رواية من انت لتكون انا الفصل الحادي وستون 61 - بقلم حسين

البارت ٦٠
قصة من انت لتكون
انا للكاتبة مريم السعدي
سيدرا- فكيت عيني باوعتله شفته صافن عليه ببرود كال

روحي وي امج طلاك ماكو سيدرا ديطلع صحت
اوكف دقيقه بس تعال نتفاهم

خلك ماعدي والله
كالها ولزم بين عيونه وحافه انفه من فوك وغمض قوي

بس طيني مجال نتفاهم

اخابرج بس خل ارتاح حمزه بالباب تره
هزيت راسي موافقه كال

خليت يم امج فلوس وديري بالج على نفسج والجهال وفكري بوضعنا لخاطر الجهال مو لخاطري يومين تهدين واهدا واخابرج ماشي
باوعلي بنضره مايس هزيت راسي اوك طلع من الغرفه. بدلت وطلعت اني.و باسم وزيوني ماما بدلتله رحنا وي حمزه بعدما سلمت على الحجيه الجانت تعبانه وامل بحضنها نايمه بالغرفه ودمعتها على خدها مفكت عينها من طبيت بقت مغمضه ودموعها تجري بدون شعور همست بداخلي
الله يبرد كلبج صعدت بالسياره ضحكت على نفسي صدك متناقضه اني وبيه خيط. وصلنا الدوره وبس طبينا وتلكتنا مرت خالي ام عباس وعلكت

ام باسسسم تاخذين ابنييي مني من الله يحرك كلبج على بتج

صرخ حمزه يووووم تعبان رحمه لا الله اريع ايام منايم مااله يا خذني واخلص من ضيمممج

انشاء الله انشاء اللهه ياخذك ولاتاخذ غير بت اختي ولك من يصير باضفرك تراب تفكر بغيرها قرت براسك عمتك

هو ا انييي شوكت ردددتها عمتتتي شلهااا دخل. لج يوووم روحي لاخوي شرايده مننني شون انه مااخلص مو هججتيني من ولايتي ومافكيتي ياخه ربي دخيييلك صببرني راح اطلع من طورررري
ام علي- يمه حمزه على كيفك

عمه وروحه لابويه هسه اكتلها لنفسي ومتدير بال هاي تريد تكسر فرحتي

ام عباس- اييييي اخذتك عماك اربي واتتتعب ويروح للعمات والله يابه والنبي لا اخزيكم خزايه كدام عيال بتتتج انتي للج المس يه روحج خططيه. كلله مننج ضليتي تحرمين على ابني شفتي مامنه مجال ياخذج اخذتي لبت حماج لكم لجانتو شنوو تردون تمصون دم وليدي وفليساته
سيدرا- نجمه تبجي وتباوع لحمزه وحمزه ملخ البدله على روحه كلسا ويريد يفلش البيت ويلزمه ابو البستان صاحبه ويهدي بي عفتهم وجريت نجمه الميته خرف وبجي وطبينا للغرفه ببيت امي وضلت تحجي

ولج من وراها اجل الكعده يكلي خيوكف كلبي من قهرههع خابر عباس يتوسل بي وعباس اجه تعارك وياهها ومقبلت تروح وخابر خوالي وهم مقبلت تكوله باجر رايحتلهم وهددها مينطيها شهريه اذا وصلت يله بطلت وهسه حتتخبل تريد تفركشها تكوله كوللهم صرفت نضر كعد وياها على كيفه وكاللهها روحي معلكه بخباها اهواها يمه ولا لنكسر كلبها تكوله خيري مايروح بس لبت اخري مو عالحاضر اربي
بقيت ساكته صافنه ختمتها نجمه كالت

عساس شون تربيه والله لو ما حمادي ابن جيراننا اخوي فلا ينعدل خليها سكته امي ماربت سيدرا امي طيحت حظ اخوي ولو ما حمادي بيت ام علاهن هو الحان يحاجي بمراهقته جان اخوي ضل ذاك المسقط اللي يبصبص عالنسوان انتي ماتعرفين شساوت بي ماتدرين

بقيت صافنه جنت اتذكره شون كان بس محبيت احجي سكتت نجمه والوضع هدا بره طبت امي ورتبت غراضي بغرفتي ويايه. ونضفنا البيت وصعدو مرت خالي وحمزه ونجمه فوك لليل هم كبت العيطه وسمعنا حمزه نزل وصعد بالسياره وطلع شوي ونزلت مرت خالي تهد علينا
انتي يلماتخافين من الله ماخذه حصه الولد ماخذه الزين الج وعايفتله الموزين

ام عباس لزمي حدودج وطلعي بره بيتي

هذا بيت ابني عيني واذا عدج ذمه وضمير وصدك تخافين علي تصعدين انتي فوك واهو ينزل انه ماهده الضاهر شفتو بحييده وماكيلنا بكشوره

عيني ام عباس مايفرق فوك والاجوه عادي اصعد بس هو من اول كال انه اريد البلكون وفوك الغرف اكبر واكبر والمساحه اكبر من اللي جوه يريد يدلل من باحر نبدل
وهذا ابو البستان على اي اساس يزرع وياخذ خير البستان چا ماينطي وارد لحمزه لو ههم ببطنج انتي وفرختج

رجع حمزه وهم تعارك وصعدها فوك بالمدافع ولطم على راسه ويصيح تمنيتج رحال ومو امي دااعرفج شخلفتي وهي تصيح تكوله هذا رباي وهو يصيح شربيتتتي رب الحلو مو سكطيني ولو ماستر الله جان انه خايس بالاحداثسسه ام عباس نسيتي الكيمر والحللليب لو اذكررج

انجبب هذا كله من العازه من صار عدك تهدننني انه اعرف شلون اردك بسيطه عامياتك بالسحوره من الله لاوفففقههههن
تصيح وابو سكينه وام سكينه صافنين عليها وحمزه ضل بموقف ويردد امسحها بيه خويه

لليل نمت ونينت باسم حسيت روحي ارتاحيت رغم الهرسه الصارت بطبتنا بس خلصت شي بيه مرتاح زيوني بحضني نايم وباسم يم ماما واني مرتاحه مرت يومين لااني الخابرت ولاهو الدك بصراحه احس روحي نفذت بجلدي صح زيوني من يجلب يريده واحس حتى عيون باسم من حمزه يطب احسه يدوره بي ام عباس مرت خالي هدت مااعرف حمزه شكايللها بس بعدها قافله مترضى تروح للكعده خواته جوي علمود كعدته عكب باجر خطيه وغيرو جو بالبستان والله حبابات بس امهم والخبيثه بيهم مااجتي همزين حمزه فرح بيهم وينوكل بالمخضر والمسواك هال اخته شوي ارتاح وامه هدت لان خواته هدو عليها وسكتت خمس ايام مرت ضياء اجه مرتين يبقه بالبستان يشوف الجهال ساعتين ويروح ولا مره كال اريد احاجيها كلت يجوز مو جاهز خلي نشوف ياهو الخلك،ه اطول تخابرت وي ندى كالت امل مريضه. حمى صارت عدها ونامت مستشفى يومين. وطلعوها واوس جايب بنته وجاي عايفها يمها وثاني يوم ماخذها باجر كعده فردوس كلنا تحضرنا من خلال علاقتي بندى كمت اعرف شون البس مثل لبسهم الوانهم وخفه مكياجهم بحيث الستايل المحضري خواته للكعده كله غيرته واشترو من سوك الدوره خطيه حمزه ناطيهم فلوس انتبهت خواته الاربعه يموتون عليه بس وحده بيهم هي اللي ماتنازلت عن حصتها من البيت اله وماينطيها راتب اخذت حصه بيت ابوها فلوس وتدعي عليه تكوله ليش متمشيلي راتب حالي حال خواتي ماكن يجاوبها ابد وحسب مفهمت من امي انها نفس مرت خالي اني علاقتي بيها جدا قليله الا الباقيات كلش حبابات ويحبو وجهالهم يموتون عليه بحيث بت وحده من خواته كام من يجي تركض عليه تنزعله حذاءه وهو فد يفرح يبقى يبتسم وتخذ هدومه وتغسلهن وتعدلها وهو منقصر وياها كلما احه ميزها عن اكل بهديه جنت اسال عننه يم ندى وتكول يجي ب١٢ راسن ينام للفجر يطلع لااحد حاحي وياه ولا يحجي وي احد ندى واحمد باتو يم الحجيه هالاسبوع لان امل. مزيضه وهي وحدها فعرفت اخباره منها كالت يطب لغرفتج ينام والبارحه شفته لازم خرخاشه باسم وغافي. ادري بي شكد يحب جهاله بس مااكدر بعد هاي الراحه اشتريها بعمري شجاريلي اتحمل بعد
تحضرنا ب٦ وطلعنا لكعده حمزه الجاب كيه لمنا بيها الجهال محد اجه ويانا بس بنت اخته اسما هاي اليحبها وطلعت ورانا سبع جكسارات بيهم الساده والشيوخ مدري منين لامهم بس هلكد يردون خاطره. ومبينين ثكال جان يفتر بينهم مبتسم ولابس قاطه طاير وكلمن جاي لو جايب تمر عثوكه مصفطه ليوره بالسياره لو برتقال لو عسل عبالك بيت بهاء داخلين على حرب بقينا ننتضر عشر دقايق ربع ساعه

واني كالت

يمه بطينا عالجماعه

عمه فدوه رحتلج الداانتضره حجي بهاء يقدره حيل وهو اللي سوالياها بس خلي يجي وفعلا طبت للبستان سياره حديثه مضلله فز حمزه ومشه سريع باس ايده عرفنا احد وكلاء السيد نزل وصعد وي حمزه بسيارته ليكدام وطلع حمزه بينا وسياره الجان بيها السيد ورانا تمشي. طبينا بعبينا من وصلنا وحده من البنات كالت
لعد شبيها امي تخبلت بيت البنيه هم مبينا عليهم الخير خبصتنا ياملون خير ابني وياكلو جاوبتها الثانيه
امج ماتشبع تريدالخير فد الها جاوبتها همزين مااجت ولا خزتنا

طبينا بهدوء واستقبلونا رفل والحجيه وعطور بوسونا وهالس الف والزلم بالصاله وفتحو الباب عالطرامي مدو كراسي. واباوع من الشباك بهاء يفتر مرتبك لان المكان مكفه نصها ضلت واكفه وحمزه كاعد يم السيد بشموخ باوعت من الشباك اني وندى شفته ومدري شصار بيه مغصتني بطني بحيث راسن كعدت عدل خاف شافتي اباوع من البرده ندى خربت ضحك تكولي جبانه ميبين. جان لابس قاطه الاسود وقميصه الخمري ًٍ ووجهه متوتر هو. واحمد اللي دايخ بالطبو وهداياهم اذا حمزه مسوي تحالف الاقاليم بقه بس من الاكراد مجايب وطبت فردوس يا الللله شمد جانت طالعه حلوه حبيبتي خجلانه. ترحف ثوبها بيحي طويل وبي تطريز وبلك ناعم وشعرها على طوله منزلته ومخليه كحل اسود عيونها مكلوبه عسلي خدودها حمر تقربت تبوس بالبنات واني اعرفهم عليها وحده وحده وهمه يصلون عالنبي هي صدك جانت عجبه كعدوها بنصهم ونجمه تاخذ الصور وسمعنا حجي الشيوخ وامثالهم عمام بهاء وضياء وخوالهم نسمع ردودهم والشيوخ صوتهم عالي جماعه حمزه القريبين كلش بلبسهم العسكري جايين برتبهم نصهم عرفو ضياء وحمزه يعرف بيهم نص ساعه وهداو من التعارف وبده السيد يحجي بداها بزواج الرسول الكريم من خديجه المبرى لل زواج فاطمه الزهراء من امير المومنين وانتهى بمصيبه الامام الحسين جننا هادئين نتصنت. كمل كلام كان بليغ وقليل ومليان حكمه عالصبر والحياه الزوجيه والحمد بحمزه واللي شافه ومواقف مشرحت كلشي بس بينله المدانه رغم صغر سنه بس رجل وعليه العتماد واكف للكل وبلش حجي عن المقدم والموخر وونط واحد من الشيوخ كال
اسمحولي بعد اذنك سيد
حمزه انه ناذرله نذر واعتقد يعرف ويدري وانه موكد عليه انه كتله بيوم كعده بين عشيرتنا حان راحو بيها سته لاواحد ولا ثنين كايله لو انطيك من عدنا مره لو مهرك علي باللي تريدها وهو اختار الثانيه وانه اتكفل مهره ومااضن تردوني حمزه ثالث ولدي والله يشهد لو عدي ولد ماحبه كثر معدل وابن ديوان رغم صغر سنه

جاوب حمزه

كفو شيخنا يجعلك ضهر وسند لاهلك
اباوع من البرده بهاء وخواله وعمامه ضلو يفرون براسهم بس ضياء مبتسم احس يعرف شديصير او يمكن مار عليه. او عده علم الشيخ كال

انه بالتومرون بي حاضر

جاوب بهاء

اني مشتري رجال المهر مو بالفلوس شيخ عكاب ومثل مذكر السيد مهر سيدتي ومولاتي فاطمه الزهراء كان درع
جاوب الشيخ
عجل مادامكم كرما ماكو الا اكرم منكم واني مهرها للمحروسه كيلو ذهب بكيلو واذا تردون اكثر هم انه حاضر وهيز عرسه من الابره للاثاث علي وازعل اذا رديتوني

اباوع حمزه نصه راسه مبتسم رد بهدوء ماعاش اليزعلك شيخنا بهاء كال
على بركه الله
وقرو الفاتحه اندك الباب الخشب اباوع عباس اخو حمزه كال

يابه البنيه صارت مالتنا سمعونه هلاهل

وهلهلن وفردوس دموعها نزلت حضنتها نجمه تبجي العوبه وامي تظش جكليت عطرره مكيفه بس خطيه رفل جانت تباوع لفردوس مقهوره حقها شوي وسمعنا ضرب رصاص فزينا طب احمد يضحك بوسها
كال
حركو للجو لخاطرج
طلعو الشيوخ وراحو الرياجيل بقت بس كيه النسوان وحمزه بالصاله وي الولد يحجون واحنا بقينا نسولف ونتعرف وامي تحجيلهم عالبنات هناك سالت الحجيه

لعد امه ليش مااجت
ماما تلكات كالت
شوي مالها خلك
جاوبتها اخت حمزه الحبيره

حجيه انه وعمتي ببكانها مانسد يعني

لا تكفون وتوفون

فردوس طايره وبس تضحك شوي وفات ضياء من يم باب الهول باوع لداخله لمحني وكف يابه كلبي راد يوكف بقيت ابارعله اشرلي بحاحبه بغضب اطلعي هزيت راسي لبست عبايتي فوك ثوبي وطلعت شفته ينتضر يدخن بباب المطبخ شافني ذب الجكاره وذب نفس اشرلي كعدي كعدت بالمطبخ عالقنفه جر كرسي وكعد كدامي كال
شلونج
هزيت راسي مدري ليش ارتبك من يكون بيننا بعد

كال
مبين عليج مرتاحه الحمد لله جر نفس دار وجهه عالباب ورحع باوعلي

كال

باوعيلي اريد احاجيج
رفعت راسي جر نفس رفع تك حاجب

ليش هلكد متكحله بالعرس شحتخلين بعد

نصيت عيني كال
انشاء الله هديتي

هزيت راسي كال

القطعه داابنيها
رفعت راسي مستغربه
اي بلشت البناء وكلتهي بيها اكملها وتكعدين بيها انتي وامج

ليش مرتاحه بالبستان

واني شنو بله اضل هيج

يعني شنو قصدك عكدت حاحبي كال

طلاك ماكو اكمل بناء انتي وامج تجين تكعدين بيها ونعيشمرتاحين موتمولين الترك مديكفي النا
فكيت حلكي
وبيت ابوك شبي

اني اريد راحتي وراحتج وراحه جهالنا

اني ماريد اعيش وياك مدتفهم

كلتها بهدوء

عض شفته قوي وهز رجله رغع حاجبه باوع لصفحه الهول البنات يطبون ويطلعون كال

من ترجعين اخابرج هاج تلفون هم زيون يلعب بي وهم من اريد اخابر احاجيج مو على تلفون امج واكدر اشوف الجهال هم
باوعت لايده طلع من جيبه تلفون حديث خلاه عالميز باوع لعيوني من تفاجات كال
شبيج هاي كله عالتلفون هو تلفون شصار

لا مو عالتلفون بس احساس اول مره احس بي ابتسمت نصه راسه ورفعه

سيدرا اني مو مواثق بيج بس يعني
كالها وطبت عطور تضحك من شافتنا رجعت سدت الباب وكفت كال ضياء

تعاي شبيج قابل خلوه شرعيه

ههه لالا اكولج سيدرا هاي شنو الطرمه رحمه لا اهلج الشيوخ احد كلهم احنا ميتين جوع
هههه لج لا هاي طبيعتهم
ولج ياطبيعه راح اخابر اهلي وشكو واحد اعرفه وابسط بالباب مال بيت ابيعهن لج باع العسل والتمر
هههه الف عافيه

ترخصنا وطلعنا خوات حمزه بقو يباعون لضياء كالولي
رجلج هيبه بس طوله حايط الله يحفضه الج

باوعتله مخلي تك ايد بحيبه يسلم على حمزه وعباس والتفت يباوع لصفحتي مضيق عينه اشرلي
خابريني
هزيت راسي اوك طلعنا ورجعنا جلب حمزه بخواته اسبوع لخ خطيه طاير علساس هالاسبوع اليجي مهر بس بهاء مال لا سبوعين بينما ماتطلع نتيجه التحليل بس وصلنا صاح نجمه
ها خويه يبعد روحي

جيبي فونج
لا بس انتضر اكولك

نجمه جيبي

ولك مالابسه حجاب هههه مايصير

انه والله اكتلف مالج دخل جاوب ويباوعلي يضحك خواته خربن ضحك على لهفته

اخذ تلفونها وطب لغرفته وبقينا نسولف اني وخواته امه جانت رايحه مدري وين ولليل هم كبت العيطه شوي وعاط هو وسكتو جانو فوك واحنا جو شوي ودك الباب صاح عمممه
هايوم

فرشيلي بالاستقبال تره راح اطكنننن منهااهاي ماتهده ولا راح تهده لحد ماتشوفني ميت وطللعه روحي

تعال سوده بوجهي باجر عدك دوام
طب نام بالصاله واني طبيت لغرفتي اباوع للتلفون اعرفله بس ردته هو يخابر نيمت زيوني الجان طاير اليوم وي ان وابو بس مجلب بي مدري شعجب ودك ب١٢ مخلي صوره الفايبر صوره زين شايل باسم ديبوسه تخبل رديت
الو

الو هلو سيدرا كاعده

امم
شونج

الحمد لله زينه
الجهال نامو

امم دفتحي كام اشوفهم

اوك فتحتها ووجهتها على باسم وزيون بحضني

جر نفس بتعب كال
خاف يدفر بطنج هذا

لا خطيه نومته هاديه غطيته وهو بعده عالكام كال

اريد احاجيج

اي اسمعك

شو دخل اشوفج ليش سديتي الكام

ميحتاج مو شفتني اليوم

مااشي نتر شنو رايج بالسمعتي

كتلك مااكدر بعد احنا ممتوالمين
ها من شوكت هاي
والله من اول

سيدرا تره ٣ سنين سوه

اي شونها برايك يمكن كلها لو تحسبها ٦ شهور مرتاحين وطلعت وره هالراحه بلاوي سوده ومصيبه وره مصيبه

سيدرا كافيي لخاطر جهالنا

يعني ترضاها على نفسك رائد ضياء الدين ارجع وياك بس علمود الجهال يعني مجبوره اعيش وياك تقبلها
جر نفس جاوب
هيج متطيقين العيشه ويليه نسيتي سيدرا
هههه المشكله مااكدر انسى هي وحده ثنتين

هيج ولاموقف حلوو هيج ولا. ذكرى طيبه طلعتيني كلب ابن كلب

حشاك بس ماكدر بعد الله

والتالي شوون

تالي اضل هناااا مرتاحه راسي باارد واربيلك جهالك وكل فتره تجي تشوفهم مرتاحين ولتكولي متكدر وبس انتي المسيطره عليه ولتضل تكول احبج ومااكدرر وضعيف بس كدامج. ولاريد تبجي وتتوسل كله حجييي هذا عيش حياتك مثل قبل
بقه ساكت واني سكتت بس نفسه مرعب سمعت توريثه جكارته وجر نفس حسيت بحرارته باذني من عصبيته كالل

تدرين الغلط بيه شنووو

سكتت خفت من صيحته

الغللط بيه اني واحد اغبى مني مااكوو بينتلج كل نقاط ضعفييي للاسسسف فتحت كلبي للمره الاولى والوحيده بكل حياتي لشخخخص تدرين شنو انتي مرايييتي تدرين شنو بحياتي مباحي بس كدااامج

علكيفك ضياء اعصابك

دنجبببي
سكتت

تعيرينييي بضعفي بيددج لججج روحي وانعل ابوو اليندك بيج بعددد لج طلعتييني صفرررر يعني هذا تعبي. وشغلي. ولا فد يوم قصرت عليكم بشيييي لج كلها انسسسست

انت مممقصر--
انجبببي داكووولج

سكتت فركت وجهيي

هيج اني عار. ولج ولج مكدرت الززم غيرررج واني صااحيي لج الشرب تركته. وتحملت واكول لخاطرهااا بس تدرين شنو اني اكلج شنو
اكبر غلطه بحياتي من اعترفت بحبي الللج اني بحياتي مكايلها لوحده ليش كلتها مو اعرف وراها ذله
بلعت ريك عضيت شفتي تمنيت لو ممحاجيته وناهيه الموضوع بسكوت كال
لج مدووهن بحبججج صرت كامرات اشد وكت استراحتي لنتضره دقيقه دقيقه واتفرررج بس والله العضيم والله العضيم اني صوجييي وولج اني مو مغرور بس تعاي بشغلي وشوفي الناس شون تخاف مني
كلها تضرب تحيه احتررام لتشوفيني ساكت من تتعاركين اني واحد اغبر من اشوف عيونك اضععف اسكت واكوللج صار ارجعي لذاكرتج لقبل ارجعي لعركاتنه وشجنت اسوي بيج. اذا رفعتي حسج لح هسسه تعيرينييييي بضعفي بيدج من طااح حظ الوكت

ضياء همست

داكووولج انجبببي نسيتي اقلها تذمري بس حنيتي هيج اني نذل طلعت هاي تعبي وياج لج كمت انيم واسوي اكل ولافج لف بيدي بايام ولادتج واكول تستاااهلل مي عيوني لج طيحت حظ عشيرتي من تدكرت بيج والله العضيم متندمت لحضه واكول احترامها من احترامي مرت رائد ضياء الدين محمد هاي مااقبل احد يصيح سيدرا اكولهم ام زين
ضياء همست مطلعتني بفضيحه واخذت ابني

لج بابا انتي مخبللللللله اكبر واحد لازم دليلين واحد منهم سمعج باذذذذنه والثاني رسايل شترديني اسويييييي

سكتت خفت من عصبيته حيل

لج افتر بالشورع مقجثل المخبل وصلت للموت تالي تعيريني بضعفي وكلهاي ليش لان وكفت. لاختي جايه تدورين دفاتر عتيكه على ذليتني وهنتني من يوم الاعترفت بحبج اني بعد صرتي اولى اولوياتي بس متوقعت يوم بحياتي اتندم هالندم
كتلج نرجععع للصخاام مقبلتي كتلج اطلع اججر مقبلتي انتي كل الردتي تذليها مثل مذلتج واني مكدرت انفذلج هالطلب عذريني ترديني اطررردها. تردين تنتقميين منها واني شنو. اني شعليه شون ترديني اضل اتفرج عليها تموت مرتين رادت تنتحر شسوي الله بلاتي بوحده مخبله يجوز الله طلع حوبتج بيها اعوفها تموووووت فهمينييي وتكوليلي لعد اني شكول اني شسوي يعنيي. شسوييي غلطت وكتلج غلطان وتوسلت واعترفت ومكدرت اطخ غيرج وعفت البيت وكابلت الخديقهههه. تالي تعيريني بضعفي كدامممج

حسيت بطني تقلصت كلش مادري خوف مادري قلق عليه مدري اكلني الندم لان خربطت بالحجي

صاح. سيدرا. تررره الخلقج مو ما خلق غيرج بس كلبي ال-- حبج. واكدر اسيطر على روحي واعاملج مثل مايعرفوني العالم بس ماريد تكرهينيييي ردت اعوضج عم كل لحضه الم ويايهه. بس متوقعت حيجي يوم وتهينين رجولتي
صار الم قوي ورفس صحت اخخ
سكت ونفسه سريع بعده
ذبيت التلفون

مامااا

فزت امي
هاي يوم شبيج

ماما حموت وجع ببطني

يمه ياستار شبيج بعدنا تونا دخلنا بالثامن اربع ايام

يوم مدااكدرررر
متابعه شيقه