من عرفتك بدء عمري ..زاد النبض في صدري ..سرقت بضحكتك عمري الفصل الخامس عشر 15 - بقلم أسرار العيون

فتحت عيني بأنزعاج من ضوء الشمس ابتسمت لما تذكرت انه باقي 3 ايام وارجع السعودية لديرتي الي مالي غنا عنها
قمت بكل نشاط وانا ناسيه الي صار امس
توضئت وصليت وبعدها اخذت لي دش على السريع ولبست

طلعت من الغرفة وانا احس بحركه في المطبخ عرفت انه هو بس ماهتميت دخلت المطبخ وفتحت الثلاجة اخذت منها موية واخذت الكاس صرت اشرب وانا احس بنظراته تراقبني ناظرته بسرعه وهو من شافني أناظره بسرعه طلع من المطبخ وبعدها سمعت باب الشقة يتسكر شهقت بقوة وقلت :يوو هذا المجنووون تركني وراح
وبسرعه ركضت وانا حامله بيدي شنتتي
ومثل العادة انا امشي وراه واناظر في الناس وبعد دقايق وصلنا لمحطة الباصات ناظرت فيه اليوم متغير واحسه يتفادى انه يكون معي لا يكون متأثر من الي صار امس وانا شعلي منه بالطقاق
انتبهت إن الي بجنبي مو موجود ناظرت حولي وشفت الباص وهو يمشي صرخت بقوووه عشان يوقف وصرت اركض وراء الباص مثل الخبله
اسرار وهي تركض :ستووووووووووووووووب بليييييييييييز
واخيرا انتبه لها صاحب الباص و وقف وركبت وهي منقهرة من ريان الي ما عطاها خبر رحت له بسرعه وانا حدي معصبه :انت ليش ما قلت لي ان الباص جاء ولا كأن معك احد !!
ريان حقرها وصار يناظر في الطرق
اسرار : انت هـــــي انا اكلمك رد علي
ناظرها ببرود يقهر وقال :نعم بقيتي شي
هنا شبت اسرار نار وصار الدخان يطلع من اذنها وقالت بصوت الكل التفت لها : لااااا سلامتـك ما بقيت شي
وراحت مكانها جلست بقهر من تصرفاااته الي ترفع الضغط

___________
الساعه 8 اليل
في بيت ابو صقر
نزلت من الدرج بسرعه وفتحت الباب بأبتسامه بس اختفت ابتسامتها لما شافت الي قدمها مو البنات الي كانت تنتظرهم كان قدامها ....
سديم بشوق مخفي :جراح
ناظرها بحزن والم وكان يردد في داخله ليش ليش هي الي فتحت الباب ليـــــش
سديم لما حست بنفسها بسرعه صارت وراء الباب وقالت بشوق :بغيت شي
جراح بألم :بغيت صقر
سديم :دقيقة بس بناديه
سكرت الباب بفرح تحس من زمااان ماشافته
راحت بسرعه لغرفة صقر وطقت الباب لين سمعت صوته وهو يأذن لها بالدخول
سديم :صقر صاحبك جراح تحت
صقر ناظر فيها وقال :اوكي الحين جاي خلي الخدم يدخلوه المجلس لين انزل
نزلت وخبرت الخدم وركبت بعدها اشوف حنين اذا خلصت ولا لسا
دخلت عليها كانت في قمة الجمال :واااااااااااو لا لا حطمتيني
ابتسمت حنين وقالت :لا والله انتي طالعه قمررر بعد ..بس مو البنات الي كانو عند الباب ؟؟
سديم طق قلبها بسرعه لما تذكرته وقالت :هااا .. لا هذا صاحب صقر
حنين :اهاا

وهذا لبس حنين

و هذا لبس سديم

__________
كانت تبكي بشهقات عاليه وبجنبها امها الي تهدي فيها حضنتها بألم وقالت :يمـــه مااابيه مااااابيه
ام رعد بحزن :لاتخافي انا بكلم ابوك وان شاء الله ما تأخذي الا الي تبينه
نوف بفرح :صدق يمه
ام رعد بابتسامه حنونه :ايه حبيبتي كم نوف عندي بس انتي لا تجيبي له
طاري نواف ولا تلمحي
نوف مسحت دموعها :بس هو قال امس انه بيرد عليهم وبقول موافقين
ام رعد :لا لا تخافي ابوك ما يطاوعه قلبه اهم شي عنده هو انتي بنته دلوووعته ما بسوي شي يزعلك منه
نوف ابتسمت وقالت :ادري بس اخاف في لحظة غضب يسويها
ام رعد :وانا وين رحت بوقفه على طول
باست راس امها وحضنتها تبي تدفن نفسها داخل امها تبي تنسى هموم الدنيا في حضن امها
___________
دخل الغرفة بعد ما طلب انهم يدخلوا اول مريض
دخل المريض الاول وكشف عليه وطلب منه بعض الفحوصات والتحاليل بس باله كان مشغول وكل دقة من الساعة يطق قلبه وهو يحس انها الحين بجي دورها
طقت الباب وفزع من مكانه
ناظرت فيه وكتمت ضحكتها الواضحه من عينها
عدل جلسته وقال :نعم بقيتي شي
دينا :المريضة اسيل وصلت
طق قلبه بسرعه وحس بتوتر و بألم وبشوق وقال بصعوبة :خليها تدخل
دار بالكرسي وهو يبلع ريقة سمع صوت الباب ينفتح وصوت خطواتها غمض عينه بألم لو بيده كان قدم استقالته ولا يخبرها بخبر موتها
ناظرت فيه بأستغراب وقالت في قلبها (ايه اكييد مو هو الي يتألم هم كذا الدكاترة دائما متكبرين وما في قلبهم رحمه ...شفيه ذا بظل طول الوقت كذا والله بمووووت من الخوف ابي اعرف شنووو فيني )
كانت الدكتورة دينا موجودة لانه هو الي طالب منها تكون معه عشان تتعلم وتشوف كل خطوة يسويها
دينا (شفيه ذا شكله مطول )
ضغط على ايده بقوة واخذ نفس ودار بالكرسي لترى اسيل وجهه

_____________

في بيت ابو صقر وبالتحديد في المجلس المخصص للنساء
صاروا يتحاضضن ويبكوا و يسلفون ويقولو كل شي صار معهم
العنود :هههههههههههههههههههه والله كفووو حنووون فزتيهم
سديم :كنت بفوز بس كله من مشعلوووه ورنيموووه
سلمى :هههههههه ماتقدري حبيبتي دائما حنين الاولة في السباقات حتى لو افخااخ
الهنوف :هههههههههههه ياليت انا معكم
سديم: الجايااات اكثر وان شاء الله تجون
حور :صحيح حنين وين جوالك روينا اياه
حنين ناظرت سديم بابتسامه وناظرت فيهم وقالت :الحين بجيبه
ركبت بسرعه واخذته وهي نازلة انتبهت انها مو لابسه عباااه فصارت تركض عشان توصل بسرعه
وطاااااااااااااااااااااااااااااااااااااااااااااااا اااخ
طاحت على الارض وناظرت شافت صقر يناظرها بنظراته الي تعودت عليها وهي نظرات الاستحقار :شكلك مصدقه إنا البيت بيتك
قمت بسرعه وانا اتجاهل كلامه بس وقفني بمسكت يده على يدي درت له بصدمه وهو ناظرني وقال :حركات الشرف المزيفة هذي مو عندي انا عارف الاعيبك
ما تحملت وأعطته كف ترد فيه قهرها منه وراحت تركض وهي حابسه دموعها
وقف مصدوم وحط ايده على خده بقهر وقال :تردينها لي يا بت ... استغفر الله ابوها مات وانا بسب فيه استغفر الله
وقفت عند الباب تسترد ابتسامتها ومدت ايدها بتفتح الباب بس بعدت ايدها وهي تسمع البنات يتكلمووون عنها
الهنوف :والله انها تغيرررت كثيرر ..تذكروا بناات كانت هي اكثر وحدة تسولف واكثر وحدة تضحك
سلمى بحزن : والله إنا حالها ما يسر
حور :أي والله تغيرت كثيرر واحسها صارت حساسه وماتضحك مثل اول ولا نشيطة مثل اول احسها انكسرت
سديم بحزن :والله سويت الي اقدر عليه بس مو راضيه ترجع مثل قبل
العنود :حنا عارفين يا سديم انك ما قصرتي بس نفسية حنين انقلبت وصعب تعتدل احسها كرهت الحياة
حور :الامل الوحيد الي تبقى عندها هو استيقاظ امها ولولا سمح الله ماتت امها راح تنهار وتزيد حالتها
الهنوف :تتوقعوا اذا رجعت اسرار تقدر ترجع حنين مثل قبل
سلمى: صحيح إن اسرار صديقتها قبلنا واقرب وحده لها بس ماتوقع تقدر والحل الوحيد هو ان حنين هي الي تقوي نفسها بنفسها
نزلت راسها بحزن وقالت (وانا بعد يا صاحباتي ابي ارجع مثل اول واحسن بس احس الشي الي داخلي انكسرر انكسرررر ..رفعت راسها وناظرت الباب وكأنها تشوفهم وكملت بابتسامه وقوة غريبة جاتها ..والله لابتدي من جديد واصير مثل اول واحسن عشانكم يا اغلا خوااات )
دخلت وهي تبتسم ابتسامه مشرقة عكس الي راحت فيها
وقالت :هذااا هوو بس هاااا لا تكسرروه ترا ابيه والله
سلمى بأبتسامه وهي تحس تشوف حنين القديمه :ههههههه لا لاتخافي مابنكسرة انبسطي
العنود بصدمه وتهمس للهنوف :الحين هذي الي كانت معنا من اشوي
الهنوف :لا تحسدينها وترجع مثل قبل وي فديتها شوفي كيف تتكلم بنشاط مثل قبل وابتسامتها الي فقدتها
العنود :والله اشتقت لهـ الابتسامة المشرقة
حور :واااو تكسريه بالعافيه حنووون
حنين :هههههههه حرام عليك
سديم بفرحه حضنت حنين والكل ضحك على وجه حنين الي بدت تختنق من حضنت سديم وكملوا هم عليها وحضنوها بشووووق كبير وبضحكهم بس ناقصهم
اسرار الي حنين تنتظر رجعتها بفاااارغ الصبر
______________
في كوفي الجامعه
اسرار وهي تناظر ناس بعيد مجتمعه: اقول بنات شنو عندهم هذيل
شهد :هذيل كل كم شهر في مسابقه شكل والي يفوز جائزته هي ساعه يطلب ويتامر الي يبيه فيها
اسرار:اهاا وانتو اشتركتو
ريم :لا لانا عارفين مابنفوز بس فهد كل مرة يشترك
امجاد :بس ريان لو اشترك كان فاز بس هو ما يبي لاهي بكتبه
اسرار :اهااا وشنو المسابقة هذي المرة
امجاد :اتوقع سباق السباحه كذا سمعت وبكون في مسبح الجامعه الكبير والكل بروح <<والله كشخه فيه مسبح بعد في الجامعه <<ترا من خيالي
اسرار: وااو في مسبح هنا
ريم :يب يب
ناظرت بالشباب الي جو وسكت من شفت الاخ اقبل اقصد ريان من غيرة يعني
جلس بنفس الطاولة لانها كبيرة وجلسوا الشباب فتح كتابه وصار يتصفحه بس انا حاسه إن اذنه معنا
شهد :اجل فهد بتشترك في السباق مو
فهد :اكيييييد خاصة اني احب السباحه واكييييد بفوز مثل كل مرة
امجاد :خف علينا يالواثق تراء بس مرتين الي فزتهم وماتسوى عليهم فوزوك ما بقى طلب ماطلبته في هذي الساعه
فهد :والله جتني الفرصة تبيني ارميها وبعدين حلوو تتأمر لمدة ساعه شعوررر حلوو
الكل عدا ريان :ههههههههههه
امجاد :ريان شرايك تسابق
ريان ناظرها ورجع ناظر الكتاب وقال :تعرفيني ما احب اتأمر <<كان قاصد
فهد :لا يعني لا تتامر بس قول الي تبيه واذا ما تبي شي ترا انت حر مو غصب
حقره وصار يقراء في كتابه
اسرار وهي تكلم نفسها بس سمعها ريان لانه كان بجنبها :اصلا حتى لو اشترك مابفوز هذا المغرور
رفع حاجب وناظر فيها وهي من حست يناظر فيها صارت تشرب بالكافي الحار الي لسع لسانها
فهد :تدرون شنو بطلب في هذي الساعه اذا فزت
ريم بملل :ايش ؟؟
فهد ناظر بأسرار الي عدلت جلستها من انتبهت لنظراته الي ارتعشت منها : اني اعزم اسرار على الملاهي والمطعم توديعي لها
رفعت راسي بصدمه ومدري ليش ناظرت في ريان بسرعه شفته يناظر فيه بس مافهمت نظراته
صحيح الكل انصدم بس بعدين مشوها لانا فهد جريء ومو غريب هذا الطلب
ريان نزل الكوفي الي يشربه على الطاولة و وقف وهو يقول :بدر سجلني من المشتركين وراح والكل منصدم ويناظروا بعض بصدمه
ابتسمت مدري ليش بس حسيت براحه وكانه راح ينقذني
__________

ضغط على ايده بقوة واخذ نفس ودار بالكرسي لترى اسيل وجهه
رفعت راسها لما حست انه دار بس وقفت فجأة بصدمه وقالت :انــــــــت!!
رعد بشوق بس مو بينه :ممكن تجلسين
اسيل :طبعا لا دام انت الدكتور انا مااابي
رعد تنهد وقال :انا هنا دكتور مو رعد الي تعرفيه
اسيل والدموع تجمعت في عينها :انت اصلا ماتستحق لقب دكتور لانك تجرح اكثر من تعالج الجرح نفسه
اخذت شنتتها وقامت من الكرسي وتوجهت للباب بس بسرعه مسكت يدها دينا الي مو فاهمه شنو صاير بس الي يهمها المريضة
دينا :انسه اسيل انتي لازم تعرفي حالتك قبل لا تطلعي
اسيل ناظرت برعد بحزن والم وجرح للحين ينزف :ممكن انتي الي تقولي لي
رعد :بس انا الدكتور هنا وهي مجرد مساعده مبتدئة
انقهرت من كلمته بس ماهتمت له ودارت لاسيل الي نزلت دموعها على خدها وقالت :ودي اساعدك بس مو انا المسؤولة عن حالتك الدكتور رعد هو المسول ولازم تسمعيه ...انا صحيح مدري شنو صاير بس عشان صحتك جلسي
ناظرت اسيل في دينا الي باين منها اهتمامها بالمرضى وطيبة قلبها
رجعت وجلست مكانها وناظرت في عين رعد ودموعها متحجرة في عينها وقالت :ممكن تقول لي شنو فيني
رعد (ياااااربي مااابي اخبرها احد ينقذني مابي انزف جرحها اكثر ياليتني مادخلت طب صدق والله صعبه علي هذي الحظة)
ناظرت فيه طول سكوته خلاص هي مو متحمله وجودها بقربه اكثر تبي تقوم بس لازم تسمع نتيجة تحاليل الفحص
رعد بتوتر :انسه اسيل انتي مصابه بـ مرض السرطـ ـان في الكلـ ـهـ
وقفت بصدمه وعينها صارت تنزف دموووع وقالت بصدمه :أيــــــــش
رعد ضغط على ايده بقوة لين بانت عروقة
دينا وهي تحط ايدها على كتف اسيل وقالت لها :قل لن يصيبنا الا ماكتب الله لنا هذا قدر ومكتوب
جلست اسيل على الكرسي بصدمه وتكلمت بهدوء عكس الي داخلها
:وكم بقالي من هذي الحياااه
نزل رعد راسه يحس انه في اختبار صعب ومو قادر يحله
صرخت بقهررر بحزن بصدمه :جاااااااااااااااوبنـــــــــي
رفع راسه وقال :انا مقدر احدد لك هذا بيد رب العالمين
اسيل :ارجووووك قولي كم بقا لي لعيشه
يحس وده يقوم ويحضنها ويقول سااامحيني ساااامحيني يا اسيل والله قلبي يتقطع اكثر منك انا عايش لانك عايشة بس شنو بصير فيني بعدين
ناظرة فيه وقالت :ارجوووووووك
رفع راسه وناظر دموعها الي تنزل بدون توقف وقال : 8 شهور تقريبا
حطت ايدها على فمها بصدمه وبدت تزيد بكي
حضنتها دينا وهي تخفف عنها المها وحزنها
رعد وقف وقال :انا راح احط لك مواعيد عشان تتعالجين وممكن يفيد بأنه يزيد المدة
ناظرته بقهر وقالت : مابي منك شي ولا ابي اتعالج خلني امووت في يومي ولا ازيد عنه لاني كل ما زدت كل ماكثر عذابي وجرحي
رعد بجفاء عكس الي داخله :هذي صحتك وانتي حرة فيها
ناظرته دينا بصدمه هذا مجنووون لا لا انا اشك انه دكتور ليش يقول كذا لها وهي منهارة
وقفت وطلعت تركض خلاص انجرحت منه كثيررر وحتى في مرضها ما رحمها
ناظرت دينا فيه بقهر وطلعت تركض وراها
جلس على الكرسي بأنكسار ونزلت دمعته وقال :والله احبهااا وللحين ما نسيتها بس راح تتألم اكثر لو حنيت عليها وراح اتألم اكثر لازم اعاملها كذا عشان تصير اقوى مني
دينا وهي تركض وراها :انسه اسيل انسه اسيل
مسكت يدها ودارت وجها لها وقالت :لا تهتمي بكلامه هذا شكله جن بس صدقيني انتي الي راح ترتاحي لازم تجين تتعالجي يمكن الله يكتب لك عمر جديد الله قادر على كل شي
اسيل ناظرت فيها والدموع على خدينها وقالت :ياليت المرض هو الي كسرني بس الي كسرني مو المرض
وناظرت غرفة رعد وقالت :عن اذنك انا رايحه
وراحت وهي تسمع ندا دينا لها
دينا :صدق ماعنده احساس
وراحت وهي معصبه غرفة رعد وفتحت الباب بسرعه
____________
رنيم :مشعل شفيك خلاص عااااد ما صارت بنت
مشعل :لاني ابي ابتدئ من جديد وهي لأزقة فيني لزق
رنيم :غير رقمك
مشعل :غيرته فوق 5 مرات والحين بعد أغيره والله مليت كل مرة انقل رقمي لاصحاابي
رنيم :والله انا قلت لك بساعدك بس انت عنيد مو راضي تنفذ شرطي
مشعل :اقول قومي بس قومي
رنيم باستغراب :وين
مشعل :مجنونه انتي ولا لا يكون مصابه بالزهايمر تنسي كل شي بسرعه
رنيم بعصبيه :بسم الله علي لا تفاول
مشعل : مدري عنك مو انتي الي قلتي لي تبين تروحين للبنات في بيتنا وتجلسي معهم وإن سلطان مشغول فتصلتي علي والله حسيت نفسي سواق
رنيم :يووووو ههههههه والله نسيت خلاص بلبس عباتي واجي لك
مشعل وقف وقال: انتظرك في السيارة اكثر من دقيقة بمشي عنك
لفت عليه بصدمه وهو طلع اما هي صارت تركض تلبس عبأتها وركبت السيارة
مشعل حرك سيارته ورن جواله رفعه بملل وقال :وبعــــدين يعني والنهاااايه ؟!!!!
البنت :والله احبك ولا قادرة انساك
مشعل :وانا قلت لك ما ا ح ب ك افهمـــــــي
البنت وهي تبكي :حرام عليك والله حرااام
مشعل :فهميني متى انا قلت لك احبك كل الي كان بينا صداقة وانتي قلبتيه لحب
البنت :بس انت كنت تهتم فيني كثيرر وانا فكرتك تحبــ ...
قاطعها وقال :انتي قلتيها فكرتين يعني مو انا خلااااص والله طفشتيني في عيشتي انا ....
وسحبت منه رنيم الجوال وقالت بغرور :وبعدين معك قال لك مايحبك افهمــــي
البنت:منووو انتي وليش معه
رنيم :انا حبيبته وهو يحبني وانا احبه
مشعل من سمع كلامها لف بسرعه السيارة و وقفها على جنب بصدمه وطقاات قلبه تزيد وهو منصدم شنو صار فيه
رنيم بخوف سكرت من البنت بعد ما سمعت صوت بكاها وقالت بخوف :مشعــــــل شفييييك وقفت قلبي حراااام عليك والله توني في عز مراهقتي
ضحك على كلمتها وقلبه للحين يطق بس تجاهله وقال اكيد توتر بس
ومشى بالسيارة وهي تسولف معه وتضحك اما هو بس يبتسم يجاملها ولا هو مو داري شنو صاار فيه بعد كلامها الي قالته للبنت

______________

صقر :شفيــك ليش كذا وجهك مقلوب
جراح ناظره بحزن مايقدر يقول له لانا الانسانه الي يحبها ويبيها هي اخته
:مافيني شي بس قولي في اخبار عن عشيقتك
ناظر البحر وقال :بقى على الشهر اسبوع اذا ما جاء لي خبر عنها خلال هذا الاسبوع مدري شنو بصير فيني
جراح :انت ليش ما تبتدئ من جديد هو حب طفولة يعني مو بالشي المهم وبـ ...
قاطعه صقر وقال :حب الطفولة هو الي يكون حقيقي مو حب هذي الايام
جراح بألم :من قال حب هذي الايام هو الي تحس فيه بألمه وبفرحه وبكل شي فيه
صقر :اووووه شكلك حبيت ومحد سما عليك
ابتسم له ورد يناظر في البحر بس قطع عليهم سرحانهم صوت جوال صقر
رفعه وبسرعه وقف وقال :بشرني لقيت خبر عنها ؟؟
:أي ياطويل العمر بس ....
صقر بخوف : بس أيـــش
بلع ريقة وقال :انا سمعت بعض الي سألناهم انها ...
صقر بنفاذ صبر :انهااااا شنووو

______________

نواف باستغراب :شفيها ذي اتصل ما ترد
ماجد :تقصد من ؟
نواف: هاا ..هههه اقصد اختي الخبلة
ماجد :الله يخلف عليك
طلال :شباب والله ملل شرايكم نروح البر بكرة
وليد :فكرة حلووة بس للاسف بكرة في عزومه في بيت عمي ابو سلطان
ماجد :خلاص اجل الي بعده ونخبر الباقي
نواف وهو مو معهم مع الي ماخذه قلبه مو عارف ليش ماترد على مكالماته هذي اول مرة
وليد دق جواله وفز بسرعه وراح اشوي بعيد عنهم وقال :هلا والله بقلبي
توني افكر فيك
مرام :توك هاا
وليد :لا مو قصدي كذا انا على طووووول افكر فيك بس الحين بالذات طق قلبي مثل الطبول
مرام :هههههه اوكي انت مشغول
وليد :لعيونك ماكون مشغول
مرام :يووووه خلاص بندر والله خدي صار احمرر بسك غزل فيني <<طبعا هو قال لها ان اسمه بندر
وليد :وتستحقين اكثر بعد بس والله ودي اشوفك لو بس لمحه
مرام :حنا شنو تفقنا ولا ترا راح ازعل منك
وليد :لالالا الازعلك مقدر عليه
مرام ضحكت وكملوا سوالف ولا درت ان الي تكلمه هو ولد عمها ولا هو درا

_____________

دخلت عليهم بنشاطها المعتاد معنا في شي شاغل بالها وهو مشعل الي تغير فجأة وطول الطريق ساكت بس يتكلم ولا عارضني بشي
سديم :جات الاخت
رنيم :ليش لايكون موعاجبتك بعد
حنين : الا عجبتنا بس تعالي سلمي بالاول بعدها تخانقي مع سديم مثل ماتبين
رنيم :ههههههه أي والله
وصارت تسلم عليهم
وبعدها جلست وسط حنين وسديم الي باعدتها بالقوة
سديم :ووووووووجـــــــــــــع
الكل :هههههههههههههههههه
رنيم :اقول سدووم شرايك اتصل على بنات العم والعمه يجون ونسوي سهره صباحيه وفرصة يتعرفوا على البنات
حنين :والله فكرة حلوووة
سديم :الي طلعت الفكرة هي الي تقوم تتصل
رنيم :ولا يهمك كم سدووم عندي بقوم اتصل
وراحت تتصل
حور :عن اذنكم بنات عندي اتصال
طلعت برا وصارت تكلم وبعدها سكتت لما حست بحركة اتجهت اتجاه الحركة و وقفت مصدومة بسرعه عطته ظهرها والتوتر باين عليها
رفع راسه وانصدم من وجود بنت هنا نزل راسه ودار بس فجأة رجع بسرعه ورفع عينه وناظرها تقرب بس استغفر ربه وبعد بسرعه
تنهدت براحه ومسحت دمعتها ورسمت ابتسامه على شفاتها وراحت للبنات

جراح :صقر ليش تأخرت ؟
صقر بسرحان وباله مو معاه
جراح :صقررررر !!
صقر :هلا
جراح :شفيك ؟!
صقر :مافيني شي بس خلنا نروح الشركه
ساق جراح لانا حالت صقر ما تسمح له يسوق
وصلوا لشركه ونزل توجه لمكتبه وبعد دقايق دخل عليه وقال :ياطويل العمر انا مو متأكد بس بعض من الناس قالو لي كذا
صقر :يعني في احتمال تكون .. ما ماتت
:أي بس انا ابي شي يساعدني على العثور عليها
ناظر في صورتها بحزن وقال :بعطيك هذي الصورة بس ياااا ويلك اذا ضاعت او صار لها شي ما تلوم الا نفسك
:لا تخاف ياطويل العمر وان شاء الله اجيك بالاخبار السارة
طلع وناظر فيه جراح
وقال :صقر انساااهااا
صقر : جراح لا تقول لي انسااهاا انت ماتعرف هي شكثر تعني لي هي الي خلتني ابتسم دووم وكانت دائما معاي ولما كنت اذاكر للمدرسة تقول لي انت بتصير اشطر واحد كلماتها صحيح كانت صغيرة بس لها معنى كبير لين صرت احسن واحد في دفعتي والاول على كل شي كانت دوم تمسك بأيدي وتبوسها تقول عشان لا تروح لشي مو زين
ابتسم وهو يذكر كلامها بس اختفت ابتسامته وهو يذكر الكف الي عطاه لحنين بأيده
جراح :فيك شي
صقر :هاا لا لا بس خلنا نمشي ضاق خلقي

______________
في بريطانيا
دخلت الشقة وجلست على الكنب بتعب وغمضت عينها بس حست فيه موجود ويناظرها ناظرته وقال :شكلك حبيتي فهد
انصدمت منه شنو فيه ذا جن :هـــي انت شفيك مصخن اليوم
ريان :بكرة راح تشوفي مين الي بفوز انتي و حبيب القلب فهد
انقهرت و وقفت ورحت لغرفتي بس قبل لا ادخل درت وقلت :انا اقول لو تسحب تسجيلك يكون واااجد افضل عشان لا تفشل نفسك والكتاب باين من عنوانه
ودخلت وتركته بقهره
جلست على السرير ونزلت دمعتها وقالت :انا ما دخل قلبي بعد اسامه احد كيف يتجرأ ويقول كذا
____________

في بيت ابو صقر
كانوا متجمعين الكل وكل وحدة ماسكه لها شبس تاكل فيه والي ماسكه حب تفسفس والي تشرب الشاي والي تشرب مشروب غازي والي تسولف على جنب بس الاكثرية كانوا متجمعين حول شاشة التلفاز الكبيرة وحاطين على فلم رومنسي
رنيم بانزعاج من صوت بكي نوف :اووهوووووه نوفوووه بعدين ابكي مو وقتك لا تخافي البطل والبطله ما راح يفترقوا فكينا عاد ابي اركز على الفلم <<حسيت معادلة رياضيات بتركز فيها
نوف ما سكتت ولا قدرت تسكت هي ماتبكي عشان الفلم هي تبكي على حالها الي ماتعرف شنو بصير فيها
سلمى :يلا عااااد نوااافه سكتي ترا كل الافلام في البداية كذا واكيد بيرجعو
سكتت نوف لانها عارفة انهم مو فاهمين ليش هي تبكي
اما حور كانت سرحانه وبالها مو مع الفلم ابد
حنين :فيك شي
حور :هاا لا لا مافيني شي بس ليش تبكي نوف
حنين بابتسامه :عشان الفلم
حور :هههههه
الجوري :مرامووووه ياحماااارة عندك شبس ليش تنطين على الحقي !
مرام :لانه احلا
الجوري :لا والله انا اشوفهم مثل بعض
اشواق :لا انتي تعرفي اختك عندها كل شي من عندك احلا
الجوري :ايه اكلو بعقلي حلا
العنود :لالالالا يا خبلة ليش ما راحت كانت بتشوف البطل
جنى :أي والله صدق غبيه
لمى :بس سكتوو ابي اسمع
وصارت تشرب من مشروبها الغازي
الهنوف :وووي يهببببل البطل
سديم :أي والله مدري من وين يجبوهم
حنين :بنات شرايكم نسكر الفلم ونجلس مع بعض ندردش
الكل :لااااااااااااااااااااااااااااااااا
حنين مسكت اذنها :خلاص خلاص فهمت ليش كل هـ الصراخ
الكل :ههههههههههههههههههههههههه
وكملو السهر بأزعاجهم الحلووو

نهاية البارت
شنو فيها حور من شافت صقر انقلب حالها ؟؟
ريان وفهد مين الي بفوز ؟؟
اسيل هل بترجع لرعد وتتعالج معه وهل بتعيش ولا بتموت ؟؟
مشعل وطقات قلبه الي طقت على كلام رنيم شنو صار فيه ؟؟
وليد هل راح يحب مرام الي عارف انها بت عمه ولا بس راح يحب الي يكلمها وهي مرام نفسها ؟؟
نوف شنو مصيرها هي وجراح الي انكتب لهم ناس ثانين ؟
وهل البنت الي يدور عليها صقر ماتت ولا للحين عايشة ؟؟
وبس
سااامحوني على التأخير