رواية من تحت سقف الشقى أخذتني الفصل الخامس والعشرون 25 - بقلم MSCprincess

  في اليوم الثانـــي


وبفيلاا الوزيـــر


طلع لدوامه كالعااادة الي تعود عليهاا ..وبامكانه يجلس لكن حبه والتزامه وصدقه للعمل يجبره يروح يشرف على كل شي بنفسه ..
ركب سيارته لكن وراى ورجع يسوق فيه السواق ..وماتجرء يسوق بعد ذاك اليوم الي انقذ فيه سديم يوم بغت تروح فيهاا ..وبعدها ماحاول ولا يبي يحاول يسووق ..

وصل فيه السايــق وفتح لـه الـباب ونـزل وهو ماشي بثقه لحتى وصل مكتبه الكــــبــير ويرتكز في مقدمه المكتب لوحه صغيره تعرف فيه بالخط الاسود العريض "الوزيـر رعد ال........"

اتكى براحه على كرسيه وهو يحس نفسه مو مرتاح ..قال للسكرتير بأستفهام:وش صار على الي قلت لك امس ؟عن السي دي؟؟
السكرتير بتطمن: السي دي ياطويــل العمر صار عندك بالدرج الي عند ايدك اليسار على طول ..مكتوب عليه "امسيتنا"
رعد ماصددق أن هالسي دي صار عنده اخيرا ..فتح الدرج وشافه أخذه وجلس يتفحصه بأيـده وعلاماات وجهه تغيرت من نكد لفرح وهو حيل مبسوط يحس كانه ملك هالدنيا دااام هالسي دي معه ..
ناظر للسكرتـير وبأبتسامه تشق القلب: كيف جبتوه؟
السكرتير بفخرر ان الوزير مستانس على الي جابه له :جبنااه بطريقتنا ياطويل العمر ..وطمن نفسك يالغالي ريان ماحس فينااا .لكن اكيد لما يدوره ماراح يلقاه ويفكر انه مضيعه !!
الوزير وهو حيل مستانس :خلاص أسمع انت والي جابوه معك ...زياده لراتبكم بقيمة*******...
السكرتير وهو مستانس من الي سواه وبغصه من الرقم الي قاله رعد:كم ياطويل العمر ..
رعد ..كان يتامل السي دي هو نفسه امسيتنا الحمد الله صار بأيدي رفع راسه للسكرتير وقال:زياده بقيمه******* شفيك؟ خلاص رووح برا بس احتاجك اناديك..
طلع السكرتير وهو يردد الرقم الي قاله رعد ..بعيشطول عمري بدون راتبي بس بهالمبلغ ..ماااااااااني مصدق الحمد الله ياارب

طلع السكرتير ورعد يتذكر احداث هالسي دي لما كان بمصر هو وريااان ضايعين بأيام المراهقه المتاخره الي جتهم وكان فيه سهراتهم كلامهم واهم في حاله سكر !! شي لو ينشاف عن رعد مايتصدق انه أهوو رعد الي بالسي دي !!

قرر يتخلص من هالسي دي ولازم يحررقه عشان يتاكد ويرتااااح ..


نزل هالسي دي بالدرج وأتكى على كرسيه براحه وغمض عيونه وتذكرهاا !!

هذا بس كم ساعه ماقدرت أتحمل بعدهاا كــيف لو طلقتهاا .... بس شلون بفكهالعد الي بيننا وسديم رافضتني كلش !!

احس صرت اسيرهااا حبيتهااا مدري أعجاب مدري شنو هالشعور الي يتراودني ناحيتهاا ...بس ماحبيها تتركني اناا حيل بحاجه لهاا حيل ... اذا تركتني سديم ممكن يأثر على نفسيتي لأني هي البلسم لجروحي لما اشوفها احس ان الدنيا بخير !! كيف بخليها تحبني كـــــــــــيف ياربــي



جلس يفكرر بحل مناسب لـه ولسديم وهو يخطط على الي بيسويـه اليوم !


(( ع فكره رعد مريض نفسي زي ماقلت لكم ..والمريض النفسي اذا فقد شي غالي عليه تدهور حالته ..زي يوم فقد امل وامه وابوه تدهورت حالته ولماا بيفقد سديم ..............!!؟؟))



::


في مــصــر



ركبوا السياره من السايق رايحين للجامعة

:::::::::::::::::::::::::::::::::::::::::


رايد وهو معصب من نجود:هذي بتغيب تفكر أنهاا بالسعوديه الغياب على كيفهااا ...أأخ بسس لو ارجعها لمدرستها بالسعودية احسن لها هذي مو وجهه دراسه هناا..
صقر.. يهديه:يارجال البنت تعبانه ..واختك مشاء الله علهيا واضح انهااا مجتهده ..لكن أكيد انها تحس بتعب وقالت بتغيب ..وانا بكلم المدير لاتخااف ..
رايد بترجي:تكفى ياصقر كلم مديرهاا يمكن يساعدها باليوم الي غابت فيه ..
صقر يغمز له:ماعليك ذول أناا مظبطهم كلهم يعرفوني ويعزوني حيل ..لاتخااف ..
رايد ..:أي والله ياليت ..."وسكت شوي وفكر "احس اني قسيت عليهاا ياصقر ..شكلها صدق تعبانه وانا هاوشتهاا الصبح.
صقر بتفكير وهو باله مو مع نجوود أبــد:والله مدرري يممكن ..
وهو يناظر للطريق:يلا رايد انزل وصلناا ...
نزلوا وكل منهم راح لمحاضرتــه بوقتهاا ..


في المحاضره وعند رايـد
كان جالس وجنبه اصدقائـة ويستمعون للشرح ..طبعا كان هالشرح ممل بالنسبه لعماد الي حضر غصب عنه وعلي ..وممتع بالنسبه لرايــد الي كل مافيه مركز مع الدكتور..

وبين طيات الهدوء و صوت الدكتور ررن جوال

الكل سسكت ويناظر لصاحبة الجوال ..الي هي ربى

كانت مسنده على ايدينها ع الطاوله ونايممه ومو يم العامل ابد ...
رن جوالهااا وصحت على صوته وعلى قرص خويتها لهاا وهي تهمس لها:ربى قوومي فشلتينا الكل يناظرلك..
رى بصوت كله نوم:همممممم مابي..

الدكتور جاء ووقف فوق راسهاا ..وصرخ عليها : ياربى ايه الفوضى دي ..
ربى قامت وهي تفرك عيونها وتتثاوب :نعم؟
الدكتور:ايه الفوضى دي ياربى نايممه وجوالك يرن في المحاضره ماتعرفي تحطيه سايلنت؟
ربى بتثائب:هاا ايه اعرف احطه ..معليشش دكتورر بس امس كنت.........
الدكتور بملل:كالعاده امس كنتي سهرانه مع صاحباتك لأمتى ياربى وانتي في الاستهتار ده؟
ربى بمواجهه:اناا مو مستهتره يادكتور عفوا يعني لاتزودها معي ..انت ماتعرفني زين لتحكم علي..

الكل كان مرااقب حوارهم الي بدى يصير لمعركه وبين هالجمهور رايد الي نااااااقد على ربى بشكل كبيرر وهالبنت ابد حركاتها جريئه كيف تتطاول وتعلي صوتها على دكتورهاا وهو كبير في السن عيب عليها ..اعرف ان البنت مميزه بحياهاا .اما هذي !! مان فهيا حيااء ...وانا وجهي اقول بغير فيها وش بغير لا اغـير هذي يبي لها تغير جذري !! كيف ببدا معهاا كيف وهي صوتهاا واصل لأخر القاعه ..

الدكتور: ....أعرف أكتر من الي بعرفوه أيه؟؟ انتي طالة ماتنفعيش تكوني بالمكان ده ..ازا عاوزه تنامي نامي في بيتك مش هنا هذا مكان تعليم ياربى ..
ربى بتطاول:عفوا عفوا .اناا اعرف وين ابي انام مو انت يالشايب تحدد واسمع كمل شرحك ولا يكثر بس..
الدكتور بنفاااذ صبر لانهاا صغيره بالنسبه له وجاهله :اسمعي يابت .. اخرجي حالاا انا مش عاوزاكي تحضري ليا أي محاضره لأخر السسنة..
ربى وهي تصفق:هههههههه الحمد الله ريحتني من وجهك ومن صوتك الي تقل مكينة شغاله ماتسكت..
الدكتور بصرااخ:اخرجي بــــــراااااااااا حالاااا وانا راح استدعي ولي أمرك ..دا ماعرف يربيكي كويس ..
ربى قاطعته:لو سمحت لاتتكلم عن ابوي وعن ترباايتي..
الدكتور بهجوم وكلام قااسي ..:لا يا ربي انتي مش متربية خاااااالص لو وحده غيرك متربية كان ماقلتش كدا عن المعلم الي أكبر منهاا .وانا عوز اشوف أبوكي الي مفلتك وتاركك في راحتك ..والي مثلك المفروض مايتركونهم لحالهم ولو أناا ابوكي كاان تبريت منكي من زمااااااااااان ..اطـــــــــــلعي برااا يافاااااااااشـــــــــــــــله

ربى بتتكلم:انــــــــتـ
قاطعها وهو يصرخ عليهاا بصوت هز الجدران والكل ارتبع من الدكتور اول مرا يشوفونه معصب لهدرحه:أطــــــــــــــــــــــــلعي برااااااااااااااااااا .."وهو يمسك طرف جاكيتها ييها تطلع برا"
نفضت ايده عنهااا وهي تخبي وراهاا دمعه حايــره تبي تنزل ..وهي تقول بنفسها ..لاتنزلين يادموعي اجلي نزولك لبعدين تكفين يادمعةلاتخونيني تكفيييين ..
اخذت كتبهاا وفي مجرد ثواني وأهـي برا القاعه ..

ركضت لاخــر الجامــعة كان فيه كرسي طويـل قدام شجره بعيد عن الانظار جلست عليه وهي تبكي وتبكي بألم وحررقه

ابــــــــوي أأأه يا ابووي يادكتور لو تدري وش انا بالنسبه لأبووي وامــي ..طلعت جوالهاا ودقت على ابوهاا ماررد ..وبعدها دقت ..ورد وواضح انه مشغوول ..ربى بصوت باكي: هلا بااباا كيفك؟
ابوها وهو مستعجل يجمع ثروته ويعد لوسه ويحرس حلاالـه:هلاا هلاا ربى ها اناا .. بخيرر بخيرر..
ربى بترجي:باااباا متى تــرجـعــو(ترجعون)
ابوهاا قاطعها ماكملت كلمتها:ربى قولي كم تبين فلوس ؟؟ كم تبين احولك يكفيك *****؟؟
ربى ونزلت دموعهاا بغزاره وعبت الجوال من دموعهاا :هاا ..بااباا انا مابــي فــلـو......س
قاطعهاا بنفس اسلوبه الي من شوي:ربى بااباا قولي وش تبين برساله اناا مشغول حيل ..وانتي بتدلعين علي... يلا بااااااااي

سكر بوجهاا
ايه سكرر!!
اناا اصلا لما ادق عليه اقوله كم ابي واسكر ..ماعودني يسولف معي ويقول انتي بخير تبين شي ..بس كم تبين فلوس ويسكر بوجهي بس بس يايبه ..ليه تسوي فيني كذا والله انا بحاجتك انت وامي ..هه اكتب لك برساله !! وش اكتب ..اكتب اني ابي حناانكم ووش كثر محتاجه لحضن امي الي اخر مرره ضميتهاا يوم كنت صغيره ...اسسمع بحنااان الام والاب بس ماجربته !! ايه ماجربته !!
يادكتور زدت علي جرح فتحت علي جروح احاول انساهاا ..هذاا ابووي ومعااملته لي هذا هو مستحيل يتغير مستحييييل .
مسحت دموعهاا لتترك مجال لنزول الاخــرى!!


..خلص وقت المحاضره وانصرفوا ..
والطلاب والطالبات يتهامسون بالكلام الي قالته ربى للدكتورو الي قاله الدكتور لربى ..

عمااد: حرااااام هالمزيووونه يهاوشها ويجرحها هالدكتورر .
علي:اففف قهرنــي
رايد بجديه: بس هي طولت لسانها عليه نسيت فضل المعلم ..قم للمعلم وفه التبجيلا كاد المعلم ان يكون رسولا....والحين بعض هالناس يفكرون لاطولوا لسانهم على معلهم يفتخرون ..اخس بسس .
علي برحمه لربى:بسس البنت مسكينه لاحضت شكلهاا كانت بتبكي؟
عماد:اييه اييه .راحت بسرعه واضح انها بكت ..
علي بتفكير:مدري ليه احـس أن هالبنت اهلهاا مو سائلين عنهاا ..
رايد بتفكيرر..معقوله ربى بكت ؟؟هه اتوقع انها استانست يوم طلعت من المحاضره ..مو تبكي ..ماظن ذيك تبكي ..بس تبي تلعب وماخذه الدنيا بس لعب وضحك ..أأخ لو هي اختي كان ربيتهاا ..بس مايصير اشوفها على خطاء واسسكت ..

عماااد:اااه واويل قلبي هالزين يزعل والله قهرر .. وينها بروح اراضيهااا ولا يستاهل احد تبكي عشانهاا..
علي :هييه انت انثبر بس خلنا نروح الكوفي يمكن نلقا لنا شي ناكله ..وسالفه ربـى خلهااا مالناا شغل ..وزي ماقال رايد هي طولت لسانها ع الدكتور ..عيب ان رجال وماقدراطول لساني عليه.
عماد:يلاا بس خلنا نمشي للكوفي ..
مشوا وبقى رايــد واقف وواضح انه يفكر..
عماد:هييه رايد بتجي معنا ولا لأ؟
رايد بتفكير:هاا لا روحوا الحين الحقكم .....بالكفتريا بتروحون صح؟
علي:ايه بندور لنا شي ناكله جعنااا ..
رايد:اوكي شوي واجيكم روحوا.
عماد :براحتك...
مشوا وهو رااح يركض بسااحه الجامعه يدورهاااااااااا


::

في قسم اخر بالجامعة

مكان عليه الا محاضرة وحده حضرهاا وطلع للبيت


صقروهو يكلم بالجوال ويتجول بالبيت :هاا خلصت أوراق الطلاق؟
:لسى بااقي ورقة مهمه وبعدها نجيب ورقة الطلاق من المحكمة توقعهااا وتطلق جنااات ..
صقر بملل:ياليل هالجنااات ماحاصل افتك منهاا الله يعافكي بسرررعه حاول تفكني منهااا واسرع بأجرائات الطلاق..اوكي؟
:ابشر استاذ صقر كل شي بيصير قــريــب ..
صقربطفش:اوكي أن شاء الله

"صحت من النوم وبتروح المطبخ تشرب مااء وشافته واقف يكلم وبأيده كوب يشرب منه ويكلم .وسمعت كل حوار مكالمته"
نجود باندهااش:يوووه طلع متزوج واناا الخبله اقوول ياحظ الي بتاخذه اثريه متزوج وبيطلق بعد ..لحوول وش فيه شبااب توه عالطلاق ..
كانت لابسه بيجامتهاا الشتويه القماش المخمل مدفيتهاا وهي محتاجه لهالدفا وخاصه انها مصخنه ..لفت بتروح شكله مطول بالمطبخ وانا كاشفه عن نفسي وحت الطرحه ماهي علي ..بس الحين مفروض انه بالجامعه ياربي وش جابه ...
سمعت صوت وقفها عن المشي ..لفت وشافت الخادمة واقفه مع صـقـر..

سكر جواله وقف يفكر ويشرب بكوب العصير الي معه ..وقف تآملاته الـخادمــه ..أندهش منها ومن لبسهاا !!!

::

بعد هالفه بالجامعه أخيراا لقاهااا جالسه على كرسي طويـل وقدام هالشجره ومنزله راسها وضامته بأيدينها وواضح الي تبكي وتفكرر !!

قررب منهاا وهو يتنحنح:أحم ..أحم..
رفعت راسها وناظرت لـه بأنكسار..أبتسمت له ورجعت..
رايد ..بادلها نفس الابتسامه الي اصطنعها بأتقان ..وهو جااء هنا عشان يغير هالبنت ..حرام انكار المنكر والي يشوف منكر لازم يغيره !! وهو بيغيرهاااااا ..
رايد:السلام عليكم ..
ربى وهي تعدل نفسها ع الكرسي :وعليكم السلام..
مشى بهدو لحتى صار قداامهااا وقال:شخبارك؟
ربى بصوت فيه بحه واضح الي كانت تبكي:بخيرر..
رايد مو عارف كيف يبدا: اأ بصراحه ياربى ..
ربى قاطعته:ادري وش بتقول ..انتي بنت مو متربيه وعيب الي سويتيه مع الدكتور ووووو..اشياء كثير .كلكم كذا بس تهاوشوني بس ولا واحد فكيم لو صدق خايف علي كان علمني الصح كلكم تهاوشوني ع الي سويه .كلللللللكم "وهي ترجع تبكي"
رايد.يحوول هذي قامت تبكي .انا بحياتي ماشفت بنت تبكي قدامي ومدري وشلون اتصرف الحين ..بس والله مسكينه الظاهر انها عشات بعيد عن أمها واهلها يوم قالت محد علمني الصح !!
رايد بهدوء وهو واقف يناظر لها بتمعن:ربى اسمعيني ..ابيك تحطين أيـدك بأيدي وتمشين معي بالي اقولك عليه وصدقيني راح ترتاحين كثيرر وتطمنين ..اوثقي فيني ربى..
رفعت راسها وعيونها حمر من كثر مابكت .وناظرت له بشك:وانت ليه تساعدني ؟
رايد:لأن بصراحه ياربى انا اشوف الكل يناظر لك ويعجب فيك كششكل اما بداخلك كلهم مايحبونك ..وانتي ياربى ماحترمتي لا معلم ولا طالب ..انتي ماحترمتي نفسك ..كيف تبينهم يحترمونك..معروف عندنا البنت بالسعودية تلبس عبايه مو كذا ..وانتي اذا لبستي واحتشمتي وتمشين بهدو بدون ماتتلفتين وتضحكين وتعلقين على هذا وذاك صدقيني الكل بيعجب فيك لشكلك وداخلك ..
ربى:وش قصدك يعني اناا مو محتشمه؟
رايد بحنيه:ربى أناا جاي ادري هنا انا واختي ..وختي الله يخليها لي لابسه العبايه والحجاب الصحيح وتدرس ولاتروح لا يمين ولايسار وانا بأيدي اوصلها للمدرسه..حتى المكياج الي تحطينه ..ماخليهاا تحطه ولاتفكر اصلا انها تلمس المكياج ددامها هناا ..
ربى احنا نعتبر بغربه كلنا سعودين ..من بلد واحد ..وانا بعتبرك زي أختي أو اصدقاء زي ماقلتي وابيك تصيرين زي أختي بكل شي مو بس أسم !!
ربى بتفكير:صدق لك اخت هنا؟
رايد بأبتسامه صادقه:ايه ..ولما تمشي بس منزله راسهاا وماترفعه ولاتحط عينها بعين احد لما أحد يناقشهاا .سواء انا او ابوي أو مديرهاا او أي رجل ..فهمتي علي؟ وش قصدي..
ربى ببرأه وبدلعها الطبيعي ومن غير اصطناع:بس انا متعوده على لبسي هذا واطلع كذا من كنت صغيره ..اناا امي مصرية ياارايد ومـلت لعادات مصر ولبسهم اكثر من السعوديه لان.........
رايد بنظره حنيه...:طيب كملي..ربى اعتبريني اخوك اوثقي فيني ..انا رجل مؤمن واخااف واغار على كل بنات ديرتي قولي ولاتخافين..؟
ربى:ااا لأن باااباا بس مشغول بشركاته واسهمة والمشكله ماعنده الا اناا واذا دقيت عليه بتطمن عنه يفكرني داقه بس عشاان المصروف الي يرسله كل شهر ..
رايد بنفسه ..والله مسكينه ..اذا الاب عمود البيت مو عندها اجل كيف هي ..:طيب وامك وينها؟
ربى بألم:كلهم بالسعوديه ..وخلوين ادرس هنا عند خوالي ..لكن انا مايعجبني جو خوالي وعايشه بفندق مع صديقتي ..
رايد وهو يناظر لساعته:الله يعين ...اسسمعي ربى لي كلاام كثيرر معك واشياء بعلمك عليها أن شاء الله .
ربى :طيب..ليه بتروح أنت؟
رايد:ايه والله أختي تعبانه بروح البيت بشوفها كيف صارت ..
ربى..:انت ترعى اختك اذا تعبانه؟
رايد بأستغراب:ايه انا اجل من؟هذي أختي وكل دنيتي وقطعه مني .
ربى:نيالهااا ."وضحكت ببرود"ههههههه
رايد:شفيك؟
ربى:تصدق يارايد ..لما امرض او اتعب محدد حولي..اكلم امي احيانااا وصوتي واضح اني تعبانه ماتسئلني شفيك !! اسكر منها وانا تعبانه ..وصديقتي الي معي بالشقة مو فاضيه لي دايم ..تروح لأهلهاا بالاجازات .. عشت وحيدده ياراايد ..واناا الي اهتم بنفسي لامرضت ..
رايد بشفقه عليهاا.:كيف تهتمين بنفسك تقدرين؟
ربى وهي تناظر لـه:لاتشفق علي ماحب هالنظرااات ..ايه عادي اهتم بنفسي شفيها واذا جت صديقتي ترعاني..المهم روح مابي أطول عليك..
رايد باهتماام ..هالبنت لاززم يوعيها قبل لايفووت الاوان .ماعندها احد هنا والمنكراات منتشررره تدعي أي احد غير واعي لعملهاا ..وهو خاف أن ربى المسكينة تروح ضحيه لبعض من هالمنكرات ..وقال لهاا:اسسمعي اليله الساعه 8 القاك بمطعم ***** اوكي؟
ربى بفرح ان رايد بيواعدها ويبي يشوفهاأ ومن غير اعتراض:أوكي ..

رايد بأبتاسمه:مع السلامه ولاتنسين اوكي؟
ربى:لا ماراح انسى ...باي..

  ناظر للبس الخادمه وهو متفاجىء


لابسه قميص نـوم قصير جدااااااااااا جدااااا ومزينه شعرها ومتمكيجه ..قربت له وحطت ايدها ع الثلاجه تبي تغرريــه !!
صقر أنفجع من هالمنظر الي يشووفه وهو متفاجىء:وش تبين؟
غمزت له وقرربت لـه :شو فيك صقر حبيبي؟ليه متوتر..
صقر..يحول يهالبلشه هذي الظاهر ناويه علي:روحي عني لاافصلك من شغلك ..
الخادمة بجرأه:تفصلني ؟لالا اتوقع انك ماراح تفصلني ..تعال ليه خايف مافي احد بس انا وأنت لحالنااا
صقر بتوترر:بعدي عني لا أرتكب فيك جريمه .
الخادمه وهي تقرب وبمشيه اغراء:شو فيك استاذ ..معقوله مافهمتني انا احبك من زماااااان وميته فيك بس أنت مو حاسس فيني ..بتعرف ..انا كنت خايفه انو نجود الي ماتتسمى تاخذك مني ..وخفت انو تعجب فيها وتتركني ....."وتغمز له"بس انت اجيت لي ع البيت برجولك ..ياحبيبي والله بحببببببببك .
صقر جديه:لا انتي ولا ذيك الي تقولني عنهاا ببالــي ..بعدي عن وجهي لا أنادي السواق يشيلك ويرميك برا بهالملابس الوسخ زيـــــك..
الخادمه وهي تقرب له ومطنشه كل تهديداته وقربت بتبوسه وتظمه ..

وها نجود الي مراقبتهم غمضت عيونهااا ..وهي خايفه من انهم يسون شي ومحتقره الخادمه كثيرر ..لكن مو كثر ماهي منقهره من صقرر..!!


دفها عنه ولف ايدها على ورااا وقال لها:انتي مفصوله من اليوم ورايح ياحقيرره .."وصررخ على السايق الي واقف عند البااب بالخارج"
جاء السايق ورماها وقال:روحي تستري يارخيصه ..وماااجابتها امها الي تغويني ياحقيرره فاهمه؟ أنقلعي براا بسررررررعه "ويناظر للسايق"وانت خذها لأأبعــد مكان ممكن ماشوفها فيه ..بسررعه شيلها عن وجهي .."ويناظر للخادمه"وانتي أطلعي برااااااااا بسرررعه..
تركهم وطلع فوق للدرج ..

نجود لما شافته بيطلع الدرج انحاشت..وهي تركض وتطيح خايفه من صقر شكله يخووف وهو معصب ..وخافت لايقول عنها تتسمع عليهم ..
اول ماسكرت بااب غرفتها وقفلته كان واقف وسمع قفلة الباااب ..وعرف أنها كانت شافت وسمعت كل شي لما سمع صوت ركضها وقفلت البااب ...

دخل غرفته ورمى بثقله ع السريرر وهو معصب من الي صاار


::




في بيت ثاني بالسعودية


كانت مشغله الاغاني على اغنية تحبهاا ومنطربــه معهااا وتردد ورا المغنية وقدامهاا كتابها فاتحته على اسااس تذاكر وهي مو يمه كلش..
طق الباااب ..قامت بسرعه طفت الاغااني وفتحت البااب وعدلت نفسها :هلاا هلاا ادم تفضل ياخووي فدديتك..
دخل أدم وقال:مشااء الله صوت الاغاني واصل لتحت والجدراان تشتكي منك يالخبله ..يعني لاتطفين الاغاني عارفين انك ماتذاكرين ..
بتول بغباء:احلللللللف تسمعون صوت الاغاني؟
ادم:والله نسمع صوت رجــف اثري بتول الغبيه مشغله الاغاني ..
بتول تحك راسهاا:يووه الحين امي تززعل ..
ادم:لا أمي راحت للصالون توهاا ومافي أحد بالبيت وقلت أشوف الهبله وش وضعهاا..
بتول:الهبله بخيرر خخخخخخخ وامي صدق .راحت الصالون الحين ؟
ادم:ايه راحت .تقول عندهاا موعد عندهم.. .
بتول:ليه واقف ع البااب ادخل خيوو..

دخل ادم وجلس على طرف السرير وهو يناظر لديكور غرفه اخته الغريب بالنسبه له وهالشي حلو بالنسبه لهاا ..:ديكور غرفتك غريب ..ومو حلوو.
بتول وهي تجلس جنبه:بالعكس احلى من غرفتك البني والبيج قددددديم خخخ..
ادم:غرفتي تحسينها صدق غرف مو غرفتك تقول غرفه بزر يعع ..
بتول:ايه خلك منهاا سولف علي طفشانه
ادم :وش تبين اسولف عليك؟
بتول:مممم مدري ..الا اقول شرايك نطلع نتعشى بمطعم جعاااااانه مرررا .
ادم:لااا
بتول:تكفى تكفى
ادم:لأاااااااااااا ..
بتول:ااف والله صديقاتي ياحظهم بخوانهم يودونهم وين مايبون ...مو خوانهم بعد الاسواقين بس انا سواق ابوي معاقبني قايل له لايوديني أي مكان ولا يفصله ..
ادم:احسسن عشان الاختبارات ذاكرري يالخبله يكفي دجه ..
بتوول:اففففف اكرره الكتب اكرهااااااااا..
ادم تذكرشي ويبي ياصل له:صديقاتك من ذول من بناته؟؟
بتول:صديقاتي الي بالسكول والي قبل امس بالعزيمه .
ادم يتظاهر بالغباء:بالعزيمه؟؟أي عزيمه؟
بتول:شفيك عزيمه الي سواها ولد عمي رعد لأبراار لقومتها بالسلامه ..
ادم :اهااااا ..طيب ؟
بتول تحمست للسوالف: صديقاتي ياحلووهم ..اول شي بنت عمي سارة وخوات زوجة رعد وبنت عمهم فللة وربي..

ادم ..شكلي قرربت ببنت :وهذولا كبررك؟صح؟
بتول:ايوه كبرري "وبحماس جابت العيد وقالت اساميهم".ابتهاااااال اسيل شوق ووحده تعرفنا عليها تو اسمهاا شهد ..بـس مو مره معهاا.
ادم بتفكير..:اهااااا وبعد؟
بتول وهي تناظر لأدم الي مركز معها:لاوالله وش رايك بعد اوصف لك شكلهم؟
ادم بنفسه ..يالييييييت عشان اعرف هالبنت وارتااااااح ياربي من هالبت يارربي كيف بوصل لهاا كييييييييف:هاا لاا لا مابي ."وبجديه" يلا ذاكررررررررري ..
وقام عنهاا وطـلـع

قفلت البااب وراه وشغلت الاغاني ورجعت ترقص

::




عــند مراام وفايــز


كانوا على هالصبح يتمشون بالزرع عند شجر الـٍسدر .. وشجر الرمااان وشجر اليمون ..
وبعض من شجر الوورد
مراام:الللللللله يجنن الجوو. بسس بررد..
فاي وهو يقررب لهاا:تعالي قربي ليه بعيده عني ؟
مراام بنرفزه:لا اولله وش اقررب لك بعد؟؟
فايز:مو تقولين برد ..تعالي اضمك يمكن تدفين ..
مرام:لأاوالله لو اجمد ماقرب لك ..بعدد عني مابي..
فايز بجرأه..سحبهااا له وضمهاا وهو يمسح على ايدهاا ويدفيهاا:شرايك بـ المزرعه حلووه صح؟
مراام:حلوه الصبح وباليل بس اما الظهر لااا..."وحاولت تبعد عنه وهو يشدها له"
فايز:شفيك تبعدين؟
مراام:اناا برردت بدخل داخل..
فايز:براحتك..انا شوي واججيك بس بشوف لي كم شغلة .
مرام:طيب..

:

دخلت داخــل وسكرت الباب وراهاا اول ماجت بتنزل جزمتهاا ..حست بشي ضربها على راسها ..حاولت تششوف وجه الي ضربها وماقدرت ولا قاومت وطاحت مغمى عليهاا بالارض

!!



::::



فــي بيت ابــو رايــد



كانوا كل وحده بغرفه متفرقين عشان يذاكرون والي مفرقهم بـ الغرف أم رايد عشان يذااكروون..
الأا سديم جالسة مع عمها وزوجتة ..
أبو رايد:والله ونورر البيت يابنتي ..
سديم:البيت منور باهله عمي .. وفيك انت ياشمعه هالبيت ..
ام رايد:ايه والله يابنتي اخيرا شفناااك لا وبتجلسين عندناا يومين والله والحلاا ..تونسيني لان البنات ياذكرن وعمك بالدوام هو ووليد ..
سديم:افاا عليك ياعمتي ولو تبيني دايم عندك عادي أجلس.
ابو رايد:هههههههه لا بس خاف الوزير يبيك؟
سديم بخجل:ههههههه ايه اروح عنده واجيكم شويات ..عادي."وحاولت تغير الموضوع" الا ومتى عرس ابتهال ووليد؟
ابو رايد بجديه:ان شاء الله بعد ماتخلص هالسنه نزفهم ..
سديم:الله يوفقهم يااارب ..
ام رايد وابو رايد:أمين..

ابو رايد:عاااد أناا تأخرت بروح الدوام ..طلعت عشان اتقهوى واريح شوي والحين برجع لهم قبل لايدقون ..تبون شي؟
سديم:لاسلامتك ..
ام رايد:الله يقويك ياسسندي..

أم رايد:واناا بروح اصلي الضحى واجلس اقرا قرأن شوي..

سديم بحب وهي تشرب قهوه:أوكــي عمتي..


بعد ماقام أم رايد وابو رايد وبعد 5 دقايق ويمكن أقل ..
كل البناااات طلعوا من غرفهم وجو عند سديم..

شوق وهي تفتح علبه التمر وتاخذ تمره وتاكلهاا:صصصبي قهووه صببي ..وربي راسي عورني من كثر ماذاكرت
اسيل:واناااااا أحس أني اشتهيت القهووه وجيت ركض من شميت ريحتها وانتي تسوينها سدوومه ..
سديم:اأأخ يالنصاباات تشتهون كل الشغل لاجت الاختباارات هااا؟
ابتهال:أي والله مدري ليه يوم فتحت الكتاب احس ان ودي اقوم اسوي لي أكله خخخخخخ
عبير:واناا بعد اشتهيت الكوفي .ورحت سويت لي كابتشينو ..
سديم:هههههههههه ومن راحوا عمي وعمتي جيتوا هااا..
شوق:افاا عليك ركـَض جينااا خخخخخ
عبيرر:بناات انا مشتهيه حلاا التشيز كيك.
ابتهال:ياسلااام تشيز كيك ونظبط جنبه فنجان قهوه تركيه على كيفك ..
اسيل:ونفتح كتبناا ونذاكر !!
شوق:اسكتي يالدافورره وش نذاكر قولي نتابع فلم ..
سديم:هههههههه عبوره صددق مشتهيه حلا؟
عبير:ايه وربي ..
سديم بتفكير:طيب مافيه بعض المقاديرولا ودي اسويه لك؟
اسيل بسررعه:طيب ليه مانروح مع السواق انا وعبير نجيب الاغراض من اقرب سوبر ماركت ونجي.
سديم ..تمووت على عبير وحيل حزنانه وكاسره خاطرها عبير بعد وفاة جراح:خلاص بس قولوا لعمتي ام رايد قبل؟ اوك؟
شوق:أوكي بنقول لها واصلين بالبقاله مع السواق ونرجع ..
سديم:طيب تماااام..حلوو..

راحوا لام رايد وترجوها يروحون ووافقت .عشان عبيرررر وماتحب تكسر خاطر عبيرر ..
وقرروا يروحوا عبير وابتهال وشوق ..واسيل راحت تـذااكــر لها كم درس على بين مايجوون ...

واول ماركبوا مع السواق

شافته وهو واقف بسيارته تحت الشجره ارتعببت وخافت عمها ولا وليد لايشوفونه ويشكوون فيهم وهذا شي كررهته وماتبيه ...تذكررت رقمه الي حطه لهاا لكن كيف تدق وام رايد ساحبه كل شي منهم جوالات لابتوبات كللله ساحبته ..وهي وده تكلمه بس عشان تهاوشــه ويبطل يلحقهااا..

وقررت أنهاا تكلمه ولازم تكلمه

:
&&

جلست سديم تررتب شووي بالبيــت تتسلى وتضيع وقت فراغهااا

وجابت المكنسه وكنست المجلس ..ومسحت الكبـت وحطت ريحه هالبخورر وجلست تطقطق بجوالهاا ...
سمعت صووت جرس البااب يــدق ..

معقوله البناات جو هالسرع!!

قاامــت تفتح لهم الـــبــااب وقالت وهي تفتحه:يووه هالسررع جيتو.
سكتت وناظرت للـي واقف قدامهاا ...كان لابس بنطلون جينز وقيص اسود جذااب وحاط النظاره بعيونه وقاال وهو يتلفت يمين يسار:ادري مستغربه من لبسي بس دخلني ..جيت عشان لحد يشوفني .
سديم وهي مفهيه فيه وبشكله الانــيق وقالت وهي تمسك ايده وتدخله وتسكر البااب:يعني يقالك كذ متنكر عشان محد يعرفك؟
رعــد وهو ينزل النظاره ويمسح على شعره:أيــه تعرفين ..الوزيـر والوزيـر وووبتصير ضجه انا في غنى عنهاا ..
طلع باقه الورد من وراه وهو يقول:أمسسكي.
سديم:؟؟؟
رعد:وورد يعني شنوو؟
سديم:وليه تقول امسكي ماتعرف تقول تفضلي افف.
رعد:يعني ماتبينهاا؟
سديم:الا أبــيهاا بسسس.
رعد.خلاص اجل امسكيهاا ..
سديم..ضحكت غصب:هههههههههههه طيب مسكتهاا ..تفضل ..
ضحك وهو يدخل للمجلس..
قامت جابت القهوه وصبت لـه وضيفته تمر ..
رعد وهو يشرب قهوه ويناظر لـهاا:حلياانـه ..
سديم بغبا:هاا؟ مين انا؟
رعد:لا الجدار..
سديم وهي تناظر للجدار...
ضحك رعد لدرجه ان الفنجان مال من ايده:ههههههههههههههه اوما تناظرين للجدار؟؟

سديم ..وهي تحس بمغص جاهاا فجئه ..مغص فضيع وماقدرت تكتم الأأهـ:أأهـ ..
رعد نزل فنجاانـه وبأهتمااام :شفيك ؟؟سلامتك من الأه؟
رفعت راسها وناظرت له وناظرت لأيده الي حطها فوق ايدهاا وقالت وهـي بتموت من الألـم:..............



انتهى