رواية من اجل حفيدتي الفصل الثامن 8 - بقلم هاجر خالد

رواية من اجل حفيدتي الفصل الثامن8 إيه اتكشفت؟!!!!! ............................................................................... هاجر: صباح الخير يا جدو . الجد سليم : صباح النور ياحبيبتي . هاجر: استنيتك امبارح تسهر معايا انا وخالتو بس اتأخرت فانمت. الجد سليم: قعدت مع عمك صابر انا وحسن ومازن والوقت سرقنا . ـ كانت هاجر هتتكلم بس قاطعها خبط على الباب : طب هقوم اشوف فين . فتحت الباب وكان حسن : اهلًا قلبظ تعالى ادخل .

حسن : اهلًا ياختي........ صباح الخير ياجدو. الجد سليم: صباح النور ياحسن تعالى . هاجر : هي فين خالتو . حسن: ماما جايه ورايا اهي . هاجر : طب أنا هدخل أجهز الفطار عقبال ما خالتو تيجي . الجد سليم: ماشي احنا هندخل البلكونه عقبال ما تخلصو. هاجر: okay. دخل الجد سليم

وحسن البلكونه فقال حسن : انا هنزل النهارده اجيب الموبايلات واعدي على مازن اديه واحد عشان المفروض يروح لهارون النهارده الساعه 4 هو هيبقى موجود في الشركه عشان عنده اجتماع. الجد سليم: تمام ، بس أكد على مازن ياخد احتياطاته وتبقى ردوده جاهزه ، مش عاوزين هارون يشك فيه خالص يا حسن . حسن: أوامرك يا معلم ، هتعدي إن شاء الله. الجد سليم: إن شاء الله ياحسن . After 15 minute ـ الفطار ياجدو. الجد سليم: جايين اهو .

ـ دخل الجد سليم وحسن قعدو على السفره ، كانت هاجر وزينب خلاص حطوا الفطار وبدأو يفطرو في صمت ، بس قطع الصمت هاجر وهي بتقول : انا زهقانه ياجدو وعاوزه انزل . حسن: تنزلي تروحي فين ؟ هاجر: ملكش دعوه انا بكلم جدو.... ها ياجدو . الجد سليم: تمام شوفي عاوزه تروحي فين . هاجر: بجد! الجد سليم: بس حسن هيجي معاكي. ـ بصلها حسن وضحك باستفزاز ،فقالت هاجر : لأ ياجدو انا عاوزه انزل لوحدي ، مش عاوزه حد يجي معايا.

حسن: ودا ليه إن شاء الله بقا؟! هاجر: قولت ملكش دعوه. حسن : تمام براحتك، بس برضو مش هتنزلي لوحدك . أنا نازل ورايا مشوار. الجد سليم: ابقي طمني ياحسن . حسن : حاضر سلام . هاجر بضيق : عاجبك كدا ياجدو . الجد سليم : ياحبيبتي انتِ مينفعش تنزلي لوحدك ، مش هبقا مطمن عليكي ، الاحسن يبقا في حد معاكي . ـ قالت هاجر بتزمر وهي داخله اوضتها: تمام ياجدو تمام. الجد سليم: العيال دي وجع دماغ والله . زينب : عندق حق يا بابا والله......

انا هقوم اعمل قهوه اعملك معايا؟ الجد سليم: ياريت يازينب ، الواحد دماغه هتنفجر من الصداع .................................................................... حسن : انت فين ؟؟ مازن: انا هنزل اهو ، جبت الموبايل. حسن: اه انت تحت اهو مستنيك. مازن : تمام انا نازل..... سلام. ـ نزل مازن وأخد الموبايل من حسن وقال: عرفت إن هارون عنده اجتماع مع شركه مقاولات تحت السلم . حسن: شامم ريحة حاجه شمال في الحوار .

مازن : بالظبط كدا ، انا هروح بقاا دلوقتي واحاول اعرف أي حاجه من السكرتيره ولما اخلص هعدي عليكم . حسن: تمام يامعلم خلي بالك من نفسك . مازن : ماشي سلام . حسن: سلام . ( ركب مازن عربيته ومشي ، وحسن كمان مشي راح على البيت بتاعه ، طلع شقته الاول قعد مع زينب و....... حسن : انا رايح عند جدو يا ماما هاخد هاجر وننزل . زينب: ماشي ياحبيبي خلي بالكم من نفسكم. حسن: حاضر سلام . زينب : سلام في رعاية الله. ـ راح حسن خبط على شقه الجد

سليم وفتحتله هاجر فقال: فين جدو. هاجر: في البلكونه بيقرأ الجورنال. حسن: طب أنا هدخله عقبال ماتلبسي . هاجر: البس ليه ؟! حسن: مش انتِ عاوزه تخرجي.... هخرجك. هاجر: لا شكرًا مش عاوزه . حسن: نص ساعه والاقيكي جهزتي يلا . هاجر: طب........ حسن: هش يلا . الجد سليم: بتتناقرو على إيه المرادي . حسن: ولا حاجه ياجدو دي عيله بومه. هاجر: والله مافي حد بومه غيرك. حسن: امشي يابت يلا. ـ راحت هاجر تلبس وقعد حسن

مع الجد سليم فقال الجد : عملت إيه مع مازن . حسن: اديتله الموبايل وقالي إنه لما يخلص مع هارون هيجيلنا على هنا . الجد سليم: تمام ربنا يعديها على خير. حسن: إن شاء الله ياجدو متقلقش انت بس . ( حرك الجد سليم رأسه مع ابتسامة تدل على الاطمئنان ، كمل الجد سليم وحسن قعدتهم في البلكونه يتكلمو لغاية ما هاجر تجهز وبعد ساعه تقريبا...... هاجر: انا جهزت. حسن: إيه السرعه دي اللهُ اكبر عليكي . هاجر: بتتريق صح!!

حسن: اتريق ايه بس لسمح الله. هاجر: طب يلا بقا ننزل حسن: يلا . هاجر وحسن : سلام ياجدو . الجد سليم: سلام ياحبايبي في رعاية الله. ـ نزل هاجر وسليم وطلعوا بالعربيه: عاوزه تروحي فين . هاجر: مش عارفه بس ممكن نروح نقعد على البحر و ناكل دره . حسن: عيونا للست هاجر . هاجر: شكرا ياحسن ربنا يسترك يارب . حسن: كرمشيلي خمسه جنيه في أيدي احسن يا هاجر. هاجر: تصدق خساره فيك الدعوه. حسن: بهزر ياستي...... ربنا يسترنا كلنا .

( وصلوا على البحر وقعدو ، جاب حسن دره وفضلو يتكلمو وقت طويل بعدها قامو يتمشوا و......... ................................................................ عند مازن " هارون باستغراب: ايه دا مازن!! إيه الزياره المفاجأة دي خير إيه إللي جابك؟! مازن بجديه : جاي احط ايدي في ايدك ، اظن أهدافنا بقت واحده. هارون بعدم فهم : مش فاهم يعني إيه؟؟ مازن : يعني انت عاوزه تنتقم من حسن وسليم ، وانا كمان يعني متفقين.

هارون: وانت إيه اللي غير كلامك ،مش دا صاحب عمرك ومستحيل تبيعه. مازن: كان صاحب عمري ، دلوقتي خلاص مفيش حاجه تخلينا أصحاب وكمان هفض الشراكه معاه . هارون : إيه اللي حصل وصلكم لكدا. مازن ببرود: أظن دي حاجه متخصكش ، هتبقا معايا ولا لأ. هارون بتفكير : وأنا إيه اللي يضمنلي إنك مش جاي تلعب عليا. مازن بجديه : معنديش ضمانات ادقدمهالك ياهارون عاوز نبقا ايد واحده تمام ، مش عاوزه دي حاجه ترجعلك. ـ اقتنع هارون

بكلام مازن شويه فقال : تمام يا مازن موافق بس لو طلعت لعبه منك صدقني هتندم . قام مازن وقف ببرود وقال : صدقني معنديش وقت اضيعه ياهارون واظن إن ليك كذا طريقه تتأكد بيها ولا إيه ؟ هارون: تمام يا مازن اتفقنا. ـ مازن تمام. .............................................................. عند حسن و هاجر " هاجر : يلا نروح بقا انا تجلت. حسن: وانا كمان نشفت خلاص ، يلا بينا . هاجر : يلا .

( ركب حسن و هاجر العربيه عشان يروحوا وبعد نص ساعه كدا وصلو البيت و..... هاجر: اكيد جدو نام. حسن: اكيد ، جدو وماما بينامو بدري اصلا . هاجر: ايوا اخدت بالي...... شكرًا ياحسن على الخروجه اللذيذه دي اتمني تكرر تاني . حسن: العفو ياستي..... اي وقت عاوزه تنزلي قوليلي. هاجر: okay. حسن: يلا تصبحي على خير. هاجر: وانت من اهل الخير.

ـ دخلت هاجر وقفلت الباب وحسن دخلت شقته برضو ، بش مانمش كام مستني مازن يرن عليه وبعد دقايق فعلا موبايله رن وكان مازن ، فرد عليه وقال : ايه يامازن كل دا التأخير دا ، وكمان انت مش قولت هتيجي ماجتش ليه. مازن: اديني فرصه اتكلم طيب. حسن: طمني بس يامازن . ـ قال مازن بتوتر مزيف عشان يخوف حسن : مش عارف اقولك ايه ياحسن بس...... ـ قاطعه حسن بقلق قائلًا : إيه اتكشفت؟!!!!!

(تفتكرو ممكن ايه يحصل في الأيام الجايه وهل فعلا هارون هيقع في شر أعماله و عيلة سليم هتعرف توقعه وتعيش بسلام ولا لأ، دا اللي هنعرفه بعدين)