رواية ملفات الداخليه الفصل التاسع 9 - بقلم الحساب مغلق

برواز- لا ماراح اعوفك بعد
عمران - خل نشوف تنهدت باوعت عليها دوخري هسه مو ابو ابويه شعلتي
برواز- هههه ابتعدت عنه مد ايده صافحني ---
اي وين راييح
عمران- باجر رجعي لبيت خالج واني جاي هاي شبيج همست دبلت عيوني من صدك حبيتها من جلبت بيه
-  زين ابقى
- وين ابقى ساعه 11 حبيبي
- يله باجر راجعه
- امم يله مع السلامه دير بالج  روحج اريدها
- سديت الباب اباوع بعينه مبتسم
- طلعت مرتاااح واخيرا سبحان الله على عفله تغير كلشي  وصارت لصالحي برواز الصغيره حتصير الي بقيت اراجع شريط ذاكرتي شون تعرفت بيها وشون صارت الاحداث وشون اليوم تتوسل بيه ماعوفها ههههه وناز المخابرات تصير جنديه والله دنيا رجعت نمت والصبح راسن اخذت اذن ارجع لولايتي اخطبها اشوف سوالف العرس شون ولو اني مو اول مره بس  كانما ناسي كلشي التجهيزات والباقي الشغلات
- برواز- خابرت ناز بليل وكتلها لاكيت عمران فرحت كلش وحجيتلها على كلشي وسالتها شوكت واح تجي كالت اسبوع نمت واني احمد الله واشكره رغم اني بارادتي عفته بس ملكيت مثله اشتراني واشتره راحتي صح طلعت بخوف لا ياذون اختي بس الحمد لله الله عوضني واحلى صدفه بحياتي صار شفت عمران وحلفت واني على صدره بالمحل من خاتلين انه ماخلي يروح ابد
- ناز- فرحتني بررو حيل واخيرا راح ترتاح مرتين راحت للولايه وسالت عليه ملكته بمكان عمله وببيته جواينهم كلولها انه سافر جانت من ترجع تبجي تكلي ضيعته من ايدي ومدااكدر انساه  جنت احس اني السبب لان من خوفها عليه طلعنا رغم هي اصغر مني بس واعيه اكثر مني ضليت صافنه ابتسم تحررت تازه كلها باجر راجعين  كمت اتهرب من عيون سيدار المفضوحه واحد من الجنود ساله قريبك هذا القناص كلهم لا سالو ليش هواي تراقبه وشايل هم اكله ولبسه وراحته كلهم لان نادر وماكو مثله قناص جنت اسمع واضحك الولد راح ينفضح اخر يوم جنت نايمه بالمقر ويمي كومه جنود بالكع بس سيدار وضباط 2عالسرير كلمن واحد نزعت القناع بعد ميحتاج حاجبي المطبوك وشعر شاربي الخفيف متوقعو انه اني بنيه  واني كاصه شعري ولادي جيت انام  تغطيت زين جنت مااحجي واذا حجيت اخشن صوتي يراقبني سيدار يبتسم ويدير وجهه يضم الضحكه
- سيدار- جتي نامت درت وجهي عليها كلهم غفو وكامو يشخرون  بقيت اباوعلها مبتسم وهي هم تبتسم بستها بالهوه على كيفي ضحكت بخجل بله هاي بنيه والجانت عالساتر قناص بنيه خرب ببليسج بقينا هيج فتره ربع ساعه وراها بعد متحملت ردت اتقرب منها صار  اسبوع من بستها كلما اتذكر ترد روحي كمت من فراشي على كيف اشرتلها اطلعي
- ناز- تذكرت من جان ياشرلي بالمكتب من جنت مخبره طلع وره شوي لحكته  البره اضلم منخلي ضوه بس بالداخل بقيت اتصفن وينه توني خطيت خطوه سحبني بسرعه وره المقر وحضني صوت نفسه خلاني اذوب جان يتنفس سريع من حضني ضل يحضن قوي لدرجه حسيت انه راح ادخل بضلوعه -- سيدي
- اششش الله يخليج عوفيني مشتتتاقلج همست
- سكتت حاوطت ايدي على ضهره ونمت على كتفه خل نرجع نعست
- ناز ناز بس بوسه  ونرجع
- بعد جسمي عنه يباوع بعيني تقرب على كيفه همس ابوسج عيونه ذبلانه وحمر غمضت عيني وتوه يتقرب مني وسمعنا صوت جندي صاح لتتحركون
- سيدار- اشش جندي بنيامين اني ملازم سيدار
- عفوا سيدي بقيت صافن عليه من تقربت بصفه القناص ذو الجوشن معقوله سيدار هيج هذا الملازم اللي يوجه الفوج كله
- سيدار- بنيامين لتصفن ههههه ذو الجوشن تره بنيه
- بنيامين- قطبت حاجبي باوعتلها
- ناز- عفيه لتحجي لاحد
- بنيتمين- هههه حتى صوتج مغيرته
- ناز- البلد محتاجني واني احسن من ميت رجال انهزمو وعافو البلد
- صح لسانج والله وو انت شو هنا سيدي
- سيدار- باوعت لناز --- ههه نصيت ذو الجوشن خطيبتي ونصيت راسي بالكع
- بنيامين- ملازم وقناص شحتخلفون  مثلا رمانه وصاروخ
- ناز- ههههههه خرب ببليسك بس عفيه خليها بيناتنا باجر راجعين
- بمنيامين- ماشي وعد مااحجي
- سيدار- يله امشي ننام تنهدت بداخلي ضيعت اللحضه خرب يومك
- ناز- بقيت خايفه يحجي اني حبيتهم وصادقتهم خاف ينضرولي غير نضره  راسن نمت وغطيت راسي رجعنا ثاني يوم جنت كلش فرحانه ونفس الوكت كلش متاذايه لان حنفترك وصارلنا شهر هنا مو كامل متفرق الشهر 10ايام ب12يوم ب8ايام بيناتهم نزلات لاهالينا بس صرنا عائله وحده ضحكنا وحزننا وسوالفنا كلها سوه من وصلنا توادعنا مديت ايدي اصافح يخزرني سيدار من بعيد النوبه واحد من الولد حضني دفعته خاف يحس بجسمي -- عيب يول استحي بس مصافحه نسوان احنا ضيعتها بالضحكه
- سيدار- احترك ابوج اسماعيل روحي راحت من تقرب يحضنها ورثت جكاره وكمت ادخن جسمي محروك من الشوطه الشطتها راحو كلمن لاهله صحتها اوصلها لبيتهم ووصلتها ومن نزلت لزمت ايدها باوعت بعينها تحضري باجر جايب امي وخوالي وجايين نتقدملج قناص ذو الجوشن ههه
- ضربت تحيه اضحك نعم سيدي نزلت ركضت لبرواز حضنتها جانت طايره من الفرح كالتلي على كلشي -- لعد اني هم انزل لخالي لانه سيدار حيطلبني منه ههه تخبلت وحجيتلها كلشي  ثاني يوم نزلنا لبكك كه  ورحنا لشقه بيت جدو لكينا خوالنا ماجريها رحنا لبيت خالو كعدنا يمهم وحجينا وي خالي مهدي على كلشي والعصر جوي وطلبونا جنت طايره وبرواز فرحانه
- سيدار- رجعت لبيتنا شفت امي جنت حيل  مشتاقلها الحمد لله صحتها احسن لكيتها كايمه ومسويتلي اطيب الاكلات اللي احبها طرت من الفرح بكومتها بالسلامه الممرضه بعدها يمها خواتي كل شهر يجون يمها ويرجعون العصر اخذت امي ورحت لبيت خالها لناز وطلبناها ووافقو واخيرا لكيت نصفي الثاني
- ناز- سيدار شون ابقى كك كه لو ارجع لشاطرلو
- حبيبتي قدمتلج على تعيين بالثانويه هنا
- لا اني ماعوف الجيش وكفت سيدار لتوكف بطريقي شغلتي احبها الله يخليك
- زين زين عدي اقتراح ليش متصيرين حمايه شخصيات
- لا ماريد اريد بصنوف الجيش
- ماشي لعد ادرسي كليه الجيش والشرطه ابتسمت واني اللي ادربكم ههه
- صددك
- اي والله جابو غير ملازم للمركز وويا ضابط عمران باوعت لعمران واني راح ادرس تدريب بالكليه ومن ارجع اروح للمركز
- ماشي لعد سيدار- حبيبي شنو تردين ذهب
- سيدار همست هذا كافيني شلت الجوشن وبست اللي بركبتي تقرب عليه باسه متاكد هو هذا اللي خلانا  ننجمع بالحلال
- برواز/ جنت لازمه ايد عمران وماريد اهدها