رواية من اجل حفيدتي الفصل الرابع عشر 14 - بقلم هاجر خالد

رواية من اجل حفيدتي الفصل الرابع عشر14 إيه إللي انا سمعته دا؟؟! ... ………………………………………………………………..................... " الساعه 8 مساءً في منزل الجد سليم " ( متجمع في بيت الجد سليم عمر ، نديم ، شريف ودول قاعدين في ركن لوحدهم بيتكلموا في شغل ، وقاعد الجد سليم ، زينب ، عبدالله في ركن بيتكلموا في احاول الدنيا والاولاد ومشاكلهم وحياتهم ، وقاعد هاجر ، مروان في ركن بيهزروا ويضحكوا سوا ، حسن كان لسه مجاش من برا و.....

هاجر لمروان : هو انتم كلكم في هندسه ولا ايه ؟! مروان : لا انا و عمر هندسه ، و شريف ونديم إدارة أعمال. هاجر : حلو دا . مروان : هو احنا مش هنخرج ولا ايه ؟؟ هاجر : مش عارفه والله شوف العيال دي ويلا بينا . مروان بصوت عالي لاخواته: إيه يا رجاله مش هنخرج ولا ايه. عمر : هنخلص بس حاجه وننزل كلنا. هاجر: خلصوا طيب عقبال ما أرن على حسن اشوفوا لو هيجي معانا. نديم : تمام بعدها اجهزي عشان انتِ يومك بسنه. هاجر: مقبوله منك يانديم.

ـ ضحك نديم بعدها وجهه نظره لمروان اللي قاعده قصادهم على الموبايل وقال : وانت يا باشا تعالى ساعدنا في اي حاجه شوفلك شغلانه . مروان : احنا في اجازه لو مش واخدين بالكم ، يعني فكوا كدا الشغل مش هيطير . شريف : تعالى يا حيوان . ـ قام مروان بسرعه من مكانه وراح عشان يقعد جمبهم وهو بيقول: حاضر بهزر ياشريف متبقاش قفوش كدا ياراجل. ـ بصله شريف بعدها اداله ملف وقال: خد راجع دا يلا. ـ اخد مروان الملف

وقال بصوت واطي بس مسموع : حسبي الله ونعم الوكيل ، يارب فك أسري . نديم : راجع وانت ساكت يالا. مروان بتأفأف : براجع اهو براجع. " عند هاجر في البلكونه بتكلم حسن" هاجر : ألو ياحسن فينك. حسن : في الشركه في حاجه ولا ايه؟؟! ـ هاجر لأ بس احنا المفروض نخرج النهارده ، وعمر قال هيخلصوا كام حاجه وننزل ، فابشوفك لو هتيجي معانا. حسن: ايوا جاي متنزليش غير لما اجي. هاجر: ماشي يا حسن بس أنجز . حسن: هنجز حاضر...... يلا مع السلامه.

هاجر: سلام. ـ دخلت هاجر من البلكونه وقالت : حسن هيجيي معانا قالي نستناه. مروان : انا قايم البس . ـ شريف مسكه بسرعه قبل مايقوم: تعالى هنا مش هتقوم غير لما تراجع الملف كله . مروان : ياجدعان ارحموني بقا. بعدين بص لهاجر وقال : ماتقولي حاجه يا هاجر . ـ قالت هاجر وهي بتبص لشريف وعمر ونديم: اقول إيه يابني انا بخاف منهم انت مش شايف عاملين ازاي. ـ ضحك الثلاثه عليها بعدين قال مروان : لا متخافيش هما بيحبوكي و هيسمعو الكلام .

هاجر بصت لشريف بعدين قالت: ممكن تسيبه ياشريف ولما يرجع يكمل شغل . ـ شريف وهو ماسك مروان من هدومه : لأ مش هيمشي غير لما يخلص. هاجر بتمثيل البراءه: please ياشريف . ـ بصلها شريف بتفكير بعدها قال وهو بيسيب مروان: خلاص هسيبه عشان خاطرك أنتِ ، بس لو الملف دا مخلصش ، هحاسب مين فيكم بقا ؟ ـ بصت هاجر لمروان بعدها قالت بسرعه : هو طبعاً أنا مالي . مروان : والله!!! هاجر: انتم اخوات اتفهموا مع بعض انا رايحه البس .

ـ راحت هاجر تلبس ومروان بص لشريف لقاه ببصله بشر فقال مروان وهو بيطلع من الاوضه بسرعه: انا هروح اشوف هاجر مش بتنادي ليه . ( طلع مروان فوق شقتهم يلبس ، وهاجر كانت بتلبس برضو ، وبعد وقت جهزت هاجر ، نزل مروان ، شريف وعمر ونديم كانو خلصوا بس حسن لسه مجاش....... هاجر: انا جهزت الجميع : واحنا خلصنا يلا بينا . هاجر: حسن لسه مجاش برضو ، تناحه مش معقول . حسن وهو واقف وراها : مش معقول فعلًا . ـ لفت هاجر

لقيته في وشها فقالت بهروب: حسن جه اهو يلا بينا . حسن : انتِ عاوزه تتعلقي. مروان : انتم ليه جايين علينا أنا والبت غلبانه دي. بص حسن لمروان وقاله بهمس : ما بلاش انت بدل ما اخليهم ينكدوا عليك وانت عارفهم . مروان : انا بقول يلا ننزل عشان منضيعش وقت . هاجر : ياريت بقا خلصوني. نزلو من البيت و عمر وسليم وشريف ركبوا عربيتهم ، مروان وهاجر ركبوا مع حسن فقال حسن : مركبتش مع اخواتك ليه .

مروان : ركز انت بس في الطريق انا جاي اقعد مع هاجر. حسن : ماشي ماشي اتقل عليا أنت هاجر . ( طلع حسن بعربيته وكمان عمر ، وبعد نص ساعه كانو وصلوا المكان اللي هاجر راحته مع مازن وحسن قبل كدا ، قعدو في الروف ، لعبوا كتير واتعشوا مع بعض ،والوقت سرقهم ، لغاية مابص حسن في الساعه و..... حسن: يلا نروح اتأخرنا اوي الساعه بقت 1 . نديم : الوقت سرقنا ، انا بقالي كتير مسهرتش . مروان : هو احنا كدا سهرنا!! هاجر: قولهم يامروان .

حسن: ما انتِ ومروان مرواكوش حاجه ، لكن احنا ناس وراها شغل ،قوموا يلا . شريف : ايوا يا استاذ مروان نسيت الملف ولا ايه ؟ قال مروان بيأس : الظاهر كدا إني لبست خلاص. هاجر: شكلك كدا ، ربنا معاك. عمر : خلاص يلا بينا. .................. ……………………….……………………….………........... " عند مازن " ـ بيرن مازن على حسن كتير مش بيرد ، حاول يرن عليه اخر مره واخيرا رد فقال مازن بعصبيه : انت مستفز يالا مش بترد ليه كل دا.

حسن: أهدى بس والله مسمعتش الموبايل التاني دا كنت ناسي أنه في العربيه. مازن: انت فين؟ حسن: مروح ، كنت خارج انا وهاجر وولاد خالي....... انت إيه الاخبار عندك. مازن: انت مسمعتش التسجيل اللي بعتهولك الصبح . حسن: لا تسجيل ايه دا. مازن : طب شوف ياحسن الموبايل وهتلاقيني باعته اسمعه وكلمني. حسن: تمام انت خلاص وصلت البيت هطلع واسمعه . مازن: تمام .

( وصلو البيت وكل واحد طلع شقته ، وكان الجد سليم ، زينب نايمين ، هاجر كمان نامت ، واولاد عبدالله كمان ، بس حسن دخل اوضته وسمع التسجيل اللي مازن كان باعته ، بعد ماسمعه رن على مازن و....... حسن: إيه اللي انا سمعته دا؟!! مازن: إيه رأيك بقاا . حسن: جدع يامازن انك عرفت تعمل كدا ، أوعى يكون حس بحاجه. مازن: عيب عليك ، انا مطلعتش الموبايل دا قدامه نهائي ميعرفش إني معايا موبايل تاني اصلا.

حسن : انت ورحت النهارده زي ما اتفقت معاه. مازن: ايوا ، لو ماكنتش روحت كان هيشك فيا. حسن: طب عملت إيه. مازن: هحكيلك. " Flash back " ـ كنت في البيت مستني العربيه اللي المفروض اروح بيها تيجي ، فضلت قاعد شويه مستني بعدها رن هارون عليا وقال : العربيه وصلت تحت بيتك يامازن . مازن : تمام انا هنزل دلوقتي .

ـ نزلت من البيت وركبت العربيه اللي هارون بعتها ، بس اول ماركبت السواق اخد الموبايل مني وقال إن دي أوامر هارون ، اديتله الموبايل ،طلع بالعربيه ، قعدنا وقت كبير شويه يجي ساعه ، ولما وصلت كان مكان مقطوع وساكت ، بس فيه بيت صغير كدا ، هو دا اللي هارون بيجتمع فيه مع الناس اللي بيشتغل معاهم شغل مش مظبوط ، دخلت المكان وطبعًا قبل ما ادخل اتفتش ، وبعد مافتشوني واتأكدو إني في السليم دخلت ، كان قاعد هارون والمقاول اللي قال عليه دا على طربيزه ، روحت قعدت معاهم وبدأ هارون يتكلم..........

هارون: دا مازن يا صبحي شريكي في الشغل . ـ بص صبحي المقاول لمازن وقال : اهلًا يا باشا اتشرفنا بيك. مازن : اهلًا بيك. هارون : قول اللي عندك يا صبحي . صبحي : الناس اللي طالبين مني ابنيلهم العماره ، اتفقوا معايا على جديد. هارون : جديد إيه. صبحي : الحج الكبير قالي إنه لو الشغل عجبهم هيشتغلوا معايا علاطول وابقا الراجل بتاعهم ، وكدا هيجيلي شغل اكتر يعني هستنفع وانفعك ياهارون باشا . هارون : وايه المطلوب دلوقتي؟؟

صبحي : الحاجه اللي هاخدها منك هتبقى مغشوشه اه بس مش عاوز مخلوق يحس بكدا في الشغل ، عاوزه اخد البضاعه وكأنها أصلي يا باشا طبعًا انت فاهمني. هارون : فاهمك بس كدا هتكلفك اكتر . صبحي : عامل حسابي انا كلمت الحج الكبير وعليت معاه السعر . هارون : يبقا اتفقنا ، دلوقتي انت هتتعامل مع مازن في موضوع العقود والحسابات . مازن: تمام انا هظبطت العقود وكمان ورق جودة الماتريال ، والحسابات. هارون : بالظبط كدا .

صبحي : اتفقنا يا باشاوات ، اول ما العقود والورق يخلص هتلاقو الفلوس اتحولت . هارون : تمام ، امشي انت دلوقتي. صبحي : سلام يا باشا. ـ مشي صبحي وقعد مازن ومع هارون فقال هارون وهو مركز على تعابير مازن : ها يامازن هتعرف تعمل المطلوب منك . ـ مازن ببرود خافي اي تعبير ممكن يتمسك عليه : الظاهر إنك متعرفنيش كويس ياهارون . هارون : لا بس متوقعتش إن يكون ليك في السكه دي . ـ ابتسم

مازن ابتسامه بارده وقال : مش بقولك متعرفنيش كويس...... على العموم اللي انت طلبته هيتنفذ بس هيحتاج وقت شويه . هارون : مش مهم الوقت ، المهم الشغل يبقا مظبوطه محدش يقدر يكشفنا . مازن : متقلقش دا اللي حيصل. هارون : تمام تقدر تمشي دلوقتي، نفس العربيه هترجعك البيت . مازن : ماكنش ليه لازمه الشغل اللي عامله دا يا هارون ، يعني عربيه جايباني وواخدين الموبايل وبتاع .

هارون : لازم أأمن نفسي انا برضو لسه مضمنكش ، بس بعد كدا تقدر تيجي بعربيتك عادي ، انت خلاص بقيت شريكي ولا ايه. مازن : اكيد ياهارون...... انا همشي بقا ، هبقا اتواصل معاك عشان اعرف معلومات عن الكميه وأجهزة الورق . هارون: تمام . " Back " حسن: كدا نقدر نقول إن هارون بدأ يثق فيك . مازن : بالظبط . حسن: بس انت كدا ممكن تتورط معاه في الحاجات اللي المفروض تزروها دي .

مازن: متقلقش انا عارف هعمل إيه ، اكيد مش هخليه يمسك حاجه عليا . حسن: مش عارف انا قلقان . مازن: متقلقش يابني الدنيا هتمشي إن شاء الله. حسن: يارب يا مازن. مازن: انا هروح انام بقا لاني عندي شغل بكرا ، هبقا اكلمك ياحسن ركز شويه مع الموبايل. ضحك حسن وقال : حاضر والله كنت ناسيه بس خلاص هركز . ـ ضحك مازن أيضاً وقال : ماشي يامعلم ، يلا تصبح خير . مازن: وانت من اهل الخير .

ـ قفل حسن مع مازن وغير هدومه بس ماكنش جايله نوم ، طلع البلكونه لقى هاجر واقفه في بلكونتها وكمان عمر واقف في بلكونته وبيتكلمو فقال حسن بضيق : إيه اللي مصيحكوا انتو الاتنين. هاجر: انا مش جايلي نوم . عمر : وانا كمان، انت ايه اللي مصحيك . حسن: كنت هقف شويه وادخل انام . بعدين بص لهاجر وقال اي حاجه عشان يخليها تدخل ومتقفش مع عمر: وانتِ المفروض تدخلي تنامي عشان..... عشان اخدك معايا الشركه بكرا.

هاجر: بجد ياحسن هتخليني اروح معاك . حسن: ايوا بس ادخلي نامي عشان هصحيكي بدري . هاجر : okay. كانت هتدخل بس وقفت وقالت لعمر : تعالى معانا انت وباقي اخواتك تشوفوا شركة حسن . عمر بتفكير : ماشي أنا اصلا كنت هروح في مره ، مشوفتهاش من اول ما بدأت . هاجر : خلاص يبقا هنروح معاك بكرا ياحسن. ـ قال حسن بصوت هامس محدش سمعه : يعني انا واخدك عشان متقعديش معاه تروحي جيباهم كلهم ، اتقلي عليا هاجر: بتقول ايه؟! حسن : مش بقول.....

انا داخل انام . هاجر: وانا كمان يلا تصبحوا على خير. عمر و حسن : وانتي من اهل الخير . ( دخل الثلاثه عشان يناموا ويستعدوا ليوم جديد بكرا هيبقا في احداث كتير ، تفتكروا ممكن يحصل إيه........