رواية من انت لتكون انا الفصل الثالث وستون 63 - بقلم حسين

فردوس- كلتها وغميت روحي عضيت شفتي قوي نفسه قوه براحه

كال

هههه نيال كلبي عليج والله
بقه ساكت  واني ساكته راسي  دايخ  دوخه لزمتني غمضت وتغطيت همس يسال

شجاي تسوين بت الحلال انخبصت وياج

صفنت كال
تغطيتي  راح صوت الهوا عدج
امم
جر نفس وصوته غمج عبالك ديشاورني ومابي بحه كال
احبج
غمضت عيني قوي كلبي دك سريع  وبين بنفسي

اي اي بعد قربيلي نفسج خليج يمي كد ماتكدرين

اوك همست كال

فردوس انا طاير بسماج من اتذكرج اعصابي تهده واسكر  بطاريج

يعني اليوم من ضلينا ببحدنا. دقيقتين الا شوي كلبي يوكف ومنايا انتي خبلتيني بزعلج

مرديت مكدرت اريد اسمعه بخمس حواسي اريد افعلها بس اله
كال

بلي مابيه شعر   موزين الله عطف علي وطلعلي شارب جان صرت مضحكه بنص التدريب

عضيت شفتي خجلانه شون اساله هيج كال

كثره التدريبات والتعرض للشمس تخليني معضل وبشرتي سمره طوخ اسمر من وجهي بس كون ماانصدمتي

چچ
شون يعجبج  الرجل المشعر
چچ
اااه فردوس ياجنتي بهالدنيا انتي

همم
تحبيني فردوس 

سكتت وعركت كال بصوت بي رجفه
بشرتج ناعمممه عببالك  حمودي ابن سدره ليش بعدتي ايدج ليييش

جسمك حار كلتها وسكتت

شون راح تحمليني لعد
خجلت وجهي احس صار نار كال
بلي لان جنت فاير من وره امي دمي احترك وكله كوم ونضرات عينج كوم كلت راحت من ايدي وكفه مبيه اوكف بعد.
اريد اشوفج يرضى ابوج اذا جيتكم

مادري

خلصن الحجج شاكوله

مو الخميس المهر
اييييه ههه اي الخميس تصيرين الي كدام الله

اي للخميس لعد
وانه كلبي يصبر سبوع  بالعباس يوكف كلبي

سكتت
وهو هم سكت شوي وكال
حتى سكوتج يحجي 

ابتسمت كال

شعرج هاي طبيعته لو مفيرته بيوم كعدتنا

هاه

سكت شوي وطكها بضحكه بقيت صافنه شبي هذا سكت شوي كال

يعني اتخيل روحي احجي وتكوليلي هاه انه نجمه اذا ساوته اهفها بمحمدي يسطرها  بس انتي مابيه كن  ضربت كلبي 
فكيت حلكي صافنه على سلاسه كلامه وضحكته كال

كوليلي بعد هاه بفهاوه
سكتت ضجت
فردوس
هاه
هههههههاي كولي نعم من يصيحوج بت الحلال هههه ً
اي نسيييت كلتها بفهاوه

مدري شون توالمنا ثلج ونار هههه

شون شفت شعري كلتها ببرود

نجمه مصورتج
هاا اي تذكرت

هاي طبيعته 
لا بي كسره خفيفه واني فيرته
ممم اوف يامحمد اللون اخذ عقلي هاي من الله هيج مخصل

اي ملاعبه بي
كالولي يابه كالولي   اذا صرتي يمي اكون انه المسوول عن تسريحه

بقيت ساكته

ماخليج ترحين لاهلج تباتين ابدا حتى لو خفر
ليش حباب ولو بالاسبوع مره

ووين تنام اصابعي اذا مويمي انتي فردوس انه حبي بتملك بس لا تملين

جج

مشتاق لعيونج خليني اشوفها شون تعاييني انذبحت اليوم خليني اشوفج

والله كامرتي عطلانه

ومن كال ارضى بالفديو

لعد صفنت لعد شنو قصدك
اشوفج شوي امرلج

ساعه ١٠ بليل

عساها الفجر كولي تعال وتشوفيني بباب بيتكم

بقيت صافنه اني هم شتاقيتله

هاه يابه اجيج

هاه
ههههههه  انه محترك وهاي تكول هاه

مو ماكو. حجه
راح اخذ غرض من نجمه اجيبه عودك ناسيته عدي وانه جبته

شنو
مادري اشوفلي شغيله شنو جنتي جايبه وياج اليوم بحيث ابوج منتبه

سواري ابو اليلو كال ذبي كتله اتفائل بي

وعليش يكلج ذبي شعجب الحجي يتدخل بامور النسوان
لا مو ههه مو انكطع وهو رخيص حيل انكطع ورديت خيطته
هلكد عزيز وغالي

ههه هذا ويايه من صف ثالث متوسط من اكون خايفه البسه يعني احسه طاقه ايجابيه وارتاح من البسه اتفائل بي

ااخ ربي شكد احب براءتج  وهسه شون تاليها سوارج وين
هياته
اي جا شون  اكوله نسته عدنا

عصب

ليش صاير عصبي

محترك جد جدي  لان اريد اشوف عيونج
مادري والله

زين حاخذ محاضرات من نجمه واكولهم هاي محاضراتج نسيتيها  شتكولين

سكتت

جر نفس كال

نص ساعه انه عدكم
اوك

اريد لبن من اديج

هههه ماعدنا لبن خلصته من جيت اخر طاسه
تحبين اللبن
اموت عليه
انه هم مثلج خصه اذا كان حامض
اييي ههه

احبج من تحجين بله خجل واحب خجلج النوب
سكتت
جر نفس كال

ههههه عمي مي عدكم لو اجيبن وياي

ههه لاعدنا بالبراد

عمي خلف الله عالبراد ياله جايج

اوك سديته منه وكمزت صافنه عالكنتور شلبس بقيت اكلب بالهدوم شفتها ملها موحلوه ردت ابجي طبت ماما مدت رايها كالت
ياستار ها حتنهزمين
ههه ماما شلبس
وين موليه بهالليل
حي
ياعزه بعينج شعده جاي بهالليل
نسيت محاضراتي ببيتهم

وانتي وين ماخذه محاضرات عود

ماما مشيها بروح جدو
تصالحتو
اي

جرت نفس كالت

يمه الولد تايب وتعبان لتلحين عليه صيريله بلسم لجرحه والله الله عرض تعبه بيج لان تاب

اي اي
ووجعي احجي وي الحايط والقران كلمه مفتهمتي منها حايره شتلبس
اي ماما شلبببس
لبسي كوتج الزيتوني وي البنطرون البيجي

اوك
ولبسي الشال الفستقي وياه يلوكلج
اي اي صدك
شكررا

خلي كحله

باوعت لماما هزيت راسي ماشي خاف بابا يحس
طبعا يحس   ممو ارنب ابوج دبدلي بدلي نشوف تاليتها وياكم

طلعت ماما واني كملت تحضير ونسيت شقدمله دز رساله
ببابكم انه متردد ادكها خجلان من حجي بهاء مو غشيم وما يلكفها راح ارد لاهلي عيب منه
لاعفيه

تردين تشوفيني

اي كتبت واصبعي على شفتي اندك الجرص وكلبي راد يوكف  سمعت نزلت الدرج احمد نزل بقيت انتضرعلى اعصابي  شوي  صاح

فردوس تعاي رجلج اجه
يمه فدوه لهالحجايه طلعت من الغرفه احمد باوع ضيق عينه كال
متحضره الاخت خو جان طلعتي فتحتيله الباب  اذا تدرين بي جاي عليه فردوس هاي دروبي. نصيت راسي خجلانه كال
دفوتي الولد كاعد

بابا وين
نايم بابا تعاي فضيها وراه رجعه

اوك طبيت واحمد ورايه شفته كاعد عالقنفه نصيت راسي ابتسم ووكف لابس تيشرت ابو الياخه حجري  رصاصي وبي سمائي وبنطرون كابوي اسود ريحته تخبل وساحب شعري ليوره  رفعت راسي ابتسم ضم الضحكه وحك حنكه منصي باوع لاحمد ونصه راسه احمد كال
تشرب شي جاي كهوه لو مو مال جاي هسه خل اجيبلك عصير

سكت حمزه باوعله كال

رحمه اله والديك طلع احمد واني واكفه مقابيل حمزه وهو واكف انردت الباب جر نفس همس وعيونه عالباب

فد عاينيني وهاذ هو

رفعت راسي وجهي  احس نار من الخجل

ياويل كلبي ياويلي

ابتسمت
عيونج وينهن
باوعتله بلهفتي القديمه تنهد وصدره ارتفع وانخفض هز راسه متحسف كال
كعدي كدامي دقاقيق
هزيت راسي اوك
كعدت اباوع وانصي وهو ماشال عينه عني

خليني احفض كل تفصيل زغيرون بيج
رفعت وجهي اباوعله شاربه والدكه بحنكه وغضب حاجبه الاسود مد ايده ناحيه ايدي وطب احمد جرها راسن خجل احمد كال

ادري مفد يوم جيت وايدك فارغه ميصير هيج. ادري قابل ماعدنا لبن

لا والله هذا طيب حيل وردت الحجي يجربه.
ههه الحجي ميحبه حامض وحده بس عدنا تحبه حامض 

باوعلي احمد باتهام نصيت راسي سوده عليه جايبلي لبن بقه كاعد يمنا احمد يحجي وياه وحمزه بعد ماباوعلي غير كم مره من اتامله يحجي يباوع وينسى وين وصل بعد مباوع مطول نص ساعه ووكف  كال
يله انه اترخص اعذرني ابو شهاب جيت بهالوكت وسلم عالحجي

لا يابه شنو السالفه صرنا اهل والحجي لو مانايم جان كابلك وكعد كل الهل بيك
طلع يمشي برهاوه سويج سيارته يخرخش صعد بالسياره والتفت عالباب كال
فيماللا

الله وياك جاوب احمد بقيت اباوع بعينه باوعلي ابتسم وطلع سد الباب احمد وباوعلي كال

مو اليوم جننه عدهم لحك يشتاق لشكولج

نصيت راسي
لو باجر يلتحق

اي

دفوتي الله يحفضكم جاي وحليب ههه
طبيت للغرفه كلبي حيوكف بدلت بهدوء روحي طايره واتذكر نضره نضره وصلت رساله منه

انه احبج

رديت
وصلت

بلي راح ادك عليج
اوك

خابر رديت راسن وتمددت

جنتي انتي

ابتسمت

احبج
غمضت عيني
عيونج ناطيه على خضر اليوم

وي الكوت تلونت

اوووف ربي  بعد سبع ساعات اطلع وماريد تضيع دقيقه وانه ماسمع نفسج

اوك

خليج ويايه خلي سماعات باذنج ونامي

اوك

حتى لو بس نفس
ماشي

بقيت ساكته وهو ساكت همس
عجبج الاثاث

اي يخبل

دز الذهب من رجعت
صدك خطيه

جر نفس فضايله ثكلت ومااكدر ارفضه اخجل

انت هم ممقصر

شغلات القانونيه والمعاملات والطابوركلهن انه لازمهن اله هويه اذا راد يطلع بضرف يومين عده  بس عليه سهله ذني كلهن ماصارف شي من جيبي بس هو ديضايقني  كرمه
لو يلزم المعاملات هو شكد يصرف
اوو كوم ذاك الطابو اذا تفوتيله تذبين دم كلبج صعده ونزله لعبان نفس بس انه جماعتي  عدي ويمشوها  بلاش
اي شون عليك سهله المعامله وعليه سهله الفلوس

انه اريدن من تعبي البسج

واني هم احب شي من عدك

تعرفين شون لعد حجيبلج شي على كد فلوسي وهذا هم موجود ماريد اخجله

اوك

حتى شكله بي طابع عربي جنه صواني  جاي مو تخم
ههههه

والله العضيم كلف روحه والله
انت عزيز عليه

يعززمكدارج من صغري وياه بس داريدج تصيرين مرتي واخذج لعدهم نبات فد يومين تخبل الديوانيه تجنن

انشاء الله

تشوفينه تردين
شنو
الذهب

لا موهسه ارتاح
اكثر من هالراحه النوب

ههه
---
ةهيج كضت ايامنا من اشوفه انخرس مااكدر احجي واخجل ونوعا ما بالتلفون احجي من يلتحق كام ميقفل جهازه ولااني اخابره   بس من يدك مسكول يعني ماعده شي اذا ماعدي شي اتصل بي وحتى لو عدي شي هم افرغ روحي اشتاقله  ومن ادوام جامعه وي نجمه اتامل طريقه كلامها مبتسمه وهي تكفخني تكرلي

لج بابا انه موحمزاوي

مو تشبهي من تحجي
هههه عابت جفاف عاطفي عدج

نسيت الدنيا وياه ابد متدنى بحجايه محلوه ومن اجفص يسكت يجر نفس ويهمس احبج  لحد الان اخجل اكولها  بس عيوني تحجي هواي ولاهو الطلبها    كطعنا مهر سيد ومسوينا حفله وعزمه بابا ببيتنا مكدرت اخذ راحتي بنضره وحده ولاحتى هو وراها التحق بالتاجي معسكرات التدريب هناك صارت وميكدر يحاجيني ابد بس كم رساله تبين لهفته واشتياقه شتاقيت حيل وتعبت وكان يكولي اعوضج بس اخلص هالشهر  واني تعبت وهو متعب مني لحد مايوم عيد  ميلادي  بقيت انتضر شحيسوي
جنت اتمنى مفاجئه صغيره ولو يمر للجامعه مثل قبل بس مااجه  طبيت للقاعه كعدت بمكاني شفت المنضف يباوعلي مدري شبي  مهتميت طلعت للكافتريا حتى نجمه مااجت بيومها عدها اوف رجعت للقاعه عدي محاضره دااخلي كتبي داخل الجيب مال كرسي وانصدم بشده ورد طبيعيه تخبل صغيره ونازمه

شلتها ودمعت عيني اشتاقيتله حيل عرفت منه وعرفت المنضف من باوعلي يتاكد وين اكعد بتفاق وياه لكيت ورقه بضرف صغير فتحته اقره

كاتب

ورده ازهرت بصحراء حياتي ازهرت معها سنيني المتعبه اشرقت من جديد بعد انطفائي كل عام وانتي جنتي تمنيت ان اقضي اليوم معك لكن ضرفي العملي لم يسمح اقبلي اعتذاري
بجيت وضميت وجهي صديقاتي التموعليه فد ضجت من روحي خابرت ابو عمر ورجعت للبيت اني والورد خابرني مجاوبته يمكن المنضف كاله بجت تعبت من شوقي اله شهر كامل هواي والله  نمت للعصر خابرتني بيبي كالت
تعاي يمنا يمه استوحش وحدي
بيبي تعاي انتي يمنا نتونس بيج

لا بيبي تعاي خل اشبع منج

اوك لبست جبتي وطلعت انتضر احمد يوديني لبيت جدو واخذت ملازمي ويايه رحت بتراكسودي  ---
ةسيدرا--

مرت ايام وره عزيمه بيت عيالي وضياء متاركني ويايه ويايه بين يوم ويوم يجي ياهذ باسم وزين الصبح يرجعهم بالليل. يتسوك بخبال  وميطلب يشوفني ابد وكلما يريد يسال عن شي للبيت يراسلني واجاوب اعتيادي. جنت ماخذه عهد على نفسي ماارجع من نفسي مثل ذيج المره الا هو يرجع يكولي من نفسه هالفتره تعبت حيل وي الجهال مع العلم ماما ويايه بس نومي كلش قليل تجيني ايام ثنينهم يبجون سوه للصبح اتدمر اعصابي تتعب حتى بجي ابجي وياهم ضعفت حيل وصارت عيشتي عالعصاير لان مالي نفس وامي باليوم تنطيني  دولمه عصير
منوع  والخير مال بستان وكاضيتها تمر ولبن وعصاير وامي تلوب لج يمه اكلي بس بيوم اليجي ضياء الضهر يراسل

راح اجي اخذ الجهال
اركض اركب واحضرله غده وماما تلح عليه يبقى عالغده جنت انتضر يسال عني يكول وينها يطلب يشوفني بس مسواها صار عمر الجهال اربع شهور ونفس الشي باسم كام يخطي وهو متخبل عليه  ملابس اليشتر يها الهم  تخبل وملابس سماح بعد احلى ومن ماما تكوله يمه
عدها كومه
لاخاله متحملت تخيلتها بي
ضياءالدين- رغم كل الصار بينا وقسى كلبي عليها من داسجل البيان مال جهال وامي كالت رادت تسميها سماح كلبي دك عرفت سامحتني بس ردتها هي التبادر  ردتها ولو تتصل والباقي عليه. بس للاسف كل الاسوي مينحسب وتضل تحسبها الي بالملي اغلاطي نفسي انسدت من كلشي اله علاقه بالحرام جهالي كل حياتي هذا هذا باسم مطير عقلي بسوالفه. احس يفتهمني  رغم صغره

زيون ونحاسيته اللي متسيطر عليها غير سيدرا  مشتاقلها حد الموت بس مااكدر اهين نفسي اكثر من اتذكر ايامي وياها اكول هم ترجع البيت وقفت بناءه يرادلي فلوس وداانتضر المنح اكمل بيها على كيفي  كلما ارسل شي واخذ رايها تتجاوب ومتحجي اكثر ردت منها كلمه بس والباقي عليه بس منطتها الضاهر مرتاحه. واني بعد كرامتي متسمح اتوسل ---

سيدرا-  خابرني حمزه بيوم ميلاد  فردوس سال كال
عفيه سيدرا ماعدي غيرج ماجاي ترد لاعلى اتصالاتي ولا على اتصالات نجمه

شبيها شكو تعاركتو

لا فالج ماكصدناه بس دزيتلها شي علمود ميلادها وشو يكلون بجت

خطيه

الرايده منج تتصلين عليها خو ما بيها شي
اوك

مننون بت عمتي مردوده

شمسويه معود خيرك سابق
خابرتها مردت خابرت امها ردت كالت نايمه نومه عبالك صار سنه منايمه. خابرته كتله ضل متكدر راح ساعه ورجع اتصل

سيدرا راح يمرلج ابو سكينه

اي

انه لليل اجيكم اخذت اذن

اي شنو

فدوه لعينج ادري عدج جهال وهوسه بس خدمه مانسالجياها ماريد اليوم يمر هاي اول سنه سوه

شنو اسوي تدلل
باعي حيمرلج ابو سكينه وياخذج  لبو الكيك وهالتحضيرات
اي
وروحي لبيت ام بهاء  وي نجومه سوي فد كعده وخلي ببيتها تخابرها تكولها تعاي وانه بوكت جيتها يمكم حدود ال٨ عدكم اكون  اريد افاجئها  شوي اعوضها هالشهر الاسود
ههههه فدوه الله يحفضكم ديله خل اكول لماما

رحمه الله والديج

يمعود عادي سديته منه كلت لماما وراسن تحضرت واخذت ماما  والجهال هم  حتى الحجيه تشوفهم  لان صار كم مره خابرت خطيه تريد تشوفهم  ورحنا طبيت لبو الكيك اخذت كيكه جبيره ومرتبه وشغلات مال عيد ميلاد. وكتبت كليشه عالكيم اللي رسلها الي حمزه كاتبها هو الضاهر ورحت لبيت الحجيه جانت سلامه دتنضف سلمت والحجيه طارت بالجهال حجيتلها عاللي كال عليه حمزه وعيوني على غرفه ضياء  خاف موجود صار تقريب الشهرين مشايفني  حضرت الهول والحجيه تبوس بهذا وذيج مكيفه  بيهم طبت امل وانصدم بيها بقت تباوعلي وسلمت على امها شحالها صايره الحجيه تباوعلي وتباوعها سوسو كيفت بزين شفتها هاديه تقربت من جهالي خفت بقيت اراقبها بس شفت ماما يمها مبتسمه عفتها شوي وطبت للهول كالت

السلام عليكم جاوبت واني اعلك بالنشره
عليكم السلام جنت لابسه بنطرون كابوي حصر وتيشرتي الاحمر ملامحي الانثويه رغم ضعفانه بس بارزه   خصوي محدد لان ضعفانه واشتغل وعيوني عالباب شفت الحجيه كالت لسلامه

يمه خلي الامل عالنار الهاديه ضاوي يفوت ميت جوع

كلبي راد يوكف فليت شعري وشلت نصه ونزلت خصلتين على وجهي ورجعت اكمل شغل امل كالت

عيد ميلاد زين

جاوبت امي

لالا عيد ميلاد فردوسه ومسويلها مفاجئه رجلها
ها

كالتها  وسكتت   انخبصت بالتعليك والتعديل وسمعت صوته بنص هوسه الجهال كال
السلام عليكم هاي منو جاينا اليوم كمز باسم وزين عليه شالهم سوه اباوعله واعلك احس صاير يجنن باوعلي بنضره تسوه سنين عمري كلها  نضره كلها لهفه بابتسامه متعجبه بعشق يعني متنوصف همس

عيد ميلاد الجهال شنو سال الحجيه امه جاوبت
لايمه عيد ميلاد فردوس وحمزه محضرلها مفاجاه

ههه تستاهل فردوس جريت نفس واباوع لاصيلتي. كلشي بيج يثولني ثول نن انعل ابو الكرامه مشتافجقلج حد كطع النفس صايره تخبلين صايره مثل ماعيني تريد واكثر شعرها طولان وشكلها متغير نسيت روحي واني اتامل تفاصيلها رغم ضهرها عليه امل انتبهت  عليه كالت

اني هم سوالي اوس عيد ميلاد خطيه ذاك الاسبوع ووصالحت اهله لان كلهم عزمهم ببيتي  بقيت اباوع بعينها احسها احسن تقبلت واقع اوس وحبه المفرط الها التفتت سيدرا عليه من داباوع لامل وسمعت كلامها ابتسمت ورجعت تكمل تعليك نزلت من القنفه ونزلت تيشرته بطنها طلعت من جانت رافعه ايدها ياالله شكد مشتاق لبشرتها وعطرها تباوعلي من جوه ليجوه واني احس ب العرك   من يمشي بضهري وعقلي نمل تفكيري وكف دك تلفونها راحت عليه تبتسم مدري شبيه شاط بقيت صافن   على نضرتها  للمكالمه
ردت
الو ها  دااشتغل احلص يله اخابرها هههه اي نجمه هياتها اي جان خابرت عليها لعدصاير عصبي شبيك

سيدرا- بقه ضياء يباوعلي من دااحجي ابتسم وباوعت للحجيه 
زين هو ديسو يلها مفاجئه  هلكد محترك دمه لان نايمه ليش يكولي مو بكت نومتها هذا شبيها خاف مريضه

ام بهاء- ياعيني الله يحفضهم

حجيه هواي يحبها وفردوس تستاهل

ضياء- بقيت اباوعلها من تحجي شكد مشتاق لصوتج اليوم جان كفيل يشكك كل مقاوماتي ويرجعني لاول واصعب ايام ببعدها  جانت من دتحجي بحبهم فرحانه وكانما الها المفاجئه ولكيت روحي بخانه التقصير من جديد  لافد يوم سويتلها عيد ميلاد لافاجئتها بشي الهديه الجبتها الها المره الوحيده جانت انكس فكره لو مانطيها الها هم احسن طلعت من يمهم مابيه بعد
تانيب ضمير واحنل روحي سبب فراكنا سبحت ولبست بالغرفه باوعت لفراشي تذكرت هدومها  الجوه المخده رحت اشيلها مردت تعرف ملكيتها بس لكيت غير قطعه ومليانه عطرها شميته وروحي ساحت تمددت واني اعرف هي الخلتها ومدااكدر اتصرف كوني ممهتم واطلعا بره غرفتي تمددت واشم بيها واحسها بحضني شتريد بهالتصرف اروح اتوسل ارجع من جديد اتوسل

هيهات بعد  طلعت تغديت والجهال لو بيد ام علي لو بيد نجمه وامل شوي شالتهم سماح صايره تجنن بحيث مداقاوم روحي ميت مره كمت من عالامل احضن بيها وابوس واعضعض وارجع اكمل كملت اكل طبيت للهول  شفتها دتحضر المي رفعت راسها بطبتي بقيت اتاملها

نصت راسها وكعت النشره رجعت صعدت  تعلكها وتنشلع التفت مامو احد يباوعلنا تقربت يمها بس رفع ايدي وصلت للنشره صارت بصفي ضبط التفتت باوعتلي بهالقرب اني مبقت بيه طاقه حافه صدرها مبينه والحمار مال تيشرت الصارخ وي حمار خدها بفعل الشغل ذبت شعرها وره ضهرها لزمت كتفي دتنزل وتباوعلي غمضت مكدرت متدري شسوت بيه لزمتها حراره جسمها توغلت بجسمي كطعت تواصل عيوننا نجمه
حمزه بالطريق يكول محتاحين شي
سيدرا- ااا لالا نزلت من القنفه ورحت للحجيه كتلهازتخابر فردوس خليت الكيك وخابرت عطور كالت لعد حجي وياها اني وندى كيفت وين ماامشي عيون ضياء تلحكني كال

وعيونه على سماح
شنوحيجي

اي هسه بالطريق جاوبته واعدل بالميز

اي لعد دلبسو
ابتسمت لبست جبتي والحجاب امل وكفت بصفي تباوعلي وتنصي كالت باحراج

حتبقين
رفعت تك حاجب
لااا نترت وتركتها بعدها  نفس الشي من طاح حضج اشبعي بالبيت اشبعي بي

طبت فردوس وي عطور وندى بملابس البيت وفوكاها صايات سديت باب الهول وطفيت الاضويه وصلتني رساله من حمزه كاتب

بالباب اني شفت احمد طبك يله طاب

اشرت للحجيه
تره اجه طفيت كل الضرايات والجهال خنسو خايفين وكفت صفح انطخيت بي متقصده عساس مادري هو ومشفته بفعل الضلمه  جر نفس سمعته وتركته ورايه طبت فردوس تصيخ بيبي شنو شو هاي ضلمه بيبي وعاطت سماح تبجي خرب يومج. وشغلنا الضوايات عطور سوت مجال لحمزه يفوت جان مصدوم متوقعنا كلنا بقت صافنه فردوس خجلانه بس متدري حمزه هو السواها عبالها ضياء غنينالها وغطت وجهه تضحك خجلانه نزعت جبتها والحجاب تخرب ضحك بالبجامه وحمزه وراها كالت
شنو هاي غير تكولولي اي عمو ليش هيج سويت كلفت روحك

جاوبها حمزه
كل عام وانتي بخير التفتت شاهكه من سمعت صوته وطب بهاء بس طبته ووجود ضياء واحمد ووجودنا مخلاها تسيطر على لهفتها وتفاجاها واشتياقها بي ركضت حضنته وهو خجل ربت على كتفها يضحك  وهي تبجي. يباوعلنا خجلان مبتسم
يهمس باذنها
كافي حبيبي
بهاء- ههه كافي بابا ولج هاااه احنا واكفين
ولااهتمت ابتعدت ميته خجل باوعت بعينه مسح دموعها  مبتسم   فتح علبه ذهب صغيره ولبسها كلاده مكتوب بيها جنه حمزه. من صدك بجيت التفتت ضياء دايخ بقربي بلع ريك ونصه عينه تمنيت فد يوم احس. بهالشي ولو جنت مكتفيه بنضره منه لو ما اللعبان النفس الجان منغصني بي ربي لتجعل عيني عليهم حاره احتفلنا وفردوس تباوع لروحها وتكوله
عزه مبهذله وهو ينصي عينه مبتسم  محجه شي كدامنا ابد  اخذها لبيتهم بدلت وطلعو واحنا بقينا بيومها لل١١ بليل يله رجعنا
جانت عيون ضياءتلحكني وعمتي تتوسل ابقي مشبعت من الجهال واني امول غير مره اجيج واشبعي منهم  رجعت ميته تعب مدري شبيه وطميت روحي بمخدتي ابحي بحركه ماما حست عليه كامت تمسد براسي محجت شي ولانصحت ابد تحس بعد ميغيد الحجي وياي تعبت مني دك تلفوني ب١ اباوع رقم غريب طيته لماما ردت باوعتلي كالت

هاي امل
عكدت حاحبي مستغربه رديت
الو

هلو سيدرا شونج
زينه
اريد احاجيج خوما نايمه
-------
يتبع

مريم السعدي