رواية ملحمة .. إرث سليمان الفصل السادس 6 - بقلم Hend_AlBoor

و ان صـددت جميـع الشـيـاطـيـن عـنـك
فـ لـم تنـتهـي بعـد .. اتـقــي شـر نفـسـك

يمامة : النار تجسمت .. راس و صدر و ايدين .. هيئة بشر يشتعل .. جمدت بمكاني و عيوني شاخصه عليه ..

الجن : انفك العمل .. انفككك .. خسرنا المعركة مولاتي ..

يمامة : دمي يبس من كام يحجي .. وگع بالگاع بعدت نظري عنه .. خطف مازن بيده بطانية ..

مازن : نزلت ع عياط غدير جريت بطانية من غرفة امي و ركضت ع النار ..

شبيييج واااكفة مخبلةةةة اااانتي ..

يمامة : بقيت ساكته و عيوني احس بالموت احركهن لان بعدني داشوف الجسد يتحرك بالگاع .. كل ملامحي جامده اباوع ع مازن  ..

ام غدير : خومااا اتاذيت يمةةة .. خوما احد اتاذى ..

مازن : وكفت اباوع ع البطانية تدخن .. خليت ايديني ع خصري ..

هففف .. لا الله ستر

التفتت ع يمامة و اهدد بيدي ..

بس هاي الهبلة انصدمت عبالك مشايفة نار قبل .. و هاي الثولة تريد تطفيها بمي .. شلون اثنين صدقة لمحمد

يوليس : ( مارد من الجن الناري .. كافر .. لون البشرة زنجاري " احمر مخلوط باسود خفيف" عيون مدورة سوداء خالية من الرموش .. بياض العين مخلوط باحمر .. انف مستطيل الشكل .. فم كالذي لدى رجال البشر مع اسنان طويله مستطيلة .. اذان رفيعه و طويلة حد نهاية الرأس .. طول 195 .. رفيع الجسم .. يرتدي تيشيرت اسود و سروال حد الركبة .. الجسم خالي من الشعر .. شعر الرأس اسود فحمي طويل جدا .. ملفوف ذيل حصان عالي .. )

بطل السحر مولاتي ..

دنهش ( جن ناري .. موصفات مثل السابق .. مع اختلاف في ملامح الوجه .. و طول 190 )

گوم .. گوم هو انت سويت شي و كمل .. ذكرني بعمل باشرافك تم للنهاية

روش : ( جن ناري .. مواصفات كالسابق بفارق العيون ضيقه مسحوبة الجفون  )

اصمت .. لم يتركوا شيئا و فعلوه بي الا الحرق فقد سلمت منه

دنهش : هذا ما تقوله في كل مرة ..!

روش : هل فقدت شيئا من جمالي ..؟؟؟

دنهش : احمق ..

يمامة : اريد ابلع ريگي ماكدر اتشنج زردومي .. نربط لساني كل الايات نسيتها .. مازن يدردم هو و غدير .. اريد اتحرك ماكدر .. خالتي رجعت لغرفتها و هاي الكائنات وراها ..

روش : لقد ظننت انها تراني ..

دنهش : ابتعد عنها ..

غدير : عوف المناگر هسه مازن اني منا مهبوطه .. باوع الصخام وصل للسگف

مازن : يرادله صبغ ..

شلت ايدي و طكيت اصبع الابهام و الوسط بوجه يمامة

درويشة .. عود كل عام و انتي بخير هههه خوش ميلاد يبشر بخير احتركنا

يمامة : اخذت نفس .. و صعدت للغرفه ركض ..

مازن : اشبيها ... بسلا زعلت ؟

يمامة : سديت الباب جسمي كله يرجف مثل السعفة

لا اله الا الله .. لا اله الا الله ..

اكعد ع الجرباية و اكوم افتر .. انوب رجعت كعدت ..

اتفحصت الغرفة ركن ركن لا واحد منهم حاضر ..

ماكو .. ماكو .. ليش شفتهم .. اتخيلت لو شنو ..؟ انزل اتاكد ..؟؟ اي انزل اشوف .. خلي اهدا .. اهدئي ..

فقدت السيطرة ع حركه جسمي .. بشكل كامل .. خليت ايديني ع وجهي اريد يوگفن من الرجفه ..

صوت : اتوقعت هالشي ..

يمامة : طلع صوت من وراية .. بلا وعي زحفت اني و كاعده و وگعت من ع الجرباية  .. نضرب عكس ايدي بالگاع ..

اااااا .. اخ اخ .. ااا

كمت افرك بيها من الالم شاغت روحي ..

رفعت راسي ع الجرباية .. ماكو ..!!

فجاءة ظهر واحد .. اني اقرب للجلطه الدماغية اذا مو الموت بسكته قلبية .. جمدن عيوني عليه ..

القرين : ( شكله يشبه يمامة و الصوت بس بي اشوي حده .. اكو اختلاف بلون البشرة بس بسيط ..  شعره قصير و رافعه ذيل حصان صغيروني )

غبية ..

يمامة : اباوع عليه و كولشي بجسمي ماحس بي .. عقلي صّفر .. جسمي مياخذ  اي امر منه .. 

القرين : يهبط من السرير و يتقرب منها وجه بوجه ..

مممم .. بشر

يمامة : انتبهت عليه .. دنگت راسي .. اتنفس بصعوبه ..

استغفر الله .. استغفر الله

قريني هذا ..

القرين : بالضبط ..

يمامة : رفعت راسي خطف و طككت عيوني .. شمدري

القرين : ليش التعجب .. اي شي تفكرين بي اقراه .. يدور براسي ..

يمامة : كمت وكفت ع حيلي بالموت .. كعدت ع الجرباية .. مهما يكون شكله مو بشع مثل ما يوصفوا

القرين : شكرا .. اعتبرها مجاملة

يمامة : نزلت راسي و خليته بنص ايديني ..

هذا الـﭼـان ناقصني ..

القرين : عادي اني وياج واحد من الطفولة ..

يمامة : شديصير ويايا .. عقلي تعب

اكيد اشوفه مثل ما شفتهم .. هو همين مخلوق جن

القرين : اكيد

يمامة : لا اله الا الله ..

اختنگت لان حتى تفكير ماكدر افكر و اني بحال عقلي ميتوقف عن التفكير ليش اشوفهم شديصير وياي .. يعرفون لو لا ..؟ من اشوكت هم ويانا .. عقلي تعب و خنگني القرين لان حتى خلوة بعد ماكدر اختلي بروحي ..

ـــــ ذاكــره ــــ

مشهد .. دراويش يضربون الدفوف و يمدحون و يبتهلون في حب محمدﷺ

شيخ عمر : اشربي بنتي ..

يمامة : شنو هذا بابا ..

شيخ عمر : مي .. مي بنتي

ــــ حـاضـر ــــ

طريقة ...!! شربني طريقة .. معقولة الها علاقة ..

القرين : يمكن .. و يمكن لا .. يمكن بسبب الجن

يمامة : احس روحي مقبوضه .. ان شاء الله شده يوم و تنتهي .. كمت من مكاني لبست عباية الصلاة ..

القرين : هذا كله من ورا  هاي الخزعبلات الـ انتو تأمنون بيها و بهذاك الـ تسموا نبي ..

يمامة : عگدت حواجبي ..

لتسيء لـ نبيي بحضرتي ..

القرين : انتي عايشة بوهم .. ماكو انبياء ماكو خالق .. تاريخكم كذب بكذب ..

يمامة : ( نظره استهزاء ) اتجاهلته و كمت اصلي ركعتين .. اصلي و فكري مو صافي .. كملت و فتحت القرآن .. اريد بس روحي تهدا .. 

القرين : هذاا كله مينفع .. مينفعج كله كلام مسطور ..

يمامة : رفعت راسي ..

لتحاول مكرك و غايته مكشوفات هنا ..

اتعوذت بالله من ابليس و بديت اقرا ..

متحملت اقرا اكثر من صفحتين .. احس بالي ملخبط .. اقرا و ماستوعب .. صدقت لان حرام .. كمت ابجي ..

هااي شلون .. ربي شلوون .. شديصير ويايا ..

القرين : بشررر ..

غدير : يماامة ..

يمامة : فزيت ع صوتها ..

هاا ..

غدير : فتحت الباب ..

اشو منزلتي ع الريوك .. شنو فاتتج صلاة الفجر اشو كاعده ع السجاده

يمامة : اشوي اختنگت كلت اقرا قرآن حتى ارتاح ..

غدير : رحت عليها بوستها ..

كل عام و انتي بخير .. ان شاء الله السنة عروس

يمامة : تسلمين گلبي

غدير : هاج .. بس لتفتحيها هسة ..

يمامة : فدووة عمري انتي اجمل هدية و اخت

غدير : شعندي غيرج عمري .. خوما مازن عايدج ..

يمامة : اي

غدير : لاااا .. خرب بيك مازن .. لعد غلسي لتكولين عايدتج تمام ..

يمامة : ههههه تمام

غدير : ديلله عمري انزلي نتريك دانتظرج ..

يمامة : يلله جاية ..

راحت .. كمت صفطت السجاده و علگت العباية .. خليت المصحف بمكانه .. خلي يعرفون اني كشفت عليهم .. كل هالمده مكدروا يتقربون .. ميكدرون يسوون شي

القرين : وين .. تعتقدين راح تكدرين تواجهين مارد و اتباع .. يكدرون و يدمروج ..

يمامة : ماعتقد انت تتمنالي الخير فـ لا تظن انطيك ثقة ..

القرين : علمودي مو علمودج .. ماعرف مصيري اذا بقيتي جسد بارد ..

يمامة : انت منهم

القرين : اختلف .. اني اقوى و اشرس منهم ..

يمامة : كلكم جن ..

القرين : اني مرتبط بروح .. محد يكدر يقضي علية الا ..

يمامة : شنو ..؟

القرين : موتج ..

يمامة : عفته و طلعت و هو يركض وراية

مازن : درويشة وينج .. شتگولين هاي السواده تروح بالغسل

يمامة : انتبهت ع قرين مازن .. صح يشبهه بس اكو فرق .. البشر بي نور الجن ميمتلكة .. شحت بنظري عنه حتى لينتبه

باوعت ع الحايط .. صخام الحرگ واصل للسگف ..

تغسل حايط ..؟

مازن : نصبغه ..

يمامة : اي .. بس افصل الكهرباء و اكطع واير البلك لان هذا ينتل

مازن : درت ع البلك ..

اي والله هاي غفلت عنها ..

تعااالي غدورتي جيبي اصبعج خوش درنفيس فاحص

غدير : حط اصبعك احسن .. زايد علينا

يمامة : نزلت للمطبخ و اسمع اصواتهم بغرفة امي .. من شفت قرين غدير و مازن .. و اصوات الجن .. عرفت الجاي ميبشر بخير ..

ام غدير : خوما نطقت اي اسم ..

روش : لا .. محد درا بوجودي .. اندلوا مكان العمل المدفون و فكوا

يوليس : و جان المارد الحارس ما تركه مولاتي

ام غدير : احتاج خدام اكثر .. العمل يقوى بكثرتكم ..

يوليس : قدمي تضرعات و عباده

يمامة : كملنا ريوگ مابية اتحرك .. العقل من يهلك .. يهلك الجسد وياه .. غدير غسلت مواعين الريوگ و بدت تسوي المرگة ..

غدير : شبيج مو ع بعضج ..

يمامة : لا بس اشوي تعبانه .. مادري

غدير : مبين ع وجهج .. عبالك شايله الدنيا ع راسج

يمامة : ههه ..

ياليت لو اشيلها ع راسي و لا هذا الديصير .. ماعندي اي معلومات عن كل هذا .. ماعرف شتصرف لو شسوي ..؟ معقولة بسبب الطريقة الـ شربتها لو بسبب ممارسة خالتي للسحر ..

غدير : مااازن .. يمةةةةة

يمامة : سرحت بعقلي .. صحيت ع صوت غدير

هااا شصاير ..؟

غدير : اندكت الباب شنو مسمعتي ..

ام غدير : هاا .. وين مازن

غدير : يمة اندگت الباب ..

ام غدير : سمعت سمعت ..

يمامة : من طبت خالتي بعدت نظري بس المحها و المحهم انتشروا تلاثتهم .. ممستعده اواجه .. بس احتاج اعود روحي ..

قريني بس يباوع علية .. يترقب ردة فعلي .. من فكرت سكن .. عرفت قرا الـ براسي

فجاءة طبت خالتي وياها نسوان ..

ام غدير : طببوا طببوا .. جوا بالغرفة

ام رحاب : فدوة ام غدير دخيلج .. ماعدنا غير الله و انتي ..

غدير : طبن نسوان وياهن واحد يرعص ..

اوي عيوني شبي هذاا ..

ام رحاب : يمة مسكون  .. ماخلينا امام و سيد و كلما اودي يتخبل وراها خبال

غدير : يتخبل خبال ..!!!!؟؟

شمرت قبق الجدر و ركضت .. دفعت امي .. ما اجا ابالي غير فكرة يطلع منه و يسكن بية .. اعرف ماعندي حظ

يمامة : بقيت اباوع ع الولد .. رغم هو بداخله بس ممسيطر عليه سيطره كامله .. لو الجن ضعيف لو الولد ديقاوم ..

كدرت اميزه بس شكله مو مثل هذولا ..

عاف النسوان و هجم علية .. دفعني ع الحايط ..

الممسوس : ااااريد ااااتنفس قبض روووحي

يمامة : اني دمي نشف لزمته من ايده .. اريد ابعده عني ...

كمت اقرا اية الكرسي بهمس ..

الممسوس : كااااااافي

الممسوس ( صوت الجن )  : يا الله تحجين بي يا حي يا قيوم ههههههه.. اذا توكع رگبتج بيدي اقلع راسج من مكانه ..

دنهش : سحقا .. انها تغضبه

ام غدير : سحبته من كبالها .. وديته للغرفة ..

لاا .. انتظري هنا ام رحاب ..

ام رحاب : صار .. اي انتظر .. صار

يمامة : بقيت ويا الحايط .. احاول اجمع قوتي .. اتقرب علية واحد منهم ..

روش : لو استطيع الوصول اليك .. ستكونين زوجة سعيده ..

يمامة : بالموت ضبطت ملامح وجهي و اني امثل الصدمة من تصرف الولد .. بالموت اتجاهلت هذا الجن و كلامه

القرين : باحلامك

روش : ليش مو اني بمكانك و قرين .. انطق شكو بغرفتها شتسوي و كل هالحجب القوي عنا  ..

دنهش : روش .. غضبت السيدة

روش : قاااادم ..

يمامة : من راح .. رحت وكفت يم النسوان بالباب .. اسمع الاصوات و هم يصرخون و يمجدون اله غير الله و يهددون الجن الساكن الولد

ام غدير : متلبس بجن مو هذيج القوة بس الولد ضعيف ايمانه و هذا يمد الجن قوة ..

توكلوا امره يا اسياد ..

نومت الولد ع ظهره .. اجتمعوا عليه تلاثتهم .. خلوا ايديهم بصدره اخترقته و هو يصرخ .. و الجن يصرخ ..

ام رحاب : يمةة اوليدي .. سوودة علية يمةةة ..  الله لا يوفق السبب .. الله ينتقم منه

يوليس : اخضع ايها الخااادم .. اخضععع و اعلن الولاااء ..

دنهش : البشري ضعف جسده .. قيدنا الخادم .. جن جبلي ضعيف القوى .. خضعناه بوضع السجود امام السيده ..

هفاف : انا هفاف بن جلاد اعلن ولائي و جميع قواي و خدمتي للسيدة رجاء بنت فوزية ..

روش : ها قد زادت العائلة دون جهد التضرعات ..

يوليس : انه ضعيف ايها الاحمق ..

روش : حسنا ..

ام غدير : طلعت ع ام رحاب ..

راح اسويلج حجاب .. تدفني اباب بيتكم ..

ام رحاب : ان شاء الله .. ان شاء الله .. طلع ام غدير .. طلع الجن اعوذ بالله منه

ام غدير : شرد .. بس ممكن يرجع .. راجعيني ورا فترة اسويله تحصين ..

ام رحاب : الله يوفقج .. الله يبارك بايدج هاي .. فدوووة

يمامة : اني اعرف خالتي تفك و تسوي تحصين بس اشلون هيج جمعت بين الشر و الخير .. اشلون كدرت تطلعه بجلسة وحده ..؟

عفتهم و صعدت لغرفتي .. راح اتخبل ..حتى نسيت امر قريني ..

القرين : حتى تعرفين قوة الجن .. تعتقدين ايمانكم بالوهم و هذا الكتاب اقوى ..

يمامة : اذا انتو اقوى .. شنو موضوع الحجب؟؟؟  ليش ميكدرون يدخلون لغرفتي ..؟

القرين : ماكو تفسير .. مثل حالتج هسه الـ مالها تفسير ..

يمامة : البخور المغرب و الخل و قلب نقي و صلاة و صيام و صدقة كفيلات يحصنني منهم .. تغشم روحك

غدير : يماامة .. راااح المصروع ..؟؟

يمامة : طبت ركض للغرفة ..

شبيج وجهج اصفر ..

غدير : مسمعتي امه .. بي جننن ولج اني قارية عليهم يكولج يطلع من بشر يطب ابشر لاخ ..

يمامة : و صدكتي

غدير : اكيد اكييد .. اعرف ماعندي حظ اني الصرصر وين ماروح الكي وراية تريدين جن ميجي علية ..

مازن : جووعااان صار بالـ 2 وين الغداا .. كاعدات تسولفن

غدير : يااا غدا فاتتك مازن طب واحد بي جن ..

مازن : لو الف جن اكولج جوعان ..

غدير : ماانزل زززين الا امي تطلعه لو يولن النسوان منا ..

يمامة : كملت شغلها خالتي ..

غدير : طلعت الجن لو فشلت العملية؟؟؟؟؟

يمامة : مادري

مازن : اذا صدك طلعته خلي ناخذله غدير

غدير : اعوووووذ بالله منك

مازن : شكوو .. لعد مو رجال

غدير : اذا الولد المسكون اقبل هههه

مازن : شفتي ...؟؟

غدير : عزااا لعد مو شردت .. سويت الدرج خطوتين

مازن : ع شنو كل عقلج شكد جبانه لو اني اتصارع وياه ..

غدير : بابة هذا يطلع من واحد يطب بواحد

مازن : لتخافين ميجي عليج .. شبسوي بيج بومه .. اذا سكنج هو يتوسل بينا طلعوني ابوس ايديكم

غدير : مضغوط مني ..

ام غدير : غديررر  .. يمااااامة ..

غدير : هااا .. جاية جااااية

ركضت و ركض مازن وياية ..

وووخر .. داكوووولك وخرررر اني قبلك

مازن : مووو بكيفج ... ادمرررج

يمامة : تسابقوا ع الباب اثنينهم و صاروا مدافر يم الباب واحد يريد يطلع قبل الثاني ..

هه الـ يعيش وياهم يستغرب من جن والله مدري اشلوني .. الجن اعقل منهم

يمامة : نزلوا كمت وراهم ..

القرين : خليج بعيده ..

يمامة : مو انت الـ توجهني ..

مرن يومين اتقيدت بالحركه بالتفكير .. البيت ميخلى منهم .. الظاهر خالتي متحكمة بيهم .. بس الواقع هم متحكمين .. بالشر هم النصر الهم ..

حسين : ماماا .. وينج ماماا

ام حذيفة : هياتني يمة بالهول لتصيح ابوك نايم

اديان : حال ابوية الصحي  يتحسن و يرجع يتأزم .. حالته النفسية متأزمة صارله اسبوع ميتحاجة هو وية حذيفة .. تعاركوا و واحد ابتعد عن الثاني .. البيت اتشتت 

بعده يتالم ..

ام حذيفة : انطيته مسكن و نام .. حسوني العب بالطرمة لتفزز ابوك نايم

اديان : و الحل يمة ..

ام حذيفة : شبيدي .. الحل من الله ماعندي غيره

اديان : كاعدين بالهول .. داحجي وية امي و سمعنا عياط حسين .. طب يركض مخطوف لونه و يرجف ..

حسووووني ..

حسين : يمةةةة ... يمةةةة اجةةةة عليةةةة ... لتخلي ياااااخذني .. يمةةةةة

كـلام الـبـطلة ويـايـا بخصـوص خـاتمـة الـبارحـة .. معقـولة جـانت رعـب؟  ☹