رواية ملكتي قلبي الفصل الثالث 3 - بقلم نور الشمس

علاء ..
..عقيل حبيبي شلونك الحمدلله على سلامتك
..حبيبي علاوي بخير انت شلونك مشتاقلك
..الله يخليك اني اشوق عقيل اريدك بموضوع مهم فوت وياي للبيت
..خو ماكو شي قلقتني يمعوود
..هسه تعرف اتفضل ارتاح واني احچي كلشي
سولفت العقيل كلشي وشلون شفت ليال وهيه تصرخ
..كل هذا صاير واني مااعرف معقوله تغريد بهالحقاره ليش هيچ تتصرف وي الطفله بعد هالكلام مراح اخليها دقيقه بالبيت
ام علاء ..
..عقيل طول عمري معتبرتك اخ الي ومرات احسك ابني حالك حال علاء ياريت تتقبل كلامي
..الچ كل التقدير ام علاء اخت غاليه الله يشهد عليه
..الله يخليك مرتك حامل وابنك جاي بالطريق لتحاول تخرب بيتك ليال امها وصتنه عليها واني تعرف غلاتها عندي خليها يمنه وانت مو بعيد عليها
واعتقد انت تعرف علاء شنوو وتعرف حرصه وخوفه عليها
..كل هذا اعرفه ومقدره الكم بس صعبه اخاف البنت تنساني واني اشوف امها بيها حيل متعلق بليال مااعتقد اكدر اخليها تنام بعيده عني
علاء..
..عقيل انت اكثر وقتك بالدوام واحتمال هالسبب الگلته انك تشوف امها بيها خلت تغريد تشيل بگلبها ع الطفله ونست هيه لاحول ولاقوه
ياريت تنطيني فرصه اثبتلك حرصي وخوفي عليها وشلون راح تكون بأيادي امينه يمي ويم الوالده
واتعهدلك مراح اخليها تنساك ودائما اخليك على بالها
بس ياعقيل وصية حوراء الهسه ابالي واني هم من الله سبحانه وتعالى مااعرف ليش هالطفله صارت روحي بيها
..مدام هيچ هذا هوو خلوها يمكم اني وياك واحد علاوي
..حبيبي عقيل تسلم ان شاءالله نكون گد هالثقه ونكون عد حسن ضنك انت وليولتي
بعدنه نسولف اجت ليال
..بابا بابا
..حبيبة بابا شلونچ ياروحي تعالي بحضني تعالي
شفت ليال شمرت نفسها على حضن ابوها وجانت فرحانه
..بابا حبببتي مرتاحه هنا تبقين يم عمو علاء وعمه لو تجين وياي
جنت مركز بوجها وخايف خاف تروح وي ابوها شفتها هزت راسها بنعم ابقه من گلها ترحين وياي هزت راسها بمعنى لا حسيت مي بارد ونزل على گلبي
بقه شويه عقيل يمها وطلع
عقيل ..
حيل ضجت من تصرفها واني چنت مأمن بيها صح البنيه ماحبيتها من گلبي بس ممقصر وياها بشي
ولا منتقص منها بديت اعيد ذاكرتي يمكن لأن مخلي غرفة حوراء مثل ماهيه وچنت بعض الأيام انام بيها واشم بملابسها وابجي وارتاح
يمكن هاي تصرفاتي سكتت عنهن بوقتها وعكستها ابنتي زين بنتي شنوو ذنبها ليش مواجهتني
وليش تواجهني اصلا هالشي من حقي مو من حقها تغار من انسانه متوفيه وهيه تعرف هالأنسانه شنو چانت بالنسبه الي
كل هالأمور مرت ابالي دخلت للبيت
تلكتني باوستني سلمت ابرود
گعدت ع التخم انتجيت على اديني خليتهن وره راسي ومنتضرها تحچيلي ارد اسمعها شراح تگول .
بقيت تقريبا نص ساعه ماحچيت شي وهيه تتهرب اخر شي گلتلي
..عقيل اني سكتت الخاطرك والله اجيت اروح لهلي
اني مو تايهه ويجي علاء يتهدد عليه شنو علاقته هوه وليش يدخل بينه احنه بيت واحد ليش ناطي مجال انت
..جاوبتها ابرود شبي علاء شسوالچ
..دفعني وتهجم عليه واخذ ليال مني وحيل مشتاقتلها
تحول الهدوء الى بركان باوعتلها بغضب
..مشتاقتلها موو لچ انتي بشر انتي
عبالچ مااعرف سوالفچ لج شلون هيچ مشوهه ايدها
..عقيل افهم والله قصدي اعلمها واربيها
..لج ربي نفسچ بالأول لو انصحچ تتعالجين انتي ابد مو انسانه
..عقيل اكيد هذا علاء كذب هالكذب انت ليش تصدگه
گمتلها فرگت حلگها حيل
.. اش سكتي الموضوع انتهى ليال يم علاء تبقه وانتي اني اعرف شلون اتعامل وياج

تركتها ورحت الغرفة حوراء حيل مشتاقلها وخجلان منها بنتي الوحيده الي من ريحتها ماحافضت عليها
بقيت اشكي همي للصور
صار العصر كلش طلعت رحت الأهلي قضيت الأجازه كلها واني وتغريد منتحاجه ولا سامحتها
علاء..
بهاي الفتره قربت امتحانات السادس چنت ذاب نفسي ع الدراسه وباستراحتي ليال يمي

طبعا بنت عمتي روان ابد متركتني ويوميه تحاول تتقرب اكثر واني اصدها
مااعرف ليش مجاي اتقبلها وكلت التهي بدراستي احسن
ذبيت نفسي ع الدراسه
واني حيل متفووق چنت كمت اقره ليل ونهار وماطلعت طول فترة المراجعه اتعب واسهر وانسه تعبي بضحكه من ضحكات ليال
مرت الأيام وامتحنت
اتفقنه اني وغيث نروح نمتحن
چان اول يوم اسلاميه
..غيوثي بشر شنو الأخبار عندك
..تمام علاوي انت شلونك
..ميه ميه
..الحمدلله
رجعت للبيت لاگتني امي
..شلونك يوم الأسئله شلونها
..تمام يوم درجه كامله ان شاءالله
..ان شاءالله حبيبي ربي ميضيعلك تعب
..يوم ليال الحلوه وين اريد يوميه اصبح بوجهه على هالحض الحلوو اليوم
..هههههه لعد يوميه اگعدها الك من الصبح
..ليولتي ليال تعالي حبي
..هلوو اني اجيت شنو جبتلي
..جبتلج النستله الي تحبيها
..يعني فريندوو الله
..هههههه اي فريندوو بس ماانطيها قبل ماخذلي بوسه منچ ياحلوه انتي
..اممموح احبك
..ياروحي أنتي اموت عليج طفلتي الحلوه
..يلله يوم روح بدل وارتاح لتاخذك ليال بالسانها وراك قرايه
..صار يوم حضري الغده بين مااغسل وأبدل

باچر امتحان رياضيات وبقيت قلق ومثل كليوم حضرت وگعدت اتصبحت بوجه لوله الحلوه والحمدلله كلشي تمام
مرت الأيام وخلصن الأمتحانات وبقيت منتضر النتجيه على نار
الى ان اجت النتائج
..يوم راح اشوف النتائج
بيبي اندعيلي انتي وابويه
..ياروح بيبي ربي يوفقك ويعلي مراتبك
..يلله يوم مع السلامه
..الله وياك يوم مو تتأخر گلبي نار صاير
..لا حبيبه مراح اتأخر
شفت النتيجه والحمدلله اكثر من ماچنت متوقع مطلع بوقتها  معدل طب عام
وغيث
اعتقد يطلعله هم طب او صيدله
رجعت فرحان وگتلهم بالنتيجه
بيومها الفرحه مو طبيعيه وعبالك ابيتنه عرس
عماتي وخالاتي والچكليت وجدي ذبح فده
واني حاير بليال لتطلع لتوكع لتتعور لحد يأذيها
مرت الأيام والأشهر وقدمت وانقبلت طب بغداد
وبديت اداوم
بالبدايه حيل صعب عليه وچنت متوتر من درس التشريح بعدين بديت اتقبله الى ان اتفوقت بي
وجنت من اذكى طلاب الدفعه
غيث طلعله طب عام بس گال نفسيتي متتحمل هالشي تشريح ودم وطوارء وتدريب
حول على الصيدله
تعرفت على زملاء وزميلات وصارت ايامي حلوه بس ابد ماچنت اعيش مرحلة عمري دائما احس نفسي اكبر من عمري خاصتا بعد وجود ليال
بحياتي دائما احس نفسي مسؤل عليها
فديوم گاعدين اني والوالده
..يوم وين ليال اشو ماكو
..نايمه من الضهر
..راح اروح اكعدها اشتاقيت الها
..لك علاء عوف البنيه شدعوه عليك هيچ متعلق بيها اني هم احبها ومربيتها بس خلي ابالك البنت يجي يوم وتروح منه
..صدگ تحچين وين تروح يوم مستحيل اخلي ليال تروح عنه
..حبيبي ابوها بأي وقت يگدر ياخذها
..يوم عفيه لتجيبين هالموضوع يمي والله مااتخيل حياتي بدون ليال
..حبيبي مصيرك تتزوج وتبدي تتقبل عدم وجودها الزواج يلهي عن هواي شغلات انت متستغني عنها قبل زواجك
..لذلك اني مراح اتزوج مستحيل افكر بالزواج واحتمال الي اتزوجها متتقبل وجود ليال وهيه اهم شي بالنسبه الي
..يوم لازم تعيش حياتك
..يوم قابل مااعيش حياتي الا بالزواج بعدين ويني ووين الزواج بعدني مرحله اولى گدامي خمس سنين
الله كريم الوقتها
..على گولتك الله كريم ها اها اجتك ليال گعدت
..ياهلا بليالتي بالحضن بالحضن مشتاق ابوس اني
..عموو حبيبي
..خرب روح ابوچ العلمچ تگليلي عموو يابه مو عمچ اني مو عمچ حجيتهن واني اجر خدودها بوستها وبدينه نلعب اني وياها