رواية ملاك الرحمة الفصل الرابع 4 - بقلم زهراء العراقيه

سرور اول ما صار بوجه أحمد كامت ع حيله وشردت لفوووك واني ضليت مثل حشا القارئ المطي صافنه بحركة مبالغه  واباوع بكل غباء لغفران غفران كامت من الطاولة وراحت واني سويت نفسي بريئة وكمت الم بالمواعين هو جان لابس يريد يتريك ويروح كتله اكعد أحمد اني احضرلك الريوك وسويته اله وشردت وهو ما حجى شي ... صعدت لغرفتي دخلت كعدت ع سريري طبعا هيفاء اشاركني بيه لان نور متحب احد يمه جانت نايمه هي ونور.. دخلت سرور عليه وتخنك بيه ولج فضحتيني الله لا ينطيج ..
اني : عععع عوفيني والله مدري
انجبي خوثه
اني: دفعته كافي عاد اصلا ما سمع مبين كعد يتريك ويسولف ويضحك كالعاده هذا مطفي اشبيج (جذبت)
هي : صدوك
اني : اي اي اشبيج
هي : هف والله اذا طلع سامع اموتج بمكانج
اني انطيته نظره تدل على عدم المبلاة
راحت واني لفيت راسي ونمت ....
العصر نزلت كعدت مطفية غسلت وجهي ونزلت دخلت للصالة واشتميت عطر يخبل ... جان عباس بالصالة بس شنو طالع يخبل لابس بدلة رسمية لكنه عصرية تركية تخبل ورافع شعره بجل  وطالع فد شي
اني : هاي اليوم شطالع
هو : اها أنيق لو اجامليني
اني بكلبي هذا يحجي صدك عود طالع قمرررررررر  ويسأل
كتله لا والله طالع تخبل طبعا اني جنت ماخذه راحتي بالكلام وياه كانما اخويه الجبير واحجي الي بكلبي بدون تكلفه  .
اجت هيفاء : هلا عيني اليوم عرس صديقك مو
هو: اي
هي :اي طالع كولش حلووووو
هو : اشكرج
وصاح: احمد يلا تأخرنا
نزل احمد يعدل بالفيونكه مالته هم طالع حلو بس امام جمال وهيبة عباس لاشي يذكر
ونزل حسين وحازم من غرفة حازم هم متأنقين طبعا كولهم بيضان معدا عباس حنطاوية ع سمار بشرته لونه اله جاذبيه اكثر منهم .. 
احمد :ها اشوني ووكف كبالنا
اني :كولش انيق
هيفاء :تخرع
هو :هههههههه تغارين من جمالي جكوم
حسين : ههههه يلا اليوم عرس صلاح اخر عزابي من جماعة عباس بقى بس عبوسي بيهم ههههههههه
عباس : بحنق يلا يلا اتأخرنا
وخزر حسين وطلعو وضلت بس روائح عطرهم الفخمة بالمكان انتبهت ع هيفاء واكفه وتباوع ع ضهر عباس وهااايمة بيه باوعت اله وضحكت
نحن هنا هيييي ولج
هيفاء : خرب ولا تخلون الوحده تسرح اشبيج
اني : مابي شي تعاي نلغف
هيفاء :اي اي جاية
بالليل تقريبا الساعه ب 10 كاعدات نباوع فلم حصري نزلناه من النت وحطينا بالشاشة بالصالة بس خالتي نايمة خل اشرح الكم وين نام خالتي وحسين غرفهم جوة طبعا بيتهم فسيح جدا والممرات اشكبرهن اما اني والبنات غرفنا فوك بالطابق الثاني كل اثنين بغرفه واكو غرفة ثالثه يمنا بيه اشياء مثل المخزن مسويه اما حازم واحمد و عباس غرفهم فوك بالطابق الثالث ..
المهم نعود للأحداث كاعدات وما نحس غير احمد دخل يركض خرعنا همزين كلنا حاطات احجبتنا يمنا واجه وراه عباس يضحك ويكول ولك عيب جيبه
عباس:ولك عيب جيبه
احمد:والله الا افضحك اليوم
هيفاء كامت شكو شكو دخلو الولد الباقين
احمد تعاي هيفاء شوووفي عباس دكتوركم قبل لا يتقرب منه اجه عباس وجات فوك احمد وكعه وضلو بالأرض واحد يلزم بالثاني وهالكين من الضحك وعباس يحاول ياخذ موبايل من احمد واحمد الضحوكجي ما يخليه وفجاء احمد دغدغ عباس اشو هذا مات صار يضحك ضحكته الشهيره بصوته العالي العذب واحنه البنات صافنات ع حركاتهم الطفولية واحمد يدغدغ وعباس يضحك بالارض اتخيلو رجال شكبره نايم وشعره اليخبل تبعثر ع الارض و طبعا هو جان نازع رباطه وحاطه مفتوح ع ركبته واحمد شمر الموبايل ع هيفاء كال اله الرمز مال عباس طلع فون عباس بس اشون فون ع صاحبه طاك هاي ما صدكت فتحته كال اله ادخلي ع الفيدو وشوفي الفضايح اهنا عباس حاول يكوم وهذا احمد كعد فوكاه  فطسه للرجال اني سحبت الفون من ايد هيفاء وشردت وكولت ما خليكم اشوفون شي خطيه
الجميع :: عااا ولج خل نشوف كالنه خواتي صفنت عليهن طلع هم بيهن بله كتلهم مااا اهنا كام عباس المخربط بس شو طلع هم يخبل بالنعثره مالته .  واني ركضت انطيته الفون وتلزمني هيفاء وتكرصني
هو :والله انت ماكو منج
هيفاء: لوكية
اني : مو لواكه والله بس خطيه  ما يردنا انشوف
هو : والله انت تحفه ويضحك ع احمد واحمد يباوع الي ويكول اني اعلمج صرتي وياه استلمي مني لعد
هو: هههه لن ولم تستطيع هزمنا
حسين ولكم متت من الركص
نور : عاا جنت تركص
هو: اكيد هههههه