من عرفتك بدء عمري ..زاد النبض في صدري ..سرقت بضحكتك عمري الفصل السابع والعشرون 27 - بقلم أسرار العيون

بارت السابع والعشرون

هبطت الطيارة في مطار هيثرو الي كان مزدحم بالناس من جميع البلاد

حنين :وااااااااااو

نوف :ياااربي ليش كذا زحمه

اشواق :اكره الازدحام ابي اطلع بسرعه من المطار

حنين بدهشة من شكل المطار :وااااو

الكل ناظر فيها وضحك لانها للحين مو مستوعبه شكل المطار

حنين :سخيفاااات

سديم :ههههه الكل مشا وانتي للحين تناظرين في المطار

حنين :اول مرة اشوف مطار بهذي الروعه هو صحيح ولا مرة زرت مطار لو بالغلط بس ماتوقعت كذا والناس ما شاء الله كثااار

سديم :ههههه اوكي حركي حبيبتي تراء بيروحو عنا

حنين :هههه اوكي يلا

بعد الحوسة والاغراض وكل شي قدرو يطلعو من المطار ويتوجهو للفندق الي حاجزينه لهم

ركبت السيارة وقالت :مو قاادرة اصدق اني في بريطانيا

مرام :صدقي صدقي حبيبتي

اشواق :تراء بعد ماشفتي شي

حنين :يعني هنا تسكن اسرار واااو

سديم :يب حلوو صح بس الصراحه محد يقدر يفارق بلده حتى لو كان المكان هذا خيااااالي تبقى البلد عزيزة على القلب

حنين :أي والله صدقتي ..الا صدق كم ونوصل للفندق

رانيا :امممم تقريبا نص ساعة

حنين :اهاا

____________________

طقت الباب ودخلت

دينا :دكتور رعد وصلت المريضة اسيل

رعد ابتسم وقال :دخليها

دخلت اسيل ببتسامعه غير العادة

رعد :دوووم هـ الابتسامه

اسيل :تسلم

دينا دارت بتطلع بس وقفاها صوت رعد

:وين رايحه ؟

دينا :ماتوقع وجودي له فايدة

رعد :هه شنو ماله فايده انتي هنا متدربة يعني لازم تكوني معي في كل الاوقات

دينا ناظرت في اسيل الي ابتسمت لها بلطف عشان تبقى

ابتسمت وبداخلها شي مكسور يألمها في كل لحظة تشوفهم مع بعض

رعد :شنو تحسين فيه اليوم

اسيل :حمد لله احسن من امس بس .....

رعد :شنوو ؟

اسيل ناظرت بعينه بخوف وقالت : لا ولاشي بس تعبت اشوي

رعد :متأكدة هذا الشي الي بتقولينه

ابتسمت وهزت راسها بأيه

رعد :اوكي بخلي الحين الدكتورة دينا تسوي لك فحوصات وبعدها بقدر احدد صحتك وين وصلت

دينا :تفضلي معاي انسه اسيل

ابتسمت لهم وقامت بهدوء مع دينا

رعد :يااارب تكون النتايج اجابيه

___________________

نزلت من السيارة وعينها مفتوحه حدها من الصدمه والدهشة

حنين :عن جد واااااو

سديم :هههههههه حنين خلاص والله بطني المني كل شي قلتي عنه واااو غيري اشوي

حنين :هذا فندق ولا ناطحة سحاااب

سديم :ههههههههههههههه بناات احد يسكتها

الجوري :هههههه والله انك جوهرة ياحنين

ابتسمت حنين ودارت راسها والتقت عينها بعين صقر بلعت ريقها وبسرعه دارت وقالت :متى راح ندخل

سديم :الحين حبيبتي

مسكت قلبها وغمضت عينها بقهر من قلبها جت بتدخل بس طاحت شنطتها نزلت بتاخذه ونزل معها عشان ياخذها رفعت عينها للي نزل معها والتقت عينها معه بس هذي المرة مو مع صقر هذي المرة مع طلال

حنين :شكرا

طلال وهو يمد شنطتها لها :العفوو

حنين راحت مع البنات

ماجد :انت ماتصدق يصير معها شي الا وتروح تتلزق ياخي اثقل اثقل البنات مايحبون الخفيفين

طلال :حاولت بس ماقدرت

ماجد :الله يصبرك على ما بلاك

طلال :ههههه اوكي يلا ندخل

ابو صقر :بنات هذي هي بطاقة غرفتكم تقدرو تروحو الحين لها

سديم سحبت بسرعه البطاقة وهربت عن البنات والكل لحقها لانا هم الي يبون يفتحو الباب

رنيم مسكت سديم وسحبت بسرعه من عندها البطاقة وراحت ركض للباب بس للاسف ماقدرت تفتحه لانا البنات هجمو عليها وكل وحدة تسحبه من جهه

تقدمت ببرود وهدوء وسحبت البطاقة من ايدهم ببرود وتوجهت للباب وفتحته بين صدمتهم

حنين ببتسامه :الحين تقدرون تدخلون

الكل >< فجأة :ههههههههههههههههههههههه

ابتسمت حنين وضحكت معهم ودخلوا ورموا نفسهم على الاسرة بتعب من المشوار الطوويل ومستعدين للتمشيات

رنيم :لا احد يجلسني خلوني انام براحه

سديم :اجل ابشري بالخير

حنين :سديم صدق ابي اتصل على اسرار اخبرها اني وصلت

سديم :طلال راح ياخذ لنا بطاقات اصبري لين يجي

حنين :اجل شكلي بنام وهو لسا ماجى

سديم وهي تلتفت للبنات وقالت بصدمه :نمتووووووووو

الكل : لارد

حنين :هههههههههه مساااااكين نامووو على طول هههههههه

سديم : ...

استغربة حنين ان سديم ماتكلمت

التفت لها وانصدمت ان سديم نامت ضحكت وانبطحت على السرير بتعب وغمضت عينها ونامت

عند الشباب

وليد :شنو معنى صقر في غرفة بروحه ؟!!

ماجد :لانه يشتغل حتى هنا ويبي مكان هادئ

مشعل :هذا غصب ينكد على نفسه حنا جايين نشم هواء مو نشتغل ونكتم على نفسنا

طلال :هو يرتاح كذا يعني اذا ما اشتغل يختنق

نواف :ههههههههههه

وليد :غررريبة نواف ماقلت تبي تكون مع المدام في غرفة وحده

نواف :شنوو ناوي عمي يسوي فيني

مشعل :هو يبي يذبحك يذبحك بس ينتظر الفرصة المناسبة

وليد :اقول لا تخوفة

مشعل :ههههههه صحيح طلال سمعت ان جراح بجي بكرة بريطانيا

طلال :ايه عنده شغل هنا وقال مرة وحدة يشوفنا

ماجد :يلا شباب نامو ورانا مشاوير في الليل

الكل نام نوم عميق من التعب والمشوار الطويل

الساعه 7 الليل

الكل جلس وصار يتجهز الي يسبح والي يلبس والي يصلي والي لسا نايم

سديم وهي تربط شعرها :رنيموووووووه و وجـــــــــع قووومي يلاااا

رنيم وهي تتقلب :بس 5 دقااايق بلييييز

سديم :انتي مايفيد معك الا امك

رنيم :افففففففففف قمنا قمنا خلااااااااص

سديم وهي كاتمه ضحكتها :بناااات ماتجي الا بالعين الحمراء

اشواق :وين بودونا

حنين :اكيييد اول شي مطعم عشان نتعشا وبعدها مدري وين

سديم :صحيح حنين طلال عطاني البطايق تقدري الحين تكلمي اسرار

حنين :صدق وينها

عطتها البطاقة وراحت تكمل تجهيز

اتصلت بسرعه حنين على اسرار من وضعة البطاقة في الجوال

نروح عند اسرار الي كانت تتعارك مع ريان او نقدر نقول اسامه

اسرار :الف مرة قلت لك لا تدخل

ريان :انتي وحدة غبيه ولا تعرف لمصلحتها

اسرار :تدري ليش انا وافقة على دعوته هذي المرة عشان اقهرك

ريان :غبيه غبيه راااح تندمين صدقيني

اسرار :هذي حيااتي الخاصة ولا احد يدخل فيها خاصة اذا مايقرب لي شي

ناظر فيها ريان بحزن وابتسم فجأة وقال :تذكريني بعناد وحدة هه بنت طايشة عنيدة

استغربة من كلامه بس ما تأثرت فيه كثر ما تأثرت من نظرته

ريان :انا اعترف اني ادخلت في حياتك الخاصة بس ..هذا لمصلحتك صدقيني

اسرار نزلت عينها عنه حست بتوتر شديد من نظراته

ريان :انا الحين خالفة شرط من الشروط تقدرين الحين تطردين من الشقة

اسرار :لا اناا ...

ريان قاطعها وقال :كانت ايام حلوة حتى لو كانت اغلبها عراك

اسرار تأثرت وقالت :ريان انا مو قصدي كذا ..

ريان :بس كذا اريح لك

اسرار :لا تروووح

رفع عينه وناظر في عينها الدامعه تقرب منها وقال :ليه البكي

اسرار :اسفة

ريان ابتسم وقال :دوبة

رفعت راسها بسرعه له بصدمه وناظرت عينه بدهشة وقالت :اسـا...

قاطعها وقال :جوالك يرن

ماتحركت من مكانها وظلت تناظر في عينه و زادت دموعها وهي تذكر اكثر كلمه يناديها بها اسامه *دووبة *

نزلت دموعها بهدوء

ريان :اسرار ليه تبكين

اسرار حطت ايدها على فمها وراحت بسرعه الغرفة

سكرت الباب وتسندت عليه وبدت تنزل على الارض وصارت تبكي بحرقة من الذكريات خلاص تعبت ومحد حاس فيها صعب تنساه الغربة ذكرتها فيه اكثر من انها تنساه

كان واقف براء على نفس هيئته وقال :تشبها كثيررر هه شنو اقول انا صدق غبي ...آآآآه يا اسرار وينك الحين وشنو تسوين بحياتك بدوني انتي فرحانه ولا حزينه تبكين ولا تضحكين تذكريني ولا نسيتين آآآآآآه

نزلت دمعه حارقة على خده بألم يبيها بس هي بعيدة عنه وصعب يوصل لها يبيها حتى لو تركته مليووون مرة يحبها ولا يقدر ينساها

____________________

سكرت بقهر وقالت :ماترد

سديم :اجل يمكن نايمه

حنين بحزن :يمكن

سديم :اوكي يلا نروح

تجمعوا الكل وقررو يروح للمطعم اول وبعدها للسوق <<البنات الي متفقين على كذا

ماجد بقهر :حنا جايين نتمشا ولا نتسوق

طلال :أي والله ودي اروح مكان كذا حلوو فيه طبيعه مو سوق

مشعل :جايين كل هذي المسافة عشان السوق صدق قهر

وليد :وانتو ليش معصبين اكيد في حلوات هناك افرحو

ماجد:اقول اعقل هذا الي فالح فيه

طلال :أي والله

صقر :امشوا وانتو ساكتين او كلموا الكبار عشان تغيرو المكان

مشعل :ما راح يوافقو بقولو كل الاماكن بنروحها مع بعض

وليد وهو يناظر في مرام :والله احسن كذا الجمعه حلووة

رن جوالها وتباعدت اشوي عنهم

:هلا حبيبي

:اهلين حبي اخبار بريطانيا

:تماام بس ناقصها وجودك

:حبيبي افرحي ولا تهتمي لي انا بخير هنا وان شاء الله اجي معك في الايام الجايه

:وعد

:وعد حبي والحين يلا بسكر

:اوكي باااي حبيبي

:بااي

سكر منها ورجع لاصاحبه وقال :هي بخير

ناصر :الحمد لله

راكان :لا تخليني مرة ثانيه اتصل وانا مابي

ناصر :راكان انت قلت بتحطها في عينك واذا ما اتصلت راح تتأذى مشاعرها مسافرة ولا تتصل فيها

راكان : اوكي اوكي سكر عن الموضوع

ناصر :اوكي بسكرة بس قول لي حددت العرس ؟

راكان سكت وناظر البحر

ناصر :راكان انا اكلمك

راكان :لا ما حددت بس يمكن بعد شهر تقريبا

ناصر :حمد لله انه قريب الموعد

راكان :ناصر

ناصر :هلا

راكان :عندك فرصة للتراجع انا اقدر افسخ الخطوبة فأرجوك لا تتسرع

ناصر :لازم ترجع لي الجوري وانا مابتراجع

راكان :عندك مهله شهر فكر ورد علي خبر حتى لو كان قبل العرس بيوم انا مستعد افسخ الخطوبة

ناصر :انت مجنووون تبي تكسر قلبها مرة ثانيه

راكان: احسن من اتزوجها وبعدها تكتشف الامر

ناصر :حتى لو اكتشفت انا برجع لها

راكان عصب و وقف وقال :تفكرهااااا لعبه يعني من بتقول لها تعالي نرجع بترجع ناصر فكر زين فكر ززززين

مشا عنه وترك ناصر مع افكار ملخبطة ومو عارف شنو الحل الاحسن

___________________

في المطعم

ام صقر :اكلوا على مهلكم اشوي اشوي مو طاير الاكل

سديم :يمه الجوع كافر

ام صقر :يااااربي حسيت مجوعينكم تراكم بنات نعمه عيب تاكلون كذا خلو هذي الطريقة للطبقة الي انزل من مستواكم

كانت عارفة ان الكلام موجه لها بس ماهتمت واكلت لين قالت بس

ام ماجد :هههههه بنات اشوي اشوي اشكالكم تضحك الي يشوفكم مايقول كبار

امم صقر :هم ماكانوا كذا الله اعلم من علمهم

الكل ترك اكله وناظر في ام صقر بقهر اما حنين ماهتمت وجلست تاكل بهدوء

ام صقر انقهرت من تصرف حنين اكثر

سديم ناظر في حنين وحمدت ربها انها ماتأثرت من كلام امها القاسي

حنين (لا تبكي لاتبكي انتي قويه انتي قويه )

بعد ساعة وربع من الاكل الكل توجه للسوق

وتفرقو هناك على شكل مجموعات

حنين :سديم شوفي هذي كثيررر حلوة عليك

سديم :ي بيب حلووة شرايك نطقم

حنين :فكرة حلوة بس دقيقة بشوف السعر

سديم كتمت ضحكتها لانها عارفة شنو بتسوي الحين حنين

وسعت عينها بصدمة وقالت :ماعجبتني اصلا شوفي لونها مو حلوو تعالي نروح محل ثاني

سحبتها وراحو لمحل ثاني بس هذي المرة سديم ماعطت حنين فرصه تسحبها برا المحل وشرت كل الي يبونه

:خلصتوا

سديم :ايه

صقر :اجل يلا بنمشي

حنين ناظرت فيه بسرحان بس انتبهت لنفسها لما التقت عينه بعينها طق قلبها بسرعه مثل الطبل تمنت كثير يبادلها المشاعر بس هذا شي مستحيل

تقدم صقر وهم صارو وراه

وقفت فجأة سديم عن المشي وقفت والتفت لها وناظرت اتجاه المكان الي تناظرة وانصدمت من الشخص الي اشوفة يتقدم اتجاه صقر ويسلم عليه

نزلت دموعها بسرعه

حنين بسرعه سحبتها وخلتها تدور بحيث تعطيهم ظهرها

صارت تمسخ لها دموعها بحزن كرهت الحب عذب كثير ولا ريح احد ناظرت في حال سديم الي من شافت جراح نزلت دموعها بدون سابق انذار

حنين :سديم انتي قوية لا تبكي

سديم :ليـ ـش هو هناا

حنين :انسي وجوده هنا

سديم :وكيف انسا كيـــــف

حنين حضنت سديم بسرعه وبعدت عشان لا يلتفت صقر لهم

حنين :بيني له انك مو متأثرة اقهريه مثل ما قهرك

سديم :وتتوقعين بينقهر كيف ينقهر وهو اصلا مايحبني

حنين :سديم ارجووووك لا تضعفي

سديم :كسر قلبي يا حنين كسر قلبي

حنين نزلت دموعها على صديقتها في الاول اسرار والحين سديم وهي بعد طاحت في حب واحد غلط

صقر :غرريبة من قال لك ان حنا هنا

جراح :طلال

صقر :اهاا متى وصلت

جراح :توني

صقر : مو المفروض بكرة توصل

جراح :ايه بس حبيت اعجل في الموضوع

صقر :كان رحت الفندق ترتاح اشوي

جراح (مقدر ارتاح الا اذا شفتها ):لا ودي اجلس معكم اشوي

صقر :اهاا ...نسيت الي معي

دار وراح لهم

حنين :مسحي دموعك صقر جاي لنا

مسحت دموعها بسرعه

صقر :تعالوا يلا بس نزلو روسكم صاحبي معي

نزلو روسهم اصلا سديم من البداية منزلة راسها

دار صقر وقال لجراح :جراح عادي لو درت ظهرك لانا معي الاهل

ابتسم جراح ودار

مشوا وهم وراهم صارت تناظر فيه وفي خطواته وفكرها معه (انت تفكر فيني مثلي ولا لا طقات قلبك تسرع لي ولا لا )

حنين ناظرت في سديم وتنهدت بحزن وبعدها ناظرت في صقر (صقر ليش حبيتك انت بالذات شي غريب اكثر انسان يكرهني حبيته بس ليش ليش حبيته هو بالذات ليش اختارة قلبي )

وصلنا للفندق وحال سديم موعاجبني ركبت على طول الجناح كان ودي اروح له وارفسه رفسه تخليه مايقدر يوقف كيف يسوي كذا في صاحبتي

عند جراح

(آآآآآآآآآآآه يا سديم لمحت دموعك قلبي تقطع ماتدرين يا سديم شكثر اتعذب انا الحين ابيك والله ابيــــــك )

صقر :فيك شي جراح

جراح :هاا لا مافيني شي

صقر ابتسم وقال :اكييييد تفكر في الخطيبة مو

ابتسم جراح غصب عنه وقلبه ينحرق

في يوم جديد

الكل صحا ونزل على البوفية فطور

حنين :انتي احسن الحين

سديم ابتسمت وهزت راسها بأيه

صاروا ياكلون بفرح

بعد الفطور اتصلت حنين لاسرار

اسرار ناظرت جوالها بازعاج ورفعته

:الوو

حنين :اسووووووووووووور حبيبتي

اسرار لما استوعبت الصوت :حنوووووووووووون يابعد قلبي وحشتيني

حنين :ابي اشوفش

اسرار :ههههههههههه شنو تشوفيني انتي بعد

حنين :انا في بريطانيا

اسرار بصدمه :حلفي

حنين :والله

اسرار :يااابــطة ولا تقولين

حنين :امس اتصلت ولا رفعتين المهم بجي شقتك

اسرار :هااا لااااااا

حنين :بسم الله شفيك

اسرار خلينا نطلع نروح مكان يعني مثلا الكوفي

حنين :شايفتني عايشة هنا انا ماعرف أي شي هنا

اسرار :خلاص انا بعلمك المكان وين وتعالي

حنين :اوكي

نهاية البارت