رواية من انت لتكون انا الفصل الحادي وأربعون 41 - بقلم حسين

سيدرا- مكدرت انام. حتاجيت ندى كلش وبالوقت المناسب خابرت ماما.
الو يوم

ها امي شونج

زينه الحمد لله متجين والله مختنكه

ليش حبيبتي اي هسه انزل وحمزه مدام عطله. تردين شي اجيبلج ويايه

لالا سلامتج بس تعاي

ماشي خومبيج شي

لا بس ضايجه. ن
ولا يهمج. ابقى يمج 3 ايام

اي فدوه.

سديته من امي وكمت عالبيت لزمتني دوخه  رهيبه. لان منايمه كملت الغده ونمت لل12 ونص اجه زيون يله كمت يوم عادي صعدت فردوس وبيدها. بقلاوه كالت ابوها دزها توسلت بيها تتغده ويايه مقبلت كالت تغديت وجيت.  بقينا نسولف لل6 تقريبا. حجتلي عالصار  كله. ابد مهتميت. حيل كارهته وتجددالحقد كلبي واجعني. مكلف روحه. جايب هديه هاديلهيا. ابسط شي هاي باروع ايام. جننا بيها سوه. معناها فعلا مستصغرني حيل بحيث متكلف بهديه من عده
جريت نفس اندك التلفون ماما

ها ماما

ماما نزلي فتحي الباب هذا الحرس مموجود

ها وينه

شمدريني

ماما نازلتلج
كمت ركض لبست ونزلت فردوس ورايه نزلت فتحت الباب صارت بوجهي ماما حضنتها وغمضت عيني كون اضل كل عمري بحضنج.  يوم
شبيج ماما حبيبتي

تعبانه شوي

ولا يهمج اني حبقى يمج اخليج ترتاحين

رفعت راسي شفت حمزه  نزل من السياره يبتسم كال

ها سيدرا شونج شون عافيتج

هلاو شونك الحمد لله

مبتسم تك خد باوع نضره وحده ودار وجهه نزل عالصندوكه مال بيك اب مدري شدينزل
كال

هاي صوغه من بستان صاحبي شون تمر يفوتج

الله شكد احبه. نص ونص

اي نص ونص هاي يكفيج لو تردين بعد تره متروس الصندوك

لا عمي كافي هو هذا وحنطي منه لبيت حمايه التفتت اباوع فردوس مبتسمه بثكل صافنه عليه باوعت لحمزه ميباوعلها بس عينه كلسا تروح عليها ويديرها.  صعد كال
يله فيماللا. عممه شوكت اجيج

اني اخابرك يوم اذا عدك شغل ببغداد راجعه وياك ماعدك اني ارجع شكوش عليه

خوش حجي يله فيماللا

الله وياك.

طلع وسديت الباب راسن دك تلفون فردوس. ردت

الو ها عمو. هاا.  لا.  موو امها. اي اوك.  اي هسه اكوللها.  اي عمو اوك هسه هسه.
باوعتلها امي دتصعد واني وراها همست

شبي.

ااا كال بعد اذا طلعت تفتح الباب متدري شيصير

امي جايه

كتله ووهو شاف من الكامره بس من شافج وره الباب تخبل

وخبلتهم كلت بكلبي صعدت وره اني وزيون كيف بيها واني خلصت منه كمت اعوض النوم حجيتلها على ندى تاذت وشدتلها رايه ابو فاضل مرت اربع ايام واتصلت بيه ندى يايابه ردتلي روحي بقيت احجي وياها كوه تحجي تتموع متكدر
اكولج عيني هاي احمد يمج وهيج تحجين

لج اي كلسا ويكولي رحميني. اهلج موجودين لو تسكتين   لو من يرحون احجي هيج.

خطيه

بس خطيه سيدرا لعبت بي جوله محسيت على روحي فقدت من الالم

حقج وهو عاذرج. بشريني التحاليل شونها

زينه الحمد لله ماكو شي نضيفه. بقه كل ست شهور اذا رجع. لاسامح الله عود اسوي اشعاع ادعيلي مااحتاج
يارب متحتاجين يارب والله ماما شدتلج رايه ابو فاضل

فدوه لكلبها شكد تسلميلي عليها هالمره الصابره. عفيه كوليلها تدعيلي

من غير متكولين والله يله رجعي مخنوكه صارت هواي شغلات ندى محتاجتج

ارجع انشاء الله بعد 15يوم وتحضري عدج عرس
كذابه صدك تحجين

والله صدك لو كالو.  رب ضره نافعه
عسى ان تمرهو شيئا وهو خير لكم

اي والللله   بابا.  هواي. رضى على احمد لو تشوفي شون يركض  مخله لا م لا بلازما متبرع بيها نوم منام.  خبله لبابا  ويكولهم عوفوني متدرون النار البيه شنو وابن عمي الحمدلله تفهم   وامه هم ضلت تحجي. تكوله. مبيض واحد خاف متحبل
عزه بعينها

اي والله دااسمع ماما تحجي وي ابويه عبالهم نايمه. تخبلت
هاي غير نفسيات

اسكتي وخليها المهم بعد احسن وراح نفصخ. بس عمي ضايك خلكه.

ميهم تطيب التفوس من ترجعين انتي هم عزيزه عليهم

اي والله تالي بابا كله عمي بس تطيب اني ازفها. لبيتك نذر عليه

اللله شون حلوه

ادعيلي سيدرا

والله دااندعيلج.
خوش ديله روحي حنام

اوك  ديري بالج عروحج

اوك

سديته منها وحضنت ماما

ها شونها

تخبل ماما تخببببل ماما ابقي يمي مو عدنا راتب

يمه اني روحي صارت بين الحرمين. اموت بدونهم

سلام الله عليهم حقج  لزمت بطني تضحك باوعتلي تبتسم وعيونها مليانه دمع كالت
ياترى منو اكو هنا باسم لو وحده تشبه ندى

ابتسمت وانترست امل ورجعت تذمرت البارحه. كالت

شبيج امي شنو الخانكج.

حجيت كلشي. مخنوكه وهي تبجي. ورجعت دموعي متطلع. بس ارتاحيت من حجيتلها وهميتها الها كالت

يمه. الصبر والدعاء. يفكو  ن قيود من. حديد.  الصبر والدعاء لتكطعين الدعاء حبيبتي.  سجادتج بيها كنز وبيها كل طلباتج ادعي بالسجود يمه ادعي والدنيا تره متسوى واحد يتكدر. احنا هنا بدار امتحان وانتي اكثر وحده تدرين
اي والله ماما.

لحد يقهرج من يقلل من شانج. انتي وحدج تعرفين قيمه سيدرا وتعفين شكد تحملت وتعرفين قوتها المضمومه هنا

اشرت على صدري هزيت راسي وعيوني تترقب كل كلمه تطلع من شفافها جرت نفس

شبيج

خايفه على حمزاوي

ليش ياستار
يمه ابن خالج. يجون يتوسطون عده رووس عشاير جبيره من ديوانيه نجف كربلا. بصره.  كومه وهو سبع نخاي وخدوم ميكول لا ويسويلهم كومه شغل اكوله يمه تعب عليك يكولي

خل اتعب مدام بعدني بحيلي

يعني مياخذ اجور

يمه شياخذ هذا هم ياخذ.  يتوسلون بي   يذبوها عليه ذب ويحلف مياخذ وروحي شوفي بيته يوم مكيف ويوم مسواك البارحه هاي تنكه العسل الجبتها الج. جايبله سبعه  منها كل وحده شعلاتها.  واليوم تمر وهو نفسه كريمه يوزع. ميبقي عده بس اني اخاف عليه لان صارم وي الغلط خاف ياذو
اله الله  يحفضه ماما لتخافين

يمه اني اخاف عليه وهاي امه بس عدها جيب جيب متفكر بتعبه. يعني تدرين صارله سبوع منايم وهسه رايح على كعده عشاير هسه انت شعليك منهم لا منهم ولا بيهم رايح عليهم ليش يكولي لا عمه. نخوني ترضين مااوكف للينخى مدام بيه عافيه  اروح وانطي من االلي الله نطانيا. من صحه.  سكتني

متعوب سوده بوجهي  ميرتاح

الله يساعده ويجازي بوحده تسند ضهره وتخلفله درزن ولد
ههه قافل عالزواج يكول ماريد

الله يهدي تمددت وامي تلعب بشعري كالت

ماما نامي واني اكوم على زيون. نامي

وصدك مكذبت خبر نمت. نومه لل2 الضهر حسيت دتكعدني   عالغده والصلاه وزيون دياكل عالميز

ياعمري ياماما فردوس مصعدت

صعدت باوعت عليه شو استحت ونزلت. لج عيني شكد تنكرط هالفردوس بيض بيضه حيل  طالعه على ببيتها هاي
اي هه تشبه امي الحجيه. حتى نفس. لون عيونها

الله يستر عليها.   ياصف صارت

هالسنه سادس  ودتدرس  ومخبوصه حتى ثالث متوسط هم راجعته وي اوس

الله ينطيها على كد نيتها.  وي نجومه هاي ذيج هم كاتله روحها كتل. واخوها طاير بيها حاير شيجيب. وشيخلي بس صيري دكتوره

بلكن تصير وتفرحه

انشاء الله
خلص الاسبوع  وضياء نزل شفت سيارته من ديفوتها.  طلع من الكراج رفع راسه على شبابيك الفوك بقه يباوع ادري بي مضلل ميشرف باوع طول الخمس دقايق وراح    كمت مااطلع لاعدي واهس ولاحيل بس اتبطح  كم يوم وشفت العينتين رجعت وي امها  شعليه.

ضياء- رجعت من وحدها سلمان مفتح حلكه بحجايه. طبيت وشفتها بالبيت انصدمت. محاجيتها اجتي تتوسل.  وتعتذر تحلف متصعد بعد هزيت راسي موافق مابيه  حيل بعد  احس روحي تعبان وراحتي كدامي ومااكدر احصلها. لالي خلك نقاش . ولا عركه امي محتاجها ومن اروح تضل تبسمر واني كلبي خلص مشتاق للي ارتاحتلها روحي. ميت موت على شوفتها واي شي من اثرها يوكعني ضحى. مجرد مشيتها بالبيت كفيله انه اصير دم واتعصب. كمت افضل الهرب من البيت كابلت عمر وكعدت الوحيد من جماعتي ممتزوج. فتشوفه دوم دايح ومرتاح. اششرب لحد ماكول بس وارجع. للبيت ضايع واذا جنت محتاج كلش من لا جاره افوت لضحى اتعب. اتعب وتطلع روحي يله. داافرغ رغبتي. وراها تلعب روحي غالبا ماحس روحي قشمر وانلعب عليه واني راسا انهزمت وتزوجت. مو شغله. سيدرا وهجرانها الي بس ماذيتني لا بس الماذيني احساسي بانها ضحكت عليه انصب عليه احساسي انهاني زوج. تعبني لغوتها الزايده وحكمها اللي هي نفسها متطبقها ضعفها وتوسلها بادنى سالفه وتهديدها بالطفل وراسن تسوي روحها تخربطت شغلات لعبت روحي منها. امل اللي كامت تشكي. منها ببسامير
مرتك شنو هيج تلبس ميصير

اكولك البارحه طلعت بالبرنص وصار بوجهه اوس عيب ميصير

عفيه ضياء كول لضحى لتلبس البرموده الحصر والله اختزيت من اوس

الا اعيط بيها اني معللليه انتي وياها خرب شرفه اليكعد بهالبيت مو بيت جحيم. يومين رحت بتت بيت بهاء يم امي. بس شتاقيت لزين. وامي ضغطت عليه ببساميرها وبهاء بوجهه الثكيل. رجعت احس احساس الكل صح ووحدي غلط بعدما انتزعت مني سيدرا هالاحساس. اعترف بمساعدتها تركت الشرب لهتني هواي. افلام نركيله سوالف زين التضحك وسوالفها التخبلني. واخر شي تذكرت
من كعدت الصبح ولكيتها تغني. حاجه من ريحه ابويه وتمايل بروحه وحضنتها من وره ومايلت بروحي وياها جسمي كله قشعر. دكات كلبي اللي صعدت ونزلت وعيوني اللي سافرت وياها بخيالي. حلم وردي صارت وكت جان كل الشاغلني بالشغل شون اخليها تموت بيدي. هسه. اريد بس شي من اثرها. يعيدني للحياه -----
سيدرا- ايام عاديه تمر ماما اجه حمزه عليها وصعدت فردوس

فردوس- توه احمد ذبني دااقره اني وعمو اوس ودك تلفونه ديحجي واندمت الباب كمت اشوف منو فتحتها لكيت حمزهابتسمت مباوعلي راسن دار وجهه حك حاجبه

هلو

كلتها
مجاوب هذاشبي ليش هيج دائما يخوف ومخنزر وميباوع ابد كل نضرته كبل بقيت واكفه شفته ديخابر عرفت على سيدرا صعدت
عمه تره حمزه جوه ينتضر امج

ها يووم حمزه اجه

ياسوده عليه تالي اجه. يمه الله يفرح كلبك ويريحه مثل مريحتني

راحت ماما وبقيت وحدي بس ارتاحيت هالفتره كلش وخطيه عزلته للبيت شكد توسلت بيها ماما نضيف والله متقبل وسوتلي كليجه ومعجنات كومه وكبب تخبل ومربيات حتى طرشي سوده عليه ولا كعدت راحت ومكانها خله بالبيت. خابرتني ندى. كالت سبوع وارجع. واني بعدني اباوع على الشباك مال طرمه من اسمع. صوت السياره ومن يجي يدز على زين ساعات يله يرجع زيون متونس. يومين والفجر داصلي. سمعته ديفتح باب الكراج. واني بالجادر باوعت عليه رفع راسه ليفوك يباوع عكد حاجبه ختلت وره البرده شنو لمحني ممعقول الجام ميشرف شوي وطلع ونزل ديسد الباب وعينه عالجام مال ترك داباوع فاتحه البرده كلش شوي بس عيوني تزرزر بقه يباوع عاكد حاحبه تالي صعد للسياره وطلع رجعت نمت. بيومها صار شي غريب فزيت عليه. جنت وحدي بالبيت وابو الحسن بالباب و الحمد لله. بهاء توه ديذب فردوس يمنا جنت نايمه وزين بالروضه واسمع ضرب رصاص بفرعنا انكلبت الدنيا كومه رصاص وصار وراها صراخ جمدت صعدت فردوس ركض
تدك الباب بخوف فتحتها

شبيج شكو

عمه خطيه السيطره كتلوهم
فكيت عيني ميته بجي وترجف.

شون شفتيهم

اياي فاتت سياره رمت كومه طلق وبابا راسن فوت السياره بطرمه بيت جيراننا

تالي هسه وينه

بالشارع الناس كلها التمت خطيه كلهم ماتو
استغفر الله كافي لتبجين تعاي شربي مي وشكر ليشكل عدج سكر

خطيه هاي تمهم شحيصير بيها من تسمع

الله يعين فردوسه الله يعين. استغفر الله كعدت بس صافنه شوي وصاحها ابوها

فردوس

ها يابه هنا

بابا اني راح ابقه هنا. جوه الفرع تطوق لا اكدر اخذكم واطلع ولااكدر اعوفكم تخوف لتخافين اني جوه
اوك بابا.

كوليله تريد جاي وكليجه

عمه سيدرا تكول
سمعتها كوليلها انتي ومروتج  بعد. انتي كريمه واحنا نستاهل

هههه تدلل. ابو احمد

دزيتله بيد فردوس باوعت من البرده باوعلها من الدرج كاللها

هله هله باميره ابوها ابتسمت دك تلفونه رد

هاااا شميت  ريحتي. اني بيت ابويه
عرفت هذا ضياء. رجعت يم زين داكتبه والون وياه الواجب مالته  دك جرس الغساله كمت اشر الهدوم واندك باب البيت صاح بهاء وره شوي

ام زين تفتيش البسي

انجربوشي  كمت لبست راسن. وره شوي.  صوت ابو احمد

يا الله ام زين يابه   يصعدون الولد

لفلفت روحي بالعبايه. ورديت

اخذ راحتك ابو احمد  بقيت كارصه بغرفه زين اني وياه  شوي وسمعته ديكول

اني اخو نقيب ضياء الدين محمد هذا بيته انتو يمكن جديدين
ردو عليه احنا فرقه ذهبيه مالنا دخل نقيب مو نقيب البيوت كلها تتفتش سيطره مال برلماني تقتلو يعني اشبه بمحاوله اغتيال
اي اي العفو اخذو راحتكم

سيدرا-  والله لو يدري ضياء بعدني ممكمله كلامي سمعت صعده سريعه عالدرج وصوته

يا الله السلام عليكم.

ردو عليكم السلام العفو حضره النقيب

تسالمو وياه  وضلو يحجون واني  سمعت صوره لو انخرطت هناك صارت صنطه كلت نزلو مطلعت زين ديلون عالحربايه واني دااشر الهدوم عالمنشر  والعبايه براسي   ممتاكده راحو لا حيصعدون بعد لا واخجل اطلع. دااشر وانفض واشوف الباب المردوده اندفعت بثكل التفتت اشوف منو وانصدم بضياء --
ضياء- من وصللي الخبر تخبلت راسن دكيت لبهاء يروح لان عرفت حيصير تفتيش بالفرع  كالي ببيتنا ودااشرب جاي وكليجه من ايد مرتك   طلعت من المركز راسن لبيتنا    بعد مواصل وخابر ابو الحسن كال فاتو تفتيش لبيت الحجيه. تخبلت وصلت جانو فايتين الفرقه الذهبيه ديفتشون الترك تخبلت جني وركبني كبل صعدت  يعني نقيب الها داعي يفتشون بيتي صعدت حجيت وياهم  وراحو نزلو بقيت اباوع عالبيت المطبخ التخته مخليه عليها الزلاطه دتثرم والجدر عالنار الهاديه فتحته.  شيخ محشي روحي ساحت شتاقيت لترتيبها تلمست يده السجينه وروحي تنفض جسمي يرتعش لهفه. مشيت كلها اربع خطوات الممر واوصل لغرفه زين الباب مردوده دفعتها طلعت الصوت المعتاد مال باب والعبايه. ذابتها ذب  على راسها نفسي نفسي الضاق شبي   حتى برد بردت اندارت صارت عيني بعينها
بعدت نضري لزين شتحجج شكول ضاعت كل. الحجج بس اباوع لزين اتجاه. ركبتي. وعيوني تفتر بالغرفه وتلمح وابعدها راسا فاكه عينها كلها وكعت العبايه. لابسه دشداشه طويله مخططه. بيها فتحتات. 2 توصل للركب كيمونه. زين صاح

ببا.   صحاني من غفوتي وكسر جو المتازم الصارلي تقريب الخمس دقايق. مدري شبيه نححل ومثابته وكفتي ايدي سندتها عالحايط اعدل وكفتي. ركض لحضني زين

حبيبي بابا،
اجيت بابا

اي حبيبي

صوتي وروحي الذايبه. قرفصت. مدااكدر اوكف بعد   صرت بموازاه زين اباوع بعينهواباوع على انعكاس بوبو  عينه  اليضهر بي صوره سيدرا
متحجي جامده واني مثل السكران بله شرب شلت. زين. كال

بابا لونت

شو خل اشوف. واحجي وي روحي

معود بس لهيني مو راح يوكف كلبي.

بابا باوع اباوع مبتسم كعدت على جربايته. شفتهاشالت.  السله. ركنتها اباوع من حوه ليجوه بس حركه رجلها اشوفها كلسا واكفه سويت روحي مداباوع ماريد اباوع بعينها وتكولي
ليش كسرت الكلمه اريد اشبع منها صاح زين

ماما جوعان غده

همست

اي حبيبي. هسه اصبلك

سيدرا- مدري شصار بيه. ماريده وكلبي دك من صعد رجفه حلوه سرت بجسمي. ميباوع بعيني باوع لكل انحاء البيت ومن توصلي عيونه يتهرب اريده ينزل ماريده يجيني اكتفيت عذاب يكفي لحد الان سالفه السبحه. تدك بكلبي طلعت شوي وطلع شايل زين على جتفه وزين طاير بي يضحك طب للهول باوع عالمفارش اللي عالقنفات كعد عالقنفه خليت الزلاطه واللبن. شوكت ينزل
صاح زين

بابا اكل ويانا

جمدت صفنت عالطاسه البيدي اشوف شحيجاوب كال

لا بابا لا خاف ميكفي كوم اكل حبيبي

زين- ماما بابا ويانا

بلعت ريك باوعت الزين الجر الكرسي ديريد يكعد عالميز يم ماعونه هزيت راسي اي بدون صوت صبيت ماعون اله. وزين طاير كال بعد انتي وصاح
يله ببا

ضياء- بقيت بمكاني مادري اروح اكل لو لا ردتها هي تكول تفضل بس مكالت اشرت لزين بالموافقه وزين ضل يصيح حريت نفس مشيت بثكل جريت الكرسي. وكعدت عالميز اباوع عالميز زلاطه وخضره ولبن ومواعين الشيخ محشي. شكد مشتاق لترتيبها ودلالها خلت الخواشيك كلما تتقرب ارجف اكثر دتطلع من المطبخ زين كال

ماما. تعاي
وكفت ضهري عليها مرجعت لمكانها ولا طبت للغرفه بقت واكفه. التفتت عليها شفتها تباوع لزين وتباوعلي رجعت التفتت شبيه اني شكو هي مرتي. المن هالرجفه. شكو شبيييج خليت ايدي على كلبي

احجي وي روحي

اررركد اثككل يكفي بعد رجعت لمكانها بهدوء اباوع لايدها اخذت شوي من الماعون تاكل مااكدر بس اباوع لحركه ايدها اكلت. حد الشبع صار هواي مماكل من ايدها وصار هواي عيوني متحاضنت وي عينها رفعت عيني. اريد اتصنع القوه. خزرتني ونصينا ثنينه زين كال

بابا طيب
امم حبيبي كال

بيبي سوت. كليجه ومربى

كالها بلغه الخرساني ابتسمت باوعت لايد سيدرا قابضه ايدها متوتره. ريحه البيت تخبل المفارش عالميز والبراذ والطباخ تخبل ضايفه ذوق عالمطبخ. كلش حلو باوعت للقنفه وتذكرت ليالينا وكانه صار عليه حلم بعيد. نومتها بحضني مثل قبل. كملت وكمت اغسل زين غسل ايده وركض للغرفه عالايباد صاح

ماما وقتي
اي

سيدرا- جاوبت برجفه اي روح شلت ماعونه وماعوني ضياء كاعد تقربت اسحب ماعونه فارغ وكفه مكدرت اوكف. هاي ليش هلكد تاثيره عليه. لو مو طيح حضي. جريته وشلت الغراض متحرك من مكانه غسلت ايدي شفته وكف المطبخ صغير ابتعدت وكفت يم الثلاجه وضهري عليها نطيته كل المجال كل ضنني يغسل وينزل شيريد بعد. غسل وميل راسه باوع لغرفه زين مسدوده الباب نشف ايده واتجه يطلع من باب المطبخ الثلاجه قريبه عالباب كل ضنني ديطلع بقيت منصيه وايدي وره ضهري انتضر يطلع دااغسل مواعين.
مشه باتجاه الباب ووكف كدامي تقرب واني جمدت. اخلي يصيح

دخيلك روح. روح ماريد تتقرب بعد --------
عذروني تاخرت.

الكاتبه مريم السعدي