رواية من انت لتكون انا الفصل الخامس وأربعون 45 - بقلم حسين

سيدرا-   مكدرت انام واتخيل روحي بمكاني  تصير عدي ولاده شون حتكون حالتي   من كلبي دعيتلها تكوم بسلامه  للفجر حسيت  احد فتح باب الكراج الخارجي باوعت مشفت منو ملحكت وكفت اصلي اسمه طكه جداحه قريب عالدرج فزيت كملت صلاه وركضت للبابمال درج اباوع من البرده.

لكيت ضياء كاعد على اول درجه

وثاني رجله لصدره ديدخن بهدوم الشغل بعده رافع راسه ليفوك يذب الدخان  نزل راسه لحضنه  بقيت اباوعله انمردت. رسلت رساله لندى

نايمه
كتبت راسن

لا كاعده داحاجي احمد دريتي

شكو خالج كاعد عالدرج ديدخن لتخوفيني
ُ
ماتت الطفله
عزه بعيني ليش استغفر الله ليش

اختنكت مااعرف ليش يكولون ماخذه مقويات هواي ومثبتات مخلصه مي الراس مدري شن الطفله مخنوكه سيدرا.

انمرد كلبي خابرت ندى

ها ندى

انتي معليج منها الحجي تره ضحى جبيره

شكبرها قابل كلها وكلايلها 30
مادري بس من اول ممتعافيه الطفله---- بابا نركيله تدخن امها. خالو وين
عالدرج ديدخن

سيدرا ديربالج عليه. تره ابوها حاير شمسوي بي يكوله من وراك هيج صار بيها. ودفنها بيده مقبل بابا ياخذها منه

عزه بعيني. غمضت. متاذايه لحالته. روحي ندى

دير بالج عليه

همست ليضل بالج سديته منها ورحت للباب اخاف افتحها ويكولي حوبتج لو يكولي دعيتي عليها لو يكولي من وراج هيج صار بيها لان طردتها لخاطرج. صرت ماحزره. فتحتها ومديت راسي  شعري نزل التفت من اجاه الضوه. من الترك ورفع راسه عالباب بقه. يباوعلي   بالم
نزلت درجه ووكفت رافع راسه ينتضر اشاره مادري شكوله  تقربت نزلت كعدت يم عالدرجه الفوك درجته بقه يباوعلي ودار وجهه يذب الدخان. شكر الجكاره بطرف اطبعه نفس شمره الدعبل وخله راسه بحضنه منصي. بقيت صافنه عليه. خليت ايدي بهدوء على راسه. اباوع جسمه كله قشعر. مسدت بهدوء اسمع نفسه تخربط كال. وصوته رايح

امي راحت لمكه ملكيت غيرج

ضياء. استغفر ربك

جر نفس بقوه رفع راسه باوعلي عيونه مليانه دمع
كتله بهدوء

تجي شوي ترتاح. كلتها بتوسل هز راسه وكام بتعب لزم المحجر ويصعد احس ثكل الدنيا على ضهره   طبيت للترك. وهو ورايه. ببعد كم درجه بقيت واكفه. وصلي باوع بعيني عيونه حمر نصه راسه وفات للهول وكعد عالقنفه  ورفع راسه للسكف   صافن مرت دقايق جبتله مي بس هز راسه بالرفض. وغمض عينه تقربت منه قرفصت نزعته البوت والجواريب باوعلي مميل راسه ميحجي.
يتاملني بتعب.

يوجعك شي
هز راسه لا

تسبح شوي ترتاح

مابي حيل
غمض على ميله جسمه

كوم اسبح وارتاح فدوه

والله مابيه سيدرا

زين تعال تمدد بالغرفه
هز راسه بتعب كام منحني ومشه ورايه فتحت باب الغرفه وفتت فات ورايه يباوع لانحاء الغرفه. وجهه وتعبه عينن بيوم وكعت زين ومرضته باوع للفراش وباوع بوجهي كال
هيج شكلي يقهر قبلتي اصعد

لا مو يقهر بس مبين تعبان
تخافين عليه

لو شميكون انت ابو جهالي

غمض قوي وكعد يريد يفتح دكم قميصه مال بدله شكلت جر ها. بنتره وعصبيه

على كيفك كعدت على ركبي كدامه وكمت افتح دكمه دكمه. بقه يباوعلي على نصيته مسد على شعري كال

مااستحقج اني
كلمه من كالها ترسني ثقه بنبره صوته المتالمه بقيت اباوع بوجهه نزعته القميص بقه بالفانيلا والبنطرون وكف طك النطاق وذب البنطرون وتمدد بالشورت صافن عالسكف

طلعت ذبيت هدومه بالغساله وشغلتها وسويت كلاص عصير ليمون وعدي صاج زيون يموت عليه. الفريزر ميخله منه حميته وجبته اله فتحت الباب راسن باوعلي عكد حاجبه كال

ممشتهي

لافدوه اكل

سيدرا والله ممشتهي لتلحين

اوك بس العصير
هز راسه شربه فد شربه وذب الكلاص بقيت اباوع بعينه. تاكدت مشارب من شرب العصير وريحه ماكو بهدومه كال وعيونه بالسكف

شبيج تباوعين. تره اتخبل اذا انقهرتي عليه. كلشي مبيه

لا ممنقهره شكو داانقهر رجال وتتحمل بس صافنه شارب لو لا وتاكدت مشارب لان مبيك ريحه

دار وجهه عليه يباوع بجمود طولت نضرتنا طفيت الضوه اعوفه يرتاح دااطلع لزم ايدي

لتعوفيني ابقي يمي حتى لو ساكته. بس اغفى وروحي
اوك كاعده يمك نام. ارتاح صعدت عالجربايه مددت رجلي وهو ساكت ضل فتره تقريب النص ساعه. كلسا جار حسره واني هادئه اعرف راح يحجي واذا كتله احجيلي كراح يحجي حيكول ماكو شي او مبيه حيل عفته براحته. شوي و همس
جابت ضحى والطفله ماتت

بقيت ساكته مديت ايدي ادور جف ايده لكيته قابضه قوي كلش تلمسته بهدوء اريد اريح اعصابه الترجف كال

تدرين شون حلوه الطفله تشبه فردوس من جتي خدودها حمر وشفافها تخبل وبييييضه عبالك. لعابه سيدرا

بلعت ريك. الله يساعد امها كلت بداخلي والله لو اني يمكن اموت شنو حالتها هسه بقيت ساكته كال
مادري شون اختنكت. طونياها كالو ادفنها ودلوني المكان. بالبدايه مكدرت اشيلها خفت بعدها بهاء شالها وماعرف ليش حسيت اريد اشبع منها اخذتها منه ريحتها تخبل سيدرا اني زين من جابت امه بقه هناك محاس هالاحساس تالي تروح وبعدها طفله

ميخالف عيني انت.

سيدرا تدرين شنو حسيت من خليتها بالكبر الصغير مالتها وذب التراب عليها الدفان حسيت روحي اختنكت من يمي عطت بي كتله

علكيييفك ورحعت شلتها. بهاء ضل يحاجيني انه هي طير. بالجنه. بس اني مدااكدر سيدرا عبالك روحي تعلمت بيها رجعتها بهدوء عبالك نايمه واخاف اكعدها ودفنها وروحي اندفنت وياها.
حسيته بجه ه من كالها وسكت تقربت منه مسدت على شعره هدا. كلش كال

الله يخليج. ديري بالج. على جهالي. لتخليهم من ورايه يتاذون انتي تصومين وتصلين احسن مني اندعي كون الله ميطلع حوبتج ومسراتي بيهم مااتحمل بعد

سكتت مصدومه

يكون اني اليصير بيه شي ولاهمه

اسم الله ضياء لتكول هيج
سيدرا اني واحد ميكدر يستقيم. كوه هي
الانسان معرض للخطا وكثره الوقوع بي تخليك تعرف تتجنبه مره لخ بقوه وثقه

سيدرا تعبان كلش. الكل محملني ذنب الطفله. واني محد يدري شكد دااحس بنار لان راحت لو كبرانه ومتهني بيها جان دللتها دلال لااخليها اميره وكلهم يحسدوها

يحجي بنبره ترجف اخذت ايده وخليتها على بطني باسم تحرك بحركه قويه. هدا ضياء وقرب نفسه مني همس

خايف عليه اموت اذا بيكم شي

اسم الله عليكم لتخاف. دااقره عليه قران يوميه انشاء الله يجي ويسندك بكبرته مثل احمد
تتوقعين استاهل هيج ولد اني. اني شررراب

تترك ضياء وتصير سوالف

ومنو اينطيني المي المقري عليه حتى اترك
باوعت بعينه دمعت ابتسمتله نصه راسه كال

تتوقعين استاهل منج هالمعامله والاحساس والمسامحه

امم تستاهل مدام تشوف نفسك غلطان معناها تريد تتوب الاعتراف بالذنب اول درجات التوبه
سيدرا لتعوفيني بس انتي الاحس وياها بروحي الاصليه اتصرف براحتي وياج وامول الاريده بلا تكلف الله يخليج لتعوفيني

جر ايدي على راسه. كمت امسد بهدوء جرها خلاها على اذنه بقيت اداعب اذنه وركبته وهو يون براحه لحد ما حسيته غفه. صفنت على روحي. شداسوي وشون كدرت انسى كلشي حضنت راسه بقوه

فرصه ثانيه سيدرا مثل مكالت ام علي فرصه ثانيه وثالثه ماريد اندم بعدين اني راحتي. بكلامه بالضلمه مو عاد من اشوفه مكبل عليه. حضنته بقوه صار وجهه بركبتي حسيته. كعد من شمه ركبتي الملهوفه باسني. من ركبتي بهدوء ولزم وجهي يبوس بي حسيت وجهه. مبلل تلمسته بكف ايدي. عيونه مليانه دمع
ضياء شبيك. ضياء.

حضنني قوي بدون صوت

ليش تبجي

عوفيني ولتكولين تبجي. خليني اني بس يمج راحتي حتى امي اخجل اضعف كدامها لتكولي حذرتك وبجياما وياما حاجيتك

جريته لحضني بطني كانت تعيق نزل نام على صدري ويتلمس ببطني كل شوي ويشد حضنه بقوه. ويبوس بركبتي لحد مارجع غفه واني هم كمت اغفي بالي يم نجمه والله هالبنيه وجهه خير عليه. رغم صعدته بسبب ماريد اتذكره بس سامحته غفيت وحسيت الصبح تسحبت بهدوء وطلعت من الغرفه شفت نجمه. تغسل
اشرتلها

تره ضياء فوك
فكت عينها كلها كالت

حفوت بغرفه زيون ارتب غراضي ماازعجكم

عابت هالشكول هو اليوم ينزل لشغله. بس داكولج حتى حجاب هاي
لالا مااطلع اضل بالغرفه اخجل

كيفج تتريكين
ها لا

اشش هسه حجيب الريوك حتى انتي وزين هذا يضوج وحده
اي نتريك سواه واطلع. انه عدي دوام بعد شوي.
اتفقتي وي السايق

بلي دزتلي رساله البنيه كالت ساعه ونجيلج

اوك. طبيت حضرتلهم ريوك وبدلت زين وراحو هو وياها تقريبا بفارق دقايق قبل ليروح زين خليته يطب على ابو يبوسه وضياء حس ابتسم جره لحضنه وبقه يبوس بي راح زين. ورتبت الهوسه الصارت ورجعت للفراش جني بطريق من امشي. حضنني من ضهري من حس بيه يمه. وبقه يبوس بركبتي بهدوء ويشم بيها رجعنا نمنا لل12 يله كدرت اكوم. كمت كويت البدله شوي وطلع من الغرفه يفرك بشعره ويمشي بثكل
صباح الضهر

هه دتسوين

دااكويلك البدله تتريك. سويت شوربه ام الكبه

اندار عالطباخ وباوعلي كال يبتسم بامل

تاكلين ويايه

اي داانتضرك ابتسمت وعلكت البدله طفه الاوتي وتقرب حضننيكال

بله اني شون احضنج وهذا بنصنا
ههه مبقه شي
عفته وحضرت الميز اجه من ورايه خله الاستكانات وطلع الزيتون وحمه الخبز يباوعلي مبتسم وبدينا ناكل مجان يحجي بس يباوعلي مرتاح كال

هذا شبي خشمج حامل وياج

اهوووضياء هو وارم مال حمل

هههه ولج عبالك طفل معلك بوجهج صاير قطعه وحده

ههه شسويله. غير اجيب واخلص

همس
حتى شفايفج مورمه. بس تخبل. تكول بوتكس

وانت شمعرفك بالبوتكس دفرته برجله ضحك من كلبه وارتجه وبيده الخبزه سكت وبقه يتاملني مبتسم جر نفس
كال

شتريتلج حلقه

فكيت عيني بلعت ريك ابتسم

حتى بعد محد يكول هاي متزوجه لو لا

عرفت واصله حجي العرس كله من ندى او الحجيه او يمكن رفل

نصيت عيني كال

انتي مال ضياءوبسس

هزيت راسي بس لتعوفني بعد
توبه
ولاتدور غيري

شدور وانتي كل النسوان مجموعه بيج

بس حضل بت الخدامه

جر نفس

كافي تاذيني وتذكريني غلطت وعرفت غلطي

خاف اتندم بعدين تره مابقه بيه حيل والله

وداعت امي لااعوفج كل لحضه مره بسنه. راحه
بس ضل ويايه

ماعدي غيرج بعد

صفنت وضحى شون

سيدرا رحمه لا الله الجان رابطني بيها راح

بقيت ساكته صافنه عليه

شبييييج مو هذا التردي

والله اني وحده ميوكعلها الحرام. اني اخاف الله يطلعها بجهالي.
استغفرررر الله نتر شتردين

الصار بيها من وراك انت جان عدك علاقه بيها من زمان

صحيح كلامج ونهيتها ورجعتلي بغير فكره ومكالت هاي اني

مالي دخل بهال حجي انت كسرتها وهسه فوك مفقدت بتها تعوفها

مااررريدها يابه ماريدها اضل اتعذب من اقترب منها ومن ابتعد تلعب حتى روحي. اتذكر شكد اني زوج طبتلي بحيله متعرفين شنو سوت ووصلت لمبتغاها
ميهم. انت هم مذنب اني اخاف تطلع بيه وراضيه. تنزل عليه ضره بس تفهمها. يوم هنا ويومهنا من تنزل من الشغل وانت رجال تكدر تسيطر عليها

اني اروح اكول اطلك. حتى لو انتي مقبلتي ترجعيلي. الحمد لله. شبعت

بقيت صافنه عليه. ضياء حررام اخاف اني

مااريدها خرب لج. بابا الا اكولج. مااتشرف بيها بابا لبسها وكعداتها بالكوفيات

لعد انت مجنت تعرفها

اعرفها بس ردتها تسليه. متوقعت اتكبع بيهاااا
ميخالف هسه صار الصار افرض سيطرتك كولها هذا ممنوع وذاك ممنوع وهي تحبك تسمع كلامك

وانتي استغنيتي عني هاذ هو

لا والله العضيم بس حرام اخاف والنبي الله اليعلم شنو حالتها هسه

سيدرا التردي شنو

ااني اريد تتكعد وياها احجي. حجي --- بس كلبي يريد غير شي

تتفاهمون وشوف اذا هي متمسكه بيك تسمع كلامك
وشون اذا اني مطايقها

راح تتقبلها من تسمع كلامك

لج تذل روحها وتحلف بالحب. بس داخلها خبيث اني اعرفها. يعني. وسكت من باوع بعيني.

يعني عكسج تماما

شون يعني

سيدرا تقربت منها خليت ايدها بين كفوفي. سيدرا واني وياج احس روحي ملك احس هاي ايدج. وكلبج وكلج بس الي لخاطري وخاطرج بس وياها لا احس بس تريد تربحني. لخاطر الناس ونضرتهم الها انه مو عنست. باي ثمن كان.
مكدرت احجي. بقيت ساكته كال

اصلا هي متريدني بعد لان تدري مطايقها وهسه البيننا. راح. بعد شكو. باقي خل اخلص تعبت

هزيت راسي بالرفض. والله اني اخاف اعذرني صيح بعلو صوته

شترددين لعدد

روح حاجيها اكعد وياها

رادت تركع شون

رجعها

مخبل اني مو بابا ماطيقها
لعد شوون. فقدت وياااها. صحت وسكتت. وهو. هم سكت كال بهدوء. وعيونه بعيوني.

مو بوعيي والله

هاهي لعد تحمل نتيجه غلطك

هز راسه تومرين بس بشرط

شنو

مااقترب منها محد يمدر يحبرني لحد ماهي من وحدها تطلب الطلاك واخلص

هزيت راسي وداخلي مرتاح. بس اخاف من الله. بيومها ضياء نزل بس متقرب مني نفسيته تعبانه بس بقه. بحضني. لحد ماخابرو بدل واني وياه اساعده يبتسم من اساعده ولبس وراح. حملته كليجه ولفه خميره ولحم بعجين من يجوع هناك كيف بيها ماعرف ليش مفكرت هالفكره. قبل شوي ورجع زين يدور
ماما وين بابا

راح حبيبي

خابرته. رد

عيوني انتي

شتاقينا وكلنا نخابر

اووف دتعاي شوفي كلبي غلطت على روحي غلط مداخل بقاموس العفطيه
هههه ليش

شون اطلع واني ممماخذ حصتي شون
حبيبي انت تعبانه نفسيتك

ولجج مو تندمتتتت خرب

هاك زيوني.

حجه ويا زين شوي وراح كال

من افرغ اخابرج واذا مكدرت اراسل.
واني حكون منتضرتك

جتي نجمه خجلانه وخايفه لاضياء موجود ضحكت عليها

ولج راح شهر يله يرجع

سكتت بس بليل سمعتهتحجي وي اخوها وكالتله فهمته بانه شهر ويرجع شوي وجتي
ها نجمه

اكول بت عمتي هاذ حمزاوي لاكيلي قسم داخلي وي كرابه صاحبه. يكول شوي بي بعد بس عادي اتمشى

لا نجمه والله ضياء بالشهر ينزل اربع ايام هالسنه كلها هيج لان عدهم ترقيه

مايهم انتي ماترديلي الراحه

لا والله اوك كيفج بس تمريلي على طول

الله كريم
فردوس - ايام مرت واني اروح وارجع وي نجمه علاقتنا تطورت شوي شوي تعرفت على جانبها الطيب وبساطتها التخبل وتصنيفها تسوكنا نفس الملابس جانت رغم عدها فلوس هواي بس اقتصاديه مشترت اكثر من عدم حاجتها وبالكوه يله كدرت سيدرا تاخذ الحاجب المطبوك وفرقته وجهه فرق حيل جانت خايفه من ردت فعل اخوها. بس مو خوف خوف لاخوف محبه. جنت اطرب من تجيب اسمه وتحجي بصفاته اسكت واريد اسمع كل حرف بامعان لحد مافد يوم

واكفين بالسنتر دناكل هي تجيب الصاج. لو جبن لو دجاج. لو مرات كباب دجاج. تسوي بيدها حتى كم مره تسوكت من درب الكليه المسواك وسيدرا سوتلها هوسه. كالتلها

حمزه ميقبل تره اروح وعافتها سيدرا براحتها. ان الاكل عليها وعليه العصير حبتني هواي وصدك حبيتها نكمل محاضرات ونلتقي على طول مره واكفين دااتشاقه وياها وريه بنيه لخ من قسمي واشوف من بعيد طب الجامعه. بنضارته وخزره عيونه يدور نسيت حتى على وش. جنت احجي اخرسيت البنيه الويانا راحت عدها محاضره واني بس صافنه وره نجمه كالت
يااا شجاج

اا نجمه اخوج اجه. توني كلتها وصاح بثكل

نجمه التفتت فازه ومشت عليه سريع حضنته يمه حمزاوي يبعد اختك وروحها. بعدها عن حضنه يبتسم. ويباوع يمنه ويسره كاللها

مشتاقلج والله وباسها من راسه وصفن فك عينه كلها

ولج هاي شمصخمه بجهرتج

باوع بس خل اكلك
شتكليلي. حجاها بهدوء. وبغضب بين سنونه ويباوع يمنه ويسره تقربت بثكل واحس روحي شكد وغف

لا والله ماساويتهن بس العكده

هاي سيدرا مو انه اعلمها عودك وصيت

لايابه خطيه تحاجيها والله حمزه يضحكون علي البنات سكت وجر نفس بغضب

فردوس- رفع راسه باوعلي ودرا عينه راسن

شبييه خرب عمي هيج مااعجب شو حيموتون يوميه يجون يصارحون واشمر وليش تجاني من اشوف اي رجال اقارنه بي صافنه وعاكده حاجبي اباوعله يحجي وي نجمه منصي لمستواها وكلسا يرفع عينه يباوع وينصي بسع
بقيت بمكاني وره نجمه متقربت بعد كال

هاي الفوس ضميهن وخليها عد سيدرا ديري بالج عليها لاتصيرين فاهيه

لاع ماصيرن.

ولا تلعبين بجهرتج. خليج ببرائتج

فردوس- مادري حسيت ديبسرمني لان اني حافه حاجبي ومخليه كحل مدري كمت اخذ كل كلمه عليه لان من شفافه كال

يله رايح انه كم يوم وامرلج
درت وجهي عنه بعد ماباوعله لو اموت شبيه موتت روحي عليه راح وتقربت يم نجمه وهي تردد
ربي يحفضك وكون هيج من الله تلزم التراب ينكلب بيدك ذهب بحق الحسين

كزبر جلدي شون تدعيله

سيدرا- الايام تكضي كمت اتراسل وي ضياء ونادرا منتخابر لان اكو يمه جماعته

مشتاق موت بس اريد ارجع واريد وكت ولادتج وياج

اللله يسهل اني هم اريدك ويايه حباب ضياء خومدتشرب

اني بالشغل لج ششرب لايب عالترقيه تكلي تشرب شون تشهيني
المي دتشرب منه

اممم كملته وكل مااصب بجعب الكلاص كالولي الولد

هذابراسه لو مكاسر
ههههههه شك مشتاقتلك

امم شكد بله

هواي

وشتسوين من اجي

اجيب

خرب حضي هاي كل حيلج
ههههه اي نعم اربيل حلوه
اي يعنيبس سليمانيه احلى انتي مرايحتلها مو

ابد

فد يوم اخذج بس صبريلي خل اخلص واترقى

يارب ينولك اللي ببالك

ضحى رجعت سمعت صوتها جوه دتبجي من جانت مطفيه الكهرباء الصبح طالعين زين ونجمه انمردت عليها مكدرت ابقه نزلت وشيصير خلي يصير

طبيت للمطبخ وافتريت لكيتها عالمرحوحه وره البيت شافتني فكت عينها مورمه وحمر مسحتها كالت
شترردين هااا تتشمتين

بقيت ساكته تقربت منها كالت

امشي ولي منريد خدامات عدنا

ضحى اني مجايه اتشمت

لا جايه تتشمتين عبالج اعوفه لرجلي لهيج شكول

ضحى كافي بس لتخسري لضياء باسلوبج اهدي لااني الاخذته ولاانتي الاخذتي هو مال نفسه مو مال احد

بقت صافنه عليه بغضب كالت
كله من وراج ياحقيره هو يموت عليه هو قبلج جان يحبني

اعرف اعرف اهدي اكعدي هسه شبيج نتفاهم

كعدت ودارت وجهه

باعي يبت الناس يمكن هاي اخر مره انزل جوه بس ردت اكولج اني مااستغنى عن رجلي وابو جهالي ولا راح اخذه منج احنا مو اول ثنين ضراير وشو كلمن ببيتها

طبت امل شافتني بقت صافنه مهتميت الها حتى مسلمت عليها. بقت ساكته كملت حجي
اني الردت اكوله الج حالنه حال النسوان يوم هنا ويوم هنا

هو من وراج ميريدني شمدريني شناطيته شزاكيته

مناطيته شي ضحى مناطيته شي ضياء مو صغير تره وانتي تدرين واني ادري هو يتصرف براحته. لتكرليلي سحر ماسحر لتخسري. مو تكولين جان يحبج رجعي يحبج

اذا مخليتج تطلعين منا بفضيحه مو بت ابويه اني وحده تساوي روحهز ويايه ياريت وحده بيها حظ
بقيت صافنه عليها
انتي الشاهر مراح يفيد وياج الحجي براحتج. وكفت شفت امل عافتنا وراحت عفتها دااروح صاحت

سيدرا تعاي
رجعت باوعتلها عيونها مدمعه كالت

تعاي ويايه

صفنت مشيت وراها طببتني بغرفه زين القديمه متروسه ملاعيب وجربايه وكنتور وردي وكلابس تخبل كالت

باعي حاسه بشعور حلم اكبره شوي شوي تالي ياخذه غيري
دمعت عيني باوعت بعينها

اني مو صغيره سيدرا30 سنه عمري ضياءحلم حياتي والطفل اكبر احلامي اني حسيت بيها ببطني تتحرك تالي راحت

بجت بقهر تقربت منها

راحت للجنه ضحى لمكان احسن مني ومنج. وانشاء الله الله يعوضج

اريد اصير ام تمنيت اشيلها بحضني تمنيت اكبرها حتلو بدون ضياء بس راحت وعافتني انتي محاسه بيه لو تصير بيج متجين بكل برود
قاطعتها.

والله مجايه ببرود وروح اخوتي من سمعتج تبجين تكطعت نزلت متحملت فد يوم نزلت حوه شفتيني. بس متحملت واني جيت اكولج. جهالي جهالج يتربون فد بيت اذا كمت بسلامه واذا لا فزيون موجود. جهالنا سوه لان ابوهم واحد

احجي كلمه كلمه وهي كلسا تبحي بقوه وتسكت تباوع بعيني سكتت كالت

تتوقعين يصير عدي بعد
ليش لا بعدج مو كلش جبيره امي 40 سنه جابت علي الله يرحمه
بس هو ميريدني من وراج

مو من ورايه مو جنت عايفته ضحى انتي شون خليتي يحبج قبل رجعي خلي يحبج. احجي متكطعه ضياء بس الي دتسوين وارجع واكول خطيه شنو ذنبها بقت ساكته ضحى عفتها وصعدت دااصعد الدرج امل كالت

لتامنيلها تره حيه بس تريد تفتح بيت وعائله باي طريقه

باوعتلها ودرت وجهي
والله لمصلحتج حتى رجلي تدكرت بي لو تحب ضياءتكدر تتدكر بغير رحال

باوعتلها حتى اني تدكرت بي نسيتي وفريت ايدي وصعدت وركعت الباب. كعدت بالكع ابجي شسويييتي شسوييتي شون حتتحمليييين يلزم غيرج من جديد غمضت واندعي الصبر والقوه -------