رواية من انت لتكون انا الفصل الحادي عشر 11 - بقلم حسين

سيدرا- بقيت اباوع بالوجوه اشرتلي عطور براسها نطب جوه نعوفهم كمت ومشت ورايه

طبينا للغرفه كالت

اووف هسه يله ارتاحيت

هو ليش ديبجون

اكو جان عدهم مشاكل قبل. جانو جهال. عوفينا شعلينا منهم. بيناتهم اكولج عدج جهاز مال فحص الحمل

عاا انتي حامل

لج لا يا صخام بتي بطولي. بس لامل يمكن شايله كالت شوفيها عدها اذا ماعدها دتروح تجيب
منيلي لا اصلا ولا اعرفه شايفته بالتلفزيون

ولج مناويه تسوين اخ لزين

ههه خرب ببليسج عطور هو اني بيدي

لا ببطنج مو بيدج بابا سطري عدج هيج قالب وجمال خلي يحفى
اي بالشرب مالته

الله كريم شحتسوين غده باجر

يمكن تمن برياني

ها لعد اني يمكن اسوي فاصوليا
اوك كامت تفتر بالغرفه وتتفرج عليها كالت

شكد حلوه الاخشاب بالعافيه هذا ذوقج

طكيتها بضحكه

شبيج عابتلج

ولج هاي من جيت جانت موجوده احتمال ذوق وحده من البنات

خرب حضج اي والله

هاي شسوي الحمد لله

اي والله ههه اكولج عدي دشاديش مال نوم اخويه العفطي جايبها من مكه يخبلن اجيبها الج
ليش متلبسيها انتي
متطب بيه باع هاي

اي لعد ليش تاخذيها

لا ىالله واخلي مرته تضحك عليه تكوله فيل اختك اصلا كالتلي هاي وين تجي بيج كتلها طلعت فيت عليه

هههههه خرب ببليسج عطور.

والله قابل حتكولي خل اشوفها عليج هي دشداشه نوم

ههه اني عدي بعدني ممدشنتها

عزه بعينج

جتني ركض كعدت كدامي
ولج مماخذج

لا ىالله اخذني. وواجه يمي اربع مرات وصارت مشكله واتفقنا ميجي بعد

عفيه شاطره سباعيه حتى يلكاله حجه ويوكع الحرام براسج

اني شعليه هو اليريد يسوي حرام ينتضر احد يدلي الصح من الغلط

هم صح. بس ضياء عقليته مو هيج لج بابا كسبي خلي يامن

شسويله يعني عطور متعب كلتاها وجريت نفس سكتت مكدرت اكولها جاب صاحبه اندكت الباب كامت كالت حروح طب ضياء كال
رجلج صاحج

اي يله باي عود دزيلي باجر برياني وادزلج فاصوليا الله عليج

هههه بعيني

باي

هلاو .

راحت واباوع عالباب بقه ضياء يباوعلي كال

شنو جنتو تحجون

مباوعتله كمت من يمه لزمني من عكسي
تعاي داحاجيج

جريت ايدي وتركته وطلعت صبيت الغده واجه تغده وغديت زين وياه وتغديت اني هم ياكل ويباوعلي واني اذا صارت عيني بعينه انهزم رغم تاذيت من شفته بجه بس موقف البارحه لحد الان ياكل بيه كمت لملمت وره مكملنا غده طفت الكهرباء

كال
اوووهو. هذا الواير مالتنا تعب يرادله تبديل. يله باجر ابدله مدام عطله

مجاوبت شغلت اللايت وزين نزل جوه يم انو اجتي فردوس اخذته
هو طب للحمام وطلع كال وين زين

راح وي انو. فردوس كالت ب9 اجيبه وكالت ادير بالي عليه

همم

كملت ترتيب رحت للغرفه انسطرت منايمه البارحه تمددت وتغطيت طب للغرفه نام بصفحته الغرفه ضلمه والدنيا مغيمه بدايه الرابع سمعته ورث جكاره وجر نفس

كال

اريد احاجيج
انداريت عليه الدنيا ضلمه وجهي مديشوفه

كاعده مو

اممم

البارحه تندمت

ابتسمت وشي برد كلبي كال

يعني مردت احد من جماعتي يعرف متزوج
بقيت ساكته جر نفس كال

ممكن تنسين

امم
زين شنو نتو تحجين انتي وعطور

هيج سوالف نسوان جاوبت

شنو انتي حامل

انداريت عليه صفنت احاجي روحي يومين غايبه عني معقوله هو بس اول اربع ايام من بدايه الشهر شغل ضوه الموبايل باوعلي

شو صفنتي باوعتله عاكده حاجبي باوعلي بقلق. شنو احجي
شنو

حامل

ليش تسال
سمعت عطور تكول شريط حمل مدري شنو

بقيت صافنه وافكر خاف حامل اني يا الله

شبيج بس تتصفنين يمعوده

ضياء انت هم مره جيت يمي وجنت شارب

بقيت صافن عليها وعلى وجهه اللي انكلب من القلق. ليش
عفيه بس تذكر
والله مادري ناسي بس انتي تلعب روحج فاحتمال اكون غاسل

خليت ايدي على حلكي

شبيج نترت

طب زين يركض عليه باوعتله وكعدت عزه خاف اني حامل

واذا خير وبركه شنو تاكدتي

لا مو جريت نفس عفيه شون

شكو شبيج غير اعرف تقربت منها شبيج بابا

خاف باوعت لزين خاف تكون شارب ويجي مو صاحي
شون يعني مو صاحي

يعني ممتعافي باوعتله ميته خوف

بقيت صافن عليها يعني شنو قصدج

هو يكولون اليشرب ويتقرب من مرته يجي الطفل مو سليم عقليا

فكيت حلكي باوعت لزين وباوعتلها

اوكفي اوكفي منيلج هالحجي

بالتلفزيون همست كال

يعني شنو قصدج باوعت لزين وباوعتلها يعني زين ه لان احتمال جنت شارب وجيت يمها شنو هالحجي بابا
اباوعله فرك وجهه ويباوع لزين كال

جذب ماكو هيج شي هاي العالم كلها تضرب بطل

هسه انتي متاكده حامل

لا بس يومين

ها اي انتضري ونشوف

هزيت راسي اباوع لزين جاب المخده واجه. لا اني النمت الضهر ولاهو صارت ب8 وكهرباء ماكو زين راد ينام والجو طيب نيمته بالهول ابرد من الغرفه

طبيت للغرفه شفته متمدد وبس جمره الجكاره مبينه من الضلام طفاها من طبيت وفك الهوائيه مال سبلت يسحب الدخان السبلت مربوط على بيت الجبير كهرباءه
ردت ابدل فتحت الكنتور اتلمس هدومي اخذت دشداشه نص ردن فانيلتها ناعمه وقصيره جوه الركبه بشويه طبيت الحمام خضيت جسمي صاح

تردين ضوه

اي ياريت

فكيت باب الحمام مدلي الموبايل اخذته وخليته يمي قفلت الباب حسيته تغير وحسيت روحي نسيت السواه البارحه محترم اتفاقنا سبحت واني افكر لبست هدومي وطلعت طبيت الغرفه لكيته متمدد بمكانه التفت كال

هسه راح يسووها

خلينا بالضلمه اعصابنا ترتاح حتى انام
سرحت شعري وتمددت تغطيت هو جان كاعد وشايل ركبه ثانيها وممد رجله اللخ ضوه الموبايل خفيف باوعلي كال

ديتعبج زين؟
ةجج

ابتسم جر نفس ودار وجهه

ليش تقفل الباب عليه ليش متوقع حسوي غلط

متفقين من اول مو صح

حتى وين زين تتوقعني اسوي شغلات يعني مو طبيعي هالشي

امم هزيت راسي بقه يباوع بعيني نزل رجله الثانيه وعيونه بعيوني جر نفس طفه الموبايل وسكت
بقينا تقريب العشر دقايق ساكتين بعدها كال

جنت صغير ببيت جدي الله يرحمه. واكو مره كبال بيت جدي كاعده وحدها بالببيت ميصير عدها جهال وزوجها على طول يسافر

بقيت ساكته استمعله كال

وتجي على طول يم بيبيتي ام ابويه ومن تريد تروح تكولها ام محمد خل اخذه يمي اخاف وحدي وبيبيتي تكولها اخذي وبليل جيبي نخلص من وكاحته

ههه ضحكت جر نفس كال
بالبدايه جنت اروح وياها مكيف العب ببيتها شنو اريد تنطيني بعدها.
وسكت

جمدت بمكاني شنو

يعني تكوليلي ليش تخاف على زين وتحذرني مافوته للحمام اسمعي لعد

بقيت ساكته كال

وراها كامت تفوتني للحمام وياها تغسلي وتنزع وتحير شتسوي كانما فايته وي زوجها

ايييع عززه تالي كعدت عدل ومديت رجلي ضحك
هههه. نجتالي كمت اخاف اروح من تكولها لببيبيتي اكوم ابجي والبيبي متعرف شكو

وبعدين

هاهي مرتين 3 وراها كمت مااقبل

عزه بعينها لواني ابني هيج يسوون بي احركها حرك امي الحجيه وين

امي جانت ببيت ابوها ابويه من يسافر تروح هناك واني اجلب ببيت جدي علمود ولد عمي العب وياهم واحرجها لامي تسكت بعدين تدز بهاء عليه تاخذني
بقيت صافنه شكد جان عمرك

خمس سنين واتذكر كلشي

عمي حقك تخاف بس تره اني ماسوي هيج

اعرف بس انتبهي. لبسج كدامه حركاتج تاثر تره وتضل بباله

امم جريت نفس سكت شوي و كال

هم حبيتي فد يوم

اي هه الممثل احمد عز

هه يعني بالواقع
هو اني ششفت من حياتي

هم صدك

سمعته ورث جكاره الغرفه ضلمه بس ضوه الجمره كال

ابوج شوكت توفى

ه2008
الله يرحمه

ويرحم والدك بقيت بشك اريد اعرف ليش بجه. كال

تتذكري

اي اتذكره جنت صف ثالث
يو جبيره

اي ووانت

اني توفى جنت صف سادس وبهاء اول كليه والبنات رفل ثاني متوسط وامل رابع

جان مريض

جر نفس كال

سدي المرضوع

اوك بقينا ساكتين طولنا كال

يعني ابد محبيتي بحياتج

جج
زين شنو جانت امنيتج طموحج

اني من توفى ابويه بعد مفكرت بشي يعني صرت بلا حياه

الله يساعدج جانت امل تتاذه هواي اكثرنا كلنا

خطيه صعبه

اي هي اول وحده حست بمرضه

شون

كالت بابا من يكح يطلع دم بوكتها عمي تخبل وعرف بي شي برياته

بقيت ساكته انطلق بالكلام. كمل وكال
ابويه جان يشتغل بالبتروكيمياويات وتنفس نوع من الغاز سببله ورم بعدفتره وغلس لان مجان اكوو علاج اله وضل شوي شوي يذبل كدامنا وامي تشعر بي وميقبل يحجي لحد ماامل كالت شفته طلع دم عمي كلبها للدنيا واخذه للدكتور حانت حالته متاخره. شهرين ووو

سكت

الله يرحمه همست ارتاح

امم صح ارتاح محب يخلينا بوضع ها شون خاف يروح خاف حيتخربط عاش وحده هالقلق خطيه

شكد حباب الله يرحمه

ميستحق خلفه مثلي يستحق واحد مثل بهاء

لتكول هيج تره الميت يعلم يسمعك وينقهر
هه شكد فطيره

مجاوبت بقيت ساكته كال

ووالدج شون توفى

جريت نفس حادث حركت ايدي بالغلط طخت بجف ايده كلبي دك بسرعه

جمدت بمكاني وجتي الكهرباء التفت عليه يباوعلي عيونه جانت حمر يمكن بجه باوع لرجلي جريت الغطه تغطيت تنهد ودار وجهه فات للحمام يمشي بثكل شوي وطلع تقرب تمدد كال
زين هسه اشتغل السبلت
هل اروح اغطي
كمت داغطي خفت اعوفه شلته وجيت خليته بالجربايه بيننا جره ابوه يمه باسه من راسه وغطاه كال

بدربج بس نصي السبلت

اوك. نصيته وجيت للفراش مد زين ايده اخذ شعري يلعب بي غفيت عبالك نومه اخل الكهف قبل يوم منايمه وللصبح

حسيت احد يلعب بشريط الدشداشه اللي بالصدر بهدوء فكيت عيني مستغربه شفته ضياء باوعت لهدومي مفتوح الشريط ومبين جزء من جسمي باغراء بارز باوعتله يتنفس بقوه جر ايده بقه يباوع بعيني نضرتي تكوله تعال اني حلالك بس كل السواه
نام على ضهره وغطه وجهه بساعد ايده   ونام رجعت نمت  لل11 يله كمت على صوت زيوني وبوساته 

ابتسمت فتحت عيني وجريته ابوس بي وادغدغه وهو يضحك مكيف انداريت شفت ضياء كف ايده جوه خده ونايم عالمخده يباوعلنا مبتسم  شلته لزين وداريد اطلع التفتت عليه من وصلت للباب

يله كوم
انتبهت يباوع على رجلي عفته وطلعت حضرت الريوك  طلع يعدل بشعره كعد يم زين لزم الفون خابر

ها اوس اكولك انت بالبيت
لا داريد اسوي الكهرباء

ديله

قدمت الريوك كدامه واباوعله. كال

راح يجي اوس انتي ابقي ديسوي الكهرباء بالغرفه 
اوك

كعدت اوكل زين واكل  كلما صارت عيني بعينه دار وجهه  معرفت شنو البيه ليش يتحرش نضرتي فسرت كلشي ليش  مراد اقترب والله كل الردته ابعده عن طريق الحرام واحتوي زوجته اني المفروض
كملنا ريوك وخليت الجدر ععلى نار هاديه وزين نزل واني كعدت بالغرفه ديسوون  بالكهرباء طولت تقريب الساعتين وجتي الكهرباء صاح

جتي اووس هاهي عاشت ايدك

شوي وطب للغرفه كال

راح اخذي راحتج

اوك  طلعت من الغرفه  شفته تمدد بالهول يكلب بالفون. نقشتله فاكهه وخليتها يمه كال

ايي والله عاشت ايدج

بالعافيه

باجر عدي دوام  وو هسه حروح اتسوك بليل نروح بيت صاحبي
جمدت بمكاني شنوو

جر نفس صاحبي عزمني خبصني  خل اروح واخلص. كالها بملل وروحه طالعه

اوك هزيت راسي 

انتبهت وين مداامشي يباوع لرجلي كمت اتمايل بمشيتي على حجي عطور والله من نفسي خجلت  وكمت مااعرف اشتغل انداريت شفته يباوعلي فاك حلكه وعيونه متركزه برجلي ومشيتي من باوعتله دار وجهه وفرك وجهه بيدي كال

حنزل يم امي
من تصعد جيب زين عفيه وكت نومه الضهريه ساعه اربعه

ماشي

نزل كملت تنضيف وتمددت بعدني نعسانه.  طفيت الضوه وراسن  غفيت ولاعبالك لل11 يله كعدت.

ضياء- صعدت وره ساعه كل تفكيري بيها لا كرامتي التتنازل اتقربلها بعد اخر رفض داامر بوكت احس كل الحواليه  كاشين مني. جسمها مغري ودااحس بيها تحاول تغريني اخاف اقترب وترفضني ذاك الوكت يمكن اجنزها  ومااحس تاركها  شون متصير خل تصير بس ردت انهزم لشغلي لاول مره اريد استعجل الاجازه  نزلت يم امي سالفه وصحكه حلوه النوب حجيها كله بيها مكدرت  ساعه وصعدت لكيتها نايمه طبيت بهدوء زين داك اقامه يم انو  تمددت  يمها بس ردت اتنفس عطرها واسكر بي تقربت من خصلات شعرها  يابه ذبلت كلي شنو البيها يختلف خلاني كلما اقترب من مره اتذكر نومتي وياها  وبرودها  اتذكر رفضها والطريقه اللي لعبت نفسها مني بيها اتذكر كلامها من كالت
انت مثلهن متاح اني لواحد بس

انت مثل الذبانه تعوف الورده وتروح للزبل

حجيها  مو مال عمرها حجيها كلام امي عبالك.  لهذا كنت اضربها كونها على حق. صغيره زعطوطه وحلوه  ومابيها شي من الاحبه. غير جسمها وشكلها  ليش هلكد تاثرت بيها  اني نقيب ضياء الشارع يهابني ويحترمني اهل بيتي يستصغروني. وحده الدنيا ملطلطه بيها وحده غيرها تتوسل لهيج عيشه هيج تحاجيني تريد موتها اي وميته اصلا لو ماتشوف الحياه بعيون ابني. 
اخخخ بس لو اكدر اترك احجي وي روحي واباوعلها من الضوه الخفيف الجاي من بره تحركت  وتكشفت غطيتها زين وبعدت ايدي اخاف الزم قطعه من جسمها ومااكدر اشيل ايدي بعد  افقد وماسيطر على روحي

همست

باسم ممشتاقلي

جمدت بمكاني --كالت محابه قبل  منو الذكرت اسمه بمنامها. بقيت صافن عاكده حاجبها وهي غافيه  شوي وفزت شافت وجهي قريب منها بقت صافنه كامت فركت وجهه وتتنفس سريع

شبيج كابوس

امم زين وين كحيت وين زيوني
جوه يم انو رجعت  خلت راسها عالمخده وجرت شعرها من وجهه باوعتلي وكامت

تتغده

كيفج

زيوني جاع هسه

غدته فردوس وي انو

شكد عيب منزلت لعطور برياني

تتشاقى يابه

لا حنزللها

كيفج بقيت اباوعلها صافن. تكتفت لبست روب شتوي
شنو بردانه

شوي

خاف مريضه باوعتلها بقلق وبداخلي ميت الف سوال

باسن منو و شنو ممكن صاير بينها وبينه

طلعت للمطبخ وطلعت وراها صبت وخلته بصينيه صغيره باوعتلي كالت

عادي تودي جوه

اي صبي بينما اودي

اوك
صبيت وطفت الكهرباء صار الترك اضلم كلش وكت مغربيه صعدت كال
اهووو تاليها شون

تعال تغده حيبرد
اكل ضلماوي

عالموبايل

شغل اللايت مال موبايل خابر اوس وكعد ياكل ضوه الخفيف شكد يريحني عبالك اختل  بمشاعري بي محد يشوف عيوني شدتحس اكل شارده بذهني
كال

شو متاكلين الاكل كلش طيب

بالعافيه على كلبك
الله يعافيج جريت نفس اكلت كملت وهي ماعونها يمكن ماكله منه بس خاشوكتين

جتي الكهرباء شالت المواعين من عالميز وصبت جاي كعدت رجت راسها عالتجوه مال كرسي واني اباوعلها. بيها شي شافت شي غير كل موازينها عبالك اليوم علي تخربط هيج قريت بعينها

سالتها

شبيج

مابيه شي رجعت شربت جاي امثل عدم الاهتمام

شحلمتي سالتها ورفعت راسها راسن
كالت

محلمت شي ممادري مخربط

مكدرت بعد سالتها

باسم منو بهاللحضه جتي الكهرباء وعيونها متشخصه عليه. باوعتلها بشك

انتبهت لمعت عيونها غركت دمع فاكتها كلها تباوعلي وجهه تغير ميه وثمانين درجه. همست

حبيبج

بلعت ريك

شبيج سيدرا انصدمت بدمعه عينها -- تقربت منها حتبجين
مترد دارت وجهه تكوم وكفت بوجهه

كتلج احجيلي ماسوي شي

شحجي

كالتها مخنوكه حيل كوه سمعتها

حبيبج سالتها همس ونار تاكل بيه شنو الدااحسه ليش دااغار عليها هل لانها تحت مسمى زوجتي. لو شنو

ليش ساكته انطيج الامان

اخويه همست

عكدت حاجبي علي اسمه باسم
هزت راسه عيونها غركانه والدمعه رافضه تنزل

لعد مدافهم

اخويه الثاني الجبير

وينه فكيت عيني عدج اخ اكبر منج

هزيت راسي بلعت ريك زردومي احتقن

احجي مو خنكتيني الي

ماريد همست عفته وتركته رحت للغرفه اذن صليت ونزلت للسجود دعيتله كون مرتاح باخرته سبحت وهديتها اله ولبابا ولعلي حسيت احد ورايه
انداريت رفعت عيني شفته ديباوعلي بقلق

قبل الله

اجمعين نزعت الجادر و شلت السجاده وكعدت عالجربايه اجه من الصفحه اللخ طفه الضوه

كال

الضلمه شكد حلوه تحس من تحجي محد يسمع غير روحك بحيث تكمل حجي وتشغل الضوه وكانما كلشي محجيت

بقيت ساكته وهو يحجي كال

باسم وين
جريت نفس وغمضت عيوني قوي

احجي البارحه من حجيت ارتاحيت بلكن ترتاحين

توفى

بقه ساكت شوي وكال

هسه عرفت امج ليش عافتج وانهزمت من الدنيا يعينها الله شون واكفه على طولها

بقيت ساكته

تدرين اني بحياتي كلها مشفت مثلج وحده قويه
ساكته مااكدر ارد لجم جروح جنت مغلسه عليها كال

اني. رجال. مو بقوتج سيدرا

غمضت عيني كال

اريد اسمع كل المريتي بي شنو

مجاوبت

جر نفس كال

احجيلج اني ؟

امم كلتها اريد اطلع من موضوعي تعبت جر نفس بقوه وكال
ابويه توفى وجدي بعده عايش والدي كل املاكه باسم ابو لان يشتغل عده بس عمامي تعرف هاي بيوت محمد من فلوسه. لان جدي مجان ينطي عالشغل فلوس لا يجمعه اله وينطي عقار جدي جان عده واصل. توفى ابويه قبله واللي يتوفى قبل ابو ماكو تركه لاولاده عمامي تخبلو وحتى جدي اخذونا من امي وراحت امي لبيت اهلها

خالي حاول بس مكدر هم الاوصياء علينا جننه بعدنا قصصر

اممم

جر نفس تعبت بذيج الفتره حيل صغير وانحرمت من امي وابويه واني حيل متعلق بيهم كمت انضرب بوكت جنت محد يحاجيني جانو الجوارين يجون يشتكون لابويه مني على عركاتي ويكولهم

بعد ميسويها ولا يحجي ويايه ولا ابد واني افشل اكول لخاطره ماسويها بعد بس ارجع واتعارك لان اكو ولد ميستحون المهم. وره مراح هالشي فقدته كمت انضرب على اقل شي
جواريبي بيها ريحه انضرب روح اغسلها وصخ

مقريت

انضرب روح اقره كسلان

وكت تدمرت بيه وبهاء مكدر يوكف بوجه عمامي انحرمنا من امي سافرنا عمان وجدي هو الوصي علينا لحد مافد يوم امل ضربتها مرت عمي. شخطت وجهه بهاء واني تخبلنا كلبنا الدنيا عمامي ضربونا ذاك الوكت بهاء جان اول سنه جامعه. وكدر ياخذ رقم خالي ويخابره ودلاه علينا.
اجانه خالي ووياه الشاويش الاردني سياره مال شرطه من شفت امي كبلت
الجنه وطبت للمدرسه كعدت على ركبي ابجي اخذتي بحضنها هي تبجي واني ابجي اخذتنا ورجعنا كالتلهم

حتى املاكه ماريدها بس اريد جهالي. رجعنا للعراق ورجعنا للحنان بس يبقى بيت جد مو نفس بيتنا رغم جدي مقصر ويانا بشي ابو اني قصدي بهاء وصل وكمل هندسه وماجستير وجدي دز علينا مريض كال بس اشوفهم اخذنا بهاء كلنا وطبينا على عمامي لحد الان اتذكر نضرتهم النا طب كدامهم حتى مسلم عليهم لان كعدونا محاكم يردونا نضل يمهم مكفخه

نصه بهاء على جدي جان متمدد على فراش المرض وجدي ضل يبجي واحنا ابد دمعه منزلت بس عيون عطور تلوب على بهاء جانت تحبه من هي صغيره
خطيه همست

امم بس اثبتت حبها اله وبالتالي وفالها ودللها

امم

المهم كله جدي لبهاء. سامحني اذيتكم حرمتكم من امكم
كله جدي صارت سوالف انشاء الله عدك العافيه

كله اني داموت

كله اذا رحت وشفت ابويه بس كوله ابنك يكول اخذو بيوتنا يابه صفينا خطار بيت اهل امي بعد ذاك الدلال. ولا محلل ولا موهوب كلمن اخذ مالنا
باوعلنا نتر كال

كومو ورجعنا للعراق جان بهاء مرتاح واحنا هم بذاك الوكت جنت توني كليه عسكريه اول سوه ومحد يحاجيني مكلوب بروسلي عطور رجعت وي اختها للعراق ورجعت لبهاء خبهم جان اقوى من كلشي

فتره وجدي توفى واتصل بي اخو لجدي جان ابنه محامي لازم كل املاكه لجدي وكله البيتين اللي بالاميرات باسمك واسم ضياء

ورجعنا وفتحنا بيوت وكعدنا وامي ويانا جدي توقع راح تتزوج امي عمامي حشو بعقله ومن ذاك الوكت لاعمام عدنا نزورهم ولايزورونا وعطور خطيه باعت الدنيا لاجل بهاء تكوله انت كل اهلي مع العلم كل ميحون يوديها
نياله عليها

هاي كل قصتنا

وشون كمت تشرب التفتت عليه ورث الجكاره باوعلي وبقه الجداحه تشتغل حتى يشوفني ابتسم من خله عيني بعينه طفاها للجداحه كال

تعلمت من جماعتي لا اليقهرج وين العلمني عليه ترك

لا صدك
والله

بلكن الله انت هم تتركها
صعبه حاولت صعبه. ادمان صار رجفه واعصابي تتلف اذا مر اربعه ايام

اراده يراد

امم
جر نفس الجكاره كال

ايي نرجع

شنو

مو جننا حلوين ودنسولف والله مديهلي اطلع وصاحبي ميت مره دك

جريت نفس شتريد تسمع

كلشي
اي كتلك توفى

قبل ابوج لو وراه

ههه وياه نفس اليوم. سكت شوي وكال--  شنو شون مات

ميخالف مااحجي كلتها بتوسل

جر نفس براحتج

شغل ضوه التيبل لامب باوعلي ابتسم  مد ايده تلمس شعري ونزل جسمه يباوعلي بحنيه ويتلمس بشعري كلبي يرجف من احط عيني بعيونه متنهد   كال

تعرفين شكد  الفرق بين بغداد والبصره
ها شنو

ههه ضحك

شمعرفني  شكد

نفس الفرق المسافه بين عيونج

صفنت هذا ديمدح ديذم

هاي شدعوه هلكد متزاعله عيونج  عكد حاجبه

موحلوات

بالعكس حلوه حد التعب اتعب واني اخذ فتره اباوع علىيهم ثنينهم. يرادلي خلك طويل
مداافهم شي

نزل ايده على خدي تلمسه بابهامه

عمرج مراح تفهمين عليه اصلا اني المفاهم روحي

جريت نفس ابتسم كال

نفسج دافي
نصيت نضري خجلت تقرب مني يريد يبوسني واحسه يدور رضايه اقبل لو لا باوع بعينه احس عيونه انترسن حمار   كال همس وكلمه كلمه

مشارب صار 4 ايام  ومجاي يم غيرج اكدر  اضوك عسل شفافج
ابتسمت  بخجل بقه يباوع بعيني بحيره وكانما يكولي شنو التغير بهالشهر  نصه راسه عليه والنفس بده يرجف يباوع لشغتي وعيوني نفس الوكت ذبلت كلي توه يقترب وجفت زين كال بصياح

مامااا كيكههه؟؟

فزينا ثنينا ابتعد باوعله كال بنتره

نعله على الخلفك
وفرك وجهه وتمدد شمر روحه  على ضهره عالجربايه

زين برطم كمت عليه شلته ابتسم 
تعال حبيبي طيته كيكه كال

انو
هاي هم لانو ورجع نزل خجلت افوت للغرفه خاف يكول علمود هالشي بقيت افتر بالهول غير هو يطلع اريد احس هالاحساس شكد جان رقيق طلع من الغرفه كال

ها تبدلين

ها ليش

باوعتله مبدل ومكشخ كال

اريد اخلص ميت مره خابر

ها اوك بقيت صافنه شلبس

كال

شبيج حايره

مادري شلبس
اخذي من عطور وبعدين ادز امل

لالا ماريد

ماشي ادز رفل لو عطور  ولو ماريد تطلعين بس من لا جاره شسوي صادني بعد

اوك  خابر عطور وصعدت حجيتلها كالت

راح اكشخج كشخه مصايره سلمت روحي الها كشختني فعلا ومستر طلعت جان كاعد ضياء وبهاء بالهول يحجون  سكتو من طبينا رفع راسه باوعلي ابتسم تك خد كال يله اشرلي بركبته
هزيت راسي اي اخذنا زين وطلعنا  جنت خايفه بصراحه والطريق كله كاعد يمي ويزفر باوعلي كال

مرته ماريد اثكلين وياها

شبيها موحبابه

لا موزينه

عززه

ميدري تره ووشتحجي طببي منا طلعي منا واذا حاجاج لتجاوبين انطيني النضره الي اني ارد عنج

اوك

جان مرتبك ربكني  الي اكثر  من مااني مرتبكه لا لبسي لا ناسي ولااهلي طبقه مختلفه عننا تماما ناس يختلفون بتفكيرهم وطبيعتهم وعيشتهم
----
ةيتبع

العبره اليوم اخذتها من هالبارت عرفت المدام قصدها المراه مو فقط جنس واغراء المراه احتواء ولغه حوار تخلي المقابل يطلع داخله براحته وهو مرتاح  وهذا اول دليل للحب  خلته يحجي اللي بداخله تبادلو همومهم حبيت هالبارت هواي.

الاهتمام
لغه الحوار
وفصح المشاعر المكبوته