رواية من انت لتكون انا الفصل السابع عشر 17 - بقلم حسين

سيدرا- فات للحمام وحضرتله عشا جانت ماما مسويه كبه ويايه خطيه مساعدتني بيها لان اليوم التهيت. حضرتها بهدوء وبدلت هدومي طلع بالمنشفه باوعلي ابتسم تعديته منصيه كلما يجي من الخفر اكون اول يوم مستغربه خجلانه بعدها افك.  بدل وطلع انتبهت عليه من جتي ماما كام يلبس تيشرته  والبجامه ميبقه بالشورت طب للمطبخ كعد عالميز رجه راسه عالتجوه الحرسي تنهد بتعب

بقيت اباوعله رجع شعره ليوره وعدل شاربه مبين عليه توه ماخذ لحيته وجهه يلمع  ابتسمت سارحه بخيالي جان مغمض فك عينه ابتسم

شبيج ولج

ها لا ماكو شي تاكل

اي طبعا. شو صمون مامو خبز
لا والله خلص

ماشي. كعدي كدامي سولفيلي شكو ماكو
كعدت  ماكو شي زين كام يتحرك براحته بس هم نوبات يبجي بس احسن

ممم الحمد لله شفت الجرح هاي البلاستر منو شاله
ماما كالت ميحتاج بعد
اي فعلا علاجه كمله

اي. الابر خلصت بقت الشراب النطاهيا الوره الاكل

امم بعده من ياكل تتاذه بطنه
اي خطبه مبقيته شوربات وهم بله ملح وحامض كوه ياكل شفته شون ضعفان

امم ميهم يرجع يتعافه مدامج يمه. امه بعد مجتي
اجتي وضلت تتوسل بالحجيه تشوفه تالي صعدت خطيه وضلت تلعب وياه وتوسلت بيه خطيه خل تجي تشوفه دائما

ميصرفلي هالحجي زين يعرف انج انتي امه لتخلي  ينلعب بمشاعره شيصير

سكتت ممقتنعه بالديكوله بس مو وكتها خل يرتاح

امم شكو ماكو بعد نزلتي جوه
باوعلي رافع تك حاجب يستفهم

اااي 

هاه ذب الجطل من ايده وقبض ايده وخلاها جوه حنكه.  لج انتي شون بيج اني شكتلج
حجه بنتره بس مو معصب

باوع ماما نزلت جوه وتاخرت على موعد ابره زين التهت  ونزلت صحتها وصعدت

ايي ومنو حان

والله بس امل ولا رجال بالبيت بس بعدين اجه اوس وصعدت راسن

بقه يباوع بوجهي جر نفس ورجع ياكل كال

امج مرتاحه يمنا خو مقصرتي وياها
لا الحمد لله  ساعدتني هواي وشبعت منها
بيش ساعدتج المره جايه خطار

لا سوت ويايه كبه وكومه شغلات تعلمتها وبقت يم زين الصبح واني ابقه نايمه
اممم تدللتي عليها يعني طلعتي السنه واخذتي بثارها

كالها وابتسم وبحلكه اكل
ابتسمت شكد حلو شكله من هاديء

تاخرت هواي بقيت

اجايز هواي ماخذ والترقيه حتروح عليه  فعوضت وعدنا مدير عام نزل فلازم موجودين يروحون يطلعون بينا تقرير تطير علينا الترقيه. وسلمان مرته  مالها خلك منيمها مستشفى ولزمت بمكانه وهكذا
خطيه خومبيها شي

شبيها مبيها شي من مكسراتها

سكتت مناقشت. كال

انو دتصعد يم زين

اي بس متطول تمل لان ميكدر يتحرك

جبتله ايباد يلتهي بي

صددوك. هو متخبل على مال انو يكعدون ساعات يتفرجون فديوات مال جهال
اي شفته  هو ووصيتله والبارحه جاب الولد وانتي هم اخذتلج جهاز تلفون

فكيت عيني جان منصي عالميز باوعلي ابتسم وضم الضحكه. ورجع نصه عالاكل

شبيج

اشتريتلي تلفون

امم بس عادي مو ابو البرامج

ميخالف

اي تخابرين امج تخابريني

اي اي هههه
بقه يباوع بوجهي ويشرب اللبن كام غسل ورجع كعد يدخن اني ارحع بالغراض وهو يراقب كله حركه ويهز رجله رتبت المواعين بالسنك دااغسلها حسيته حضنني من ضهري همس باذني
عوفيها هسه تعبان والله

عليت ايدي ونشفت باوعتله يتامل وجهي ينتضر مني الحركه واني مااعرف شسوي ابتسم من شافني اباوع وانصي

شبيج بيش تفكرين

لا هيج

اكو شي دتفكرين بي

هه مادري  باوع لباب الغرفه مال زين

اكو احتمال امج تكعد هسه
اي

لعد امشي بغرفتنا

امم  دفعني كدامه واني كوه امشي ادري نضراته تلحكني طب وسد الباب وانتجه عليها مكتف ايده باوعلي بمكر
واني نضراته تخجلني لدرجه  اسمع بيها مجرى الهوى بريتي كال

شدعوه هلكد خجلانه

ابتسمت نصيت

يعني لشوكت نضل هيج
شنو رفعت عيني باوعتله

ادري تاخذين عليه من اني هنا ومن اروح وارجع ترحعين تستغربين

اي والله ههه والله صح

اعرف دااحس بيج

كالها وتقرب تلمس خصلات شعري شال وحده منهن وشمها قوي غمض عينه وجرني لحضنه  من لهفته حسيت حتى بدكات كلبه كانما كلبه بصف كلبي  عبالك يضعف من يكون بقربي يتحول من هالوحش بوكت عصبيته لطفل كلامه وصوته اليتغير يتحول لنبره توسل لكل حركه يريدها  يخليني بوضع حيره
هذا ليش هيج يصير بيدي  -- ابتعد عني وبقه لازم ايدي يتنفس بصوره عشوائيه كح وكعد جر باكيته تغطيت زين الغرفه ضلمه

كال

حسيت بيج

مجاوبت بقيت استمع

حسيت بشوقج الي اكثر من كل مره موتتيني

بقيت ساكته

سيدرا نمتي

جج
لزم ايدي قوي جرها وخلاها على اذنه  همس بتعب. جسمج ناااعم
بقه يمشي ايدي على اذنه

شكد احتاجيت هالحركه هناك مالوم زين ابد من يغفى بيها

ابتسمت حسيته طفه الجكاره ونزل للفراش بقيت ايدي على اذنه همس

دااشتاقلج ودااتعب  ومستغرب روحي

محاس هالشي قبل

حاس بس من زمان
ويامن

بنيه هيج

هم موخوش

امم

احجيلي عنها شون جانت علاقتكم وشون صارت

لج نعسان

حباب لحد متغفى احجي  وين متوكف اوكف

جنت صغير بعدني 20سنه وودونه على بيت مال هالسوالف وانه نختار بنات وجانو يعني بعدهم ببدايه مسيرتهم على اساس بس اكيد جانو يعني  عدهم مقدمات مثلا يشتغلون راقصات يطلعون ببيوت بالحفلات هالسوالف بس يعني مماخذيها
اي

اي فطبينا اختاريت وحده اني جانت حلوه يعني زينه.  شهد اسمها

اي يحجي ونبره صوته  اعرفها من تتغير

اي ف طبيت اني بعدني مره مكايس  اول مره وصار بيننا تجاذب بالحديث اهلج وين ومن هالحجي.  طلعت يتيمه ومهزومه من رجل امها لان يريد يزوجها اخو عمره خمسين سنه 

لو متزوجته ولا هالطريق
كتلها هالحجي
اي

اي فصارت بيننا علاقه واتفقت وياها بس اني وشتريد تدلل وفعلا اول فتره استمرت بس ويايه  بحيث انسطرت نستلي اهلي فلوس اخذ من امي واذبها عليها مر تقريب الست شهور وعلى اساس بس اني وكل ماروح للشقه الكاها بالغرفه. والبناتالباقيات طالعات يعني ينوعون مره عن مره شفت روحي مدااكدر ببعدها كلت اتزوجها اطلعها من هالمكان واستر عليها بشقه ااجرها بعيد عنهم. فتحت وياها موضوع
اييي اكيد كيفت.

ههه لا هذا التوقعته   رفضت رفض قطعي

مخبله هاي ليش

كالت اصلا اني مباقيه بس وياك انت غشيم ودير بالك تصدك بمره.

عزه بعينها

وفعلا من كعدت وي سلمان كال بابا اني صاحبي 3 مرات وراك  طلبها وابد مرفضت
لعد ليش قشمرت عليك

كيفت بالفلوس من كتلها زواج ومتطلعين انجر بوشها كالتلك هذا حيحبسني  خل اطلعله بالنضيف واشرد

تالي شسويت

موتتها الا شويه

عزززه كعدت

هههه لعد شنو زوج اني واخذت الفوس كلها ونطيتها بس مال حساب الليالي الكضيناها
بس شنو ماعدها مشاعر هاي

والله مادري

وانت حبيتها

مادري شيسمو بس اللي اعرفه شهوتي جانت حصريه الها

وو راها من تقربت من غيرها هم تتذكرها وتحن وهيج

اي طبعا قابل اني حيوان بس فتره ونسيتها.

ها
امم

زين ووهسه شذكرك بيها من تقربت مني

لا بس حسيت روحي بذاك العمر مااكدر اتخيل غيرج من  اكون بحاله اثاره يعني من اصفن اتذكر عيونج اتذكر نومتج بجضني او نومتي بحضنج

سكتت تقرب مني حضنني قوي
ريحتج ولاتتغير شكد اشتاقلها هناك

بقيت ساكته بقيت بحضنه لحد ماغفه واني هم غفيت حسيت الصبح زين بوجهي يهمس
ماما ماما

ها حبيبي بسته صباحو عمري

ابتسم كال بابا اجه تقرب يم ابو يبوس بي ابتسم ضياء وشاله وخلاه بالجربايه وضل يشاقه وياه ويضحكه باوعلي كال

كومي لبسي

طبيت جوه الفراش لبست وهو ملهي وعيونه عليه تبتسم كملت وكمت باوعتله بعده يلعب وياه بس بهدوء وعيونه عليه طلعت لكيت ماما تغسل المواعين
عوفيها ماما حبيبتي

يمه عادي اني اضوج اضل كاعده رجلج جاه

اي اجه البارحه. ديله حضرت ريوك   كعدي يمه فدوه لكلبج حبيبتي

ابتسمت  طبيت للغرفه اخذت زين شلته

يله كوم ماما حضرت الريوك

اي هسه

تمعصر مبتسم بقيت اباوعله شكد حلو يا الله لوبس يبقى هيج ميعصب ويضوج. طلعت شوي وطلع ريكت زين وهو كعد كدام ماما تريك كال
دكلي عاد عوفي هو من يعجبه ياكل

مو دياخذ دواه

اكل بابا  لتضل تمعمس

كمل زين اللكمه بسرعه شكد يحبه وشكد يخاف منه  كملنا ريوك ونزل يم امه هو وماما. بقو للضهر واني كملت شغلي والغده   صعدو ضياء وجهه ميتفسر يباوعلي وينصي اشرلي اروح للغرفه ماما كاعده وي زين تلعبه لعبات القديمه طبيت للغرفه وراه
نعم
ليش مكتيلي

على شنو عكدت حاجبي

على امل من مشغله امج

بقيت اباوعله يباوعلي بعتب
ضياء شكولك انت مخابر تسال على ابنك وتعبان من الشغل اجي اكولك اختك هيج واختك هيج يعني شحتسوي قابل

اقلها احاجيها شكد عيب من امج والله فشلت
ماما هي السبب مو بس امل

بقه يباوع بوجهي
اي شبيك مفروض تكوللها اني خطار يومين ورايحه ومابيه حيل
مجاوب كعد عالجربايه كال
احجيلي كلشي

منو كلك بالاول

اوس كايل لبهاء وبهاء حاير شمسوي بيها وامي هم متعاركه وياها

سكتت رد اعتباري وارتاحيت جريت نفس

ضياء حتى انت متردها من تاذي ابنك

اني ماريد مشاكل هاي تتحسس هسه تكول متريد وني ببيت ابويه.  وهناك ذلوتي عيالي. وصراحه اني امل  مااكدر ارفضلها طلب من جانت صغيره الندلله مالتنا
بس دتاخذ راحتها لا م خد لو تحبك متاذيك بابنك

سيدرا انتي امو شي مدتعقلي تره زين مو طبيعي ليش تكذبين على روحج يجوز انتي من حبج اله تشوفي انيان عادي

سكتت ورجعت كلت بس صوتي اختنك

حتى لو ابن اخوها اني لو واحد من اخوتي عليش وعده طفل يمكن ماذبه بالكع من كدما احبه

رفع راسه باوعلي ابتسم اقترب مني همس انتي حنيتج مفرطه مو كل الناس مثلج
جريت نفس درت وجهي عنه

كال

امج خو مماخذه على خاطرها

يمعود عادي اصلا متديرلها بال تعرفها متحبني

سكت  وعديناها
مرت الايام سريعه   ماما راحت وياه من طلع لشغله جان عده شغل باليوسفيه. واخذها توسلت بيها تجيني دائما وواعدتني تجي كل اربع خمس شهور   تلفون صار عدي تواعدنا نتخابر دائما. راحت ماما واني وي ضياء من اروع مايكون بس تعلمت مااتعده حدودي ماانزل جوه تلفونه مااجي يمه وهو اول ميجي تلفوني ينبشه نبش واني تاركته براحته طبعا ميمولي ومت نزلته شوكت على غفله يفوت واول ميفوت عينه عليه خاف خايفه اخاف اروح عالتلفون امسح شي. كمت اعرفه من عيونه هلكد ما حفضته الشرب تاركه صار فتره شهرين بس صلاه مديصلي. يكطعها وهالفتره حيل عصبي فتاركته يروح مفعول الشرب منه يله احاجي ماما كلما اخابرها تنطيني جرعه صبر وحب اله
ماما حببتي امتصي غضبه من يصير عصبي حسج ليطلع وابقي باعي بعينه لحد ميكمل كلام حتى لو كان كلامه ضلم ومن يكمل كلامه عوفي يهدا وحده فد ساعه وارجعي حاوطي باهتمامج. سويله عصير. شي حلو ولتحجين من تقدمي اله بس ابتسمي اله بهالوجه الحلو ومن يرضى ويريد رضاج اعتبي بهدوء ولتباعين بعينه من تحجين لان حيعتبرها صلافه.

جنت اسمع واطبق ومره من المرات من كان عصبي بلا سبب ديصيح عليه سويتها وانتضرت ساعه ورجعت قدمتله العصير بس صارت عيني بعيني ابتسمت ابتسم هو هم كال ووجع

سكتت دافوت للغرفه كال

تعاي هنازعلانه عود

كعدت يمه ساكته يتفرج فلم كلسا يندار عليه يكول

خوش فلم يفوتج واني مارد بس ابتسم ماباوعله
اخر شي طفاه واجاني اخذني للغرفه نتر

لتدلغمين بوجهي اتخبببل عليج

بقيت اباوع بوجهه نصيت راسي وحجي ماما يدك براسي همس

ليش تضوجيني

اني مسويت شي انت من وحدك تعاركت لانزلت جوه ولا احد شافني ليش تتعارك بعد

دتغنين وصوت الغنه واصل لسرداب الكراج جو لان فاكه الشباك
اختنكتتت ضياء بالعباس اختنكت

شالج العباس. منيش مخنوكه

سكتت وكعدت عالجربايه وانفتح. بالصباح مره لخ

شناقصج منو مثلج تحلم بهالعيشه مقصر عليج بشي. شو كل فتره تسوكلج رفل بالتردي والبيت الترك الج وحدج انتي وزين واني كل يومين داانزل واكابلج واكعد عود هاي من تصير طلعه وي سلمان. والشوب كطعته لو هسه شماسوي ميفيد كمتي ميعجبج ارجع هااا ارجع على ايام التكفخ والشرب
بقيت ساكته منصيه هذا جتى حجي ببيتي ميفيد وياه مو امي ببيتي ميفيد وياه عافتي وطلع طبيت لغرفه زين شفته نايم تمددت يمه بجربايته حضنني جنت لابسه بدي اسقيات غفيت وزين بحضني حسيت على احد ديعدل البدي فكيت عيني مستغربه شفت ضياء مقرفص كدامنا وديعدل باسقيتي لان نازل البدي ومبين جسمي من شافني فكيت عيني وكف ايدي بقه يباوع بعيني تلمس كتفي بهدوء اشرلي كومي كمت من يم زين وغطيته وطلعت وضياء كدامي باوعتله كال

ليش نايمه هنا
ضجتت وحدي همست

شو باعيلي.

رفعت راسي بقه يباوعلي كال

تعاي
حضنني قوي كال

ليش تغثيني متدرين بيه تارك وصاير نار

بقيت ساكته
سيدرا شتريدين فهميني

بقيت سامته لان ادري شمااحجي حيصير عصبي

اخذني للغرفه ونمنا والصبح راح. ومضت الايام. كام من يجي ننزل سوه. بطلب من الحجيه اسمع من امل واغلس بس الياذيني من تكعد بصفه وتكلب بالتلفون وهو يضحك ويتبش بش وياها نوبات يطلعون بره بالطرمه يحجون ونوبات من اطب يم عطور لو الحجيه  اطلع الكاهم يسولفون ودائما الكه باطراف حديثهم طاري بنيه ---