رواية من حضرتك عشان قلبي تذله الفصل السادس والثلاثون 36 - بقلم ام عوض

في صباح
جويريا تناظر نفسها بالمراية واسيل عندها تمشط شعرها :اففف تعبت ما دريت الولادة صعبة لهدرجة بغيت امووت يا بنت
اسيل :والله شكلي ما بجيب بزران والله تعبب
جويريا :صح تعب "وناظرت لشموخ الي نايمة" بس يهون كلها لما تحضنيها بعد انتظار تسع شهور
اسيل ضحكت:قصدتس عشر شهور
جويريا ضربتها:اخلصي بسرعة الحين ما تشوفين الا جت العجووزة
اسيل ناطرت لشموخ : يا حبيبة روحيي والله،اسمعي بنت عطيني بنتس وانتي روحي جيبي وحدة ثانية طيب؟
جويريا :اقوول وراتس ما تروحين تجيبين بنفستس؟
اسيل :لا انا مابي اتعب
جويريا :ما تبين تتعبيين ولا للحين ما تجرأتي مالت عليتس بس الحين الهنوف بتجيب ورع وانتي للحين
اسيل وقفت :صدق؟ بتجيب ورع؟
جويريا :اييه اجل زيك بطرد رجلها بالخيزران
اسيل :وانتي صادقة! طيب وش اسوي يعني معرف انا
جويريا :يا بنت تكشخيي والبسي الي كذا يبين لتس مفاتنس
اسيل تجي تتربع قدامها :طيب اشرحي لي وشهو يعني بزبط
جويريا ضربتها براسها :انتي ما تعرفين راستس من رجولتس وتبين وليد يحبتس
اسيل :طيب معررف قولي وش اسوي اول مرة اتزوج ترا
جويريا قعدت تشرح لها وتعلمها
اسيل:اييه خلاص فهمت بسوي زي ما قلتي لي
جويريا :بسرعة خلصي من شعري
اسيل راحت وربطت شعرها
جويريا :اف ليتني خذيت كحلي معي
اسيل :ولا وتقولين ليت بعد؟ انتي يالله يالله خذيتي عبايتس من كثر ما كنتي تصارخين
جويريا :اصبري بس جاييتس الدور
وبهاللحظة دخلو ام عنان وخلود وحنان وعنان وراهم جاي
ام عنان :السلام وعليكم
جويريا واسيل:وعليكم السلام
سلمو كلهم وثامر راح عند شموخ يبي يشوفها بس هو قصير ما يقدر يشوفها زي الناس راح عنان ورفعه وهو يقوله :شف ذا اختك الصغيرة يا ثامر
ثامر بفرحة :صدقق؟ وشسمها طيب
عنان:اسمها شموخ
ام عنان :ما شاء الله مسرع سميتوهاا بعدين من اختار ذا الاسم شموخ! كنتو تسمونها مودة احلى
جويريا :سميتها شموخ وجعل تاخذ نصيب كبير من اسمهاا
خلود تشيلها :يممه صغيرة مرة
وحنان ناظرت لجويريا وهي فرحانة :مبروووك تتربى بعزك يا رببب
جويريا عارفة انها مبسووطة ومستانسةة انها جابت بنت فقالت بفرحة:الله يبارك فيتس عقبالتس
حنان:لا انا الله رازقني من خيره كافيني ثامر وقصي ربيي يحفظهم ليي يا رب
جويريا :يوه ما تبين بنات يعني؟ والله الي ما عنده بنت ما ذاق طعم الحياة اسألي عمتس جابت ثلاث بنات واهي تدري
ام عنان:واهي صادقة الولدد لا تزوج صار لحرييمه البنت بنتس لين تمووت
جويريا :شفتي
حنان :معليه خلفتي انا ان شاء الله كلها تكون عيال
ام عنان :حلوة خلفة البنات الي يرفعوون الراس بسنعاتهم وطيبتهم مب الي لسانها شقد طوله ما خلت القريب ولا الغريب بحاله باختصار لا تكون عار
جويريا مبتسمة :وان شاء الله بنتي بترفع راستس

عند هيام تجهزت وجهزت ولدها عشان تروح عند جويريا
دخل ابو فيصل :هاه جاهزة
هيام تشيل ولدها :ايه يا عمي جاهزة يالله نمشي
ابو فيصل وقفها:بس قبل نمشي ابي اكلمتس
هيام:تفضل عمي
ابو فيصل :سعود قال بكره جاي مع الشيخ ابطينا واجد ترا
هيام انقبض قلبها وهي تسمع سيرة الزواج وتحس فعلآ ابطو بالموضوع واجد نزلت راسها :الي تشوفه يا عمي وان شاء الله تكون بداية خير لي ولولدي
ابو فيصل :ان شاء الله يا بنتي جعلتس تفرحين وتشيبين معه
هيام تنهدت:امين يا رب
ابو فيصل:يالله نمشي
هيام:يالله
ربكو السياره ومشيو للمستشفى
يوم وصلو نزلو اثنينهم وسالو عن غرفتها ودلوهم ودخلت هيام وابو فيصل وقف برا لانه توقع في احد بالداخل
ويوم هيام دخلت عنان طلع برا
جويريا ابتسمت اول ما شافت هيام وهي راحت حضنتها :وشلونتس يا روحي عساتس طيبة الحين
جويريا :بخيير يا روحي "واشرت لها على شموخ بفرحة " شوفي بنتيي
هيام مو مصدقة وتناظر في شموخ الي ب حضن خلود :يممه يا عمري صغيرة مرة ربي يحفظهاا
جويريا :شفتيي تشبهنيي صح؟
اسيل:لا احس تشبهني اناا
هيام:مدري والله للحين صغيرة وما يبان ملامحها زين بس تكبر ونشوف تشبه مين
ام عنان تقوم :يالله خلود خل نمشي تأخرنا
هيام :وين الله يهديتس توكم جيتو
ام عنان:لا معليه يا روحي من زمان جايين خل نمشي، يالله خلود بسرعةة
قامو كلهم وسلمو على بعض وحنان باست جويريا :يالله مع السلامة يا ضرتي اشوفتس بخير
جويريا :ان شاء الله يا روحيي
حنان ب فرحة واضحة:انتبهي لبنتس
جويريا ابتسمت :هي بعيونيي لا توصيين
طلعو هم ونطت اسيل وقعدت فوق الكنبة :يويليي من ام عنان ذيي تفجع الواحد بنظرااتهاا
جويريا:معليتس انا تعودت على نظراتها الي تخرع
هيام تقعد :عييب لا تتكلمون عليها والحرمة مالها دقيقة طالعة من عندنا
جويريا :خلها تولي ما شفتي ابتسامتها الي واصلة لين اذنها ولا حنانوه تحسب بتقهرني لاني جبت بنت وترمي علي الكلام
هيام:اف ليه اشفيها لو جبتي بنت بزاد زينة البيت والله
جويريا :على كلامهم وعقلهم البنت عار بس وين يا روحي مو اي بنت ذي بتكون عزة وفخر امهاا يحسبون بنتي لا جت بتكون مثل كل البناات بس لا يا حبيبتي بنتي اناا غير عن كل البنات هي ب كفة والكون ب كفة بتكون غييير عنهم كلهم بنتت عن مية رجال والايام قدامناا
اسيل :كفو يا كذا تكون البنت يا بلا
هيام سكتت :لاحظت فرحة حنان يوم بلغونا انتس جبتي بنت كانت مستانسة واجد
جويريا :شفتس انا دارية استانست واجد بس هين الايام قدامنا ونشووف
اسيل :اييه بنت جويير منها بهينةة ذي حفيدة مريمووه
جويريا :ايه حفيدة مريموه وبنت جوير وعنان وش تتوقعون
ضحكت هيام :البنت المسكينة نايمة وانتو تخططون لها
اسيل :يمه فديتها
هيام تذكرت نور :في احد قال لنور؟
اسيل ضربت خدودها :يويلي نسيناهاا
جويريا :هاذا لو جود مو قايلة لها

جود توها تنزل التلفون وهي تتنهد ب راحة وفرحة
الهنوف جت وقدت وهي مبتسمة :صبحتس الله بالخيير
جود لفت لها :صبحتس الله بالنوور هلا والله وشذا الزيين
الهنوف استحت وهي تلعب بشعرها :تسلمين
جود :وينه محمد ما نزل يفطر؟
الهنوف:لا فديته نايم
جود :هاذا وما عليتس صلاة لو عليتس وش؟
الهنوف :جووود
جود تضحك:خلاص، اقولتس هنوفة انا بروح عند اختي بالمستشفى تجين معي؟
الهنوف قامت بحماس:ايييه تكيد بجي معتس
جود:اجل تجهزي ابو محمد قال بياخذني بعد شوي وتوي كلمت نور وبلغتها
الهنوف :تم رايحة البس عبايتيي
جود :لحظة لحظة
الهنوف وقفت :وش؟
جود :كلمي رجلتس استأذني منه انتي الحين صرتي متزوجة ولازم تشورين رجلتس بكل شيء
الهنوف ابتسمت لكلمة متزوجة :طيب
وركضت لغرفتها وهي تدخل وتشوفه نايم على بطنه قربت منه بهدوء وهي تدقه بشويش :محمممد يا محمممد اصحى
محمد نايم ومو داري عنها
الهنوف صرخت :محممممممممممممممد
محمد صحي ومن ردة فعل سريع مسكها ولفها للسرير بحيث ظهرها بالسرير وهو فوقها
الهنوف انفجعت وتصنمت بمكانها
محمد تنهد يوم شافها :انتيي؟ من جدتس كذا تصحين الواحد بغيت انجلطط
الهنوف :انت بغيت تنجلط؟ والله انا الي بغيت انجلط بعدين ترا لازم تلقى لك حل انا مقدر اتحمل تكون عنيف معي كذا انا رقيقة ومقدرر ترا
محمد ابتسم بنذالة :ما تقدرين تتحملين وش؟
الهنوف :تكون معي عنيف كذا
محمد رفع حاجبه وهو فباله شيء ثاني
الهنوف فهمت من نظرته وضربته :وسخخخ
محمد ضحك منها وقام من عندها :هاه نمتي زين
الهنوف تقوم :اي نمت زين
محمذ مسك يدها ورجعها للسرير :خليتس وين رايحة ما شبعت منتس
الهنوف توترت :شسمه ذاا بروح جود تحتريني
محمد :ليه؟
الهنوف تخبصت الكلام معها :ااا شسمه بنروح انا وياها عند اختها ولدت وجابت بنت
محمد :ايه صح بنت عنان
الهنوف:ايه بنت عنان
محمد ابتسم :عقباال ما انتي تجيبيين لي بنتت
الهنوف ما تدري ليه بس تذكرت حاجة بهاللحظة وفطست ضحك
محمد :يمه فديت ذا الضحك بس وش تذكرتي ضحكينا معتس
الهنوف :تدري من ساعدني انحاش من العرس؟
محمد بإستغراب :من؟
الهنوف :ههههههه حرمة عنان الي تصير اخت جود
محمد انصدم :لا تقوليهااا
الهنوف:والله
محمد :صدمتييني
الهنوف :هزأتني امس تقول انا ساعدتس عشان تنحاشين وتكملين جامعتس مب تروحين وتحبين المجربع
محمد :قصدها علي اناا مجربع؟ وشسوييت لها والله ما دريت عنها عشان تقول عني كذا
الهنوف :مدري عنها بس احلى مجرببع والله
محمد قرب منها :يا فديتس يا ضلعتي والله اني احبتسس
الهنوف تغطي وجهها بشعرها ب خجل
محمد :انزل لتس النجوم والقمر وانتي للحين مستحية تقولين احبك؟
الهنوف ناظرت فيه ب حب :عيوني هذول ما شرحو لك شقد احبك؟
محمد :شرحت لي ومن زود جمالها اشتهيت اسمعها من لسانتس
الهنوف تهمس له :احبببك وزودن على الحب اعشقك وامووت فيك
محمد قرب منها وباسها من شفايفها
وكانت اول قبلة لهم
جا لهم صوت جود وهي تنادي :الهنوووف بسرعةةة
الهنوف بعدت بسرعة وهي متوترة :يممه بتذبحني الحيين
وبسرعة اخذت عبايتها ونقابها وطرحتها وطلعت لها بسرعة قبل تعصب
ومحمد حط راسه وهو يقول لحظتنا الرقيقة خربوها عليناا وابتسم بعدها وهو يتذكرها ورمى نفسه فوق السرير وهو يحس نفسه ب حلمم
الهنوف طلعت لها وهي بيدها نقابها وطرحتها وعبايتها :هااه جيت جيت
جود اول ما شافتها غطت عيونها :يمه بسم الله وش ذاا استحي على وجهتس يا بنتت
الهنوف انفجعت قعدت تشوف ملابسها ونفسها مافيها شيء :اشفييي وشفيتس؟
جود :لو عندكم شيء مهم عاادي اقعدي ويا رجلتس وبتروحين لها بعدين و
الهنوف :وشفييتس  انتيي وشفيي
جود :ناظري نفستس بالمرايةة استغفرالله بسس
الهنوف لفت نفسها بالمراية وانصدمتت الروج الاخمر خربتتت من البوسة غطت وجهها من الفشييلة ومسحته بسرعةة وهي وجهها الواان ولبست نقابها بسرعة وهي تتمنى الارض تنشق وتبلعهاا

نور زبطت نقابها وهي تطالع نفسها بالمراية :هين يا معاذو نروح لدوامك ونشووف تحسب لاني بنت الديرة مانيب كفو والله اني قد نفسي وزيادة بعد
مسكت شنطتها وقفلت باب الشقة وطلعت
نزلت تحت وهي توقف تاكسي وركبت فيه وهي تعطيه عنوان شركة الي يشتغل فيها معاذ
لحظات و وصلت حاسبت صاحب التاكسي ونزلت وهي تطالع الشركة كبيرة :يويلي كبييرة واجدد
دخلت وهي تقول ما شاء الله ما شاء الله
مشت وحدة من جنبها وهي طلعو عيونها وهي تقول بداخلها اجل مافي بناات يا معاذوو يا كذووب هيين بس حسابك عنديي يا كلب :اقول يا اختي تعرفين وين مكتب معاذ
الموظفة:معاذ من؟
نور:معاذ بن.............
الموظفة:روحي الدور الثاني واسالي احد هناك ويدلونك
نور:شكرآ اختي ما قصرتي
مشت عنها وراحت الدور الثاني ورجعت سألت ودلوها لمكتبه ودخلت دخلة مداهمة وهي تقول بعصبية :معاذووه و وجعع
معاذ انفجع مسك شماغه الي بغى يطيح :نوور؟ انتي وشجابك يا نورر
نور تجي عنده :اجل تحسبني طير بصدق الي تقوله ولا جوالك الي فتحته ولفيت به قدامي يعني مافي شيء
معاذ :يرحم والدييك وطي صوتك محنا بالبيت بعدين وشذا الدخلة الي دخلتيهاا ترا هاذا الباب زجاج ينكسرر يويلي راتبي رااح
نور :وخله ينكسر شعلي منه الحين انت الي بتقوليي ليه كذبت علي هااه، في بنات بدوامك وتكذب علي تقول لا ماافي
معاذ يقفل الباب :ايه في بعدين هاذي شركة كبيرة اكيد بيجونها بنات يشتغلون ورجال يعني اقولهم حرمتي ما ترضى علي لا توظفو بنات
نور :وانت صادق شركة كبيرة ما شاء الله بس تصدق البنت هذييك ترا والله ما بلعتهاا ابي اعررف ليه لابسة الحجاب وهي نص شعرها برا هااه ابي افهم
معاذ :يا ربي انا شعلي منها انا اهمشي شغلي اخلصه وامشي ولا علي منهم
نور : زين ولا اشوفك تطلطل على خلق ربي ويا وييلك مني لا رجعت البيت الكذبة هذيك مانيب ناسيتهاا تراا
معاذ :ابشري يا عمريي وشتبين عشان ترضين
نور لفت وجهها بزعل وهي تفكر :الهدية الي جبتها لاختك
معاذ :ابشريي بجيب لتس زيهاا
نور:لاا مب زيهاا اغلى منهاا
معاذ :والله ابشريي انتي تأمرين وحنا نجييب لتس كم نور عندي هاه كم
نور تقعد فوق الكرسي :ايه ما عندكم قهوة ولا شاهي
معاذ ابتسم وراح قعد بكرسيه :ابشري الحين اطلب لتس
ورفع السماعة وهو يطلب شاي
نور بصراخ :الي كلمته الحين بنت ولا ولدد
معاذ :ولد والله ولد انتي اوشفيتس عليي
نور :زيين
وتذكرت جويريا وفزت
معاذ مسك شماغه مرة ثانية :بسم الله اشفي بعدد
نور:اشبك خايف مافيي شييء بس اختي جويريا جابت بنتت
معاذ فرح:صدق جابت بنتت
نور:اييه مو مصدقققة
معاذ:اية وحدة الي رمت ولد عمتس بالرصاص
نور:اييه اختي المشهوررة الي جابت بنت
معاذ:ما شاء الله ما شاء الله يعني ابو ثامر جاه بنت
نور:اييه

اسيل :اقول شرايكم بناات
جويريا وهيام:وشهو؟
اسيل :ولدتس انتي يا هيام نزوجه لشموخ بنت هاذي
جويريا :أولآ هاذي لها اسم ترا وثانيآ انا بنتيي ما بتتزوج الا واحد هي تبغاه لا من اختياري ولا من اختيار ابوها
هيام:وهي صادقة حتى انا ولدي حبيبي ما بزوجه الا لوحده هو قلبه يدق لهاا غيرها يحرم عليه كل البنات
جويريا :مو كفاية حنا تزوجنا بدون اختيارنا نعيش عيالنا بعد نفس الشيء
اسيل :يختي مجرد تفكير ما زوجتهم صدق
جويريا :لا جبتي عيال فكري بكيفتس بس عيالنا لاا
اسيل سكتت وهي تقول بصوت واطي:من زين عيالكم
جويريا :ترا اسمعتس هااه
اسيل:زيين وانا ابيتس تسمعين
قطع عليهم دخول جود والهنوف :السلام عليكم
الكل وعليكم السلام
قربو وهم يسلمون وبعدها توجهت جود عند شموخ وهي متاثرة من لطفاتها وبرائتها
وجويريا مبتسمة لردة فعلها
جود تمسح دمعتها وهي تلف لجويريا :ما اصدقق يا جويير
هيام واسيل :لااا تبكيين
جود تسمع دمعتها وهي تضحك :مستانسةة ما ابكيي
ولفت لجويريا:عادي اشيلها
جويريا :ايه طبعا شيليها يروحي بدون ما تقولين حتى
شالتها جود وهي تشوفها تتحرك بكسل وهي ترفع يدينها وتتثاوب :تشبهتس وانتي صغيرة يا جوييير
جويريا فرحت:صدقق تشبهنيي؟
جود:ايه والله تشبهاتس
جويريا تحط يدها بقلبها :ما اصدق يعني بنتي تشبهني؟ اف ليت عنان هناا وسمعتس والله لا ينهبل من امس احاول اقنعه انها تشبهني وهو مو راضيي
جود ضحكت وباست شموخ بخدها
واسيل لفت ل الهنوف :ما شاء الله حتى الهنوف جت
الهنوف ابتسمت :ايه جيت اشوف بنت جويريا
جود رحت جنب الهنوف عشان تشوفها
الهنوف :تهببل اسم الله عليهاا ربي يحفظهاا لكم يا جوييرياا تتربى بعزتس يا رب
جويريا :ان شاء الله يا روحي وعقبالتس
الهنوف:اميين يا رب
دق جوال جود والهنوف راحت تشوف من عشان جود شايلة شموخ
جود:من؟
الهنوف :وليد
جود:اجل عطيه لاسيل ترد على رجلها وش يبي
اخذت اسيل الجوال وردت وهي متسطحة فوق الكنبة ب راحة :الو
وليد :اقولتس يا بنتت شكلتس ناااسية
اسيل :وش ناسية؟
وليد :عندس اختبار بكره وقلتي لي اشتري لتس الكتاب هذاك واذكرتس بالامتحان بعد
اسيل قامت مفجوعة :وانت صادقق والله
الكل انفجع منها
اسيل تدور طرحتها :تعال بسرعة خذني البيت ييوه ورايي تراكمااات
وليد:انا قريب واوصل انزلي بسرعة ولا تخليني احتريي طيب؟
اسيل:طيب طيب
وقفلت منه
جود بخوف:خير اشفي وشصاير ابو محمد فيه شي؟؟؟
اسيل :انتي لا تفاولين على رجلتس مافيه الا كل خير بس نسيت عندي اختبار بكره وانا ناسيةة زين وليد ذكرني ولا رحت فيها
هيام :طيب يا روحي ذاكري زين ولا تهملين دراستس
اسيل :ابشري يا عمري ومع السلامه كلكم
وطلعت برا
جود:الله يوفقها يا رب
كلهم:امين

نزلت وركبت السيارة :اووه وليدد والله ابوس راسك لانك ذكرتنيي وقسمم شككرآ لكك
وليد بناظرها بإبتسامة :لا تشكريني ما سويت شيء
اسيل ناظرته بإستغراب :اشبك؟
وليد :معقولة الي جت امس ونادتني كنتي انتي؟
اسيل تناظره بنص عين :لا ابوي استغفرالله، الله يرحمه انت وش تقول ايه كنت انا
وليد مسح وجهه من اسيل :ليتني ساكت ومنطم
اسيل سكتت وهي مبتسمة وبعدها قالت بدلع :كنت تبي تمدحني صح؟ خلاص امدحني الحين ما بقول شيء يلااا
وليد ناظرها ورجع يناظر للطريق وهو ساكت
اسيل :نفسيية
وليد بصوت واطي :تمسني وبعدها تقول نفسية
اسيل :سمعتك سمعتك ترا
وليد:ايه اسمعي معلي منتس
اسيل سكتت منقهرة
وصلو ونزلت اسيل زعلانه
وليد :الحين انا وشقلت عشان تزعلين مني والله انا الي ازعل مب انتي
اسيل :اذلف بسس وساعتك هذيك خذها ماابيها
وليد :الحين شدخل الساعة بيننا يا بنت الحلال
اسيل مشيت عنه ودخلت
و وليد جا وراها وهو يقول :يا بنت الحلااااال خلاص انا اسف والحق علي بس لا تدخلين وانتي زعلانة لا يشوفك زعلانة ابوي ويذبحني
راحت هي و وليد وقف
محمد يشرب موية ويناظر اسيل الي تطلع لغرفتها معصبة :خير شبلاها حرمتك
وليد تنهد :اف منها بزرة والله بزرة لا جيت ابي امدحهاا تزعلني وتخلنيي اندمم وان بغيت اراضيها تزيد المشكلة وتزعل زيادة مندري كيف نراضيها والله
محمد يطبطب عليه
وليد :والله يا رجال تعبت ولا كنها حرمتي كنها بنتي وانا مجبور اراضيها
محمد يسمعه بتمعن :طيب تحبها؟
وليد يقعد فوق الكنبة:يا رجال اييه احبها صح تغثني مرات بس زي العسل بقلبي والله بس ابيها زي حرمتي
محمد :ليه هي مو حرمتك يعني؟
وليد :تسه لاا الا حرمتي بس بالورق بالحقيقة كنها كنها بنتيي مو حرمتي لازم ادلعها واسايرها واذكرها واصحيها وانومها وارفع من وراها ابيهاا تكون حرمتي وتراعيني وتدلعني فهمت علي
محمد يفكر:ايه فهمت فهمت
وليد يناظره بإسستغراب :وانت علامك سرحت
محمد :افكر لك ب حل بس مدري لو تعجبك
وليد:تكلمم
محمد يزبط قعدته :لمح لها انك تبي تعرس وحدة ثانية
وليد فز من مكانه :صاحيي انتت والله لو افكر بذي تذبحني تراها مو بهينة "وتذكر ضربة الخيزران" احح تذكرتت الخيزران يا رجاال
محمد:لا صدق اتكلم يا شيخ لمح لها وبس والله تشوفها تتغير بيوم واحد ،الحريم كذاا مهما كانت دفشة ومهبولة ترا بتغار وبتعقل هم بالفطرة كذا وبتشوف اول ما تسمع تلمحياتك والله تشوفها تتعدل وتزين
وليد اقتنع :نشوف
محمد يدقه بكتفه وهي يرخي ظهره بالكنبة :اسمع منيي
مرتاحين وماخذين راحتهم بالكلام وما درو عن اسيل تسمعهم من الدرج كانت نازلة عشان تاخذ الكتاب وسمعتهم
:هين يا محمدوو هيين تبييه يعرس عليي اجلل يا ويلكك منيي بسس يا ولد ابووك
"وتذكرت وليد وابتسمت وهي مو مصدقة" اهو يحبني بس انا غبية اههه يا. وليدوو وانبعد احبكك يا تسلبب ما دريت اني متعبتك بحياتك. زي كذا بس معليه زي العسل بقلبك

نهاية البارت يلا سلام

اشوفكممم بالبارت الجاي باذن الله