منطقه13
#بارت٣٨
#مريم_السعدي
مليكه-
عابس اقره هاي الكلمه
هاااي بله بله ها. وتهجاها
لكن -- يعني قروانه -- نجانه معجانه. شيسمو هذا مال حمام ها طشت. هاي شنو معقوله بالقران الله يكتب هيج. متوقعتها منه
اقره زززين عاابس صيحت وخزرته
اااااي هي هاي ل. وك. ون. نطبكهن صفك اي بايد وتصير لكن
خرب بالحظ عابس هاي لكننن يعني. بس بلهجتنا
هاااااا
ايييي
زين وين الآ هاي وينها
هيانها باوع صغيرونه هاي خط القران
بعد عيني ابو حاتم. هي آ. ما يكتبها هو الكتاب شكبرو نزلو مالحك يكتب هاي.
عااابس كعدت على ركبي. كباله ولصمت حلكه
اش اش
وهو خربان ضحك.
ويحجي واني صامه حلكه
هلكداتا وين اشوفا.
خزرته خربانه ضحك
لتحجي اش اش
سكتتتت
واني كعدت عدل ولزمتني الضحكه وهو يدردم.
واللا شعرفني نوبا صغيرا نوبا نوبا شكبرا
ومكدرت بعد نزل راسي خربانه ضحك
كفخني على راسي
دكومي لللج ناصبه عليا من خرب حضي هم واللا ماعاد ادرس
لالا ههه بس ضحكني اللكن
اي شمعرفني هوا حتى للجن سوالهم. سوره
استغفررر اللله
عابببس كلت من بين سنوني وهجمت علي خنكته وهو يضحك هناك سمع صوت
اشرلي
لج اش لش سكتنا وضل يتصنت صافن عالسكف مبتسم وباوعلي همس،راحو
يله نرجع
لايابا خلص قريت نص ورقا مو متفقين
اهو مكتبت الحروف عابس شلعت كلبي. يممه
اي شجاريلج. ياعيني قابل حصير دكتور
المهم تعرف تقره وتكتب
لزم الدفتر والجكاره بيده جر نفس همس
هذا الاعوج. لل. مو
ايي لام مو لل
نفس الشي
لام عابس لام
اااااي معودااا
وجر نفس ضيق عينه ورفع تك حاجب
باوعلي وشوفلي الدفتر
اهوو عالخط اكتب
هوا الخط اعوج. و شمر. الدفتر
ينعل التعليم من يوما
اوكف
ماااااوكف رايح اختتنكت
كيفك.
لاتبرطمين بوزج
لا هاهي باجر
وطلع عينه عالتلفون كعد بالحديقه وافتر بره بالبستان واني كملت الغده. كمت اطبخ تمن هالسوالف بس يعني موذاك الطبخ وهو المكرود ياكل. ويسكت
علاقتنا. طوخت كام يسالني عن عيشتنا حجيتله عن القصص الجان يحجيها بابا الي وايام الحرب وفاه ماما مواقف تخنكني عبرتي. وهو تدمع عينه ويتلمس بشعري
يصبرني بكلمه اخوج يتانيج وتشوفين ابوج واهلج. بي
حجالي هواي عن طفولته بهدوء نوبات يبتسم ويصفن وحجه عن الهودج.
كال
صاحبي حيل صار
اخو خيته وسبع حيل كبر بعيني لمن دافع عن عرضه. هوا واخوتا
زين هوليش قتل الامريكان
هودج جان يشتغل بكاع. مهندس وشاف مره الامريكان ضربو فلاح. متحملت غيرته وتقاوا وياهم ماكدرلهم.
الاشوي ويضربو يقتلو لو يسحلو للسجن
ووكدر يفلت الفلاح خذو. وسال عنه بعد فتره كالو اخذو للسجن ومتعذب لون مامات
تخبل
اخوتا للفلاح تجندو ويضربون بالامريكان لمن تفوت رتلات
والاغبر غيرته خذتا ودخل بينهم
شوي شوي اخو وياه. على انه ذولي احتلال موانت مثقف وواصل تعبان على روحك شوداك لهالدرب الاعوج
عاد اندكت صورتا. ولكفته خاتل بالبستان اللي برا المنطقه
حسبالي علينا توني اعصر ا حتى يحجي وخرطهن
كالي
انه ابن بلدك انه حاربت الاحتلال
بقيت صافن عليه عاد حجالي شون تهجمو علي وعالفلاح. الفقير كتلا رد لاهلك حتى موصلت خبر للمنذر كالي مدكوك طابع ماعدي مكان اروحلا
كتلا هنا عصابه معود
وضل يتصفن اراقبا من السطوح باقي بمكانا هوا واخو خاتلين يوم يومين فد من مي الخابط يشربون اكل ماياكلون
تالي كمت ادزلهم بيد الولد المنذر ببكته جان مسافر وموكلني اعمالا
من خلال مراقبتي عرفتا صدك مهزوم ودخلتا المنطقه شرحتله كال
مالي دخل بشغلكم بس لفينا لبينما. تفك سالفتنا
صار عالحراسه. وي الولد شوي تداهرو وياه اذو لان لايشرب لايكبسل ويصللي هو واخو
صبحووعزو حيل جلبولهم
وحركوهم كدام المنذر بس المنذر واثق بيه وسكت ماتعربن
اجتالي بعد ماصفيت المنذر لزمتهم الحراسه وهيلا اليكرب منهم
ماكانو يشاركونا عملياتنا ابد لاخطف لا سلاح بس حراسه
واهلهم ندزلهم رواتبهم ويبقى عندهم شي قليل ماكانو يصرفون وميت موت يريد يرد لاهلا تندم حيل جان يتوسل على صوره لابنا لو صوت
اهلا ماعرفو بي عايش كل الوصلتا لهم عن طريق الادزا انهم مشغلين فلوسهم وجاي يجيهم وارد منها
نوير من مات. حيل تاذي الهودج وامن اخذ ثاره ياله كدر ينام
لتذكرني عفيه
ابتسم باوعلي
خزرته انت حتى دمام كتلته
مريض مليكا يتوجع
كالها بتوسل وميل راسه
شون طاك كلبك
وجعه اكبر من ان يتحملا خلصتا. ريحتا
يعني اذا شفتي اتمنى الموت تكتلني. وتخلصني
فك عينه وعدل راسه همس بس
لا كلي
هاي شبييج بسس سكتي
وعافني وكام طلع يدخن بره واني تمددت انام
يومين حجيه ثكل وياي حتى ميقره
اخر شي ضجت
كاعد ديكلب بالتلفون وكعدت بصفه جتفي بصف جتفه باوعلي رافع تك حاجب همس
كومي من عدي
ماه كلتها واباوع كبل ماباوعله
اكولج وخري من عدي
اي ماه ماه. كلتها وبرطمت اختنكت وغطيت وجهي
جر راسي راسن يضحك ويكفش بشعري
ام دميعه. ام وجه اليعوي
اييي وخر وخر شعري
شاله كله ليفوك انجرت عيني ودار وجهي عليه باوعلي يبتسم بخبث
هسا يلا بين وجهج لاتبجين نحيسه
اني مونحسه انت المتتحمل شقه
لا موهيج بس غثيتيني
شصار هسا شكلت لو كول تريد تتهزم كسولي
كلتها وخزرته باتهام
ضحك بصوت عالي وجر راسي. عضني ويكزكز يهمس،لج شون وياج شووووون.
اخ اخخ. وخر اكو واحد يعض من الراس اخ يابه خرب وكمت اضرب بي لميت شفتي وهوويضحك
ولج كزكزت والله. هههه راسج مدعبل جنا طوبا
وانت شونك اكرع
منوين اكرع اني اخففا
اثر ضرباتي انصبغ زنده احمر
عزه باع ايديك
ايدج ثكيلا . ولج
وباوعلي. يتوسل الشفقه ويفرك بيها
اسفه بس انت البديت صيحت. اضحك
ضحك عفته وكمت
لوينن رايحه
لاحديقه اختنكت
اطلعج تطلعين برا
لا خاف عيب دنيا ليل
لاالبارحه طلعت شعليهم منا امشي حتى اجيب جكاير
شون اكو محل
لا بالماطور مالت الموذن
عزه واصعد وياك
لا من ارد ارجعج اروح
اوك
لبست وطلعنا بقينا نفتر بالبستان شفنا كم شخص شالو اديهم يسلمون شافوني نصو وراحو
كمريه تخبل رغم البستان جول بس حشيشه حلوه وريحه الطين
تعاي هنا اكو شجره. مالت برتقال حيل حلوا طعمها عسل
مشينا وصلنالها وكطع نطاني وره مفشكها
اكلت وغمضت عيني
الله عبالك مال منطقه من جنتو تجيبو
ههههه ايام الخير والهبيط الزين
حجيتله اول مجيت وشون اكلت بقه صافن ضيق عينه همس
هاي مرت عمج مالت حرك
اي والله
كعدنا بالكع وهو يتلفت
كال،اليشوفنا مايكول. رجال وحرمته راسن يكصنا
باوعتله وهو يتلفت باوعلي وانتبه لحجيه جر نفس وهز راسه
يجي يوم تكولين اييي خلصت من سود الايام
نصيت راسي
لاماكول
مافيدج فد نوب. خلي كليبج بقوطيه
باوعتله تنساني من اروح لخويه
ابتسم ودار وجهه هز راسه المهم ترتاحين وتخلصين المهم تعيشين
زين بعد ماشوفك
باوعلي راسن ذبلت عينه ورجع دار وجهه همس
بيننا ذكريات حلوا تذكريني بخير
هزيت راسي دمعت عيني همس
اوديج ويتلفت
اي اوك
راسن رجعني وراح يجيب جكاير جاب ويا حلويات قرب النستله من وجهي واني ناطيته ضهري ونايمه
فتحت عيني توني اجرها ووخرها ابتعدكمت ركضت وراه. طيني حباب صار كومه مماكله
هههه صالحتيني فدنوب
اي
ومنويكول
ابوس ايدك تريد
اباوعله ضمها وره ضهره بضخامه جسمه مالايكه حركاته ابد يضحك كلش
لاموهيج
اي لعد شنو حباب طيني
براها تبلعين نص
ابلع الشريط كله دجيببب ولفيت ايدي اخذها من وره ضهره حضنته وجمد
كان قصدي اقيده واوصل لايده اخذ النستله
رفعت راسي متردده شفته منصي راسه يباوعلي عاكد حاجبه بلعت ريكي وابتعدت
اسفه
طاني النستله بهدوء فرك وجهه افتر بالغرفه شوي وطلع للحديقه
يدخن
كملت النستله
واني اباوعله من الشباك
شافني اباوعله بقه يباوع بعيني مبتسم بس صافن ميل راسه يتامل ملامحي اشرلي بله صوت
بلعي حبوبج
اشرت بجتفي ما ميل راسه وخزرني. رفع تك حاجب بعيون ذبلانه. حرك شفافه. كال
اجيج.
ابتسمت وسديت البرده وكمت
شوي وطب رحت كبل عالحبوب بلعت نص والتفتت اضحك واشرب مي بقه يباوعلي بعتب همس وتخوصر
شون وياج اني
شربتها رفعت الكلاص
هز راسه موافق
بالعافيه
جر نفس وغمض كال
اقفل واجي انام متناميم
لاانام
عدلت فراشه وفراشي مخدته بصف مخدتي. بس بالعرض يعني راسه يصير فوك راسي يافوخه يم يافوخي. بعدت المخاد شوي وصافنه عليهم دك كلبي سريع مدري شبيه مدري شديصير ويايه
طبيت للحمام سبحت وبدلت وطلعت هو جان ديكلب بالفون عاكد حاجبه من طلعت باوعلي ودار وجهه معبس
بقه مي
اي اي اكو
ونزلت الخاولي انشف شعري فات هو بقيت انشف بشعري سرحته وضفرته. وتمددت تبللت المخده كمت كلبتها وهو طلعت رديت فليت شعري وبقيت انشف بي. تمدد هو كال
شبيج ماتنامين
ضوجني بلل مخدتي
شكو سبحتي بالليل ترحين تتمرضين
مجاوبته ذبيت شعري ونمت طفه الضوه غفيت بسرعه وهو هم
حسيت قبل الفجر دااتحرك ضوه قليل طاب من بره باوعتله جار شعري لازمه بيده ومقرب وجهه منه مخلي على وجهه رجعت نمت على كيفي واباوعله
رغم عمري دخلت بالعشرين. بس. بس الدااحس بي حب
زين شون حيكون مستقبلنا ماكو امل بيننا اكثر من مره كلي تنسيني. وعيشي حياتج
تعبت كثر التفكير وغفيت
حلمت باحمد ديكتب ومشغول. ومستعجل. وعلى غفله ورقته طارت. وتحولت طيور وهو فرح حيل ارتفعت ليفوك للسما اباوعله فرحان كلش. وفزيت
دموعي راسن نزلت غطيت وجهي اشهك. حرك كلبي اشتياقي لاخويه يمكن ملتهيه هنا وي عابس بس كلبي يمه.
حسيت مد ايده على راسي وخر البطانيه
دنج عليه
شبيج مليكا
شغل الضوه جنت عركانه لان خنكت نفسي بالبطانيه وي البجي وجههي صار احمر
فزعته شدهتني
مليكا شبيج. مسح وجهي ويهمس
يوجعج شي
لالا مسح وجهي برقه.
شو كومي دشوفج
كمت شعري تلفلف وتكفش بقه يباوعلي ويمسح بوجهي
عليش البجي
رجعت بجيت بحركه وغطيت وجهي
جر نفس بتعب همس
ليش هيج ليش
وخر ايدي
اخوج
اييي شتاقيتله.
هانت مليكا بس حبه صبر والله ماكاعد وداعتج. بس اشاره استلم من الهودج. انه عايش وهوا متفق ويا. ثلث شهور وينطيني اشاره. لحتى الوضع يبرد
هزيت راسي يمسح بوجهي عاكد حاجبه
جر راسي وحضنني
لا تبجين مرا لخ. تاذيني شحلوا ضحكتج
ضحكت. وضميت روحي بصدره واشتم بعطره نصه راسه باوعلي مغمضه
شنو تنامين مليكا
لالا ابتعدت عنه
ااكوم اصلي
الموذن بعد مااجه
اي شوي ويجي
تمدد هو وكمت شلت شعري صاير منفوش ابتسم وهو يباوعلي كال
صوفه مال خروف
اييي لتقلد
هههههه والله عجيب شكلا
هو هيج شسوي
يجنن
همسها باوعتله راسن دار وجهه عالحايط ونزل نام بالفراش. صليت
هالفتره هو الموذن جلب بي كلسا صايحه ويروح يمه
خلاه يصلي وراه واجه يدردم
هو انا صلاه ماعرفها يكلي صلي
اي ابقى بس ردد وراه
اصلا كالي بس اوكف
وليش ضايج
معودا انا مزرف تزرف اكف كدام ابو حاتم اخاف
كالها بحركان دم خربت ضحك
باوعلي ودار وجهه ضايج توه يكعد ورد دك الباب الموذن وكف
همس
هاي شون شغلااا مالكا غيري لهوا. هاذ.
هههه عابس
هااااا
اقتله
ابتسم وباوعلي بطرف عينه
تدكين بسمار موو
ههه
طلع بعد مرجع بقيت انتضر ماكو افتريت وره المصلى شفته من الشباك وي الموذن كاعدين يحجون كان مندمج رافع حواجبه والموذن يحجي
عفته ورجعت للغرفه
لليل مرجع حتى مااجه اكل
رجعت رحت اباوع عليه شفته متمدد ويباوع للسكف صافن
دكيت الشباك
راسن التفت رافع حواجبه ابتسم
تمشى وصل للشباك يبتسم.
شرايدا
مااكلت
اكلني الموذن. شكلا حيتبناني جوز يريد يزوجني بنتا كالها يضحك
واني ضحكتي راحت خزرته
وهو تلاشت ملامحه
عفته ورجعت للغرفه همس
مليكا
مجاوبته
شوي واجه
شبيج
مابيه شي روح للموذن وبنته
ضحك وسكت واحد ميتشاقا وياج
موخوش شقه
همس
تغارين
باوعتله راسن
بعدت عيني نترت
تاكل
لا اكلت وي الرجال
زين عفته وطلعت للمصلى
ليوين
مجاوبته
لحكني ويهمس
ولج مليكا
طبيت للمصلى واخذت كتاب كعدت بالزاويه اقره توه يكعد يمي
كمت كعدت بالزاويه المقابيلها بقه فاك حلكه صافن
متربع ومرجي ضهره عالحايط ويباوعلي واني مزنبره
اكلب بعصبيه. فكيت حجابي باب المصلى مسدود وذبيت الحجاب
هو تلفت ورجع باوعلي
كمت ماباوعله بس دااحس بي يعاينني
داكلب بالكتاب كانت بي تفاسير كل ايه. واني اندمجت ومن ارفع عيني الكاه يباوعلي من جوه حاجبه مميل راسه ويلعب بشاربه.
باوعتله وطولت النضره ذبلت عينه وتنهد تكتف وبقه يباوعلي واني تعبت عيوني وكلبي من دكته الداحس بي مو غلط والله الداحس بي حقيقي
على غفله ملامحه تغيرت عكد حاجبه وعيونه خزرت فك حلكه. وكمز ركض تجاهي وجرني. من جتفي وضرب خفيف على ركبتي شي طار بضربته. مثل الحشره. يمكن ابو بريص توني احس مثل النغزه بركبتي وهو كمز اخذ القران وضرب بي الحشره
واني صيحت
لاالااا قران قران هذا
وهو مويمه يضرب بالكع بي
دفعني
ولج وخري
قرران حرام حررام. جريته منه بقوه هو صافن عليه
تقدم راسن جر ركبتي ويباوع بوجهي ويتنفس سريع صك سنونه ويباوع للكع باوعت على عيونه. اباوع شي اشكر مثل الابو بريض طويل. بس موابو بريص
همس
توجعج. ركبتج
بلعت ريك شوي
تقدم راسن كام يعصر بين اصابعه. اذاني
دفعته مهدني بقه صافن كال
خرب هاي كارصتج. وجر ركبتي بقوه
سحب مكان النغزه بين شفافه. ويمسح. بكتف تيشرته ويرجع يسحب
ايده احس بيها ترجف. على ركبتي.
ا
عاد الحاله اكثر مرتين ٣
واني مدري شصار بيه.
وكفه مكدرت اوكف
همست
اريداكعد
شجاي تحسين فهميني وين اوديج خرب
والله توه تكرصني وانت وخرتها.
فهمت انهاعكربه بس ملحكت تكرصني
قرفص كدامي ورجع يعصر ويباوع بعيني
ورجع سحب ويتنفس سريع.
ويردد مليكا
واعيه عليا
امم
باوعلي ميت قلق واني بغير عالم رحت
تاثرت حيل
وانتبه عليه صفن بعيني بلع ريك غمضت عيني وفتحتها بهدوء لازمه معصمه
باوع لمكان الكرصه وباوعلي بلع ريك
ما كرصتج مو
همس بصوت يرجف
هزيت راسي لا
تنفس بثكل وعيونه بهالقرب تنتقل من بين عيوني الذبلت تقرب لوجهي ورجع ابتعد
هدني راسن وابتعد وكف وطلع يمشي سريع شال العكربه. وطلعها
باوعت لحيطان الجامع كرهت نفسي حيل
خجلت من الله
كانت نيته. خايف عليه بس نيتي موزينه. تاثرت. بي داخل حيطان الجامع.
ضاق نفسي وبجيت
خجلانه من ربي
عافني وطلع رجعت للغرفه
بيومها حتى مبات بالغرفه
واني بخجلي اخجل حتى اكوله تعال نام
جنت اراقبه. يقضي ساعات وي الموذن ياكل من اكله وافور
يجيب المسواك. الصبح وكت اني نايمه وشاحتاج وميبقى
واني اخجل اباوع بعينه
نوبات اشوفه يباوعلي من الحديقه وابقى بمكاني بس اخجل ارفع عيني بعينه
مرت ست ايام. وره حادثه العكربه
ولمحته بالحديقه ساعه وحده بليل يفتر. والتلفون بيده
واخيرا دك التلفون
شفته ارتبك يفرك بوجهه تالي رد
ساكت
همس برقم.
٧٨٥٠.
بعدها ضحك وتنهد براحه
فشر فشر فشرر وكعد
وينك هي ---
ضل يحجي بشفرات مفهمتها طول تقريب الربع ساعه. اخر شي كال
اهم شي انت خلصت واني عدي اليخلصني تعال باجر انت وابو النار
عرفت ابو النار عايش دموعي نزلت
تعال باجر اخذ الامانه عدك وصرفها الي وضمها ماتكصر ابو عمر لو نكول هودج.
هههههههاي. ولك انت صدك هودج. كفارا يابا سبع انت سبع وعينك على بيت ابو كزله. لاتنساهم ولده وياك وياك
نصه راسه وانتبه عليه اباوعله بقه عينه بعيني جنت مشتاقتله كلش يحجي ويباوعلي كمل مكالمه وسده
بقه يباوعلي ورجه راسه عالحايط واني انصي وارجع اباوعله ودموعي على خدي
ليش حارمني منك. مو بديه الاحساس من صار والله
افتر وره الحديقه وجاني يم الشباك وكف بقه يباوعلي
ليش منايمه نصيت راسي مرديت
مد ايده يتلمس خدي رجعت ليوره ماريد احس بعد بي
جر نفس وذبه همس
عاينيني
مباوعتله برطمت
ليش هيج ليش
باوعتله عيوني غركانه دمع غمض وعبس حلكه افتر وفتح الباب وطب
بقيت بمكاني مكتفه ايدي وراسي بحضني
سد البرده همس
متنامين
مرديت
حسيت بي قريب مني واني راسي بحضني
خله ايده على راسي ومسد علي
مليكا
رفعت راسي ميته بجي نار الاشتياق تحرك. وخجلانه من نفسي
بلع ريك ويباوع ملامحي
غمض عينه صك على سنونه
لتبجين
كمت اشهك ولحد هاللحضه ماعرف ليش هلكد بجيت بيومها
لمني بحضنه
دفعته
جبرني
ورديت قاومته
نتر
اوهووو. بس هدي يلا اهددي
هديت بجيت بقهر
وهو يحضن بيه ويتنفس بعمق. احسه يريد يدخلني لضلوعه ويردد
كافي
اهدي
باس راسي وباوع لركبتي تلمس اثر الضل قبل ست ايام صاير مكانها جوزي. فاتح. تلمسه وباسه بهدوء
ردد
اسف
باوعتله. رفعت راسي لزم وجهي وغمض رجع حضنني
تعاي نامي
ووانت تروح
اخيرا حجيت. راسن باوعلي هز راسه
تردين اروح
برطمت ونصيت
مو اخاف والله
ابتسم وغمض
لاهاي يمج هنا واشر على فراشه
هزيت راسي طبيت غسلت وجهي وطلعت شفته ديكلب بالتلفون
ذبه وباوعلي دار وجهه عالحايط
واني هم نمت بس صوت الصراصر بره ينسمع صوت ناصي
وصوت نفسه تغير
مديت ايدي لزمت ايده خاف يروح
هدا النفس وشبك ايدي بيده ردد بهدوء
هاي يمج ماروح
همست
مممم وغفيت
ثاني يوم الصبح. حتى عالصلاه مكعدت
كعدني ساعه عشره
مليكا
مليكا
فزيت باوعتله همم
عيونه مليانه تعب ووجهه مطعون اعرفه من ينقهر
شبيك
تلبسين نطلع شوي
وين نروح
باوع للسكف جر نفس ورجع باوعلي نغير مكاننا لازم
فزيت وكمت،لكونا
هز راسه لا بعد بس لازم نغيرا
اوك يله
كمت راسن دالملم
همس
لاتلمين شي عوفي بقينا للموذن كلا
زين شاخذ
باوعلي ميت قهر
همس بس غراضج
ووانت
اني غراضي ا لا
ماشي
لميت هدومي الجابهم هو اخر شي
واباوعله. اخذت حبوبي
لبست عبايتي وربطه وهو يراقب ويدخن لازم راسه
شون حنروح
سيارا بالباب
ها اي يله
هز راس لزم ايدي شبكها بايديه. وطلعنا الموذن كاعد بالباب والبنات متسطرين بوستهم وصعدت هوكعد يمي وعيونه عالطريق
باوعتله
منمت
باوعلي بتوسل تنهد
جج
وهز راسه بهدوء
الطريق طويل واني كمت انعس
ميلت راسي
همس
خلي على جتفي
ميلته على كتفه وهووغمض والتفت يبوس بكصتي ويشم شعري الضاهر قليل منه من جوه الحجاب لاحسب حساب السايق ولاالعالم
كلبي لعب وايده شابكه ايدي مهدها ابد
حدما كعدت من سمعت السايق يحجي باوعت
سيطره باوعت لعابس عادي مويمه كال هوياتكم
نطا ببرود
صفنت عليه وطلعنا باوعتله
معرفك
هز راسه لا ميباوع بعيني بس حيل مخنوك
---
يتبع
مريم السعدي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!