من عرفتك بدء عمري ..زاد النبض في صدري ..سرقت بضحكتك عمري الفصل الحادي وخمسون 51 - بقلم أسرار العيون

يوم جديد

:اشوي اشوي يمه...لو ظليتي في المستشفى مو احسن

ام حنين :ما اقدر اصبر اكثر من كذا تحملت 5 شهور مابي اتحمل اكثر

حنين :طيب انا راح ابقى معك هنا

ام حنين :لا يابنتي كيف تبقين معي وتخلين زوجك

حنين :يمه انتي للحين تعبااانه حتى ان الدكتور خرجك على مسؤليتك

كيف تبيني اتركك وانتي للحين تعبااانه

ام حنين :صدقيني انا بخير دام صرت في بيتي راح اكون بخير

حنين :لا يمه اسمحي لي انا ماقدر اتركك حتى لو كنتي زينه ما راح

اتركك تمنيت يجي هذا اليوم من زماان والحين اتركك واروح

ابتسمت لها وبعدها قالت :بنتي حنين ..قولي الحقيقة انتي بينك وبين

زوجك شي يعني احسك وكأنك تخافين منه قلبي مومطمأن

حنين بعدت عينها عن امها وقالت :لايمه ....هو زوجي كيف اخاف منه

ام حنين :طيب

حنين :يلا يمه لازم تنامين لك اشوي والممرضة راح تجي الحين وتحط

لك المغدي

ام حنين :بنتي

حنين :هلا يمه

ام حنين :جيبي لي ...شماغ ابووك

نزلت راسها بحزن :طيب

عند سديم

:ارسل ولا لا ارسل ولالا ...يوووووة وش اسوووي ياااربي ...لالا ما

راح ارسل اكييد بيفهم غلط واني حبيت حركته بس والله ودي ارسل بس

هذي الرسالة ...لالالا اكيييد هذي البداية وبعدها ممكن ارسل وارسل

يووووووووووووووة وش الحل

وقفت عن التفكير برساله

بسرعه فتحت الرسالة وابتسمت (اشتقت لك ادري انك مصدوم وادري

إن الي اسوية غلط بس انا جاد في كلامي واذا تبين راح اكلم امي واليوم

يتقدموا لخطبتك لي بس ابي اول اعرف ردك )

سديم بصدمه :هذا يتكلم عن جد ..شنوو اقوول والله محتاارة ارد ولا لا

اففف ..بس ليش احس اني موافقه يوووة وش اقول انا لازم ارد عليه

اخذت نفس ومسكت الجوال بس قطع عليها رسالة ثانيه ابتسمت بس لما

شافت الرقم اختفت ابتساامتها :هذا مو نفس رقم ماجد ...من يكون

فتحت الرسالة بأستغراب وانصدمت من المكتوب فيها

(سديم انا موو قادر انساااك ...وبديت احس بالخيااانه اتجاه ملك ابي الحل

ليش موو قادر اطلعك من بالي )

بدون لاتحس نزلت دموعها وجلست على السرير :جراح ...ليييش ليييييش

كلمتني لما جيت ببدي حياااة جديدة ليييييييييييش

وبدت تبكي وتركت الجوال من يدها ونست ردها لماجد

عند جراح

تنهد بضيق وهو ينتظر رسالة منها رفع راسه وناظر في ملك الي تتجهز

للعرس الي بتروحه

ملك :خلصت

رفع راسه وناظرها كانت في قمة جمالها بس جرحه على فقدان الي

يحبها عماه عن شوف جمال ملك

ملك بأستغراب :فيك شي

جراح :هاا ..لا خلينا نروح

ملك بضيق :طيب مابتقول لي كلمه حلوة

دار لها وابتسم بخفيف وقال :انتي حلووة على طول

ابتسمت معنها كانت تشوف الحزن بعينه بس ماتبي تيأس منه

في بيت ابو صقر

ابوصقر :ليش طلعوها الحين وبعدين كيف توديها لبيتها هناك مالها احد

ناظرت فيه ام صقر بضيق بس تعوذت من الشيطان وقالت :طيب هي

كيفها الحين

صقر :للحين تعباانه بس اصرت انها تطلع وتروح لبيتها وطلعها الدكتور

على مسؤليتها وحنين معها الحين وقالت لي انها تبي تبقى معها هذي الايام

وانا خليت معهم خدامه وسايق اذا احتاجوا لشي

ابو صقر :لاحول ولاقوة الا بالله ..طيب بس لمتى بظلو في بيتهم

صقر :مادري والله بس لين تطيب خالتي

عند الجوري تقربت منه وصارت تناظرة بحزن ودها تداويه بس للحين

جرحه لها ماطاب

الجوري بصعوبة نطقت :اخذت الدواء ؟!

ناظر فيها وابتسم بألم وقال :انتي دواي ...الجـ .

الجوري :لاتكمل ...راكان انا مقدر استمر معك للابد انت مو بس خنتني

انت ...صاحب ناصر ولو بقيت معي راح يتأذى ناصر ...

ناظرها بصدمه وقال :شكلك للحين تحبينه

الجوري :اناا ماقلت كذاا

راكان بغيرة :اجل شنووووووووو ...خايفة يتأذى ولا خايفة اني اتأذى

الجوري :راكااان انت وافقت على هذي الخطة لانك ماكنت تبي ناصر

يتألم بس لو استمريت معي راح يتألم وانت تتألم الحل الوحيد إن نفترق

وكل واحد يروح بحال سبيله

راكان :بس ..انتي حامل كيف ترضين إن يعيش طفلنا بعيد عن ابوة

الجوري بألم :راح تشوفه من بين فترة لفترة

راكان :لا هذا الكلام مو منطقي ابد انا ما راح اتخلا عن ولدي

الجوري :بس ولدك مايبي ابو مخاادع

راكان بتعب :الجوري ارجووووك لاتقسييييين اكثر من كذا

الجوري ناظرت في ملامحه الي تغيرت وقالت بخوف :راكان فيك شي ... يألمك شي؟!!

راكان بتعب :لا بس ارجـ ـوووك لاتتركيني

ناظرت فيه بألم ودارت راسها عنه ونزلت دمعتها وطلعت من الغرفة

بألم

مو كل شي نتمناه في هذي الحياة راح نحصل عليه

ومو كل شي نكرهه يكون سبب في تعاستنا

ومو كل شي نحبه يكون سبب في سعادتنا

فالحياة تصدمنا بأشياء لم نعتقد بأنها سوف تحدث

فالبعض يرحل ويأتون اخرون

والبعض تنتهي قصتهم لتبدء قصة جديدة

(تأليفي)

:اسرار شفيك سرحااانه

اسرار :هاا لا ولاشي

شهد :اسرار انتي من اليوم الي افترقتي عن اسامه وانتي بس سرحانه

اسرار :صعب اني اتقبل شي ماتوقعته ..كنت مفكرة إن عذابنا وفراقنا

وبكينا وحزنا انتى بس انصدمت إن بعد كل الي صار لنا افترقنا ...

وهذي المرة مو مثل كل مرة هذي المرة للنهاية ...... بدت تنزل دموعها

وكملت :حاولت انساه بس ماقدرت قتلني الشوق يا شهد ماتوقعت تنتهي

قصتنا كذا ..كيف راح ابدي من جديد وانساه وانسى ذكرياتنا ...كيف

انسى حبي له

سحبتها شهد وحضنتها وصارت تمسح على شعرها وتحاول تهديها

:اسامه ..اذا تبي راح نكلمها حنا

اسامه :لا لحد يكلمها ...احنا صعب نكون لبعض هذي المرة من صدق

النهاية ...حتى لو مو قادر اتقبل الوضع بس هذا الي مكتوب لنا ....امس

امي اتصلت علي وخبرتني انها خطبت لي

فيصل +بدر :أيــــــــــــش

اسامه :كل واحد لازم يشوف حياته ويبدي من جديد حتى لو كان صعب

فيصل :وانت وافقت على هذي الخطوبة

اسامه :ايه ...يمكن هذا الشي هو الوحيد الي بنسيني اياها

بدر :انت تعرف لو عرفت اسرار بهذا الشي شنو راح يصير فيها

اسامه :عشاان كذا ما ابيكم تخبروها وهذا الشي يظل بينا ..بعد اقل

من شهر راح ارجع للبلد ...انتبهوا لها زين

بدر :اساامه ..

وقف اسامه ومشى ونزلت دمعته على خده

}وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ{

:يمه انا بروح بيت عمي ابو صقر اشوي بشوفة وارجع لك

ام حنين :انتبهي لنفسك حبيبتي

حنين :لاتوصين وانتي انتبهي بعد انا ما راح اتأخر

ام حنين :طيب

طلعت حنين وتوجهت للسيارة بس انصدمت من اشخاص متقدمين لها بسرعه وحطوا على فمها منديل بحركه سريعه

انتبه السواق وركض بأتجاها بس واحد من الرجال ضربة على راسه

بالعصا

سحبوا حنين الي تخدرت من المخدر للسيارة

:وين بتروح

صقر بضيق :بطمأن على خالتي وارجع

رانيا بمزح :على خالتك ولا على الحبيبه

عطاها نظرة وطلع

توجه بسرعه لبيت حنين وهو حاط ايده على قلبه :افف شفيك ياقلبي ...

صار يتنفس بسرعه وفتح ازرار قميصه بخنقة

بعد دقايق وصل ونزل بسرعه بس انتبه للسايق المرمي على الارض توجه له بسرعه وحاول يصحيه بس مافي فايده اخذ اشوية موية ومسحها

على السايق الي بدء يفتح عينه وبدء يهمس بكلام مو مفهوم

صقر :شنووو تقووول ارجوووك تكلم ...

السايق :المـ دام ..اختط ـــــ فوها

صقر بصدمه :أيـــــــــــــــــــــــــــــــــــــــــــــــ ــــــــش

:انت شنووو تقووول كيف خطفوووها وانت وييين كنت

السايق :حاولت اوقفهم بس ماقدرت

صار يتنفس بسرعه وبتوتر :شنوو راح اسووي الحين وكيف راح اعرف

منو الي خطفها !!

فتحت عينها على مكان ظلمه حست بأحد متوجه لها رفعت راسها بخوف

وناظرت بضيق وقالت :منوو انتــي ولييييييش اناااا هنااااا !!؟

نهى :لهدرجة نسيتيني

تقربت لها اكثر

حنين بصدمه :هذي انتي

نهى :الحمد لله انك تذكرتيني

حنين :بس ليييش ...لييش انا هنااا

نهى :اممم فكري زين ...ليش ممكن اخطفك

حنين :شنوو تبين مني بالضبط

نهى :روحــــــك ابي روحك

وسعت عينها بصدمه وقالت :طيب لييييش

نهى :لانا الي مثلك حرااام يعيش

حنين :انا غلطة بحقك مرة او سرقت منك شي او ....

نهى :ايه سرقتي مني شي ....صقر هذا الانسان الي حلمت فيه من سنين

وبغضون كم شهر اخذتيه مني وانا الي جالسه احاول سنين

حنين :وانتي الحين تفكرين بقتلي

نهى :ايه ياحلوو وبعدهاا راح ياخذني صقر

اسماء(صديقة نهى) :نهى ...ما اعتقد انه راح ياخذك بهذي الطريقة

نهى بعصبيه :شنووووو قصدك !

اسماء: هو من البداية مافكر فيك ولا راح يفكر بعد موت حنين ..بس انا

عندي لك فكرة ...اتصلي لصقر وخبرية بأن حنين معك واي حركة منه

او اتصال للشرطة راح تقتلينها ..وخبرية يجي لهنا ويكون لوحده ..وبعدها

خبرية بأنه يطلق حنين قدام عينك ولا راح تقتلينها وهو اكيييد يفضل انه

يتركها على انها تموت وبعدها راح يطلقها ...وبعدين تزوجيه هنا واذا

رفض راح تموت حنين يعني كل شي راح يصير والمسدس بكون في

راس هذي البنت

نهى بابتسامة مكر :والله انك داهيه كيف ماخطر على بالي هذي الخطة

:هههههههههههههههه

ناظروا بسرعه لها بصدمه وقالت نهى :لييييييييش تضحكي

حنين :ههههههههههههه ههههههههههههههههههههه

اسماء :هذي جنت

نهى زاد غضبها وتقدمت بسرعه لحنين ومسكتها بقوة من شعرها وقالت :

قلت لك شنوووو الي يضحكك

حنين ببتسامه :انتي تفكري انه راح يضحي بنفسه عشااني

نهى :شنووو تقصدين ؟

حنين :مو انا الي يتمناها صقر ..عشاان كذا ما راح يهمه اذا كنت بموت

ولا لا

نهى :ههههه تفكريني غبيه بصدق كلامك هذا ....من بين الاشياء كلها الي

سويتها لك بس مانجح شي وظليتوا سواء

حنين :لانه مايبي يضايق ابوة ..وهو من الاساس ما كان يبيني بس اخذني

عشان ابوة

ناظرت نهى بأسماء بحيرة وبعدها ناظرت في حنين :المطلوب اني اصدق

الي تقولينه مو

حنين :لا بس انا انبهك ..صقر ما راح يهتم اذا كنت بمووت ولا لا

سكتت نهى اشوي وبعدها قالت :راح نتأكد ونتصل ونشوف ردت فعله

اذا كانت قويه يعني كلامك بكون كله كذب واذا كان صحيح فودعي

حيااتك لاني ما راح اسمح لاحد ياخذ صقر مني حتى لو كان هو مايحبها

نهى :عطني الجوال

تقدم وسلمها الجوال

نهى :والحين راح اتصل واتأكد

اسماء :خليه مايك

نهى :اكييد

في بريطانيا

في الجامعه

اسامه :طيب يمه والحين قولي لي منو الي خطبتينها لي

ام اسامه :بنت خالتك مريم

اسامه :أيـــــــــــــــش !!

ام اسامه :شفيك بسم الله عليك

اسامه :يمه انتي تعرفي اني ما احبها ولا ابيها

ام اسامه :بس انت وافقت لما قلت لك بخطب لك

اسامه :ايه بس الا هذي

ام اسامه :ليش شنوو الي مايعجبك فيها

اسامه :كل شي ...يمه هذي حيااتي وانا الي ابي اختار منو اقدر اكمل

معها

ام اسامه :تقصد تبي تاخذ وحده لا هي منا ولامن مواخيذنا

اسامه :يمه انا نسيت هذي البنـ ـت ....بس ما ابي بعد تخطبي لي وحده

مابيها

ام اسامه :والحين كيف شنوو تبيني اسوي انا اتصلت وخطبتها والله فشلة

ارد بكلامي مع اختي

اسامه :كان المفروض من البداية تشاوريني مو كذاا

ام سامه تنهدت وقالت :طيب امري لله راح اتصل واخبر اختي واشوف

لك وحده غيرها

اسامه :بس تقولي لي منو هي قبل لاتتصلي للجماعه

ام اسامه :طيب تبي شي ثاني

اسامه :لا يالغاليه انتبهي لنفسك

ام اسامه :ان شاء الله يلا فمان الله

اسامه فمان الكريم

سكر اسامه وتنهد ودار رايح لمحاضرته بس وقف منصدم من الي كان

وراه وباين سمع كل شي

اسامه بصدمه :اسـرار ..!!!

:الووو

:وحشني صوتك

:منووو انتي

:افاااا نسيت صوتي ..انا نهى

صقر :ايش ..شنوو تبين

نهى :اممم ماحسيت إن في شي انفغذ منك

صقر بأستغراب :شنوو تقصدين ..

فترة صمت

وسع عينه بقوة وقال :حنيــــــــــــن ووووووووين

نهى :هههههههههههه ذكي ياحلوو ..والحين ابيك تجي هنا بس لو عرفت

انك اتصلت على الشرطة او قلت لاحد صدقني راح تموت حنين قبل

لاتوصل لها

صقر بحقد :وين هذا المكان

ابتسمت بخبث وبدت تشرح له

سكرت وهي تضحك وقربت لحنين المصدومه من ردت فعله

نهى :شكلك شااطرة في الكذب ...الرجال شكله مجنووون عليك

حنين بهمس :بس كيف ..هوو كان يبي يقتلني كيف يبي ينقذني الحين

:اسرار ..!!

بألم :خطبت ..

اسامه نزل راسه وقال :بعده ماصار شي ...بس ان شاء الله قريب

ناظرت في عينه بحزن وقالت :الله يوفقك مع الي بتختارها

دارت وصارت تمشي بألم نزلت دمعتها على خدها وهي تحس بأن روحها

تطلع منها

اسامه نزل راسه بألم :اسرار ..

وقفت مكانها بدون لاتدور

اسامه :انتي بعد لازم تتزوجي وتنسيني وتبدين حياة جديدة

نزلت راسها وكملت طريقها

هذا نهاية البارت