من عرفتك بدء عمري ..زاد النبض في صدري ..سرقت بضحكتك عمري الفصل الثلاثون 30 - بقلم أسرار العيون

البارت الثلاثون

أن تفقد أحداً

معناه إن الحزن قد قام بسرقـة ثلاثـة أرباع روحك

وأن غصن الشجرة التي ترتاح عندها من عناء رحلـة التحليق قد كـُسر

وأن الضمأ أستعبدك وأنت في وسط نبع ماء .. وأن تقتنع أخيـراً بأن الليل لا لون لـه !!

دخل الشقة ودخلت وراه دار لها وقال :ليش كنتي واقفة معهم

اسرار :انت الي ليش واقف معهم

اسامه :اتوقع سألت اول

اسرار :وليش لازم اجاوب اول ليش مو انت

اسامه :استغفر الله ..هذيل اصحابي

اسرار :اهااا

اسامه :اوكي الحين دورك جاوبي

اسرار :وحدة منهم صاحبتي الروح بالروح والباقي صاحبتهم

اسامه :اهاا

اسرار :اممم انا بكرة بطلع مع فهد

ناظر فيها بغضب وقال :انتي ماتفهمين غبيه عقلك صار له شي تعبت وانا اقول لك لاتروحي معه

اسرار :وانا تعبت وانا اقول لك لا تدخل في شؤني الخاصة

اسامه :اجل ليش تخبريني

اسرار :عشان اقهرك

و راحت عنه وتركته مصدوم

______________________

يوم جديد وصباح مشرق

الكل جلس من النوم وتجهز بسرعه وكل وحدة تسرع عشان لا يمشون عنها

سديم :يااااربي وين قبعتي

حنين :اتوقع تحت السرير شفتها

رنيم :وين بوووتي بناااات دورو معــي بليييييز

نوف :دوري عدل كل واحد في حاله مو فاضي يدور معك

الجوري :افففف ضيعتي جوالي مرام اتصلي على جوالي

مرام :شايفتني فاضية قولي لرانيا

الجوري :رنوي حبيبتي اتصلي على جوالي

رانيا :سوووري جوووري بس البس حلقي وبعدها بنزل بسرعه

دق جوال رانيا وابتسمت من شافت الاسم تركت حلقها وراحت اشوي بعيد عن البنات ورفعته وصارت تكلم زوجها

الجوري وسعت عينها وقالت :صدق نذاله توها ماعندها وقت بس للاخ عندها الوقت كله ....اوووكي احد يتصل عليه

فجأة رن جوال الجوري وبسرعه لحقت الصوت وشافته اخذته وابتسمت من الاسم راحت بسرعه بعيد عن البنات ورفعته

الجوري :هلا حبيبي

راكان :اهلين اخبارك

الجوري :من سمعت صوتك صرت بخير وانت

راكان :بخير الحمد لله

الجوري :اشتقت لك

راكان :تسلمين

الجوري (افف اوكي قولي كلمه حلوة ليش بس ترد على الي اقولة )

راكان :فيك شي

الجوري :لا

راكان :سمعت بتروحوا الجزيرة

الجوري :يب متحمسه كثيررر بس ياليت انت معاي

راكان :المرة الجاية ان شاء الله استانسي برحلتك اوكي

الجوري :اوكي

راكان :يلا بسكر

الجوري :ليه توك متصل

راكان :مشغول مقدر اطول

الجوري :اوكي بس رد اذا اتصلت لك مو مثل كل مرة

راكان :يصير خير مع سلامه

الجوري بضيق :الله يسلمك

راكان :ناصر قلت لك للمرة الاخيرة لا تخليني اتصل لها وانا مابي

ناصر :راكان انت تبي تكسر قلب البنت

راكان :اووووة خلاص سكر عن السالفة

ناصر :الله يهديك

حنين :الجوري فيك شي

الجوري :هااا ..لا يلا انا بنزل

حنين :وانا بعد

_______________________

كان في غرفته يشتغل على الملفات ويسرح بعض الشي ويرجع يكمل شغل كان الوقت يمشي وهو مو حاس بنفسه

بس الي كان يشغل تفكيرة ليش طلال متقرب لهدرجه من حنين

:اففف وانا شدخلني صدق غبي

_____________________

وصلوا للمينا ناظرت بدهشة للباخرة الكبيرة والفخمه

حنين :وااااو

سديم :هذي هي الباخرة الي بنركبها

حنين :بس ليش ما اشوف ناس

سديم :لانا هذي الباخرة ملك لابوي

حنين :هااااااااااا !!!

سديم :هههههه خووفتيني

حنين :ابي حماااام

سديم :ههههه روحي سيدة وراح تشوفي اللافتة بس مو تتاخرين الباخرة دقايق وماشيه ما راح تنتظر احد

حنين :اوووكي

جنى :يلا بنات نركب الباخرة

رنيم :سديم وين راحت حنين

سديم :الحمامات اشوي وبترجع

رنيم :اهااا

صاروا يركبون الدرج بس وحدة مانتبهت لانا بالها مو معها وانزلقت رجلها على وراء بس في واحد كان اسرع منها ومسكها من خصرها وطاحت على ايده

صارت ترمش بسرعه وتوها بتقول شكرا الا ...

ارتكب من شكلها الي يخلي قلبه يطق بسرعه وبسرعه تركها وطاحت على الارض

:اااااااااااااااااااااخ

مشعل جمد مكانه ولا حاس بالي سواها وبس يسمع صوت دقات قلبه ولا سامع شي من الي تقولة رنيم بقهر وغضب منه

رنيم :مسوووي فيها انك مسوي خيرررر يعني اااااااااخ ظهري حراااااااام عليك ااااااااااااااخ

صحا من تجمدة وبسرعه ناظر فيها بصدمه وقال :رنييييم انااا اسف والله ماحسيت على نفسي

مد لها ايده بس هي باعدت يده وقامت بصعوبة من الالم وقالت :مااابي منك شي

مشعل :رنيم رنييييم رنيييييييييييم

حقرته ودخلت داخل وهي ماسكة دموعها عن النزول من القهر

سديم :ليش تركتها تطيح

مشعل :ماا مـ اا حسيت على نفسـ ـي

سديم :مسكينه شكلها تعورت

لمى :اكيييد الطيحه قوية مسكينه رنيم

جنى :احسها كانت بتبكي بس متماسكه

رانيا :اي والله

دخلوا كلهم داخل بس بقا هو برا سرحان ومنقهر من نفسه

مشعل بقهر :غبي غبــــي غبـــــــــــي

في الحمام

حنين :ما شاء الله في كل مكان في حمامات هههههه صدق اني فاضية

سكتت فترة وراح بالها لامها اشتاقت لها كثيررر اشتااقت لايامها معها هي وابوها تحس نفسها في حلم مو قادرة تصدق كل الي قاعد يصير في حياتها

نزلت دمعتها وقالت بصوت حزين :يمه يبه انا في بريطانيا البلد الي كنتوا تتمنوا تجيبوني فيها يوم من الايام آآآه يا زمن ريحني ورجع لي هلي ...... صقر هه كيف حبيتك كيف عشقتك وانت اقسى من الصخر حتى رفضت انك تزوجني بكل عنف بس انا واثقة انك مخفي سر بداخلك محد يعرف فيه وهذا السر هو سبب عذابك وقسوتك صقر حس فيني لو اشووي هه كيف بتحس فيني وانت تكرهني ابي معجزة تجمعني معك واعترف لك بحبي و ارتاح

مسحت دموعها وغسلت وجها ناظرت نفسها في المراية وابتسمت بأمل وفجأة تذكرت الباخرة

طلعت بسرعه تركض بسرعه

وفي جه ثاني نزل من التاكسي وصار يركض اتجاه الباخرة

وصلت حنين لمكان الباخرة بس تأخرت كثير لانا الباخرة مشت عنها انصدمت وخاافت وناظرت على يمينها ويسارها وانصدمت من وجوده وسعت عينها بصدمه وهي تشوفه يتنفس بسرعه من الركيض

دار راسه بضيق وشافها قدامه وسع عينه وهمس :حنين

حنين بهمس :صقر

جمعنا القدر

لتفرقنا الايام

ولتضحك الدنيا منا

ولتدمع اعيننا حزنا وشوقا

ومن ثما تاتي المعجزات

لتصنع لنا الامل من جديد

وترسم على شفتينا ابتسامه الحياة

وتشرق الشمس من جديد

فيبدئ يوم جديد بكل ما فيه

(تأليفي)

سديم :نوف شفتي حنين

نوف :لا ماشفتها

سديم :ياااربي وين ادورها الحين في هذي الباخرة

جنى :يمكن راحت المطعم

سديم :توني راجعه من هناك ...فجأة سكتت وبعدها صرخت وقالت :حنييييييييين

لمى :سديم شنو فيك

سديم :حنين ماركبت الباخرة

رانيا :كذاااابة

سديم :والله هي قالت بتروح الحمام وركبنا الباخرة بعدها ونسيتها والحين ادور عليها ولا لقيتها انا متاكدة انها مو في الباخرة

وليد :ماجاء !!!

طلال :اتصلت له كثير مايرد والحين دورت في الباخرة ولا لقيته

ماجد :اتصل الحين عليه

طلال :كل ما اتصل عليه يطلع مشغول

نواف :اجل يمكن يتصل لاحد الحين

طلال :يمكن بروح دقايق وارجع

سديم :ردي ردي ردي

نوف :ماترد ؟!!

سديم بحزن :لا اناااا الغبيه الهبلة الي مااا افهم كيف انساهااا

الجوري :سديم حبيبتي هذا مو ذنبك حنين شكلها تأخرت او ضيعت

سديم :بس انا نسيتها

طلال :سديم

سديم راحت له بسرعه وقالت :طلال حنين نسيناها على الميناء

طلال بصدمه :أيــــــــــــــــــــش !!!

ناظرت فيه بخجل وقالت :شنو قال

ناظر فيها ورد ناظر البحر وقال :الحين هم في وسط البحر مايقدروا يرجعوا

حنين :هم يدرون ان حنا هنا

صقر :اكييد يدرون

حنين :شنو بنسوي الحين

صقر :كأنك تتكلمين كثيررر خليني افكر

سكتت حنين وصارت تناظر في البحر

طلال :يعني هي مع صقر الحين

رانيا :ايه هو توه مسكر من ابوي

سديم :شنو قال ابوي

رانيا :قال له ان حنا في وسط البحر وصعب نرجع فيشوف لهم مركب ويجون لنا في الجزيرة

طلال بقهر :كيف مانتبهتوا انها مو موجودة

خافت سديم من غضب طلال لانها مو متعودة انه يصرخ عليها

رانيا :طلال هذا مو ذنب سديم

طلال بغيرة :يعني عاجبكم كذا

رانيا :طبعا لا بس مانقدر نسوي شي

طلال :انا رايح

سديم :يخوووف طلال وهو معصب

رانيا :هههههه اجل ناسيه الأدمية في المينا

سديم :شنو اسوي معي الزهايمر

ماجد :الحين انت ليش معصب هالكثر تراها مو بروحها معها صقر

طلال :وهذا الي قاااهرني اكثر

ماجد :هاااا!!

طلال :صقر دائما هو الي ينقذها ويساعدها وتجمعهم الصدف بس انا الي اتمنى تجمعني صدفه معها ما صارت وغير كذا نظراتها له الي كلها حب

ماجد :وانت كيف استنتجت انها نظرات حب

طلال :لانها مثل نظراتي لها هه اول مرة احب ولما حبيت ...حبيت حب من طرف واحد والاصعب من كذا إن الي احبها تحب اخوي اااااخ

ماجد :طلال انسا هذا الحب من بدايته معروفة نهايته لا تتعمق في هذا الحب وبعدها تنصدم ترا اصعب شي هو الحب من طرف واحد لانا في شخص يتعذب والشخص الثاني ولا هامه شي ....طلال وانا اخوك انساها وانسا هذا الحب الي راح يخرب حياتك

طلال :تأخرت ياماجد في نصيحتي لاني عشقتها لحد الجنوون

ماجد :طلال ......

قاطعه طلال وقال :ارجوووك ماجد لا تقول شي

سكت ماجد بحزن ما ودة يشوف صديق عمرة يمووت قدامه وهو واقف ولا مسوي شي

______________________

في ارض الوطن

دخلت دينا بهدوء وحزن

وقالت :دكتور رعد ممكن اكلمك بموضوع

رعد :بخصوص شنو

دينا :الانسه اسيل

رعد :تفضلي

جلست واخذت نفس واطلقت القنبلة الي حطمت قلب رعد والي اضعفت شخصيته والي نزلت منه دمعة الم دمعة حزن دمعة فقدان

دينا :انااا اسـ ـفة لاني خبيت علـ ـيك بس انا وعدتـ ـهاااا انااا اسسسفه

وبدت بالبكي

رعد :انتــي تكـ ـذبـ ـي موو

نزلت راسها بحزن

رعد بصراخ :انتـــــــــــــي تكـــــــــــــــذبي ....لاا لااااا لااااااا اسيل ما راح تروووح مااا رااح تروح هي وعدتني لاااا لاااااا

قام من مكانه وراح يركض لبرا المستشفى توجه لبيت اسيل

صار يطق الباب بقووة بس محد فتحه

رعد :اسيـــــــــــــــــــــــــــــــــــل لاااااااااااااااااااا تروووووووووووحي ارجووووووووووك آآآآآه آآآآآآآآآآآآآه آآآآآآآآآآآآآآآآآآآآآآآه

تبون تعرفون شنو قالت دينا

قبل يومين

كانت متنومه في المستشفى وصارت تكح بقوة والم بطنها بدء يزيد ويززززيد

دخلت دينا وتألمت على منظرها شافت اسيل بأسوأ حالاتها شافتها وكأنها تحتظر

قربت منها ودموعها كل ما جالها تزيد

دينا :اسيـ ـل

رفعت عينها وناظرت فيها

دينا :انا لازم اقول لرعد يا اسيل

اسيل :لاااا كح لااتـ ـقـ ـولـي كح له شــ ــي كح كح

دينا :انتـــــي مجنووووونه شوفي حالتك جالسة تزووود

اسيل اخذت نفس وقالت :امـ ـس رحت لمستـ ـشفى ثاني وفحصـ ـت ديـ ـنا انا ما بـ قى لي شـ ـي رعـ ـد ما ابيـ ـه يصير حزين والسبب انـ ـا ....كح انا بسـ ـااافر بكرة لامريكـ ـاء مااابي اشووف دمـ ـوع رعد

دينا :ليش ؟!!

اسيل وهي تتنفس بصعوبة :هنـ ـ ـاااك عمي دكتور بـ ـروح اتعالج هنـ ـاك اناااا اعرف انـ ـي مااراح استفـ ـيد شي بس اهـ ـم شي اكـ ـوون بعيدة عن رعد ماابي اموت قداامـ ـه واكسـ ـ ـر قلبـه

دينا ودموعها على خدها :ماااا راح اسامح نفسي لاني سكت

اسيل :لاتـ ـقـ ـوولي كذاااا

دينا حضنت اسيل بألم وقالت :لاتروووحي

ابتسمت اسيل بألم وقالت :دينـ ـااا

بعدت دينا وقالت :هلا

اسيل :اناا اعـ رف اننـ ك تحبـ ـي رعد

وسعت عينها بصدمه وقالت :اسيل انا ..

اسيل :ديناا كح انا قريبـ بفـ ارق الدنيـ ـا ورعد بيضـ ـل وحيــــد ..دينااا اعتني به كح كح خلـ ـيه يحبك تمــ ـسكي فيه لاخر يوم بحيااااتك عشااااني

دينا :اسييييل يكفي خلاااااص عذبتي قلبي

اسيل :اسـ ـفة

دينا مسحت دموع اسيل الي تنزل بدون توقف وقالت :اسيل انا لازم اقول لرعد

اسيل :لااا لا تخبررريه ارجوووك

دينا :واذا سألني عنك

اسيل نزلت راسها وقالت :قولي له ماتـ ـقدر تجـ ي عندها عـ رس او أي شي

دينا :اكيييد في يوم بيعرف الحقيقة

اسيل :احسـ ـن من انه يشووفهااا بعـي نه

دينا :بشتاااااق لك

اسيل :وانا اكثر

هذا هو الي خبرته به دينا خبر رحيل اسيل

_______________________

صاروا يتمشون في طرق لندن

سكر بعصبيه الجوال و وقف وهي وقفت وراه على طول

صقر :يقولو مافي طارد او باخرة او أي زفت يودينا للجزيرة الا بكرة الصباح

حنين :أيـــــش !

صقر :استغفر الله

طلع صوت معدة حنين الفاضية الي من الصباح مو ماكله شي والحين صارت الظهر

ناظر فيها وماقدر يمسك ضحكته :ههههههههههه

طق قلبها بسرعه ونزلت راسها بانحراج

صقر :انا بعد جوعاان تعالي نروح مطعم وناكل شي

في الباخرة

تقدم لها و وقف جنبها وصار يناظر في البحر وبعدها ناظر فيها وقال :رنيم انتي للحين زعلانه مني

رنيم :تغيرت كثيرررر يامشعل كثيررررر

مشعل :انا اسف على الي صار الصباح واسف على تغيري

رنيم دارت له وناظرت في عينه وقالت :قولي السبب ليش متغير علي

نزل راسه وبعدها رفعه وهو مقرر يعترف خلاص لها :لاني احـ.....

نوف :رنيــــم تعاااالي بنروح المطعم نتغداء

ناظرت رنيم في نوف وقالت :اوووكي جايه

وردت ناظرت فيه وقالت :شنو كنت بتقول

مشعل :هااا لا ولاشي

رنيم انقهرت لانها حست انه بقول شي بس الحين غير رايه

راحت رنيم بقهر وظل مشعل يفكر يقول لها ولا لا

مشعل :بس اذا قلت لها راح اخسرها كصديقة وكأخت و كحبيبه آآآه شنو اسووووي مااابي اخسرها بس تعبت والله تعبت وانا اخبي واتألم وهي تتألم من تغيري المفاجئ ومن تصرفاتي الغبيه الي ما اقدر اتحكم فيها

رانيا :اوكي حبيبي بسكر الحين بروح اتغداء

محمد :متى ترجعيــــــن مت من الشوق

رانيا :هههههه محد قالك قلت لك تعال معنا قلت عندك اشغال

محمد :يعني توني ماخذ من شهر وشوي اجازة شهر عسل والحين بعد تبيني اخذ

راينا :اجل خلك

محمد :احبك

خجلت رانيا ونزلت راسها وقالت :وانا بعد ..عااااد يلا بسكر خلااص

محمد :هههههه اوكي يلا باي حبيبي

رانيا :باااي حبيبي

كانت تناظرها بحسرة وقالت بصوت نزيل

:ليش مايتصل لي كل حين ليش مايقول لي اشتقت لك ياااربي والله خااايفة يكون مثل الي قبل

طق قلبها بسرعه لما تذكرت ناصر نزلت راسها ودمعة عينها بسرعه قامت ولا اهتمت لأصوات الي تناديها راحت بسرعه تناظر البحر استنشقت هواء وغمضت عينها بالم من ذكرياته اشتاقت له بس لازم خلاص تنساه هي الحين تحب راكان وهي خطيبت راكان لازم ماتشغل نفسها بغير راكان

فتحت عينها ومسحت دمعتها وقالت :رااااح انسااااك يا ناااصر وعد وعد

لبست وكل شي وناظرت نفسها في المراية :اففف ليش خايفة انا

طلعت من الغرفة وناظرت فيه كان يشاهد مسلسل ولا حتى ناظر فيها

تنهدت بقهر وحزن وطلعت وصفعت الباب وراها

ناظر اتجاه الباب وتنهد بضيق

توجهت لموقع الحافلات تنتظر قدوم فهد لها

كان يناظرها من السيارة ابتسم بسخرية وقال :جااااء اليوم الي انتظره بفارق الصبر

نهاية البارت

توقعاااتكم

شنو بصير بين صقر وحنين وهل بتقدر تعترف له بحبها وشنو ردت فعله ؟؟

الجوري هل حبت راكان صدق ولا هو وسيلة لنسيان ناصر ؟؟

مشعل هل بيعترف لرنيم ولا بفضل السكوت ؟

طلال وحبه الي موحاسه به حنين ؟؟

فهد على شنو يخطط وشنو بصير لاسرار ؟؟

اسيل هل بتموت وشنو بسوي رعد ؟؟