رواية ملكتي قلبي الفصل الرابع عشر 14 - بقلم نور الشمس

علاء ..
بديت احضر للعرس طبعت بطاقات العرس واني وغيث عنونه البطاقات وعزمنه الأقارب والأصدقاء قررنه الحنه والعرس بقاعه بس الي صار حنة الولد بالقاعه وحنة ليال ابيت جدي

طلبت من ليال تختار الغرفه وياي بس هيه رفضت مااعرف ماهمها الموضوع او لأن چانت مريضه وبعدهي رجلها تأذيها وهم عدها مشاوير هواي بوكتها رحنه اني وغيث واختاريت الغرفه
لون أبيض ونقشتها حلوه وهادئه
امي جهزت الفرش وباقي الأحتياجات
واني حاولت اكمل احتياجاتي مابقالي شي وبيومين خلصت كلشي وبقه العرسنه اربع أيام
چنت افكر بليال وشلون تتعود عليه وشلون اكدر اتحكم بنفسي وهيه وياي خاصتا انو لازم ننطي الجدي الدليل اكيد راح الگالي مخرج ومااقربلها انطي الجدي العلامه بدون مااقربلها اني واثق منها بس شسوي العقلهم وضنونهم الي طغت على ثقتهم
راح اقنع جدي بس لازم الكل ميحس بزواجنه شكلي حته الوالده مااريدها تعرف اخاف تفلت منها كلمه وترجع المشاكل على ليال من جديد بهذي الحاله لازم نكون تحت سقف واحد اني وياها وهذا الشي الي مخليني بقلق شلون اتحمل قربها وبعدها بنفس الوقت راح تكون قريبة جسد مني بس قلبها ومشاعرها بعيده هيه متشوفني غير مربي وبس
شگد حاولت اوصل حبي الها بس مافهمته
اني مو مهم المهم هيه عندي ولازم ارمم الكسر الي بروحها بسبب كلام ابوها وجدي لازم اعيدلها الثقه بنفسها واخليها تصير قويه
وجودها يمي كلش كافي بالنسبه الي
خليت امي تاخذها صالون وتجهزها من كلشي
وطلبت اشوفها بس بيبي وامي رفضوو يكولون لازم متشوفها بهالفتره حته تشتاق الها اكثر ميعرفون هيه يمي واشتياقي الها يزيد عفتهم على راحتهم والي مفرحني فرحة امي وبيبي كلهم فرحانين حته جدي بس جنت شايل بكلبي علي وحسيته خذلني اما عقيل مااعرف مااكدر اكرها بس الجرح الي بگلبي منه مااعتقد يلتم عقيل كان اقرب شخص الي المفروض كان يعرف اني شنوو وميصدگ كشي ينگال
مر يوم كله تعب اقابله بفرحه ولهفه وشوگ الشوگ الي بيه الها يتعده حدود الحب وصلت وياها المرحلة العشق المرحله الي احس بيها ملكت قلبي يارب يجي اليوم الي تملك بي كلشي قلبي وروحي وجسمي
بقيت اعد الساعات باقيلي تلث أيام ٧٢ساعه وتصير ليال ملكي وابيتي ونكون اني وياها تحت سقف واحد مااريد شي بهذا اليوم اريد بس ابقيها گدام عيني للصبح بهذا اليوم الي تصير الي مراح تغمض عيوني وعد اوعدجن ياعيوني  اخليجن تشبعن منها
بعدني افكر رن التليفون رفعته بدون مااعرف منوو
..الووو
..هلا ليال شلونج حبيبتي
..احم الحمدلله شلون عرفتني
..وشلون مااعرفج صوتچ مخزون براسي
شخبارج لوله خو متعبانه
..يعني
..اممم هم يعني انتي الحچي عندچ بفلوس ههههه بس الحمدلله انتي المتصله شعجب يحليوه شذكرج بينه
..هههه والله اشتاقيت الك ردت اشوفك وبيبي مقبلت
..أي والله اني هم ردت اشوفج والأثنين امج وبيبي مقبلن يگولن حته تشتاق واني الحلوو يمي وكاتلني الأشتياق شگلهم بالله
..ههههه علاء عفيه لتحچي هيج اخجل
..ههههه اشبعچ خجل حبيبي كملتي كلشي محتاجه شي گولي
..لا والله كلشي كمل بس باچر اروح للصالون
..الله كريم حبي لتخليهم يكثرولچ مكياج انتي حلوه بدون كلشي بس خل يخلولج شي حلوو ونازك
..مااعرف علاء اني كلشي مااعرف بهالخصوص ومحتاره ومتخوفه
..ليش الخوف ياروحي خليج طبيعيه تذكري اني عند وعدي مراح يصير شي كل الاجرائات روتينيه وخلينه نعيش اللحضه ونتونس
..اي ان شاءالله بس
..شبس احچي حبيبتي لتشلعين گلبي اسحب منچ الكلام سحب گولي كلي اذان صاغيه
..ممم مااعرف بس تعرف اني ماعندي خوات وو سكتت حسيت نفسي اختنگت كملت كلامي وووماما اكيد حتنشغل بالخطار محد بالبيت هنا مااعرف منو يروح وياي واخاف من تغريد تخلي نفسها وتجي
..ضجت من حسيتها مختنگه وفرحت لأن التجأت الي گتلها لوله حبيبي تغريد ختولي متوصل يمچ وانتي لتخافين اني اكلم روان اخليها تاخذج هيه وحده من بنات عمتي شگلتي
..والله ياريت روان حبابه وارتاح وياها
..هذا هوو لتفكرين بشي روحي نامي وارتاحي حته الصبح من وكت ادزكم للصالون
..مو انت تعرف بيبي متقبل انت تشوفني
..اوووف من بيبي يلله ادز غيث يوصلكم

سديت التليفون وارتاحيت حيل شمرت نفسي ع المخده وجريت نفس وغمضت حلوو احساسي بوقتها
يارب يارب خلي محبتي بگلبها وخلينه نعيش عيشه حلوه أنت تعرف احنه الأثنين ممرتاحين ياريت نرتاح

صار الصبح خابرت غيث اخذهم وكل شويه اتصل بيهم خابرت روان
..الوو
..هلا علاء شلونك اكيد بالك يم الحب
..طبعا قابل بالي يمچ
..هيچ صارت سهله مراح اكلك بتحركاتنه وشنوو سوينه
..لج انتي الكبد روري اذا الج مااهتم المنو اهتم بس احجي وفضيني وين انتوو اريد اغطكم
..بربك لك بيبي محرصه علينه متشوفها
..يمعوده بيبي هيه وسوالف قبل معليها اني اشتياقي يزيد من اشوفها يمكن اني عكس العالم بس بربج جاوبي وين انتو هسه
..حاليا احنه طلعنه من الصالون وجاي نختار البدلات
..يمعوده فضيني العنوان
..مستعجل الأخ على كيفك ابويه تعال انطيته العنونان
..جايكم بس لتگولين اليال مااريدها تعرف
..صار ولو مااعرف شنوو ناوي
..اجيكم وتعرفين
سديت التليفون وطلبت من ليال تختار بدله نأجرها وطلبتها تكون جديده وهيه اول وحده تلبسها
البدلات يخبلن چانن
طلبت منها تختار وچانت هيه محتاره بقينه نتفرج ونتشاور سمعت صوت علاء
..السلام عليكم
..وعليكم السلام اهلا دكتور شرفتنه بطلتك
..حبيبي ابو علي طبعا مااعرفك انت صاحب المكان بس صدفه حلوه
. تفضل الغالي بعيوني اخدمك
..حبيبي خادم ربك
بقت ليال مصدومه تقدمتله
..شفت ليال تقدمتلي والفرحه الي بداخلي مااعرف شلون ادرايها كلتلي
..هاي شجابك
..حكيت مؤخر شعري وغمزتلها جابتني السياره
..ابتسمتله لاصدگ شعجب اجيت شمعرفك احنه هنا..اجيت عندي مفاجأه الچ والعرفني العصفوره گلتلي
..باوعت الروان خوش عصفوره ضحكت هيه وكلنه ضحكنه
صاحب المحل گل العلاء افهم انت وياهم والجماعه يخصوك
..اي الجماعه يخصوني والعروس عروسي وحاب اشتري تلث بدلات منك وهيه خل تختارهم
اشرتلي ليال
..شاورته علاء مو ايجار احسن
..تتتوو تتتوو مو احسن اريد شوكت ميعجبني اشوفهم عليچ وضحك
..خجلت منه كلش وطلب من صاحب المحل يعرض البدلات الي الي للبيع وانواعهن واختاريت تركيات
منفوشات اثنين والثالثه حلوه وبسيطه
اختاريت اوف وايت للعرس ولون سماگي للحنه من اختاريتها حيل عجبته والفستان لون احمر كلش حلوو
بس المشكله چانت القياس گوه لگيت قياسي اني زغيره والموديلات طوال كلش بس الحمدلله لگيت
اشتراهم النه وطلع وخلانه نرجع للصالون نتفق وهوه رجع للبيت
صارت الحنه وهوه بالقاعه حنته
واني بالبيت وعماتي وخالاتي هم اجونه الكل چان فرحان بس تغريد چانت گاعده بزويه وحيل متضايقه يمكن مجانت تريدنه نوصل الهالشي چان ابالها ابويه يكتلني او يكتل علاء بس الله اكبر من كلشي رغم الجرح والضلم الي نضلمنه بي بس هيه موصلت للي تريده
علاء
اني وغيث بديت احضر للحنه الوالده مخبوصه وكلساع تهلهل وتصلي على محمد
غيث وياي خطوه بخطوه اتمنيت لو عقيل وياي هم بس يمكن مخلي اباله او يستحي يواجهني مااعرف
اصدقائي الأطباء الكل بالقاعه ينتضروني
اختاريت قميص كريمي والقاط جوزي بس لبست بس يلگ وبنطرون بدون ستره
وتعطرت مشطت طلعت من الغرفه تفاجأت بوجود عماتي وبناتهم وبيبي وأمي والهلاهل والچگليت والفرحه شفتها بوجوهم سلمت عليهم وبست راس امي وبيبي وطلعت لاگاني جدي بالباب
من شفته دنگت
اجه عليه حضني وباسني بلحضتها حسيت بضعف واني بحضنه تذكرت دلاله ألي وشلون چان يفضلني حته على عقيل طفولتي كلها من دخلت اول ابتدائي چنت اشوف دموعهم واسأل نفسي ليش يبچون من كبرت اعرفت يشوفون والدي بيه حضنته
ودنگت بست ايده وراسه وگتله
..يابه تجي وياي اريد فرحتي تكمل بحضورك
..يابه فرحتي بيك متنوصف بس اعذرني انتوو شباب تتونسون بالقاعه اني اتعب من هيج اجواء فرحتي بيك تكفيني
..على راحتك يابه ادعيلي الله يوفقني
..ادعيلك بكل وكت وكل يوم علاء يابه سامحني
..مسامحك جدي بس انت الي مسامحك
طلعت لاگاني عقيل عفته وصعدت بالسياره وغيث گعد يمي حركتها ورحنه للقاعه التنضيم چان كلش حلوو وچنت راضي على كلشي بدت الحفله وبثمانيه انتهت اصدقائي مخلوني ارجع وحدي سوولي زفه للبيت
ونفس الشي تلگتني الهلاهل والچكليت
امي طلعتلي وگالت ارتاح حته نروح نحني العروسه
..ضحكت وعليمن ارتاح هسه نروح امشينه
..فدوه حبيبي والله واجه اليوم الي احلم بي كل عمري لك هيچ مستعجل
..واكثر بعد بس خاف تگولون عني خفيف ههههه
..هههههههه يلله خل اگلهم يحضرون نفسهم
طلبت امي من الكل يتستر العريس حيجي
رحت الهم وعيوني وگلبي ودهن يسبقن رجليني اريد اشوفها وبس
دخلت سلمت ع الكل ماشاء الله شنو هالجمال ياربي شلون بيه شنوو يصبرني
رحت دنگت عليها بستها براسها همستلها
..هاي شطالعه
دنگت وابتسمت
..اذا باچر طلعتي هيچ راح اخلف كلامي وغمزتلها
..لا علاء عفيه لتخوفني
..بكيفچ خلي ام الصالون تتلاحكچ وتخرب جهرتچ
..صدگ تحچي
..لعد اجذب عليچ
..لا متسويها متگدر
..لچ شنوو المااگدرله باچر تشوفيني ماكو هيچ اصلا اگدر واگدر
..علاء جاي اخاف منك
..لتخافين مااهجم شفتها راح تبچي ضحكت وكتلها
..لچ فطيره انتي شبيچ اصفريتي اشاقه وياچ والله بس صدگ طالعه تخبلين واني المسكين راح اروح بيها
من اليوم حركتيني حرگ باچر وين اروح وين انطي وجهي يمكن اروح الزم خفاره بالمستشفى احسن
..ههههه وينطيك گلبك تخليني وحدي
..خرب بگلبي هوه اكو غيره مطيح حضي لتخافين مااخليج ومراح اضايقج واليوم لتفكرين بشي ارتاحي صدگي اني عند كلمتي والگلته كله شقه ماعده المشاعر والأطراء الحلوو والغزل كلهن صحيح بستها وحنوها وطلعت
رجعت الغرفتي بدلت غسلت اجيت ارد انام اجاني مسج فرحت ابالي من ليال طفرت للجهاز لگيتها مرام
..الف مبروك دكتور تتهنه
رديت الها الله يبارك بيچ تسلمين
اجاني مسج اكيد فرحان
صفنت هذي شبيها طبعا عريس بليلة عرسه اكيد فرحان سديت التليفون ومرديت الها شي
ونمت
يتبع
يسعد مسائكم حبايب اريد ارائكم
واتمنى يعجبكم البارت 🌷🌷