رواية ملكتي قلبي الفصل العاشر 10 - بقلم نور الشمس

ضليت فتره اراقبها من بعيد وبالي مشغول عليها مرت على هالحال ست اشهر وخلص الدوام وبدت العطله واني تدمرت كمت مااشوفها وهيه تجي الأمي واني بالدوام
فديوم حسيت روحي اختنگت اريدها اريد اشوفها بأي طريقه تعبت من التفكير وتعبت من كلشي حته واهسي قل ومو مثل قبل مهتم للدراسه صارت حياتي ممله والروتين البيها ذبحني بالنهار تعب وشغل وبالليل افكر بليال وشلون تاليتي وياها
بهذا اليوم قررت اطلع من الدوام على امل اشوفها يم امي
طلبت من مرام تسد مكاني واخذت اجازه وطلعت الطريق كله واني بالي مو يم شي بالي مشغول بشوفتها وشلون متغيره ذبحتني هالعنيده حته البيت جدي متجي بالوقت الي اني بي متواجد اخاف التقي بيها .من گد ماافكر مااعرف شلون وصلت للبيت مااتذكر اني چنت منتبه للطريق ويمكن لو مدعوم مااعرف سقت بدون تركيز
وصلت البيت دفعت الباب ماكو احد دخلت الغرفة امي لكيتها ماكو گلت احتمال طالعه
وايست من شوفة ليال وضجت من نفسي
صعدت الغرفتي واني حيل متضايق فتحت الباب
وانصدمت

ليال ..
هذي الفتره كلها واني عايشه عيشة ذل بس اكابر وعنادي الي ميخليني اتصرف صح زوجة ابوي خبلتني وحته شغل شغلتني حالي حالها لازم اشاركها بكلشي چانت تريد تمنعني من الجيه يم ماما بس بابا گلها لتدخلين من يجي بابا هيه تستعدل
من يلتحق تأذيني هواي
وكل هالشي ومااريد ارجع خاف يفكر اني بدونه اضيع
بس هوه ابد مراح من بالي ولا محبته تغيرت بالعكس جاي تزيد غصب عني من اشوف تعامله وتعامل غيره وياي واقارن بينهم ماكو مقارنه ابد
گمت اروح الماما اشوفها بالفتره الي اعرف هوه بدوامه چنت من اروح اخلي ماما تنشغل لو تطبخ لو تتصل بصديقاتها اني أصعد الغرفته وهيه تحس بيه بس تسوي نفسها مشايفتني من اصعد الغرفته ارتاح اكو عنده صوره مخليها ع الميز أطارها حلوو الصوره اني وياه من چان عمري اربع سنين رحت شلتها واني اتأملها واتذكر شلون چان مدللني وشكله بداية شبابه صح هوه بكل وكت حلوو بس هسه احلى بهواي ضليت اقارن بين صورته وشكله الحالي وبين شكله قبل همت بكل تفاصيله وتجذبني صورته الحاليه اكثر  شكله رجولي وجسمه حلوو عيونه الي يزيدن جمال كل ميتقدم بي العمر
چنت ناطيه ضهري للباب خليت الصوره التجمعنه
واخذت صورته الحاليه مشتاقتله مشتاقه الصوته الضحكته مشتاقه الكلشي بي مررت اصابعي على ملامحه ورحت بغير عالم افكر اني احبه حب لو احبه لأن مربيني
ليش من اذكره گلبي يدگ وليش من افكر بي كزوج ينقبض گلبي واحساسي يکلي هوه اب الج مو اكثر زين ليش من اشوف شكله اهيم بملامحه
محتاره ومااعرف شنو اريد بس الي اعرفه هوه شي مميز بالنسبه الي وارتاح بوجوده بحياتي
رجعت الصوره وگمت ارد اطلع لکيته مرتكي ع الباب وصافن عليه مااعرف شصار بيه بذيچ اللحضه گمت ارجف مثل السعفه بيوم عجاج وهوه عالي ارتبكت حيل
علاء .
انصدمت من شفتها بيدها صورتي وتمرر اصابعها على وجهي تمنيتها تسويهن الي مو للصوره
فرحت بشوفتها وفرحت اكثر لأن حسيتها مشتاقه الي گامت تريد تطلع صارت عينها بعيني حسيتها ارتبكت
..ياهلا اليوم منين طالعه الشمس
..هلوو علاء گالتها وهيه تمتمت
..هلا بيچ يالغاليه شلونچ بديت اتقرب منها وهيه ترجع من شفتها ارتبكت رفعت ايدي ووگفت  لتخافين والله شبيچ ليال تخافين مني ها اها مااسويلچ شي بس مشتاقلچ والله ليش هيج تعاقبيني مااستاهل منچ هالعقوبه
..علاء اني مو بس عاقبتك عاقبت نفسي هم
..وليش كل هذا
..مااعرف هيچ احسن شلونك انت
..لتسأليني  تعرفين كلش زين شلوني بغيابچ
ليال مو كافي جفه
..علاء والله هيچ احسن انت اخر فتره تغيرت مو نفسك الي اعرفك خنگتني واني ممتعوده منك على هيج تعامل لذلك اثرت بيه
..والله من خوفي عليچ لچ اني احبچ والله احبچ موبيدي ماگدرت اصير الچ مربي واخذ دور الأب فقط اني رحت وياچ المنحى اخر وصرتي انتي الهوه الي اتنفسه
..سكتت
..ليال لتسكتين ريحيني وگليلي انت بعد الك مكانه بگلبي
..مااعرف ليش حسيت بكلامه دخل الگلبي واني جاوبته من گلبي هم وبدون ماافكر حچيت گتله أنت گلبي كله الك والله اني هم احبك بس مااعرف شريد انطيني مجال افكر واعرف اني شنو اريد
..زين تجين تگعدين يمنه
..لا هسه مااگدر انطيني مجال بعد
..زين اريد اتواصل وياچ اريد تحدديلي وقت نسولف بي كأصدقاء صدگيني مراح اضايقچ بس اريد اسمع صوتچ
..صار اتصل بيك اني هم مرات احتاجك كلتها وتحسرت
..قربت عليها ليال ممرتاحه موو الله عليچ احد مضايقچ
..لا مو هيچ بس تعرف اني مااتحمل وتعودت على دلال كله منك عودتني على شي والواقع شي ثاني ابتسمتله بحزن
..دللتچ قبل ولو بيدي العمر كله ادللچ ليال انتي اغلى شي بالنسبه الي اني اعرف وحاس بيچ
زوجة ابوچ مأذيتچ صح
..يعني
..ليش متجين يمنه وترجعين البيتج واذا وجودي يضايقچ اني اطلع واگعد وي جدوو صدگي البيت هذا ماادخله علمودچ
..لا علاء صعبه ابوي واخواني فرحانين بوجودي وتغريد اني اعرف اتعامل وياها ليضل بالك
..اي شي تحتاجين گليلي تلگيني يمچ بكل وكت
..متقصر ادري بيك
..زين اذا تدرين
..اي ادري طبعا
..تحسرت ليال الله عليچ هاي أول مره تدخلين الغرفه لو دائما
..أسفه اني غلطانه بس الصراحه يوميه ادخل الها مااعرف ارتاح من ادخل الها
..ابتسمت معناها انتي مهتمه الي
..دنگت وسكتت
..ليال تعرفين اني اجيت هيج وقت مخصوص بس حته اشوفچ ومن دخلت وملگيت امي أيست من شوفتچ وصعدت ضايج
..ارتبكت وخفت ليش عمتي وين
..مااعرف ممجوده
..زين اني اروح گلتها واني خايفه
..ليال شبيچ خفتي مني صدگ ليش تضوجيني بتصرفاتچ هذي ماعندچ ثقه بيه لچ والله اخاف عليج حته من نفسي لتخافين ها اها اني طالع شفتها تريد تحچي طلعت صاحتني
..علاء والله مو اخاف اصلا أنت تحسسني بالأمان بس مااعرف اكو شي بداخلي يخليني هيچ اتصرف
اني اسفه والله مو قصدي
..عادي مصار شي لتتأسفين اخذي راحتچ اني طالع
نزلت اريد اطلع لاگتني امي
..هلوو يوم هاي أنت من شوكت هنا
..هلا يوم قبل شويه اجيت بس ملگيتچ
..اي رحت البيبي انطيتها العلاج هذا وقته
..اها الله يجازيج خير يوم اني هم راح اشوفهم
..علاء ليال هنا
..أي يوم شفتها
رحت البيت جدي وطبعا من تزوجت روان أمي بقت هيه الي تهتم بأمور بيبي وجدوو
روان تزوجت غيث قبل اربع اشهر والحمدلله مرتاحين وافرح من اشوفها مرتاحه غيث بعد ماتزوج روان الي هيه صارت اخت وصديقه الي كمت بكل وقت اروحله وهمه هم دائما يجون
مرام بديت اشرحلها انو اني مرتبط بس متوقفت بالعكس زاد اهتمامها الي مااعرف شلون اسحب نفسي منها
مشكلتي مااحب اجرح احد خاصتا اذا جان يحبني احاول افهمها بطريقه واسلوب حلوو انو اني مو الها وان شاءالله تلكه شخص افضل مني
ليال..
مااعرف ليش ارتاحيت بشوفته وارتاحيت بكلامي وياه من طلع فتحت المجر بي صوره اله اخذتها خليتها جوه ملابسي سلمت على ماما وطلعت للبيت
قفلت غرفتي عليه وضليت مگابله الصوره الحد ماصوتها المزعج سمعته راح تگولون منوو مرت ابويه اكو غيرها
..ليال لچ ليال
..ارتبكت ضميت الصوره جوه المخده واجيتها
ها
..وجعا وين جنتي من الصبح الهسه لاشغل لاعمل شنو خدامه الچ اني
..شعليچ بيه أنتي غير مقسمين الشغل وعليه تنضيف العصر والعشه ومواعين الليل بعد الصبح شتردين مني
..لا عيني لا اني ميصرفلي هچي تشتغلين بكل وقت
..لا والله ليش عود
..بكيفي وغصبا ماعليچ
..مو بكيفچ وشتردين تسوين سوي
..أني الچ ليال سهله
دخلت الغرفتي وخليتها تلغي وحدها واني مالي خلگها رجعت سرحت بصورته
خليتها على صدري واتنفس قوي
يارب والله احبه زين ليش هالخوف ليش اخاف من افكر بي زوج الي
اتذكر نبرة صوته من حاچاني قبل شويه ساعات احسه يهدأ وساعات لا ونبرة صوته الرجولي الي تطرب مسمعي
گطع حبل افكاري صوت البومه مرت ابوي وهيه تحچي وتغلط ورأسا فتحت الباب من فتحته فزيت وصورته چانت على صدري
..لچ هاي شنوو الصوره المن
..معليچ انتي ليش تدخلين هيچ اجت خمشتها مني
خوش والله عاشگه بنت المگموعه
..لتغلطين على أمي
..لچ انچبي اذا تحبينه ليش شارده منه بس لامسوي بيچ مكسوره
..مكسوره شنوو انتي شتحچين
..أكيد أنتي مو بنيه
..شبيچ انتي شتخربطين أجت جرتني من شعري وتجرجر بيه ضليت اصيح
..كافي عوفي شعري كافي
..مااعوفه لمن تگليلي علاء شمسوي وياچ وكسر رگبتچ
..ممسوي شي والله ممسوي عوفي
شردت منها يمي دولكة مي بيها ثلج شمرتها عليها حسيت الثلجه فشختها
..لچ ياممتربايه بعدچ بطول اصبعي وتحبين وتسوين عمايل وهسه تضربيني اني اعلمچ
جرتلها صونده وملختني بيها ضليت بس اصييح
دفعتها اريد اشرد منها مگدرت
اكو تحفيه گزاز اچيت اشمرها عليها موگعت بيها تطشرت هيچ هيه ضخمه اجت شمرتني ع الگزاز حسيت افخاذي تشگگن احس الگزاز نبت بيهن
بقيت اصرخ وهيه تضرب شويه وسمعت صوت علاء

يتبع ..