رواية ملاك الرحمة الفصل السادس 6 - بقلم زهراء العراقيه

باوعت عليه بكل براءة وكتله يلا نروح هديت 😊😊
هو اخذ سويج سيارته وموبايل من الطاولة وحاسب وطلعنا للسيارة
وصلنا للبيت اول ما دخلت لكيت خالتي العزيزة كاعد ع المرجوحه هي وخواتي طبعا مرجوحه حجم عائلي فخمه .. المهم كاعده ومسويه مجلس عزه ههههههه ابسرعه من شافتني وشافت شحوب وجهي ركضت حضنتني وتبوس بيه . بعده لزمت وجهي بثنين اديه وكالت اشبيج يا ريحه الغاليه ليش جنتي تبجين اهنا رجعت حضنته ورحت لغرفتي واخواتي وهيفاء ورايه كعدن ع سريري كلهن واني مغلسه عن اسالتهن ؛ بدلت ورحت ع سرير نور وتقرفصت اجت غفران غطتني وانبطحت يمي وتمسد ع شعري الى ان نمت طلعن هنه من الغرفه وراحن

....... عباس ......
ما طلع من البيت رغم ضيق وقته وضل ع الغده
كعدت من النوم لان حسيت احد يربت ع كتفي بحنان
باوعت شفته خالتي شافتني من كعدت كالت ها خاله خو ما ضايقتج وكعدتي
اني: لا خاله اني شبعت نوم بيش الساعه،؟
هي : الساعه ب 5 العصر يمه
هي : ليش هيج خوفتينا عليج اشبيج يخاله احجي ؟؟
اني:: سولفت الها كولشي وبعد ما سمعتني من غير مقاطعه كالت
هي:: يخاله يعمري الحياة بيه العجب من البشر وكلمن ويومه وراح يتحاسب على كل كبيرة وصغيره سواهه بحياته لا أظنين اكو عبد يفلت من العقاب اذا مو بالدنيا بالأخرة وانت بعدج صغيره وكلشي ما شايفه بحياتج بعد وبعد يا يمة الحياة كله مقاسي واوجاع الله يبعدج عنه .
وباستني من خدي ونمت ع صدره ضليت اشتم بعطر جسمه ريحته ريحه امي الله يرحمه
مر وقت واني انعم بحضنه الدافي

اني: خاله
هي : هايمه
اني: انت كلش طيبة وحنونه بيج ريحه امي
هي: الله يرحمه يروحي وشدتني ع صدره بديه اكثر
اني : خاله
هي :ها يمة
اني:انت كلش حنينه ليش لعد مجنت اشوفج من قبل ليش ابد ما تتواصلين ويانه قبل . استغليت الفرصه الان كنت كل ما سأله تتهرب من الجواب ..
هي :يمة مو وكته
اني : لا خاله عفيه كولي اريد اعرف . هي صفنت وتنهدت وكالت
هي يا يمة بسنة الشرده ومن صار القصف انت جنتي لساج ما جايه للدنية سنة 91 اجو يمنا اهلج يحتمون بيتنا لان بغداد جان بيه قصف قوي .
اني جنت مخلفه كل جهالي وحامل بحسين وامج عده بس غفران اجو محملين فلوس وذهب امج جانت حالتهم المادية احسن منا بأضعاف احنه جنا ناس ع كدنا حالتنا مستورة بعد ما اويناهم بيتنا ابوج اتهمني بسرقه ذهب امج كله انباك ومانعرف منو جبت القران وحلفت وهو ماصدك وبوكنا وامج الله يغفر اله ويرحمه ما حاولت ادافع عني اني اخته بوقته رجلي بعد اتعاركو ويانه طردهم وكال لا النا دخله ولا طبه يمهم وابويه هم ضاج من امج لان صفت ويه ابوج وسرقتنا من وقتها واني كلبي يتقطع عليه وهي بسنه مرة تجي اشوف اهله للحله وتروح واني يحرم عليه زوجي اروح لهلي باليوم التجي بيه . مرت اسنين وهي صارت الكطيعه يايمه اني جنت اموت باليوم ميت مرة ع شوفه اختي الصغيره ومن اخذ الله امانته ماتت روحي وراهه..

هي اسولف واني عيوني خوركن بالدموع وكولش ضجت من موقف امي وابويه وياهم هاي الجنة الي كاعده كبالي لا يمكن تسرق اشون يايمة اصدكين وتعوفيه كل هاي السنين اشون ..
خالتي باستني من خدي وكالت يمه لا تكولين لخواتج يشهد عليه الله لو ما ملحتج بالموضوع مجان ذكرته الان يوجع وراحت من الغرفه ..
ضليت ابجي .. وكلت اوف ياربي هاي المرة شنو من كلب شايله رغم كل قسوة امي عليه هي لفت بناته ولحكتهن من الضياع والظلم تعاي شوفي يمه احنه اشون كاعادات بجال اختج!!
الراوية .. من طلعت ام عباس من غرفة هاجر نزلت لجوة شافت عباس كاعد كانما ينتظره من شافه ها يمه اشبيه البنيه اجه احمد هم وكال
"هاي يمه كالت اشبيه
وسولفت ام عباس لولده عن سبب انهيار هاجر . من هاي فهم عباس نظرات الحقد وكلامه والملامه و اهانتي االه. أبتسم !!!!!!!!!!