رواية من انت لتكون انا الفصل التاسع وخمسون 59 - بقلم حسين

سيدرا- ولج شو صايره بس تاكلين

خههههه شمدريني صايره اكل 5 وجبات وحمودي مكيف يكولي ربربي

ههههاي مكيف هاللحم
اي دياه روحي على جيه خل اتحضر

يا فدوه لعمرج روحي تحضري.
سديته منها نيمت الجهال وصافنه شون راح اسبطر وي التوم اذا خلفت يربي هونها عليه يمكن صدك راح احتاج ويايه وحده.  اباوع لروحي بالمرايه واحجي وي نفسي باوعت شعري طولان واصل لنهايه ضهري يمكن من المقويات الدااخذها مال حمل طب زين  متنحس
شبيك ماماتي

انام

تعال سوده عليه نعوسه حبيب مامي نام يمي بالفراش لزم ايدي خلاها على اذنه
هههه حيل شكد قديم صار هواي ممسويه هالحركه حضنته قوي وابوس بي حبيبي الاول انت وهو مكيف كمت العب بشعره واذنه وهو صوته عالي  يضحك  طب ضياء للغرفه بله ميدك الباب ابتسم كال

ها ولك حتنام
جاوبه اي مباوعت لضياء بس لزين كال

ديله عبالي نطلع زين كال
لا انام
لا لا نعسان الضاهر صدك حضنته بقه ضياء واكف زين جر ايدي لاذنه واني ابوس بي وادغدغه وهو يضحك يمكن جان مشتاقلي لان هالفتره ملتهيه عنه بقه بحضني هاديء وضياء واكف بباب الغرفه يباوعلنا ابد مباوعت لضياء زين كام يغفي غطيته زين واني اهمس باذنه اغنيته المفضله  مثل قبل  غفه التفتت على ضياء فاتح الباب واكف يمها مرتجي عالحايط يباوعله والله ميعجبني  حتى اخلي عيني بعينه  شافني ممهتمه طلع وسد الباب بهدوء ويجر  حسره  طلع واني كعدت ارتب غراضي ونمت بعدها ثاني يوم خابرتني ندى بال9 كعدتني
كاعده لو نايمه حموتي طلع كلت اجي اتريك وياج

تعاي ياريت
خالو طلع
اي طالع باوعت عالميز متريك وطالع خليت الجاي عالنار والغده لملمت الهوسه مال ضياء  كعدت بت امل تفرك بعينها انتبهت عليها هالفتره كلش منطويه على روحها من راح ابوها ليهسه جان هواي مدللها خطيه متعلقه بي

كالت

هلو عمه
هلو حبيبتي
زيون وينه
نايم روحي كعدي اسويلكم بيضه

اي
كيفت راحت كعدته اجه وياها يدردم غسلتله وجهه وكعدو يتريكون خطيه تحمست وياه شكد قهرتني وينك يااوس تعرف بتك مداعرفك والله  نزلت امل كالت

تريكتي ماما
جاوبت
وي زيون عمه سوت

حضرت الريوك وطبت ندى وتريكنا سوه حتى اني الحجيه هم وامل جانت هادئه وتباوعلي والله كمت اخاف منها حضرت البيتزا والغراض بقه بس اشويها طبيت للغرفه وي ندى واستلمتني حفيفه وسشوار واقنعه  وجابت وياها غسول معطر كالت هذا يخبل طيتها فلوسه كتلها شتشتريلج اشتريلي الله عليج
كالت بسيطه بس نقدي وتدللين  لل2 كملت كلشي واخذت ندى حصتها من البيتزا وطفرت  حضرت مقبلات ورتبت كلشي الحجيه جانت تباوعلي برضا مبتسمه تركتهم وطبيت للغرفه احس عدي مهمه متحمسه الها لبست ثوب احمر ناري واطرافه تطريز ملون قصير فوك الركبه كيمونه والصدر مالته مربع يبين تقاسيم الجسم من فوك وخرطه جوه الصدر والباقي كلوش وي بطني طلع يخبل عليه حليت شعري ولبست طاك احمر بي فيونكه طلع الشحاطه الشتريتها ام الورده الحمر ام الاصبع وصبغت اضافري ومكياج هاديء وي حمره طوخ حمره وتعطرت وي غسول  نداوي حتى زين بقه صافن باوعت روحي بالمرايه  جسمي كام يصطج لبست الجنجل ابوالجرس  الشتريته البارحه. شبه بس يخبل. برجلي بي فصوص حمر وطلعت شافتني امي ضحكت
الله ربكضيو  شنو كمر ويفتر اي يمه لبسي تزوكي ليش ضامه هالحسن
والله يمه ملتهيه وي الجهال بس لامنا وهيج بعد ماعوف روحي حتى اني تونست
عفيه عليج

طفيت الفرن بجي باسم سويت الممه سمعت ضياء بره اجه جنت محضرتله هدومه عالقنفه بالهول  فانيلته وشورت حتى يسبح ويلبسها  كملت باسم طلعت اشوفه وين لمحته نزل من يم امل وهي نزلت وياه تضحك صالحها الضاهر شكو منها اخته ولو اليوم مندكت  بيه الله يهديها مشافني لحد الان سمعته طب لغرفتي يحجي وي باسم وراها راح للهول سمعته كال لزين
كول لماما بابا جوعان اجاني زين يركض حضرت كلشي عالميز بالمطبخ وطبيت للهول. اصيحه  جان محشوك بامل يباوع بفونها ويضحكون مديت راسي صافنه عليه التفت شافني فك حلكه صافن

بقيت اباوعله مبتسمه

الاكل جاهز
اي همس باوع لامل ولامه كام امل بقت صافنه علبه والحجيه تبتسم على صفنته مشيت كدامه بهدوء وهو ورايه حسرته للشارع توصل كعدت كدامه عدلت زيكي وقسمت البيتزا جان سامت بالع لسانه وعيونه عليه كلسا يباوع من حوه الميز على رجلي  ويرجع يباوع لجسمي ووجهي قدمتله بماعونه وماعون زين كتله صيح سوسو بت امل قصدي ركض عليه واجه وياها تغدو الحجيه عالشوربه مقبلت تاكل وخليت حصه امل وبديت اكل وماباوعله ابد   اباوع لايده من تتحرك عالمقبلات والببسي هادئه وعلكيف يتحرك واني هم على كييفي اكل طلعت امل باوعتلنا وجرت حسره جرت المرسي وكعدت طلعت حصتها من الفرن وخليتها كدامها كالت
لااريد من هاي  اشرت على ماعوني عبالها تختلف عبالها مثلها كبر
كيفج براحتج  جاوبت من دون ماباوعلها كالت
البارحه جنتي تتقولجين من بطنج ذبيت اللكمه من ايدي اباوع عالميز  ماباوعلها  ضياء جر  نفس كال
ها امل اكوم واعوف الاكل

هسه شحجييت اني
مجاوبتها ابد ولاخليت عيني بعينهم اجه زين يمي يريد بعد كصيتله وراح يم سوسو  ضياء مكام من الميز امل كملت وكامت غسلت ايدها عالسنك كالت

ماكو مواعين اغسلها

باوعتلها ابتسمت
لاشكرا غسلتهن
اذا انتي تتغالبين شكو تشكين لعد

استغفر الله نصيت عالاكل عافتني وراحت ضياء كدامي كمل اكل وصافن عليه واني ممهتمه دااكل بهدوء اباوع لايدي تلمع والصبغ بيها خرب يومج ندى والله تصلحين ام صالون   صبيت ببسي كال
اني هم صبيلي  همس جانت اول كلمه بيننا  صبيتله وقربت الكلاص لزم ايدي اللازمه بيها الكلاص همس

وين عيونج اشو
مباوعتله جريت ايدي بهدوء وكمت لملمت الميز كلما انصي وتبين نوعا ما ملامح جسمي  اباوع لتفاحه ادم تصعد وتنزل  كملت تلملم واكفه عالسنك اجه بصفي ديغسل بهدوء ويباوعلي واني منصيه عالمواعين قرب نفسه من شعري كال

شنو هالعطر الجديد مو ابوابويه انسطر واشتعل

محجيت اويل عالحكران يكطع المصران  رجع كعد خليت باسم بحجلته اللي اشتراها قبل يومين ضياء جر ضياء يمه ويسولف وياه وهي يتمضحك كملت شغلي وكعدت رحل على رجل  بالهول امل كاعده باوعت للكراج من البرده كالت
اجه بهاء باوعتلها مركزت ضياء كال
بهاء اجه كومي لبسي

امل- كومل لبسي لو هاي هم اوس همست من فتت من يمها وكفت خزرتها نترت بهدوء وشايله اصبعي الحجيه كاعده وضياء

لو تحترمين نفسج. لو اعلمج الاحترام

هاي شكوو
امل- كلشي مكتلها بس كتلها لبسي
هاا والله زين صايره تكذبين هم
ابتسمت ودارت وجهه طلعت سمعت الحجيه نزلت عليها نزله وشويه وطب بهاء شوي وصوتهم عله واسمع بهاء يصيح
لو تنجبين بالترك لو ترحين بيت رجلج موخدم عدج احنا
ضياء مقبله كال
انت شرايد منها
انت مالك دخل اني اعرف شناويه سمعي لجج رجلج خابر كال بنتي اريدها  ماريد افوتكم محاكم بس البنيه تربى عدي هو كاللها هيج لو تخبلت

لو يموت ماانطيهيا

قهرتني تحجي بقهر احترك دمها صدك قهرتني بعدين بهاء حاجاها بهدوء وهي مستمره تصيح عليه اخر شي بزعت روحه كاللها
ولشوكت ارد افتهمممم
اتطلك ماريدده

اي يله هاهي والبنيه تروح لابوها تره ديريدها
سكتت وراح بهاء طلعت وره شوي شفته كاعد يمها وهي تبجي وهو يهدي بيها طبيت للهول الحجيه لازمه السبحه وتسبح وتباوعلها وتهز براسها باسف هدات امل باوعتلي ودارت وجههه كالت لضياء بصوت هادي
كله من وراها
ضياء جر نفس كاللها بنتره وهدوء  بسسس
باوعتلها ابتسمت ودرت وجهي  مخبله رسمي كمت ماباوع عليها دااتفرج  تلفزيون  ورجل  على رجل دك تلفوني رديت

ها ماما حبيبتي اي الخميس جيبي وياج باوعت لامل ودرت وجهي
زينين الحمد لله ماعدي رصيد جان خابرتج اي
كالت جتي ام حمزه وحمزه بعده منازل لاعبه لعب بنجمه ومتحلفه وكلنا خايفين منها الخميس سالتني شحتلبسين كتلها اشتريت مانتو مرتب كملت المكالمه واني يمهم ضياء عيونه على رجلي الدتنهز وبيها الجنجل ويبعد عينه ويرجع يباوع  كمت للمرجوحه وزيون بصفي ب9 يقفل بعد دااتلمس بشعره نايم على رجلي  الثوب قصير طلع ضياء باوعله جر نفس  وجره كعد بصفي وخلاه بحضنه  صرت بصفه جتفي ملاسق لجسمه اني زندي وهو عضلاته حراره جسمي وي جسمه  ماعرف شصار بيه يباوع لرجلي وللون الاصافر مشال عينه وزين بحضنه غفه قرب ايده من دون ميباوع بعيني قربها على صابونه رجلي الطالعه جريت رجلي جر نفس التفت بهدوء باوع بعيني يتامل وجهي غمض عينه وبلع ريك ورجع فتحها بهدوء كال
جماره كلبي
باوعتله بعتب ووكفت اخذت  زين من ايده هو مسطور يباوع كلما ادنك على جسمي شلته لزين واخذته للغرفه نيمته واخذت باسم سويت الممه اله يراقب حركاتي وين ماروح يمشي ورايه امل اخذت بتها وصعدت نامت والحجيه هم واني بقيت افتر بباسم خاف اطببه لغرفه ويكعد زين بصوته افتر واغنيله واني صلاه العشه ممصليتها  افتر واغني واميل بجسمي  وضياءكاعد يباوعلي  وايده جوه خده غفه باسم وطببته للغرفه بفراشه طلعت فرشت اسناني طب ضياء للغرفه شاف زين نايم بالكع كيف عباله فاتحتله. المكان اله طلع يبتسم فات للحمام طبيت لغرفتي اني وقفلت الباب شوي واجه فتحها بهدوء شافها مقفوله راح بقيت صافنه خاف يروح لغيري وعنه مراح هاهي بعد سويلج قدر بقيت اتكلب وره الصلاه شتاقيتله كلش لل2 ونص رجعت الباب الكيلون مالتها انفتح وشافه مقفول وراح شوي ووصلت رساله

تتمتعين باذيتي؟
مرديت عليه دك هم مرديت للصبح طلعت بدلته مكدرت انام علكتها بالهول وحضرت حذاءه وجواريبه جان نايم وشعره مخربط تقربت بس اشم ريحته واروح ماريد شي تقربت منه من ركبته شميت عطره اوف يمه بسته من ركبته بهدوء فك عينه مستغرب يتاملني بقيت عيني بعينه دقيقه مد ايده على خدي بهدوء يتلمسه كال بتوسل

كلت كرهتني بعد جاوبته بعتب
تقريبا عفته ورحت سمعته كام تريك من الريوك المحضرته وطلع  نمت لل1 يله كعدت راسن صليت وحضرت الغدا تكلاه لان مالحك راسن طلعت كبب ماكبب وزلاطه وهالسوالف حتى تنضيف منضفت  لبست عالسريع دشداشه يابانيه هم قصيره توصل جوه الركبه  وبيها فتحات. للفخذ  اصلا الكتف يكون عاري بلاستيك يلزم الصدره والخصر ومن جوه باف ناعممه وبيها مربعات من جوه تخبل سوده وي بياض جسمي سويت شعري صفح لميت بكماشه ناعمه بهدوء وبينت الوحمه ادري بيش يموت هو كثرت العطر وحضرت الاكل امل نزلت بقت تتفرج كالت
الصبغ مال اضافر  اسود موعيب تخلي

مخليته لرجلي حبيبي مو لرجلج اطمني
بقت فاكه عينها عافتني وراحت تدردم  عبالها بعدني المكفخه  باسم يلعب بالحجله وزين عالايباد داسوي بالشوربه مال باسم  دك تلفوتي رديت
هاماما

ماعدي رصيد لا من يجي ضياء احاجيج عالفايبر امل جتي بصفي سديته باوعتلها شبيج كالت بشماته

وضياء ليش ميشتريلج تلفون بي فايبر تتوقعين هاا يمكن لان يخاف منج ماعده ثقه بيج
حجايتها مست كلبي فعلا هو هيج بلعت ريكي ومرديت بس عيوني دمعت التفتت لكيت ضياء بالممر بس شفته برطمت وطبيت للغرفه ركض ليش هلكد تاثرت مادري يمكن لان كلامها صح ولو شماسوي مراح يتغير شي سيدرا ضياء ماعده ثقه بيج وانتي ضلي بزري وربيله بالجهال

شوي ودك الباب عليه

ادخل

طب مسحت وجهي  ووكفت كدام المرايه تكحلت من جديد وخليت حمره وكف ورايه اباوعله بالمرايه. بعتب كال

ويباوع بوجهي

مااتحمل دمعه تنزل منج معليج بحجيها لتصدكين

درت وكهي بلا مبالاه كله كذذب كلت بداخلي طلعت من الغرفه اجه ورايه بدل سبح وطلع واني كاعده انتضره بالهول احس امل ماعدها غيري شغله النوب شغلها مدتولي طلع ضياء يمشط  بشعره  بطرك الشورت وكفت طيته فانيلا اغار حتى لو اخته كال
حاره ماريد
باوعتله بخزره اخذها  مبتسم لبسها مشيت كدامه جر نفس واجه ورايه يتلفت وراه خاف احد يشوفه  جرني لوره البيت
عوفني هاي شبيك دااصب

عوفي هسسسه كال بعصبيه

وكف كدامي  الحايط ورايه اعرف عيونك شدتدور يغنض بهدوء ويفتح بعينه دايخ نفسه فاضحه قرب ايده ويباوع بعيني بتوسل مارفضه كال
مدااسيطر مدااكدر اختلت موازيني لاشغله داامدر اسويها ولانوم دانام

رفعت عيني بعينه صدك تاثرت وانتهيت تلمس زندي وارتفع بيده ادري شيريد بعد شعري من كتفي بهدوء وبينت الوحمه  حنكه كام يرجف كدما صك سن بسن وعيونه غضبت عمد حاجبه تقرب
همس

بس ابوسها

لا دفعته

لتدفعين لتدفعين نتر بغضب
وخر لعد كلت بهدوء

تلعبين باعصابي. شدد قبضته على زندي

باوعتله بتوسل وهزيت راسي

چچ
لعد ليش هيج تسوين بيهه خلص صبررررري
متريدني البس ببيتي. متريدني اكشخلك

جر نفس وشنو الفايده بس فرجه وماكو شي داموت انيي سيدرا

كلشي  مابيك كلتها بدلع بسته من خده وابتعدت عنه  انت الخليت نفسك بهالموقف اني اريد رجال يوثق بيه واثق بي اريد سند استند عليه اريد رجال  ميتاثر بحجي احد
غمض عينه وفرك وجهه بيده ابتعدت بهدوء وطلع من يمه للمطبخ شوي ورجع كعد عالميز ويتفرج عليه من امشي وتنفتح الفتحه لو صوت الجنجل اللي كلما امشي يجر نفس ويفرك وجهه اكلنا وكمت انيم باسم سمعت ضحكهم صارت بيه خوفه من يكعدون سوه اخاف ماما متقبلي تكولي حرام عليج اخوه بس موبيدي محد يحس بناري اخذته مني وزوحته صديقتها مو بيدي من اخاف طلعت باوعتله كاعد بصفها يتفرج وياها بالفون من شافني كعد عدل  مبتعد عنها احس يخاف على زعلي باوعتله امل وباوعتلي كالت
ضيو باع هاي شون جمال
مباوعلها بقه يباوعلي كعدت شوي بالهول مشال  عينه عني عفته ورحعت طبيت للغرفه  قفلت الباب عليه كلها رجعت تذكرتها حادثه حادثه وابجي انفتحت باب الغرفه واني قافلتها دك الباب بهدوء مرديت راح شوي وسمعت زين يكوله
بابا وياك

لا بابا هسه اجي

وياك وي سوسو
نترت امل

لك البارحه طلعت وياه يوميييه

يابه تخبلت ذبيت باسم طلعت شفت زين كاعد عالدرج يبجي لو تخبلت
وين راح بابا
راح باي وي عمه  وسوسو
بسيطه لزمت التفون خابرته خرب رصيد ماعدي طبيت لغرفه الحجيه اخذت تلفونها دكيت عليه
دك دك رد
هايوم
انت وييين نترت

هناك امل دتريد تشتري شغلات ليش تردين شيي
وللليش مااخذت زين ويااااك عايفه يبجي

كتله من ارحع اطلعك

شوف ضياء دقيقه وترحع تاخذ ابنك ويياك لا بالقران ترحع متلكااني صرت اعصاب جر نفس كال بهدوء
دبدليله. باي سديته بدلت لزين وطلع بالباب اجه اخذه وراح ارتاحيت واتذكرت قبل حركه كلبي ونارها ساعه ورجعوا طب للغرفه شمر السويج بعصبيه عالطبله باسم فز التفتت عليه
علكيفك

شنو هالتصررفات مالتجج شنو امشي بحجييج اني

شنو تمشي بكلامي ابنك ديبجي شصار لو ماخذه ويااك

متستحين تصيحين عليه وتتهددين ومتطلعين منو لازمج خليها ببالج مضغطت عليج انتي الردتي تجين

هااا صدك يعني زين لعد باجر راجعه  اني

بقه ساكت فاك عينه  بغضب
اي شبيك باحر راجعه مو تكولي منو لازمج اني لعبت نفسيي بعددد حجايه تجيبك وعشره توديك، تعبببت لطمت على وجهي  لزم ايدي

هاي شبيج

وخررر عني انت واحدددد بيد اختتتك مزووجتك  قبل هسه شتريدد بعددد فهمنييي  تهجم بيتي ولك مو ارتبطت ب3 جهاللل من ساعه السودده كمت الطم على وحهي واملخ بشعري وصوتي عله طبت الحجيه وامل وراها  صافنه  كال
شبييج شكو مصار شي هسه  كافي سدي حلكج

يمه شبيكم صلو عالنبي
روحي يوم بيناتنا
طلعهم وسد الباب

اندار عليه تخبلتييي

اي تخبببلت اني ماااكدر بعد.  اختتك حتخبل من وراها لو تروح للتركك لو دقيقه ماابقه هنااا
شسوتلجج. لج شمسويتللج

ماريدددها وياك. مارررريد شوف طلعه وياك جتي كالبتك والا اكولك العيب مو بيها العيب بيييك ماريددد بعد تعبببت ها راح حجه وياها ها دتشوفه صوره بنيه ها خاف تعرفه على صديقتها من انعل ابو هيح عيشه طبت امل واني اصيح
صاحت

بت الشوراااع بت الفكر ام الغرف  تردين تكلبين اخويه عليه.   وحده --- لاصارت ولا استوت توكع بيني وبينك ضياء صاح اطلعي املللل اطلعييي  شالت المزهريه وشمرتها عليه بقوه جتي براسي سنتر اباوع حراره من راسي من الزمي ايدي انترست دم ضياء فك عينه الدم ينكط  وي طول شعري الحجيه فرفحت اباوعلها تخزبطت وضياء حار ميدري وين يركض
روح على امي  مابيه شي
لزمي راسسسج لزززميي زين
يوم دخيل الله كومي يووم
لزم التلفون خابر بهاء لبست اني ولازمه راسي واعصابي ترحف من اباوع بالكع بين رجلي دم من راسي هذا منين نصيت اباوع ملابسي الداخليه ونازل على رجلي
ضيياء بجيت ضياء فدوه ميسمعني جان ديتصايح وي امل يكولها صعدي
صخت بعلو صوتي
ضيييياء  اني داانززف

ضياء التفت فاك عينه كلها باوعتله ابجي
والقران اذا جهالي صار بيهم شي ماسامحك طول حياتي

طب بهاء ركض على امه وباوعلي وامل تصيح وتردد من وراها اوس طلكني تغري بي يم الشبابيك ام الولدددد  ولزم امل موتها كتل وهي تصيح وتغلط ضياء دفعه قوي كال

دخيلك سيدرا تنزف امي حيصير بيها شي حاخذها مستشفى دزلي على عطوريم الجهال وخابرو. امها.     اخذني وركض الطريق كله انزف  راسي يوجعني بديت ادوخ بس صوته
سيدرا عمري انتي سيدرا باعيني
مكدرت افتح عيني. صوته اختنك عبره

سيدراااا اموت اذا صار بيج.  اموووت

باسم وزين امانه عدك

هذا اخر شي اتذكر  كلته  ------
يتبع

يمكن مراح ترهم الخميس نهايتها مدتكفي 
للكاتبه مريم السعدي