رواية من نظره واحده حبيته الفصل الثاني 2 - بقلم فيروزة

سبتهم و طلعت و الناس كلها بتبصلي اول ما ركبت عربيتي بدأت اعيط اكن وجع ٥سنين فراق طلعوا كلهم دلوقتي
روحت الفيلا و ركنت عربيتي و دخلت و انا بهبد الباب
لقت خالي قاعد و ماما و بيتوشوشوا
و اخواتي البنات الاتنين في الجنينه و اخويا الصغير معاهم قاعد
لقت ما بتبصلي
_ هبدتي الباب كده ليه
_ سيف جه هنا امتي
_ سيف
مش سيف مسافر
_ كفايه بقا كفايه كدب
جه و كان عاوز يشوفني و انتي رفضتي
صح
مردتيش شخت جامد و انا بهبد الفازه
_ صح
_ لي طيب مش كفايه الي حصل زمان
_ مش هنفتح في الي مات
_ الي حصل زمان حصل بسببكم
هاا
فاكره و لا افكرك يماما
دخل اخواتي البنات
_ في اي
_ لا مفيش حاجة بسيطه يعني
سيف جه و ماما رفضت انه يشوفني
ردت اختي الصغيره ميرا_ هو جه فعلا ي ماما
ردت بغضب و زعيق_اه جه و انا رفضت
بصتلي و هي بتوجهلي الكلام
كفايه بقا و فوقي و عيشي حياتك ٥ سنين مكانك. و بترفضي العرسان اقفلي الباب دا بقا
رديت بغضب اكبر و انا بزعق_ لا… لا مفضلتش مكاني الحمد لله و انتي عارفه كده اتعينت في مكان كويس و اشتغلت و نشرت اول روايه ليا و كونت كريتور
فا الحمد لله ناحجه
خت نفس لاني كنت بتكلم بسرعه
و اتكلمت بهدوء
_ و اه هفضل أرفض في العرسان لغايه ما اموت او ارجع لسيف
ردت بسرعه و غضب _ مفيش رجوع لسيف انسي
كملت كلامي_ لان دا الراجل الوحيد الي بحبه و حبيته و هححبه
كملت كلامي و انا بلعب بالنار _و هو نازل يردني
_ انسي
انسي ي ديالا لو اخر راجل في الدنيا مستحيل
و بعدين انتي فاكره انه لسه بيحبك
اكيد نازل يخطب
ماما طول عمرها رافضه سيف بسبب انه كان في فرق مادي و دا كان سبب انه يسبني و يسافر كان فاكر ان دا كان فراق معايا حتي بعد ما فهمته و ماما و طنط كانوا علي خلاف دايما بس عمره ما أثر على علاقتي بمامته بالعكس كانت بتعاملي اكني بنتها و اكتر
علاقتي بيها احسن من علاقتي ب ماما بمراحل اكن ربنا عوضني بيها
و فضلت علاقتنا انا و إخواته البنات و دايما علي تواصل
قاطعني صوت من ورايا
_ ما انا نازل اخطب فعلا ي حماتي عرفتي منين
قولت بخفوت_ سيف
لقت ماما بتقول _ انت بتعمل اي هنا
_جاي اخد مراتي و نروح بيتنا ي حماتي
قولت بصدمه_ نعم
ردت _ طلقتك ي سيف و اتفضل
رد يوسف اخويا _ مراته ي ماما
_ نعم
رد خالو _ مراته فعلا ي جليله
_ نعم ازاي يعني
_ كلمني علشان يردها و انا وافقت انا و يوسف و جوزك و خلاص ردها و انتهي
_ و انا مش مواقفه
لقت بابا داخل من الباب و هو بيقول_ خلاص الكلام خلص ي جليله
_ يعني اي يعني
_دي بنتي
_ و مراته و دا حقه
_ و انا مش موافقه
_ جليله خلص الكلام و بعدين الكلام دا كلام ما بين الرجاله عندك اعتراض
ماما بصلتلهم و بعدها بصتلي
و طلعت قوضتها
لقت بابا بيطبطب علي كتفي و هو بيقول _ روحي مع جوزك يلا ي ديالا
اتكلمت و انا هعيط_ انا مش فاهمه حاجه ي بابا
_ روحي مع جوزك و ارتاحي و جوزك هيفمك
_ انا مش رايحه في حته
اتكلم خالو _ يلا مع جوزك ي حبيبتي يلا الله يهديكي
لقته بيقولي _ يلا
بصتله و مشيت معاه و انا مش طيقاه و هو كل دا ساكت
طلعنا بره باب الفيلا
لقته راح نحيه العربيه و فتحلي الباب ركبت و لف ركب و دور العربيه
_ احنا رايحين فين
_ بيتنا
مش فاهمه كلمه زي دي حسستني بالأمان الي بقالي ٥ سنين مش حاسه بيه بعد ما انفصلنا
_ بيتنا ازاي و فين
_ بيتنا اي بتكلم هندي
نسيته ولا اي
_ انت مش بعته
_ لا طبعا زي ما هو و كل شهر ببعت حد ينضفه و لو عاوزه نغير حاجه براحتك ي عيوني
ومسك ايدي
شديت ايدي
زعقت فيه و انا بخبط علي التبلوه بتاع العربيه_ هو انا سلعه ترجعني وقت ما تحب و تطلقني و قت ما تحب
مش كفايه سايبني ٥ سنين مفكرتش حتي مره
مره ي قاسي تكلمني تطمن عليا
ي قاسي
قسيت امتي كده
_ انا مقستش انا اتجرحت و مقدرتش اكلمك اعمل اي يعني افضل اتزل ف الرايحه و الجايه ان مستوايا أقل و اني مش معيشك في نفس المستوى المادي
_ قولتلك مش همامني و مش فارق المهم اني معاك
بس برضو مشيت
مشيت و سبتني
لقت دموعي بتنزل لوحدها بصمت
لقته بيقولي بزعل _ انا اسف
سندت راسي علي الشباك و غمضت عيوني بهدوء
سمعت صوت تنهدته
دور العربيه و اتحركنا.