رواية ملاك الرحمة الفصل الثاني 2 - بقلم زهراء العراقيه

رجعت من الدوام نزلت براس الشارع وكملت الطريق مشي وصلت كدام بيت خالتي وجان يطلع شاب من البيت المجاور
الشاب من شافني اريد ادخل للبيت اشو تقدم الي وسلم عليه
الشاب : السلام عليكم الله يساعدج
اني باوعت لوراية عبالي مو عليه ردت تاكد شفت محد باالشارع  اصلا غيري
هاجر: وعليكم السلام!!!!
الشاب: اشونج وعينه اتصير ع عباتي المطينه
اني: هاا خير اخي رايد شي ..
عبالي صديق الولد ويريدهم
هو : لا سلامتج بس حبيت اعتذر عن الصبح ترة جن... قبل مايكمل اتذكرته هو نفسه الشاب الي راد يدعمني
كتله : هاا اذكرتك لا ماكو داعي تعتذر بس خلي بالك وانت اتسوق اكثر وردت ادخل اشو هذا وكف ورايه وراد يدخل اني استغربت وخفت منه فتحت الباب ودخلت كتله خلص اخي مصار شي الله وياك وسديت الباب بوجهه هو ضل صافن واني دخلت وضحكت كلت هذا اشبيه عباله ادخله ولو هو يخبل شاب اسمراني معضل وانيق .. دخلت لكيت البيت صاير هوسه خالاتي وولدهن وبناتهم وكناتهم سلمت عليهم ورحت لغرفتي طبعا اني مو كولش انيقه لبست دشداشه عريضه مثل الصايه ونزلت اساعد بتحضير الغده بعدين اذكرت وين عباس ابن خالتي ماشفته سالته اخته
اخته  نرجس: بيت صديقه كال اشويه واجي اشو تأخر
اني :: هاا قرة عينكم انشالله
هي : شكرا حبي
بت خالتي الوسطانية ادخلت اسمه هيفاء
هاييفاء: ما جاب النا هداية من باريس
اني اتعجبت كولت ليش هو جان بفرنسااا😍😍عشق هاي الدوله باحلامي ازوره
هيفاء : اي😍😍 ا
نرجس : ههههه اكيد عبوسي كريم كولش
اني: الله يخليه الكم
هيفاء: هف مناوي يزوج ترة نحن هنا وضحكت
نرجس : ضحكت هههههههه مدري بيه
هيفاء : اخيتج ما محتاج اوصيج تره حمضت هههههههه
ضحكنا عليه وجان يدخل شاب علينا واني مطيه ضهري واثرم زلاطه
سلم صوته مألوف
نرجس :هلا عبوسي تأخرت يم علي
عباس ههههه اخذتنا السوالف اشونج هيفاء عساج طيبه
هيفاء : حمدلله على سلامتك عباس
هو: الله يسلمج اشونج
هي بخير
نرجس: اعرفك على هاجر بت خالتنا نجاة الصغيره تؤم نور الي عرفتك عليه قبل اول ماجيت
هو: ضحك واخذ روحي بضحكته بس سمعت صوته ماعرف ليش ضحك
اني درت وجهي بسرعه اريد اسلم على الدكتور الي اني كاعده بخيره والي الكل يشهدله بكرمه وطيب أخلاقه وجان انصدم بشوفتتتتتته 😥😥😥😥😥😥😥😥
#تراتيل حواء (نورا)
ا
انصدمت 😥😥😥
هو :: بأبتسامة لطيفة اهلا ببنت الخاله
اني :" بتلعثم ا ح ح حمدالله على سلامتك 😣
هو : الله يسلمك  هجورة (اشو هذا دلعني) وضحك واخذ خيارة وطلع من المطبخ
واني رجعت درت وجهي واصب الزلاطة والبنات يصبن الاكل البقية وضليت افكر ياااربي اشكد عيب سديت الباب بوجه وهو صاحب البيت عاااا خنب حضي😥😥 ونترت وعطت بوجه الصبح وهو رجال شكبره حتى اكبر مني بهواي هف
قاطعت حبل افكاري سرور ولج اشبيج صافنه يلا حطيهم بصينيه ووديهم للسفرة ..
صدك دخلت عليهم جانو فارشين سفره اشطوله منه فهمت احنه راح ناكل سوة عزة يبوو حطيت المواعين ورحت ...
خلصنا كعدنا ع السفرة ومن سوء حظي هو كاعد كبالي معرفت اكل .. طول الكعده هادي وراكز .. العصر صبيت الهم شاي ورحت اقدمه الهم
هيفاء :: اوكفي هجورة عنج اني اقدمه واخذته وراحت
اني ضليت واكفه يم الباب جانو همه الشباب كاعدين بالديوانيه (الاستقبال) بس جان اشكبره ويخبل واثاثه بعد احلى والبنات مطشرات بالغرف يدكن سوالف .. وخالتي طلبت مني اعمل الهم شاي تدري بيه كولشي احط ايدي بيه يطلع اله طعم ثاااني .. قدمته هي الهم واني واباوع اله ومن وصلت لعباس اخذه منه وهو والوحيد الي كال عشتي هيفاء تعبناج
اني : ضجت😶😶
هيفاء : تعبك راح 😊😊😊
وضلت صافنه ع الرجال وهو بده يخوط الشاي وهي اجت وكفت يمي ولازمه الصينيه بيده
جاسم اخو هيفاء::: اويلي هذا الجاي يعدل الدمااااغ لعد اشبيج يحضي بالبيت جايج مجفت😂😂
اني كيفت اشمتت بيه 😂😂😂😂
هي:: اني اعلمك كالته يصوت ناصي
عباس : صدك كلش طيب
هي : شكرا .  هو الشاي شي بسيط بس اني ضجت ليش مكالت مو اني سويته ورحت للمطبخ طلعت لحم مثروم وتمن ردت اسوي الهم كبة للعشاء ..
هيفاء دخلت وبيده صينية الأستكاين حطتهم ع السنك حتى ما غسلتهم 😣😣
.......
ام عباس دخلت على الولد ها يمة جابت الكم هاجر الجاي لو اسويلكم
احمد:ايمه سوته النا هيفاء روحي ارتاحي
ام عباس :: يا ولكم هاي جايه محترك هههههه الله يساعدكم
جاسم : هههههه اي والله بس هالمرة كولش طيب
ام عباس:  هههههه اكيد هجورة سوته يلا اخذو راحتكم .. حمودي صدك قناني الغاز خالصات بقت بس وحده الي ع طباخ قبل لا تخلص ذب اليوم
احمد بضجر : أي يمه اي 😣
ام عباس دخلت للمطبخ هلا بهجورة والله انت شمعه البيت  من دخلتي النا وكمت انتظر وقت الوجبات من وراج راح اسمن
هاجر :ههههه خاله تدللي
اهنا دخل عباس يمه اريد جاي من اديج الطيبه وكعد كبالي ع الطاولة اني جنت احشي الكبة ومدنكه ما باوعت اصلا عليه ..
هو : هاجر عرفينا عن نفسج
اني  باوعت عليه بنظرة خطافيه .:ها اني هاجر كلته بكل غباء😂😂
هو "" وبعد يا هاجر عمرج شكد
اني 😥😥22
هو "" اها وبأي مرحلة
اني : انحرجت خنب حضي رديت :" اني خريجه اعدادية تمريض
هو : اها صدك وبأي مستشفى ادوامين
اني احمد خطيه نقلي بمستشفى....    ....... 
هو : اها واشون امكانياته
كتله : بندفاع هو اكو اكو شي حكومي بي خير زفت
هو :: اها اي الحق وياج ..
طبعا هو كلساع وكايل اها موتني اني خجوله وابد ما اطول حجي مع أي  شاب وحتى بالدوام زميلاتي جريئات بشكل بس اني حتى الكل اخذ عني فكرة انطوائية وعلى نياتي وطبعا ما احجيلكم عن العلاقات بين الزملاء والزميلات مسلسلات تركية مع الاسف بس اني حتى محد يباوعلي الحمدلله والسبب شكلي .. قصيره طولي 153 و حنطاوية معاني شكل عادية بس الي مخربني أسناني طالعه لكدام تحتاج التعديل وعندي وحمه صغيره بجبيني مسوياتلي عقده كنت كولش امينه بشغلي وادية على اتم وجه ...
يتبع
...............
أين التفاعل ياقوووم من يقرأ يترك بصمة هنا لتشجيعي على الاستمرار..