورة حب ولا يهمج
غفران ماردت
اني : اكيد يصارحج بعدين
نور: يلا حب مصار شي ليش ضايجه
هي: اشون ما اضوج هاااا .. واني بهذا المنظر الفضيع شنو موقفي من سهرانه وهيج مسوية بروحي هاا وهو كل الموضوع يريد يساعدني لا اكثر ولا اقل حتى ما كلف نفسه وباوع بوجهي ولجن هو اصلا مو يمي اني لوحدي بنيت امال على تراب
احنه انصدمنا من طريقة كلامة جانت بنتهى العصبية وهي منبع الهدوء والرقه لعد اشكد انجرحت
هي: لا وانوب خاله تعرف بالموضوع واحنه شنو فاهمين وعرفت اني معجبة بيه اشون اباوع بوجه بعد!!

سرور: وشنو يعني هي مثل امنا ولا يهمج عادي مصار شي بس هو خلانه نفهم غلط من خابر واهتم الا يحجي وياج كلنا اكيد موضوع يخصه ويخصج لهذا هلكد مهتم
اني: يلا بنات لا اكبرنه مصار شي وهو شهم دوم يهتم بغيره
خابت الظنون يا عباس .... ليش هيج سويت بختي ...

وعدة الايام واني وغفورة رحنا لطبيب الاسنان وباشرت بجلسات تقويم الاسنان بس كلش حزنت من عرفت انو حالتي صعبة اضل اعيش اجمل ايام عمري بتقويم ..وشكلته..
مرت فترة وجيزة وجاسم خطب غفران من خالتي وغفران وافقت بعد ثلاث اشهر تم الزواج وسرور واحمد انفضحت علاقتهم وخاله رادت سد الموضوع