تحميل رواية من الذي أحبه بقلم لولو وائل pdf

رواية من الذي أحبه الجزء العشرون 20 بقلم لولو وائل

من الذي أحبهرواية من الذي أحبه الحلقة العشرون

=باركلى يا اسر انا اتجوزت

نظر اسر ومراد الى بعضهم بصدمه ونظره الى والده واجابه=مبروك يا حاج يا زين ماخترت اكيد كل واحد بياخد اللي زيه

=الله يبارك فيك عقبالك

=يا ترى هتقضي شهر العسل فين ولا احدد لك انا مكان على ذوقي

=كلك ذوق يا اسر طول عمرك ذوق طالع لامك قولي بقى عرفت مكانى ازاي

=لا لا سيبك من المكان دلوقتي انا لازم اعمل الواجب معاك يا عريس عشان كده نويت اقدملك احلى شهر عسل عمرك ما هتتخيله انت وعروستك الجميله

=ويترى فين بقى شهر العسل

=ادخل يا وليد باشا

دخل الضابط وليد بقواته وتم ضبط كل من بالمكان تحت صدمه سليم وسوزان تقدم سليم بغضب امام اسر وقال=لو موقفتش الهبل ده دلوقتي انسى خطيبتك وخطيبت صاحبك والباقى

=عايز تقولي ان همل معاك وانك خاطفهم وبتهددني بيهم صح

=تقدر تقول كده

=ماشى موتهم عندك مشكله يا مراد ان هو يموتهم هو مش انت محاوط البيت ادخل موتهم ادينا مستنين الخبر

=انا معنديش اي مشكله يا اسر اتفضل يا سليم بيه اعمل لنفسك فيه

=انتو مش خايفين مني انا بتكلم جد على فكره وهو عارف بالظبط انى انا ممكن اموتهم عادي

=ما احنا قلنالك اهو اعمل ما بدالك خش البيت لو لقيت حد فيه موته

=لو لقيت حد فيه ممم عجبتني الحركه عجبتني مطلعتش برضو غبي يا اسر زي ما توقعتك ماشي يا اسر هنتقابل تانى هنروح من بعض فين

=اكيد طبعا هنتقابل هجيبلك زياره في السجن وانا هقدر اسيبك ده انت مهما كان ابويا

=ماشي يا اسر وانا هعرفك ازاي تعمل معايا كده

واخذهم وليد وذهب بهم الى السياره بالخارج لكي يذهبوا الى قسم الشرطه

=مبروك يا عريس الف الف مبروك

بعد ذهاب وليد والباقى نظرا مراد الى اسر وابتسم

=عجبتني دماغك لولا فكرتك دي كان زماننا خسرنا البنات وخسرنا كل حاجه

=العشره بقى العشره خليتني اعرف هو عايز يعمل ايه وبيفكر ازاي

=بس انت عرفت ان انه ممكن يكون محاوط البنات ازاى

=من الراجل بتاعه سامح دراعه اليمين انا عارف الراجل ده كويس جدا من وانا صغير وعارف ان ده اللي على طول اللي بينفذ اوامره بالحرف الواحد وابويا مبيستعينش بحد غيره حتى لو اثق في كذا حد برضو ما بيستعنش غير بسامح في اي مهمه ليه او في اي مصيبه ليه ولما روحت عشان ابص حوالين البيت لك ان تتخيل اللي كان موقف جوه مكانش سامح كان اخو التوام هو فاكرني مش هعرفهم من بعض انا عارف ان ابويا عارف ان انا كنت هاجيله علشان كده راح باعت سامح برجالته يحاوطو الفيلا وساب اخوه التوام اللي مبيخرجش غير عند الضروره ومحدش يعرف عنه حاجه بس انا عرفت من سامح كان بيحكيلي كل حاجه وانا صغير وعن عيلته وعن اخوه وابويا ميعرفش ان انا اعرف وفي فرق كبير ابين سامح وسليمان فى التصرفات وكمان اخوه عامل وشم في الايد سامح عمره ما عمل وشم في ايده اما سليمان بيحب الوشم والتاتو اوي فالولا التشميره الجميله بتاعته والوشم ظهر مكنتش هعرف ساعتها ان سامح هناك عشان يخلص على البنات

=طب واللي اكدلك ان سامح هناك ما ممكن يكون سامح راح مشوار

=سليمان مبيظهرش الا لو سامح راح يعمل مصيبه و اتاكدت بنفسي ما هو انا سايب رجاله هناك برضو عشان لو عمل حركه زي دي اعرف اهربهم واغفل التغفيله الحلوه دي

=حلوه الفكره حلوه اللعبه بس انت وديت البنات فين وعرفت تهربهم ازاي

=بعد ما شفت سليمان كلمت الرجاله وقولتلهم يروحوا للبنات قلت الواحد بقول انه الدليفري ويلبس اللبس بتاعهم وقولت لسلمى ان في دليفري هيجيلكم اخرجي واسمعي منه هيقول ايه بالظبط وقالهم كل اللي انا قولتهوله بالظبط وانهم يجهزوا هدومهم او اللي يحتاجوه من هدومهم في الوقت الحالي ويتحركوا من الباب الخلفي من غير صوت وبهدوء هيلاقو عربيه كبيره لونها اسود هيروحوا يركبوها وكلمني راجل اللي هو اتحرك بيهم ووصلوا الفيلا محدش يعرفها غيرى انا وامي بس الله يرحمها

=وافرض ابوك بعت لهم عربيه سوداء وغفلك

=من الناحيه دي بقى فانا ابويا اول مجرم مبيستخدمش عربيات سوداء اصلا بيحب العربيات البيضاء بس مش واخد بالك صف العربيات البيضا اللي قدامك دول يعني خطف جرائم اي حاجه في الدنيا ان شاء الله لو فسحه بيستخدمش غبى العربيه البيضا ما بيستخدمش سوداء ما بيحبهمش عشان امي كانت بتحب الاسود وهو بيكره الاسود بسببها

=وفين بقى مكان الفيلا دي

=لا اتقل عليا عشان ممكن نكون متراقبين او حد بيسمعنا واحنا مش عارفين هنسكت دلوقتي لحد ما الخطر ده يهدى شويه وبعدين هقولك هما فين

وراكب أسر السياره ومراد وانطلقو بها الى قسم الشرطه دخل اسر ومراد الى قسم الشرطه وتوجهوا الى وليد ليعرفه ماذا سوف يحدث لسليم وسوزان

=قول يا وليد الناهيه ايه

=بص يا مراد انا طبعا حطيتهم في سجن مشدد عشان ما يحصلش اي هروب تاني بس سجن سوزان ومعروف ليه لكن سليم معليهوش اي حاجه وسجنته بس عشان هو هربها مش اكتر يعني و فتره صغيره وهيطلع

=لا ما هو مش هيقعد فتره صغيره لان انا معايا شويه ادله حلوين كده تخلوه يتزين بحبل المشنقه

=ادله ايه

=معايا ادله على قتله لجدي وقاتله لاختي الصغيره وقاتله لابني اظن دول يعني حلوين جدا

=حلوين بس هم فين

=معايا كله بس انا عايزه ازوره بس قبل ما اقدم الحاجات دي

=ماشي

وسمحوا له بزياره والده جلس اسر امام والده بابتسامه سخريه وكان ينظر والده له بغضب وكره=عايز اى يا اسر تاني

=هو مش من الواجب الابن انه يزور ابوه ولا ايه

=اخلص يااسر قولي اللي عندك

=تعرف انا مبسوط قد ايه وانا شايفك هنا مبسوط وانا قادر اخد حق امي وجدي منك وابني واختي اللي زيك ما لوش مكان وسط الناس النضيفه دي ولا انت ولا الثانيه اللي انت اتجوزتها ومش مصدوم انك اتجوزتها أن ازاى سليم بيه بنفسه يتجوز لا مش مستغرب بصراحه عشان عارف انك كنت هتاخدها مصلحه وهتموتها مش عشان سجنتكم وابقى مدافع عنها وبحميها بالعكس انتوا لسه ليلتكم معايا كبيره ولا فاكر نفسك يومين وهتطلع تبقى غلطان انت مكمل هنا شويه شويه كثير اوي بالنسبه لسامح وسليمان متقلقش عليهم انا محتفظ بيهم وهعاملهم احسن معامله

=لا ده انت طلعت فاهم كل حاجه بقى عارف سليمان وسامح وعارف انا هعمل اى انت اثبتلي النهارده انك ابني فعلا وفاهم دماغي صح بس خاف على نفسك وخاف على البنات خاف على اللي حواليك كويس اوي

عشان انا مش هسكت

=متسكتش وهات اللي عندك انا مبقيتش خايف منك وهحاول اوصى عليك توصيه جامده عشان اخد حق الناس اللي دمرتهم وحقي وحق عيلتي اللي انت دمرتها برضو انا بالنسبه لسوزان فانا مش هقولها حاجه عشان اخليها تتفاجئ سلام يا سليم بيه

وتوقف عندما استمع الى حديث والده

=عايز تعدم ابوك يا ياسر انا كنت بعمل كل ده علشانك يا ابني انا بحبك ومحبتش غيرك انت ابني من لحمي ودمي

=هقدم لك في برنامج مواهب حاضر هتبقى ممثل مبهر انت فاكرني هصدق اللي انت بتقوله ده

=انت ما سالتش نفسك ليه انا بكره الستات وليه كنت بكره امك وليه قتلت اختك

=كنت بسال نفسي بصراحه كتير بس ملقيتش اجابه و ملقيتش منطق انك ممكن تكره الستات بالشكل البشع ده لدرجه انك تقتل بنتك اللي من لحمك ودمك برضو ايه السبب بقى انت ممكن تقولي دلوقتي

=انت تعرف يا اسر ان امي خلعت ابويا من غير ما يعرف واتجوزت وسابتنىةوانا صغير عشان راجل تاني من ساعتها وانا بشوف كل الستات خاينين دايما بقول ان انا لو اتجوزت هيحصل معايا زي ما حصل مع ابويا مع ان اخواتي كلهم اتجوزوا واستقروا ومراتتهم كانوا كويسين بس انا اللي دايما خايف كنت دايما اشوف ابويا قاعد زعلانه بسبب مراته واللي عملته فيه لما شفت امك في البدايه حسيت ان انا شفت امي قدامى كانت نفس الطيبه بتاعه امي مع ابويا بالظبط بنفس تصرفات حسيت بشك ان ممكن تكون زيها عشان كده مكنتش طايقها بس لما خلفتك انا قولت يبقى معايا راجل يسندني بس مكنتش عايز بنات عشان برضو في يوم من الايام لما تكبر ممكن تخون جوزها وتسيبه عادي لانه ودمها ودم الست اللي سابتني ودم امها اللي الله اعلم هتعمل فيها ايه عشان كده لما امك جابت اختك كرهى للبنات زاد وكان عامينى الكره لامي كانو عامين زياده عشان كده موتها مش قادره اشوف جنس من دول قدامي مش هنكر اني غلطت في حق امك كتير بس مكنتش قادره احبها مش قادره امحي الماضي من ذكرياتي انا مش شخصيه وحشه يا ياسر انا مريت بماضي عنيف زيك بالضبط عرفت وانا عملت كده ليه

=كادت الدمعه ان تفر من عيني هو انت انسان طبيعي مطلع جدتي اللي هي مامت حضرتك اللي متت بالمرض الوحش ست خاينه هو انت فاكرني معرفش حاجه فاكرني هصدقك انت شخص مولود كده بتكره الستات تلقائي انت اللي مولود في كره جواك لوحدك متعملش لنفسك ماضي حزين انا عارف كل حاجه وعارف اللي فيها انت بتحور عليا انا

=ماشي يا ياسر انا هوريك هعمل فيك ايه

=روح يا حاج الله يهديك صليلك ركعتين و وكفر عن ذنوبك دي كلها انا ماشي سلام

واتجه اسر الى صديقه مراد وجلس بتعب وحزن

=مالك يا اسر متضايق ليه

=انا قوات لو للحظه واحده ممكن يتغير بس الظاهر ان مفيش فايده كل اللي هو شايفه هو انه ازاي يرضي نفسه وفالح يكدب بس لدرجه ان هو عشان يحسسني ان هو مظلوم بيطلع جدتي خاينه وامي واختي اللي كانت لسه ايام وساعات انا مشفتش واحد بيعمل كده فى ابنه وبجد وفي اللي حواليه مبقيتش عارف اعمل ايه

=متزعلش نفسك يا صاحبي هايجيلك حقك ان شاء الله انت ومامتك واختك وابنك اللي ما جاش على الدنيا وجدك الكل

=ان شاء الله شوف يوسف وفريد وصلوا لايه عشان نخلص من فوزيه بالمره كلمه انت وانا هروح اقدم الادله اللي معايا واجيلك

ذهب اسر وقام مراد بالاتصال بيوسف واجابه على الفور

=ايه يا بيه عدم الرد ده كله احنا بنتصل بيك بقلنا كتير وانت مبتردش

=معلش حصل شويه حاجات كده هبقى اقولكم بعدين قولي انت وصلت لحاجه ولا

=ملقتس غير لقطات كاميرات لما كانت موجوده عندنا في الشركه بس ملقيناش اي حاجه تثبت على جريمه القتل بتاعتها

=والعمل

=مش عارف بس احنا على كده لازم ادور في بيتها يمكن نكتشف حاجه او نلاقي حاجه

=ماشي سيبلي انا الطلعه دي وانتم لو لقيتو حاجه تانيه ابقى كلميني

=تمام سلام

اغلق مراد الهاتف وكان يفكر في ماذا سوف يفعل تقدم اسر بالادله الى وليد وبدا وليد بالاجراءات وذهب اسر لمراد ليذهبو من قسم الشرطه وذهبوا الى منزل مراد

تلقى اسر اتصالا من سلمى واجاب سريعا

=الو يا سلمى عاملين ايه

=لا انا مش سلمى انا مرام

=عايزه ايه يا مرام في حاجه حصلت ولا ايه

=لا مفيش حاجه حصلت ممكن بعد اذنك تفتح السبيكر بينك وبين مراد

نظر أسر الى مراد بتعجب وفتح مكبر الصوت

=قولي يا مرام عايزه تقولي ايه

=في ظرف 24 ساعه امي لو مخرجتش من السجن كل واحد فيكو هيترحم على حبيبه القلب

…..