رواية من تحت سقف الشقى أخذتني الفصل التاسع والعشرون 29 - بقلم MSCprincess

في المستشفى
وصلت ابرار وساره وسئلوا عن حاله ريان وقالوا لهم انه بالعناية
ابرار من ورا قزاز العناية وهي تناظر فيه وشكله مو ريان الي تعرفة شكلة متغير كثيرر بالاجهزه الي على صدره والشاش الي ملفوف فيه راسه وايده ورجله نزلت دعوها دمووع قهر وحزن وقالت بنفسها وش الي وصلنا هنا يا ريان كنا مبسوطين بحياتنا كثير وش الي غيرنا كأننا غريبين عن بعض ..حطت ايدها على فمها تكتم فيها بكيها تبكي بصمت وبقهر وغمضت عيونها ت\كرت اجمل اللحظات الي مضوها مع بعض في اول ايام زواجهم وشهر العسل كل هالأشياء مرت ببالها مثل السراب وفتحت عيونها بسرعه لترجع للواقع وتشوف ساره جنبها تطبطب على كتفها بزعل على حال اختها وولد خالتها الي مو واضح وش بيصير بوضعه يموت يعيش الله أعلم بحاله ..
ابرار ببرود مصطنع:امشي ساره نرجع البيت ..
ساره متفاجئه من طلب أبرار: بس ماتبين تدخلين عنده؟
ابرار بقسوه:انا الحين طليقته ماهو زوجي خلاص خلينا نرجع البيت..
سكتت ساره وسوت مثل مابغت ابرار وركبوا مع السواق راجعين البيت ..

&&&&&&&

وقف عند بيت ابو رايــد وهو كله امل انه يحاول فيها ترجع اليووم ..بعد ماصلح كـل شي عـند الـِشـيخ
نــزل وهو يناظر لساعته العريضه على ايده والوقت تماااام
رفـع أيده وهو يعدل باقه الورد الاحمر وطق الباب بأيده اليسار لــكن ماطـق البااب لان سمع صووت صرخااات البنااااااات وبالاخص صرااخ ام رايــــــــــــــد

خااف وجن عليهاا من الخوف ليكون صار لهاا شي سديــم الا سديــم ..سديـــم حامـل أموت لو صار لهاا شــي..

طــق البااب بالكاااد كان يكسرره وفتح له وليد وبوجهه كل ملامح الحزن
رعد بخوف: وليد شفيييييكم وش صاير صراخ البنات واصل للباب شفييييييييييكم لاتسكت وليد لاتخوفني سديم فيها شي ؟؟؟
وليد يكلم رعد بسرعه:لااا مافيهااا شي بسس عبيرررر يارعد عبيرررر مغمى عليها بغرفتهااا اتصلنا بالاسعاف..
رعد :نادي لي سديم بشوفها او خذ لي طرريق خل البنات يتغطون بدخل اشوف وش صاير...
خذا له طريق ودخل وهو يشوف ام رايد وابو رايد يبكووون ويحاولون يصحون عبيرر وسديم جنبها تبكي عليهاا وكأنها ميته مافي أمل تصحى..
رعد يحاول يطمنهم: سديم وعمي عمتي لاتخافووون مافيها شي ان شاء الله .
ام رايد تبكي :وين مافيها شي البنت بتموووووت بتروح من ايدينا نفسي اعرف وش فيها ااااه يابنتي ياعبيررر وش صاير فييك لاتخوفينااا عليك ..

وصلت سياره الاسعاف وشالوها المستشفى والكل لحقهم بسياره ابو رايد ورعد لحقهم بسيارته مع السايق

في المستشفى

طلعت الدكتوره والكل تجمع عليها
سديم:طمنينا دكتوره اختي شفيها ؟
ام رايد:قولي لنا عبير شلونها وش الي صابها؟
الدكتوره ابتسمت تواسيهم:مافيها شي تطمنوا انهيار عصبي لكن ممكن اشوف امها؟
سديم سكتت ماتكلمت لكن ام رايد قالت:انا أمها قولي لها شفيها؟؟
سديم وابتهال واسيل ناظروا لأم رايد زوجه عمهم الي طوول عمرها حنونه معهم وقفت معاهم بكل شي بزواج سديم وطلاقها وملكة ابتهال وكل شي عوضتهم حنان الأم الي طول عمرهم فاقدينه..
سديم:انا بروح معك خالتي..
راحت سديم وام رايد مع الدكتوره

دخلوا مكتب الدكتوره وجلسوا
اتكلمت الدكتورخ بهدوء: البنت حالتها الأن زينه بس واضح انها تمر بضغط نفسي بالبيت ؟ واضح عليها القلق والتعب شفيها فسروا لي هالشي لو سمحتوا؟
ام رايد بحنان :عارفين انها تعبانه بالفتره الاخيره يادكتوره خطيبها الي كان زواجهم قريب توفى بحادث وهي تعبانه من هالشي.
الدكتوره بزعل:الله يكون بعونها بس لازم تهتمون فيها وتطلعونها من الحزن الي هي فيه ضروري ولا بتسوء حالتها أكثر وانا الحين بكتب لها علاج لازم تستمر عليه عشان تتحسن والباقي على الله واهتموا فيها انتوا لحتى تتحسن والحين تقدرون تاخذونها البيت *وعطتهم ورقه العلاجات * ..
ام رايد:أن شاءالله يا دكتوره يعطيك العافيه ..
ابتسمت لها وطلعت هي وسديم معهم ورقه العلاجات صرفتها من الصيدليه وراحوا للكل الي كانو بغرفه سديم معدا رعد الي كان جالس برا ع كراسي الانتظار ومعه حارسه الشخصي..

راحت له سديم وام رايد دخلت عند عبير
رعد ابتسم لها من شافها:الحمدالله على سلامتها وماتشوف شر..
سديم بهدوء:الله يسلمك ..
رعد :الوضع عندكم مايسمح انو نتكلم وترجعين للبيت أخليك الحين مع خواتك وبكرا أجي..
سديم: رعد..
رعد بشوق: لبيه؟
سديم بحب غير واضح:لاتجي بكرا
رعد بخوف:ليه ياسديم ماتبين ترجعين لي يعني؟
سديم ابتسمت :لا بس انا بجي البيت ارسلي السواق لما اتصل واقولك ..
رعد:لا انا بجي بنفسي اخذك لبيتك معززه مكرمه ..
سديم:لايارعد ان تعبان ارتاح انا بجي وبس اتطمن على عبير ارتب غراضي واجي ..
رعد بحب:الله لايحرمني منك تخافين علي؟
سديم بكذب: لاا بس ماله داعي جيتك .
رعد:ههههه شلون ماله داعي المعروف ان الرجال هو الي يرجع المره لازعلها .
سديم بقوه: وانت دايم تزعلني بس هالمره الفرق أنك طلقتني يعني؟
ابتسم لها بحزن وقال:اعوذ بالله من الشيطان لحظه غضب ..
سكتت ونزلت راسها وقالت:عن أذنك ..
رعد: لاتطولين علي يا سديم انتظرك بكرا..
سكتت وراحت وهوو رجع لسيارته وركب ورا واتجه لبيته..

&&&&&&&&&&&&&&&&&&&&

في مصر
طلع لها رايد لغرفتها وشافها مثل ماتركها زعلانه وعيونها منتفخه من كثر البكي :لمتى بتظلين كذا؟
نجوود:لحتى تلغى فكره هالزواج..
رايد:نجود لمصلحتك هالزواج صدقيني..وع العموم في ضيفه تستناك تحت ..
نجود استغربت مين الي يستناني اصلا ماعرف احد هينا؟
رايد كمل كلامه : هذي معي بالجامعه مجرد زميله لا أكثر وهي سعودية وحابه تتعرف عليك ...
نجود على راسها ميه علامه استفهام :شلون مجرد زميله رايد قل لي مين هالبنت ..
رايد حس انه بلش فيها وقال :قلت لك مجرد زميله وخلاص انزلي عندها لها ساعه تستناك تراها طيبه حيل وانتي راح تحبينها أكيد ..ووانا الحين بطلع من صقر وانتوا خذوا راحتكم ..

نجود اكتفت انها تقوم للحمام اعزكم الله بعد ماطلع رايد ..ولبست وزينت وجهها بقلوس ومسكره وبخت من عطرها لبست بنطلون أسود وبلوزه لونها تيفاني ماسكه طويله شكلها مره جميل ..

نزلت وهي متوتره من هالضيفه الي ماتعرف حتى اسمهاا ..
وقفت قدامها هي تمد ايدها تصافحها وابتسمت :السلام عليكم ..انا نجود..
قامت ربى بأحترام وبادلتها السلام وجلسوا:وانا ربى ..
نجود بهدوء:اهلين ربى تشرفت والله ..
ربى متوتره وحاسه ا ن الي سوته غلط بجيتها بس خلاص دامها جت لازم تتعرف على نجود ويتقربون لبعض: اممم انا سمعت عنك من رايد وحبيتا تعرف عليك ..
نجود مستغربه من اخوها .. مشاءالله يارايد على طول كونت صداقه
كملت ربى كلامها بنفس النبره الهاديه: علاقتي انا ورايد مجرد زملاء دراسه لا أكثر صدقيني ..لاتاخذين فكره غلط ..وانا هنا متغربه لحالي وعشان كذا حبيتا تعرف عليك منها صير صداقات ونملي وقت فراغنا نطلع السوق ونتمشى وراح اعرفك على مصر أكثر ..لأني اعرفها مكان مكان حافضتها ..وراح أخذك اماكن ماشفتيها بحياتك بمصر .. واتمنى لاتضيقين خلقك وواضح أنك ملانه من الغربه ..وانا راح اعزك مثل اختي لأن ماعندي خوات .."وكملت وهي منحرجه" واتمنى أنو تقبلين بهالشي ..
نجود حست بالراحه من كلامها وابتسمت لها غصب رغم الضيق الي بداخلها":وانا أتمنى أنك تعتبريني صدق أختك "ورجعت ضهرها لوراء الكرسي تسنده" انا صدق مليت بهالغربه .ومن كلامك ياربى ارتحت "وابتسسمت لها بحب" وانتي صدق طيبه وتدخلين القلب ...
ربى ارتاحت من رده فعل نجود وقالت :أكييد لي الشرف الله انك اختي..
ابتسمت لها نجود ووقفت:اسسفه نسيت اضيفك شنو تشربين قهوه ولا عصير؟
ربى :افضل القهوه
نجود:ساده ولا وسط ؟
ربى بمرح:ساده ومرررره.
نجود:هههههههه ابشرري ..
راحت للمطبخ تسوي القهوه وربى رفعت جوالها الأ ووشافت كوم رسايل من رايد يتطمن وش صار معهم .. ارسلت له رساله كتبت فيها: لاتخاف الوضع كله طبيعي ونجود ارتااحت لي ^_^..
&&&&&&&&&&&&&&&&&&&&&&&&
في اليوم الثاني عند عبير بالبيت الكل عندها ومرام بعدد جت لهاا
كانوا متجمعين كلهم بالمجلس وبالوسط الشاي والقهوه والعصيرات والحلا بانواعه والكاتوو بمناسبه قومت عبير بالسلامه
مرام مبسوطه من عبير:الف حمدالله ع السلامه عبير والله خوفتينا علييك ..
أم رايد الي وعدت نفسها انها تسعد عبير وتطلعها من هالحزن الي هي فيه :أي والله يابنتي خوفتينا عليك اذا انتي صار لك شي انا وش يصير لي بعدك يابنتي ؟؟
عبير ابتسمت لأم رايد بحزن وهي تضمهاا وحاطه راسها على كتف أم رايد:الله لايحرمني منك ياخالتي انا عشانك بحاول أني ارجع زي قبل انتي ماقصرتي معنا أبد والله يشهد على كلامي..
سديم تاثرت بكلام أختها الصحيح ام رايد ماقصرت معهم وكانت كل ماتشتري شي لبناتها تجيب لنا معهم وماحسستنا ابدن بالنقص:خلاص عاد عبير لاترجعين تبكين حنا الحين متجمعين ومبسوطين مابي أي شي يغير علينا فرحتنا..
شوق:أي والله ياعبورر خلاص استانسو دامنا متجمعين لكن موناقصنا الأ نجود..
أم رايد الي عرفت بموضوع خطبه صقر لنجود من رايد ورحبت بهالشي :ان شاءالله بيجون كلهم بعرس ابتهال ووليد ..
اسيل:واااااااوو وناسه اخيرااا بنشوفهم والله اشتقت لهم..
سديم:أي والله زمان عنهم ماتعودنا على بعد نجود حياتي هي وش مسويه بهالغربه .؟
ام رايد:ماعليها مبسوطه تقول انها تعودت..
سديم:اشوى الحمد الله ..
&&&&&&&&&&&&&&&&&&&&&&&&&&&

في بيت رعد
كانت ابرار جالسه بالصاله هي وساره وام ريان
دخل عليهم رعد وهي بكامل صحته وعافيته ابتسمت له ساره مبسوطه من رعد الي باين عليه الفرح ..
رعد:السلام عليكم اخباركم ؟
ابرار :الحمدالله ..
ساره:بخير ياخوي انت شلونك؟
رعد :الحمدالله دامكم بخير..."وناظر لخالته اخذ ايده يبوسها"وانتي يالغاليه شلونك طمنيني عنك.؟
الخاله بضيق:بخير ياولدي.
رعد بخوف:لالا ياخالتي باين فيك شي قولي لي "وناظر لخواته"خالتي شفيها؟؟
ساره بهمس:ريان صار له حادث وهو بالعنايه الحين وخالتي عشان كذا متضايقه..
رعد انصدم من الي سمعه صحيح كان في عداوه عشان طلاق ابرار من ريان لكن ماينسى أنه كان اخو زوجته أمل الله يرحمها وكان بين ريان ورعد صداقه من قبل ..مسك ايد خالته وباسها مره ثانيه :خالتي لاتزعلين انا بروح بنفسي المستشفى الحين اتطمن على ريان مهما كان هذا ولدك وريان بحسبه أخوي ..
الخاله بحب لرعد:طول عمرك اصيل وتعرف الواجب ياولدي وماراح انسى لك الي سويته معي طول عمري "ونزلت دموعها"
رعد:انتي يالغاليه الي ربيتينا ودعائك لي هو سبب توفيقي ونجاحي من بعد الله ..انتي ماقصرتي معي لا انا ولا خواتي وحتى صقر كلنا انتي كنتي لنا الام بحنانك "وباس راسها" واقال الله يخليك لنا يالغاليه ...
وقف وقال:عن اذنكم بروح المستشفى الحين وناظر لخواته:بتجي سديم اليله ولا اوصيكم يابنات قولوا للخدم يضبطون سفره العشاء وابي كل انواع الاكل الي تحبه سديم يسونه ..
ابراربحب:ابشر ياخوي انا بنفسي راح اشرف ع التحضيرات عشان رجعه سديم ..الله يوفقكم ياارب ويقر عيونكم بولدكم أميــــن..
ابتسم رعد بفرح على كلام اخته وقال:الله يخليكم لي يارب ولايحرمني منكم.. يلا الحين عن أذنكم ...

&&&&&&&&&&&&&&&&&&&&&&&&&&&&&&&&&&&&&&&&&&&

طلع واتجه للمستشفى مع سواقه
نزل من سيارته الفخمه بعد مافتح له السواق الباب ابتسم له ولبس نظارته اتجه للداخل..
راح لمدير المستشفى وسلم عليه
المدير:اهلا استاذ رعد نوررت المكتب ..
رعد ياهلا فيك .
المدير برحابه صدر:تفضل بأيش اخدمك ؟؟
رعد:ولد خالتي صار عليه حادث قبل يومين وبستفسر على حالته ..
المدير:وشسمه؟
رعد بهدوء:ريان اال............
المديرمسك تليفون الي جنبه رفع السماعه وضغط على رقم يستدعي السكرتير :دقيقه اشوف .
ثواني وجا السكرتير ..
المدير: قبل يومين صلت حاله عن ريان ال.... تعرض لحادث سير ..كيف وضعه الحين؟
السكرتير باسف :طلع من العنايه اليوم الصبح ولكن الأطباء قالو انه راح يبقى مقعد ع الكرسي ماعاد يقدر يمشي للأسف..
رعد ناظر للسكرتير بذهول مصدوووم معقوله ريااان كذا يصير فيه هذي اخرته!!!
المدير للسكرتير:شكرا يعطيك العافيه ...تقدر تروح الحين

ناظر المدير لرعد وقال:مثل ماسمعت للأسف هذي حالته ..
رعد:طيب متى يقدر يطلع من المستشفى ؟
المدير: دامه طلع من العنايه فهو تعدا مرحله الخطر يعني بأذن الله اليوم ولا بكرا تقدرون تاخذونه البيت .. بس الافضل بكرا عشان نتطمن اليوم على حالته أكثر..
رعد وقف ومد ايده يصافح المدير : شكرا ماقصررت ..وبأذن الله بكرا بنجي نطلعه ..
المدير بادله السلام وابتسم له: العفو وهذا واجبناا..

&&&&&&&&&&&&&&&&&&&&&&&&

في اليل

رجعت للبيت من عند عبير والبنات وفتحت الباب بمفتاحها الخاص الانوار هاديه بكل البيت الا المجلس الداخي انواره كانت شغاله كانت بتسويها مفاجئه له لكن سمعته يكلم والفضول استدعى انها توقف تسمع الحوار الي كان بين فايز والمتصل..
فايز:طيب ان شاءالله ياعمي ابو منصور ..كل شي يصير زي مانبي مرام ابشررك أحسن زوجه وماتقصر لا بطبخ ولا تنظيف وكل شي وتعدوت على البيت الي هي فيه ...بيتي ؟ ادري ياعمي ان بيتي افخم من هالبيت بميه مره"وقعد يناظر لسقف البيت بملل" ان شاءالله انا هاليومين بصارح مرام عني وحقيقه شغلي ...لاتخاف ياعمي رده فعلها اكيد بتفرح لأني مو فقير مثل ماكانت تقول عني ... عاارف ياعمي انك خايف عليها ..ومرام فعلا الحين تغيرت وحسيت انها تبيني مو مثل قبل رافضتني عشان وضعي المادي "ووقف فايز الا وشافها بوجهه وقال:خلاص عمي اكلمك بعدين..
سكر وناظر لمرام بتوتر:انتي من متى واقفه هنا؟؟
مرام مصدووومه:من قلت له ياعمي ابو منصور .."وقالت بحيره"فايز انت مين بالظبط قوووولي؟؟؟"وصارت تصارخ"قووولي انت ميييين لاتخدعني اكثرر انا سمعت كل شي انت وابوووي متفقين علي ليششششش؟؟؟؟ ليش تكذب علي ليش يافايز انا حبيتك وسلمت لك قلبي وبالنهايه تكذب علي بكل بساااطه؟؟؟ كيف قلبك هان عليك "وقربت له وهي تضربه على صدره"كييييييييييف طاوعك قلبي مستمر بكذبك لهالحين كييييييييف المزرعه "ناظرت للبيت بحيره وهي تبكي وقالت "وهالبيت كله عشان ايششش قووووووولي؟؟؟؟؟
فايز بهدوء مصطنع بأنقان وشال ايديها الي تضرب صدرره
:مراااام بسس يكفي ..."وعطاها ظهره وقال" اييه انا مو فايز الفقير زي ماكنتي تقولين عني انتي وأمك .. مع أن الفقر مو عيب ابدن مو عيييب وانا صاحب شركات ومحلات ال......... اكيد سمعتي عنها لكن مع ذلك قدرت اعيش بهالبيت البسيط الي يجي كبر ملحق من بيتي الحقيقي ّ!! وقدرت انا فايز ال.... اني اروح المزرعه وقعد بين حلالي الي احبه والي كنتي تقرفين منه !! ..أنا حبيتك من شفتك أول مره بالشاليه بالصدفه !! واابوك المسكين لا انتي ولا أخوك اسعدتوه بغروركم وتكبركم ع الناس ؟ غرورك تعب ابوك منك شكا لي لأن بيننا شراكه طويله وصحبه من العمل..و انا على طول عرضت الزواج منك وابوك وافق لأنه على ثقه اني بعدل غرورك وطبعك الي تعب ابوك منه ..ولما قلت له لاتخبر مرام عن وضعي المادي قلها اني موضف بسيط براتب عادي جدا ..ووافق على طول ...انا اعز ابوك يامرام بحسبه ابوي وانتي واخوك منصور ماقدرتوا تعطونه ربع الي عطاكم ياه طول عمره ..ابوك مافي زيه يامرام وانا وهو سوينا هالشي لمصلحتك ...
مرام حاسه بقهر وحزن من كلامه: بس في طرق كثيررره مو هالطريقه يافايز ؟؟
فايز بثقل:بس هالطرريقه نفعت كثيرر معك يامرام انتي شوفي نفسك بأول زواجا والحين تغيرتي للأحسن كثيرر. لدرجه اني مليت منك بأول زواجنا وكنت افكر اطلقك او اتزوج عليك بس صبرت لأني وعدت ابوك وفعلا تغيرتي ..
مرام اكتفت انها تبكي وطلعت لغرفتها وسكرت الباب ..
فايز بنفسه :راح تفكرين وتعرفين ان هالشي لمصلحتك يامرام ...
راح لها لغرفتها وقال:جهزي اغراضنا الاساسيه بنرجع لبيتنا الحقيقي..
ناظرت له وقالت:مابي اروح مكان خلني هنا .
ابتسم لها وقال:يعني مقتنعه بهالبيت؟
مرام:هبيت فيه ذكريات حلوه يافايز صحيح انه مره صغيرر بس قيمته بقلبي كبيرره ..
مسح بيده على خدها وقال:شفتي انك تغيرتي كثيرر يامرام هذي زوجتي الي كنت اتمناها من زمان تحب الأشياء لقيمتها مو لشكلها ..
ابتسمت له وهي تمسح دموعها بكفها :فايز انا مو مصدقه انك غني ؟
فايز بهدوء:ليش؟
مرام بخجل:لأنك مررره متواضع ولبسك وسيارتك كله عادي مو شي فخم وغالي؟
فايز :لأن الغنى يامرام غنى النفس مو غنى المال انا نفسي غنيه عن كل شي صحيح بيتي فخم واقدر اجيب سياره افخم من الي برا بس هذا كله ماله داعي عندي الأهم اني مشي حالي الحمدالله وتعلمت من جدي التواضع لأن الانسان يكون غني بتواضعه واخلاقه مو بشكله ..فهمتي علي؟
ابتسمت له مرام وضمته:فايز الله لايحرمني منك ومن تفكيرك انا فخوره بك من جد الله لايحرمني منك..
ابتسم لها وقال:ولا منك يالغاليه .."تركها ووقف"يلا حبيبتي قومي جهزي غراضنا بنروح لبيتنا ..
ابتسمت له وقامت :طيب نص ساعه واكون جاهزه ..

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&

في مصر

عن صقر ورايد

صقر: الحمدالله انها وافقت يارايد كنت متوقع الرفض؟
رايد :ليش ترفضك ياصقر انت مافي مثلك ..ولا في سبب للرفض.

سكت صقر وتذكر موافقه مع نجود وابتسم وهو قرر يعيش حياه جديده ويفتح صفحه بدايه حياته مع نجود وبيسوي المستحيل عشان يستمر هالزواج...
رايد:بنرجع للسعوديه اسبوع نحضر زواج اخوي وليد وتملك انت ونجود ..
تنهد صقر وقال:أكيد اشتقت للأهل بالسعودية ..
رايد ابتسم بحيره:وانا بعد اشتقت للكل ..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&

عند نجود نظفت المكان وشالت فناجين القهوه تغسلهم وترجعهم مكانهم بعد ماراحت ربى تنهدت براحه وقالت :يالله هالبنت شكثر حبيتهاا احس انها تحب رايد أخوي بس هو عادي ..مم لازم اكشف شفيه بينهم بالظبط مو معقوول البنت تجنن ياليت تصير من نصيب اخوووي ...

طلعت غرفتها وتوضت وصلت
وجلست على سجادتها تستغفر وتذكر ربها...دق الباب وكان رايد واستأذن رايد للدخول ..
قامت نجود ولفت سجادتها وجلست :تفضل رايد بس متى جيت؟
رايد :من شوي جينا انا وصقر..
نجود سكتت:....................
رايد بحيره:نجود شلون شفتي ربى؟
نجود تحمست تسولف عنها:بصراحه يارايد طيبه حيييل واحسها مسكينه ..
رايد بخوف:ليش؟
نجود سرحت وهي تتكلم عن ربى:قالت لي عن امها وابوها محد مهتم فيها الأ خالها الي هنا بمصر ..احسها وحيده ومحتاجه احد يكون معها..
تنهد رايد وهو بعد يفكر بحال ربى :الله يعينهااهذي الدنيا وش تسوي ..لكن ماقلت لك انها طيبه هي معي بالجامعه وبنفس الكلاس انسانه محترمه مشاءالله عليها..
نجود:أي والله الله يوفقها..الأ بكرا عزمتني نطلع السينما وبعده ملاهي ..
رايد بحب:مشاءالله هالسرع بتطلعون؟ امداكم تعرفتوا؟
نجود: هي تقول بتمشيني بمصر وتعرفني الاماكن الحلوه والله تحمست..
ابتسم رايد لها وقال:روحوا بس انا لازم معكم اخاف عليكم..انتم بنات لحالكم..
نجود:اوكي عادي بس لاتجيب صقرر بس انت ؟؟
ابتسم رايد بمرح:هههههههه ماتبين زوجك المستقبلي معنا؟
كشرت نجود:انا مابي اتزوج تكفى يارايد؟؟
رايد:خلاص يانجود سكري الموضوع انا كلمت امي وابوي عن صقر وبنرجع السعوديه بعد يومين وبنقعد اسبوع عشان نحضر عرس وليد وتملكين انتي وصقر.. ياختي كل بنت مصيرها الزواج وصقر شاريك ويبيك صدقيني وانا لو ماعرفه زين كان ماخليتك تتزوجينه..
نجود سسكتت مستسلمه لمصيرها :خلاص ياخوي الي تشوفونه بس انا رفضي ان السبب بكمل دراستي واحس الزواج بيمنعني اني اكمل..
رايد :لا ياختي كثيرر بنات متزوجين ويدرسون عادي مافيها شي الواحد يكافح بهالحياه ويتعب ليوصل هدفه وصقر متعلم ويحب العلم بيخليك تكملين وبيشجعك لتوصلين لهدفك هو قالي بهالشي .."باس راسها وقال:حبيبتي خيتي استخيري قبل لاترفضين ماتدرين وين الخيره لك؟!!
اما نجود ساكته وتفكر بكلامه....

&&&&&&&&&&&&&&&&&&&&&



يـــــتــــبع البارت الأخــــيــــر