رواية من انت لتكون انا الفصل التاسع 9 - بقلم حسين

سيدرا- نزلت وراه طب لبيتهم اباوع شفت رجال يصلي بالهول ووراه ولد شاب شكد حلو منضرهم طب بقه يتقدم واني وراه صارت امل بوجهي بوسته لضياء. وباوعتلي ودارت عينها بشماته درت وجهي عنها التفت عليه يعني يكولي سلمي وطلعت الحجيه قبلها رجت عليها يبستها من راسها شكد شتاقيتلها حضنتني قوي وتطبطب على كتفي

اووي شكد احبها لهالبنيه

تقرب ضياء واني بحضنها باسها من راسها. حسيت احساس حلو رفعت عيني بهالقرب البينه صارت بعينه دار وجهه على اخو كال

شوكت اجه

يمه اجه الصبح طبلي راد يوكف كلبي من الفرحه

اسم الله عليج يوم

سيدرا- طلعت المره الجتي وي الطفله تقربت منه تضحك باسها من راسها وراها رفل طلعت بوسته وبوستني. بثكل تبتسم. بناتها هم جوي. وحده منهم محجبه ندى شكد تنحب وبسيطه وهدى تتنعوص بس هم حبابه. الفرق بينهم سنه وحده سادس ندى وهدى خامس. اباوعلهم ابتسم كعدنا ننتضر اخو يخلص صلاه اباوع وجهه مرتبك. ويهز برجله وعاض شفته كمل اخو الصلاه واندار عليه يبتسم بعتب كامله ضياء حضنه واخو هم حضنه دمعت عيني واني اباوعله غمض عيونه من حضنه ابتعد اخو يباوعله بعتب ورجع حضنه وتسالم وي ابنه الولد الشاب الجان ديصلي مهلي اترخص واكوم حبيت لمتهم. وسوالفهم. وهذا الشاب ثكيل حيل ورزن احمد اسمه الفهمته 3 هندسه ميكانيك وحول على بغداد لان اوضاع مصر مزينه عدهم بنيه هم تطلع متوسطه رابع كالت اسمها فردوس على اسم الحجيه تخبل وعدهم ان.
باوعتلي تعتذر ام احمد كالت

عذريني عبالي الموجرين

همست لاعادي هه بس استغربت من اسم انو وزيوني كلش حبها. دااحجي وصاح اخوه

ام زين شونج يابه

وكفت بخجل الله يسلمك ابتسمت من كال ام زين اباوع بالوجوه امل نطت كالت

هاي مو ام زين تره

بهاء- شون مو ام زين
امل - ام زين طلكها هاي مربيه زين واخذها لان تعلق بيها

يعني ام زين الان التربي مو التجيب صح ضياء

اي فعلا باوعتلها هي هم ممقصره لو امه متحبه بكد متحبه هي ودائما تكول ابني

حسيت روحي طرت بهالكلام باوعت لامل وكعدت درت وجهي عنها وبقه الحجي الولد جان يحجي وي رجل امل بثكل ول امل هواي حبه طب سرمد سلم عالكل وشال ايده ضحكلي

شونج مرت خالي
هلو ابتسمت ونصيت.

سرمد هواي يتشاقه بقه يدور بعينه ووكفها على بت بهاء ابتسم وكعد يم خواله كلسا يحجون ويندار على بت بهاء يباوعله يبتسم انتبهت هدى تباوع لاحمد من يحجي وي رجل امل وتضحك هو من تصير عينه عليها يدير وجهه بلا موبالاه قريت وجوه الكل بهالكعده بهاء اجاه تلفون ووكف باوع لضياء ذب الجهاز نتر بي

هاي شمسوي

ضياء وكف
خل افهمك يابه
يباوع بوجوهنا ضياء وفشلان بقيت صافنه شكد يحترم اخو ويهابه امه صاحت شكو يوم شبيكم وجوهكم انكلبت صاح بهاء

ولك اكولك فلوس ماعدي وضعيتي موزينه تكولي مديتاجر وانت كالبه -----

بهاء اصبر خل افهمك

يحجي ويباوع لامه وخواته والجهال وجهه صار احمر بهاء صاح

ولك ليش فهمني مو اعتمدت عليك ماعدي غيرك ضهر واكول ليش مديتاجر صار سنه

عرفت ديحجي على بيته الينلمون بي جماعته. يشربون ضياء نصه راسه اباوع احمد ابن بهاء كام كال عماتي من رخصتكم حجي رياجيل فوتو جوه بغرفه بيبي
وكفو عماته اشر للبنات هم طبينا كلنا والبيت انزج من الصياح الحجيه هم صيحت بس اسمع تكوله

ولك متجوز النوبه بييت اخوك ولك العالم هناك كلها تعرفنا. مو عيب عليك مو تزوجت وكلت الله هداك

يوم هي كم مره

صاح اخو ولك ياكم مره جيراني خابر يكولي سيارات حكومي كل اسبوع بال 12 سياره بالليل يجون. ووياهم اشكال الوان نسوان مخازي ولك صخمت وجهي لك يكولي مكلوبه ---وصوت ركص وغنه وضحك ولك شنو انت فهمنني
بهاء هو متاجر

لك شيتاجر وانت جايبلي سمعه عالببببيت

سيدرا- صاحت امه بحركه ولك انت رجال انت انت عار عليه وعلى ابوك عليمن طالع ولك شيكولون ابن محمد مسقط ولك انت ونجومك خزيتنااا كتلت روحك عالترك ومن كعدت بي ناس تخبلت تالي فتريت على بيت اخوك ولك مو محتاج وتدري بي

عوفي يوم اهدي هاي هي خويه لهنا وانتهت وياك
كملت الحجيه حجي كمزت رفل وامل على صوتها طلعت بهدوء وخجل وراهم اريد اطلع من البيت شفت ضياء منصي وامه تصيح تكوله

لا انت ابني ولا اعرفك امشي اطلع بيتي يتعذرك مراضيه عليك ليوم الدين رفع راسه باوع لامه وباوعلي يدور وجهي جتي عيني بعينه نصيت راسي طلع من البيت بسرعه بقيت واكفه بهاء اباوعله لزم راسه وبنته ركضت جابتله دوه ومي شربه ورجه راسه. ورفل تهدي بامها بقيت بالنص خجلانه اريد انهزم مشيت داانهزم صاح بهاء

تعاي يابه تعاي معليج انتي بيني وبين اخويه
جاوب رجل امل

يابه مو يمج لتاخذين على روحج

اا لا مو زين نايم خاف يكعد ميلكاني

ماشي اخذي راحتج

تصبحون على خير كلتها منحرجه وطلعت من البيت صعدت بالترك عبالي راح الكاه مموجود حتى بدلته ماهيه نمت يم زين وافكر بالصار شحلوه لمتهم وشكد يخاف من اخوه اخوه يطلع بالاربعين بس مبين متزن ومرته هم حبابه كلش وجهاله كلش بسيطين
نمت وحسيت الصبح ماارجع بعد مثل كل يوم كمت عالبيت فتحت الشبابيك مال ترك جانت ساعه سبعه الصبح بس شبعت نوم عدهم حديقه وره البيت بيها مسبح واشجار برتقال وكعده مثل الحديقه الكدام البيت اباوع من شباك غرفتي تطلع عالحديقه الداخليه شفت احمد ديقره. عالميز ويكلب بالكتب ويكتب بقيت اباوعله شكد حلو شخصيته شوي وشفت هدى بت رفل المومحجبه جابتله لفه وجاي كلها ماريد تسلمين مااتريك. كالت

موزين عليك

لا متعلم

يحجي وميباوعلها وهي تتنعوص جان كلش رزن وياها. اخذت الصينيه ورجعت. كملت تنضيف وحضرت حتى الغده ورجعت اباوع لاحمد شفته بعده كاعد تمعصر والمحه يبتسم لاحد بقيت اباوع شفته وكف هناك لمحت ندى

بيدها صينيه كهوه وعصير برتقال. كالت بخجل
اااهاي بيبي دزت الكهوه. كالت متعلم يشرب كهوه سويله وياج

كام احمد وكف احتراما الها شكد حلو بس اليستحق احترام يحترمه كالها

انتي تشربين كهوه

لا بس اسوي لماما وخالو هم راد ووبيبي كالت حسبي حساب احمد

تحجي ومنصيه وتعدل بالحجاب كال

والعصير منو سواه

اني رفعت عينها بعينه ونصت
المن ---كالها ونصه لمستواها يبتسم

ااالك. لان. -- رفعت راسها ونصت مرتبكه لان عمه كالت ممتريك وعافته وراحت ركض بقى يباوعلها مبتسم فرك وجهة ورجع لكتابه شون حلوين فدوه

مر يومين ورفل راحت شفتها من طلعت من البيت و خطيه مرت بهاء صعدت يمي جنت دااسوي اكل وسكعت وحده كالت

هلاوو

هلاو حبيبتي طبت هي وانو ركض زيون عليها يضحك كعدو يلعبو حار شطلعلها من ملاعيبه خليت الاكل على نار هاديه وقدمت كيك همزين جان عدي وصبيت جاي حسيت روحي صدك بيتي كعدت كدامها واباوع على ترتيب لبسها وشكلها واني من حفيت لليل صار شهر
كالت وتباوعلي تبتسم

انتي اسمج سيدرا يخبل اسمج

تسلمين

نصيت كالت

شونج وي ضياء

الحمد لله هزيت راسي شربت الجاي وتاكل بالكيك كالت الله يخبل

ابتسمت بالعافيه

شكد عمرج

يعني دخلت ب20
حلو عمرج زين مرتاحه هنا
اي الحمد لله كلش

ااني امي الحجيه حجتلي عن حياتج والله كلش تاذيت

نصيت راسي رجعت بيه شكو ونه مدفونه كالت

والله مجايه اضوجج بس حبيت اكولج كلما تضوجين نزلي يمي

هزيت راسي ساكته

لو ضياء ميقبل

رفعت راسي تفاجات كالت
امي الحجيه كالت ميقبل اصلا مستغربين شون عاف الباب مفتوحه

مو طلع مخبوص

اي انقهر خطيه يله غلط ولازم يتعاقب بالنهايه يضل ابنهم معلينا بينهم مو بله نبقى جناين

من ساوت روحها بيه شي بيه ارتفع بقيت اباوعلها كالت

عفيه عود علميني شون تسوين الكيك كلش طيب وهذا حمودي مموتني ميتريك بس يحب هالسوالف عالريوك

اوك هزيت راسي مبتسمه كالت
شونج وي امل رفل حبابه بس امل شوي انفه

هزيت راسي لا ماعدي شي وياها

ابتسمت تلفتت عالبيت كالت
مرتبته حلو اني جنت كاعده بي قبل ماكعد بيت وحد وراها رحنا لمصر زوجي صار عده عقد عمل وهسه رجعنا اوضاع مصر موتمام

امم اسمع الاخبار

اي هاهي الحمد لله هسه الحمد لله لكاله شغل بشركه اهليه

الحمد لله بقيت اتبسم كلامها مريحه تخلق جو تكولج انتي انسانه كالت

ممحتاجه شي هاي اني مثل اختج نتعاون يجوز اني هم. فد يوم احتاجج
تدللي همست

فد يوم اصعد اتريك يمج من ضياء ماكو ولو هو من موجود لازم من يتريك احد يمه بعده بطبيعته مو
فكيت عيني ليش هو من جان صغير هيج

ايي ههه من جان صغير يكعد امه يكولها سويت ريوك كومي اكلي ويايه واذا مااكلت يضوج ياكل وحده

ههه اي بعده هيج صح

والله حباب هو بس اصدقاء السوء دمروا قبل ليتوضف مجان هيج عمي والله جان سيده

بقيت اسمع مركزه وياها كالت

ميخالف يترك وتصير سوالف مدام عده هيج ورده
تسلمين ركضت آن بحضن امها صاحت ماما ماما تتدلع شالتها وباستها اباوعلها تخبل اجاني زين باوعلها وقلدها اجاني يركض
كاالي
ماما بقيت صافنه عليه شلته اباوع بعينه صدك كلبي راد يوكف شلته محسيت على روحي وابوس بي كام يضحك ويباوع لانو

تعلم منها يكول ماما وبقه هالفتره وياها يوميه يلعبون وتجي فردوس اختها تشوفها وتروح تكول خومدتتضوجج

هي هاي تضوج عسل على حاله وبس تجي هيا بت امل. يصير ممالخ ميتوالمون ابد وتنزل تعوي همزين الله امل متصعد

مرت عشر ايام هالفتره يوميه الحجيه تدز مسواك بيد فردوس اخت آن وامها كل فتره تصعدلي مره كالت تعرفين تحفين بقيت صافنه كتلها اي اعرف كم مره حفيت لبنات عمي بس مانضفه تمام
كالت بس الاسود شيلي مديصيرلي مجال اطلع صالون حتى اني هم احفلج وفعلا حفيتلها وتعلمني شون كملت وجهها الحمد لله وسوت وجهي والله صار يلمع.
لج اآن ماما وين رايحه

هسه تصعد عوفيها

موذيج بت امل موذيه كلسا لاطتها وتفرفح مااكدر احجي

اي ادري بيها بس كوليلي من جبتي اسم اآن وشنو معناه

ان معناه ان الاون هههه. باعي هاي وره فردوس كعدت اربع سنين بعد مصار عدي طفل فرفحت واسحل برجلي المسكين من دكتوره لدكتوره ردت عالجت اريد طفل ماكو وهو خطيه يكولي بابا عوفيها من يصير الوكت اللي الله كاتبه النا يصير مصار هذا هو
كمت اتحسر على طفل صار عشر سنين ماكو وره 14 سنه صارت مااعرف شون من عرفت حامل ردت اتخبل كاللي شوفي هسه يله ان الاون كتله اسميها آن كال هذا هو وشون جتي تخبل عوضتني وفرحت البيت ترسته ضحكه

فدوه حبيبتي الله يخليها الكم

فدوه لكلبج يخليج زين طبعا اني بصراحه اكولها اول مره اشوف طفل من متلازمه داون هيج هاديء هاي شون

بصراحه اني بالبدايه هم مجنت اعرف اتعامل وياه بس عن طريق برنامج بالتلفزيون تعلمت شوي شوي والبيت هاديء ماكو صياح وماعامله بصياح فيبقى هاديء يتعلم عالهدوء

حبيبي الله يحفضه باوعتله وباوعتلي
وانتي متردين تسوين جاهل.

بقيت ساكته كالت عدج مشاكل صحيه
جج
لعد شنو

والله مادري هه اني يعني مادري هو مخليتها على الله

اي مو المشكله رجلج يطلع ويرجع خفارات المشكله موهاي ايام تبويض بس كلها بيد الله بعدج صغيره

اي ههه

بس ضياء يحب الجهال اني من جبت فردوس يبوو شسوه بيه موتني
ليش هه

باعي انينها اكعد الصبح مالكاها بمهدها هي بالكماط ماخذها وطالع للحديقه لو ماخذها وطالع يشتري شي للبيت خبلني

هههه ومن كبرت والله كلشي مااشتري هدوم كله هو يجيبه وتخبل والحذاء والبوند شرط وياه شبعت دلال على ايده فردوس النوبه تعلمتلي تنام يمه مجلبه بي.

وهو مكيف يكولي تحبني اكثر من ابوها. وفعلا تعلقت بي الا دخل كليه عسكريه يله فكت ياخه وكامت متنام يمه
خطيه

ديله خل انزل دوختج وهسه المي لحم صار خل اروح احسلي

بقيت ساكته اندارت

دجلبي بيه شبيج شصار

ابقي يمعوده مونستني

ههههه لا يابه اجيج لتخافين وين اروح يعني واتونس وياج احسج والله على نيتج. بس لسان فارغه

ههههه انزول عليج.
راحت عطور. عطور واسمها عليها مرت عشر ايام لا اني الانزل جوه ولا ضياء الاجه استمتع بمراقبتهم من ينجمعون بالحديقه يشربون كهوه ويسولفون ويضحكون محد يدري بيه هنا داباوعهم زيون كام ينزل وياهم يتونس وي انو واني مكيفه بي كدام عيني يلعب. عطور علمتني هواي شغلات بالطبخ بالبيت بصيغه الكلام. واهم شي تعلمت منها
الصلاه.

نوبات احس الحجيه تدزها وكت الصلاه الي وتكولي حصلي يمج رجل امل هناك خاف يفوت للهول والغرفه نايمين بيها مااكدر افرش سجاده
مره عن مره كمت اصلي وياها. علمتني بطريقه مخجلتني بيها بداخلي هواي عتبت على امي ليش معلمتي عالصلاه ليش جنت بس اكفر ومحاسه بنعمه ربي. ليش جنت اردد الله مراحمني.

عطور خلتني احس انه الله اخذ بابا واخوتي رحمه بيهم يخلصهم من هالدنيا واذا بقاني فبقاني لخاطر هالمعاق. واحتمال اجر غير مقطوع لوالدي واخوتي ويجوز بعد الي خبزه بهالدنيا اما بالنسبه لامي. فجانت دائما تكون بالشغل وكت ماالها تعلم ترجع راسن تنام سوده عليه.
عطور من سمعت قصتها طبعا بس حجيتلها والدي واخوتي توفو سوالها اللي راسن خطر على شفافها

وهي بعدها عايشه عمي الله يعينها لو تموت احسن

بذاك الوكت عذرتها وكلت حقها تعوفني وتلجا للامام
امي شافت ضيم وقهر خليها ترتاح ومن تشتاق تسال عليه. خلصت العشر ايام وصعدت فردوسه كالت

عمه بيبي بابا كالت انطي التلفون لسيدرا حتى تخابرج

ها لزمته دك مكتوب--- رقمي استغربت هذا جهاز الحجيه وهي دتخابر من غير جهاز
رديت
الو

ها ماما شونج سدوره

الحمد لله زينه انتي شونج مشتاقتلج والله

اذا مشتاقه ليش متنزلين مضروبه
والله حجيه ميقبل ضياء

هاهي ادري ماما ادري حبيبتي رايده منج شغله

نعم كولي وتدللي

حبيبتي اريد تخابرين ضياء وتكوليله زين مريض

اسم الله عفيه يوم لتتفاولين اخاف والله

فدوه لحلكج ولكلبج الطيب لا ماما بس كوليله شوي ماله خلك حتى يجي يبات يمج شنو عايفكم وحدكم
صفنت زين هواي مشتاقله كلسا جايب غرض من غراضه وكال بابا لو يتنحس يريد يطلع. سكتت كتلها اي هسه اخابره

لتكوليله امك كالت ولتسالي انت وين

صار

سبعه ماما يله روحي

اوك سديته واباوع بالجهاز فردوس تباوع لايدي وايدها على حلكها ترتقب مبتسمه حست بيه خجلانه ومرتبكه جريت نفس مكانه خالي رغم كل خرابيطه ضجت من ميجي واذا سويت اكله طيبه اكول لو هنا جان اكل طلعت رقمه ضياء
بقيت اباوع فردوس انتبهت الملعونه كالت

حروح هنا من تكملين بس خابري وارجع الفون اوك

اوك حبيبتي نزلت وسديت الباب لزمت الجهاز

دكيت بقه يدك وماكو رد باوعت عالساعه ب8 المغرب كلبي وي كل دكه

بالتلفون يزيد عشر دكات بالنبض رد. بثكل

ها يوم
بقيت ساكته عصرت عيني وعضيت شفتي

يووم

مرديت. كال

الو يووم

احم الو

بقه ساكت واني ساكته كال

زيون بي شي

جج
تلفون امي شجابه عدج

ااصعدو عضيت اصبعي كال بثكل وتعب
تردين شي

اازين ديضوجني

ليش شبي

يريدك همست وفركت وجهي لكيت روحي عركانه ولا توقعت عدي مشاعر الخجل هاي سكت. كال

شونه

زين الحمد لله. بس هواي يبجي ومدااعرف الهي يريدك

ماشي اليوم اجيكم
اانت وين دتبات

بقه ساكت وجر نفس كال

امي وصتج تخابرين

راسن رديت مثل المطي

اي وسكتت وهو سكت كال

اي وشكالت بقيت ساكته كال

كولي ماكوللها

مرديت بس اغم بروحي كال

سيدرا
نعم

شكالتلج

كالتلي خابري وكوليله زين مريض ولتكولين اني كتلج

ههه وليش مكتيلي

خاف يضل بالك عليه واخاف اتفاوله

اوك ماشي محتاجه شي اجيب ويايه

لا خطيه الحجيه كل يوم تصعدلي غراض
ماشي ديله حضريلي عشا اليوم اجي

اوك ششنو تريد شنوعاجبك

اي شي.

تعال من وكت قبل لينام زين

اوك يله فيماللا

سديته وجريت نفس شكد ضغطت على روحي وتقلصت من داحاجي هلكد يحب امه حقه عمي. الحجيه اني اموت عليها مو عاد ابنها

صحت فردوس واخت الموبايل رتبت ركض ركض وخليت شعدي لحم بتبسي رتبت البصل وعليه طماطا وعليه صفطت اللحم وخليت عصرت فوكاها نارنجايتين وملح ونص كلاص مي وسلفنته وعلى نار هاديه. قبلل كم يوم شفته على قناه الاكل طبيت بدلت لزيون جان طالع للحديقه مدري ليش من يطلع للحديقه ويرجع بي ريحه زفر سبحته وبدلتله ركض ركض ووكلته ودرته عالقناه مال كارتون بقه يتفرج وكلسا يصيح
ماما

ها ماما حبيبي

ويلغي واجاوبه

اي صح كل حجيك كلام. كملت سبح وبدلت عطور طتني بنطرون ابو الشيالات كالت صغير عليه كلش حلو من لبسته. ردت اتهيا مثل متتهيا لبهاء

اتهيا اله بلكن يجوز من اللعبان نفس. وره هالسالفه طلعت داامشط شعري سمعت زين صاح ماما

ها حبيبي هياني باوع مطايره
هو هيج كل شوي يسجل حضور من يصيح واجاوبه يمكن عباله حطير سويت شعري كصايب ولزمتها بكترات جابتها فردوس سوت بيها شعر انو وانو شلعتها وعافوها خليتها مكيف تكحلت بالكحل الجاوبوه من تزوجت وي الملابس وخليت حمره هم تيشرتي جان نص ردت احمر. والبنطرون الشيالات كابوي. طلعت يم زيون اباوع اضافره طولانه نصيت اقرضها وفاتحه الباب لان ريحه الضلوع طلعت والشقه تسكرت بالريحه منصيه واكص والدرج سفنج مينسمع اذا احد اجه وصعد زين ديتفرج عالكارتون مندمج وكلسا يجر اصبعه يخاف يتعور لان مره معورته ميثق بيه وكلسا جاره

لك ماما بس دااكصه ماعورك والله رجع باوع عالتلفزيون دااكص حسيت احد واكف بصفي زين شهك

ببا. بابا وبجه من كدما اشتاقله نصه شاله ويبوس بيه التفتت اباوعله وجهه ضعفان رغم هي عشر ايام بس راسن بين التعب عليه. بقيت اباوعله وهو حاضن زين ويبوس بي ويبتسم بتعب التفت عليه كال

شونج

باوعلي بنضره كلها امان صدك الرحال بالبيت لو صخمه رحمه
الحمد لله ابتسمت جر نفس باوع لزيون كال

نزلتي جوه

ججج هزيت راسي بالرفض ابتسم بتعب جر نفس حضن زين قوي غمض كال

حبيبي بابا عمري انت

انعصر كلبي بهالكلمه الله لايحرمه من ابنه. نزل زين من حضنه يشوفله الالعاب الجابها عمه اله وهو يبتسم يهز راسه رفع راسه باوعلي اني واكفه كباله وهو كاعد عالقنفه كال مبتسم
شنو هاي الريحه

ابتسمت بلهفه رفعت حاجبي ضلوع تاكل.

هز راسه نفس لهفتي يقلد عليه

يله يله صبي

ههه لزمت ضفيرتي كال

شنو هاي حتروحين وي هايدي
انداريت عليه واني بالمطبخ اخلي التبسي ابتسمت ورجعت اكمل تحضير كال

راح اسبح واطلع مدااكدر بعد

اوك محضرتلك هدومك
اممم اندار يمشي يفوت للحمام محني ضهره عبالك وكوه يمشي شنو السالفه شبي هيج اثر بي اخو وامه حيل عججبني. سبح وطلع بالشورت وكعد عالميز وركض زين عليه شلته خليته عالميز بعدته عن ابوه واوكله جلي كال

هاي شمسويه لج صاير هريسه. تمن تمن ماكو

عدي بس ممحميته متحبه وي الخبز

لا هذا عالتمن حمي للتمن صاير قوزي اووف

حميت التمن مال بارحه بسع وصبيته اله وخله اللحم عليه وداس بيده ياكل حتى زين ضل صافن كمل الماعون كله وارتجه كال

عاشت ايدج اطيب قوزي اكلته
ابتسمت

بالعافيه على كلبك. حجايه تعلمتها من عطور من تجيب شغله اكولها عاشت ايدج ترد بهالحجايه بقه يباوع بوجهي ابتسم كال

الله يعافيج ام زين

ابتسمت نصيت وجهي صار دم من الخجل زين طفه فد نوب شلته انيمه جلب يريد بالهول جاب المخده وخلاها على رجلي نيمته وغفه نيمته بفراشه. وغطيته نصيت التلفزيون. ضياء بعده بالمطبخ يكلب بالتلفون كال
تشربين جاي

هسه اسويلك

لا سويت

التفتت عليه ديصب يمكن من جنت انيم زين سوه تذكرت كلام عطور هزيت راسي اي اشرب الجكاره بحلكه وهز راسه وضيق عينه طب الدخان بيها تقدم بثكل ونطاني كوبي وكعد عالقنفه الورايه اني كاعده بالكع وهو عالقنفه. شال رجله تمدد كال

ااااخ
التفت اباوع رجله مبطبطه باوعتله

خجلت اسال شبيها. لزم راسه وتمددضهره يطكطك دقايق وسمعت شخيره جبت غطا وغطيته خطيه لعد شكد تعبان غطيته زينه بالغلط تلامس طرف اصبعي بركبته عكد حاجبه بقه مغمض جر ايدي. همس

شكرا جزيلا

ابتسمت جريت ايدي وكمت اكلب مسلسله متابعتها دااتفرجها----------
يتبع.