تحميل رواية ملف أسود بقلم منال كريم pdf

تجلس ياسمين أمام جهاز الحاسوب الخاص بيها، و تنظر أن المنشور خاصتها يحظوا على اعجاب اي فتاة ،مر الوقت و طال الانتظار و لم تجد تفاعل،اغلقت الحاسوب و نهضت من مقعدها،و هي تشعر بخيبة الأمل..

////////

في الصباح

جاء لها خمس رسالة من خمس فتيات كل منهن ،اعجبت بالفكرة، توصلت معهن عبر الخاص ،و أخبرتهم عن فكرة الكامب..

////////

بعد ثلاثين يوم،وصلت ياسمين مع خمس فتيات ،كل فتاة تختلف عن الاخرى، وصلوا إلى محمية نبق في مدنية شرم الشيخ محافظة جنوب سيناء، هذه المحمية التي تساعد على صفاء الذهن و الروح، بتنوع بيئي فريد يجمع بين الصحراء الجبلية والبيئة البحرية الخلابة. أبرز ما يميزها هو احتواؤها على غابات أشجار المانجروف النادرة.

تجلس ياسمين مع الفتيات و قالت بنبرة هادئة: أبدا كلامي أني سعيدة جدا بتلبية الدعوة، و احبب أوضح لكم طبيعة المشروع، أنا بعمل بحث للجامعة، تحت أسم ملف أسود، أسم غريب و كئيب بس انا حبيبت اغوص في حياة البنات، كل واحدة فينا جوها جرح عميق و مش قادرة تنساها ، و هو ده الملف الأسود ،

عايزة اعرف منكم ملف كل واحدة.

كانوا الفتيات يستمعون بانتباه ، ثم أكملت ياسمين و هي تضع في منتصف الطاولة ملف أسود و قالت: اللي تحب تبدأ الاول تمسك الملف و تكتب أسمها و اسم حكايتها و تحكي لينا..

التقطت فتاة الملف و القلم و كتبت بكل ثقة و هي تردف بنبرة قوية:أنا هاجر ،و أسم ملفي أم البنات، علشان كل ذنبي في الحياة اني خلفت بنات و من هنا بدات حكايتي…

///((((((((((((((((///

في أول أيام ذو الحجة.

هذه الأيام المباركة التي يجب على الإنسان أن لا يضعها هباء، فمن يستطيع الصيام فليفعل، أكثروا من العبادات، املو البيوت بالتهليل و التكبير.

اللهم تقبل منا و منكم صالح الاعمال

♥️♥️♥️♥️♥️♥️♥️♥️♥️

في منطقة شعبية

كانت هاجر تحضر الفطار لنفسها قبل المغرب ، رن التلفيون و كانت المكالمة اللي تقلب حياتها،ردت : الو

أم هاجر( ابتسام) : ازيك يا حبيبتي.

هاجر: الحمد لله بخير ،كل سنة و انتي طيبة يا ماما.

أبتسام: و أنتي طيبة يا قلبي، بتعملي ايه ؟

هاجر: بحضر الفطار علشان المغرب قرب و انتي عارفة ناويت اصوم التسع أيام .

سكتت ابتسام شوية و مش عارفة تقول ايه لبنتها ، فسألت هاجر: ساكتة ليه يا ماما

ابتسام بحزن: عايزة اقولك على حاجه و مش عارفة اقولها ازاي.

هاجر بتوتر: قولي على طول،خير أن شاء الله

بلعت ريقها بتوتر و قالت : عامر صاحب اخوكي مسافر دبي يشتغل هناك، و بالصدفة شاف سامي و عرف عنه حاجة كده.

و سكتت ابتسام للمرة الثانية ،قالت هاجر بخوف أن يكون حصل لجوزها حاجة، : كملي يا ماما ،عرف ايه.

ابتسام بصوت مهزوز و خايف : بصراحة بقي عرف أن سامي متجوز عليكي.

ضحكت هاجر بصوت عالي و قالت: بتقولي ايه يا ماما،اكيد حد شبهه، سامي لا يمكن يعمل فيا كده..

ابتسام: يسمع منك ربنا، انا هقفل و انتي كلميه و افهمي منه.

قفلت ابتسام و خرجت هاجر من المطبخ و هي حاسة أنها مش قادرة تقف أو تنطق بحرف، هي ممكن يحصلها حاجة لو الموضوع بجد..

رنت عليه ،شوية و رد بصوت هادي : أزيك يا جوجو

نزلت دمعة من هاجر و لاول مرة قالت رد مختلف عن كل مرة: انا كل مرة بقولك اني كويسة، بس انا مش كويسة ،أنا بكذب عليك علشان مضايقكش ،بس أنا فعلا تعبانة يا سامي.

سامي بقلق : مالك بس في ايه؟

هاجر بدموع: سمعت خبر وحش و أن شاء الله يكون كدب.

سامي: انتي بتعيطي ليه ،شكل الموضوع كبير، اتكلمي مالك.

خدت هاجر نفس و سالت: انت اتجوزت عليا؟.

عدى ثواني صمت بس كانوا بالنسبة لها سنين طويلة، دقات قلبها عالية جدا ،بتدعي ربها يكون الرد لا، بس جاه الرد بصوت هادي و مش ندمان:

_أيوة يا هاجر اتجوزت عليكي ، أنا في غربة و محتاج حد معي ،معملتش حاجة غلط ده شرع ربنا.

غمضت عينها و ابتسمت بسخرية و قالت: شرع ربنا، و طالما انت متحمل مصاريف زوجة كنت بعتت ليا اجي عندك، مانا كمان عايشة هنا وحيدة، بخدم أمك ، و بربي العيال و أنت بعيد عني أنا كمان محتاجة شريك يكون معي.

زعق سامي و قال: انتي هتقارني نفسك بيا.

ضحكت بسخرية و قالت : و ليه لا؟ احنا الاتنين عندنا نفس المشكلة،انت دورت على نفسك و انا لا.

سامي: انا معملتش حاجة حرام.

سامي شايف نفسه صح و مش غلطان أنه أستخدم حقه الشرعي، و المفروض أن الزواج التاني بشروط

قالت هاجر و هي كلها يقين برحمة ربنا:

-ربنا رحيم اوي يا سامي ،تفتكر لما نكون احنا الاتنين نعاني من نفس المشكلة و أنا اكتر منك بمراحل علشان مسؤوليتي اكبر، و انت كان قدمك حل تحل مشكلتي و مشكلتك أن اسافر ليك، بس أنت اخترت نفسك، انت كده ظلمتني و الظلم حرام.

معجبوش الكلام ،فحب يخليها تحس انها عاجزة عن اللي نفسه فيه.

سامي بعصبية: بقولك ايه في سبب تاني علشان اتجوز أنا عايز ولد ،و انت خلفتك بنات.

قامت من مكانها و هي على مشارف الجنون من كلامه، صرخت بعصبية:

_لسه في حد جاهل زيك كده ،أنت متعرفش أن البنت و الولد، أولا رزق من ربنا،و ثانيا من الراجل، يعني أنت اللي خلفتك بنات يا سامي..

رد سامي بغضب: احترامي نفسك يا ولية أنا جاهل.

ردت عليه ببرود : كلامك ده يدل على أنك جاهل، و اظن ده مش موضوعنا ،قولي ازاي تعمل فيا كده و أنا شايلة معك كل حاجه.

ضحك و قال : شايلة ايه أنتي لكي لازمة اصلا في حياتي .

الجملة وقعت عليها زي جبل ، ازاي يقول انها ملهاش لازمة بكل ده اللي عملته معه.

قالت بصدمة : حرام عليك انت بتقول عليا أنا كده

سامي بنفاذ صبر : بصي بقي،انتي وفرتي عليا كتير و علشان كده، اعملي حسابك هنزل انا و مراتي علشان تولد في مصر و انتي تخدميها.

بتسمع كلامه و هي مذهولة، مش فارق معه مشاعرها، ازاي يقول كده، صرخت في التلفيون: أنت مجنون صح، انا توقعت منك تقول انك هتطلقها، و تشتري خاطري مش تدوس عليا.

رد ببرود: هو ده اللي عندي يا هاجر، و بعدين انا مجنون علشان أطلقها..

هاجر: و انا مش موافقة على كلامك ده، طالما مش هتطلقها طلقني انا .

سامي: و ماله اطلقك، بس مش هصرف جنيه عليكي و لا على بناتك

هاجر بصدمة:على فكرة بناتي هما بناتك لو نسيت.

سامي: فكري و ردي عليا.

و قفل

السكة و هي التلفيون واقع من ايديها، و بدأت ترجع بالذاكرة و تفتكر هي عملت معه ايه..

///////////

منذ سنوات

كان سامي قاعد و بيان عليه الهم، قعدت جنبه هاجر و على وجهها ابتسامة ترد الروح و تزيل الهم ، و سالت بنبرة هادية: مالك يا سامي

سامي بحزن: الحالة صعبة و مفيش فلوس و الشغل يوم اه و يوم لا.

هاجر: و لا يهمك يا حبيبي ،ادينا مع بعض و ربنا يفرجها أن شاء الله.

سامي: قدمي فرصة سفر حلوة، و الخطوة دي لو تمت ربنا يفتحها علينا من وسع..

هاجر بحزن: و تبعد عني و عن البنات يا سامي.

سامي: أنا عايز اعمل كده علشانك و علشان البنات.

هاجر: و ناوي على ايه.

سامي: المشكلة في فلوس السفر

هاجر: أنا مش عايزك تسافر، بس لو أنت عايز خالص انا هتصرف في فلوس

سأل سامي بلهفة: هتعملي ايه.

هاجر: هبيع دهبي و كمان هاخد ورثي من ابويا الله يرحمه.

اي راجل و عنده نخوة يرفض ياخد فلوس من مراته بس ده مبعرفش معني الرجولة.

باس أيدها و قال: ربنا يخليكي يا ليا يا حبيبتي..

ابتسمت هاجر و قالت: و يخليك يا حبيبي.

////////

في بيت أهل هاجر

اخو هاجر ( محمود): انتي واثقة من قرارك

هاجر: أيوة كنوز الدنيا مش خاسرة في جوزي و ابو بناتي

ابتسام: بس الفلوس دي سندك و سند لبناتك من غدر الزمن.

هاجر: السند ربنا يا ماما، و سامي موجود

محمود : براحة بس يا هاجر، دلوقتي مشاعرك اللي تتحكم فيكي، و انا مش عايز افكرك جوزك عامل ايه معاكي، انتي اكيد فاكرة، فبلاش تخسري كل اللي معاكي علشان واحد ميستاهلش

هي مش ناسية اي حاجه عمله سامي ,لكن في نفس الوقت متقدرش تتحمل حد يتكلم عليه كلمة مش كويسة

اتعصبت و قالت: محمود ده جوزي و مش هقبل انك تتكلم عليا نص كلمة، انا عايزة حقي مش بشحت منك، و لا انت عايز تاكل حق اختك.

قام من مكانه بصدمة و قال: انا اكل حقك، انا خايف عليكي، براحتك يا هاجر عايزة ورثك هيكون عندك ،بس مترجعيش تعيطي بعدين، و أفتكري أن البيت ده بقي بيتي، من اللحظة دي، و يوم ما سامي يغدر بيكي ملكيش مكان هنا..

هاجر: لا متخافش جوزي مش غدر..

///(////

و هسخرت هاجر دهبها و ورثها و معاهم اخوها اللي كان خايف عليها ، علشان خاطر سامي يسافر و يكون نفسه و في الاخر اتجوز عليها..

////////(

عودة

مسحت هاجر دموعها و قالت: كان عندك حق يا محمود انا اللي كنت غبية، اعمل ايه يارب دلوقتي

قامت هاجر تنزل عند حماتها و عندها أمل هي اللي تقف جنبها..

بعد ما حكت هاجر لها كان ردها:: خالص بقي يا هاجر اعمل ايه انا.

هاجر بحزن: اقفي معي ضد أبنك علشان يعرف أنه ظلمني.

ماجدة ببرود : كنت هعمل كده يا حبيبتي ، بس مراته حامل في ولد، و انتي عارفة أنا و سامي نفسنا في ولد.

هاجر بصدمة: انتي كنتي عارفة من قبل كده صح.

ماجدة : أيوة عارفة، هو ابني يقدر يعمل حاجة من غير ما ياخد رأيه.

ضحكت هاجر بحسرة و قالت: و ابنك بيقولك أنه ناوي يتجوز عليا ، ، ضميرك كان مستريح ،يعني مصعبتش عليكي، كان المفروض تقوليلي بلاش يا ابني دي مراتك في غربتك شيلني على رأسها ، و محافظة على شرفك ، مقولتيش دي باعت اللي وراها و اللي قدمها علشان تسافر و تبقي اخرتها انك تتجوز عليها..

ماجدة : خالص بقي يا هاجر كفاية كلام، ابني من حقه يكون عنده ولد، و انتي معاكي بنتين بس، و هو صبر عليكي كتير.

هاجر: و ابنك اللي نفسه في ولد، بيقولي هيخدم مراته أو يمنع عني مصاريف بناته.

ماجدة : اسمعي مني يا هاجر أنا عايزة مصلحتك.

هاجر: قولي يا حماتي..

ماجدة : الجواز أمر واقع، و لازم تقبلي بمزاجك، اسمعي كلامك جوزك و اخدمي مراته و يبقي صواب يقعدلك في الآخرة

نزلت دموعها و قالت: هو ده العدل يا ام سامي.

زعقت و قالت: بطلي عياط انا صدعت ،طلعني من الموضوع

و قالت بنبرة استهزاء: ما هو بصراحة لو انتي كنت مكفي ابني و ملئ عينه ، مكانش اتجوز عليكي.

شاورت على نفسها و قالت: الغلط طلع فيا صح.

ماجدة: من الاخر يا هاجر وافقي على الأقل الود يخلي باله من اخواته البنات.

هاجر بقلة حيلة : لو عملت كده سامي هيكون مبسوط.

ماجدة : اومال.

هاجر: خالص انا موافقة ، اصل هعمل ايه لوحدي، اكيد مش هقدر هصرف على البنات و في الاول و الاخر ، البيبي يبقي اخو بناتي و يخلي بالهم منهم.

ام سامي: طول عمرك عاقلة يا هاجر.

قالت كده هاجر و هي مش عارفة تعمل ايه

//////////////

مشيت على بيت اهلها و هي مش عارفة توجه اخوها ازاي ،وقفت قدم الباب و أيدها ترتعش،هتقول ايه، أنها كانت غلطانة و خسرت كل حاجه علشان واحد ند،ل و حق،ير زي سامي، و حماتها اللي معملتش حساب العشرة

محمود كان عرف و اتاكد من صاحبه ان سامي اتجوز عليها ، و متاكد ان هاجر هاجري عليهم، بس كان محضر لها الصدمة،مجرد ما خبطت على الباب جري يفتح و متاكد انها هي.

فتح الباب، و بص عليها بشماتة و هي بيضحك و قال: اتاكدي اني كنت عايز أكل ورثك صح، و انا سامي يستاهل التضحية مش كده.

نزلت دموعها و قالت: انا اسفة يا محمود ،سامحني انا مش عارفة اعمل ايه

محمود: انا اللي اسف يا هاجر، ملكيش مكان في بيتي، امشي على بيت جوزك.

جت ابتسام و قالت: علشان خاطري يا ابني هي ملهاش غيرنا

محمود: و جوزها الاصيل رح فين، امشي يا هاجر، و عايشي خادمة ليهم.

وقعت على الأرض و قالت: سامحني يا محمود.

محمود دخل و قفل الباب في وشها

صرخت ابتسام و بتقول: بلاش يا محمود افتح لأختك.

بص ل ابتسام و قال : لو مش عجبك روحي وراءها ،خليها تتدفع تمن اختياراتها.

و فجأة هاجر لقت نفسها في الشارع مع بناتها الاتنين ،بعد ما اخوها قفل في وشها الباب، عنده حق يعمل كده هي اللي غلطانة المهم دلوقتي تروح فين، مفيش مكان غير ترجع بيت جوزها ،مسكت بناتها ورجعت البيت و دموعها زي المطر.

////(((

بعد شوية وصلت البيت ،قابلتها ماجدة بسخرية و قالت: بتعيطي ليه يا هاجر.

رمت نفسها على الكرسي و قالت: أنا حاسة أن الدنيا وافقت ،مش فاهمة حاجة.

ماجدة: ما بلاش كلام ملوش لازمة جوزك معملش حاجه غلط، و من حقه يكون عنده ولد.

هاجر: هو في الفرق بين الولد و البنت، و بعدين انتي نسيتي اللي حصل مع رجب ابن اختك.

ماجدة بعصبية: و ماله رجب.

ضحكت هاجر بسخرية و قالت: ابدا، عمل زي ابنك كده، طلق مراته علشان مخلفة تلات بنات و هي اتجوزت بعده و هو اتجوز بعدها، هي ما شاء الله خلفت تلات صبيان و رجب مراته الجديدة مقدرتش تخلف.

ماجدة: و دلوقتي بيدور على واحدة خلقتها صبيان.

و كملت ماجدة بجدية: تعرفي تشوفي واحدة خلفتها صبيان.

هزت راسها بعدم تصديق و قالت: استغفر الله العظيم يارب ، الولد و البنت رزق من ربنا، يعني ايه يتجوز واحدة خلفتها صبيان

قالت ماجدة بكل ببرود : هتكون متجوزة قبل كده و مخلفة صبيان

هاجر: اعوذ بالله منكم عيلة، انا عايزة اتطلق من سامي مش هقدر أتحمل

ماجدة: و تجي على نفسك ليه، يلا مع السلامة

سالت هاجر: و مصاريف البنات

قامت ماجدة و قالت: هنقطع علاقتنا بيكي و بالبنات..

قامت هاجر بغضب و قالت: منك لله يا شيخة ، ربنا ينتقم منك انتي و ابنك.

بصت ماجدة بصدمة و مسكت كوبية ض*ر*بت هاجر بيها، صرخت هاجر، و فاقت على صوت بنتها و هي بتقول: ماما

بصت هاجر حواليها لقت نفسها لسه قدم الباب و مخبطش ،تنهدت براحة و قالت: الحمدلله يارب إن كل ده في خيالي ،بس دلوقتي اعمل ايه اخبط أو ارجع البيت و امري لله.

ثواني تفكير و خدت قرار ترجع البيت و قبل ما تمشي فتح الباب و كان أخوها اللي من غير كلام اخدها في حضنه

///((((/////

دخلوا البيت و سالت ابتسام :

ناوية على ايه يا هاجر.

هاجر :ناوية على خراب بيت سامي اللي انا عمرته بايدي و من سنين عمري الضايع..

محمود: فهمني و انا معاك، و مش هسيبك.

نزلت دموعها و قالت : كنت خائفة من ردة فعلك اوي.

مسك أيدها و قال: حتي لو زعلان منك و من تفكيرك لازم اقف جنبك.

هاجر : ربنا يبارك فيك يا حودة

محمود: و فيكي يا قلب حودة، بس يلا قولي ناوية على ايه؟؟

فكرت ثواني و قالت: سامي كان عامل ليا توكيل عام علشان اشتري الارض و اخلص اي حاجة له، اول حاجة البيت اللي تعبت فيها هنقله باسمي ،و اخلص كل التجهيزات اللي فاضله علشان انقل فيه ، و زي ما بنيت سامي اهده و بعدين اطلق منه..

ابتسام بخوف: انا خائفة عليكي يا هاجر، اتطلقي منه و احنا نصرف على ولادك ،مش عايزنا منه حاجة قليل الاصل.

هاجر: ماما أنا عمري رح في البيت ده، و انا اخدمه هو و أمه ، كنت بعطي بدون مقابل، و بعد كل ده اتجوز عليا و عايزني اخدم مراته الجديدة، ابقي عبيطة لو طلعت قبل ما اخد حقي منهم.

محمود: انا معاكي يا هاجر ، شوفي عايزة نعمل ايه.

هاجر: عايزك تشوف محامي ازاي انقل البيت باسمي .

محمود: حاضر يا حبيبتي

قالت ابتسام بخوف: انا خائفة عليكي و على البنات يا هاجر، لو عايزة حقك نرفع ق*ض*ية.

مسكت هاجر ايد امها و قالت: متخافيش عليا يا ماما، و بعدين يا حبيبتي محكمة الأسرة مليان ستات مش عارفه تاخد حقها، أنا هاخد حقي بنفسي من سامي..

//////////

في دبي

في شقة سامي هناك

صوفيا: تكلم عربي مكسر): أنت بتقول ايه يا سامي ،انا لا يمكن اسافر مصر.

سامي: ليه بس يا صوفيا

صوفيا: أنت ناسي أن شغلي و حياتي هنا.

سامي: يا حبيبتي احنا هنسافر تولدي هناك و نسيب الود ل هاجر تربيه و نرجع احنا هنا نشتغل و نعيش حياتنا.

ابتسمت صوفيا و قالت: بجد سامي

سامي: بجد يا قلب سامي.

صوفيا: ياريت يا سامي نسيب البيبي عند مراتك، انا مش عايزة أطفال و أنت اللي أصرت منزلش البيبي

سامي: كان نفسي في الود ،و عايز اغير النسل ،و اجيب عيل قمر زي امه كده.

صوفيا: و انا سمعت كلامك و خلت البيبي ،اهم حاجة تعمل زي ما قولت و نسيب البيبي في مصر و نرجع من غيره.

سامي: انا فكرت في الفكرة دي علشان خاطرك..

و قرر سامي أن مراته الاولى تكون خادمة لمراته الثانية و ابنها الجاي..

////////

في وقت ما هو يخطط تكون هاجر خادمة،هي كانت بتحضر ترجعه شحات تاني

في مكتب المحامي

هاجر: طمني يا أستاذ

المحامي: أيوة تقدري تنقلي البيت من اسم جوزك ل اسمك، علشان العقد في بند البيع للنفس وللغير، و ده يديكي كل الصلاحيات، و التوكيل اللي معاكي تقدري تتعاملي كانك سامي نفسه..

خدت هاجر نفس براحة و قالت بسعادة : طيب يا استاذ ابدا في الاجراءت عايز انقل البيت باسمي في اسرع وقت…

//////(/(((

خرجت هاجر من مكتب المحامي و طلعت على محل لعب اطفال.

محمود: هتشري العاب لبنات

ضحكت هاجر و قالت : مش بالظبط كده.

محمود: ناوية على ايه يا هاجر

هاجر: كل خير، انا مش بعمل حاجه غير الخير..

دخلت هاجر المحل و رنت على سامي فيديو كول، فتح سامي و قال: ازيك يا هاجر ، عاملة ايه ؟

هاجر بابتسامه: ازيك يا قلب هاجر, انا بخير يا سمسم.

سامي: انتي فين

هاجر بدلع: حذر فزر.

سامي::بيان انك برة البيت بس فين.

وجهت الكاميرا على الألعاب و قالت : بص كده يا حبيبي عايزة اجيب ألعاب ل البيبي اللي جاي أن شاء الله ،انا بدأت من دلوقتي اجهز حاجات له، و كمان اخترت تصميم اوضته في الشقة.

استغرب سامي و قال: انتي بتكلمي بجد، هتعملي له اوضة..

قالت بنبرة هادية:طبعا يا حبيبي، حماتي قالت جملة و هي دي اللي غيرت تفكيري

سامي: جملة ايه

هاجر: أن الطفل اللي جاي هيخلي باله من اخواته البنات، مش هو هيحبهم يا سامي و يحافظ عليهم..

سامي: اومال يا هاجر ده هيحبهم و يفضل عايش معاهم على طول

هاجر باستغراب : على طول ازاي

توتر سامي و غير الموضوع و قال: و انتي هتشري ايه من عندك.

هاجر: هشتري هدايا كتير ل البيبي ، بس

عايزة فلوس.

سامي: من عيني يا جوجو.

قفل سامي و اشترت هاجر العاب لبناتها و رجعت البيت.

و سامي افتكرت أن كده المهمة سهلة عليه بإقناع هاجر تربي البيي..

///////(((

في شقة حماتها.

ماجدة بتريقة : طول النهار برة البيت يا معدولة

هاجر ببرود: معلش يا حماتي كان عندي شوية مشاوير

ماجدة بتريقه: بتكلمي زي ما يكون عندك مشوار في الوزارة

هاجر: من غير تريقة انا تعبانة و مش ناقصة ،كلتي و لا لسه.

ماجدة بعصبية: كلت يا اختي أنا استنكي لنص الليل على ما أكل..

قامت هاجر و قالت: احسن برضو مش قادرة اقف على رجلي، يلا يا بنات.

و خدت بناتها و طلعت على الشقة..

////////////

في الشقة

تاليا (١٠ سنين): ماما احنا ليه سابين الألعاب عند تيته.

هاجر: علشان ستك مش هتسكت لو شافت الالعاب دي

تالين( ٨ سنين) قلدت ستها و هي بتقول: يا خاسرة فلوسك يا ابني، متغرب علشان القرش، و مراتك مضيعة الفلوس في الهايفة على بناتك.

مقدرتش هاجر تكتم ضحكتها و قالت: عيب كده يا تالين

تاليا: تالين كلامها صح يا ماما.

هاجر بعصبية: قولت عيب يبقي عيب، أنا مش عايزة حد يجي و يقول اني معرفتش اربي.

تالين: انا اسفة يا ماما، بس أنا بحس تيتة مش بتحبنا.

هاجر: الله واعلم بالقلوب، بس حتي لو كده لازم نحترم الكبير فاهمين

تاليا: فاهمين يا ماما

هاجر : يلا على النوم..

دخلت البنات نامت و هاجر قعدت تفكر في اللي جاي.

كلمت نفسها بحزن: أنا لازم زي ما أخد حقي ،أخد حق ولادي منك يا سامي أنت و امك، طول عمركم تتعاملوا مع البنات كأنهم درجة تانية، ربنا ينتقم منكم.

و رجعت بالذاكرة لوراء

//////(

بعد ما ولدت تاليا بشهر

هاجر: شيلي تاليا على ما اشوف شغل البيت

ماجدة: ابعدي عني البت دي

هاجر باستغراب : ليه هي مش بنت ابنك

ض*ر*بت على صدرها و قالت: حسرة عليك يا ابني مراتك خلفت بنت بدل ما تجبلك ولد يسند ظهر

نفخت بضيق و قالت: استغفر الله العظيم يارب، هو لسه في كده البنت زي الولد

ماجدة: و انتي بتقولي ايه غير كده.

خدت هاجر بنتها و طلعت شقتها.

في الشقة

سامي: طلعتي على طول ليه

عيطت هاجر و قالت: بقولك ل امك تشيل تاليا على ما اخلص شغل البيت مش راضية، كان نفسها في ولد.

سامي: ما هي عندها حق

صرخت بعصبية و قالت: هو انت معندكش دم انت و امك ،انا بقالي شهر مخلفة و نفسيتي زي الزفت من كلامكم و مش عارفة افرح بنتي ، الدنيا تطورت و البنت زي الولد ،الكلام ده تخلف

بص بغضب و قال: تخلف انا و امي متخلفين.

و خد منها البنت حطها على الكنبة و نزل فيها ض*ر*ب بجنون، و للاسف انتهى الموضوع بأسف و هي سامحت.

////////

مسحت دموعها و قالت: كنت غبية و صدقت جملة أن الست لازم تحافظ على بيتها حتي لو اتهانت ، زي ما صدقت جملة أن كل الستات تتض*ر*ب ، فمشيت وراء الطيار و قبلت بالإهانة ، بس دلوقتي فوقت ،و لازم انتقم منهما..

/////////////

عدى ايام و بالفلوس اللي بعتها سامي بدأت تجهز الحاجات الناقصة في البيت..

/////////

يوم وقفة العيد الكبير ،رجع سامي و معه مراته التانية اللي حامل في الولد.

في شقة أم سامي

زغرطت و قالت: منورة يا عروسة

صوفيا: شكرا

ماجدة : قومي يا هاجر حضري الاكل ،زمانهم جعانين..

ابتسمت هاجر و قالت: من عيني يا حماتي.

قامت هاجر تحضر الاكل ،و دخل سامي وراءها و قال: وحشتني اوي يا جوجو.

هاجر ببرود: شكرا

سامي: ها جهزتي الاوضة اللي هنقعد فيها انا وصوفيا

هاجر: طبعا ، قولي يا سامي جبت معك حاجات للبنات.

سامي: لا انتي خدي فلوس و ابقي هاتلهم من هنا.

هاجر بحزن: كانت هتبقي أجمل لو منك انت يا سامي، بقالك سنين مسافر و رجع من غير حاجة.

و ابتسمت بسخرية و كملت: اه راجع مع مراتك و ابنك اللي في بطنها.

سامي: احنا هنتكلم تأني في الموضوع

هاجر: لا مش هنتكلم، صحيح عايزة فلوس.

سامي: فلوس تاني ،انتي في كام يوم خدتي فلوس مخدتيش زيهم من وقت ما سافرت.

كلمت نفسها : كنت غبية و فاكرة ان كده صح لما اوفرلك يمكن لو كنت طلبت كتير ،مكنتش اتجوزت عليا.

سامي: روحتي فين يا هاجر

هاجر: انا هنا.

سامي: عايزة فلوس ليه

هاجر: هشتري هدوم العيد للعيال ،بكرة العيد و أنا كنت فاكرة انك هتجيب و انت جاي.

سامي: ماشي.

هاجر اشترت هدوم البنات بس كانت عايزة تمص دمه..

//////////

خدت هاجر فلوس و خرجت مع بناتها على بيت اهلها..

هاجر: محمود قول ل العمال أن بكرة بس هو اللي اجازة، و بعد كده يبدوا في الشغل، انا عايزاه اخلص البيت في اقرب وقت.

محمود: اتفقت معاهم على كده، و خلاص هانت.

مدت هاجر ايديها بصندوق و قالت: خلي ده عندك يا ماما.

ابتسام: ايه ده يا هاجر.

هاجر: المحروس سامي ، لقيته جاب ليا دهب بدل اللي خده مني..

ابتسام: غريبة دي ،ما هو مسافر بقاله سنين ،ليه دلوقتي جاب الدهب

هاجر: حاسة أنه ناوي على حاجة ايه هي مش عارفة ،علشان كده بيحاول يشتري خاطري.

محمود: ربنا يستر ليكون ناوي على شر

هاجر: لا مش شر، هو لو شر هيجاب دهب، اكيد مصلحة، ما هو بتاع مصلحته، بس الافضل الدهب و كمان في فلوس في الصندوق تكون عندكم، هنا امان اكتر.

ابتسام: ربنا يسترها عليكي يا بنتي و على بناتك، انا مرعوبة انك عايشة في وسطهم..

هاجر : يارب يا ماما ، متخافيش انا عارفة اتعامل معاهم.

//////////////

تاني يوم

كان عيد الاضحى ،بعد صلاة العيد، كان سامي واقف قدم البيت و يدبح عجلين بمناسبة الولد اللي لسه مجاش

///////

كانت واقفة هاجر و بناتها في البلكونة، كانا نظرات البنات كلها وجع و حزن،على ابوهم و شايفين يتكلم عن ابنه اللي جاي بفرح..

هاجر بحزن لنفسها: اخص عليك يا سامي، لو طلعت معي وحش ، ايه ذنب بناتك بتعمل حاجات ل ابنك اللي لسه مجاش، معملتهش ل بناتك، عمرك ما حضنت واحدة فيهم، هما اللي يجروا عليك مش أنت، حسبي الله ونعم الوكيل فيك.

تالين: ماما هنزل أنا و تاليا نلعب مع اصحابنا

هاجر: ماشي خلي بالكم من بعض

///////

في البيت

صوفيا: هو سامي يعمل ايه

ماجدة بسعادة: يبدبح علشان فرحة المولد الجديد.

صوفيا: هو فرحان علشان هيجب ولد، و انا مش فرحانة و مش عايزة البيبي.

ماجدة بزعل : ليه يا حبيتي كده العيال رزق

صوفيا: انا مش بفهم كلامك الغريب ده، انا مش عايزة بيبي و سامي قال هنسيب البيبي ل هاجر هي تخلي بالها

منه.

ماجدة باستغراب: سامي اللي قالك كده، و يسيب ابنه ازاي اللي نفسه فيه.

دخل سامي،سالت ماجدة : صوفيا بتقول انك هتسيب ابنك ل هاجر

سامي: ايوة يا ماما،صوفيا مكنتش عايزة تخلف و انا اللي اصرت، و فكرت أسيب الود يتربى مع البنات و احنا نعيش حياتنا هناك.

ضحكت ماجدة و قالت: عملت طيب، علشان الود يطلع مصري اصيل مش اجنبي و كمان انت تعيش حياتك مع القشطة دي.

ضحك سامي و سال : حلوة صح

ماجدة: زي القمر و عرفت تجيب الود مش زي هاجر.

كانوا البنات سمعوا كل حاجه و طلعوا عرفوا هاجر.

اللي قالت : كده فهمت سبب الهدايا، عايز تخليني خادمة لمراتك. و ابنك ، طيب في خادمة بلاش، اصبر يا ابو الود ،يارب الود اللي انت كسرت بناتي و كسرتني علشانه يكون هو سبب كسرت ضهرك…

//////////

بليل خد سامي صوفيا يخرجها و كعادته مسألش في بناته ،رنت هاجر عليه: انت فين سامي

سامي: بفرج صوفيا على مصر

هاجر بعصبية: و نسيت أن النهاردة عيد و بناتك من حقهم يخرجوا مع ابوهم.

علشان يريح دماغه من الخناق قال: هبعتلك فلوس و خرجي انتي العيال.

ضحكت علشان ده كان هدفها يبعت فلوس قالت: ابعت مبلغ محترم يعوض ولادك عن غيبتك يا ابو محمد

سامي: محمد مين

هاجر: ابنك اللي جاي أن شاء الله في السكة.

سامي بسعادة: يارب يسمع منك ربنا.

قفلت مع سامي و بصت على بناتها و قالت : بصوا بقي هناخد خالو و تيته ابتسام و نخرج اجمل خروج.

تاليا بحزن: ماما ليه بابا مش بيحبنه

معرفتش تجمل صورته قدمهم، قالت: علشان ابوكم مش بيفهم،لو بيفهم كان عرف انكم اجمل حاجه في الدنيا

تالين: انا بكرهه اوي

مقدرتش هاجر تنطق بحرف، حضنت بناتها و انهروا من العياط..

////////

و بعد شوية خرجت هاجر مع البنات و صرفت ببزج ،زمان كانت تستخسر في نفسها اي حاجه ،و اكتشفت انها غلطانة..

//(((

في الملاهي

محمود: مين صاحب القلب الشجاع اللي يركب معي اللعبة دي..

هاجر: انا لا يمكن اركب اللعبة الصعبة دي.

تالين: ليه يا ماما ،هي ممتعة اوي.

هاجر: لا طبعا أنا بخاف.

تاليا: و انتي يا تيته

ابتسام: لا يا حبيبتي انا بخاف

محمود: يلا احنا يا بنات

خد محمود البنات يلعبوا و كان و نعم الخال ،نفذ المثل اللي يقول الخال والد ، عوضهم على ابوهم اللي ملوش لازمة…

و هاجر قعدت مع امها في الكافتيريا

و في نفس الوقت سامي مبسوط مع مراته التانية.

محمود عمل كل اللي يقدر عليه علشان يسعد البنات و نجح أن العيال بقت مبسوطة.

////////

بعد ما خلصوا الاكل ،قعدوا في مطعم و ياكلوا و هما مبسوطين.

و قامت تاليا علشان تغسل ايديها.

و فجأة صرخت

هاجر بخوف: في ايه يا حبيبتي

تاليا بألم:في حاجة شكت رجلي رجلي

هاجر قلعتها الشوذ ،لقت رجلها تنزف و كان السبب قطعة زجاج مكسورة.

قام محمود بسرعة و شالها و هو بيقول: يلا نروح المستشفى

جريت هاجر وراهم و ابتسام مسكت تالين و هي كمان وراهم

//////(

في المستشفى

محمود وابتسام كانوا مع تاليا و الدكتور ينضف رجلها و هي تصرخ من الالم

و هاجر حضنه تالين و بتعيط،و هي مش قادرة تشوف بنتها كده..

رنت على سامي اللي مسألش فيهم و قالت : هو انت ناسي مراتك و بناتك.

سامي: في ايه يا هاجر

هاجر: صوتي مش بيان عليه العياط..

زعق و سال: فيه ايه

هاجر: تاليا رجلها اتعورت و احنا في المستشفى دلوقتي.

و لا كانه سمع حاجة، سال : و عايزني اعمل ايه

صرخت هاجر: مرة واحدة خليك أب،تعال لبنتك يا سامي البنت بتحبك اوي

و كأنه اتجرد من كل المشاعر ،قال ببرود: و أسيب ام الود لوحدها.

و اتحولات هاجر من منتهى الضعف ل منتهى القوة و قالت: لا ازاي خليك مع أم الود يا ابو الود.

و قفلت السكة، و مسكت تلفيون محمود و دورت على رقم عامر صاحب محمود اللي شاغل في دبي

فتح الخط و قال: ابو حنفي اخبارك..

هاجر: انا هاجر أخته

عامر: ازيك يا ام تاليا ،عاملة ايه؟

هاجر: الحمد لله ،عايزة منك خدمة صغيرة.

عامر: تحت امرك.

ضحكت و قالت : الأمر لله، ركز معي..

و قفلت مع عامر و رنت على سامي، اللي رد بعصبية: عايزة ايه تاني

خدت نفس و قالت:ووو

و للحديث بقية

تفتكروا هاجر ناوية على ايه

رايكم في جزىية رجب و خصوصا انها حقيقه.

قفلت هاجر مع عامر و رنت على سامي، اللي رد بعصبية: عايزة ايه تاني يا هاجر

خدت نفس و ردت ببرود :براحة شوية يا سامي، انا بس عايزة فلوس ، علشان ادفع علاج بنتك و لا هي مش بنتك زي ابنك اللي جاي في السكة.

رد بعصبية: انتي مش شايفة انك بقيتي كلب،ة فلوس.

ضحكت و قالت: انا كلب،ة يا سامي، و ماله جوزي و أتحمل منك كل حاجه ،ابعت فلوس.

نفخ بضيق و قال: حاضر هبعت الف جنيه و مش هزود قرش واحد،عجبك أو خليكي انتي و بنتك رهن في المستشفى

و قفل في وسهل السكة

بصت على التلفيون و قالت: تصدق يا سامي بعد المكالمة دي تستاهل اللي اعملوا فيك..

شوية و رجعت هاجر و مع بناتها بيت اهلها

محمود: و انتي عايزة ايه من عامر

هاجر: نتكلم بالعقل، سامي جتله فرصة شغل في دبي، بس هو سافر بفلوسي انا،يبقي انا السبب في المركز الكبير اللي وصله في الشركة.

ضحك محمود و قال: ناوية على ايه تاني يا جوجو

قالت بشر: سامي يخسر شغله ، انا طلبت من عامر رقم مدير سامي، و مش عارفة ليه عندي احساس أن سامي مش مظبوط في شغله، و علشان كده عايزة هكر محترف اهكر تلفيون البيه..

محمود: سهلة يا قلب اخوكي، كل اللي تتطلبي سهل و عندك حق تنتقمي من الوطي.

بصت عليه بحب و قالت: لو انت مش جنبي عمري ما كنت وصلت لحاجة، شكرا على كل حاجه يا حودة.

محمود بتريقة : العفو ،خلينا في المهم، بكرة اقف على أيد العمال يخلصوا البيت بسرعة.

تنهدت و قالت: يارب.

///////////////////

رجعت هاجر البيت ،و دخلت شقة حماتها و كانوا كلهم موجودين

ماجدة بصوت عالي: عملتي ايه في البنت يا هاجر

هاجر ببرود: عملت ايه ؟

ماجدة: البت اتعورت ازاي و انتي معها..

هاجر: نصيب ،اللي يشوف كده يقول انكم خايفين عليها

سامي: ما اكيد خايفين عليها

بصت عليه بعصبية و قالت: انت بالذات مش عايزة اسمع صوتك.

قبل ما يرد سامي ،ردت صوفيا و قالت: طريقتك في الكلام بلدي اوي.

جزت هاجر على أسنانها بغضب و قالت: انا متكلمش معاكي، يبقي وفري نفسك محدش طلب رايك.

بصت صوفيا على سامي و قالت بدلال: شايفة طريقة مراتك يا سمسم، أنا غلطت في حاجة،مش هيان عليا تتكلم معاك كده…

سامي اتعصب علشان صوفيا زعلانة و قال: هاجر اعتذري من صوفيا حالا

ضحكت و قالت: أنت بتحلم انا مغلطتش علشان اعتذر.

عيطت صوفيا بدموع مزيفة و قالت: شايفة يا سامي.

سامي بتهديد: اعتذري أو تكوني طالق.

هاجر مش مصدومة منه و من كلامه، اللي فارق معها أن مينفعش تتطلق قبل ما تخلص انتقا،مها.

قربت من صوفيا و ض*ربتها بالقلم ،و قبل ما حد يفوق من الصدمة،ضحكت باستهزاء و قالت: اسفة.

و طلعت هاجر مع البنات.

صوفيا بعصبية: انت شايف هي عملت فيا و ساكت.

سامي بهدوء: لازم نتحمل وجودها متنسيش أننا محتاجينها علشان تربي الود..

ماجدة:هي غيرانه منك علشان انتي أم الود و هي لا

سامي: كبري دماغك منها ،كلها كام يوم و تولدي و نسيب الود لها و نسافر.

صوفيا: هو ده اللي مصبرني..

//////////(/

عدى اسبوعين و جاه معاد ولادة صوفيا.

كانت هاجر واقفة في البلكونة و شايفة سامي و هي ماسك ايد صوفيا و بيان عليه أنه بيحبه ،ورغم أنها رمت طوبته، بس زعلت و قلبها وجعها، وافتكرت يوم ولادة تاليا.

/////////(

فلاش باك

في اوضة المستشفى

ابتسام: مبروك ما جالك يا ام سامي.

ماجدة: مبروك على ايه ، دي جابت بنت.

ابتسام: و مالها البنت ، الحمد لله انها قامت بالسلامة.

ماجدة: ما هي زي القردة ايه

محمود: عيب الكلام ده البنت و الولد رزق من ربنا، احمدي ربنا.

سامي: اتكلم بطريقة حلوة مع ماما.

محمود بعصبية: قول لماما يا حبيب ماما تتكلم كويس , و ابقي عارفها أن الست معون يا سبع البرومة, و الود و البنت منك أنت.

كانت هاجر قاعدة مش بتعمل حاجه غير تعيط حتي مقالش مبروك أو بص في وش بنته..

ابتسام: العياط غلط عليكي يا حبيبتي

ماجدة بتريقة: غلط عليها، ما قولتك قاعدة زي القردة..

ابتسام: حرام عليكم كده ، تعال شوف بنتك يا سامي

سامي: مش عايز اشوفها

و خرج سامي من الاوضة , و من وقتها قلبه قاسي على تاليا و لما جت تالين عمل نفس اللي عمله.

/////////

عودة

مسحت دموعها و دعت من قلبها: يارب، يارب زي ما كسرني و كسر بناتي ،ابنه يكسره، حسبي الله ونعم الوكيل فيك و في امك يا سامي .

//////((((

و ولدت صوفيا ولد و الفرحة مكنتش سايعه سامي و ماجدة

ماجدة: هتسميه ايه يا سامي

سامي بسعادة: محمد سامي

ضحكت هاجر و ضحكتها له معنى و قالت : يتربي في عزك يا ابو محمد

و قرر سامي يقولها ناوي على ايه ،قال بهدوء:

هاجر بيني و بينك كده، انا عايز الود يتربي على ايدك ،و يكون متربي زي اخواته

هاجر: اخواته مين

سامي: تاليا و تالين

هاجر: تاليا و تالين اللي انت و امك ليل و نهار تسمعهم كلام زي السم ، تاليا و تالين اللي انت عمرك مخدت واحدة فيهم في حضنك، كلامك غريب يا سامي..

ماجدة: اخس عليكي يا هاجر ،انا روحي في البنات

جزت هاجر على أسنانها و قالت بصوت وطي: طلعت روحك يا بعيدة انتي و ابنك و صوفيا معاكم.

ماجدة : بذمتك في اب يكره بناته

هاجر: انا بقول كده برضو يا حماتي..

سامي: زي ما أمي بتقول ،انا روحي في البنات..

ابتسمت هاجر و قالت: ابنك في عيني يا سامي.

سامي: تسلم عينك يا حبيبتي.

و ارتاح سامي لما حس أن هاجر معندهش مانع تربي محمد…

///////////

عدى اسبوع و مر طبيعي زي المعتاد هاجر تقوم بشغل البيت و تتصرف طبيعي، و سامي ليل و نهار قاعد مع محمد و كأنه لأول مرة يكون اب ،و صوفيا مش طايقة القعدة في مصر .

و على الجانب التاني محمود واقف على أيد العمال علشان البيت يخلص.

///////////////

سامي: قولتي ايه يا هاجر

هاجر: سمعني تاني كده

سامي: بقولك هسافر أنا و صوفيا علشان نقدر على المصاريف و نعرف نخلص البيت و نعيش فيه كلنا.

هاجر كلمت نفسها بسعادة: اه لو تعرف ان البيت يعتبر خلص كنت عملت ايه، ما انت لو فاضي كنت بصيت عليه، بس انت عريس و مشغول بقي. و ده من حظي.

سامي: مالك سرحانة في ايه

هاجر: يعني خلتني اخدم مراتك، و دلوقتي عايز تاخد صوفيا و

تسافر، و أنت تعيش حياتك، و انا اعيش هنا مجرد خادمة

سامي: بلاش تبصي للموضوع كده

هاجر: طيب تعال نعكس الموضوع ،صوفيا تقعد بالعيال و انا اجي معاك و اوعدك اشتغل اي حاجه علشان اجمع معاك فلوس

زعق و قال بعصبية: انتي عايزة اللي زي صوفيا تقعد هنا تربي العيال و انتي تجي معي.

كلامه جرح قلبها و قالت بحزن: عندك حق صوفيا الحلوة الأجنبية مينفعش تبقي خادمة، أما مراتك و ام بناتك و اللي شالت معاك عادي تبقي خادمة…

قال بتهديد للمرة التانية: هاجر اخر الكلام هتربي الود مع البنات

هاجر: لا

سامي: يبقي انا مش هصرف جنيه عليكي و على بناتك.

ضحكت بحزن و قالت: للمرة الثانية بتقول بناتي، على فكرة هما بناتك أنت كمان و من حقهم أنك تصرف عليهم.

سامي: محدش هيقدر يغصبني على حاجة

هاجر: هرفع عليك ق*ض*ية و اخد حقوقي و حقوق البنات منك و هيكون حكم محكمة.

ضحك و قال: هاخد امي و صوفيا و الود و نسافر و الحكم علقيه على الحائطة.

ضحكت هاجر و قالت: و ليه الغدر يا سامي، انا موافقة، بس بشرط.

سامي: ايه هو

هاجر: عايزة فلوس، هو في حد يربي ببلاش

سامي: انتي الفترة دي خدتي فلوس كتير ،بقيتي طماعة اوي

هاجر: اتعلمت منك

سامي: موافق.

///////(//

و خدت فلوس تاني و خلصت الحاجات الناقصة في البيت اللي كانت بتحلم بيها، و في نفس الوقت رفعت ق*ض*ية طلاق للضرر

و كل ده و مش بيان عليها حاجة

//////

هاجر: بقولك يا سامي ما تجي نخرج نتفسح ،علشان انت قربت تسافر

سامي: ماشي يلا يا صوفيا

صوفيا: انا زهقت و عايز اسافر

هاجر: هانت يا عروسة ، قومي البسي يا حماتي..

ماجدة: لا مش قادرة

هاجر: ازاي بقي القعدة من غيرك ملهاش طعم.

و نجحت هاجر تخرجيهم من البيت علشان تجهز الخطة الجديدة.

و اول ما خرجوا من البيت ، جاه محمود و معه شوية عمال، و دخل بالمفتاح اللي هاجر ادتهله و طلع شقتها و خد كل حاجة،ساب الشقة على البلاط، حتي الابواب و الشبابيك خدهم..

/////////////

و هما في المطعم ،بعت محمود رسالة::تمت المهمة، كل الحاجات في البيت الجديد

بعتت هاجر رسالة: حلوة اوي ،اجهز للخطوة التانية.

محمود: كل جاهز في الانتظار

هاجر قفلت الموبايل و بصت على سامي و ماجدة و هي تكلم نفسها: يا تري انا عملت الصح أو غلطت اني اخد تعب و شقا السنين من سامي، يا تري هيعمل ايه بعد ما خدت اللي وراءه و اللي قدمه، صوفيا هتقف جنبه زي ما أنا وقفت زمان، و لا هتاخد ابنها و تمشي، و سامي هيسافر تاني و يكون نفسه من البداية أو اللي حصل يكسره ، و ماجدة لما تعرف كده ممكن يحصل فيها.

سكتت شوية و بعدين قالت: بلاش عبط يا هاجر إذا كان هو و لا امه معاملتهم معي زي الزفت،كل واحد ياخد على قد نيته و هما نيتيهم كانت سودة حتي صوفيا، كانت عايزني خادمة لابنها، الثلاثة شبه بعض و يستاهلوا الحرق.

///////////

رجعوا البيت، بعد ما هاجر سابت البنات عند امها علشان ما يشوفيش اللي هيحصل، و اللي هيكون الخطوة قبل الأخيرة للانتقام هاجر..

رواية ملف أسود الجزء الرابع 4 بقلم منال كريم

ملف أسودرواية ملف أسود الحلقة الرابعة

رجعوا البيت، بعد ما هاجر سابت البنات عند امها علشان ما يشوفيش اللي هيحصل، و اللي هيكون الخطوة قبل الأخيرة للانتقام هاجر..

سابت هاجر باب البيت مفتوح، و قفت قدم سامي و قالت: سامي طلقني.

بص سامي باستغراب و قال: انتي اتجنتي يا هاجر

هاجر: قصدك عقلت، طلقني علشان انا جبت اخري منك…

ماجدة: مالك يا هاجر ما كنا كويسين

هاجر: عمرنا ما كنا كويسين ،بلاش تضحكي على نفسك يا ماجدة

ضربت على صدرها و قالت: يا لهوي ماجدة حاف كده.

هاجر بتريقة: تحبي اغمس اسمك بايه يا ماجدة.

قام سامي من مكانه و قال: مالك يا هاجر

ضحكت و قالت: مالي، بجد بتسال مالي، ابدا يا سمسم، أنا واحدة جوزي خد فلوسها و دهبها علشان يسافر و يكون نفسه ، و قعد سنين و أنا هنا محافظة على شرفك و عرضك و أمك و بناتك و في الاخر أعرف أنك اتجوزت عليا.

سامي: أنتي عاملة فيلم ليه، ده حقي الشرعي.

هاجر: حقك الشرعي ،لا و أنت عارف و فاهم الشرع يا ابن ماجدة.

سامي بصوت عالي: اتكلمي بطريقة حلوة

هاجر: و مالها طريقتي ، الطريقة دي اللي تنفع مع اللي زيك.

ماجدة: اتعدلي يا هاجر.

هاجر: أنا معدولة و كلامي مفيش في حاجة غلط، انا جوزي اتجوز عليا و قرر ابقي خادمة لابنه من مراته الجديدة أو ميصرفش على بناته ، و أنا بقولك مش موافقة يا سامي و طلقني..

سامي: في ستين داهيه، و زي ما قولتك مش هتشوفي مني جينه.

ضحكت و قالت:حاجة متوقعة منك يا سامي.

و علت صوتها و قالت: اصلك مش راجل، لو راجل كنت صنت العشرة ، و قدرت مراتك.

اتعصب و قال: نهارك اسود انتي زي تتكلمي معي كده.

ضحكت علشان تستفزه و قالت: ده اللي أنت شاطر فيه ،تعلي صوتك ، صوتك العالي يدل على ضعفك يا سبع البرومة، الراجل الضعيف هو اللي يعلي صوته.

انفجر من الغضب و ضربها بالقلم و نجحت هاجر في خطتها، صرخت بصوت عالي ، و هو بقي يضربها علشان تسكت.

وصل محمود اخوها اللي كان مستني برة، و معه شوية من الجيران

محمود بصوت عالي : بتمد ايدك على اختي يا واط،ي

هاجر بدموع: الحقني يا محمود علشان رفضت اخلي ابنه من مراته الجديدة معي ضربني

محمود: و حيات أمك يا ابن ماجدة لتنام في الحبس النهاردة.

بقى سامي مصدوم و مش فاهم حاجه

و الجيران بلغت البوليس أن سامي يضرب مراته، وصلت الشرطة و خدت سامي و هاجر و محمود ، و خدوا شهادة الجيران و مشيوا على القسم..

////////////

في القسم

الظابط: في ايه مدام

هاجر بدموع: الحكاية يا بيه ان جوزي اتجوز عليا و رضيت بالهم و قولت أعيش علشان ولادي،بس جوزي معجبوش و عايز يسافر مع مراته التانية و يسيب ابنه و أنا اربي، و لما قولت لا ، قال يبقي مش هصرف على بناتك ،كانهم بناتي لوحدي و لما رفضت و قولت حرام عليك ،ضربني يا باشا، و الحمد لله اخويا و الجيران خلصوني من أيده.

صرخ سامي و قال: كاذبة يا باشا دي هي اللي استفزتني علشان اضربها،و كانت مخططة لكل ده

نزلت دموع هاجر بانكسار و قالت: اخس عليك يا سامي، منك لله على ظلمك ليا.

الظابط: اقفل بوقك ، انت هتنكر و الجيران قالوا إنك ضربتها.

سامي: انا فعلا ضربتها لما قالت اني مش راجل

الظابط: طيب ما أنت مش راجل دي حاجة واضحة زي الشمس، واحد مش عايز يصرف على ولاده هيكون راجل..

سامي: صدقني يا باشا أنا مظلوم.

الظابط: خدوا على الحجز يا عسكري.

هاجر :ممكن أتكلم معه دقيقة على انفراد

الظابط: ماشي

وقفت هاجر قدم سامي ،و تبص عليه بانتصار، و ضحكت و قالت: كنت فاكر ايه يا سامي، لما تتجوز عليا بعد ما خسرت ورث ابويا و دهبي ، اسكت كده عادي، عيب عليك يا سمسم ، أنا معك أن في ستات ضعيفة و متقدرش تاخد حقها،بس أنا لا ، أسمع و أعرف أنا عملت ايه، أنت كنت مطمنن ليا و فاكر اني هبلة و عبيطة و هسكت.

حس بالخوف من اللي ممكن تعملوا، سأل بتوتر : عملتي ايه يا هاجر.

ضحكت و قالت ببرود: ابدا عملت شوية حاجات بسيطة ، يعني بالتوكيل العام نقلت البيت باسمي ، خاسرة فيا يا سمسم، و بقيت اسحب منك فلوس علشان اكمل توضيب البيت و اعيش في انا و بناتي ،ما هما بناتي أنا ، مش بناتك أنت، و كمان قشطت الشقة من كل اللي فيه،و رفعت قضية طلاق للضرر ،و عملت ايه تاني ،مش فاكرة لو عملت حاجه، تاني ،اه افتكرت، طبعا عملت تمثيلية الضرب علشان اخد عليك تعهد بعدم التعرض، علشان يوم ما ضفري ينكسر ،التهمة تتوجه ليك،بس كده كفاية ، عايزة تخليني خادمة لمراتك و ابنك ،انا هخليك شحات يا أبن ماجدة.

كان سامي مذهول و مش عارف يعمل ايه..

هاجر: هقولك حاجة اخيرة و امشي، يارب الود اللي أنت كسرت بناتي و كسرتني علشانه يكون هو سبب كسرت ضهرك

و مشيت هاجر و هي مبسوطة أنها عرفت تاخد حقها.

///////

في بيت سامي

صوفيا بغضب: أنا لا يمكن استنا يوم كمان هنا.

ماجدة: استني يا حبيبتي على ما سامي يخرج و نشوف هنعمل ايه.

صوفيا: أنا مش هستنا و مليش دعوة بكل ده، انا هحجز تذكرة و اسافر..

ماجدة: يا بنتي ده سامي يموت لو محمد سافر.

صوفيا: انا هسافر لوحدي، انا مش عايزة البيبي و قولت كده ل سامي، خلي البيبي معاكي.

ماجدة : انتي اتجنتي يا صوفيا..

صوفيا بعصبية: أخرسي يا غبيبة انتي..

و جهزت صوفيا شنطتها علشان تسافر و تسبب ابنها اللي مش فارق معها..

و ماجدة بدأت تندم انهم غدروا على هاجر بنت الاصول

//////////

في بيت أهل هاجر

ابتسام: ناوية على ايه بعد كده.

هاجر: ناوية من بكرة اعيش في بيتي

ابتسام: لا يا هاجر اخاف عليكي من سامي

هاجر: انتوا هتيجوا معي، على ما اشوف سامي يسافر تأني أو هيعمل ايه.

محمود: ده حل كويس و ربنا يستر عليكي و على بناتك من سامي..

هاجر: يارب

///////////

دخلت هاجر الاوضة،اتوضات و صلت و هي على سجادة الصلاة قالت: يارب، انا خائفة اكون ظالمة ، أنت شاهد على اللي شوفته و عشته مع سامي،كان لازم اعمل كده علشان مستقبل بناتي ،سامحني يارب .

////////////

تاني يوم ،صوفيا سافرت و سابت ابنها مع ماجدة..

ماجدة: بس بقي يا ابني ،بطل عياط، منها لله امك معندهش قلب ،سابتك

و مشيت،و انا مقدرش اشيل و احط و اكل،اعمل ايه و اروح فين، مش لو هاجر هنا كانت شالت عني.

////////////

في البيت الجديد

هاجر: محمود انا عايزة اروح أتنازل عن المحضر علشان سامي يخرج

محمود: هو لحق يقعد في الحجز

هاجر: أنت عارف اني عملت كده علشان محضر عدم التعرض،و ميقدرش يقرب مني.

محمود : انا من رأي نسيبه شوية يتربي

ضحكت هاجر و قالت: هو يتربي لما يلف في المحاكم علشان قضية الطلاق و النفقة، و لسه المفاجأة اللي في انتظاره لما يرجع دبي.

محمود: براحتك يا هاجر ،انا معاكي في أي حاجة.

و رح محمود مع هاجر علشان تتنازل عن المحضر

///////////////

رجع سامي البيت ،كانت ماجدة قاعدة و شيله محمد، قعد سامي بتعب و قال: اه يا جسمي ،كانت ليلة صعبة.

ماجدة: حمد لله على السلامه يا سامي ، خرجت ازاي

سامي: هاجر جت اتنازلت عن المحضر

ماجدة: الحمد لله انك خرجت بالسلامة

سامي: صوفيا فين؟

ماجدة: صوفيا سافرت الصبح

سامي باستغراب: سافرت و سابت ابنها

ماجدة: و دي فارق معها حاجة ،قلبها قاسي و ابنها مش فارق معها.

سامي: أنا ضعت يا ماما

ماجدة: ذنب هاجر اللي جينا عليها

سامي: ما هاجر كمان خدت اللي وراءي و قدمي..

ماجدة: و هتعمل ايه يا سامي

سامي بضياع: مش عارف يا ماما أنا اتدمرت و خسرت كل حاجه

ماجدة: اكيد في حل يعني

سامي: الحل الوحيد ،اخدك انتي و محمد و نسافر دبي و اصالح صوفيا

ماجدة: و انا اجي معك ليه

سامي: علشان صوفيا من البداية رفضت البيبي و انا قولتها أن اسيبها ل هاجر،فهي هترفض تربي الولد ، تجي انتي معي أنا و هي نشتغل علشان نبدا من جديد و انتي تربي الود

ماجدة: و انا في السن ده اقدر على كده

سامي: مفيش حل تاني، انا خسرت فلوس كتير و لو صوفيا أطلقت هتاخد شي و شويت علشان كده لازم اكسب رضاها، انا هطلق هاجر علشان اخلص من وجع الدماغ و نسافر

////((((((

و أطلقت هاجر و عاشت مع بناتها حياة هادئة و سعيدة و قررت متجوزش تاني

///////////

اول ما وصل سامي و ماجدة عرف يصالح صوفيا و كان شرطها أن ماجدة تكون هي المسؤولة عن شغل البيت و محمد، و بقت ماجدة في سنها الكبيرة خادمة عند صوفيا.

//////////

تأني يوم رجع سامي الشركة و اكتشف أنه مرفوض من الشركة و كمان اتحول للتحقيق علشان سرق أموال الشركة، خرج من الشركة و هو مذهول و حاسس أن كل حاجه باظت، في الوقت ده وصل فيديو على تلفيونه من هناجر، فتح الفيديو ،كانت هاجر مبتسمة و بيان عليها السعادة، و قالت : و ده اخر عقاب على اللي عملته معي ياسمسم ، هكرت تلفيونك و عرفت أن شغلك مش سليم، و اتصلت بالمدير و بلغته كل حاجه و كمان طلبت منه يبلغ لما ترجع علشان يعرف ياخد عليك إجراء قانوني ،ز دلوقتي يا سامي اقدر اقول اني خدت حقي ،و متخافش يا سمسم مش عايزك تصرف على بناتي أنا هصرف عليهم، ركز انت مع الود يا ابو الود، شوفت انا طيبة ازاي، يلا سلام.

و قفلت هاجر و هو حرفيا هيجنن خسر كل حاجه مرة واحدة و مبقاش عارف هيعمل ايه

//////////

عدت الايام و الشهور و سامي اشتغل كل حاجه علشان يقدر يجيب مصاريف و ماجدة بقت المسؤولة عن الود و شغل البيت، و حياة سامي و ماجدة جحيم بمعني الكلمة

أما هاجر فكانت عايشة مع بناتها و اهلها اجمل سنين عمرها

//////////////

بعد عشرين سنة.

كانت ماتت ماجدة بعد ما شافت العذب الوان من صوفيا و حفيدها اللي كانت تتمنه..

و سامي بقي مذلول من مراته و ابنه

سامي قاعد على السرير و المرض ياكل فيه،و قال بتعب: محمد، يا محمد

كان محمد يتكلم في التلفيون ، نفخ بضيق و قال: اقفلي دلوقتي اشوف الراجل ده عايز ايه

دخل محمد الاوضة و قال بعصبية: عايز ايه..

سامي بحزن: شوية مياه يا ابني

محمد بعصبية: انا تعبت و زهقت منك، مش عايز اسمع صوتك تاني ،اقولك أخرج من البيت نهائي.

عيط سامي و سال: امك فين؟

محمد: خرجت مع صاحبها.

صوفيا عندها حبيب رغم أنها متجوزة و

محمد و اللي غيره اسمه من محمد ل جوني اسم اجنبي و غير مسلم لانه مشي على خطى امه مل،حد و مبعرفش حاجة عن الأخلاق و التربية..

و خرج محمد( جوني) من غير شوية مياة ل ابوه، و افتكر سامي دعوة هاجر:

يارب الود اللي انت كسرت بناتي و كسرتني علشانه يكون هو سبب كسرت ضهرك

و ندم سامي بعد فوات الاوان وعرف أن ده ذنب هاجر و البنات، البنات اللي كانوا روحهم في سامي، يتمنوا له الرضا يرضي، قبل ما يطلب كل أوامره تنفذ..

طلع تلفيونه و قرر يتصل على هاجر..

////////

في نفس الوقت كانت هاجر قاعدة في الجامعة و شايفة بناتها يتكرموا علشان هما متفوقين في الدراسة..

رن تلفيون هاجر ،فتحت الخط بصوت سعيد : الو

سامي: ازيك يا هاجر

هاجر: مين معي

سامي بحزن و ندم: نسيتي صوتي يا بنت الاصول، انا سامي.

بدون اي مشاعر قالت: اهلا يا ابو بناتي ،خير أن شاء الله

سامي برجاء: ندمان و عايزك انتي و بناتي

هاجر بهدوء: بالنسبة ليا مفيش رجوع ،و بالنسبة ل لبناتكم ليهم حرية الاختيار.

جاهم البنات و قالت هاخر: في حد عايزكم

تالين مين؟

هاجر: ابوكم

ردت البنات في نفس الصوت: ابونا مات

قفل سامي و عرف أن باع الغالي بالترخيص

و كل فيهم واحد حصد أعماله..

صحيح هاجر عرفت تاخد حقها بس في ستات كتير مبتعرفش و تكون أضعف من كده، مبتقاش لها علاقة بالكرامة اكتر ما هي ست معندهش طاقة أو ذكاء أو حد يقف جنبها علشان تاخد حقها..

و مش كل ست يكون صعب عليها تعيش من غير راجل، هاجر عاشت أم و اب و نجحت في الاختيار و كانت درع الحماية لبناتها طول الوقت

و بطل فخر بتحب لقب أم البنات..

و تمت حكاية هاجر