بين رمشها والعيّن جمال العالمين...
كتبتلكم 3 بارتات رغم الصعاب ههههه ادللكم بيهن
اريد دعمكم وحبكم شوفونياه على هالبارتات
احبكم هواي وشكرا على دعمكم 💕
________________
الاب : علي برا سوو طريق
مريم : نغم بساع شمرت كتابها وكامت حجت
نغم : شجابة شيريد
الاب : هسة سوو طريق مو وكتة اطلع اكلة شتريد
مريم : طلعنا من الاستقبال وهوة فات اخذت ضيافة وفتت
كاملي وبتسم تقربت بستة حضني وضغط على حضني حسيتة صدك مهموم
علي : بصوت مبحوح _ شونج
مريم : زينة وانتة
علي : عايش عمي من رخصتك اريد احجي وية نغم كلمتين واروح
الاب : ابني انتة تعرف بوضعها شتريد منها
علي : عمي ما اسوي شي عندي حجي احجي واطلع
الاب : صيحيلي نغم بوية
مريم : فتت جوة جان واكفة بالباب وتفرك بايديها
نغم : شيريد ماريد اطلع
مريم : نغم يحجي كلمتين ويروح حبابة تعاي قابل شحيسويلج
نغم : ماريدد مريم ماريد _ ضليت اتوسل بيها بس بابا طلع واشرلي افوت انوب عافنا وحدنا
تنفست اهدي نفسي كل حقد العالم بداخلي تجاهة شون رح اتحمل اكعد وياه ماطايقة اشوفة اصلا
بس كلت هية فرصة حتى اطلب الطلاك من عندة بنفس الوكت
فتت _ سلام عليكم
علي : عليكم السلام شلونج
نغم : زينة وانتة _ باوعلي وبتسم بتعب وهز راسة بمعنى زين
ضليت اباوعلة عيونة حمر وجواهن سواد خفيف ضعفان ولحيتة طولانة عبالك عافيتة رايحة ولا كان قبل شون جان وجهة صافي من اي شوائب ومتعافي
دنجت راسي انتضرة يحجي حجة بصوت حسيت روحي اريد ابجي من بحة صوتة والتعب اللي مبين بيها
علي : لاول مرا بحياتي اندم على قرار اخذة
بكل شي جنت اخذة جان مثالي وميخرب
جنت اضن روحي مستحيل اتخذ قرار غلط بسس
اخذت وغلط جبيرر حيلللل مو هين
حبيتها وجنت اضن الحب كلشي بالحياه لان اول مرة اجرب هالشعور
محسيت ومفكرت بالعواقب
هية من بيئة واني من بيئة
شكد جان اختلاف بيناتنة انة وياج بس مو مثل اختلافي بيها
جنت اقارن تصرفاتها كلها بيج واشوفج انتي شون جنتي تتصرفين واتندم واتندم لحد ما زهكت وصرت اشوفها كلها غلط وانتي صح
حوبتج طلعت ودمرتني بشكل سيء مو سهل
مرتي وابن اخوية شون مزيج حلو
دعيتي ودعوتج ستجابت دعوة ام فقدت طفلها وحياتها
علمود شخص مثلي
حبيتيني هواي ومقصرتي هواي وانة كسرتج
وهسة شصار
نكسرت
اكثر منج
نكسرت كسرة متنوصف وشكد ما احجيلج عن حركة كلبي مرح تفهميها
نغم؛ دموعي جانت تنزل وية كل كلمة يكولها
محسيت براحة وفرحة حسيت تندمت لان دعيت علي
خصوصا من بحة صوتة ودموعة اللي كوة واكفة بعينة وهوة يحجي
_ افهمها لتخاف اصعب شي بالحب من شخص تحبة يفضل عليك شخص ثاني
هنا حتكون الضربة قاضية وانتة ضربتنياها
وهسة انتة هم عشتها من شمس فضلت عليك جاسر
بس قبل كلشي
فكر بمنطق علي
جاسر مستحيل يسوي هيج وحتى اذا شفتة بعينكك
اني شكد عشت وياكم
مابيوم حط عينة بعيني او تصرف تصرف مو لائق ولا واحد من ولد اخوانك سوة هيج
راجع نفسك واعرفك ناسك شنو علي لتسوي شي تتندم علي
علي : شنو قصدج انة شفتة بعيني
نغم :يجوز عبالة ملاك توقع كلشي ومو بس تضرب شوفها خليهة تحجي لان جاسر ميستاهل اللي سويتة بي
علي : اللي شفتة مستحيل يكون غلط وهوة من دخلت للغرفة ما باوع لاا فاتت وهوةة اطرش كافي تدافعولة وانتو مشفتو شي
نغم : مدادافع بس داكلك لتتصرف مثل ذيج المرة وشوف روحك متندم هسة افهم السالفة عدل
وبطل تتسرع ماعرفتك هيج اني
علي : عوفي جاسر هسة وعوفي هالسالفة انة هسة جاي احجي وياج بغير وضوع
نغم : قبل لتحجي علي جيتنك جانت لمصلحتي
بعد الصار وطفلي اللي فقدتة مبقة شي يجمعنا
اتمنة نبدي باجرائات الطلاك بكل هدوء ومنسبب مشاكل
لخاطر الايام اللي عشناها سوية
علي : جيتج بغير موضوع
نغم : ماكو موضوع يجمعنا غير هذا رجاء علي نفذ طلبي
_ باوعلي بعيون مدمعة كام كعد بصفي
علي : بتسم بتعب _ ضالة بنفسي هالشغلة وحسويها لان حنحرم منها خلاص للابد
نغم : باوعتلة عينة على وجهي كان يشبع عيونة من ملامحي
تقرب بهدوء باسني من شفايفي
معترضت مادري شبية
يمكن من شوقي الة ماعترضت
طول هواي بالبوسة وكلسع ينطيني نفس ويرجع
حسيتة ديروي عطشة
بالاخير كطعها ووحضني لصدرة ويشم بشعري
حضني قوييي كلش حسيتة كسرني
ويتنهد بصوت عالي
نقهرت علي لحضات بس قطعها صوتة
علي : يجرالج التردي
كافي الاذية الي عشتيها مني رح ابدي باجرائات الطلاك بس بعد فترة لان الوضع ميسمح هسة
نغم : هزيت راسي ووخرت من حضنة كام هوة وكمت وراه
علي : جانت ايام حلوة تمنيت تنعاد بس هذا نصيبنا سوة شنو نسوي قابل
نغم : الله ويرزقك ببنت الحلاك اللي تناسبك
علي : مخبل انة اتزوج مرا ثانية لو اموت وعلي ماتزوج
نغم : باوعت علي اشبع عيوني بي
خلاص هاي اخر نضرة حلال بينتاتنة الباقي حنرجع مثل اول هوة بقارة واني بقارة اخرى
تقرب باسس راسي وهمس بكلمة
علي : احبجج
نغم : طلع واني عيوني تذب دموع تنفست بعمق حسيت ختنكت
طلع بابا وراه باوعلي باسف وطلع واني مشيت لميت ملازمي وصعدت فوك
حسيت الهوا ضاق بية تعبانة حيل واحس اريد انام لفترة طويلةةة هواييي بدون ما احس بااي شيي
مريم : طلع علي ونغم صعدت فوك شكد نقهرت عليهم ميستاهلون اللي صار بيهم ابد
عمة ضرب رجلها وحجت
الام؛ والله كلبي يتكطع عليها والله حرت شسويلها بكل مرا نكول تعودت يجي علي ويرجعها لنقطة الصفر
مريم : لا عمة كالتلة اريد الطلاك ووافق سمعتهم بالاخير
الام : مرح ترتاح يايمة رح تتعب اكثر تحبة لاخوج هوايي تحبة وهاي مصدر اذيتها
مريم : مندري باجر شيصير يجوز بلحضة وحدة يجتمعون ويرجعون مثل قبل
الام : اهخخ ميتصلح اللي راح ميتصلح
مريم : سكتت صح التكولة ميتصلح يضل اثر بالكلب مينسي
كمت حضرت العشا
اجة فاروق من الشغل كعدنا بس نغم مرادت
فاروق : وين نغم
مريم :متريد
فاروق : ليش
مريم : متشتهي_ باوعلي باستفراب وشك دنجت وراسي باوع لامة وابو
فاروق : شصاير
الاب؛ اجة علي اليوم حجة وياها
فاروق : شجابةة هذاا الة اروح اربيي يلة يرتاحح
مريم : باوعتلة مصدومة حتى وان يكرهة ميصير يحجي هيج علي كبالي هوة حس وحجة
فاروق : هية نفسيتها تعبانة انوب يجي يجملها ناقصها هية
الاب : طلبت منة الطلاك هايهية كال حيبلش بالاجرائات
فاروق : شون يعني خلص حيطلكون
الام : اي يمة خلاص
مريم : كملنا اكل بسكوت وراه شربنا جاي غسلت المواعين وصعدت ملكيتة بالغرفة باوعت من غرفة نغم الباب مفتوحة شفتة حاضنها وهية تبجي
شكد نقهرت والموقف اثر بية تذكرت ايامي ببيت اهلي
رجعت للغرفة صليت وكعدت بالساعة هوة يمها
بعدين اجة للغرفة
فاروق : جعت شو اكو شي حلو
مريم : لحضة هسة اجيبلك_ نزلت جوة جان اكو بقلاوة وبرمة خليتلة وصبيتلة عصير ونساتل
صعدت فتت وسديت الباب وديتلة الماعون
فاروق : اييي كفو من شاربج
مريم؛ جريت الماعون منة _ كمم مرة كتلككك بطل تكليي من شاربج مو صاحبك اني
فاروق : ههههه دجيبي الماعون ولج حموت
مريم : شبيك حامل
فاروق : اي الوحام كتلني
مريم : هههههههههههههههههه يمة
فاروق : تعاي اشوف
مريم : كعدت بصفة حضني لصدرة
فاروق : اني مطي الحلويات كبالي واكل بقلاوة
مريم : اكل انتة معاقب اليوم
فاروق : بنضرات بريئة _ ماما والله ماسويت شي اليوم حباب اني مريم : لا لا وكيح انتة
فاروق : شسوييت
مريم : حجيت على اخوية
فاروق : يعني عساس حجيت علي ضلم
مريم : لا مو ضلم بس حتى لو اضوج ترا هوة اخوية
فاروق : يعمي ترديني امدح استاذ علي
مريم : اووف فاروق خلاص سد الموضوع
فاروق :انتي حجيت علي ضجتي لعد لو مسوي بي مثل ماسوة باختي شسوين ترا انة كوة صابر علي لخاطرج ولخاطر ابوج والله لو ما اختة جان اني مدمرة
مريم : لتخوفني شبيك شنو مافيا انتة تدمر
فاروق : بوكت اللي احتاج اكون بي مافيا اي اصير مافيا
مريم : كافي كافي عوف المافيات رجاء وسد الموضوع همة حينفصلون وخلاص
فاروق : تمام
مريم : خلة راسة بركبتي ويحرك لحيتة عليهة ضحكت متدغدغة وخرت منة_ اغار وخر شوية
فاروق :تعاي ولج شنو كلشوية اغار واغار كتلتيني مشكلتج هاي تغارين مو مشكلتي
مريم : ياااااا فاروق
فاروق : مريمم سدي حلكج خلي اتمتع
مريم : ردت احجي سد حلكي وعلى كولتة ضل يتمتع هههههه
ملاك : فتت للغرفة حتى انام
اول مفتت وسديت للباب حسيت بريحة دخان بالغرفة
رحت بساع للنقاط مال الكهرباء طفيتهن ضليت علة ضوة واحد
خفت
ضليت كاعدة بعدين راحت الريحة كمت شغلت الاضوية
كعدت على التلفزيون طلعت مسلسل وكعدت اباوع واكل جبس
جنت مركزة بالمسلسل
اكلت جبساية حسيت بطعم رطوبة
باوعت للجبساية شفتها عليها دم
ركض شمرتها ورجعت ورا كمت امسح بحلكي وخشمي كل ضني دانزف
رجعت باوعت للكاع الجبساية مابيها شي وكلشي ماكو
بلعت ريكي بخوف شديصير شبية
عفت الجبس وكملت المسلسل
وراها كمت لفراشي واني اقرا ايات وادعي تمر الليلة على خير
هنا واسمع صوت طكطكة حسيت يبس دمي
اني مغطية راسي
ايدي جمدت مكدرت ارفع الغطة واباوع
شوية وختفة باوعت شويةة من ورة الغطة كلشي ماكو لا تغير شي ولا اي شي باب الحمام مسدود وباب الغرفة مسدود
ستغفرت الله وكلت هاي تخيلات
لزمت موبايلي دكيت على جراح
جراح: روحي
ملاك: جراححح
جراح : شبيج حبيبي
ملاك : خايفة مداعرف انام وحدي
جراح: صيحي نور يمج
ملاك : نامت خطية مو مال اكعدها
جراح: جا فتحي كامرة وانتي ممددة
ملاك:خليتة كبالي واني ممددة نايمة على صفح فتحتها طلع كبالي نفس نومتي نايم بلا تيشيرت
جراح : اهخخ الله شهالجمال هذا
ملاك : داسمع اصوات
جراح: لتخوفين نفسج ماكو شي
ملاك : ممتعودة بدونك
جراح: فدوا لي ممتعود بدوني احبك يحلو
ملاك: بتسمت وتنهدت _ جاسر شلونة
جراح : احسن شرب علاجة ونام
ملاك : شكالك
جراح: نفس ما حجالج كل ضنة انتي كال هذا العندي بقة اجي واشوف مرت عمج
ملاك : رح يبدي هوة ونغم باجرائات الطلاك
جراح: شوكت هالحجي ليش
ملاك:ماعرف راح اليوم الها ومعتذر وحاجي وهية كايلتلة نبلش بيهن مدام ماكو شي يربطنا وهوة كايللها براحتج
جراح : رجع عاد نفس الغلط والله انة لو بمكانة ما اطلك شخص احبة لو تنكلب الدنيا
ملاك : يعني اذا اني ردت منك الطلاك متطلك
جراح: انفصل اي اتركج بمكان واني بمكان اي بس طلاك لا لان بذيج الحالة رح تكونين محرمة علية ماكدر اباوعلج واكو احتمال جبير تكونين لغيري فليش اصير صاحب كرامة واكول طلكها ولتهتم لا رح اتاذة لهذا مستحيل اتخلى عن شي احبة
ملاك : بتسمت _ احبك هواي واحب تفكيرك
جراح: يول لتتغزلين وتكومين تحبين ترا بيناتنة 6 ساعات بهالليل لتخليني اكمزلج
ملاك:هههههه لا لا خلاص سولفلي قصة اريد انام
جراح : شتردين
ملاك : القصص اللي جنت تسولفلياهن من جنت صغيرة
جراح: تدللين سمعي يابة....
ملاك : ضل يسولفلي واني بديت اغفي على عيونة وشكلة
غفيت
بس نفس الماساه نعادت
نفس الشييي نفس الخنكك وجان اطول
صحيت الهثث وجراح كباللي بالموبايل بجيت بوجع واباوع علي اتمنى يكعد يطمني بس ماريد اخرعة
سويت كتم وكعدت ابجي واشهك
الخوف والرعب احسة اكلني اكل
لميت نفسي وضميت نفسي بحضني
كلشي سيئ بالدنيا اجة بوجهي وصار بعقلي
تخيلات هواي يمكن بالساعتين اني اتخيل
بالاخير ضليت وصافنة بوجه جراح ادور امان
كلت ميخالف ميخالف يرجع جراح واحجيلة ويوديني يعلاجني ادري بي ميقصر
مددت وغمضت عيني قريت ايات
ونمت محسيت للصبح
كعدت غسلت واحس روحي تعبانة
بنص الحمام وسمعت اصوات بالغرفة رحت بساع فتحت الباب مسمعت شي
هية رمشة جتني
حسيت لون الغرفة تغير للاحمر بس رجع تغير رجعت للورا بخوف
فركت عيوني شديصير وياي يالله شبية
بدلت بساع ونزلت
جانت نور تتريك
وعمة وبيبي كاعدات عمة تسوي غدا وبيبي تلكط بالخضرة
صبحت عليهم
كعدت عالى الميز تريكت واني كلسع اصفن واتنهد
فاطمة : شبيج يمة شو تتنهدين صاير شي
ملاك؛ لا عمة ماكو شي
_ دتحجي دك الموبايل نطتة نور الها نوران
حجت وياها شوية وفجا كالت يااا صدك تحجين شوكت قهرتيني والله
ملاك : رفعت عيوني الها مر على بالي الحلم نفس الصوت والنبرة الصوتية من طلعت
سولف وياها وراها سدتة
الحدة : شكو شصاير
فاطمة : كرايبنا من ديالى متوفي خطية جان شلون شاب
ملاك : هية حجتها وحسيت فجا بخنكة قوية
لزمت ركبتي حسيت روحي حتطلع
شهكت اريد اتنفس
نور : ملاك شبيج ملاكك
ملاك : خ ختنكت ا اريد هو هوة
_ لزمتني نور وطلعتني للحديقة واني كوة اجر النفس
دموعي نزلت وكمت ابجي وبيبي تمسح على صدري
فات جدو مستغرب
الجد : شصاير خير شبيها
نور : ماعرف تكول ختنكت مدتكدر تتنفس
الجد : وخري اشوف شوو
ملاك : كعد بصفي مد ايدة لركبتي ضل يسوي وحركة دائرة على مكان بين ركبتي وكتفي حسيت هدات وبديت اتنفس طبيعي لحد ما تنهدت وصرت اتتنفس طبيعي
كعدت ابجي واني لازمة ركبتي
الجد : شبيج يابة شكو البجي هاي هية راحت اهدي
ملاك : بجيت اكثر جرني لحضنة واني ابجي خايفة هواي تحس خوف متملكني من الداخل اخاف احجي ومحد يصدكني
ويضنوني مخبلة خصوصا هالوقت مو وقت مناسب ابدد
وراها فتنا جوة
لليل همات عمو علي فات عصبيي حيلللل
صعد فوك وهم بس صوت صراخ وجان صوتة طاغي يسب ويغلط مضل احد مسبة
حسيتة فاقد عن الدنيا وبس يتذكر موفقها وية جاسر
بالساعة هوة فوك بعدين طلع وبس نسمع تركيع البوب
صعدت فوك
خليت الاضوية مشتغلة وكعدت على الجرباية لميت نفسي وشغلت التلفزيون واباوع وكلسع وعيني تتجول بالغرفة اشوف خاف اكو شي
ضليت هيج لحد مخلص الفلم واني كلشي ممفتهمة منة بالي كلة وية الغرفة وللاشياء اللي كلسع اتخيلها
بعدين مددت ولميت نفسي
نفس الاشياء تمر
وكل يوم تزيد رعب اكثر
نمت وهالمرة الحلم
غيررر عن كلشي
جنت بمكان اوغرفة تشبه غرف للتعذيب بالمسلسالات القديمة
بس كلها دم ولونها اسود بس شكلها يدخل رعب للجسم
جنت مربوطة ايدية ورجلية
فاتو مثل الوحوش
مجنت اميز شكلهم تعرفون الاحلام تكون مخربطة نصهم حيوانات بهيئة انسان وهذا اللي من ناار وواحد جان حديددد بس احمررر مبين حار
ضليت اصصرخخخخ واني احاول افك نفسي
جنت ارجففف واحسة بكلشي بشعور الخوف
والرجفة اللي نحس بيها من نخاف كان اللي داعيشة حقيقة
مو حلم
صرخت وصرخت لحد ما تقربو مني
بديت ابجي واني ارجف وميتة رعب
هية لمسة من هذا الرجل اللي كلة حديد حار حسيت ايدي ذابت بايدي صرختتت بكل ما عندييي صراخي ستمررر لنص ساعةةة بالحلم نص ساعة عشت شعور الالام والحركك من يذوب الجسم
المم مينوصفف
صحيت اصرخ ولازمة ايدي وابجييي
وكل ما ارمش يصيرون كبالي كان الغرفة تصير نفس ذاك المكان وهمة واكفين بالوسط
ضليت اصرخ برعب واني محتاجتة اريد حضنة هواي محتاجتة مو شوية لا باقصى ماعندي محتاجتة
دخلو عليهم عمو علي ونور وبيبي وعمة وجدو واني اصرخ
يردون يهدوني ماكو
عبالك ماكو بالغرفة غيري اني وذولة الواكفين
ضليت ابجي ولميت نفسي بحضن عمو علي وهوةة يمسح على راسي
مالي قابلية احجي
الرجفة مستحلتني من فوك ليجوة
ضليت اشهك واهتز وية كل شهكة
فجا سمعت صوتة بين كل الموجودين
بس مو يمي لاورا سماعة الموبايل
جراح : ملاك يروحي عيوني انتي شبيجج حبيبي انة هياتني يمج هسة حطلع والصبح انة يمج لتبجين باعيلي لتغمضين
ملاك : باوعت علي وشهكت باللبجي لزمت الموبايل وضليت اباوعلة وابجي
جراح : شبيج يروحي كليلي
ملاك : ت تعالل تعال فدوة ا ار اريدك
جراح : جايج وعلي جايج هسة انة حطلع بس لتبجين عيونج راحت باعي يلة حطيني كبالج وغمضي عينج وانة يمج اسولفلج اليوم شسويت
ملاك : مددت وغطوني محد حجة لان كلهم مستغربين وضعي حجة جراح وياهن وكللهم يطلعون
طلعو واني صافنة علي ودموعي تنزل واشهك
جراح : غمضي عينج وانة رح اقرالج قصة تمام هاي صارت وياي اليوم
ملاك : غمضت عيني رغم خوفي بس حسيت وياه بالامان
ضل يحجي ويسولف مجرد صوتة بالنسبة اللي راحة
بعدها غفيت كاني ميتة نمت بدون ماحس
بس اسمع احد يجي ويروح ويمسح على شعري واني مغمضة ماحس
لحد ما فتحت عيني من ضوة الشمس وضوة لغرفة المشتعل
واحس بايد تسمح شعري رفعت عيني شفتة كاعد كبالي على الكاع ويمسح على شعري بتسم وهمس
جراح : صباح الخير يروح الروح
ملاك : كمت بساع حضنتة من ركبتة وادفن روحي بركبتة وهوة يضحك ويحضني اكثر
جراح : هههه اوف اوف هاي كلة علمودي يابوية هنيالي بهيج مرة تشتاقلي
ملاك : كمت ابجي تذكرت البارحة والشعور
جراح: اشش اشش صبري شوية شوية هسة نكعد ونسولف تمام باوعيلي اول شي
ملاك: وخر وجهي ووخر شعري من وجهي
جراح : ننزل نتريك ونصعد وراها نحجي بس عوفي البجي باعي عينج اصلا صايرة حمرة من البارحة
ملاك : شوكت جيت
جراح: معليج هسة اهم شي جيت يلة كومي
ملاك : كمت وياه غسلت وهوة واكف فوك راسي خلصت ونزلنة سوية نضراتهم طبيعية وهذا ريحني لان مابية حيل اسئلة كعدنا نتريك
جراح: نوررر تعاي بوية تعاي
نور : ها جوجو
جراح؛ صمي حلكج واحجي عدل كليلي عمج وين
نور : طلع
جراح : وهاي مرتة وينهة
نور : فوك حابسها
جراح : المفتاح يمة
نور : ايي بس هوة يكدر يفتح الباب
جراح؛ خوش بوية روحي كملي
ملاك:راحت وهوة فرك راسة _ شحتسوي
جراح :عبالي احاجيها بطريقتي بس المفتاح يمة لازم من يجي
ملاك : جاسر شونة بعدة متاذي
جراح: اخوج عنودي للنخاع اليوم كال حيطلع للشغل هوة وايدة المكسورة
ملاك : هوة هذا طبعكم كلكم مو انتة هم من حتركت الغرفة هم ردت تطلع
جراح: هسة شنو يعني سكتيني حضرة جنابج
ملاك: بتسمت _ لا بس هيج داكلك
جراح : اهخخ شكد مشتاكلج يول العائلة هاي شكتني نصين يومية مصيبة الله اكبر شوكت الحك اطلع اشتياقي
ملاك : بتسمت وكملت اكل كمت دارجعهن جرني من ايدي
جراح: عوفيهن امشي وياي يلة تعاي نحجي
ملاك : بس اغسلهن
جراح: نور تغسلهن معليج امشي
ملاك:مشيت وياه رحنا للحديقة للمكان اللي جنة نكعد بي ورا الشجرة مد فرشة وكعدنا اني لميت نفسي وحضنت رجلية وهوة جرني وحاوطنيي لصدرة سندت راس على صدرة
جراح : سولففيلي يلة
ملاك : تنهدت وبديت احجي حجيت كلشي الة سالفة الحلم نسيتها ومادري مهتميتله اصلا وسولفتلة اخر شي مال البارحة ضل صافن بوجهي مستغرب همست بصوت مبحوح_ ممصدكني مو
جراح: لا لا مصدكج لان مستحيل هيج شي يكون تخيل
ملاك : والله حتى حتى حسيت بشعور الام حسيت عضمي ذاب من اللحرارة
جراح: معقولة يكون سحر........
يتبع.....
__________________
اتمنى يعجبكم البارت 💕
انتضروني بارت جديد 💕
#الكاتبة : yaqeen. Hassan
#مـلاك _ الـشيـخ _ جـراح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!