تحميل رواية ملك بلا عاطفة بقلم سلسبيل احمد pdf

اتنفس بهدوء: الله المستعان

>>>>>>>>>>>>>>>>>>>>>>>>>>>>>>>>

صلي على محمد

" كنت قاعده في الفيلا بزهق بعد ما ام مريم مشيت لحد ما سمعت صوته جه بدري على غير العادة تقريبا بيقعد في البيت شوفته من البلاكونه وهو طلع وبعدين سمعت باب اوضته.. غالبا دخل يغير او ياخد دش كالعداة وبعد فترة لاقيتة فتح الباب ودخل!"

- هو انت مش بتخبط ابداً؟؟

= المحلول خلص ؟

- لا انا الى شلتة

= نعم؟

- مش هتبطل تناحه؟؟ بتلوي دراعي بالدادة؟

= مانا قولتلك! مش عاوزك تموتي دلوقتي

ضحكت بسخريه: انت فعلا كل شوية بتثبتلي انك مريض ومحتاج تتعالج

فضل باصص لعيوني وليا بطريقة وترتني وبعدين قرب ومسك ايدي: طب ما تعالجيني!

"رجعت لورا بأرتباك وبسرعه فا اتكعبلت وكنت هقع لولا لحقني وحط ايده على وسطي"

بعدت عنه بهدوء: انا مش دكتورة.. وبطل تقرب

ابتسم: انا جوزك

- وانا مش بطيقك و انت مش بتحب البنات الى زي ولا نسيت!؟

بصلي بعيونه العسلي: هو انا عموما مقابلتش زيك

= انت سـ.ـكران تاني ؟؟

ضحك: هقولك معلومه صغيره انا حتي لو سكرت.. دماغي مش بتروح مني تؤ.. انا ببقي مدرك كل حاجه كويس اوي

- امممممم..

= تصبحي على خير يا لوله

- اسمي فريده!!

" خرج و راح اوضته!! هو بجد عنده انفصام!؟ هو ازاي كده ده فعلا مش طبيعي عنده كل الأمراض النفسيه! "

" قبل ما اروح انام على سريري لقيت النور قطع!! خرجت بره الاوضة بسرعه و دخلت عنده وانا بخبط حواليا فكل حاجه "

- مصطفي!!

نور الكشاف و بصلي: خير

- انت لحقت تقلع!!! النور قطع!!

= مانا عندي عيون وشايف انوه قطع والله

- طب وبعدين ؟؟؟ مفيش كشاف هنا

= لا مفيش عشان النور مش بيقطع هنا ده اكيد عطل خمس دقايق وهيجي

" قعد على سريره ونام وانا روحت قعدت جمبه "

بصلي برفعه حاجب: مش كنتي مش طيقاني؟؟

- مش حبا فيك والله هات موبايلك واروح انور بيه واقعد لوحدي

= لاء خليكي لزقه فيا وخايفه كده

- اولا انا مش خايفه و ثانيا انا مش لزقه فيك خالص

= طيب

" لف وشه وغمض عينه وانا خوفت!! هينام ويسبني قاعده لوحدي فالضلمه! فضلت عشر دقايق و ربع ساعه وبرضو مجاش ومحستش بنفسي و روحت فالنوم.. "

- فريده.. انا خايف!

= متخفش يا زين مانا معاك اهو

- طب هاتي ايدك!

= اهو مسكاك اهو ياحبيبي متخفش من حاجه طول مانا جمبك ماشي؟

- انا مش خايف ابدا وانا معاكي.. انا بس خايف اتوه منك يا فريده

= لا ده عمره ما هيحصل يا زنزون

- بس لو في يوم توهنا من بعض ازاي هنتقابل تاني

= ده عمره ما هيحصل يعني بس لو حصل ياسيدي انا كبيرة.. وهعرف الاقيك

- طب ولو انا عايز الاقيكي؟

= امممم.. بص للسما.. والى عاوز تقوله ليا قولة للنجوم وهي هتوصلي الرسالة و هتقدر تلاقيني وقتها..

ابتسم وحضني: اتفقنا يا فوفو... فريده.. انتي روحتي فين فريده؟؟

- زين ؟؟ انت روحت فين ؟ زين رد عليا انت فين زين !!! زييييييين !!! انت فين يا زين رد عليا ونبي

زيييين !!!

" فوقت من نومي و فيه ايد بتحركني عشان اصحي"

- ليلي !

فتحت عيني وانا مخصْوصْه وقلبي بيدق جامد: زين! زين ضاع مني

- ده مجرد حلم اهدي !

فضلت اعيط بأنهيار: زين!!!! مش هشوفه تاني!!!

" قام من على السرير وكان النور جه فا شغله "

بصلها: بطلي عياط واهدي!

" بدأت استوعب الى بيحصل و فضلت اتنفس بهدوء وبعدين قومت دخلت اوضتي و هو كان واقف مستغرب كل الى بيحصل قفلت الباب وابتسمت بهدوء وبعدين مسحت دموعي. "

>>>>>>>>>>>>>>>>>>>>>>>>>>>>>>>>

|| تاني يوم | في قسم | بين السرايات ||

- دي كل المعلومات الى عندك؟؟

= ايوه يا باشا و دي صورتها و ده كده تقريبا اليوم العاشر الى هي متغيبه فيه

↚

- ماشي يا ناصر هنشوف شغلنا ولو وصلنا لحاجه هنبلغك لكن من امتي وانت بتدور على ناس تايهه

ابتسم: والله يا باشا يعني دي بت غلبانه ومن اهل المنطقه و بعدين سايبه وراها عيل صغير في رقبتي وانا تحت امرك يا باشا في اي مصلحه

- هبقي اكلمك اتفضل

= تسلم يا باشا شكرا ربنا يخليك لينا

>>>>>>>>>>>>>>>>>>>>>>>>>>>>>>>>>

بقلمي Salspil_A_Mahmoud

|| في شركة مصطفي العتال ||

- عظيم اوي الكلام ده يا حسن ولا ايه رأيك يا تيتو

= انا شايف اننا كده هنعلي اوفر في مده قصيرة فا ده ممكن يخلي الناس تشك فالشركه

حسن برسمية: بالعكس جدا احنا ورقنا كله مظبوط والى شاكك يراجع ورانا

مصطفي بصله بفخر: بيعحبني فيه الدقه

تيتو: هار هيلبسك في حيط

حسن: افندم؟

تيتو: مش مرتحالك.

مصطفى: تيتو بقولك اي خف وتعالي ننزل عندنا مشوار تاني

- فين

= لما تيجي هتعرف يلا

" نزلوا ركبوا العربية و محمد ماشي ورا مصطفي ومش فاهم حاجه لحد ما وصلوا مكان جديد و غريب.. "

- انت جايبني فين

= انت بخاف ولا ايه يا محمد

- لا بس اي المكان ده بتاعك.؟

= اه

- امممم ما احنا مش هندخل كده من فراغ!

" دخلوا فيلا مفهاش مخلوق ومش متشطبه وتعتبر مهجورة و في اوضة معينه زي سرداب نص تحت الأرض مصطفي فتح ودخلوا "

محمد بقلق: انا حاسس اني هتلبس

مصطفي فتح صندوق وبص لمحمد: اتفرج.

محمد بص جوه الصندوق وفتح بوقه بدهشه: ايييه!!! ازاي ؟؟

مصطفي بغرور: متسألش..

محمد بتعجب: آثار !!!! انت عارف ان دي بالذات حْطر!

- يبقي شكلك بتخاف بجد

= لا انا خايف عليك!!

"سابه وخرج بره و مصطفي خرج وراه عند العربية"

- مكنتش فاكر ان دي هتبقي ردة فعلك!

= مصطفى احنا بقالنا قد ايه سوا ؟

- من نص عمرناا تقريبا.. او اكتر بتسأل ليه

= يعني انت عارف انك اخويا! انت عمرك ما قولتها عشان فاكر قلبك متجمد بس انا عارف.. عارف انك بتحبني وبتثق فيا كمان عكس ما بتبين ويمكن مش محتاجني! لكن انا محتاجك وخايف عليك!

- انت عارف اني مليش في الكلام ده.. ومحدش بيقولي اعمل ايه

محمد بصله وعيونه بتلمع: انا مليش غيرك فاهم؟ ولو مبطلتش الى بتعمله ده هتخسرني يا يوسف

بصتله بنص عين: يوسف؟؟؟؟ انت عاوز توصل لأيه بظبط بطريقتك دي ؟؟

- انا عمري ما هسيب الطريق ده يا محمد سامع؟ وفكك من الشويتين دول انت زي ما قولت معنديش قلب ! قلبي متجمد

= انت فاكر انوه كده لكن دي مش حقيقة!

- لا حقيقة بس انت مش عايز تصدقها وعايز تعيش في سلام و امان وده عمره ما هيحصل لو مش بنعمل الى بنعمله و لآخر مره يا محمد بطل تفتح السيرة دي وعلى فكره هتكمل معايا بقا غصب عنك مش هتسبني!

ضحك بسخريه: ليه؟؟ مش انت قولت انك مش محتاجني!

" راح ركب عربيتة و مشي وسابة.. "

>>>>>>>>>>>>>>>>>>>>>>>>>>>>>>>>>

بقلمي Slsbell_Ahmed_سلسبيل_أحمد

|| في فيلا مصطفي العتال ||

" روحت الفيلا و نزلت من العربية لما دخلت لاقيتها قاعده فالجنينه في ركن لوحدها.. روحت ناحيتها وقعدت قصادها كان باين على ملامحها انها معيطه "

- انتي لسه مكمله في وصلة الانقطاع عن الأكل؟؟

"مردتش عليا فا خت نفس وحاولت أطول بالي"

- مين ناصر ده ؟؟

بصتلي بستغراب: انت تعرفه منين؟

- روميو راح قدم بلاعْ في القسم انك مفقودة

= ناصر!!

بصتلي بسخريه: وانت مش خايف؟؟

= لا مش خايف.. انا عمري ما خوفت عشان دايما ماشي رسمي.. ومفيش اي دليل ورايا وبالمناسبة انتي مراتي لو نسيتي محدش بيحْطف مراته

- تمام طالما مش خايف من حاجه سبني! خليني اروح لاخويا وانت عارف اني مش هتكلم عشان معنديش استعداد اجازف بحياته! انا كل الى عاوزاه يبقي في أمان!

= وهو في أمان.

بصتله بنص عين: وانت ايه عرفك؟؟

- انا لما بحب اعرف حاجه بعرفها

= يعني هو فين مع ساميه؟؟

- مع ناصر

= ايه؟؟ يعني ساميه سابته !!! سابته لناصر !! ازاي!!

- دي الى كنتوا قاعدين معاها مش كده

= كل ده من تحت راسك !!! هيتبهدل مع بلطجي بسببك!!!

ضحك بتريقه: بلطجي بس شهم حاجه جميله

فريده بعصبيع: فيه كل العبر بس احسن منك!!!! عنده قلب وبيحس !

"مصطفي الغضب ملاه وبصلها بملامح حاده وهو اصلا كان على اخره"

- اخرسي ومتقوليش كلمة زياده!

= مش معقول زعلت !! الى زيك مش بيحس زينا عشان يضايق انت أكيد تربية شوارع ومتعرفش يعني ايه اخ !! متعرفش شعوري عامل ازاي وانا حتي مش قادره اسمع صوته ولا اطمن عليه !! انت معندكش قلب ولا عمر هيكون عندك !

مصطفي مسكها بقوة واتكلم بزعيق: قولتلك اخرسي!

" فريده زقته بمنتهي الغضب وصْربته بالقلم "

>>>>>>>>>>>>>>>>>>>>>>>>>>>>>>>>>>

↚

- كل ده من تحت راسك ! هيتبهدل مع بلطجي بسببك!!!

ضحك بتريقه: بلطجي بس شهم حاجه جميله والله..

فريده بعصبيه: فيه كل العبر بس احسن منك!!!! عنده قلب وبيحس !

"مصطفي الغضب ملاه وبصلها بملامح حاده وهو اصلا كان على اخره.!"

- اخرسي ومتقوليش كلمة زياده!

= مش معقول زعلت؟!! الى زيك مش بيحس زينا عشان يضايق انت أكيد تربية شوارع ومتعرفش يعني ايه اخ !! متعرفش شعوري عامل ازاي وانا حتي مش قادره اسمع صوته ولا اطمن عليه !! انت معندكش قلب ولا عمر هيكون عندك !

مصطفي مسكها بقوة واتكلم بزعيق: قولتلك اخرسي!

" فريده زقته بمنتهي الغضب وصْربته بالقلم "

" بصلها بعدم تصديق للي عملته وحرفيا من كتر العصبية وشه كان احمر و بيطلع دخان."

- انتي اجننتي !!!!!!

"زعق فوشها جامد وهي اتخضت وكانت بترجع لورا بسرعه و بخوف فا وقعت في البسين !!"

" مصطفي فضل باصص عليها ثواني وادرك انها بتغرق ومش عارفه تعوم او تطلع من البسين.."

"سقطت تحت خالص"

" اتنفس ومسح على وشه بقمة الغضب ونفاذ الصبر

ونط وراها "

" اول لما نزل البسين كلبشت فيه جامد وفضلت تاخد نفسها بسرعه وبصوت عالي ساعدها تطلع و اول ما طلعت اترمت على الأرض وقعدت تاخد نفسها "

مصطفي طلع وقعد واتنفس بهدوء: هقـ.ـتلك يا ليلي

حاولت ترد من بين انفاسها: ومسبتنيش اموت ليه يا مريض يا مغفل

- انتي لسه فيكي حيل تناهدي وتقلي ادبك !!!

" قومت وانا حاسه اني همو..ت مش قادره وهو وقف وبصلي بمنتهي الغل "

- والله العظيم لاعرفك ازاي تمدي ايدك دي عليا

= وانا هعرفك ازاي اخويا يتبهدل من تحت راسك يا عديم الاحساس

- اسطتي بدل ما اقـ.ـتلك سمعاني؟؟

زعقت: متقدرش تعمل حاجه يا مصطفي اي رايك ؟؟؟؟

بصلي بتعجب: متتحدنيش!!!! اوعي تفتكري ان الكون ده كله فيه حاجه تقدر تتحداني!!

- بكرهك !!

= مش اكتر مني !!

" مردتش عليه وطلعت على فوق لأني بردت جدا وفضلت اعطس فا طلعت غيرت هدومي وقعدت على سريري بتدفا وكل ما افتكر ساميه الواطيه احس اني عايزه اكـ.ـسر اي حاجة قدامي وامو..تها !!! "

>>>>>>>>>>>>>>>>>>>>>>>>>>>>>>>>>>>

بقلمي Slsbell_Ahmed_سلسبيل_أحمد

" مصطفي طلع اوضته يغير و بص لنفسه في المرايا "

- انا اضرب بالقلم ؟؟؟ انا !!!!!

"كان متغاظ جدا وحاسس انوه لازم يفش غله في حاجه فضل رايح جاي في الاوضة كان عاوز يمسك فريده يفرتكها ! وفجأة دخل اوضتها لقاها ملفوفه فالباطنية وقاعده بهدوء"

- اطلع بره مش عايزه اشوف وشك !!! مش طيقاك يا بني ادم غور من قدامي !!

" جز على سنانه بغل و بص حواليه لقي فازة فا راح مسكها و خبطها في الارض ادعْدعْت مليون حتة ! "

بصتله بصدمه: انت مجنون !!!!

" مردش عليها وخرج وسابها ومطقش يقعد في الفيلا كمان كان حاسس انه لو فضل اكتر من كده هيرتكب جنا..يه فا خد مفاتيح عربيتة ونزل "

>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في مكان آخر | المعادي ||

- سيف باشا

= سيف باشا اه تبقي عايزه حاجه يا رنا هانم

- عاوزاك تشوف امك

بصلها برفعه حاجب: امك؟؟ اسمها ماما

= متبصليش بس بصه الظباط دي ونبي!

- عاوزة اية؟

= مش راضية توديني عيد ميلاد كنزي يا سيف

- خلي كنزي تجيب عيد ميلادها وتيجي

= سيف بطل هزار بقا العيد ميلاد بكره

- هو فين بره المعادي؟

= اه

- يبقي انسي يا رنا

= يا سيف ونبي ! كلمها بقا وبعدين انا كبيره بطلوا تعملوا معايا كده

- كبيرة ايه انت سنة اولة كلية مقويه قلبك؟

= هتخليها توديني ولا اهرب و اسيب البيت ؟

مسكها من هدومها: تعملي ايه يا رنا ؟

- داخله اعمل شاي بلبن اعملك؟

= اممم طب اهدي كده ها اهدي واعقلي انا هكلمها واشوف هتقول ايه

حضنته بحب: حبيبي والله بحبك

>>>>>>>>>>>>>>>>>>>>>>>>>>>>>>>>>>>

بقلمي Salspil_A_Mahmoud

↚

" مصطفي رجع الفيلا متأخر و هو داخل اوضته فتح اوضة فريده يشوفها ولقي جسمها بيتحرك ولما قرب ناحيتها اكتشف انها نايمة وعماله تحْترف راح جاب ترمومتر وقاس حرارتها اكتشف انها عاليه جدا "

" وهو كان حاسس او متوقع انها هتتعب لما وقعت في البسين بعت حد من البودي جارد يجيب علاج للبرد و الحمي و بعدين كلم ام مريم عشان تيجي تشوفها"

" لما اتأخرت فضل هو قاعد معاها وحاول يصحيها تاخد الدوا الى اشتراه "

- ليلي.. ليلي.. فريده؟

ردت بعدم وعي: زين

= فريده قومي خدي العلاج عشان انتي تعبانه

- زين انا هجيلك متقلقش انا هعرف اجيلك خليك عندك

" مصطفي اتنهد بضيق وحاول يديها العلاج بالعافيه مد ايده ولمس جبهتها وكانت لسه الحرارة عالية.. بدأ يعملها كمدات لحد ما ام مريم جت "

- خير يا بيه مالها ست ليلي!!

= جالها نزله برد شديدة شوية اعملي لها حاجه تاكلها وانا جبت العلاج ده

- طيب يا بيه عنيا.. متقلقش هفضل معاها

= ولو لسه حرارتها عالية كملي كمدات وخليكي جنبها متسبيهاش خالص فاهمه؟ انا نازل وشوية وهرجع

- حاضر امرك يا بيه امرك..

= لما تفوق متعرفيهاش اني كنت معاها

- حاضر

>>>>>>>>>>>>>>>>>>>>>>>>>>>>>>>>>

صلي على محمد

" خرج من الفيلا و كلم رجالتة و كلم حسن وجمعهم كلهم في مخزن الفيلا بتاعته "

- اسمعوني بقا كويس.. احنا عندنا عملية مهمه جدا بس ولا هي محْدرات و لا هي سـ.ـلا.ح

اتكلم واحد من رجالته: احنا كده كده معاك في اي حاجه يا عتال

- انا عارف يا رجالة.. بس دي عملية تقيلة.. 120 حتة آثار.. فاهمين يعني ايه؟

" كلهم اتفاجئوا جدا و حسن بصله بعدم فهم.."

مصطفي كمل بثقه: وكدا كدا هنعرف نصرفهم.. مش دي مشكلتي.. انا بس عايز العميلة تتم كأن الى عملها أشباح مش عايز حاجه عننا تتعرف لأن الآثار دي بالذات حتة حساسه.. و مش اي حد يلعب فيها

حسن: طب ايه تفاصيل العميلة يا مصطفي بيه وهتبقي مع حد نعرفه واشتغلنا معاه قبل كده ولا لاء

- العميلة مع دياب هارون يرجاله..

حسن: ايه؟ بس ده كان بيتاجر في حاجات تانيه يعني ...

مصطفي ابتسم: اه.. وحط سعره و قال عاوزاهم هيصرفهم لحد بمعرفته بقا المهم يا منصور انت و عادل العميلة دي مش عايز اي حد ياخد بيها خبر غير رجالتي الى بتتعامل معايا وبس مفهوم؟؟

ردوا: مفهوم يا باشا

عادل: و محمد بيه مش معانا ؟

- لا معانا.

" خلصت معاهم و روحت لمحمد البيت فتحت ودخلت لاقيتة قاعد "

- انا مش بعتلك تيجي اجتماع عملية؟

= وانا قولتلك مش هكمل يا يوسف

- مبدئيا بطل تقولي الاسم ده انا اسمي مصطفي متستفزنيش يا محمد

= وانت مش هتجبرني أكمل

- حتي لو قولتلك اني محتجاك معايا

= انت قولت مش بتحتاج حد ولا نسيت؟

- انا مش هقعد هنا بعد العميلة دي هسافر انا وانت انا بحضر لها بقالي شهور فاهم يعني ايه؟

= والبت؟!

- مالها؟

= هو ايه الى مالها هتعمل معاها ايه؟

- معرفش

= انت دخلت نفسك في حوار مع دياب مكنش له لازمه بسببها! و كمان دلوقتي عاوز تعمل عميلة معاه وانا قولتلك خليك بعيد عنه!

- وانت عارف اني مش بخاف

= بس دياب غير اي حد!

- انت قولت كده على المرشدي

= وكان عندي حق نابة ازرق كان هيقـ.ـتلنا يا مصطفي

- وقتـ.ـلتة! قولتلك محدش يقدر يقف قصادي

= تمام.. وبعدين؟؟

- محمد! انت معايا في العملية! انا مش هثق في حد غيرك!

= ماشي هنبقي نشوف

- مفيس هنشوف انت معايا.

>>>>>>>>>>>>>>>>>>>>>>>>>>>>>>>>>>

|| بين السرايات | في بيت ناصر ||

- واد يا زين انت فين انا جيت

= ناصر.. انت كمان هتفضل تسبني كتير كده!

- كنت عند الحكومه ياعم عملت لك الى قولت عليه و بلعْت واكيد هيلاقوها ابسط بقا وجبتلك اكل كمان

= بجد يا ناصر هيلاقوها!

- ايوه طبعا هي الحكومه بتحْفي عليها حاجه

= دي وحشتني اوي يا ناصر.. انا مش هخليها تبعد عني ابدا ابدا لما ترجع

- انا طالب القرب منك الحقيقة يا زين

= يعني ايه

- لا خليك شواف شوية.. انت اخويا اه بس فريده مش اختي.. انا عايز اتجوزها

= اه.. بس فريده قالت عليك قبل كده بلطجي وصايع

- هي قالت كده؟

= اه

- امممم طب كل يا زين.. كل واسكت

>>>>>>>>>>>>>>>>>>>>>>>>>>>>>>>>>>>

سبحان الله العظيم استغفرالله واتوب اليه

|| في فيلا العتال ||

" روحت البيت بعد لما خلصت كلام مع محمد واول ما دخلت الفيلا لاحظت حاجه غريبة.. ملقتش الحرس و الجارد بتوع البوابة! والباب كان مفتوح دخلت الفيلا وكانت كلها مقلوبة لقيت برضو الباب مفتوح طلعت على فوق بسرعه لقيت جـ.ـثة ام مريم على الأرض ! و دورت على ليلي مكنش ليها وجود نزلت تحت ودخلت مخزن الفيلا اتفاجئت بالرجالة كلهم مربوطين روحت ناحيه واحد وفكيته "

زعقت بصوتي كله: فوق كلمني !!!!! مين عمل كده !

فضل يتنفس برعب: مش عارف مش عارف

" موبايلي رن فا سيبته و رديت "

- الو !

- مساء النور عليك يا عتال.. اتمني تكون المفاجأة دي عجبتك انا بس جيت اخد شوية ورق وكام حاجه لكن ملقتهمش بس الغريب بقا اني لقيت بنت زي القمر ليك فيهم من امتى.. عموما انا ختها لحد ما تجيلي نتكلم

= انت مين ؟؟

ضحك: معقول متعرفش صوتي !

= وحيات ربنا لاقطعك حـ.ـتت يا وزان عشان مديت ايدك على حاجه تخص مصطفي العتال

ضحك ببرود: هنشوف.. مستنيك

" قفل في وشه فا مصطفي ضغط على الموبايل لدرجه انوه كان هيفرتكه بعدين فتحه وكلم محمد"

- الو فيه ايه تانى

= انا عايزك تجيلي حالا!!

" رماه الموبايل من ايده و شد البودي جارد ناحيته "

- احكيلي الى حصل بالظبط فاهم!!! ازاي عملوا كده ؟

= دخلوا فجأة مكنش فيه اي حد فيهم لي صوت حتي المسـ.ـدسات الى صْربو بيها كان فيها كاتم للصوت.!!

وفضلوا يقلبوا في الفيلا قـ.ـتلوا نص الرجالة و رمونا كلنا هنا..!!

>>>>>>>>>>>>>>>>>>>>>>>>>>>>>>>>>>

" في مكان تاني بتفوق فريده و بتلاقي نفسها في اوضة غريبة فاضية وشكلها بدائي مش بتكون فاكره غير ان حد دخل عليها و صْرب الدادة وخدها!! "

" حاولت اتحرك ولكن جسمي كان تعبان جدا معرفش انا فين ولا مين دول! فضلت مكانى بعيط "

|| على الطريق | في عربية مصطفي ||

- وبعدين قالك ايه؟؟

= بيقولي عايز ورق وحاجات وهكلمه دلوقتي واروحله

محمد بعدم فهم: يـ.ـقتل نص رجالتك ويعمل كل ده عشان شوية ورق؟؟؟ ازاي!

= انا هشرب من د.ـمه !!

>>>>>>>>>>>>>>>>>>>>>>>>>>>>>>>>>

" مصطفي خد محمد بس معاه ومرضيش يروح بـ باقي رجالتة دخل المكان الى الوزان قاله عليه ولاقاه قاعد مستنيه "

مصطفي وقف قصاده: هي فين ؟

↚

رفع عينه وبصله وبعدين بص لراجل من رجالته: فتشتهم يا محمود؟

"قرب واحد وقبل ما يلمس مصطفي لوي دراعه وكان هيكسره"

الوزان: سيبه يا مصطفي انت دلوقتي في حتتي فا اهدا

بصله بتحدي: انا زي مانا في اي مكان

- انا عارف انها غالية عندك والا مكنتش دخلتها الفيلا بتاعتك.. مش دي البت الى كانت شغالة في البار بتاع دياب هارون؟؟

" مصطفي ساب دراع الواد "

"محمد بصله ورجع يبص للوزان"

- لازمتها اية النمرة دي يا وزان ؟؟

= ولسه لما تعرف اني ربطت الخيوط ببعض و عرفت ان كل عمليات دياب الى باظت كان سببها العتال بيه!

لكن مش موضوعنا دلوقتي اعتبرني باخد حق قديم.. حق يخصني انا اه اصلي مهما فات الوقت مش بسيب حقي ابدًا

محمد: انت بتتكلم عن ايه بالظبط؟؟

- عن صفقه المحْدرات الى صاحبك لطشها مني بـ 20 مليون جنيه.. وبرضو قـ.ـتل نص رجالتي وســ.ـجن النص التاني كنت فاكرني مش هعرف صح

مصطفي بصله: هات من الآخر

= من الاخر كده.. فين الاثار الى انت ختها من كام يوم؟

مصطفي بصله بقلبة وش: نعم ؟

- اصلي كنت فاكرك شايلها في الفيلا بتاعتك.. فا وديت كل رجالتي لكن ملقوش حاجه هناك ملقوش غير المزة.. انت شايلهم فين يا عتال؟

محمد بزعيق: انت مجنو..ن ولا ايه !!! عايز تاخد آثار بملايين عشان خد منك صفقه محْدرات بملاليم !!

الوزان بهدوء: كدا كدا هاخدهم يا اما نعرف دياب هارون كل حاجه موضوع البت و موضوع العمليات الى صاحبك بوظها و اصفيكوا انتوا الاتنين دلوقتي..

او اسلمكوا لـ دياب

ساكت ليه يا مصطفي ما تتكلم.. ؟؟

"محمد كان مستغرب هدوء مصطفي المرعب"

الوزان بخبث: طب هات البنت يمكن لما يشوفها يتكلم

" مصطفي جز على سنانه وقبض ايده كان بيحاول يهدي ويمسك نفسه بدل ما يعمل تصرف يندم عليه.. لقي واحد ماسك فريده من دراعها وشكلها كان متبهدل خالص ومش قادره تمشي على رجليها "

راح ناحيتهم وزقه بعيد عنها وسندها هو: انتي كويسة!! حد عملك حاجه بصيلي؟؟

رفع وشها ناحيته: بصيلي حد عملك حاجه؟؟

" هزت راسها بالنفي فا مصطفي فضل ساندها واتفاجئ انها ماسكه فيه وكانت خايفه جدًا وده خلاه دمه يعْلي"

الوزان: عشان اثبتلك اني مش عايز غير حقي بس هسيبك تروح بيها.. بس صاحبك بقا هيفضل هنا و معاك رجالتي اول لما يرجعوا بالآثار صاحبك يجيلك

بصتله بنرفزه: احنا التلاتة هنمشي من هنا !! سامع؟؟

- لا معلش دي لعبتي و هتمشي بقواعدي انا

"مصطفي بص لمحمد فا قرب مسك ليلي"

وراح مصطفي قدام الوزان: انا محدش بيمشي قواعد عليا واحنا التلاتة هنخرج من هنا و هتفق معاك على معاد تجيلي فيه تاخد الحاجه كلامى انا الى هيمشي

- وانا اضمنك منين؟؟

= معنديش ضمنات !! عايز تمشيها بمزاجى ومصمم تلوي دراعي يبقي رجالتي شوية ويكونوا هنا وهخليها د..م عليك !!

" مصطفى عمره ما كان بيدعي القوة.. او العند..! لا هو فعلا كان كده مستحيل حد يمشي حاجه عليه و الوزان عارف ده كويس ومن جواه اصلا كان خايف منه! وعارف انوه مصطفي عمره ما هيعديله حركه زي دي.. فا وافق على كلامه و مشيوا هما التلاتة من المكان.. "

>>>>>>>>>>>>>>>>>>>>>>>>>>>>>>>>>>

لا إله إلا أنت سبحانك إني كنت من الظالمين.

" وصلوا الفيلا ومصطفي كان شايل فريده طلعها لحد اوضتها وحطها في السرير الرجالة بتوعه كانو نضفوا كل حاجه ورجعوا كل حاجه زي ما كانت.. كان هيخرج ويسبها لكن رجع وقعد قصادها "

- انتي كويسة!

"فريده ودت وشها الناحيه التانيه ومردتش عليه"

" اتنهد و نزل و سابها "

- هي عاملة اية؟

= مش بتتكلم

- طب انت هتعمل اي دلوقتي؟

= هديله الآثار

- مستحيل متبقاش مصطفى الى اعرفه

= هتفهم بعدين يا محمد

- هفهم ايه؟ ده عرف كل حاجه!

= عادي.. هتصرف

- طب رسيني! انا في ضهرك

= مش وقته. اسمعني انا عاوزك دلوقتي تسلمهم مكاني انت جيت معايا المكان وعارف الحاجه فين عاوزك تروح معاهم بالرجالة و تسلمهم ماشي؟

- انا مش فاهم حاجه..! بس تمام

>>>>>>>>>>>>>>>>>>>>>>>>>>>>>>>>>

"وفعلا مصطفي فضل في الفيلا ومحمد راح مع الرجالة"

" طلع اوضة فريده لقاها قاعده على السرير منكمشة مخبيا راسها وسانده على رجلها "

- فريده...؟

" رفعت راسها لما ندالها بأسمها و بصتله "

- انا عارف ان كل ده بسببي بس كل ده حصل من غير قصد انا اصلا مكنتش اعرف انوه

قاطعته: انا مش متفاجئة هستني ايه وانا في حياة واحد زيك ؟؟ قتـ.ـال !! انا مش فاهمه بس ليه؟؟ بتعمل فيا كده ليه ؟ انا عملت لك حاجه؟ لو فاكر اني ممكن افتح بوقي بعد الى شوفته تبقي غلطان! انا كل عاوزاه دلوقتي تسبني في حالي مش اكتر من كده !

- انا لو سبتك هتبقي في حْطر!

= وهو الى حصل ده كان ايه !! انا كنت همو..ت من الرعب!! انا مليش اب ولا ام بس عمري ما حسيت بحْطر قد انهارده!!! ذنبي اية ادخل في مشاكل بينك وبينهم؟ انتوا زي بعض!! لكن انا لاء!

- انا مش هينفع اخليكي تمشي هتتآذي

= ياسيدي ملكش دعوة !! هتبقي مشكلتي وقتها!! سبني وملكش دعوة بأي حاجه هتحصلي !!

- لا.. مش هسيبك!

" فريده قامت بعصبيه وبصت للأرض لقت كـ.ـسر من الفازه فا خدته ورفعته "

- انا معرفش انت عايز مني ايه يا مصطفي لكن الى اعرفه انك مش عاوزني امو..ت وانت لو مبعدتش عني دلوقتي انا همو..ت نفسي

= طب بطلي هبـ.ـل!

- انا مش بهزر

"قربت السن بتاعها عليا فا هو قرب مني"

- متقربش مني!

= طب بطلي يا فريده أهدي !!!

سرخت فوشه: لاء !!!

قرب مره واحده ومسك ايدي: ارميها يا فريده

"ضغط علي ايدي فا رمتيها"

" حاولت ابعد لكن هو فضل ماسكني و قرب مني اكتر"

بصتله بضعف و دموعي نازلة: انت عايز مني ايه!

- انا بحبك

>>>>>>>>>>>>>>>>>>>>>>>>>>>>>>>>>>>>

↚

- انت لو مبعدتش عني دلوقتي انا همو..ت نفسي

= طب بطلي هبـ.ـل!

- انا مش بهزر

"قربت السن بتاع الفازه عليا فا هو قرب مني"

- متقربش مني!

= طب بطلي يا فريده أهدي !!!

سرخت فوشه: لاء !!!

قرب مره واحده ومسك ايدي: ارميها يا فريده ارمي!!

"ضغط علي ايدي فا رمتيها"

" حاولت ابعد لكن هو فضل ماسكني و قرب مني اكتر"

بصتله بضعف و دموعي نازلة: انت عايز مني ايه!

- انا بحبك

" فضلت بصاله بصدمه وانا مش مصدقه ساب ايدي ورجع خطوة لورا وكأنه مكنش في وعيه في اللحظه دي لكن رجع له بسرعه..! كان في بينا نظرات طويلة!! قاطعنا صوت بره و خبط على الباب صوت مش غريب عليا!! "

- مصطفي باشا

" راح فتح الباب لقيت حاجه صغيرة بتجري ناحيتي زين!! ده زين اخويا !! "

جري وحضني وانا نزلت لمستواه وانا بحضنه بقوة: زين !!!

" فضلت اتفحصه واتأكد انوه كويس واني فعلا شيفاه قدامي !!! مكنتش مصدقه !!!"

زين: اخيرا يا فريده لاقيتك !!!! انا كنت فاكر ان عمرنا ما هنتقابل ابدًا !!

حضنته وانا بعيط بفرحه: متقلش كده انا عمري ما ابعد عنك يا زين

- متسبنيش تاني يا فريده ونبي

= مش هسيبك والله العظيم ابدًا!!

" بصيت لمصطفي و زين في حضني بعدم فهم! وهو ملامحه كانت صلبة.. خرج وسابنا لكن انا مهتمتش لأي حاجه بعد ما زين بقا معايا! "

>>>>>>>>>>>>>>>>>>>>>>>>>>>>>>>>>>

" نزلت و عرفت الرجالة تجهز عشان هنمشي واخترت رجالة معينه تيجي معايا عشان كنت شاكك في كام واحد مجرد ما محمد خلص العملية مع الوزان قولتله يجيلي على الفيلا عشان نتحرك "

- فريده هما مين دول ؟ وانتي ليه سبتيني كل ده؟؟

= مش عارفه يا زين اشرح لك ازاي.. بس.. احنا شكلنا هنطول هنا اهم حاجه عاوزك متبعدش عني بس واحكيلي عملت ايه وانت لوحدك؟؟

- قعدت ما ناصر وطلع طيب اوي يا فريده! خلاني معاه و عمل بلاعْ عشان نلاقيكي

= وجيت هنا ازاي؟

- هو .. انا فجأة لقيت ناس كبيرة ولابسة اسود دخلت علينا و ثبتوا ناصر و بعدين خدوني وهو اضايق اوي وكان خايف عليا ومكنش راضي يسبني!

= يادي النيلة.. دلوقتي يقلق علينا احنا الاتنين!!

- فريده مينفعش نعرفه اننا كويسين ونرجع نعيش هناك؟ انا وانتي

= هحاول يا زين حاضر بس المهم دلوقتي انك معايا وانك كويس انت بجد وحشتني اوي!

"قاطعنا دخول مصطفي"

- يلا بسرعه عشان هنمشي من هنا

= نمشي نروح فين؟

- مش وقته

= طيب وحاجتي و

قاطعني: قولت مش وقته اي حاجه يلا

- تعالي يا زين

" نزلنا معاه وركبنا العربيه و كان ورانا كذا عربية تانيه.!

مكنتش فاهمه واخدنا على فين تاني.. "