تحميل رواية ملك بلا عاطفة بقلم سلسبيل احمد pdf

- جربي تبقي زي البنات

= نعم ! انت كمان الى مش عاجبك شكلي و بتتأمر؟؟

انا احسن من عشره زيك!!

- لا هو كل الموضوع انك وحشه.. مش بتأمر وكمان ومش استايلي

= اتجوزتني ليه.؟!!

- اظن انتي عارفه بلاش نفتح الموضوع عشان نفسيتك

= تعرف اني يمكن وحشه من برا لكن انت وحش من جوه و اوي يا مصطفي!

ضحك بسخرية: بس حلو من برا و اوى يا ليلي. سلام ، و اها صح لو فكرتي تخرجي او تروحي في حته تاني هكسر رجلك يا ليلي جربي متفكريش لأنك غبيه.

" سكت فا قرب مني ولمس وشي بايده براحه "

- هممم فاهمه يروحي ولا افهمك ؟

رديت بخوف: فاهمه

سابني و خرج فا اتنفست اخيرا

قلعت الاسدال و الى لابسه تحتيه هدوم خروج وخدت شنطتي عشان انزل بسرعه كنت خلاص واخده قراري واني ههرب و المرة دي خطط صح بعد ما قعدت فالفيلا شوية و عرفت باب تاني من ورا.. نزلت بسرعه من ورا الحرس وبصت حوليا و وقفت تاكسي وركبت ايدي فضلت تترعش من الخوف لما لقت الموبايل بيرن وكان مصطفي رميت الموبايل من التاكسي بسرعه وفجاه التاكسي وقف لما شاف عربية قدامه زنقت عليه ونزل منها قدام عيني! اترعبت لما شوفته وخدني من التاكسي بعنف وداني لحد البيت وطلع معايا..!

>>>>>>>>>>>>>>>>>>>>>>>>>>>>>>>>>

"زقعني بنرفزه"

- برضو بتهربي مني ؟ لدرجه دي فكراني غبي! وفاكره اني مش هعرف واجيبك يعني؟ مبتزهقيش! دي خامس مره؟؟

بعياط: ارجوك سبني بقي انا عايزه ارجع لحياتي وعمري ما هبطل اهرب منك !!

بسخريه: حياتك و اسيبك؟ تؤ مقدرش

= كنت موتني و ريحتني من كل دا !!!

- طب ما تفتكري كدا كلامك والى حصل !؟؟؟

فلاش باك #

- انتي مين وايه مدخلك هنا ؟؟؟

= انا ليلي صاحبه نادين هي كانت هـ..

" فجأه برقت بعيني وانا شيفاها مرميه عالارض

ومـ.ـيتة عْرقانه في دـ.ـمها!! "

بصتله بأنهيار: نادين !!!! انت عملت اية فيها نادين!!! انت قـ.ـتلتها!!!!!!!

" قرب و بحركه بسيطه عند رقبتي خلاني افقد الوعي..! ومحستش بأي حاجه!! "

= هاتوها معانا.

باك #

"بصلي بعيون ساخره كلها شماتة"

- و ساعتها فوقتي عندي في المخزن تحت وعرفت عنك كل المعلومات كنتي شغالة فالبار غصب عنك عشان متترميش فالشارع لأنك ملكيش حد

و اكتشفت ان مفيش حْطر من ناحيتك و كنت ناوي اخلص عليكي زي صحبتك لكن الاستاذة طلع عندها مواهب..! صْربتي البودي جارد بمهاره و كنتي هتهربي برضو بمهاره.. اتاري في دافع وراه الى بتعمليه وعايزه ترجعي عشان مين بقا يا تري؟؟

بصتله بأستنكار: قولتلك ملكش دعوة بيه !! واوعي تفكر ابدًا تهددني بـ زين !!!

- طيب و انتي اترجتيني اسيبك عايشة عشان عندك اخ بتجري عليه يا حرام وانا لبيت طلبك و اتجوزتك برضاكي بتهربي ليه يا قطه؟

= انا تعبت!! قولتلك اني مش هجيب سيرتك!! سبني ارجع اعيش مع اخويا!! وتطلقني!! عشان انا متجوزتكش برضايا انت اجبرتني اتجوزك!

- محصلش

= لا حصل ! قولتلي هتـ.ـقتل زين !!

- طيب وانتي اخترتي تتجوزيني بمزاجك فين الأجبار

بصتله بدموع: انت قولت اني مش شبه البنات الى تعرفهم! ليه سايبني عندك؟؟ عاوز مني ايه؟

ضحك: عشان مش ضامنك للاسف يا قطه.. شخصية زيك انا عارف انها مش هترضي تعيش وهي كاتمه على جـ.ـريمة قتـ.ـل فا مفروض تحمدي ربنا اني سيبتك عايشة! بعد ما فضولك كان هيتسبب في مو..تك

- فضول ايه؟؟ انا كنت في شغلي !! انت فاهم انت عملت ايه فالبار ؟؟

= في مخزن البار.. الى مش مسموح للويتر ينزلوا فيه بس ازاي.. روحتي ورا صحبتك وشوفتي الى حصل! يبقي تتحملي بقا!

" سكت بضيق و دموعي نزلت فا قرب ناحيتي "

- نسيت اقولك حاجه كمان المربع ده كله المنطقه كلها دي تحت ايدي يا ليلي السواق الى ركبتي معاه حتي من رجالتي حبيت اقولك كده يمكن تبطلي تفكري ان فيه فرصه عشان تهربي مني.. خيالك عمره ما هيجيب انا اقدر اعمل إيه و عامل ازاي فا حافظي ان ايامنا تبقي حلوة سوا فاهمه؟

بصتله بعدم استيعاب: يعني ايه

- يعني سبتك تجيبي اخرك وتهربي و برضو رجعتك يمكن تفهمي ان مفيش امل وانك خلاص ملكي للأبد!

= انت ازاي تجرؤ تعاملني كده؟ انا مش عبيده عندك!

- اعتبري ان شقاوتك عجباني فا سايبك بمزاجي.. بس لو بدأت تزهقني وانا خلقي ضيق فا حافظي علي حياتك يا لوله.

بصتله بقمة الكره: فريده

لف وبصلي: نعم

- انا اسمي فريده

قرب وبص لعيوني: مانا عارف! بس ليلي عجبني أكتر.

" مشي وسابني وانا مكنتش مصدقه الى انا فيه! هو فعلا ده كائن طبيعي!! لا مستحيل!! ده مريصْ!! اعمل ايه؟؟ فضلت افكر ازاي لحد دلوقتي محدش بيدور عليا!! انا اه محدش يعرفني غير زين و جارتنا لكن برضو!! المريض ده محدش حاسس بيه و يكشفه و يريحني!!!

ازاي محدش اتكلم عن جريمة قتـ.ـل نادين الى سابها فالبار!! ولا يمكن حد تبعه خفاها.. او البار كله بتاعه! تعبت اوي من التفكير فا فضلت اعيط انا فكل الضغط ده عشان احافظ حياة زين اخويا الى حتي مش قادره اشوفه!! "

>>>>>>>>>>>>>>>>>>>>>>>>>>>>>>>>>>>>

|| في منطقه عشوائية | ليلاً ||

- واد يا زين ؟ تعالي هنا ادخل الساعه 1 بتعمل اية

= مستني فريده يا سامية عايزة ايه

- قولتلك فريده في شغل ومسيرها ترجع هتروح فين

= مش بترد علينا ليه و غايبة بقالها تلت ايام !

- الغايب حجتة معاه يا زين ادخل بقا متتعبنيش !

= يا سامية.. انا خايف يكون فيه حاجه

- لا متخفش اختك بميت راجل ياض !

>>>>>>>>>>>>>>>>>>>>>>>>>>>>>>>>>>

|| فيلا مصطفي العتال ||

" فضلت قاعدة بكلم في نفسي لحد ما سمعت صوت الباب وعرفت ان البيه وصل.. عايزه انتـ..ـحر "

"لقيته فتح باب الاوضة و دخل"

- ليلي .... لولي انا جيييت يا لوليييي ؟؟

= مصطفي انت اهـ.ـبل.؟

ضحك و هو بيميل بعدم توزان: ازيك يا لولتي وحشتني

بصتله وانا بحاول انفي الى في دماغي: مصطفي هو انت سكران؟!

" وقع على السرير فا انا قومت "

- مصطفي!!

" بصتله وهو عمال يحْرف وثبت خالص ومكنش قادر يتحرك وعمال يقول كلام مش مفهوم! "

- انت شربت ايه بالظبط !! يعني مش شغال فيه بس كمان بتشرب منه؟؟ رد عليا

ضحك وبصلي وعوج بوقه: رد عليا

بصتله بتعجب: هو انت ليك نفس تهزر بمنظرك ده! قوم روح اوضتك

= مانا في اوضتي اصلا

- اه.. ده انت هبت منك خالص.. مانا كنت نقصاك استحملك وانت سكران كمان ايه القرف ده

= ايه القرف ده

رفعت صباعي بنرفزه: بطل تعيد كلامي!

رفع ايده بعدم اتزان: بطل تعيد كلامي!

" خرجت وسيبته اعمل ايه بس ياربي معنديش فرصه اهرب حتي.. وهو مدهول كده نزلت للبودي جارد الى اول ما خرجت من باب الفيلا لقيتهم في الجنينة "

- على فين سيادتك!

= انت مش شايف مصطفي جاي عامل ازاي؟؟ عايزه اخرج اجبله علاج او حاجه

- ممنوع

= هو ايه الى ممنوع هيفضل كده؟

- حضرتك هو متعود على كده متقلقيش

بصتله بدهشه: متعود! بقولك تعبان مش بتفهم ؟؟

= ممنوع سيادتك تخرجي تحت اي ظرف دي تعليماته.

" طلعت بقلة حيلة لاقيتة في اوضتي بصتله بشمئزاز وقبل ما اخرج شوفت في جمبه مـ..ـسدس!! "

" فضلت افكر...!!! قربت بهدوء قربت جدا لحد ما بقيت قدام وشه مديت ايدي واول ما لمست المـ.ـسدس فتح عينه وبصلي "

>>>>>>>>>>>>>>>>>>>>>>>>>>>>>>>>>>>

↚

بصتله بتعجب: هو انت ليك نفس تهزر بمنظرك ده! قوم روح اوضتك

= مانا في اوضتي اصلا.

- اه.. ده انت هبت منك خالص.. مانا كنت نقصاك عشان استحملك وانت سكران كمان ايه القرف ده!!

= ايه القرف ده

رفعت صباعي بنرفزه: بطل تعيد كلامي!

رفع ايده بعدم اتزان: بطل تعيد كلامي!

" خرجت وسيبته اعمل ايه بس ياربي معنديش فرصه اهرب حتي.. وهو مدهول كده نزلت للبودي جارد الى اول ما خرجت من باب الفيلا لقيتهم في الجنينة "

- على فين سيادتك!

= انت مش شايف مصطفي جاي عامل ازاي؟؟ عايزه اخرج اجبله علاج او حاجه

- ممنوع

= هو ايه الى ممنوع هيفضل كده؟

- حضرتك هو متعود على كده متقلقيش

بصتله بدهشه: متعود! بقولك تعبان مش بتفهم ؟؟

= ممنوع سيادتك تخرجي تحت اي ظرف دي تعليماته وهو لو محتاج حاجه هيدينا خبر.

" طلعت بقلة حيلة لاقيتة في اوضتي بصتله بشمئزاز وقبل ما اخرج شوفت في جمبه مـ..ـسدس!! "

" فضلت افكر...!!! قربت بهدوء قربت جدا لحد ما بقيت قدام وشه مديت ايدي واول ما لمست المـ.ـسدس فتح عينه وبصلي "

ضحك بعدم وعي: بتعملي ايه

" شلت ايدي بسرعه وكنت هبعد لكن هو مسك ايدي "

- خليكي

= انا..كنت بـ

لاقيته راح في النوم

بصتله بتوتر وفضلت جمبه فضلت طول اليل صاحيه وهو حرفيا مبطلش هرتله بالكلام

كأنه بيتخانق مع حد!!

لحد ما جت لحظات هدي فيها و وقتها قربت و اخدت منه المـ.ـسدس..!!! مكنتش مصدقه!! قومت بالراحة جدا و الصبح كان بيطلع وقفت في ركن فالاوضة وكنت بحاول انظم انفاسي.. وارتب الى هعمله.. ثبت ايدي و وجهته ناحيته بعدين فضلت اناديه.. وحدفت عليه مياه من الازازه الى كانت في الاوضة

- اصحي ! فوق و بصلي !

" اتحرك بهدوء ومسح المياة من على وشه وبص حوليه بملامح عَابسة بدأ يستوعب وشافني بصلي برفعه حاجب واستغراب "

وجهت المسـ.ـدس ناحيه اكتر: قوم بقولك!!

فرك في عينه وقام قعد مكانه وبعدين بصلي: وبعدين؟

- انت هتمشيني من هنا دلوقتي حالا

= والا ايه؟

- اظن واضحه!! هقـ.ـتلك!!

= طيب اقتـ.ـليني

"بصتله بتعجب.!!!"

- انا مش بهزر!!

= ولا انا صدقيني يلا اهو انا مستني الطلقه بتعرفي تصْربي ولا اجي اوريكي

- متتحركش!!!

= طيب ياستي اديني مش هتحرك

"فضلت بصاله بعدم تصديق للبرود الى هو فيه"

بصلي بزهق: لا اخلصي يا تصْربي يا اما اكمل نوم

- هو انت مش خايف يعني ؟؟ بقولك هقـ.ـتلك !

↚

= وانا بقولك يلا مستنيا ايه؟

فضلت موجهه المسـ.ـدس ناحيته وانا خايفه قام وبدأ يقرب مني وهو بيتكلم: عشان تقـ.ـتلي على الأقل اتعودي على شكل الد..م و يبقي قلبك جامد.. وعندك دافع وتمسكي المسـ.ـدس صح وايدك تبطل تترعش

حاجات كتير كلها مش عندك!

شد مني المسـ.ـدس بقوة وبصلي بغضب اتجمدت مكاني برعب بعدين مسك دراعي واتكلم بتحذير:

- انتي حتي متعرفيش الفرق بين المسـ.ـدس الي فيه طـ.ـلق و الى مفهوش!!

"خرج الـطلـ.ـق من جيبه فا بصتله بكُره"

- سيب ايدي !

= مش عايز تمرد تاني

- بقولك سبني!!

اتكلم بعصبيه: انت مش في موقف يسمحلك تآمريني فاهمه؟؟؟ انتي تحت رحمتي!

"عيوني دمعت فا ساب ايدي"

- انا عارف انك مش هتبطلي تحاولي.. عارف.. بس ياريت انتي تعرفي اني ليا اخر!!

ولحد دلوقتي انتي مشوفتيش مني غير الوش الطيب انتي قاعده في بيتي و مراتي عارفه يعني ايه ؟؟ تبقي مرات مصطفي العتال؟؟ انا ممكن اخلص عليكي بكل سهوله و اريح نفسي لكن اديتك بدل الفرصه عشره!

بصتله وانا بعيط: عايزه اكلمه.. مش هحاول تاني ومش هضايقك بس عايزة اكلم زين ارجوك.. زين زمانه مش عارف ينام من غيري وقلقان عليا هو صغير بس بيحس بيا انا عاوزة بس اطمنه مش اكتر ارجوك اطمن عليه و اطمنه عليا ومش هعمل اي حاجه تاني!! بوعدك!

كان باصص لعيوني وبعدين لف وشه و بص بنظره بعيد عني وخرج و سابني..! قعدت على السرير بضيق: غبيه !

>>>>>>>>>>>>>>>>>>>>>>>>>>>>>>>>>>>

صلي على محمد

|| بين السرايات | الرابعة عصرًا ||

- اخيرا عرفت اتلم عليك يا ناصر يا سواح !

= مالك يا ساميه فيه ايه

- المنيلة الى اسمها فريده مرجعتش البيت بقالها يجي اربع إيام ودي اول مره تعملها و الولا زين اخوها مش ساكت

= واحده واحده!!! يعني ايه مرجعتش راحت فين يا ساميه ؟؟!!

- حوش حوش ايش حال ما انا الى جاية اسألك

= انا مش قايلك عينك عليها يا ساميه

- وانا يخويا مورايش غيرها وبعدين مانا بجبلك اخبرها من البيت كمان هخرج اجري وراها

= قصره.!!

- انا سألت عليها المنطقه كلها يخويا ومقداميش غيرك دعبس عليها كده وشوفلنا راحت فين وسابتلي الواد انا مش حمل زن العيال ده يخويا اه!

= خلاص بقا كفاية انتي ايه راديو؟؟

- هتدور عليها يعني؟؟

= اه يختي مانا مواريش غير نصايب الحارة كل ما حاجه تحصل اللحقنا يا ناصر مبوظين سمعتي كا بلطجي

- ايه يخواتي ده انت هتعملهم عليا يا سواح ؟؟ قال يعني مش بتتمنلها الرضا ترضي !!

= ويارتها بترضي

- خلاص دور عليها بقا شوفها فين

= ده انتي وليه قطر مبيهمدش صحيح!

- يشيخ اجري كدا وسع

" مشيت وسابته وهو طلع موبايله من جيبه "

- الو ياض يا لـيفه عاوزك في مصلحة..

>>>>>>>>>>>>>>>>>>>>>>>>>>>>>>>>>>

بقلمي: سلسبيل أحمد

|| في مجموعة مصطفي العتال للمشروعات ||

مصطفي: ها الرجالة فين يا حسن ؟

حسن: كلهم جاهزين رهن اشارتك.

- انا مش عايز اي غلطة العملية دى

= متقلقش كل حاجه مترتبة

- المكان الى هنسلم فيه؟

= متأمن يا باشا

- حلو ده بخصوص شغلنا الحقيقي.. بخصوص بقا التلت شركات بتوعي انا مش شايف اي تقدم بيحصل و انت عارف ده معناه ايه

= احنا عملنا تعين على اعلي مستوي سيادتك وبنحاول نركز مع التلت شركات سوا و ده صعب بس متقلقش كله تحت السيطره

- مش كفاية..! انت عارف كويس انى مش بحب اسيب اي خيوط ولا دليل ورايا و لو الشركات دى حصلها اي حاجه وضعي هيبقي مشكوك فيه يا حسن؟؟ حط الميزانية الى تعجبك و قوم التلاتة فاهم؟؟ التلاتة يا حسن بالذات الشركة الجديدة

= تمام يا رياسة طب حضرتك نسيت هنعمل ايه مع ايمن ؟

- تصدق اه كنت ناسية ! بقاله قد ايه مرمي كده

= أسبوع.. الرجالة بتقول كل شوية يطلب يقابلك وخلاص بيودع.

- يبقي نطلع عليه

= واقول لرجلتنا تبدأ العميلة؟

- اه.

>>>>>>>>>>>>>>>>>>>>>>>>>>>>>>>>>>

بقلمي Slsbell_Ahmed _سلسبيل_أحمد

|| في مكان مهجور ||

" بيدخل مصطفي بقمة الهدوء و البرود عشان يلاقي ايمن مرمي على الأرض هيموت من قلة الأكل والشرب نزل لمستواه وبصله "

- سمعت انك عايز تقابلني

حاول يتكلم بصعوبة رغم تعبه: ابوس ايدك يا عتال.. ابوس ايدك!!

= وبعد ما تبوسها يعني يا ايمن! وبعدين مليش في الرجالة انا لاء

- سبني اعيش و سامحني ومش هتكرر تاني صدقني

= تؤتؤتؤ حاجه واحده قولتها عني وكل الى شغال عندي عارفها.. مش بسامح.. لو مين يا ايمن! مش بسامح وانت كنت بتاكل الشهد من ورايا و كنت من رجالتي الى بيتعاملوا معايا فيس تو فيس.. و ده معناه ايه يا حسن قوله

- معناه انوه لو مبقاش من رجالتك يمو..ت يا ريس..

= حلو قوله ليه يا ابو علي

- عشان انت مش بتخلي اي حد يعرفك يا ريس.

رجعت ابصله وابتسمت: سمعت يا ايمن.. مش اي حد يشوفني ويعرف عن شغلي! والى يعرف يا يبقا معايا او عليا.. وانا مش بيسيب حد عليا يعيش.. ودي تاني حاجه تعرفها اني مش بحب اسيب خيوط.. بحب شغلي يبان نضيف علطول.

طلعت المسـ.ـدس: ومتقلقش هبقي ابعتلك مراتك وابنك وراك علطول..

" وجهت المسـ.ـدس على راسه و خلصت عليه بعد زن كتير وصويت اني اسيبه عايش..! "

>>>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم

" روحت الفيلا بعد ما خلصت الى كان في ايدي و لقيت عربية واقفة قدام الفيلا فا وقفت جمبها وفتحت الشباك"

- مساء النور يا مصطفي

= انت بتعمل اي هنا

↚

- مستنك هكون بعمل ايه؟

= طب اركب تعالي

" ركب جمبي فا بصتله "

- ها كب الى عندك يا تيتو

= مفيش العميلة تمت بس انا جيت اقولك تاخد بالك عشان الظابط الى قولتلك عليه حالف يلاقي تاجر المحْدرات الى مجـ.ـنن الداخلية الى هو حضرتك

- طب كويس مقلش حاجه عن تاجر السـ.ـلاح

= هو انت ليك نفس تهزر

- ومهزرش ليه يا محمد يعني بتاجر في حاجتين بقالي سنين ومحدش عارف يجبني

= مصطفي بطل غرور!! وركز شوية بقولك المعلومات الى جاتلي اكيده دي غير كل مره!

- اسمه ايه الظابط؟؟

= سيف عمران

- يومين ويخلص زي الى قبله لو حسيت انوه هيتعبني!

= مش عارف قوتك و جبروتك دول جايبهم منين.. انت حرفيا عملت الى محدش عمله فعلا.. و ثروتك قربت تغطي على محمد رمضان

- الوحده بتعمل اكتر من كده عادي

= بس انا معاك

- انا عارف انك في ضهري لكن انت عارف اني مش بعتمد على حد

= عارف.. انت عملت ايه مع البت صح ؟

- تؤ تؤ ملكش دعوة انت بالحوار ده لسه بخططله.

= انا خايف تهرب منك احنا طول عمرنا ملناش سكه مع الحريم يخويا!

- وانت عمرك سمعت ان فيه حاجه هربت مني

ضحك وبصلي: لاء..

= طب طير انت بقا عشان اخطط لعميلة جديدة.

- خلي بالك البتاع الى مشغله الى اسمه حسن ده انا زهقت منه

= عمل اية تاني

- محسوك اوي في الشغل تبع الشركة الجديده! يباي!

= لا معلش انا الى شادد عليه عاوزها تكبر في اسرع وقت انت عارف انا مدراي وراهم.

- ماشي يا رئيس المافيا.. انا هنزل انا..

>>>>>>>>>>>>>>>>>>>>>>>>>>>>>>>>>>>>

" سمعت صوته دخل الفيلا كنت قاعده على السفره مستنياه ولما وصل طلع اوضته ولا كأنه شايفني كنت عايزه ارقع بالصوت من البرود الى انا فيه طلعت وراه وفتحت الباب ودخلت "

- انا قولتلك تدخلي ؟!

= انت ليه مردتش عليا!

- فيه ايه بالظبط!

بصتله بنفاذ صبر: عايزة اشوف زين! اكلمه؟؟!!

= لا

- يعني ايه لا؟ هتخسر ايه!!

= محدش يمشي كلامه عليا

- انا مش بمشي عليك خليني اشوفه وهعملك اي حاجه تطلبها ومش هحاول اهر..ب ولا اروح في حتة

بصلي وضحك: مش مصدقك!! انا مش بيضحك عليا بسهوله خدي بالك!

= اعمل ايه عشان تثق فيا

" ضحك اكتر وانا مكنتش فاهمه!! "

بصلي بهدوء: انا عمري ما هثق في حد!!

" خرجت من الأوضة و سيبته قبل ما اتعصب !!! وانا كنت عايزه افضل هاديه !! بحاول اهدي عشان بس يخليني اطمن على زين ! "

" رجعت اوضتة تاني ملقتوش كان دخل الحمام وقبل ما اخبط عليه لاقيتة سايب موبايله بره.. فكرت كتير قبل ما اخده قربت للباب و سمعت صوت الدش.. وبصيت على الموبايل وكنت متوتره.."

" خديه!! هخده واكتب رقم البو.ليس وخلاص هبلعْ واخلص من كل ده!! بس عبال ما يجوا هيكون قتـ..ـلني!! او يمكن هو قاصد يسيبه بره!! صح هو مش غبي.. أكيد بيختبرني..!! "

" خرج من الحمام فجأة وبصلي بصتله وانا هاديه.. كان لافف فوطه على وسطه وشعره مبلول ونازل على عينه.. خرجت بأحراج.. ونزلت تحت خالص وقعدت! ايه الشعور ده؟؟ فضلت افرك في ايدي لحد ما لقيت باب الفيلا اتفتح و واحده كبيرة بتدخل كانت في طريقها للمطبخ وبعدين شافتني فا قربت بصينا بتعجب"

- انتي مين؟

= ءءءء أنا فـ.. ليلي انا ليلي انتي مين؟؟

>>>>>>>>>>>>>>>>>>>>>>>>>>>>>>>>>>>>

- يعني ايه يا سواح مش مديني اي معلومه مفيده و عاوزني اجيبهالك بالبلورة السحرية يعني ولا ايه يجدع

= وانا يعني لو معايا معلومة عخبيها عليك يا ليفه !

- ايوه انا والرجالة دلوقتي ندور فين يابا

= هقولك الاماكن الى ساميه قالت لي عليها و ..

"قاطعهم دخول زين وساميه مسكاه"

↚

اتكلمت بزعيق: خد بقا اهو الواد اخوه حبيبة القلب عندك شوف هتتصرف فيه ازاي

ناصر بدهشه: جرا ايه يا ولية ؟؟ بترمي الواد كدا ليه

- عشان زهقت يخويا

"سابتهم ومشيت و ناصر لقي زين بيعيط فا طبطب عليه"

- عجبك كده يا ليفه؟ شايف الى انا فيه..!

لازم نلاقيها.. لازم.

زين: هي فين فريده!

= متقلقش جاية..

روح انت دلوقتي يا ليفه وهنزلك بعد شوية

>>>>>>>>>>>>>>>>>>>>>>>>>>>>>>>>>>>

|| في فيلا مصطفي العتال ||

" لاقيتة قاطعنا و نزل سلم عليها "

- حمدلله على السلامه يا ام مريم

= الله يسلمك يخويا تعيش.. الا هي مين الحلوة دي

- باركي لي مراتي..

= ازاي!

- ام مريم! مش بحب الرغي انتي عارفه

= لامواخذه يا مصطفي بيه مبروك..

"دخلت المطبخ وسابتهم بصتله بعدم فهم"

- دي ايه؟

= الشغالة.. بتيجي كل فترة اتعودي بقا..

"بصيت ناحيتها وسرحت لاقيتة بيقرب وبيهمس"

- متفكريش تطلبي منها تساعدك او اي حاجه شبه كده اظن انا مش غبي عشان اشغل عندي واحده هتضرني

" ابتسملي ابتسامه صفرا وبعدين قعد "

" اتغدينا سوا او يعني عملت اني باكل مع اني مكنش ليا نفس عمالة افكر في زين عامل ايه من غيري.. وساميه هتعمل معاه ايه في غيابي.. وهي كانت سيباه معاها عشان بس ببعتلها فلوس.. كل الأفكار دي قلبت معدتي لما شعور الحْوف سيطر عليا وقومت على الحمام رجعت!! فضلت اعيط بتعب من الى انا فيه.. "

" عيطت بقوة.. وكأني بنتقم من كل حاجه بعياطي!! بصيت لعيوني لقيتها احمرت من العياط رجعت شعري لورا وانا ببص لنفسي.. انا اذكي من كده!! واقدر اعدي من الى انا فيه! "

"مسحت دموعي وغسلت وشي وبصيت مره تانيه لنفسي.. قررت اكون قوية.. مش هفضل في دور الضحيه..!! انا هلعب دور الناجي من دلوقتي. "

- ليلي انتي كويسة يابنتي

" فتحت الباب و خرجت "

= انا كويسة متقلقيش..

" طلعت اوضتي وكنت شيفاه قاعد بمنتهي البرود "

" منزلتش من الأوضة باقي اليوم.. لحد ما لاقيت الداده بتخبط ودخله بصنية اكل تانية "

- انا قولت اجبلك الأكل ده قبل ما امشي وهو خفيف وكمان عملت اكل كتير وسيبته فالتلاجه.

= شكرا

- انتي ماشية؟؟ هو انا ممكن اطلب منك طلب؟

= قولي يابنتي

- انا.. كنت..... خلاص مفيش حاجه..

" نزلت وسابتني وانا بصيت للأكل.. الى مكنش ضمن خطتي إطلاقا.. "

>>>>>>>>>>>>>>>>>>>>>>>>>>>>>>>>>>>

|| بعد مرور يومين ||

" فات يومين و كده بقالي هنا ست ايام..! كنت ضعيفه من عدم الأكل كل حاجه في جسمي كانت بتنهار لأن من وقت ما رجَعت مفيش اي حاجه دخلت معدتي..!! كنت حاسه اني كل شوية بدوحْ وهقع من طولي فا قعدت على السرير لقيت باب اوضتي اتفتح بقوة "

- انتي هنا ؟؟!!

= فيه ايه؟؟

شدني من على السرير ومسكني جامد: هو فين ؟؟

اتوجعت: ءااه !! هو ايه؟؟

= الموبايل الى ختيه من اوضتي !

- ايدي!! انا مختش حاجه اوعي!!

ضغط عليا اكتر وزعق: بقولك هو فين وعملتي بيه ايه !!!!

"بصتله وعيني بدأت تزغلل"

>>>>>>>>>>>>>>>>>>>>>>>>>>>>>>>>>>>>

↚

- انتي هنا ؟؟!!

= فيه ايه؟؟

شدني من على السرير ومسكني جامد: هو فين ؟؟

اتوجعت: ءااه !! هو ايه؟؟

= الموبايل الى ختيه من اوضتي !

- ايدي!! انا مختش حاجه اوعي!!

ضغط عليا اكتر وزعق: بقولك هو فين وعملتي بيه ايه !!!!

"بصتله وعيني بدأت تزغلل محستش بأي حاجه و وقعت.! "

>>>>>>>>>>>>>>>>>>>>>>>>>>>>>>>>>

|| في بين السرايات ||

- ناصر!! ها عملت ايه

= اقعد يا زين انا جايبلك اكل

كشر وبصله: لسه ملقتش فريده؟

- والله يا زين ما بطلنا تدوير عليها..

= اكيد حصل حاجه فريده مستحيل تسبني كل ده!

- مش قدامي غيرك حاول تفتكر اي حاجه او مكان ندور فيه!

قعد بحزن وعيونه بتدمع: مش عارف يا ناصر.. انا زهقت انت كمان هيجي وقت وترميني فالشارع زي ساميه.. انا عايز اختي

ناصر: لا يا زين متقلقش انا رجولة مش زي المرا دي

ومش هرميك فالشارع انت اخويا الصغير ياض حسك عينك تقول كده تاني

- انت ازاي بلطجي المنطقه و طيب

هرش في دماغه بتفكير: والله مفكرتش في الإجابة لسه

ابتسم زين بغلب: طب احنا مينفعش نبلعْ البولـ.ـس؟

- ايه! بولـ.ـيس ربنا يبعدهم عننا

= مهو مفيش حل تاني

- متقلقش تعالي ناكل وانا هتصرف.

>>>>>>>>>>>>>>>>>>>>>>>>>>>>>>>>>

" فتحت عيني ببطء لقتني لسه في الاوضة و متعلق في ايدي محاليل.. و مصطفي قاعد على الكرسي اول لما فوقت كنت هتحرك فا قرب مني "

- خليكي مكانك

= هو ايه ده؟؟

- الدكتور قال ان جسمك مدخلوش اي اكل او مياه من تلت ايام كنتي بتنتحري بقا ها ؟

= هو انت جبتلي دكتور؟ حياتي فارقه معاك اوي ؟

- لا مش فارقه معايا بس طالما عاوزة تموتي نفسك ما كنتي سبتيني بقا خلصت عليكي يوم لما كنا فالبار على ايه الفرهده دي ؟

= انا مكنتش بمو..ت نفسي بس مكنش ليا نفس اكل!

- ولا تشربي؟

= اه

- طيب حلو اتفلقي فين الموبايل؟

= موبايل ايه!!! انا مختش حاجه!!

- مفيش غيرك في الفيلا !

= و انا مش بكدب مش معايا حاجه!

رفع ايده فوشي بتحذير: انتي لو فكرتي تعملي بيه اي حاجه انا هقتـ.ـلك! انتي واخوكي !

قومت من مكاني مره واحده وزعقت: انت مريض !

" دوخت تاني فا رجعت لورا بهدوء وهو قرب مني"

- براحة على نفسك.. اصلي مش عايزك تموتي دلوقتي!

" خرج وسابني وانا اتنفست بغيظ وكنت عايزه افرتك اي حاجه قدامي !! خطتي انوه يوديني مستشفي لما اقع واعرف اتصرف من هناك باظت !! او اعرف استفاد اي حاجه لما اقع حتي الدكتور الى جه محستش بيه!! لكن الحاجه الوحيده الى نجحت هي انوه جه اتعصب عليا بعد ما وقعت موبايله تحت السرير عشان يفتكرني اخدته وبعدين يكتشف اني بريئة.. كل الى محتاجاه اني اللعب على عواطفه.."

>>>>>>>>>>>>>>>>>>>>>>>>>>>>>>>>

" مصطفي كان في اوضتة وشاف موبايله على الأرض! اتفاجئ انوه مكنش معاها وانا فعلا مكنتش بتكدب.. وفضل يفكر في موضوع انها مش بتاكل ولا بتشرب.. وده هيموتها بالبطيئ "

نزل المطبخ: ام مريم

- ايوه يا بيه؟

= انا عاوزك تنفذي الى هقول عليه بالحرف سامعه

بصتله بقلق: امرك يا بيه..

" بعد فترة ام مريم طلعت بصنية الأكل عند فريده "

- الف سلامه عليكي يا غالية

= اية ده؟؟ انا مش عايزه اكل خديه لو سمحتي

- يمصيبتي ده كان مصطفي بيه يمشيني! ويآذيني

= ليه؟ عشان ايه كل ده!

- قالي لو مكلتيش هيحاسبني انا! وانا مش حمله!

بصتلها بعصبيه: هو فين؟؟

= نزل يا بنتي خرج من شوية

↚

- هو يعني بيلوي دراعي!!

= ونبي انا مش حمله وانتي كمان لازم تاكلي عشان الى حصل ده ميحصلش تاني عاوزة تخسري نفسك يابنتي!

- انتي شغالة عنده ليه طالما وحش كده!

= اهي بقا.. ظروف.. جوزي كمان شغال معاه واحنا الاتنين منقدرش نقوله لا يا استاذة ليلي

- فريده... انا اسمي فريده

= بس هو قالي

- ملكيش دعوة بالي يقوله

= يمصبيتي!

ضحكت على شكلها: هو انتي كل شوية هتقوليلي مصيبتك

- بسم الله ماشاء الله ضحكتك بدر منور ربنا يفرح قلبك و يريحك دايما.. وتاكلي بقا من ايدي عشان تبقي كويسة!

ابتسمت بحزن وقلة حيلة: حاضر..

>>>>>>>>>>>>>>>>>>>>>>>>>>>>>>>>

|| في مديرية الأمن | مكتب المقدم سيف عمران ||

* طق طق طق *

- اتفضل

= سيف باشا

- ايه يا خالد بيه عاش من شافك

= سمعت انك مسكت قصْيه تاجر المحْدرات مع ان ملكش في المكافحه

- الشغل بقا هنعمل اية

= ما علينا انا جيت اديلك معلومات مهمه بنفسي

- الله طب مختش القصْيه ليه

= مانا بدور انا على تاجر السـ.ـلا.ح

- بوظوا البلد والله معاليك

= فعلا.. بس بأذن الله نقدر نلاقيهم وياخدوا جزائهم.

- انا عموما مش هيبقي ورايا اي حاجه غيره وهجيبه

= وانا عامة من الناس الى رشحتك للقصْيه دي انا عايز اقولك التحقيق شغال من كذا سنه.. و البحث والمخبرين كل الى بنمسكهم عيال هايفه ومش بيرضوا يعترفوا مين مشغلهم فا خليك عارف انها قصْيه مش سهله يا سيف بيه.