من عرفتك بدء عمري ..زاد النبض في صدري ..سرقت بضحكتك عمري الفصل الثاني وأربعون 42 - بقلم أسرار العيون

البارت الواحد والاربعون

بعد ساعه من الانتظار جا لهم النداء للرحلة

وقفت معه وصارت تمشي وراه وسرحانه بحياتها الجديدة تنهدت بحزن وضيق و وقفت فجأة وناظرت وراها ونزلت دمعتها

حنين بهمس: راح اشتاق لك يمه سااامحيني غصب عني

نزلت راسها ومسحت دمعتها و دارت وصارت تبحث عن صقر الي اختفى

حنين بخوف :يااربي وين راح هذا ....اففف حتى رقمه مو عندي

رفعت راسها و وسعت عينها بخوف وهي تشوف واحد لابس لبس رسمي اسود ونظارة اسود متوجه لها

بلعت ريقها وتراجعت على وراء بس وقفت لما قال

:انسه حنين

ناظرت فيه بأستغراب شنو يبي مني

:ممكن تجين معي الاستاذ صقر ينتظرك

تنهدت براحه لما عرفت انه من طرف صقر ومشت وراه

ومن شافت صقر بلعت ريقها من نظراته

صقر بعصبيه :وووين رحتــــي انتي ؟؟!!

حنين بخوف :انا ..انااا

صقر بعصبيه سحبها من معصمها ومشاها معه

ناظرت في ايده الي ماسكه ايدها ابتسمت معنها كانت تتألم من ضغطته على ايدها بس كان شعور الفرحه من مسكته لايدها عشان لاتضيع شعور رائع

صعدوا الطائرة وجلست حنين عند النافذة بسرحان تنهدت مرة ثانيه بضيق

صقر :لهدرجه القرب مني يجيب الهم

ناظرت فيه بسرعه وقالت :هااا ..لا لا مو ....

صقر :خلاص ياكثر كلامك

وسعت عينها وانقهرت ودارت للنافذة

ومن بدت الطائرة تتحرك تحرك خوف حنين

صارت تدور تدور على شي تتمسك فيه خاصة إنها ماسكرت الحزام لانها ماتعرف

حس فيها وناظرها ببرود وقال :صدق الفقراء مايعرفوا حتى يسكرو الحزام

انقهرت منه بس وقفت انفاسها لما تقرب منها حيييل ونزل يسكر لها الحزام

حبست انفاسها وصارت ترمش بسرعه بتوتر

رفع راسه وناظرها ومات ضحك على شكلها اما حنين تجمدت مكانها من ضحكته وحمر وجها من الفشلة ودارت بسرعه للنافذة

بدت الطائرة تسرع وطارت بعيد

وحنين ظلت مغمضة عينها بقوة من الخوف

صقر :طلعتي خواافه بعد

فتحت عينها بصعوبة وقالت :انااا مو خايفه

صقر بملل :اجل ليه للحين ماسكه ذراعي

ناظرت ايدها وشهقت وتباعدت بسرعه بأحراج واشغلت نفسها بالمجلات الموجودة

ناظر فيها وضحك ودار راسه يكمل قراءة المجلة

عند سديم

:اافففففففف زهق ..وينك ياحنووون

رانيا :مو ماليه عينك انا

سديم :لا طبعا انتي موضه قديمه

رانيا بصدمه :ايا القليلة الادب صدق الي استحوا ماتو

سديم :ايه اتصل للبنات يجون ونسوي سهره بدل هذا الملل

قامت واتصلت لهم بسرعه وخبرتهم يجون ورجعت مكانها وقالت

:ايه صح رنووي وش صار مع زوجك

رانيا تنهدت بضيق وقالت :مهما صار مو راضي يغار لو اشوي بس

سديم :اممم .. ايه لقيتها شرايك نشوف لنا واحد ونتفق معه انه يغازلك قدام زوجك ونشوف شنو يسوي

رانيا :مجنووووونه انتي وش هالافكار هذي

سديم :هذا جزااي االي اطلع لك فكره لحالتك

رانيا :بس منو نستخدم

ناظرت سديم فيها بصدمه وقالت :يعني انتي مواافقة على الفكره

رانيا :اكييييد لانا هذا مايفيد معه الا الشي المباشر عشان لا يقول بعدين

إني ظلمت الرجال ...والله طلعتي مو هينه سدووم

سديم :احم احم

رانيا :صحيح كم باقي على عرس نووف

سديم :اممم تقريبا اسبوع اتوقع

رانيا :اهاا يعني ماباقي شي

سديم :يب يب

رانيا :هههههه تصدقين عرس جراح صديق صقر بصير اجل في نفس اليوم ههههه حتى الخطوبة كانت معهم مسكين صقر لا بيحظر لا هذا ولا ذاك .....سديم

سديــم

سديــــم

سديم بتوتر :انا بروح الحمام

وقامت بسرعه ودخلت الحمام وسقطت دموعها المحبوسة في عينها وبدت

تزيد تدريجيا بألم وحسرة

ناظرت نفسها في المراية بألم :ليش ذكرتووني فيه لييييش

:عشان ابي اعرف اذا انت نسيتها ولا للحين في قلبك

جراح بقهر :ملك خلااااص يكفي

ملك :يعني مانسيتها

جراح :سبق وقلت لك روحي ما راح انساها

ملك بألم ودموعها بدت تنزل وبصراخ اشوي :لاااتقوووول روحي انااا

هي روووحك موووو هي مووووووو هي ..اهئ اهئ ..انساااهاا ارجووك

لا تألمني اكثر من كذا

جراح حزن عليها بس يبي يكون معها واضح

نزل لمستوها وحضنها ومسح على شعرها

ملك ببكي :انت لي انت لــــــــي

جراح :خلاص ملك يكفي بكي

ملك :آآآآآآه اهئ اهئ

جراح انقهر من نفسه يمكن كان المفروض يسكت او يغير الموضوع

مهما صار هي الحين زوجته

:يبه

ناظر فيه وابتسم وقال :هلا رعد بغيت شي

رعد ببتسامه :ايه يبه

ناظر فيه ابوة وابتسم وقال :ابتساامتك تقول يلا نروح نخطبها مو

ابتسم اكثر وهز راسه

تنهد وقال :خبرت امك

رعد :ايه اكييد وهي اتصلت لهم والحين يبي لنا نروح نتقدم رسمي

ابتسم وقال :يلا اجل شنوو تنتظر اتصل لهم وخبرهم إن الحين راح نجي

لهم

باس راسه ابوة بسرعه بفرح وراح يكلمهم

:يبه

التفت وشاف نوف تنهد وراح لمكتبه وسكر الباب

نزلت راسها بحزن بس قوت نفسها وراحت لمكتبه وطقت الباب ودخلت

رفع راسه وناظر فيها وقال :انا مشغول الحين

نوف : بس دقايق يبه تستكثرها علي

تنهد وقال :انتي احرجتيني يابنتي قدام الكل

تقدمت نوف وقالت :بس انا من البداية قلت لك يبه إني ما ابيه

ابو رعد :الحين انتهى الموضوع شنو تبين

نوف :يبه عرسي بعد اسبوع وانت للحين ماتكلمني ...يبه اشتقت لك

تالم ابو رعد من كلامها وماقدر يعاقبها اكثر من كذا وتوجه لها وحضنها

ابو رعد :خلاص يبه لاتبكين

نوف ببكي :انااا اسـ ـفة يبه

ابو رعد :حصل خير يا بنتي ...ويلا انتي عروسة الحين لاتبكين

ابتسمت ومسحت دموعها

في بيت ابو سلطان

سلطان :رنوووم ما راح تروحي بيت عمي ابو صقر

رنيم :لا

سلطان بأستغراب اقترب منها وجلس بجنبها وقال :صاير معك شي

رنيم بخنقه :لا

سلطان :رنيم لا تكذبي علي من رجعنا للبلد وانتي حالتك متغيرة

رنيم :قلت مافيني شي بس حبيت اتغير

سلطان :بهذا الشكل تتغيري !! ..انتي جالسه تتغيري بطريقة سلبيه جدا

يعني صرتي ما تطلعي ونادر اشوفك تضحكي وحتى اكل ما تاكلي زين

وبعدين ...دقيقة انتي صدق ما اشوفك مع مشعل ..صار شي بينكم تعاركتوا

رنيم :مو انت كنت دائما تقول لي اخف هبال معه خلاص سويت الي تبيه

سلطان :انا صحيح قلت بس ما قلت لك احبسي نفسك في البيت ....الحين

بسرعه قومي لبسي وتجهزي بوصلك

رنيم :والله مالي خلق

سلطان :اذا رحتي راح تغيري جو يلا قومي

رنيم :اوكي اووكي

قامت وتوجهت للدرج ودارت له وقالت :صحيح شنو صار على موضوعك انت للحين ما قلت لامي تتقدم رسمي لهم

سلطان تنهد بضيق وقال :انتي روحي الحين جهزي وبعدين نتكلم في هذا الموضوع

رنيم :اوك

جلس على الكنب وناظر في جوالة اشتاق لها كثييير بس ما راح يتنازل ولا راح يكلمها لين تتكلم وتراضيه

اما عندها

كانت تناظر الجوال بسرحان ودها لو تتصل بس لا اذا اتصلت راح يفتح

موضوع الخطبة مرة ثانيه وهي عارفة ردها ما راح توافق يتقدم لها ليـن

فتحت الباب بسرعه وقالت :جنووي يلا تأخرنا

ناظرت فيها بسرحان وقالت :اوكي لمى الحين بقوم

لمى ناظرت فيها بأستغراب وتقربت منها وقالت :جنى

رفعت راسها لها وابتسمت وقالت :هلا

لمى :فيك شي

ببتسامه :لا

نزلت راسها وقالت :جنى ...هو يعني ليش ماتقدم لك للحين

ناظرت فيها وقالت :احس ماابي الحين

لمى :بسببي

جنى :لالالا مو بسببك يلا قومي تأخرنا

لمى :جنى

وقفت جنى و دارت لها

لمى :اذا كان بسببي فأنا اقول لك ترا نسيته

دارت لها وكملت :والله نسيته لاتوقفي نصيبك بسببي

ابتسمت وراحت لها وحضنتها وقالت :انسي الموضوع الحين وخلينا نروح

ولا بعدها سديم ما راح تدخلنا بيتهم

لمى :هههههه أي والله يلا نروح

:هلا حبيبي

:اهلين هاا قلتي لهم عن موعد الزواج

الجوري :لا بس اليوم بقول لهم

راكان :اوك ... باقي اسبوع ونكون مع بعض

ابتسمت بخجل وقالت :ايه

راكان :الجوري

الجوري :لبيـه

راكان :تحبيني

ابتسمت وقالت :ايه

راكان :اوكي قوليها ابي اسمع

ابتسمت بخجل وجات بتقولها بس مو قادرة تطلع منها انصدمت من نفسها

وبلعت ريقها ليش مو قادرة تنطقها له

راكان بأستغراب :صعبه ؟!

الجوري :لا بس انا مشغولة الحين يلا باي

وسكرت وحطت ايدها على قلبها بألم وقالت :ليش ماقدرت اقولها له

اما عند راكان

ناصر :قالتها

ناظر فيه وقال :ماقدرت تقولها ....شكلها للحين مانستك

ابتسم ناصر وناظر في البحر وقال :ولا انا ما نسيتها

تنهد راكان وناظر في البحر بضيقة مايدري ليش تضايق لما ما قدرت

تقولها له

في بيت ابو صقر

الكل وصل

في المجلس

نوف :بنااات ملل حنا جايين نستانس شفيكم كذاا !!

سديم تنهدت وقالت :عن اذنكم

وطلعت

ناظرت رانيا فيها بأستغراب وبعدها دارت للجوري وقالت :وانتي شنو

فيك بعد ؟؟

تنهدت بألم وقالت لها السالفة

رانيا :اهااا ... شكلك مانسيتي ناصر للحين

الجوري :لا نسيته اجل ليش وافقت على راكان

رانيا :عشان يكون وسيلة لنسيان ناصر

الجوري :ناصر ظلمني كيف تبيني احبه للحين

رانيا :انتي حاولتي انك تكرهيه بس مو قادرة ..الجوري انتي للحين تحبيه

ولازم تطلعيه من قلبك ...اذا قدرتي تقولي لراكان انك تحبيه في وقتها

اعرفي انك نسيتي ناصر

سرحت الجوري اشوي وبعدها تذكرت وقالت :بنااات بقول لكم خبر

الكل التفت لها

الجوري :عندي لكم خبر

الكل :شنوو ؟

الجوري :عرسي راح يكون في نفس يوم عرس نووف و نواف

نوف :حلفــــي ؟!!

الجوري :والله

مرام :واااااي وناسه بضرب عصفورين بحجر واحد بفتك من الاخو والاخت في نفس اليوم وناااااسه

نوف :ونااااسه حماااتي عرسها معي ...نواف يدري

الجوري قلبت وجها وقالت :قلت له وهجم علي مايبي معاي يقول ابي

برووحي صدق مايستحق

نوف :هههههه

اشواق :مبرووك حبااايبي والله الاعراس صايرة وراء بعض

نوف :وابشركم بعد اخوي رعوود قرر يتزوج واليوم راحوا يخطبوا له

جنى :صدق مبروووك ما شاء الله ما شاء الله

لمى :الحين المخطوبين نوف مع نواف والجوري ورعد قريب ومرام

وحنين وصقر توهم عرسان والله ونااااسه كذاا عرس وراء عرس

اشواق :مروووم ما حدتوا متى العرس ؟

مرام :لا لسى بكييير

اشواق :لا والله انا ابي عرس اخوي بسرعه عاااد

مرام :هههههه خلاص خطبوا لماجد

اشواق :مو راضي مايبي الحين الاخ

دخلت سديم وقالت :بنااات جبت لكم افلام

نوف :وااي وناسه نبي فلم رومنسي

اشواق :لاوع ماانبي نبي اكشن

:نبي رعب

الكل التفت لها

رنيم ضحكت على نظراتهم لها

لمى :انتي بكبرك رعب صايرة هذي الايام

رنيم اخذت نفس وقالت :حبيت اعطيكم لوك جديد لي

الجوري :وع موو حلوو لوكك رجعي مثل قبل

رنيم ابتسمت وقالت :ان شاء الله عمتي جووري

سديم :داام الاخت رنيم بترجع للوكها القديم خلونا ننفذ طلبها ونشاهد رعب

نوف :لا عاااد ابي رومنسي

رنيم رفعت حاجب وقالت :روحي للاخو نواف و راح يسوي لك احلا فلم

رومنسي

الكل :هههههههههههههههههه

احمر وجها وقالت :صدق قليلة ادب ارجعي مثل ما كنتي مثل اشوي

الكل :لاااااااااااا مااااانبي

رنيم :هههههههه ماتوقعت انكم متأثريين حبيباااتي كذا

لمى :اقول سدووم حطي لنا الفلم وخلصينا منهم

سديم :اوووك

وبدء الفلم

نروح للطائرة

بدء النعاس ياخذها وعينها تغمض واشوي اشوي ينزل راسها على كتف

صقر

لين صارت نايمه على كتفه

ناظر فيها وبعد راسها بصبعه

وكل مايباعده يرجع تأفف وهذي المرة باعدة بقوة بصبعه وصفع راسها

بالنافذة

جلست بسرعه وحطت ايدها على راسها بألم وناظرت فيه لانها عرفت انه

بسببه

صقر :ليش هذي النظرات

حنين :ليش دفعت راسي

صقر :يعني كنتي حاسه ان راسك على كتفي مو

حنين بخجل :لاا

صقر :ماتوقعت راسك بهذا الثقل

حنين :رااسي موو ثقيل

صقر تثاوب وغمض عينه حاقرها

انقهرت منه وناظرت في النافذة الي صارت ظلام وتنهدت

في بريطانيا

عند البحر كان واقف بسرحان وضيق والم

اسامه :آآآه يا اسرار ليش رحتي مرة ثانيه لييييش

ناظر في البحر بألم وصرخ بأعلا ماعنده بألم بضيقة بحزن بكسرة قلب

:آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآه

وبدت دموعه تنزل وطاح على الرمل وصار يبكي بـألم

:لييييييييش ليييييييييييييييييش آآآآآآآآه

في مكان ثاني

:آآآآه ياااساامه شنووو تسوي الحين ..انا تعبـ ـااانه بدوونك يا اسامه

صارت تذكر ذكرياتها معه من عرفته وبعدها لما راحت بريطانيا

وتعرفت عليه وحبته ولما اكتشفت انه نفسه اسامه حبيبها الاول ولما

راحت معه البحر ولما صرخت بألم ولما خطفها فهد وعراكها معه

والباص والجامعه والشلة والشقة وكل شي كل شي تنهدت بألم وناظرت

سواد الليل ونزلت دمعتها بألم وبعدها بدت تنزل باقي الدموع الي كانت

حابستهم في عينها

يوم جديد

نزلت من الطيارة بتعب وناظرت في صقر الي مو باين عليه التعب

صارت تمشي معه

طلعوا من المطار وفتح لهم السايق الباب لصقر وحنين

ركبت معه وصارت طووول الطريق تناظر في النافذة

بعد ربع ساعه وقفت السيارة عند افخم فنادق باريس

وقفت بدهشة من الي تشوفة وبلعت ريقها وقالت :هناا راح نسكن !

ناظر فيها ورفع حاجب وقال :انتي للحين ماتعودتي على العز

انقهرت منه لانه كل مرة يرمي عليها من هذا الكلام

حقرته وناظرت في مدخل الفندق وابتسمت بفرح لشكله

دخلوا الفندق وتوجهوا للجناح

انفتح الباب و وسعت حنين عينها بصدمه وقالت : وااااو

ناظر فيها صقر وقال :وانتـ ..

حقرته حنين ومشت عنه قبل لا يكمل كلامه لانها عارفة انه يبي يرفع

ضغطها

صارت تناظر الشقة وفرحت كثييرر لما شافت غرفتين

توجه لها بغضب وقال :اناا لما اكلمك ماتعطيني ظهرك وتمشين ساااامعه

ناظرت فيه بدون لاتتكلم لانها مو رايقة تتعارك معه

سحبت شنطتها وقالت :انا رايحه الغرفة

دخلت الغرفة وابتسمت بفرح وهي تشوف السرير المريح والواسع والحمام

الي في الغرفة

حنين :ونااااسه

صقر :من قال إن هذي غرفتك

ناظرت فيه وقالت :ليش هذي مو غرفتي ؟!

صقر :لا طبعا هذي لي الغرفة الثانيه لك

اخذت الشنطة وراحت للغرفة الثانيه

فتحتها بابتسامه بس اختفت بسرعه ابتسامتها وهي تشوف غرفة فاضيه

مافيها ولاشي ولاحتى الحمام

تركت الشنطة وراحت بسرعه له وقالت :ليش الغرفة مافيها حتى سرير

صقر :انتي المفروض متعوده تنامين على الارض ولا النومة في بيتنا

ثلاثة شهور غيرتك

حنين بقهر :كيـــف تبيني انام كذا حتى بدون وساده ولا شي اتغطى فيه

صقر :راح اطلب لك الي تبينه بس الحين تعباان وابـي اناام

حنين :حراام عليك حتى انا تعباانه كيف تبيني انام كذا

صقر تأفف وقال خذي لك وسادة من الكنبه و فتحي شنطتي بتشوفي

غطاء خذيه ويلا طلعي برا

دمعت عينها وراحت فتحت الشنطة واخذت الغطاء واخذت وسادة من

الكنب

وراحت الغرفة وتغطت به وغمضت عينها ونزلت دمعتها

(آآآه ليش ماتفي بوعدك لابوك )

صار يتقلب على السرير تأنيب الضمير مو مريحنه يحس انه كان قااسي

اكثر من الازم تأفف وتغطاء وحاول ينسى وينام

:هاا يمه اسيل شنو ردك على الولد حنا سألنا عنه وقالو خوش رجال

وبالنسبه لنا حنا موافقين

ابتسمت اسيل بفرح وخجل وقالت :وانا بعد موافقة

حضنتها بسرعه وقالت بفرحه :مبروووك حبيبتــي مبرووووك

بفرحه :الله يبارك فيك يمه

ابو رعد :عااد يلا جهزو بسرعه عشان يكون العقد بعد يومين

رعد :كيف راح نجهز بخلال يومين

ام رعد :عادي يدبرون نفسهم هم وانت راح نساعدك اكيييد

سديم :يلا عاااد تعالي بس اشوي ونروح سوا

رنيم :مو لازم تاخذي شور الحين

سديم :والله ما راح اتأخر الخوونه الباقين راحو عني يلا عااد رنووم

رنيم بتأفف :اوك انا قريبة لبيتكم بسرعه اخذي لك شور

سديم :ثاااانكس رنوووم باااي

قامت بسرعه سديم ودخلت الحماام

وصلت رنيم ودخلت البيت وطقات قلبها تسرع خايفة تلتقي به

اخذت نفس وقررت انها ما تهتم

وصلت لغرفة سديم ودارت عينها لغرفة مشعل اخذت نفس وطلعت

ظرف من شنطتها وتوجهت لغرفة مشعل

سرحت لفترة تذكرت كيف كانت تدخل غرفته وتفتش فيها وتضحك لما

يكشفها

تنهدت بألم ونزلت للارض وحطت الظرف تحت الباب ودخلته

وقفت وناظرت في الغرفة وتنهدت بحزن

:شنو تسوين هنا

دارت له بصدمه وناظرت في عينه

مشعل تقرب لها وقال :رنيم !

مشت من جنبه بس مسكها من ايدها وقال :رنيم لازم نجلس ونتكلم

رنيم :في شنوو تبي نتكلم

مشعل :عنا

رنيم :اسفة ماعندي شي اقولة ........اذا كنت انت ماتحبني مثل اختك فأنا

احبك مثل اخوي ...بس للاسف حتى هذا الحب اختفى من قلبي

سحبت ايدها منه بقوة ومشت عنه

غمض عينه بألم :آآآه

دخل غرفته وانتبه للورقة مسكها وفتحها وصار يقراء المكتوب

مشعل ..من اليوم انت فقط ولد عمي

من اليوم انتهى كل شي بالنسبه لي

ما ابي اكون ضعيفة بسببك

راح ارجع مثل قبل مع الكل الكل

الا انت ...

مشعل ...حبك لي كان غلط وغلط كبييير بعد ترتكبه

بحق نفسك وحقي

بس ابي اسألك سوال وياليت تجاووبني عليه

ليش حبيتني اناااا !!

سكر الورقة وطاحت دمعته على الورقة وقال :ماادري مااااااااادري

ضغط على الورقة وبدت دموعه تنزل اكثر واكثر

في السوق

الكل وصل وصارو يجهزو لعرسين

ولخطوبة رعد الي الكل دراء عنها

نهاية البارت