رواية ملكتي قلبي الفصل السادس عشر 16 - بقلم نور الشمس

بعد الزواج هوه ابد مضايقني بقه على طبيعته وعلى وعده بس اني
مااعرف ليش گمت افكر اريده يمي اريد نبقه على اتفاقنه بس اريده بقربي چنت مشوشه وحته افكاري افكار طفله بالي مشغول وحرت شلون اكسبه
خاصتا من اشوف تغريد بوقتها  تغريد ابد متركتني تجي بس حته تضايقني وعبالك تريد تگلي الي براسي سويته ومحد عاقبني والكل صدكوني وانتي لاشيء بالنسبه الأبوچ هذا الي افتهمته منها بعد مابدت تسألني شلونچ وي الدوام وعلاء يقبل لو لا وشلون تدبريها رجال وعروس وترحين واكيد راح يبدي يمل منچ ويگعدچ وانتي طفله وهوه شاب والكل تتمناه چانت تحچي وتدخل موضوع بموضوع واني ماارد الها احتار شلون اجاوبها مرات ماما تردها ومرات بيبي
حسيت نفسي ضعيفه ومصدر قوتي علاء وبس
ضليت افكر شلون اخلي يجي يمي فكرت اسوي نفسي مريضه يوو شگد غبيه اني شنوو مريضه خطيه هوه تعبان يروح يقلق واني اصلا مااعرف امثل ليش افشل روحي
ضليت احوس اتگلب بالفراش گعدت وخرت الغطه رجعت جريته ونمت سمعت صوته فزيت
..بزونتي دوختيني شبيچ تحوسين اكو شي
..ها لا ماكو شي بس اني خايفه
..رفع حاجبه الي منين خايفه واني يمچ
..مااعرف اني قريبه ع الشباك وانت بعيد عليه ممرتاحه
..لچ ماكوو شي نامي اني يمچ
.. احاول انام بس مااگدر ترددت احچي باوعت اله وسكتت
..ليال گولي شعندچ من الأخير اذا ممرتاحه اني هم ماارتاح
..مااعرف شگله وشلون احچي ضليت امتمت
گتله اليوم اجت تغريد وسمعتني هيج كلام يم ماما وبيبي
..وليش مگلتي بوكتها وماما ليش مگالت هسه انتي هذا المضوجج خل تولي تغريد انسيها
..ماما هم رزلتها بس هيه حقيره ومراح تتركنه بحالنه
..لوله باباتي حبيبتي انتي تركيها ختولي ولتفكرين بيها شلچ علاقه بيها مو تعرفين بيه شگد احبچ وشگد انتي مهمه بالنسبه الي بعد تغريد ليش تخليها ابالج ياروحي نامي ارتاحي
..دنگت وغمضت عيوني ردت اگله تعال نام يمي اني احبك اني اريدك بقربي مااريد تبقه بعيد عني حته لو بنفس الغرفه سكتت مگدرت احچي شي 
جريت الغطه ونمت
وضلينه على هالحال اشهر
بهذي الفتره اني مستمره بالدوام   والكل عرف اني متزوجه ومن منوو من الدكتور علاء صديقاتي فرحن الي وبيهم مقهورين وغيرانين والمدرسات هم بيهن ضاجن بيهن الي تضوج عليه طفله بهالعمر مو مال زواج وبيهن الي تضوج مني دكتور مال وجمال شنو الي شافه بيچ 
فد يوم گاعدين نسولف ونضحك واجت شمس بنيه ماعندي علاقه وياها مو راحه هيه ومااحب اتواصل وياها احنه نسولف ونضحك وهيه رأسا حجت
..اي ليال سولفي النه ع العرس شلونه
..تفاجأت وخجلت شلون اكو بنات هيج جريئات اصلا احنه مابينه شي وعيب اصلا تسألني
..الحمدلله زين
..لچ شنوو زين يعني متونسه مرتاحه لو شلعان گلب
..الحمدلله مرتاحه اكيد
. اها بس مو زوجج اكبر منچ بهواي اكيد متعرف قبلچ على هواي بنات وعنده علاقات مشكلتي بعد الي صارلي حته گمت مااعرف ارد ولا اجاوب اكتفي بالسكوت
صديقتي كلتلها شمس شلج بهالكلام شنو معناها هذي
..شبيچ غير جاي افهمها لتصير فطيره هيه فاهيه والولد دكتور ولو تشوفين الدكتورات اليمه يخبلن وشلون يسولفن
لو الموضفات اللبس شنوو وبيهن يتماوعن خو بيوم الخفر خل تغسل ايدها منه ههههههه
..اني احس نار صارت بكلبي ..كتلها عيب عليج هالكلام اصلا ماعندي ذيج العلاقه وياج ليش هيچ ماينه انتي بعدين انتي ليش تحچين بهيج مواضيع اصلا
..اوووي فوگ ماجاي انصحچ اذا اگلچ اني رحت وي امي الأختي من ولدت وشفته الرجلج موجود والكل جانن يتمنن منه يحاچيهن او يأمرهن بشي خاصتا الي اسمها مرام سألت عليها گلولي دكتوره  جايه قبل سنه وهيه كلش قريبه منه وصديقته ولو شايفه شلون تنضر اله نضراتها مو طبيعيه
نصحتج الوجه الله وانتي بكيفج حچتهن وراحت
..اني متت قهر حيل ضجت اكيد صح البنات يحبنه هوه كلشي بي مميز ومحبوب واني هم زوجه على ورق وبس ياخوفي يوگع بأيد وحده منهن
صديقتي گلتلي لتهتمين ميعرفن شگد يحبچ المثله ميخون صدگي
اريد الدوام يخلص حته ارجع للبيت
رجعت واني مخنوگه صعدت الغرفتي وضليت احوس يارب شسوي هوه هم حقه صار ٩
اشهر اني يمه وكلشي ماكوو بينه لا شنوو حقه مو من حقه يخوني هوه هذا اتفاقنه وهوه وره الزواج محاول وياي اصلا  وتركني على اول وعد بينه صح نضراته الي وكلامه والغزل ابد ميتركه بس هم ليش عايفني ليش ميحاول وياي اكيد اكوو شي
لازم انتبه وبدت الأفكار تاخذ وتودي بدماغي بهذي الفتره جنت ثالث متوسط والعام الدراسي ابدايته چان يهتم بيه وبدراستي وابد ممحاول وياي وباقي عازل نفسه بقيت الوم بنفسي ساعه وساعات الومه اكو غيره بداخلي وضايجه منه ومن تصرفاته   من سمعت الحچي حيل انقهرت ومااعرف بأي طريقه انهي الموضوع 
رحت غسلت وشسورت شعري اتمكيجت ونزلت انتضره خلص موعد الدوام وساعه صارت تلاثه وهوه ماكوو مية  حسبه اجت ابالي معقوله جاي يخوني ليش علاء بس انت بقيت الي فدوه يارب لاتصدمني بي
علاء ..

بعد الزواج بقيت اني وياها بنفس الغرفه بس معزولين
اعرف صعبه عليها زواجنه بهذا العمر جنت اجاهد وي نفسي جهاد حته اخليها تحس بالأمان وابقه على وعدي صح اكو بعمرها يتزوجون بس ابد مردتها بهذا العمر جنت متمني تكبر وتاخذ راحتها ونعيش احلى ايام الزواج بهالعمر يدمر البنت چنت متأكد من هالشي وممتمني يصر وي ليال
بس ساعات احس روحي تطلع ليش متبين الي هيه رايدتني صار اشهر وهيه مغيرت اسلوبها وياي ولا بينتلي هم الصبر اله حدود وهم اني رجال واصعب شي عليه انو زوجتي حلالي وحلم عمري يمي ومااكدر اخذ حقوقي مرات مااريد شي منها بس اخليها بحضني وكلشي مااريد منها اني مشكلتي مااريد اخسرها وهيه عنيده وبعدهي طفله اخاف اتصرف وياها تصرف والنتيجه تصير عكسيه وتبتعد اكثر اني كوه يلله خليتها تصير قريبه الي وتحچيلي الي مضوجها وشنو تحب وشنو تكره
طبعا الكل اباله احنه زواجنه حقيقي ممبينين ابد مابينه شي حته احتياجاتي هيه متكفله بيهن كوي غسل عشه تحضيره الغده على أمي بس هيه الي تحضره الي ومرات اني ارتب اغراضي لأن هيه تداوم وامتحاناتها من صف الثاني للثالث صارت بفتره قليله وره العرس والمشاكل حبيت اخلي اهتمامها ع الدراسه واني اهتم بأموري وتعودت ع هالشي
شي على شي
حياتنه حلوه ومستقره بس هذا الشي متعبني ماكو اصعب من جهاد النفس نفسي تريدها وارغبها الوم نفسي هواي لأن هيه طفله او بعد ماعادت طفله بالمعنا الحقيقي للطفوله تفتهم وتعرف مرات اشوفها اذا انشغلت عنها تضوج وتريد مني اهتمام وكلام حلوو بس متنطيني شي واني عاذرها لأن الي بعمرها تعيش مرحلة المراهقه كل فتره مزاجها يتغير وتريد شي وتكره شي فما جنت الومها بگد ماالوم نفسي بديت ابتعد عنها بقدر الأمكان ادرسها نسولف اسمع منها احاول اهدئها اذا ضاجت حاولت انطيها كلشي وماريد منها شي.. بعد بعدها عن والدها اخذت دور الأب الها ورجعت مثل مچنت اتعامل وياها بالطفوله
وخلصت هالفتره كلها على هذا الحال بگد الراحه الي اني بيها اتعذب لأن قريبه الي وبعيده عني بنفس الوقت

بالمستشفى مرام مفكت عني رغم اني مبين الها سعادتي وراحتي وحاولت ابعدها بكل صوره وهيه مستمره
من غير بعض الموضفات مو الكل اكو بنات قمه بالأخلاق واكو لا يرخصن نفسهن الرغبه بداخلهن وميفكرن بنفسهن ولا اهلهن ولا خوف من ربهن
چانو اصدقائي بيهم متزوجين ومستقرين بس ينصاعون الهن والرغباتهم وينسون عوائلهم وخوفهم من ربهم
مره من المرات دخلتلي موضفه يطلع عمرها ٢٨مرتبه ومكياج والبنيه حلوه مقاصرها شي بس ناقصها الأدب مع الأسف
..السلام عليكم دكتور
..وعليكم السلام تفضلي اختي
..كعدت گبالي بدون مااگلها استريحي ضحكت ضحكه استفزتني اختك منين قابل راضعين سوه
..گولي شنوو رايده تره عندي مواعيد
..رايدتك انت
..هههههه رايدتني الي
..بلي دكتور رايدتك انت وبالمكان والزمان اليعجبك
..اني مرايدچ اسف مو من هذا النوع واني رجال متزوج واحب زوجتي بعدين ماكو شي بيج ينقصها الزوجتي حته التجألج طلبچ مو يمي
..هههههه زوجتك هذي الطفله شمفهمها يمعود اكيد ممريحتك تره واضح عليك
..استفزتني بكلامها عبالك تعرف قصتي
..اطلعي بره لتخليني اطلب الأمن واوصل الكلام للمدير
..ههههههه للمدير والله خفت هوه مديرك صاير محبس بأيدي چاووو أنت الخسران
طلعت ضليت حاير وضجت من كلامها هسه هاي منين طلعتلي مكافي مرام عليه بس مرام ع الأقل بنيه مؤدبه وتخاف على سمعتها متتصرف غلط الا هذي المهمها احد شلون اتصرف وياها
اختنگت كلش اجاني دكتور صفاء
..مرحبا دكتور
..هلا بيك صفاوي تفضل اگعد
..شبيك مخنوگ
..مابيه يمعود تره اختنگت كلش واحتمال ماابقه بهالمستشفى الي يصير بيها ميعجبني وروحي جاي تطلع
..لك خير شكوو سولفت اله الصار ضل يضحك
..وانت ليش مهتم اتوونس ويطبها طوب داز عليها انت
..لك شتونس اني من جنت ممتزوج ماسويتها اسويها هسه واني متزوج ماصار سنه
..ههههه والله حقك ختولي شتگدر تسويلك اتركها هيه تأيس وتشوف غيرك تره شكم وحده هنه هنا معدودات المثلها وجاي يأثرن ع الشريفات ذولي يسختن واعمالهن تنضاف للفقيرات يمعوود هوه على گولت اهلنه اذا راس السمچه خايس متگلي شتسوي هوه مديرك منطيهم مجال
..هيه هاي المشكله
انتها الدوام وطلعت بس ضل كلامها يفتر براسي شنو طفله وشنوو ممريحتك شمعرفها بيها منين تعرف بس لا اكو شخص يعرف زواجنه على ورق معقوله اني حته امي ضام عليها هالشي
اخ  ياليال لشوكت ابقه هيچ والله صعب عليه متحمل بس مااريد اخسرج  واعرف انتي ضحيه
تأخرت يلله رجعت للبيت دخلت سلمت ليال ردت عليه ابرود وامي گالت نحضر الغده
گتلها مااشتهي اني الف عافيه اكلوو
ليال..اكيد متغدي
..لا والله بس تعبان ومالي خلگ وين اتغده يعني
..شمعرفني وين گالتها بنتر
..اسلوبها استفزني خزرتها وهزيت راسي شبيچ ليال
..مابيه شي جاوبته بصوت عالي ومبينه مزعوجه
..امي موجوده مااگدر اطول بالكلام اخاف ننفضح
صعدت وگتلها عوفي الي بأيدچ ولحگيني
..ارتچيت ع الباب وخليت ايدي على خصري شكوو شرايد
..فوتي وسدي الباب ولتحاچيني بهالطريقه
..ماافوت اريد اروح اتسمم
..رفعت حاجبي الها بيچ شي انتي اليوم شبيچ تشمرين بالحچي
..معليك بيه گلي شرايد
..رايد افهم منچ حاجيتها ونسيت نفسي بديت اغير ملابسي واني ابد مااغير ملابسي يمها
..شفتها ارتبكت نزلت عينها عجبني احرجها اكثر
ليال خلي عينچ بعيني شبيچ احچي احد مضوجج
..البس وارفع عيني وعود احاچيك
..أها ست ليال مستحيه مني موو
..سكتت
..وهاي بدلنه گولي شبيچ وليش هيچ تعلين صوتچ عليه كدام امي
..مابيه كتلك مابيه خل اروح اتسمم طلعت جرني من ايدي
..لتطلعين واني ممكمل كلامي فهميني شبيچ
..اووو تره زودتها كلش  محد مضوجني وزاعجني غيرك
..هاي اني
..أي انت انت ممهتم بس النفسك متگول وراي احد ينتضرني شنو ذنبي اني وماما ننتضرك ومماكلين شي وتجي انت وتكملها ومتريد تاكل
..هذا الهمچ بس. يعني جي اخرتكم ع الغده اسف اني واعتذر روحي ليال روحي
من حاجتني هيج بالبدايه فرحت عبالي هامها طلعت تريد مني مواعيد وكل تفكيرها يم الغده الجوعيه قهرتني واني منا مفوول قهر خفت اتجاوز عليها گتلها روحي
بقت على وگفتها
..ليال روحي مو اعتذرت منچ اقدملچ عريضه حته ترحين تاكلين
..مااريد اكل كلشي مااريد
..ليال تره نفسي ماطايقها  وجاي تطلعيني من طوري واني الخاطرچ ساكت اخاف افقد اعصابي تطلعين انتي لو اطلع اني فضيني
..غورگت دموعي ماسيطرت نزلت دمعه كتله اني اطلع
..تعالي تعالي هاي ليش تبچين
..ماابجي
..لعد هالدموع شنوو ليال ليش هيچ مأذيج اني يعني انتي الي ضوجتيني وانتي التبچين
..انت محاس بيه وعبالك بس متطلباتي واحتياجاتي يوصلني وتدرسني وتسمع مني  اني اعيش بسعاده وخلاص
..هاي اني الي مو حاس بيج
..اي انت
..صدگ تحچين ليال لعد شنو اسوي حته ارضيچ گليلي لچ حارم نفسي من كلشي بس حته اشوفچ مرتاحه كل هذا وانتي هم ممرتاحه گليلي الراحه شلونها حته افتهم لعد اني الحاس بالراحه اني الي يوميه اموت الف موته وانتي يمي ومااكدر حته احضنچ لج اشوف نفسي بعد مااسيطر اطلع واتحمل واخلي قهري بگلبي واجيچ اضحك واريد اشوف ضحكتچ وهاي الراحه تكفيني گليلي بشنو مقصر وياج
يتبع ..