رواية ملاك الشيخ جراح الفصل الثاني والخمسون 52 - بقلم ~yaqeen.hassan~

‏جميلةٌ أنتِ يا فراشتي 

‏رشيقة كالظل ناعمة كالحرير تُحلقين بلا قيود وتنشرين الحُب في حدائِق قلبي .

اعرف مالي حق احجي بس هاي بارتات الله كتبتها واعذركم بكل شي تكولو وحقكم اني هواي قصرت بيها واعرف ضجتو مني رح احاول اكملها واختمها ونشالله ما اقصر وياكم بعد 💕

#الكاتبة : yaqeen. Hassan 

#مـلاك _ الـشيـخ _ جـراح 

#الجزء الثاني 16

نغم : ادور عليها برعب ماكو فص ملح وذاب متتت رعب الشرطي وياي يدور واني حيلي يرجف

وين راحت يالله متتت شديصير 

ضليت افتر بالسوك بلكت المحها حتى صاح اسمها الشرطي باللسماعة بالسيارة وماكو 

رفعت الموبايل ايدي ترجف دكيت على فاروق انتضرة يجاوبو واني كوةة لازمتة الموبايل بيدي من رجفتي 

جاوب بصوت سريع

فاروق : نغم عندي شغل بعدين

نغم : مريمم ماكمو فاروق مدري وين ختفت بالسوك

فاروق : شنو شدتحجيين وينن راحت مو وياج هية

نغمه : كعدت اشرب عصير وكلتلها انتضرج راحت وشترت شغلة ومرجعت كلبت السوك عليها وماكو حتا الشرطة صاحو اسمها وماكو 

فاروق : جايي انة جاييي لتتحركين من مكانج

نغم : ت تمام _ كعدت ارجف جابتلي مرية مي شربت شوية واني ابجي شحكول لاهلها وفاروق شون اتركها وحدها بسبب غبائي

ضليت ربع ساعة واني كلسع كايمة للشرطي اخلي يعييد اسمها بالسماعة وماكو شوية ووكفت كبالنا سيارة رانج حديثة عالية وسودة حتى جاماتها نصدمت من فخامتها نزل منها فاروق يركض بساع 

ووراه نزلو رياجيل وكلهم مسلحين ولابسين اسود

وصل يم الشرطي فتح سترتة شوفة شي داخل السترة الشرطي وكفلة باحترام 

تقرب مني

فاروق : وينن مريم نغممم مو وياج جانت

نغم : والله والله وجانت ويااي راحت لهالمحل كلتلها انتضرج يم ابو الشربت 

رحت حاجيت صديقتي شفتها هنا بالسوك 

رجعت من صديقتي دورت عليها ماكو ختفتت 

فاروق : بيا محل راحت

نغمه : هذاك_ ركض حجة وية ابو المحل وطلع سالهم واحد واحد ويحجي بعصبية بعدين حجة وية الشرطي  

واجاني

فاروق : ركبي باللسيارة بساااع يلة 

نغم : خاف ترجع ومتلكانة

فاروق : مترجع امشي نغم 

نغم : مشيت ركبت السيارة ورا ركبو شباب ثنين كدام وهوة بصفي 

وتحركت السيارة 

فائق : سيدي وين نروح 

فاروق : للبيت وستعجلل

نغم : رفع تلفونة يخابر ورجلة تهتز بسرعة موكفت 

حجا فجا بعصبية وية اللموبايل 

فاروق : وحققق الييي خلقكمممم لخليكم تتندمون على الساعة اللي فكرتو تندكون بية بيها 

وروح ابوية وامي الماعندي اغلى منهم لخليكم تبوسون الرجلين ومارحمكم 

والكاكم لو جنتو جوة الكاععع وبوكتها ادوسس عليكم ياحثالة وامشييي صبروليييي وانة اعلمكممم الاسدد شيسويي 

نغم : حجة بعصبية مو طبيعية من يمي خفت وحجية غريب 

وصلنا للبيت 

نزلت وهوة نزل فات ركض قبلي للبيت 

صعد لغرفة وني حجيت لماما وبابا 

الاب : ولكمم شنكول لاهلهااا مصيبة وكعت على راسنة 

فاروق : انة طالع مارجع لهاللبيت اذا مو هية وياي وهذا شاربي ازينة اذا رجعت بدونها

الام : يمةة دير بالك على روحكك

نغم : مسمع راح بسرعة وشخطو بالسيارة بسرعة واحنا فتنا وعشنا بقلق لا يوصف 

لحضات ما اتمناها للعدو 

خوف على مريم شصار بيها معقول نخطفت لو احد تعرضلها كلشي سيئ اجة على بالي 

دعيت الله يحميها وين ما جانت 

ملاك : جنة نايمين الضهر دك الموبايل باوعتة فاروق كعدت جراح فتح نص عين 

_ فاروق يدك

جراح : نهض نص نهضة _ الو ها فاروق.... شنوووو

ملاك : كمز من مكانة كمت بخوف من نضراتة  

شكو 

جراح : خوش خوش جايك انة هسة اكلههم نشالله نلكاها يلة مع السلامة 

ملاك : شصاير

جراح؛ مريم ماكو رايحة للسوك هية ونغم وهناك ضايعة ميدورن ضايعة لو مخطوفة الله اليستر بس

ملاك : عزوااا منو خطفها 

جراح : مو وكتة هسة خل انزل اكول لجدي 

ملاك : نزلنة سوة وكاللهم بيبي تربعت وكامت تبجي وتصرخ وجدو عصب هواي وكام يغلط على فاروق 

الحد : شوننن يخليهننن وحدهن يرحن للسوكككك مخبللل هذااااا بنيتييي وينننن هسةةةةة ربحيييي بيمننن انةةةةة

جراح؛ جديي اصبر انة رايح الة وهناك نفتهم رايح للمركز هوة ونشوف هسة شحيصير 

ملاك : طلعو جراح وعمو علي وجدو راحو وبيبي تبجي وتنعي كعدنا نهدي بيها 

ساعة نبجي وياها 

ممعقول تضيع كومة رايحين للسوك هية وية بيبي 

اكيد تندل وحتى اذا ضاعت قابل متكدر تاخذ تكسي يرجعها 

مريم : فتحت عيوني بغواش الم براسي قوي 

بديت افتح حسيت مقيدة باوعت كاعدة على كرسي وايدي مربوطة لورة ورجلية مربوطة برجلين الكرسي

بديت استوعب واتذكر 

وهنا صحيت على الواقع اني مخطوفة

رجفت ايدي وبديت احاول املص روحي ودموعي بدت تنزل مثل الشلال 

شنو ديصير وين اني وين فاروق اهلي وين 

باوعت للغرفة 

واسعة والبرد يكص بيها فارغة بس بيها اشياء عضوائية بالكاع سطل وسطل ثاني بي مي 

واكو باب واكع واكو طبلة 

الشباك مفتوح بس مغلف بسيم هذا المشبك 

مستحيل احد يطلع من عندة 

والجو مبين ليل 

ياربي اني وينن شديصير 

ضليت اردد اية الكرسي وابجي 

جانت وماما تكلي تحميج اذا جنتي وحدج 

اقراها واخربط وارجع اعيد يمكن من اصل 10 حجيتها صح بس مرتين 

من رهبتي وخوفي ماعرف شتصرف 

حسيت فقدت عقلي 

ساعة اكول خلي احاول املص روحي واضل اضل احاول

وساعة ابجييي وابجيي واتذكر فاروق واهلي كأن حيموت وني هسة وهاي اخر لحضات عمري

واخر شي لساني ثبت على القران مبقيت اية ودعاء مقريتهن قريتهن من كل كلببي وكلبي يرجف 

ولاول مرة اتمنى دعائي ييستجاب لهالدرجة 

ضليت هيج ساعاتت رعب وخوف من القادم ماعرف شسوي وشنو حيصير وشنو مصيري مبقة 

شي ممر علية 

يغتصبوني لو يعذبوني لو يقتلوني ويشمروني بالشارع واموت ومحد يلكالي اثر 

غمضت عيني وسالت نفسي شنو شعور اهلي امي ابوية ديبجون فاروق شسوة كلب الدنيا هسة 

معقول هذيج روحتي لاهلي اخر مرا اشوفهم بيها 

معقول حضن فاروق مال للبارحة اخر حضن احصلة من عندة 

لا ياربب لا دخليك 

ضليت هيج ومحسيت بالوقت 

وماعرف شوكت غفيت 

بس صحيت على سطل مي بارد بوجهي نرشك 

شهكت شهكة موت من وراه 

ضليت الهث من للبرد ومن اثر المي على جسمي 

باوعت كدامي رجال كبير تقريبا بالعمر يطلع اربعينات 

وجهة مقرف وريحتة من اول مكعدت دخلت لخشمي لعبت نفسي 

هشام : هلا والله بالحلوة اهخخخ شهالجمال هذا عرف يختار سيادة الضابط خوش لكطة 

مريم : منو انتةةة رجعنييي لاهلييي ممسويتلكك شيي انييي 

هشام : افاا انتي طبعا ممسوية بس رجلج المسوي واحنة للاسف منكدر نسويلة شي لهذا حنسوي بيج اشياء حلوة هوايي هواييي 

مريم : فاورق شمسوييي هوةة شعلي بيكم شمسويلكمم 

هشام : جا ترضيهة انتي يسجن اخوية باربعة ارهاب ترضيها كولي بلة 

مريم : هوةة هوة شعلي هوة محللل 

هشام : محلليش انتي شاخطة لو شنو انتي مرت فارق ياسين مو

مريم : ايي

هشام : جا محلل شني هااااااا بس لا الافندي مكايلج هوة شنو

مريم: هوة شنو ليش

هشام : ههههههههاييييي لعبها صح والله يتستاهل صفكة 

مريم : كام يصفك ويضحك واني حسيت روحي حتطلع من الخوف والرجفة والبرررد اللي دخل لعضامي

هشام : المهمم هية فترة حتضلين يمنة نشبع منج ونطلع البنفسنا ونعوفج فكوني ويانة متعاونة وخوش حتى لا تتاذين 

ياحلوة تمام. 

مريم : حجاها ودزلي بوسة بالهوة وراح شنو خوف صارت كلمة تافهة بالنسبة الي داحس بي 

مصيري بيدهم وهذا الشي الوحيد اللواضح هسة

يكدرون يسوون بية اي شي

.......كغزالة بريئة واقعة بين ايدي الذئاب...... 

علي : وصلنا لمركز الشرطة طلع بوجهنا فاروق يركض لزمتة من قميصة _ لككك مطييي انتةةةة شونننن تطلعهننن وحدهمممم 

فاروق : دفر ايدة بعصبية _ باوع علي شياطين الدنيا دتتكامز فوك وجهي لتخليني اطلع قهرررر الدنيااا ومصتيبهااا كلهااا بيككككك وخررر عنيييي 

جراح : وين حتروح

فاروق: للسوك اشوف الكامرات راحن عن بالي 

جراح : احنة جايين وياك اركب يلة 

_ ركبنا بالسيارة ومشينة وراه _ عمي عوف العصبية رجاء بهاللحضات هاي عوفها الوضع ميسمح ودتشوفة انتة بشنو ديمر

علي : انتة تعرف شي ةطوانة اعرف شي ثاني مريم مخطوفة مو ضايعة وعن قريب يضهر هالشي

جراح : شمعرفك انتة 

علي اعرف كلشي انة اعرف كلشي 

جراح: مشينا وراه لحد موصلنا للسوك لمكان اللي ضاعت بي او نخطفت

نزل فاروق ونزلو ورا شباب كلها ضخمة ومسلحة 

بدو يسئلون بيت بي بالافرغ القريبة وللاسف البيوت اغلبنم فقراء واكيد ماعدهم امكانية يخلون كامرات 

شفنا كامرات المحلات بين شخص حجة وياها 

وراها تجهت للفرع

فاروق : منو هذا تعرفة

ابو المحل: لا اول مرا اشوفة

فاروق؛ خوش مشكور

جراح : راح للمحل الثاني وهم نفس المقطع مصور بس من فاتت للفرع ممبين شي

رحنا لاخر محل بالساحة هية اللي ضاعت بيها مشة ومبين شي 

بس لمحت الاحذية بين الناس 

_ وكففف وكفف 

فاروق: شكو

جراح : هذا حذائهة اعرفةة بي اخضرر ذاكك هوة شوفة كبررالصورة 

_ كبرو الصورة وصدك بين حذائها بس بين بحركة ان شخص وكع عبالك واحد لزمها وجتي سيارة فاتت بيها ممبين غير هالشي لان جان اكو تعلاكة برا بيها ملابس مغطية اللي وراها 

فاروق : ياكلاب سووهااا

علي : لتكول اللي بالييي

فاروق : النجسسسس انيي اعلمةةةة هالكلب هذا اذا ماربيتة ميطلع اسمي فاروقق 

علي : فاروق اذا صار شي باختي انهيك 

فاروق : لتخاف اذا صارلها شي اني انهي نفسي 

جراح : رجعنا للمركز وهناك ضلينة كلسع احد مخابر بس لفت انتباهي فاروق يمشي بالمركز عبالك مركز ابو 

يروح ويفوت بالغرف طبيعي 

وعلي كاعد وجدي همين ضل بالمركز ما اجة ويانة يروح ويرجع يسئل فاروق بس ماكو شي لحد الان 

نغم : رحنا اني وماما لبيت علي اول مفتنا تلكتنا عمة تبجي حضنتني واني من شفتها كمت ابجي اكثر حسيت اني السبب بالي صاير بيها 

لو ضالة وياها مجان صار هيج بيها

ام نغم : كولي يالله ام حسين نشالله يلكوها كولي يالله 

الحدة : وج يمة هاي بنية ماعرف وينها هية حلوة بيدين ناس قذرة ونكسة 

شيضملي شيسوولها سودة بوجهي هسة تبجي وتصيح باسمنا واحنة مندري هية وين وينج يمة مريمم ويننج 

مريم : مامااااااااا _ شهكت برعب باوعت كبالي نفسة الرجال 

هشام : هههههه تردين ماما ياحلوة اصيرلج ماما يولي بس اطلبي انتي اصيرلج حضن ام واب

مريم : غمضت عيني وابجي واني بكل لحضة احسة راح يدخل يكسر الباب وينقذني 

جاب كرسي وكعد على بالعكس 

هشام : كلتيلي رجلج محلل مو 

مريم : شتريد منيي تركنيي اني معليةة شمسوية والله ممسوية شي 

هشام : اوف اوف لتبجين لتبجين يلة حسولف وياج طبيعي لتخافين اسئلج سؤال وجاوبي اذا جاوبتي اطلعج واذا مجاوبتي تضلين هنا للابد 

مريم : لا لا احجي احجي 

هشتم؛ خوش فاروق كل شوكت يروح لبغداد 

مريم : م مرة كل كل شهر

هشام : هممم زين وين خال فلوسة بيا بنك 

مريم : ماعندة هوة فلوس بالبنك

هشام : هههههه خرب حضي شون مرتة انتي وكلشي متدرين عنة 

مريم : هوة ميضم علية شي

هشام : اي واضح كلشششش ههههههههههههههه

مريم : حسيت لعبت نفسي من شكلة القذر وريحتة وضحكتة 

ضلت دموعي تنزل واني بكلبي اردد بالايات وخصوصا اية الكرسي متركتها ابد 

ضل يباوع لجسمي بنضرات قذرة ووسخة حسيت بكم الحرام اللي اني بي صح مو ذنبي بس اذتني نضراتة 

كمت ابجي واتذكر

فاروق لو يدري بي يباوعلي هيج والله يموتة 

ضليت بداخلي اصيح باسمة عسى ولعل يحس بية 

يكولون للعاشق اذا نادى محبوبة بصدق يحس الثاني بحيبية وتمنيت صدك فاروق يحس بية ويجيني

هشام : تدرين بيج *****اطلع القضة والمضى بيها 

مريم : شهكت بقوةة من كلمتة كمت ابجيي بصوت عالي واحاول املص نفسي _ لا لاا بداعتتت خواتككك لاااا لتتقرببب منييييي دخهيلككككك لخاطرر اهلكككك ماعندكككك خواتت انتةةةة لتسوييي هيججج

هشام : هههههههه اهخخ هم حلوة وشريفة و**** نيال سيادة الضابط بيج 

مريم : تركني عفيةةة تركنييي انييي مالييي ذنبب واللههههه _ ايست وتعبت كمت ابجي واشهك بحركة عسى ولعل يحس بية 

بس ضل تمنية ان يتركني ضل يباوعلي واني ابجي كان مستمتع باللي ديصير بية 

حسيت امل الدنيا نقطع من عندي حسيت نهايتي حتكون هنا خلاص كلشي انتهى 

نغم : سبوع ومر سبوع كامل وهية ماكو 

الدنيا نكلبت والبصرة نكلبت وياها 

مبقة شخص مدرة ان هية مخطوفة وكل الناس صارت تتوافد لبيت اهلها تتريد تساعد 

وهذا دليل على حب الناس لابوها 

هواي شيوخ جوي وهواي ناس هم ساعدت بس ماكو امل

ضليت ببيت علي تقريبا 5 ايام ولحد هسة ضالة 

وماما يومية تجي 

كلنا نبجي ومسلوبة من عدنا الراحة 

خصوصا من وصلت صورة لحذاء مريم لفاروق على الواتس والغريب الصورة وصلت من دولة منعرفها حتى 

وهذا دليل على ان اللي خاطفها شخص عندة نفوذ ويعرف يخطط

فاروق نص حيلة راح بهالسبوع 

ماشاف الراحة لو النوم 

كلشي بي ذبل عيونة وجسمة 

اللي يشوفة يكول هذا ديموت 

بس جراح يمة كوة يجبرة على الاكل وهذا اللي مخلي يعيش

كلبو البصرة عليهة ومالكوها والليوم 

رح يروحون لبغداد 

جراح وفاروق وعلي وابوها ومناك اصلا جاسر هم طلع وية دورية يدورون بالاماكن المشبوهة اللي هية مشكوك بامرها 

قبل ليطلعون فاروق نزل يم رجل امها وباس ايدها 

فاروق : وعد رجال وهذا شاربي ازينة اذا مرجعت الج 

ما اشوف اهلي ولا بيتي اذا مو هية وياي 

ما ارتاح ولا تغمضلي عين اذا ما ارجعها 

وصدكيني بنيتج ترجعلج سالمة بس خلي ثقتج بية ولتفاركينة من دعائج 

نغم : كلها بجت وكلها متحطمة من الصار 

فراكها جان صدمة ووضع كل واحد اسوء من الثاني 

راحو لبغداد واني هم رجعت للبيت وية بابا 

نتتضر الفرج ونتتضرها ترجع سالمة 

ملاك : ماكو شعور يوصف وضع البيت 

كل يوم فاجعة تجينة اقوة من القبلها 

مدري شديصير بالبيت 

شلنا الاكل ومحد اكل كالعادة غير لكمة لو لكمتين بس علمود يصبرون على الحياه بيهن 

ضمينا الاكل صعدت فوك اصلي وادعي 

جان يدك موبايل باوعتة مصطفى

تنهدت وجاوبتة 

مصطفى : ها ملاك بشريني 

ملاك : ماكو شي نفس الوضع 

مصطفى : يالله شديصير بالبيت يومية مصيبة 

ملاك : مصطفى للبيت دينهار كلها تبجي ميتين خوف على بيبي كلشي مدتاكل بس تبجي وككلسع ضغطها هابط

مصطفى : لتتركوها وحدها خلي دائما احد وياها 

راحو الولد لو لا 

ملاك : اي راحو الضهر 

مصطفى : الله وكريم نشاللله يلكوها ويارب ميصيبها مكروه 

ملاك : اميين بيان شونها 

مصطفى : هسة احسن هالايام بدة يتلاشى الورم 

ملاك : صدككك الله كريم يارب بساع تتعافى الحمد الله اكو خبر نفرح 

مصطفى : اي بالله اول خبر زين هالفترة 

ملاك؛ يعني متطولون

مصطفى : لا ملاك بعد هواي بعد فترة نقاهتهة وهاي تطول همات وبين منرجع ونرتب اوضاعنا 

يعني خير من الله بعد

ملاك؛ الله يشافيها نشاءالله وترجعون بالسلامة

مصطفى :الله يسلمج يلة اروح اشوف جراح 

ملاك : تمام بيباي _ سدة ورجعت كملت صلاه وكملت نزلت جوة جان عمو يقنع ببيبي 

حسين : يمة كولي يالله بهذا بجيج البنية حتروح ليش تفاولين كولي يالله واكلي والله ابوية حلف يكول اذا ممتاكل اكل هية انة ماكل وتدرين بي علاجة وضغطة وسكرة يصعدون يعني ترضيها يتمرض هوة هم ويوكع علينة 

بيبي : لا يمة خل ياكل جيبي الاكل مناقصني يهد حيلي هوةة هم 

حسين : يلة انة هم حاكل وياها 

ملاك : بتسمت كعدو ياكلون الحمد ستجابت شوية وسكتت وراها نامت 

كعدو يحجون بالموضوع هذا وكل واحد ينطي راي بس محد يلكة الحل بالنهاية هنة اراء  

بغداد 8:00 ليلا 

فاروق : وصلنا بغداد واني حيلي رايح 

مثل الشخص اللي مسلوبة روحة ويمشي بس جسد 

كلشي باهت عندي 

واحس الدنيا ضايقة بية لان انة السبب باللي صار بيها 

اي انة ماكو غيري 

جنت اعرف الخطر اللي حيصير على حياتها 

بس اني اناني ردتها الي وحبيتها وتعلقت بيها 

تزوجتها وضميتها من الكل بس اجة اليوم اللي لكفوها ومصدكو 

اعرف تفكيرهم 

شنو وشلون سووها مراقبين اهلي وعرفوها 

غمضت عيني بتعب من الهم اللي بداخلي تعبان وكل حيلي رايح 

وكفت يم الحاسبة اباوع الموقع بغداد لل****نفسة متغير من شهر كامل 

يعني مبين مطالع 

حجيت بصوت مسموع _ مو هذا بحثو على ابن طبرة شوفو وينن موقعة بسااااع يلةةةة 

علي : فاروق 

فاروق : علي لتعيط وتصيح رجاء مالي خل..... 

علي : هشام 

فاروق : شنو

علي : هشام ماكو غيرة

فاروق : صفنت بوجها شون راح من بالي هذا ركضت للحاسبة 

طلعت موقعة انة مراقبة دائما 

جان الموقع بي خلل عرفت مو موجود يعني 

ركضت شلت سلاحي 

_ عصاممم امشيي ويايي يلة 

علي : وين 

فاروق : لبيتة اعرف شلون الزمة لهالعار

مريم : فتحت عيوني بيأس 

لكيتة كبالي صافن نفس نضراتة 

هشام : صح النوم يلة تعاي اكلي

مريم : نزلت دموعي هاي تعودت صارلي سبوع ايست من كلش بالحياه واحس حيلي راح

يجي كوة يجبرني على اللكمة ومن يلمسني اتقزز لحد ما زهكت وكمت اخذها اني واكل

هشام : يلة هاج

مريم : فتحلي ايدي اخذتها وكمت اكل

هشام : هاي النزاكة منين جتي خرب عرضج شكد حلوة 

مريم : باوعتلة بياس وكلت بكلبي شنو الحلو شو وجهي رايحة من عندة الروح باوعت لنص شعري وشهكت وتركت اللفة تذكرت حجابي خرب كلة هالسنين كلها اتعب واحافظ علي وهسة راحح بطل بسهولة وهوة كاعد يباوعلي بكل برود

هشام : شبيج رجعتي تنوحين مو واللله زهكتيني بعيشتي

مريم : جيبلي حجابيي اريد حجابيي 

هشام : هههههههه باع هاي انة شايفج صارلي سبوع وتكلي حجابي هسة يلة تذكرتي

مريم : ماعندك خوات متخهاف على عرضكك

هشام : لو جان عندي جان خفت بس للاسف ماعندي

مريم : عوفنييي عوفني مكافييي 

هشام : داشوف حبببيج شوكت حيعرفني اني الخاطفج حتى يبدي الشغل هنا 

مريم : شش حسوي

هشام : يجي هالليوم وتعرفين ووتتونسين وياي هم 

مريم : طلع ويضحك الرعب دخل لاجزاء جسمي كلها 

كمت وابجي بصوت عالي واشهكك واناجيي ربي ينقذني من هالموقف هذا 

_ فارووووووق وينككككك فدواااا وينككككك وين تركتنيييي ورحتتتت تعاللللل حس بييييةة تعاللللل 

يرببيييي تعبتتتتتت يارببببببببببببببببببب

شهكت واببجي بصوت عالي تركني ومربط ايدي كمت والزم شعري واجر بي حسيت بروحي نكسةةة

مداتحمل ولا اطيق روحيي 

تعبت من الدموع والبجيي

ليش محد ديحس بية وينهم عني وين ليش ملكوني

لشوكت حضل هنا 

يتبع..... 

__________________

اتمنى يعجبكم البارت 💕

انتضروني بارت جديد 💕

#الكاتبة : yaqeen. Hassan 

#مـلاك _ الـشيـخ _ جـراح