رواية من نسل فرعون (الأسيرة 2) للكاتبة/ندى محسن ♕Noody♕ الفصل السادس 6 - بقلم الكاتبة ندى محسن

♡من نسل فرعون♡ (الأسيرة 2)

حلقة 6
للكاتبة/ندى محسن♕Noody♕

ادهم بصلها بصدمه: انتي بتقولي ايه
اسماء: انا مش عيزاك تقلق وعد مني معامله بابا ليك مش هتتغير انا عارفه انا هعمل ايه وكمان باباك مش هيتضايق منك صدقني انا اللي هتحمل كل حاجة
ادهم: انتي عايزة تطلقي
اسماء بصتله وبصت لأيدها اللي على قلبه وابتسمت بنفس الحزن ونظره الوجع اللي في عنيها: انا مكنتش اتمنى ابدا نوصل للمرحله دي مكنتش اتخيل اني بعد مكون مراتك اني هطلب الطلاق بس فهمت ازاي في علاقات بتبوظ وازاي الطلاق بيبقى الحل..حل مشاكل.... انت مش  هتقبل حياتنا يا ادهم حتى لو كملنا هنفشل انا عملت جهدي علشان احافظ عليها وفشلت مش  هنعرف والا كدا انت هتدفن حياتك مع واحده مبتحبهاش و.... ومبتحترمهاش.... صعب والا النتيجه اننا هنستمر وفي الأخر انا همشي بس وقتها يمكن يكون الوضع اسوء......
ادهم وقف هو مش عايز يديها وعد ولا كلمه بدافع الشفقه بدافع الموقف اللي حتى لو مبيحبهاش هيطمنها ويرسملها دنيتها وردي وانه معاها بس هل هو فعلآ هيبقى معاها هل هو فعلآ بيحبها وهي غلط هل بيحترمها؟ ملقاش اي اجابه هو بس باصصلها كلامها بيتعاد جواه
اسماء وقفت قدامه: ها يا ادهم موافق
ادهم: اه..... بس على شرط
اسماء: ايه
ادهم: شهر بالظبط 30 يوم عايز بابا يشوف قد ايه بحبك هو وامي واخواتي وابوكي وامك كمان مش عايز حد يلوم حد واظن انتي فهماني
اسماء بنبره وجع متداري: فهماك....
ادهم باصصلها وفي نفسه"في خلال الشهر دا انا هختبر نفسي لازم اعرف حقيقة مشاعري بجد لو صادقه ولا مجرد شفقه لو شفقه انا هظلمك معايا اكتر منا ظالمك انا قولت كلام مفيش واحده تستحمله على نفسها فما بالك انتي يا اسماء ايه نوع الحب اللي بتحبيهولي دا انا معنديش استعداد اخاطر بمشاعرك لأن لو مشاعري شفقه انتي هتتوجعي مع واحد بعد فتره هتحسي معاه بالجمود "
اسماء: انا عايزه ارتاح
ادهم: ارتاحي نامي
اسماء خدت بجامه ودخلت الحمام غيرت وخدت غطى ونامت على الكنبه
ادهم: يا بنت الحلال مهو السرير قدامك
اسماء: لا انا مرتاحه كدا وياريت متضايقنيش علشان بجد محتاجه ارتاح وافصل
ادهم: مش هضايقك مش عيل للدرجه دي يعني
اسماء بصتله وافتكرت لما كان بيرش الريحه فوقيها: ااه انت هتقولي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نهلة ارسلان: دا جنون عارف
عمر وهو ساند على مكتبها: اممم ممكن
نهلة: يعني ايه نتجوز بكرا
عمر: انتي مش عايزاني
نهلة بصتله
عمر: ردي يا نهلة مش عايزاني؟؟
نهلة: عمر انا مش بخطت للجواز انا عايزة اعيش حياتي عايزة اسافر واشوف الدنيا عايزه استمتع بكل لحظه مع اهلي احلامي اكبر من الجواز
عمر: نهلة فكرك انا همنعك عن كل دا وهكبت حريتك
نهلة بصتله: انا معرفكش لسه يا عمر وايه ضمان انك مش هتخنقني وانك عايزني بس خدامه عندك وان سنه الحياه الجواز والكلام دا
عمر: نهلة!!!
نهلة بصتله واتنهدت: دي الحقيقه انا لازم اقولك مخاوفي انا محبتش ولا عمري حبيت ولا هحب فليه تحبس نفسك معايا
عمر: لو كان عيشتي معاكي سجن انا موافق اني اتسجن
نهلة اتنهدت: عمر احنا مش  من مستوى بعض وصعب هتفهم انت عقلك واحد شرقي و انا مش  هخاطر دا جواز حاجه هيبقى مفتاحها في ايدك الي اللى اللا نهائيه وما بعدها مش مستعده
عمر: يعني انتي مش بس عايزه وقت انتي مش  عايزاني اصلا
نهلة اتنهدت وبصتله ولمحت في عينه حب حقيقي استغربت هو دا ممكن يأذيها او ممكن يتجوزها فعلآ علشان تبقى خدامه عنده
عمر: نهلة انا مفكرتش انا من مستواكي ولا لا كل اللي  فكرت فيه اني بحبك ومش هستفاد حاجه بفلوسك ولا بفلوس عمي سفيان كل اللي فكرت فيه اني بحبك واني هاخدك بشنطه هدومك لا انا هاخدك انتي بس بفستان فرحك
نهلة بصتله واحتارت هي مبتحبوش بس ايه حجتها ايه سبب رفضها
عمر وهو مربع ايده: قولت ايه اكلم عمي
نهلة: ولو هنتني ولا بقيت زي منا خايفه وقتها هيبقى ايه الوضع
عمر: الوضع انك من حقك تطلقي مني وانا اللي هطلقك لأن وقتها مش  هقبل تعيشي مع واحد قاسي ووحش زيي
نهلة نوعآ ما ارتاحت: بس عندي شرط
عمر: ءأمري
نهلة: شقتنا هتبقى قريبه من قصر بابا
عمر: دا وعد وعدته لعمي سفيان يوم مخطبتك اي طلبات
نهلة: لحد دلوقتي  لا
عمر: اكلم عمي بقاا
نهلة: اه وعندي طلب...
عمر ضحك: دا انتي مصدقتي بقاا
نهلة: مبحبش الهزار
عمر بيجز على سنانه: اسف اسف ءأمري
نهلة: شوف من اولها انت بتكلمني ازاي
عمر: اسف معلش انا بني ادم بردو
نهلة: هتساعدني في امتحان بكرا علشان مزاكرتك وهي اخر سنه ونخلص
عمر: بس كدا حاضر من عنيا
نهلة: روح بقى
عمر ابتسم: حاضر حاضر

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

داني في العربيه مع رانيا: وبعدين
رانيا: بس يا حبيبي ادي الفتوره وابقى سددها
داني: حاضر بس ليه دا كله
رانيا حاوطت رقبته: مش لازم اللي هتبقى مراتك تبقى مناسبه ليك يا دندوني
داني: امم اكيد يا قلب دندونك
رانيا بدلع: هتعرفني بأهلك امتى بقاا
داني: يوم تاني لأن يوم الخميس كلنا معزومين عند عمو سفيان
رانيا عنيها لمعت: ابو نهلة سفيان ارسلان
داني: اه
رانيا: طب ايه رأيك اجيب مامي ونجيلكوا وانا حابه اووي اتعرف على انكل سفيان
داني: ومامتك هترضى
رانيا بأبتسامه خبيثه: اكيد شوور يا حبي
داني ابتسم وباس ايدها وهي قربت باسته

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

سفيان: وبعدين
عمر: انا مصدقت اقنعتها حضرتك وربنا
سفيان: ايه السبب يا عمر اظن اتفقنا سنتين خطوبه
عمر بصله بتردد: عمي... انا عايز... عايز استقر
سفيان: ومكنتش عايز كدا من الأول
عمر اتنهد: عمي انت معترض
سفيان: مش لاقي سبب فعايز اعرف ليه استعجالك دا
عمر: عمي مفيش حاجة  بس عايز اقعد معاها براحتنا مش عايز يكون في بينا حواجز وعايز علاقتنا تبقى حلال
سفيان باصصله بشك وتحذير انه يخبي وعمر اتوتر قدام نظرات سفيان وبعد عينه
سفيان: هعيد السؤال تاني ايه السبب
عمر اتنهد بعمق وبص لسفيان: انت ازاي كدا
سفيان: انا كنت شاب وانا اب وانت هتكون ابني فلازم تكون صريح معايا
عمر: انا هقول لحضرتك بس اوعدني متقولش حاجة  لنهلة انا مش عايزها تعرف
سفيان: قول
عمر غمض عينه وخد نفس عميق وبص لسفيان وابتدي يحكي كلام الدكتورة واللي حصل لنهلة
سفيان مصدوم وباصصله واخيرآ نطق بخفوت: لا... في حاجه  غلط انا بنتي كويسه نهلة مفيهاش حاجه... نهلة بنتي بخير وكويسه انت بتقول ايه
عمر بوجع: دي الحقيقه ولازم نستعد لأي وقت للعمليه اللي عرفته ان حالتها بتسوأ بسرعه والورم بيتعب المخ ومراكز التحكم في الأعصاب النظر و... والحركه
سفيان اتنهد بضيق ووجع بيحاول يتماسك او هو بجد تايهه مش مستوعب يعني بنته تعبانه بجد بس فكره انه يخسرها هو رافضها: يا رب... ياارررب
عمر: انا عايز اتجوزها بالكتير في خلال الأسبوع دا يا عمي ارجوك متعارضش...
سفيان بصله: ايه اللي ورا طلبك انا مش  هقبل مشاعرك تجاهها تبقى شفقه
عمر وقف بسرعه: لا يا عمي انا اتقدمتلها علشان بحبها وعايز احسسها اني فعلآ معاها انا اللي هساعدها في كل حاجة واوعدك تكون فرحانه وكمان هنسكن قريب منكوا
سفيان اتنهد: عايز اروح للدكتوره...
عمر هز راسه بإيجاب
سفيان: وجهز لفرحكوا يا عمر
عمر ابتسم وهز راسه بإيجاب
سفيان غمض عينه بتنهيده هو وافق بس يا ترى ليه ليه وافق رغم ان قلبه عايزها معاه او فعلاً كان عايز يتطمن عليها ويشوفها مستقره

من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اسماء بتلعب في التليفون وادهم مركز في ورق المشروع الجديد وهي بصاله بتركيز هو منظم جدآ وبيحب شغله ولما بيكون مركز فيه بتحسه بيزيد اناقه ابتسمت وضحكت على نفسها وفي سرها"لا انا فعلآ هبله كل يوم بعجب بيك من اول وجديد ولا كأني كنت طالبه الطلاق وهي مسئله وقت وللأسف علاقتي بيك.... مجرد زمايل"
الكل اجتمع على الغدا وعمر باصص لنهلة وهي رفعت حاجب وهو ابتسم هو عارف انها بتتوتر لما حد يركز معاها وبيستمتع اووي بدا وبتوترها وانها ممكن تتخانق معاه علشان بس بصلها
ميرا كانت بتتجاهل انها تبص لأياد وهي قاعده بغرور واياد لاحظ وابتسم بمكر"على مين يا ميرا دا انا اياد ارسلان بس مش هنفذ رغبتك مش هكلمك وانتي اللي هتيجي تتكلمي معايا "
ياسر كان باصص لهدى مهتم بأكلها وعمال يعاكسها بهمس وهي تكتم ضحكتها ونهلة ارسلان ابتسمت عليهم هي متعرفش حاجه عنهم اه بس حبه ليها مش مكسوف يبينه قدام حد اول مره تشوف حد صادق بعد ابوها ونوعآ ما ارتاحت لعلاقتها مع عمر
چوليا وقفت:انا هروح بقى
اسماء:ليه يا ماما
چوليا بصت لمرتضى بضيق
مرتضى بصلها وكمل اكل بكل برود
نهلة قربت من ودن سفيان:مهو انت لو فضلت سرحان كدا الدنيا هتولع انت عارف لما بيتخانقو فأتصرف
سفيان بصلها:هاا
نهلة:حبيبي سرحان في ايه
سفيان ابتسم بتصنع:ولا حاجه....چوليا في ايه
چوليا بصت لسفيان وللي قاعدين
سفيان:تعالي نتكلم في المكتب
داني:عمو لو سمحت
سفيان:نعم
داني:مهو انا بحاول افهمك من الصبح انا عزمت رانيا وهي هتيجي مع مامتها فلو سمحتو
سفيان:رانيا؟
مرتضى:اه يبني البت اياها اللي بيسهر معاها الواد مش عارف طالع متخلف لمين دول تقضي معاهم شويه وقت وخلاص شكرآ
الكل بص لمرتضى وياسر اتضايق من طريقته مرتضى وهدى بردو وميرا بصت لأياد وفي دماغها الف سؤال هو ممكن يكون شايفها كدا وعايز يقضي بس شويه وقت معاها.......
چوليا:مبقتش طايقه خلاص انا تعبت وزهقت يا مرتضى ولحد امتى انا جيت كتير على مشاعري وعلى نفسي لغيت مخلاص حاسه اني هموت انت ايه مبتحسش
اسر وقف واستأذن ومشي هو وعيلته علشان مهما كان مينفعش يتدخل بينهم
اسماء:ماما
چوليا باصه لمرتضى:اايه معندكش حاجه تقولها صح
مرتضى:انتي اللي بتكدبي الكدبه وتصدقيها
چوليا:اه صح انت مبتخونش انت الراجل الشريف وانا الست المفتريه اللي ظلماك دايمآ
مرتضى بأستفزاز وبيمثل الحزن:شوفتي بقى انك جايه عليا
سفيان:باااس انتو ايه دا ولا كأنكوا عيال وقدام ولادكو چوليا عندها حق في كل كلمه يا مرتضى بينفعش وميصحش اللي انت فيه دا ابدآ مش صح المفروض تكون قدوه ليهم
مرتضى:قدوه ولمين للي عايز يتجوز واحده زي رانيا اخرتها اني اقضي معاها ليله
داني بضيق:بابا مسمحلكش
نهلة:بس بقاا كفايه خناااق اهدو
داني:دي اختياري دي البني ادمه الوحيده اللي معايا فلو سمحتو بعد اذنكوا مش عايز مناقشه ومش عايز تحرجوني قدامها ممكن ولا صعب
چوليا:تربيتك اهي اللي بتعمله واللي عملته هيتعمل في عيالك ودا اللي مخوفني
اسماء بصت لأدهم وادهم باصص قدامه
سفيان:تعالوا انتو الأتنين نتكلم جوا
الجرس رن ونينا راحت فتحت
:اومال فين سفيان
نينا دخلت:بابا في واحده ومعاها بنت بتسأل عليك
داني ابتسم:اكيد رانيا
مشيوا وسفيان اتفاجأ بساميه ورانيا ونهلة اتصدمت وحست انها عايزة تطردها ومشهد قعادها على رجل سفيان وانها بتدلع عليه مرحش من بالها وكأنه امبارح
ساميه ابتسمت:والله زمان يا سفيان
بصت لنهلة وابتسمت بمكر:ازيك يا ام اياد
اياد واقف مش فاهم حاجه بس مرتحش لطريقه ساميه زي ميكون بتستفز نهلة
نهلة:انتي بتعملي ايه هنا
داني:دي مدام ساميه ام رانيا اعرفكوا دي رانيا وهي كان نفسها تتعرف عليكوا انا اتقدمتلها وهي وافقت ومامتها كمان...
مرتضى كان مخنوق وچوليا على اعصابها وشويه هتتخانق معاهم دخلوا وقعدو في الجو المتوتر وكل واحد في دماغه حاجه مضيقاه اياد استأذن وادهم معاه ومشي واسماء خدت نهلة ارسلان اللي الصداع هيموتها وطلعو وهما بيتكلو عليها ومش طايقين رانيا ولا مياصتها في الكلام وقعدوا يضحكوا
نينا مكنتش مرتاحه بس سفيان مقعدها جمبه وهي محرجه مش لاقيه حجه تقوم بيها
ساميه عنيها منزلتش من على سفيان:متخيلتش اننا نبقى قرايب وارجع اشوفك تاني يا سفيان بس حقيقي وحشتني
نهلة هتنفجر من الغيظ بس متمالكه اعصابها عشان داني وچوليا اللي مش متحمله لوحدها
داني:ها بقاا دي فرصه مناسبه نحدد كتب الكتاب
سفيان بصله:كتب الكتاب!!
داني:لزمته ايه التأخير منا بحبها وخير البر عاجله
رانيا ابتسمت
مرتضى همس لچوليا:سكتي ابنك اللي بيدبسنا سفيان شويه وهيعلقه
چوليا بصتله بحده وسكتت:كلامنا بعدين يا مرتضى
ساميه مش مديا تركيز لأي كلام غير لسفيان اللي ملاحظ نهلة اللي قاعده جنبه ومش ثابته وبيحاول يحتوي الموقف
سفيان:طيب احنا هنعمل فترت خطوبه ونحدد كتب الكتاب يعني شهر كدا ونعمل الخطوبه ولا انتي ايه رأيك يا مدام ساميه
ساميه:الرأي رأيك انا معنديش حاجه اقولها بعد كلامك
نهلة سمعت الكلام دا من ساميه وبصتلها بحده:اومال ابوها فين مجاش ليه
ساميه وعنيها على سفيان بردو:باباها مش عايش معانا احنا منفصلين والبركه في سفيان
مرتضى كاتم ضحكته
چوليا بصتله بضيق:يا اخي كون اب ولو مرة واحده في حياتك مش كفايه انك رامي كل حاجه على الراجل سفيان هيعمل ايه ولا ايه
مرتضى:ملكيش دعوة انتي هو صاحبي ولا صاحبك
چوليا:والله معندكش دم يا مرتضى
مرتضى سكت بضيق
ساميه مشيت وداني وصلهم لبرا
سفيان:نينا قولي لداني اللي سحب دا ميمشيش قوليله بابا عايزك
نينا راحت وشافت داني محاوط رانيا وهي متعلقه في رقبته وبيبوسها وهي اتجمدت....

داني وصل رانيا لبرا وساميه راحت عند العربيه ورانيا حاوطت رقبه داني وباسته وهو حاوطها ورانيا بصتله وابتسمت وعنيها جات وراه وللي واقفه بصالهم بصدمه
رانيا:حبيبي احنا مش هناخد راحتنا هنا انا هروح بقاا وهقابلك بعدين نسهر في اي حته
داني باسها:هتوحشيني
رانيا:وانت كمان يا حبيبي سلام
مشيت وداني ابتسم ولف شاف نينا اللي الواضح من تعبير وشها المصدومه انها شافته اتحرج وكح
نينا بخفوت وهي باصه لتحت:بابا...كان عايزك...
داني:انتي واقفه هنا من امتى
نينا بصتله بأستنكار ودخلت بدموع هي مكنتش متخيله داني كدا
چوليا شافتها:مالها نينا
سفيان شاف داني جاي وراها وشه متغير:مالها نينا؟!
داني اتوتر:معرفش اسألها
سفيان بصله بغموض وسكت وبص لفوق بأتجاه نينا
داني:قالت حضرتك عايزني
سفيان:دي اللي انت عايز تتجوزها
داني:اه
سفيان:متأكد يعني دي اللي هتبقى مراتك وام عيالك وحياتك
داني:اه
سفيان:امممم تمام خطوبتكم بعد شهر
داني ابتسم
چوليا:سفيان انت بتقول ايه دي تبقى مراته دي ولا بنات الليل يا سفيان نهلة عقلي جوزك
نهلة مصدقت انفجرت:انا مش فاهمه هو عقله فين سفيااان انت نسيت دي تبقى مين ساميه هااا ازاي توافق اننا نناسبها
داني:لو سمحتوا دا اختياري ولما هتعرفوها هتحبوها زي مبحبها
سفيان:خلاص يا داني اتكل على الله
مشي وچوليا هتتجنن
سفيان بص لمرتضى:انت ساكت معندكش حاجه تقولها
مرتضى ضحك:اقول ايه انا مش مصدق اكيد انت حاسس ان في حاجه غريبه
سفيان:مش حاسس دا انا متأكد
چوليا:وتوافق ليه على كلام الأهبل دا
سفيان:عشان الأهبل متعلق بيها اوي معرفش ايه السبب بس انا مش مرتاح لعلاقتهم بس اختياره لازم نفهموا اننا لو منعناه يرتبط بيها يا چوليا هيعند داني بيحبنا اه بس عنيد لأبعد حد مش صح انك تتحديه والا هتكبري جواه انها حلم وانه يحارب علشان يوصلها فاهمه
چوليا اقتنعت بكلام سفيان:سفيان انا هسكت بس انا ام انا مش عايزة اشوف ابني بيقع مع واحده زي دي
سفيان اتنهد:متقلقيش
مرتضى:يلا بينا بقا
چوليا:انت ملكش دعوة بيا انا هبقى هنا مع نهلة النهاردا
مرتضى:نعم!!
چوليا:زي مسمعت انا هبات هنا النهاردا
مرتضى:چوليا متختبريش صبري اكتر من كدا
چوليا:مبقتش متحمله خلاص انسى يا مرتضى اني ارجعلك فاهم
مرتضى بصلها واتعصب
سفيان:مرتضى سيبها النهاردا ونتكلم بكرا تكون هديت ونفهم ممكن ولا هتصرخ وتتعصب وهي نفس الكلام وتبوظو الدنيا وكفايه خناق قدام العيال بقاا
مرتضى مشي وچوليا عنيها عليه لحد مخرج سكتت بحزن
سفيان:چوليا اطلعي لأسماء اقعدي معاها شويه وادخلي الأوضه اللي جمبها نامي فيها
چوليا:حاضر
نهلة كانت مضايقه وجود ساميه عصبها وطريقتها مع سفيان و عنيها اللي منزلتش من على سفيان
سفيان بصلها:مش هنطلع بقاا انا تعبان ومحتاج ارتاح اليوم النهاردا كان صعب
نهلة:اه هو فعلآ كان صعب وبايخ
سفيان سحبها ف حضنه:انتي ضافرك برقبتها هي والف من عينتها متشغليش دماغك بواحده زيها
نهلة ابتسمت هي فعلآ لاحظت انه كان بيصدها
سفيان دماغه في نهلة بنته والكلام اللي عمر قاله مقلش لحد بس موجوع وحاسس انه تايه مش عارف صح ولا لا بس مش قادر يقول لنهلة وهيقولها ايه ونهلة بتقلق من اقل حاجة

من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اياد:والله معرف عجباه على ايه انا مرتحتلهاش وامها دي كمان تحس طريقتها واقفه وبارده وبعدين انا عندي سؤال افهم بس امها دي ايه معلاقتها بينا وتحسها كانت بتضايق ماما
ادهم بياكل:منا متحملتش هي مراره واحده اللي عندي وبعدين هي لعبة ف عقل داني وداني بتاع بنات اصلآ وسهل انها تلعب عليه يبني دي بتاخد منه فلوس بالهبل وجبلها عربيه مرضو لو عرف هيتجلط من تصرفه
اياد:والله قلقان من تهوره دا طب انت اتهديت لما اتجوزت هو لو اتجوز هيتجنن مع النوعيه دي
ادهم جه ف دماغه اسماء وابتسم على مناغشتها وعندها معاه

من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نهلة:مالك يا سفيان في حاجه مضيقاك
سفيان كان حاضنها ودافن رايه ف شعرها:ليه
نهلة:مش عارفه حساك متضايق
سفيان باسها:انا كويس بس كذا حاجه شغلاني
نهلة:حبيبي كله هيتحل وهيبقى كويس متشدش نفسك انت بس انا متعوده عليك دايمآ قوي
سفيان ابتسم وباس ايدها:ربنا يخليكي ليا يا قلب سفيان
نهلة ابتسمت وبتدعي كل حاجه تتحل ومفيش حاجة تضايقه
نينا مضايقه ومخنوقه وتلقائي جه ف بالها لما كانو عند النيل وبيرموا الطوب ودا خلاهي حست بالحزن اكتر لما افتكرت وجوده مع رانيا وانه مش همه ومبيفكرش اللي بيعمله دا حرام ولا حلال
رجع اياد وادهم ومل واحد راح على اوضته واياد بيفكر ف ميرا اللي بتصده واللي مش عارف ليه بيتشدلها بالسرعه دي
اسماء وقفت من على السرير وقعدت على الكنبه وهو بيغير وبصلها وقعد على السرير وهي بتلعب في تيليفونها
ادهم بصلها:اممم ايه رأيك في رانيا
اسماء بصتله:مش حباها
ادهم ضحك:قرار اجماعي
اسماء:ادهم انا مش عارفه عاجبه فيها ايه انت راجل يعني انت تتشد وتحب تتجوز النوع دا من البنات
ادهم بصلها وسرح فيها شويه وعينه ف عينها وهي فهمته سكوته دا غلط
اسماء:فهمت انت حابب كدا
ادهم:يخربيتك انتي مبتصدقي يا بنتي لا انا مبحبش النوع دا والنوع دا اخري اقضي معاه ليله
اسماء وقفت بوجع:يا ريتك مبررت
ادهم لحقها قبل متخرج وسحبها:استني بس انتي رايحه فين
اسماء:نازله انا مخنوقه بجد حاسه اتي خلاص مش عايزة حاجه من اي حد انا عايزة امشي وخلاص يا ادهم
ادهم:وتسيبيني
اسماء بصتله اووي
ادهم:احم مش عايز اقعد لوحدي...
اسماء:انت بتضايقني بكلامك
ادهم بدون مقدمات حط راسه على كتفها وهي اتفاجأت وهو سند عليها
اسماء مش عارفه تاخد ردت فعل بس حطت ايدها على ضهره
ادهم همس:اكتشفت اني برتاح وانا معاكي واكتشفت حاجه كمان
اسماء:وايه هي يا ترى
ادهم:الحلال طعمه حلو
اسماء ابتسمت
ادهم:وعارفه احلا حاجه ايه
اسماء:ايه
ادهم:ان اهلك يبقوا عارفين ان معاك واحده ف الأوضه وعادي
اسماء زأته والأبتسامه اختفت:مش قولتلك قليل الأدب وكلامك زي الزفت
ادهم ضحك وسحبها في حضنه:يا ستي قلبك ابيض

من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

:بس يا بيه سفيان شركته بقت شركات ف السنين اللي فاتت دي وولاده معاه الا واحد دا خد كل سنتين ف سنه وهو ف اخر سنه ويبقى دكتور ودا اياد ابنه الكبير والباقي هندسه معاه ونهلة بنته دي بتشتغل معاه وبيقولو روحه فيها ميقدرش يرفضلها طلب
شاكر ابتسم وهو بينطق اسمها بتلذذ:نهلة
:دي بقاا ايه حاجه تانيه كدا بيقولو شرسه بس ملكه جمال
شاكر:وامهم؟اللي تبقى مرات سفيان
:هي مبتخرجش في القصر معظم الوقت بس الموظفين بيقولو سفيان لما تتصل بيه لو في اجتماع بيخرج بيحبها بجون وهي اختارت تبقى في القصر وبتغير جدآ على سفيان لدرجه انها طردت اي خدامه وسفيان حاطت حراسه على القصر24 ساعه
شاكر:طيب الحلوة بتاعته هتبقى عندي
الراجل ضحك:انهي بقاا مكلهم حلوين اصراحه
شاكر ابتسم:نهلة سفيان ارسلان مش عايز خطئ فاهم تجيبها على ااشقه بتاعتي واياك حد ياخد خبر
:عيب عليك انا هجيبهالك لحد عندك وفوقيها بوسه
شاكر ضحك:لا انا عايزها هي وبس مؤقتا وخليلك البوسه
:بكرا اجازه بعده هتكون عندك

من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اسماء نايمه على الكنبه وادهم جاب بطانيه غطاها وثعد جمبها وهي مستغربه من كل تصرفاته هو دا ادهم بجد اللي بيتعامل معاها كدا!
ادهم باس جبينها:تصبحي على خير
اسماء:وانت من اهل لخير
ادهم ابتسم وباس ايدها
اسماء:غريبه
ادهم:ايه الغريبه
اسماء:تصرفك الغريب دا.....
ادهم ابتسم:رايق اووي صح
اسماء:تقريباً
ادهم:مش عايزك تنامي على الكنبه النهاردا
اسماء:اومال هنام فين
ادهم:على السرير
اسماء:وانت
ادهم:على السرير
اسماء:طب انصرف من هنا
ادهم ضحك:مهو انا مش هفضل سايبك نايمه هنا وبحسك مش مرتاحه
اسماء:عادي والله مرتاحه روح انت بس نام وارتاح
ادهم:بتكلم بجد قومي بقاا
اسماء بصاله مستغرباه
ادهم شالها وهي شهقت وهو ابتسم
اسماء بصاله:انت طبيعي يبني ولا تعبان ولا ايه بالظبط
ادهم ضحك:انا زي الفل
اسماء بصاله بتركيز في ملامحه وبتلقائيه ابتسمت

🌸الى اللقاء في حلقة اخرى🌸

#اشوفكوا_بكرا

عيزاكوا تتكلمو عن الحلقة ف بوست خاص ف الجروب عشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير عشان الروايه متتظلمش واي صفحه او جروب بتتنشر عليها ف الغالب بيبقى في تعديلات وشروط وحاجه متعبه ليا فأتمنى الدعم منكو💙

رابط الجروب للي لسه منضمش ينضم ويضم ناس على قد ميقدر عشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

اسئلة الحلقة:-
ساميه ناويه على ايه وتفتكرو رانيا عرفت داني صدفة؟!عمر بيخطت يعمل ايه مع نهلة عشان مرضها؟!شاكر هينجح يخطف نهلة وومكن ايه اللي يحصل؟!اسماء وادهم ايه هيحصل بينهم تفتكرو هيعترفلها بحبه؟!

اسئلة هجاوبكم عليها النهاردا بليل بأذن الله واسفه جدآ على التأخير ف الحلقة بس حصلت ظروف🌸💕