سارَت معي والشَعرُ يَلهثُ خلفَها
كَسَنابلٍ تُرِكَت بِغَيرِ حَصادِ
يَتَألّقُ القِرطُ الطويلُ بِجيدِها
مِثلَ الشُموعِ بِلَيلَةِ المِيلادِ
لتنسون النجمة وعلقو على الفقرات 💕
#الكاتبة : yaqeen. Hassan
#مـلاك _ الـشيـخ _ جـراح
#الجزء الثاني 13
نغم : كأن الروح نسلبت مني
عبالك اخذو شي مني حسيت ببطني فارغة ومن كلولي
ضليت مصدومة
ضليت استوعب ماكو طفل بعد ببطني
خلاص ماكو اللي احجيلة بالليل ماكو اللي رح يسندني بهالدنيا
كممت ابجي وابجي لحد ماعيني راحت
منا وجع بطني ومنا البجي حسسيت حيلي نهد
وكرهت علي كره مينوصف
تمنيت الزمة واكتلة وماخلي عايش من عذابي اللي عشتة
ايام ما اتمناها لعدو سبوع اني بالمستشفى صارت عندي مضاعفات هواي
وصلت للموت كل هذا واني يغمى عليةواصحى ابجي ويرجع يغمى علية
مريم كالت علي مراح للبيت ضال بالمستشفى بس مشفتة ولا ردت اشوفة
جوي كلهم ابوه وامة واخوانة والبنات واني جانت الدنيا طالعة من عيني
بجيت وبجيت ورجعت نمت
لحدما طلعت من المستشفى
واني الدنيا كارهتها وتمنيت اموت وما اطلع واني ماكو طفلي
___________
نور : احلى ايام عشتها وية جاسر جانت متنوصف
كل يوم هدية شكل وكل يوم وردة لو دبدوب واني اكللهم صديقاتي وصديقاتي لحد ما زهكت وكلت اكلة بالمكالمة
جنة نحجي الليل وحجيت _ جاسر فدوة بعد لتجيب دباديب وهداية غرفتي نترستت منا مالات ملاك ومنا الفيل ومنا اللي جبتهن حتى مكان الي مبقة وبعدين والله مليت يومية جذبة اكولها لبيبي صديقاتي وصديقاتي وهنة صديقاتي محد معبرني بيهن
جاسر : ههههههههههههه بوية انتي عكس العالم البنات يكولن جيب هدايا وانتي متردين
نور : فهيت على ضحكتة وضحكت وياه بعددين ركزت بكلامة حجيت بعيطة _ منوووو ذنيييي شمعرفكك انتةة بالبناتت
جاسر : الله اكبر توج دتضحكين شجاج نكلبتي
نور : احجيييي منوووو جاسرررر
جاسر : منننة يعني شمدريني انة
نور : انتة حجيتها وسويت روحك متعرف
جاسر : يابة بالقران ماعرف منو دتحجين شنو شبيج بابا تخبلتي
نور : يعني متعرف غيري
جاسر : باع هاي البطرانة هوة انة شفت دربي بعدج حتى اباوع لغيرج
نور : بتسمت بنصر وحجيت بغرور_ طبعا جا هية هينة نور
جاسر : دولة وعلم يابة
نور : اي والنبي
جاسر : ههههههههه وااله وياج اخرب ضحك بدالل منعيش سوالف رومانسيه
نور : عيب ابني عيب احنة مابيناتنا شي حاليا انتة اخي واني اختك جاسر : ههههههههههههااااي شكتيلي انة منو
نور : ههه اخيي
جاسر : اي واضح خوش اختي جا انة ارووح لحبيبتي غارت منج
مور : ماعندك غيري كذاببب
جاسر : ايي صدقتي بالله هالكلب المعفن مينطي مجال لغير وحدة كل ما احشر وحدة بي تزلك من جهة
نور : جاسررر شوفف لتخليني هسة اجيك للغرفة اكفشك
جاسر : يارييييت
نور : عزاااا ادبسسسززز
جاسر : ههههههههه دروحي يلا اريد انام
نور : شوف شوف بس بوكت المصلحة تريدني
جاسر : يابوية هاي انة طلعت مستغلج بعد بعد كولي اخذ فلوس منج
نور : هههههه لا موهيج قصدي
جاسر : لا يابوي اي فهمت قصدج
نور : جاسرر
جاسر : هاا
نور : عود زعلت تكول هاا
جاسر : اي زعلت جا وحد انة
نور : جا احبككك
جاسر : اهخخخ يابوية اني زعلان للابد ضليي راضيني
نور : ههههه طماعع يلة روح مو تريد تنام
جاسر : ميهلي افاركج
نور: لو امان جان خليت الخط مفتوح بس ماما تصعد باي لحضة فشنسوي
جاسر : نور خلي اخطبج هالفترة مدام اكو هدوء بالبيت
نور : شون جاسر احنة شكلنا
جاسر : يول مو مهر بس احاجي جدي ونقرة فاتحة وبعدين مهر وعقد وهالسوالف اريد تسجلين باسمي قبل لا تصير مصيبة جديدة لان داتوقع بهالايام متمر على خير
نور : خليني افكر
جاسر : فكري وباجر منتضرج خوش
نور : تمام _ سديتة وبتسمت ميدري اني شكد متحمسة حتة ننخطب ونعيش مثل البشر ايام خطوبة
نمت واني مبتسمة وانتضر باجر واكلة قرارري ونفرح سوة
علي : فتت للغرفة تنهدت وغمضت عيني بياس اباوعها مكلوبة كلاب رحت شلت ملابسي وشلت ملابسها ذبيتهن يم الباب وملابسي خليتهن بسلة
لملمت الاشياء اللي بالكاع والاكل خليتة بالصواني وشمرتة فوك ملابسها
عطرت الغرفة من الريحة وفتحت الشباك شوية
صفنت عل روحي شوية واكوم اكنس وامسح
هزيت راسي وكمت كعدت اشتغل
فاتت للغرفة توهة دتحجي فنتبهت على ملابسها
شمس : هااي شنو علي ليش ذاب ملابسي بالكاع اليوم غسلتهن
علي : نزعت النضارة ووباوعتلها _ غسلتيهنن وملابسي الوصخة مو كبالج لو تستنكفين تغسليهن
شمس : تعبت ومالي خلك ونور كالت حتغسل فكلت انطيهيا
علي : كمت من مكاني عصبي _ انتيي ماتوبييين انةةة شحجيييت مو كتلجج هدومييي اذا تطلع برااا للغرفةةةة اسويججج نصين وعليييي
شمس : شبيكك عصبي بعدين شوف ملابسي شسويت بيهم هاي فوكاها شامر الاكل عليهن ليش مو هاي طبلة
علي : هاي زقنبوتج انتي والغرفة غرفتيي ماريد اي قذارة بيها شيلي ملابسجج سفطيهن ترا والللله اذبهنن بالزبالة كلهن ومانطيج فلس احمر تشترين شي
شمس : هاي شبيك صرت قاسي هيج شحجيت اني
علي : لا ابد محاجييةةة ابدد انتي كلة افعال مو كلاممم لججج الغرفةةة سيااان صارلها سبوعع ممسوحة ولا مكنوسةةة متستحييين ولججج غرفت البنات انضف من غرفتنا وهاي انة متزوج ياعيني
شمس : هاي انتة كلشي تقارني بالبنات
علي : اييي اقارنجج لاننن انتييي مو ادميةةة لو ادمييية محد يحجيي وياج
شمس : كافييي تعيطططط كافييي
علي : لتعلييين حسججج لا اكصص راسجججج طايحةةة الحض
شمس : كافيييي كافييي اني منيننن اتلكاهااا منكك لو من اهلكك منيننن
علي : اهلييي شمسويلجج اذاا انتيي لسانجج زفررر همة شنو ذنبهمم يتحملوججج
شمس :كافيي علي كافي تعبت نتهيت
علي : طعدت على القنفة تشهك وتبجي
كطعت كلبي والله شكد احبها بس اتمناها تنعدل
تقربت حضنتها وبست راسها _ شمس بوية لا تبجين بس تصرفاتج مو مرضية يعني شوية حسنيها ترا انتي متزوجة مو بنية عزبة حتى متهتمين بهالاشياء ملابسي واشيائي الخاصة ميصير تطلع برا الغرفة عدنا غسالة وغسليهن بيه ترضيها انطي ملابسي الخاصة لنور تغسلهن شلون ترضيها
ماريد منج شي انة احبج اريدج تصيرين زين وياي حتى اصيرر زين وياج
شمس : تمام خلاص اني رح اتغير بس لتعيط علية بعد
علي : ماعيط عليج بس انعدلي
شمس: وعد وعد اتغير
علي : عفية عليج ووعد اذا تغيرتي اخذج ونروح لبغداد
شمس : هههه تمام اذا بيهة طلعة اتغير تغير مصاير
علي : فدوة اروح لهالضحكة_ بستها وانا كلبي يرتاح بكل مرة تضحك بيها بس وغزة خفيفة تكون بي تخليني اضل افكر
رح نعيش هيج لطول العمر لو هم حتصير
صدفة تغير كلشي
ملاك : دكينة اني وجراح على مصطفى وبيان دنشوفهم جاوب بس مصطفى وجان فاتح كامرة بتسم حجة
مصطفى : هلة والله بس انتو تذكروني
جراح : هلة بيك شونك
ملاك؛ هيلااوو ابو الصوف
مصطفى : هلو زين على الله انتو شونكم الاهل
جراح؛ بخير يسلمون عليك مدكو لان النت مكطوع وكنكت على الرصيد باجر يسوو
مصطفى : لا عادي يابة اي شونكم شدسوون
ملاك؛ وين وبيااان خلي تجيي نسولف وياها
مصطفى : نايمة
ملاك؛ ليش من ادك عليها متجاوب
مصطفى : ملاك تجنبي مكالمات اللي بيها كامرة هالفترة وخلينا على الصوت بس
جراح؛ : صاير شي
مصطفى؛ تنهد _ لا ماكو شي لينشغل وبالك
جراح : انجب واحجي شبيك
مصطفى : خالتي دكت هذاك الاسبوع وحجت وياي ومن سلمت عليها بيان شهكت وكالت يمة لرحمان عود خترعت وهية من يومها بالفراش تبجي ومتقبل اتقرب منها ولا تتجاوب احد
عاد هدات وياي شوية وكالت وماريد احاجي احد هالفترة
جراح؛ هاي خالتك مال شنق
مصطفى : نطيتها حضر هية وبناتها وولدها كلهم حتى بحد يدك بعد ماريد خرب بهيج صلة رحم
ملاك : مدري شبية ضحكت من كال نطيتها حضر هوة بتسم وحجة
مصطفى : ماناوي يشرفنا ولي عهد
جراح : الله كريم اللي كاتبة الله يصير
مصطفى : نشالله ولو لتخلفون الة انة ارجع
جراح : خلاص يابة تدلل
ملاك : اصلا منا لحد ما اتخرج اني لتجيبولي طاري الجهال
جراح : مو هية بكيفج
ملاك : لابكيفك لعدد منو االي رح يشيلة
مصطفى : لتتعاركون يابة ناقصني اني روحو اشوف روحو
جراح : ههههههه يلة مع السلامة
مصطفى : الله وياك
ملاك : سدة واني تنهدت _ خطية مبين التعب بوجهة
جراح : اصعب شعور هوة ديعيشة
ملاك؛ ليش انتة عايشة قبل
جراح : اي عشتة بهاي الفترة الراحت من كامت تجيج كوابيس عشتة وجان صعب حيلل الله يساعدة هوة شون عايشة
ملاك : تدري صدك انقهر علي كلش متاذي وهية اكثر من عندة
جراح : هوة مستعد يضحي بروحة لاجلها وهية تلوم بروحها لان مقدمتلة شي غير الاذية وبعدة عن اهلة اما هوة ميفكر بهالشي اصلا
مصطفى اعرفة اذا حب شخص مستعد يترك اهلة ويروح وياه
هاي قبل جان يحاجيني على صاحبة جانت روحة بي ويجيب ويصرف علي وينطي كلشي جنت انبهة واكلة لتسوي هيج ياكلوك بس جان مستمر
لحد ما خانة صاحبة وطعنة بضهرة شكد تاذة ومن فطاريتة وطيبة كلبة كلة محالل وموهوب
ملاك : مصطفى افقر واحد بيكم مو كلبة ميت مثلكم
جراح : ول ول انة كلببي ميت
ملاك : هههه لا مو هيج اقصد يعني شون افهمك ان متبينون يعني شون افهمك هوة التعبير بداخلي بس مديطلع
جراح : فهمتج فهمتج كافي
ملاك : مدد ودار وجهة علية واني منتجية على التاج مال الجربايةكمت اتخيل
_ تخيل اني هيج يصير بية شنو يكون شعورك وشنو احساس......
محسيت غير شفايفي نمردت بايدة_ اهخخ اهخخخ اوييي شفايفييي جرااح
جراح : حتى لتعيديها طايحة الحظ شون مواضيع زبالة تفتح نامييي يلةةة لابارك الله بيج
ملاك : دار وجهة واني صافنة هاي شصار شنو منو
_ هاي عود صددك تحجي اخذت الموضوع جدي واني جنت اتخيلك تكعد تحجي رومانسية واموت بدونج_ دار وجهة علية متعصب
جراح؛ هذييي سالفة تحجيهاا بلةةة كليلييي تفاوليين على روحج بهالمرضضض شتحسيننن بلة
ملاك؛ اشاقةةة والله يابة اسم الله علية بعدويني ولا بية شوف تف تف تف
_ اباوعلة ضحك بقوةة على حركاتي
جراح :بلة عيديها هاي مال تف تف
ملاك؛ يعني رضيت_ رحت حضنتة
جراح؛ لتعيدين هالحجي بعد ترا تصير مو خوش وياج
ملاك : ماعيدة وعد خلاص _ نزل راسة يبوس بشعري ويشمة
جراح : لتخلين عطر لشعرج بعد
ملاك : شعرفك
جراح؛ حافض ريحتج لتخليلة مؤذي هالعطر للشعر مو زين
ملاك؛ طيب
جراح : شفايدة طيب وموزين اني اجيبلج واحد من بغداد عود
ملاك: فدوة اروح لجيوبك واللي بيهن اني
جراح؛ هههههه يعني مو الي لجيوبي
ملاك؛ طبعا حبيبي ههههه
جراح : باجر نروح سوية نطلع لاي مكان اشوف مدام ارجع من وكت
ملاك : كمت مبتسمة_ شوكت تروح لاربيل علمود الشغل
_ كرص خشمي وضحك
جراح : شعليج انتي بشغلي
ملاك : معلية اني بس غير اعرف شغل زوجيي حبيبي اللي ياخذني وياه لكل مكان
جراح: وكليتج
ملاك: هنة يومين واخذلي اجازة
جراح؛ اي والله مو ذاك الشهر اجازة اسبوع اخذتلج وشفتي التراكم الصار عليج هسة هم بعدين شنطيهم سبب يول انتي طبب طبب مو لعبة
ملاك؛ والله اعرف واصلا درجاتي كلها عالية وامتيازات بس هم انفه عن نفسي شوية
جراح : هسة اشوف اذا اكدر اسويها بالعطلة الروحة بس اشوف شمسوين ونرجع
ملك؛ اييي كفوو منككك
جراح؛ هههه دتعاي يلة
ملاك؛ حضنتة ونمتت براحة متخيلة باجر احلى يوم 💕
____________________
نور : صحيت الصبح
جان يوم مغيم وممطر حسيت كلبي نقبض من الجو
عبالك جان ينبأنة لحدوث مصيبة بهالبيت
بدلت ملابسي ماحسها غير مطرت قوي كلشش بحيث بربع ساعة الشارع غرك نزلت جوة اشوف اللحل لكيتهم كلهم كاعدين حايرين
الجد : متطلعون الجو خطر يابوية وين تروحون انتو وسياراتكم والبنات انتن هم ضلن لان اصلا الخط مايجيجن
نور : كيفت رحت ركض نزعت ملابسي وكملت نومتي
ساعتين تقريبا
كعدت نزلت تريكت
نزلت شمس جوة تتمخطر بمشيتها
شمس : وين جاسر
نور : بغرفتة وعمو علي وين
شمس : بدل هسة حيروح للشغل
نور : هزيت راسي شو هاي صعدت عاد اني هم تذكرت جاسر وسالفتنة
صعدت فوك
غرفة جاسر صايرة ثاني غرفة بعد غرفة ملاك ومن تفوتيلها مو كبال الباب الجرباية لا صايرة على اليسار والكنتور كبال الباب فاللي يفوت يشوف الكنتور واللي يمة
عبرت داشوفة وهنا جانت صدمة
خلتني اصحى للواقع او بالاحرى جتني ضربة على راسي صحتني من اللي اني بس واللي سويتة
منضر مستحيل انساه بحياتي ومستحيل يمر مرور الكرام لو مهما سويت وكلت
موقف تحنط بذاكرتي ومستحيل يروح .........
___________
اتمنى يعجبكم البارت 💕
البارت الللاخ بي مصايب وحماس خورافي😂 💕
قصير بس علمود ترتيب الاحداث سويتة هيج انتضروني نشالله بهالايام البارت الجديد
#الكاتبة : yaqeen. Hassan
#مـلاك _ الـشيـخ _ جـراح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!