رواية من انت لتكون انا الفصل الرابع وثلاثون 34 - بقلم حسين

سيدرا- شي بيه ارتاح يعني حيفك ياخه شوي ورجع فات من يمنا ابد ملتفت باوعتلي امي كالت

حتى ماسلم شفتي ولاهمج ماما انه وياج لاخر نفس

مرديت بس اباوع لضهره ياترى شافت تقاسيمه ضحى تمتع وياها نفس متمتع ويايه هاي شبيه من طاح حضي استاهل والله اني مرخصه روحي. درت وجهي ذاعو اسمنا نروح مرشده اجتماعيه. عدلت عبايتي وتركت حمزه وفتت وي امي كالت

وحدها تفوت
فتت رافعه راسي مو اني اللي اخاف. تذكرت نضره باسم من ضربو رصاصه الموت يبتسم ميخاف اني اخت رجال ليش اخاف هو لو بي خير ميمشو اهله ويخطبوله غصب هاي شبيه اني كل عقلي غصب لو مايريد محد يكدريجبره على شغله هو رايدها. لعد يريدج الج

كعدت فات هو جر الكرسي وكعد ميباوعلي انتضرنا. واني اجر بحذائي برجلي خاف يباوعلي كعدت عدل باوع. رفع تك حاجب اتجاه نضرته لحر كه رجلي دار وجهه عالميز يدك باطراف اصابعه عالميز . طبت الباحثه

باوعتلي بس شافتني عرفت اني ام الاثار مال الضرب. معالم وجهه تغيرت باوعت لضياء باشمئزاز كالت
شونج ماما

هلوبيج جاوبت بصوت كوه يضهر كالت

منو يريد يبلش حجي. ثنينا ساكتين شوي وكال

الموضوع منتهي هاي اجراءات روتينيه. كدام المحكمه . وقعي وين مكالولج

شون هاي ويايه منو الكالي قصدك رائد حسام

اللي كالولج عليه سوي
اخي انت شنو قصدك

يبوو اللهم طولج ياروح فضيها ورايه طريق

سيدرا- يحجي بحيل صدر هذا شقصده خرب حضي شوون باوعت للمرشده بخوف كالت

احجي ماما معليج منه القانون وياج

ضياء- ههه شون قانون نص ردن رحت فدوه

لالا هاي وانت و رجل سياسي هيج تكول لعد شبقيت للباقين
دفضيها يابه وقعي وشوفي شغلج

تفضل اطلع بره

لا والله ههه سبعه كل قوتج هاي

سيدرا- تجيته وضحكته لا لا الموضوع منتهي من يمه كالت الباحثه بنتره

اخي. قبل يومين البنيه مقدمه بيك بلاغ بالمركز. مشتكيه عليك تعرف لو لا. الصور والشهادات عدي بالمكتب مفتوح بيك محضر زوجتك معنننفه تعرف شنو معنفه وتعرف القانون ويامن يصف
اباوع ضياء ملامحه تغيرت كال

منو الاخذ صورها

عدي بالفايل جسمها ووجهه. بي اثار تعنيف انت جاي تكولي وقعي.

وكف ضرب عالميز

انتي د تلعبين بشغلج تره اشيلج منا والله
وكفت الباحثه. لوكفته ونترت
اخي مو بس انت عدك واسطات ااعرفك بروحي. اخت الدفاع عام احمد راوي خليل والقضيه عدي
التفتت عليه كالت
ماما عدج محامي حبيبتي

اباوع ضياء ميباوع لصفحتي بس فاك عينه خازرها

االا اي اي عدي

اذا ماعدج اني اوكفلج لتخافين. امشي اطلع بره عبالك هي عبوديه. والله انزل بيك دعوه. حقوق المراه حتى نجومك اللي على كتفك يشيلوها يهدد حضرته. امشي اطلع

نترت بيه باوعلي ضياء بغضب. درت وجهي عنه. طلع احس الكع حتتكسر جواه من العصبيه من يمشي
بقيت ساكته كالت

احجيلي حبيبتي

باوعتلهاشفتها تعاطفت ويايه كالت

من حسن حضج. انه اني اشتغل محاضره بالشرطه وهنا هم لنقص عدنا بالكادر لتخافين القانون بصفج. شنو قضيتج احجيلي

حجيت كلشي من البدايه لحد اخر يوم. حتى عيونها ما وكفت كلسا مدمعه. كالت
اذا ماعدج احد اني اوكلج محامي

بقيت ساكته. بعدها رديت

بس اريد اخلص

تخلصين لتخافين هذا رقمي اي شي تحتاجين خابري

اوك
وكفت كالت

يوم 3 بالشهر اول جلسه مراح اجل. شنو موخرج

قطعه ارض
اذا انتي تردين تطلكين صعبه تاخذيها

كلشي ماريد بس اخلص

ماشي.

طلعت شفت امي وشفته واكف وي الرائد الكال عليه جان ديحجي وياه وهو مشخص عيونه عليه خازرني بغضب حمزه كال

ها

اي الحمد لله كالت يوم3 بالشهر اول جلسه
بالتساهيل امشي وراي لا تخافين ولا تصديله

اوك
مشه حمزه ومشت امي مشيت وراه باوع لايده شال السبحع وفرها وعصرها بايده. ادري شيقصد. بهاالحركه

عرفت ابو. الحسن ناطي السبحه وماخذها. وجاي ههه يعني بحركاتك هاي تخوفني بعد اللي حجته الباحثه . هواي ارتاحيت. رجعت للبيت وافتر وره امي واحجي احجي عن الصار بيه هناك واحجي عن زيون وابتسم ومااسكت وامي تسمع تبتسم صليت وراها بكد صلاتها وامي كومه تصلي وقريت وياها قران كومه. وسبحت لابويه كومه لحد مغفيت بس قبل لا اغفى لاحت صورته كبالي حضنه وحركاته من يرضى عني كلبي دك بسرعه وذبت حيل من تذكرت. حجايته. اكتفي بيج وفزيت على ذكرى ضربه الي وشتايمه المتخلص واخرها زواجه. عدت الايام ومرت خالي تحجي وتسمع. وامي مشت لكربلا وبقيت وحدي وي نجمه ومرت خالي مااهتم. لحجيها ولغوتها. اغلب وكتي كبال التلفزيون. لو اقره قران واهدي لابويه واخوتي صلاتي وعبادتي زادت هواي. امي كامت تجي كل اربعاء بليل. تضل خميس وجمعه وسبت والاحد الفجر تطلع. تتسوك من الاربعاء شنو اليعجبني ومتقصر خطيه هالتكدر عليه كل الهامني زين دااتوجع عليه كلش حتى شهيتي بالاكل انقطعت تقريبا واجه يوم 3 بالشهر واخذني حمزه وي امي طبينا باول جلسه المحامي. والدفاع طبكو ويايه. وهو حار شخربط وكلسا صاير عصبي. والقاضي يطرده شوي ويرجعه حتى طلعني بايكه. واني ساكته كاعد مقابيلي. بس مرفعت عيني بعينه ابدد المحكمه اخذت مجرياتها والباحثه طبت شهدت باوراق رسميه تبين اثار الضرب بس محد شافها غيرها واكتفو بشهادتها واشوفه صياحه وغادي نار لان ماخذتلي صور وكلسا يكول صبرج عليه مشفتي شي كمت ماخاف اكثر من قبل حمزه كال
معليج بي هذا من صعف الايمان هيج ديسوي

سكتت واني اتامل ملامح القاضي اللمتروس شفقه حجيتله عن كلشي صار ويايه عن زينه وشينه اختنكت. خنك الباحثه كالت

سيدي هي حتى حاله نفسيه صاير عدها من جتني حجايه منطقت عبالك مو هي المضروبه. تكول ميتذيني جسمي لو مكان الوجع من اسالها تاذيتي تكول محسيت جر د ها من كل احساس

نتر
هي من اول احساس ماعدها طابوكه.

اني كال هيج التفتت عليه خزرته خفت لايحجي امور خاصه. خزرتي خلته يكعد ودار وجهه عني لم شفته بغضب لداخل حلكه لزم راسه ويهز برجله. اجلنا القاضي لبعد سبوع. طلعنا فات من يمي وهو يهدد

لتتوقعين اعوفج. وكل دقيقه ببيت ابن خالج السبع لا اخذها عشر سنين من عمرج وتعرفين ضياء من يحجي

عافني وراح نار غادي راح للباحثه تعارك وياها كامت تصيح. اسمعه يكوللها
ولا صور تضل عدج شمدريني المن مفرجتها

جاوبته تصيح اخر شي طلعوا. جماعته وطلع وي طلعتنا بقه يمشي ورانا اني كاعد ليوره وحمزه هاديء ويباوع عالنرايه الجانبيه. اشو الطريق صار شطوله امي كالت

يمه ليش دتفتر

عمه الافندي ورانا ديمشي خل اتيهه

كلبي رجف اخر شي وكف حمزه لزمت ايده تني
بروح ابوك استرعلينا

عمه مو جاهل اني القانون بصفنا ماريد اسوي شي اندم عليه بس داشوفه شيريد

نزل وبقه الباب مفتوحه. وراحله. التفتت اباوع عليهم نزل ضياء. تلازم وياه. من ركبته وحمزه. شامخ متحرك يبتسم بشماته. بس ضياء متجاوز اكثر وكانما يخاف لا يلزمها لزمه بعدنا قريبين عالمحكمه وكلهم يعرفون حمزه فاتت سياره شرطه من يمنا نزلو منها
كالو

حمزه محتاج شي

والله ديلحكنا وعدي قضيه وياه. واذا صار عليه شي فهو المسوول كدامكم داكول نقيب. ضياء الدين محمد. قطاع داخليه بغداد

ضياء صعد سيارته وطلع بعصبيه.

صعد حمزه وطلع هاديء باوعلي بالجامه ابتسم وباوع للطريق كال
سبعه بت عمتي. واخت رجال متخاف ولا تهزها ريح

ابتسمت. جنت اشوف بي باسم اخويه. وصلنا للبيت وطلع لشغله عدت الايام. ومكدرت بعد تخابرت وي ندى. ردت راسن

سدوره محتاجتج

جانت تبجي وتحجي تشهك خوفتني عليها

شكو شبيج ندى شصاير
ابويه. اجه واخذ امي واخذنا احنا هم

تالي تصالحو.
اي تصالحوا. بس ابن عمي رايدني واني رافضته وابويه قافل

عزه بعينج كلتي لاحمد

اي كتله واخذ ابو وراحو لابويه بس تعرفين الصار قبل خالي واحمد ضاربي لبابا فصايره مشاكل باباي. يكول لو يبوس رجليه ماانطي

تالي عززه بعينج

شتالي داموت سيدرا كدامه داموت وهو ممهتم يمولي نهه عليج ابن عمج ولوتموتين لو تقبلين تتزوجي
عزه بيا عصر احنا امج وين

امي متكدرتسويله شي حتموت قهر من وراه. هدى تزوجت وخلصت واني اكلتها

يبوو عزه بعينج.

شون كوليلي شونشندعي شسوي وين اروح

سوده عليه نداوي متستاهلين

لج يدزه ويايه للجامعه واجه احمد شافه من بعيد تخبل ورجعطلع من الجامعه
وهسه.

شهسه. شسهسه. متكوليلي قرو فاتحتي. وعساها فاتحه موتي

يا بي دخيلك

والقران سيدرا اذالزمني غيره لااكتلها لروحي

لتحجين هيج فدوه

هدات شو وكالت

شسويتي وي خالو

ليش متدرين
لا مدااوصل لبيت جدو وماما تحجي وياهم. يكولون مديبات بالبيت واذااجه يجي شارب كلش قبل لينزل لشغله بيوم وينام والصبح يطلع للشغل
همم خلص راح اخلص

ضحى حامل سيدرا

طلقه وخلتها براسي من كالت هيج. يعني متقربلها. يعني الصار بيننا صار بينهم مدااكدر اتخيل ليش يكذب ويكول بس وياج اكدر لعد اكبر كذبه بحياتي هو انت

الو سيدرا

ها ندى

لتضوجين
لا ماضوج. شوكت لحكت تحبل

من العرس شايله
امم بالخير عليها

لاعب بيها طوبه بيبي راحت يومين ورجعت كلبها صار بي انسداد بالشرايين وسوولها قسطره

عززه تالي الحجيه شونها

زينه هسه البارحه طلعوها من المستشفى وماما مراحت ميقبل بابا

اووه الله يساعدها ندى. زين شون حموت واشوفه
باقي يم امه جابه ابو بالغصب وعمه امل ضاربته وخالو تخبل كلبه للبيت. وكسره وتعارك حتى وي ضحى وراحت لاهلها خافت
يطبهم طوب ابتي شوون يربي احفضه

لتخافين بقاه يم امه بس هطيه يكسر الخاطر كل ميسمع صوت يركض فوك يكول جتي ماما
اني كالت هيج واختنكت اريد اجر النفس مااكدر سديته. كلبي وجعني حيل. كمت اكح بقسوهماما اجتي ركض عليه اريد الكحه تروح كامت تلعب نفسي وركضت للحمام ذبيت الماكلته كله وكعدت بالكع حضنتني امي وتمسد على اسي

شبيج امي شبيج
ماما زين حموت قهر عليه سنتين ونص هو بيدي كبر. شون شسوي

يمه هاي الدنيا شنسوي قابل اللي شفتي اسهل من هذا

لا والقران بس جيف طفل واجع كلبي يوم

ميخالف يكبر وعده امه حنينه عليه

اي بقيت صافنه وحجايه ضحى حامل تدك براسي سالتني امي

يمه شبيج. المفروض تفرحين التردي دنسوي ليش لا لكمتج بيها خير لانومتج لاحي وقوتج مال اول
مابيه ماما وكفت دخت رجعت كعدت
سندتني امي كالت

سدره ماما شهريتج شوكت

صفنت باوعت لماما اليوم شكد بالشهر

اليوم 19
ماما سبوع متاخره

خاف شايله ماما

وكل هالضرب ميوكعه

الله اذا راد

وسكتت خلت ايدها على حلكها
يولو حتى طلاكج باطل يكون

ماما منحجي عفيه لالا مومعقول هو مره وحده. وره منضفت وبعدها تزوج وجيت

بقت ساكته تباوعلي كالت

وشون نتصرف اذا شايله

ماارجع مامايذبحني متحلفلي اني اربي وحدي لو اكتله ببطني

بقت صافنه عليه عافتني وراحت نزلت لكربلا بيومها توصي بيه ماسوي شي. من بقيت. هنا. كمت اطلع واتسوك افتر للسوك وي نجمه. براحتي ومرت خالي مكامت تتدكر بيه. حمزه من يوم النزل لشغله بعد مااجه ونتصل عليه مغلق. بس امه كالت
دوم هيج من يصير عدهم انذار. تذكرت ضياء من جان يصير عده انذار. امي عافت تلفونها يمي علمود ندى اتخابر وياها

دااتفرج. مسلسل وشفت ديحجون على كاشف مال حمل صغير يصير نجمه كاعده بصفي كالت

مثل مال نسرين مرت عباس جربت بي وشافت روحها حامل ضلت شايلته وتفتر مكيفه

ليش هذا اكو عدنا منه
اي موحود بالصيدليات
هاي شنو شسمه

هو اختبار منزلي
هاا. زين توقعت بالعراق ماعدنا

لا كلشي عدنا

بقيت ساكته. نجمه ماتفاركني تقره كله يمي. لان امها متخليها كاعده اقل مابيها كومي خبزي لبيت اخوج. على عباس قصدها ومتخليها تقره جانت مخبله مال دراسه بس تقره. هي بعمر فردوس صف خامس بس فردوس. احياءي وهي تطبيقي. هذا الفرق بس اشوفها حيل تقره وحمزه يروح ويجي يجيبلها ملازم واوراق واقلام صبوره ويمولها درسي دكتوره وهي تكيف. خطيه راتبه كله لنجمه
امي كل مادكت سالتني

ها الشهريه مااجتج

لا يوم. وتسكت توغل الخوف بكلبي طلعت للسوك تسوكت جان قريب. علينا حيل وشفت. صيدليه. بيها بنيه طبيت سالتها كالت. هذا موجود علمتني علي اخذته ورجعت للبيت. واصفن بباب البيت سيارات ثنين لونها ترابي مال جيش بيها شباب وواحد منهم ديدك الباب من دا فوت نصو راسهم كالو

بلكن حمزه
حمزه بالواجب

واحد صفن بوجه اللخ كالو

من شوكت طالع

من ذاك الخميس
وبعد متصل بيكم

لا مغلق جهازه. امه كالت

بس هو من يطلع للواحب يغلقه يكرل لاتكولي

واحد صاح

اطلع عمرران اطلع
صعدو لسياراتهم رطلعو
مرت خالي مطفيه بس اني قريت القلق بعيون صحبانه طبيت عقلي طايش شي يكولي ضياء اله ايد طبيت للحمام سويت الاختبار طلع خطين واضحح لطمت على وجهي مثل المخبله وبقيت بالحمام يجي ساعه صافنه شسوي شسوي طلعت والتلفون يدك
ندى

الو

ها سدرا شونج

موزينه موزينه ندى شون مااخلص شوون

شبيج.

اقتله وروح ابوي اقتله

المن شبيج هاي يولو

لج حامل. ندى شسوي اذبحها لروحي
جذب تتشاقين اكيد

مادري جبت اختبار وطلعت مصخمه وملطمه

طلع خطين

اي صخامين
اي هذا هو

ماكوله ومتحجين ندى. اربي بحيدي

بقت ساكته

ندى تسمعيني
اي سيدرا اسمع -- بجت

عليش تبجين بنت الحلال

سيدرا ارجعي نصيحه وتحملي

مااتحمل بعد مااكدرر

سيدرا تره يضل بله اب وخالي حقير يروح ميعترف بي لخاطر اللي ببطنج

اقتله واقتل روحي

متسويها انتي زين مو ابنج وغمرتي بحنانج. شتقتلين سيدرا ليش ماعرفج.
ماريد اموت وماارجع

وبسمن تسجلي ارجعي وكوليله خاف ميعترف بي ويمولج مو ابني وميسجله باسمه ويضل طول عمره ابن حرام

يا الله شوننن

سيدرا سمعيني ارجعي واحفضي حقوقه حاله حال اخوته اله حق وورث وواجب ابو يقوم. بي لتخلي يعيش بذله وفقر بعدين ينعل اليوم اللي اجه بي
تحجي وتبجي واني كاتلني القهر كالت
روحي روحي سدته

لزمت راسي والطم قفلت الباب عليه واكمز ابن حرام شينزله. اضرب ببطني بلعت كومه حبوب من مال امي بس اريد اموت اخلص لو بس اموته وراها تقايتها وخربت بالحمام. حسيت على صوت نجمه. تصحى بيه وتذب على وجهي مي كومتني ودتني للفراش تمددت كالت
عمتي حركت التلفون عليج. اشرتلها جيبي كوه اجر النفس. لزمته دكيت

ها امي
يمه شبيج اني بالطريق جاييتج

مابيه تعاي هله بيج سديته مابيه احجي اباوع للتلفون. رساله جايه فكيتها من ندى مكتوب

ابن خالج. وين. . يردو اهله لو بايعي.
-----
انتضروني ببارت 2 بليل

متابعه شيقه
الكاتبه-