تكملة بارت ٥٣
#منطقة 13
للكاتبه مريم السعدي
لليل خابرت خليل جاوبني.
ها اسونه
خليل تكدر تجيني
ها كبن
لا بس ضجت من الحجي ممتحمله والله روحي مفرفحه بعدني على قاسم.
ادري مصار ساعه من رجعت من يمنا
محجت شي بس اني صايره مااتحمل
ديله حدز السايق عليج
اوك
بدلت واجه خليل جان ببالي ابات يمه
دااطلع. كالت
وين رايحه بهاللليل هاي شون بلوه بلاني الله بيها
خاله خليل حيجي عليه
وين ترحين
نترت
استغفر الله ابات يمه
متستحين مكابلتهم يمه عرسان ذوله سوده عليه ششاف من ايام عرسه.
لاخاله ابقى عدهم غرفه صغيره. مرتبين بيها الفراش باجر ارجع وي قاسم
انتضري اجي وياج كلبي نار على قاسم عفته وندمت
طبت وفركت وجهي بعصبيه
خابرت خليل همست حجيتله. كال
هله بيها خل تجي
اني راح ابقى
اي كيفج بس وحدج.
شكو عليه مليكه بصفي
براحتج
سديته منه دااصعد دك تلفوني
ابو ضل.
رديت
الو
ها اسينات
نعم
اكولج تباتين بيت عمتي
اي
ادزلج ضل وياج
اي دزها عادي
خاف تضوجج ثبرتني تره وهذا مينعاف اخوج
لالا دزها ماعدي شي
اوك ديله جتج
طبت ضل ومرت ابويه صاحت
حروح اني
روحي خاله مااجي
اوي عشتووكيفج
صعدت ضل وتسولفلي عالهوسه الهناك كلسا جاي واحد يشوفه
واني صافنه عليها تعبانه احس روحي مابيه حيل لاي شي حيلي من الهبطه راح
خليل- طبيت بعد غياب يومين. عن البيت. داافتح باب الشقه وركضت زمرد لحضني
شلتها اضحك وابوس بيها من خدها امي ورايه
نترت نزلي نزلي ولج مزين. ضهره صكطتي
خجلت مشافت امي دتنزل جلبت بيها شايلها مثل الطفل
لج يوم هاي العافيه. بس بصوره بشر خفيفه ريشه
نزلها ولللك ضهرك ليطك
اكولها خفيفه خفيفه واوزن بيها وهي تضحك حاضنتني نزلتها امي زنبرت
وتدردم جنها حولي شالها على افاده عبالك زعطوطه
واني خربان ضحك اباوع لزمرد وجهه دم خجلانه
حبيبي حمام حمام
اي صار
ركضت حضرتلي الحمام وهدومي
مديت راسي امي فاتت للغرفه لزمتها من زندها
وين رايحه
احضرلك عشا
تعاي عوفي العشا متعشي تعاي سبحيني رجلج تعبان ولج
من عيوني
تحجي وتهز بشعرهاوتاشر على عيونها
طلعت قبلي واني ابدل. واستلمتها امي
معيب عليج متخجلين كولي عمتي بالبيت. كولي عيب
وهي خانسه
طلعت صحت
يووووم شنو الفلللم تره حلالي اخلص من امها تطلعين انتي
سكتت وتدردم
تعشينا وتمددت بالهول
نصت عليه
حبيبي كوم نام جوه
نترت امي
عوفي متشوفي نايم شتردين منه خلي يرتاح.
باوعتلها وضحكت
خاله القنفه موزينه على ضهره
كمت مبتسم مدري شون حعوفها اني ادري راح اشبع. عقوبات من وراها. يوميه كامز
طبيت للغرفه همست
وقتي الفون عالاربعه
سكتت وجرت نفس
لتضوجين زوزه الاحد اجي
شفتهمنا من الاجازه
من اجي افهمج عالاجازه كلتها وغفيت تعبان هبطه وتعب وي قاسم الحمد لله والله وكلت ماشوفه بعد توه سنه حمزه الها شهرين طالعه.
حضنتني واني كملت راحتي
للاربعه دك المنبه. وبدلت حضرت الشغلات الاخذها ويايه وتبجي
احضن بيها واشم
لج كلبي لتبجين شون نبطل
شون حشتاقلك
باجر تداومين وتنسيني باعي صدك السايق مال بيت خالي وصيته. يوديج لامج باجر الشهر
اوك
حضنتها ابوس براسها واتلمس بشعرها
حشتاق هواي تره
اني هم والله
بست ايدها رفعت رااسي شفت امي
تقربت بست راسها يله يوم رايح
الله وياك امي الله وياك نترت بزمرد
مزين يمه تبجين مزززين
ابتسمت كرصت خدها وطلعت
عيونها تباوعلي التفتت عليها ابتسم فوتي نامي
اوك
اسينات- قاسم تحسن. ووكف على حيله. رجع لبيتنا وضل اخذها ابوها داغسل ببدلته همس
سلام كال الاحد زواجكم
هزيت راسي اعرف
ام سلام مشتريه كلشي
امم
والغرفه البارحه جابوها
ادري
شمدريج
ضل كلتلي
ها هه ليش احسج مفرحانه باوعتله
مااعرف
تعاي يمي شوي
تقربت وكعدت يمه
اسونه تره. سلام. صفقه رابحه لكل. وحده. صح متزوج وعده طفله. بس ىالله مكتبله يرتاح بزواجه باعي هوو وضحك
ههه
ادري بي حقنه ميبيبن حبه. بس فد كلب شايل. فد طيبه ميتحمل ياذي احد والله ذاك اليوم واحد تعاقب هو عاقبه عود هو وهيبته وهاي
لليل كال عود علساس بله حسي روح وديله اكل
خلاني اضل صافن عليه كتله
رتبه انت جيس تمن
ابتسمت
جر نفس وتنهد وداعتج. يستاهل. صبر وانتي بعد باسلوبج وجر نفس
باوع عالشباك النطل على هول بيت مليكه
همس
الجماعه شونهم
ابتسمت زينين
شكالت من خطفوني كعد عدل ويسال
بقيت اباوعله شكوله بله اكوله حبيبها نقذك
تلاشت ملامح وجهه وهز راسه همس
لو بعد خمسين سنه متنسى الصار كذب من تكول نسيت
مجاوبته
كمت همس
وين رايحه
انزل انام
مم دروحي دوام عدج باجر مو
امم
نزلت وحضرت غراضي خابرت ضل
رديت
ها ضله
اسونه فتحي كامره
ياستار شكو
قميصي انكطعت الدكمه كالتها وبجت
فتحتها باوعت بعينها
هسه ليش البجي ياعيني
اني صوجي كتلها للمنظفه تغسله تالي شلعت دكمتين شون اروح باجر
لبسي التيشرت
وصخ
ميخالف كومي نغسله
تعلمي كومي ويايه اني حغسل شالي وغسلي تيشرتج
اوك عالمغسله
اي يله
اخذت الفون وياها
خلته عالمغسله بالمرايه وتمسح بدموعها
كافي ضل عيب موصغيره انتي
اي اذب عليه زاهي
لا تايت شوي
ماعدنا اروح من بيبي
لا خلي زاهي يكفي
باعي اني هم دااغسل شالي بالزاهي علمود ميطكه لان اسود
اوك
كامت تباوع لايدي وتجلف
ويايه. ضحكت والدنيا كلها ضحكتلي بقي البوري مفتوح. عليه خلي يخلص الزاهي منه
عفيه ضلوله
هيج صار نضيف
غسلتي الركبه
اي
الردانات
اي
الابط
اي كلهن صارت نضيفه
عفيه
وسمعت صوت سلام
ضللل بابا وينج
بالحمام بابا
دتسوين
مد راسه عكد حاجبه شافني شال ايده ابتسم
هلو
هلو ابوضل
نصيت وشالت تيشرتها ضل
باعي اسونه صار نضيف
اي صار نضيف
بقه يباوع لضل مكتف ايديه ومنتجي على صفحه الباب
هسه شون اذبه بالغساله
اي تقدم ابوها همس
طيني بابا انشفه مو
اي اي بس دوس تنشيف
خوش باوعلي ذب جكارته همس
خوجان ذبته بالغساله
مو تتكطع الدكم
ضل همست
مو غسلته بابا
تبللت هدومج باباتي
هسه ابدل اسينات
ها ضله
لتروحين ابدل واجي حتى ننام
اوك انتضرج
سديت البوري التفت رافع تك حاجب يباوع عالغساله وباوعلي
همس
قاسم شون صار
احسن الحمد لله نام
هز راسه والتفت عالغساله اباوع لجسمه بالفانيلا النص ردن وتذكرت من جان نايم نصيت راسي رفع راسه باوع للشاشه ابتسم
كتف ايده كال
هسه عالخميس امي تمر عليج
هزيت راسي
هز راسه ونصه واني التهيت شريت قميصي النشف التفتت شفته يباوعلي ويدخن شوكت ورث مادري واني ناطيه ضهري للكامره
باوعتله
وينها ضل
بلع ريك دار وجهه همس دتبدل هسه تجي تنهد هو وداير وجهه همس
شعجب ملابسه حلقتج
باوعت لايدي واتلفت وين خليتها انشدهت باوعتله عاكد حاجبه
شبيج
مادري وين خليتها نزعتها مدري شوكت اتذكشر ضميتها مدري وين خليتها
جر نفس وهز راسه شال ايده مخليها باصبعه الصغير
هاي هاي لتدوخين
صفنت فكيت عيني
شجابها يمك
هز راسه ونصه السايق لكاها بسيارته
غمضت عيني وخليت ايدي على حلكي شكد فشله
هز راسه باوعلي بعتب مضايقتج
لا جبيره
وطبت ضل
كالت
بيباي بابا روح نام يله اسونه ننام
اباوع ابوها عكد حاجبه صافن عليها باوعلي وباوعلها
روح بابا دفعته
شون تنامون بابا
ايييي بابااا تاخرت لازم انام هسه هسه.
طلعته وسدت الباب همست تعدد بايدها
فرشت اسناني وشربت حليبي وسرحت شعري وحضرت كلشي وبابا شر تيشرتي بعد شنو
ههههههه هاهي سباعيه. علكي التيبل لامب علكته وكمزت للجربايه. وتغطت
همست
البارحه وصلنا لمن. الامير طلب منهم يدورون على صاحبه. فرده الحذاء الازرق
ايي ضلوله. تمددت انام فليت شعري همست
نسيت افله فلته ورجعت نامت وبقيت اسولف اعشق بيها لمن تخلي ايدها جوه خدها عالمخده وتبدي عينها تنعس ومتكول اي وبعدين
وراها تخنس وتنام
توني اسكت واسده سمعت باب غرفتها انفتح وطب ضوه
هدات اشوفه نصه باسها وتلمس خدها غطاها زين شال الفون وشافني انصدم كان
بدون فانيلته رفع الفون لوجهه همس
اعتذر توقعتها ناهيه المكالمه
تونا كملنا القصه وغفت
طلع من الغرفه سد الباب بهدوء والفون بيده
ابتسم وبقه يمشي طب لغرفته وسد الباب
مكال مع السلامه واني انتضرت شغل الضوه ورفع الفون همس
خو منمتي
لالا كعدت عدل وسحبت شعري رفع الفون وفر الكامره صفنت غرفه جديده. جانت تخبل وبردات جديده. وتيبل لامات يمشي بهدوء ساكت
كمل وفر الكامره
على وجهه
ابتسمت جر نفس وصعد راسه ليفوك
اي شي عدج تردين تضيفي
لالا كلشي تمام
اممم
سكتت رجع الفون عالميز البصفه وجر المخده نام عليها غطه جسمه والتفت عليه
شجنتي تحجين وين ضله
هيج قصه
قصه رفع حواجبه انطردت من وره. قصه. ومد شفته جيد دار وجهه طفه التيبل لامب
ورجع باوعلي
موهواي دتعلقيها بيج دتكبر تره
بقيت اباوعله ماعرف احس تحتاج احد تحاجي. اكثر من قبل ونحتاج نسافر بخيالنا قبل لننام
مممم هز راسه
منو علمج هالشي
والدتي جانت تحجيلي قصه قبل لانام
ها الله يرحمها.
تدرين غمض عينه وهمس
تعرفين تفكير فريده كان اوسع من تفكيرج. كانت تكلي لازم تعتمد على نفسها تنام وحدها تلبس وحدها يكون الها ذوق خاص واستقلاليه
ماعرف اذا تريد او تشوف الدنسوي غلط
لالا براحتج اني مكلت غلط بس داشوفج يعني اقصد. ثنينكم صح كلمن وجهه نضره
صحيح فعلا اني اركز عالحنان والتواصل الفكري العاطفي. مو بس وياها حتى وي اخوتي
امم منتبه صح هواي يميلون الج اكثر من اختج
درت وجهي شلت شعري ونزلت عالمخده باوعتله شفته مضيق عينه.
تنامين؟
فد شويه
هز راسه تنهد
وانتي هم تحبين تسمعين قصص قبل لتنامين
ههه كلمن بداخله روح طفل
احس ضل هواي بيها منج. موصح
ممم
شوكت اخر مره سمعتي قصه
غمضت عيني اتذكر
جنت صففف بله همم صف رابع
بكد ضله تقريبا
لاا هه رابع عام
بشرفج تره جبيره جبيره مو مال قصص
امي مجانت تشوفني هيج
وهاي تعوف ابوج ملطوع بالغرفه وتجي يمج. لحك الرجال نام
بقيت صافنه عليه
ضحك ولزم طرف انفه عيونه دمعت
شال ايده اسف ههههه خربطت
مبديت اي تعبير
اي شنو اخر قصه سمعتيها
تريد اسمعها يعني
نسمع شورانا
تخوف
لا هه ميهم
هيج وحده حكيت شفتي عكد حاجبه بحركتي بعدت عيني احجي وكلبي يدك سريع ليش راد يحاجيني ليش هالقرب المفاجيء
بس انطلقت
وحده متلبسها جن
امم ابتسم
والله شبيك
اي هسه اني كتلج كذابه
اي فجابو شيخ. امها. كلتلهم كذابه. هاي كلشي مبيها
ها. عود هاي امها
اي اهل قبل ميصدكون
امم
فالعشيره التمت جايبين شيخ ويضرب بيها خطيه
امم
اخر شي كامت تحجي بالكردي
كلتها وغطيت وجهي خايفه
عكد حاجبه
شنو يعني
يعني هي متعرف تحجي كردي شون حجت الشيخ كال هذا الجن كردي
هاا ههه متلبسها كردي
اي
ممم تخوف عود هاي
اي شنو. تخيل وحده تحجي لغه من كيفها بدون متتعلمها مو جانو ممصدكيها منو بذاك الوكت يصدك بوجود الجن اني هسه وماصدك
هههه لاعادي موجودين تره
والله اني مشايفه وماصدك بشي مشايفته
ههه تعاي يمنا بالجول وتفرجي بانواعهم ههههه
صفنت عليه
صدك؟
اي والله شبيج
يعني يعني شايفهم بعينك
هز راسه يبتسم
يعني صدك لو تتشاقى
والله شبيج
شون صاير شكلهم خاف متوهم
لايابه معروفين كصار وريحتهم وعيونهم حمر ويخطفون
عزززه مامااا
ضحك وغص
عليك الله كول والله
والله شبيج ههههه
يعني حقيقي
ايي جول ونكاسى ولعبان نفس
زين جايين يمكم
اي مره حجه ويايه حتى الله يرحمه حمزه. جان موجود دنمشي نطلع عالشارع. بليل ولحكنا. وين رايحين وين رايحين
اشرتله. حنروح عالشارع سيارات
لالا اخاف من السيارات وطفر
بقيت فاكه حلكي
تتشاقى مو؟ همس
كيفج
بلعت ريك
يخوفون
لا مخلوقات غريبه يعني
اني اذا شفتهم اتخبل يمكن
لتخلين ببالج انهم يكدرون عليج وتخلص القضيه
حمزه شسوه
حمزه ميجاوبهم خبلو وميجاوبهم
حبيبي
امم
بقيت صافنه كام يغمض ويسد بعينه ويرفع بحواجبه
همس
ها تنامين
اي
يله تصبحين على خير روحي ارتاحي تعبتج
اوك
ديسده
نترت
اوكف اوكف
شبيج
لتسده حباب الله يخليك
شبيج حتبجين
مادري خفت عفيه لتسده قاسم موهنا جان صعدت نمت يمه
عكد حاجبه
وين يمه بغرفته
اي
وانتي من موجود تصعدين تنامين يمه
اي لعد وين
ومن مموجود
انزل يم مرت ابويه بس اليوم بايته بيت خليل
بقه صافن عاكد حاجبه
شنو
مادري واكفه تباتين بغرفه اخوج
وين اروح لعد جريت نفس اذا ابات جوه كل يوم. يعني مشاكل تصير
هز راسه وهمس
نامي ماسده
خاف يخلص الشحن
راح اربطه
اوك
غمضت وافتح عيوني عليه وهو يباوعلي ويغمض
غفيت سمعت همسته
اسينات
مكدرت افتح عيني
همم
كل يوم اضل وحدي حدما اغفى وافكار موحلوه تجيني اليوم ونستيني
اممم
تصبحين على خير
امم
غفيت واخيرا
حسيت عالمنبه مالتي طفيته راسن واباوعله نايم عكد حاجبه من دك المنبه ورد عدله مغمض من طفيته
ابو ضل
هم
ابو ضل كعدها لضلوله. فدوه تلفونها يمك شون اخابرها
همس
اوك والتفت باوعلي ابتسم
صباح الخير
هلاو صباح النور حروح اني بس كعد ضلوله تتاخر
اوك
اعتمد عليك
اي حكوم
يله باي
الله وياج
سديته منه وكمت بدلت ودكت ضل
اسينات
ها ضلوله
بيباي
بيباي حبيبتي
سدته مني وطلعت
جنت احس براحه غريبه صابتني. احساس جديد اكتشفته بي امشي واتذكر كلامه ضحكته وهمساته. تدخل لكلبي دكه غريبه. واغمض قوي
حدما كملت دوام ورجعت للبيت
ام سلام جانت عدنا تنتضرني ومرت ابويه. تبسمر وتحجي وام سلام مدايره بال
بوستها كالت بدلي دنروح نجهز
صعدت بدلت ونزلت وياها اشترينا هواي شغلات وتمشي وتنصح.
انطي مال
كلبه ملجوم
تحملي منه
وخلي ضل بينكم تقربكم
صيري انتي الامان والحنان اسونه
جنت اهز راسي واتذكر حجي البارحه واردد بداخلي يتساهل والله اكتفيت. بكم كلمه ونضره وصار عدي امل اخلي يحبني
السبت كملنا كلشي وام قاسم الحت الحنه ببيت جدي وجوي جماعتهم ونزلت مليكه جانت طالعه كلش انيقه. ومرتبه بسيطه. عزمت صديقاتي ٢ بالجامعه وتوسلت باحمد يكول لست نور تعذر كال عذريني واني اتوسل بي اخر شي نطاني رقمها كلي خابريها انتي
خابرت وعزمتها باركتلي بارتباك وكتلها. كتله لاحمد يعزمج كال اخجل خابري انتي
همست
شونكم انتو مليكه احمد شونه
زينين بس احمد دنلح عليه يتزوج قافل
سكتت ردت افهمها تره مو احمد العريس
كالت انشاء الله اكدر اجيي
وبلشت مراسيم الحنه ام سلام هي الحنتني جانو اشكال يحجون وبسامير نسمعها واني ومليكه نسمع ونضحك
ركصنا سوه بهدوء ومرت ابويه ورقيه يقلدون ويضحكون عليها وعليه
واحنا لابسيهم
شاورتني
لو ممخليه قاسم يرجعه ابو قبضه مجان اني متشفيه بيهم والله انتي الوكفتي بعيني
لاولج حبابه اخويه وضحكت صوت عالي حضنتها وهي خربانه ضحك
ونترت مرت ابويه
عيب هاي السوالف تضحكن وحدجن عيب الخطار ياخذ على روحه بعدين انتي عروس ثكلي شوي شيكولون. ماخذه حصتها قبل العرس النوبه الاسبوع كله تكضي عدهم
جانت تحجي صوت عالي ام سلام ردتها
عيني اليحجي مرده لنفسه. كلمن اعرف بروحه ركصي ركصي اسونه يمه افرحي اليوم حنتج
ابتسمت وكملت ركص
يمكن جنت اتمنى امي ويايه بس اليوم مردت ابجي ضله. بدلتها تخبل كليا ومفتوح سوارها سوي الي لو شعرها نزل عدلي
واني ماقصر ولااتاخر
كملت الحنه وصعدت يم مليكه. سوينا اقنعه ونسولف ونضحك طب احمد وطفرت لغرفه قاسم
خابر سلام
رديت
الو
هله اسينات شونج
هله ابو ضل
عذريني متصلت بعد من يوم السولفنا بس ثاني يوم التحقت
لاعادي
ضل نامت
ايي من زمان
ليش بقيتيها يمج
مو من تلتحق والله يضل بالي خاله هواي تنام من وره السكر وهاي تحب تكتشف اخاف تلعب بشي ولو عمرها مومال متعرف بس هم تخوف
اي والله مخبلتني
لا حبابه
زين ااا محتاجه شي لباجر لو كلشي جاهز عدج
لا ماعدي شي
امي كالت متروحين صالون
لالا صديقتي تمكيجني هاديء ومليكه تسشور شعري
المن مسشورته هو سرح
سكتت
جر نفس همس
غراضج غزت الكنتور
اي خطيه خاله كالت رتبتهن
طردوني كلما اخلي هدومي بكنتور تكلي لا موهذا ويدفعون تالي صفيت باب وحده
ههه كافيه عليك
امم تنهد اعوفج تنامين اكيد تعبانه حفله وهوسه
امم
يله تصبحين على خير
وانت من اهله
سديته ونمت وكلمه كلمه تتمرجح ببالي مثل المراجيح الولد الفجر ينزلون ثنينهم
وحضرت هدومهم
كعدت الصبح مليكه مخابرتني ميت مره
كمت وطبت صديقتي
سبحت وهوستهم ويايه خطيه مليكه طبخت الغده احمد خلته. من الصبح يطلع وكلتله لترجع لليل
تمكيجنا ببيتهم وسوت شعري صديقتي
نزل على ضهري وشالته ببساطه
والمكياج متوقعتها ماهره بهالشكل
لبست بدلتي المحضرتها وكعدت انتضر نزلت جوه وجوي جوارينه مره ومرت ابويه كعدت مرت ابراهيم وامها ومليكه بصفي وصديقتي ومرت خليل وامها وفيروز وضل تكمز
طكولي بالميت صوره
اخوتي طبو وبدلو ونزلو
وجوي اهل سلام فعلا احساس يخوف بس لاكو مزايق ولاابد
دخل قاسم ابتسم وعيونه لمليكه باسني من راسي ولبسني. سوار شاورني
الف مبروك اسونه
وخليل هم خطيه تقرب لبسني صاح على مرته
هاي شون ينفتح تعاي
وتقربت زمرد لبستني وياه كلاده نازكه متحملت دموعي انجمعت ومرت ابراهيم قدمت هديه مغلفه مليكه همست
هاي جايب هديه
انجبي ولج
وتفاجات بمليكه تلبسني محبس بوستني تباوع بعيني
يارب تشوفين ايام احلى من هالايام الشفناها
غمضت وهمست يارب
وطب سلام
كان كلش مرتبك اكثر مني نزلو البركع وسلموني اخوتي اله. الهلاهل تركع وهو يستغفر ربه
يهمس
يمه مكافي
طلعني صعدت بالسياره حتى ممزينها
وطلعنا
باوعتله هو عيونه عالشباك
نسيم معلي المسجل ديسوق نتر بي
معود طفي صدددك جذب
اي اي شبيك
طفاه باوعلي
درت وجهي
يمكن حقه ويمكن اني هم حقي ضل كاعده ليكدام ساكته
وصلنا لبيتهم
نزل امه هلهلت بس
بيت عمته طبو على اعصابهم طبينا للمشتمل. كعدت بالهول واصيل واسراء ورقيه يتبشبشن
باعي مبدل الغرفه عشتو يلوكلها
رقيه- اي ينطيهن للفكر
مدرت بال رغم تقصدو يسمعونا
طب سلام امه دتهلهل خزرها سكتت
ضل طبت لغرفتها وطلعت كعدت بصفي شاورتني
اني جوعانه شوكت يروحون
غصيت ضحك والعيون صارت عليه
طبت لحضني ضل خجلانه وتضحك
همس سلام
شبيها هاي شكو
شاورته اضحك
تكول جوعانه شوكت يروحون
ضحك وجرها حضنها
مدري شصار بيهم طب ابو سلام بارك واندعى واشر لخواته
يله يابه عشاكم هناك خلو العرسان يرتاحون
خليل طب ابتسم ودار وجهه عني همس
سلام
اكولك خابروك
لا وكف وشال فونه شكو
باوعله وباوعلي
تقرب شاوره
سلام فك عينه تلفت وفرك وجهه هز راسه كاله٨ نطلع
اي اني هم كلت هيج
طلعوا كلهم بس ضل بقت
سلام ذب رباطه وحذاءه
والستره
واني كاعده بالهول
همس
اخذي راحتج انتي ضل بابا خليل كال اخذها يمي اليوم وي فيروزه تروحين
لا ابقى يم اسونه
اسونه حتكابلج وتكعد متروح بعد
صفنت عليه
ابد متروحين
ابتسمت لاماروح ابد بعد
لعد حروح وي فيروز
هزيت راسي اوك
وطلعت ضل
اباوع سلام يوصي خليل عليها بباب المشتمل وطب قفل الباب مندار عليه بقت يباوع من الشباك فرك وجهه والتفت
الهدوء موحش بس هوسه الحجي هناك بالبيت الجبير
تقدم مبتسم شال البركع نصيت عيني مرتبكه فعلا خفت رغم موصغيره وافهم بس هالشي زاد خوفي
وكفني باوعلي بتعب عيونه مطفيه
همس
اتمنى تسامحيني على هاليوم لان مكدرت اضبط اعصابي
لالا عادي
خربت فرحتج
لالا
هزيت راسي بعدت عيوني منه
دار وجهي بلمسه من حنكي فره عليه همس
نورتي دنيتنا اني وضل
نصيت راسي تقرب باس راسي لو التمت الدموع بعيني
باوعلي تنهد
ليش ترجفين
لاعادي
اسينات
هم رفعت عيني بعينه
عبس حلكه وجر حسره
همس بتفهم
ننطي مجال لارواحنا تتقارب محد راكض ورانا
هزيت راسي براحه وغمضت هم على كلبي
بقه يباوع بوجهي
اذا صعبه عليج اني اصعب
اعرف دااحس بيك
ابتسم تك خد لزم ايدي تلمسها وشالها طلع من جيبه الحلقه لبسها الي باليسره وباوع بعيني
شونها هسه
حركت ايدي باوعتله
تمام صغرتها
امم
باس ايدي نصيت راسي
همس وعيونه بعيني وعالمكياج وعلى حمره شفتي بلع ريك
الف مبروك
هزيت راسي منصيه بخجل همس
اخذي راحتج
طبيت للغرفه راسن نزعت وفليت الماشات ومسحت المكياج ومسحت صبغ الاضافر
دك الباب
بس دقيقه
اي براحتج بس تعاي تعشي
اوك لبست بجامه عرسان وبقيت شعري محلول طلعت جان بالفانيلا والسروال الابيض
ابتسم ونصه
هاي خليل جابه
خطيه حبيبي
رفع راسه باوعلي ونصه همس
تعاي نشوف اكل المصلاويه
كعدت كباله صرت ياكل ويباوعلي وينصي
جان كلش مستغرب وجامد ياكل بترتيب رهيب وهدوء
همس
ميندري ضل اكلت لا
هههههه خربتني ضحك
شمعرفها حايره ببطنها
امم
باوعلي تنهد غسل ورجع كمت اشيل الغراض وهوويباوعلي
كملت رجعت للهول
ااتشرب جاي
والله ياريت باوع لساعته وباوعلي
تدرين طونه انذار
صفنت
ابتسم
باجر ب٨ نطلع اني وابو الخل
خوماكو شي
لا هو انذار اني صوجي مااخذت اجازه زوجيه
ميخالف بس دير بالكم
ابتسم هز راسه وتنهد
تعاي شوي كعدي بينما يخدر الجاي
جيت كعدت يمه
كعد عدل وتلمس شعري على طوله ابتسم باوع بعيني
همس
هواي حلوه انتي بس اني شوي احساسي مخربط
نصيت راسي همست صوتي راح
انت كلتها خل ناخذ على بعضنا وعدنا مجال
اممم بعد ايده وحك راسه كمت صبيت الجاي احس وجهي نار من الخجل
شرب جايه وطب للغرفه ربط تلفونه عالشحن باوعلي
هاي شسمه حك لحيته اي شي تحتاجون السايق كوليله
اوك
اوو حك حاجبه
حاولي اختج بنات عمتي ابد لترديهم غلسي للحجي
هزيت راسي
كال
تنامين لو منعسانه
كالها مرتبك
وتذكرت حجايه مليكه
ابد لترفضي دوسي عروحج من يطلب منج بس ترفضي بعد ميطلب
هزيت راسي فات للحمام. غسل وطلع ينشف بوجهه فتح جنطته وخله ملابسه وداخليات
طبيت اني للحمام غسلت وورجعت شفته نايم ومشغل تك تبل لامب
تقربت الصفحه الثانيه عيونه تحركت تجاهي ونطاني ضهره
تمددت وافرك بيدي ميته خجل
نمت على ضهري جامده
التفت مغمض عينه بقيت اباوعله
صدك يعني تزوجته
صدك صار رجلي وحبيبي شون كدرت اخذ عليه بهالسرعه شون كدرت يحتوي الخوف الاخافه منه
رجع سد عينه همس
نامي ارتاحي
اوك
درت وجهي
ونمت
حسيت فجريه ايده طخت بايدي من ديتحرك ضلمه الغرفه كلش حسيته رفع جسمه باوعلي ورجع شمر روحه عالمخده
شوي وكام
طلع بره الغرفه
مرجع بعد
كمت اشوفه بهدوء خاف يحتاج شي شفته نايم بله فانيلا على بنه عالقنفه مال صاله
غافي
رجعت للغرفه نمت
كعدني الصبح بنغه هادئه على كف ايدي فتحت عيني
لابس هدوم العسكريه وجنطته بيده همس
حروح اني
كمت راسن باوع لزيكي ودار وجهه وكف
مريكتك ليش مكعدتني
هناك نتريك تقرب مرتبك باس راسي وتلمس شعري دير بالج على ضلوله
اوك امانه الله ورسوله ترد بالسلامه عفيه دير بالك على روحك
ليضل بالج يله مع السلامه
الله وياك
طلع ذبيت مي وراه باوعلي مستغرب عاكد حاجبه شافه ابو صاح
فيماللا حجي
ها يابه انذار كالو
اي شمدريني شو صارت غفل
الله وياكً ابني
اسينات- توني اسد الباب واندكت وطبت مرت خالهم هلهلت ونطتني فلوس هاي هديتج
وراها العمات يباوعون بالوجوه احس يدورون ثغره وطبت ضل تركض
اسونه انتي ببيتنا
هههه ماروح بعد اتطمني
طلعو وراه مسمعت كم كلمه تسم البدن وسديت بابي وبدت حياتي. وي ضله
سبوعين وسلام وخليلو منزلو زمرد كامت تجيني على طول نوبات تبات يمي
ورقيه تنزل تكعد يمها وتاخذ الجو متخلينا نحجي
حجيها خطيه
تافه
مولات ومطاعم ولبس وصالونات
وتتباهه بنسيم
واني وزمرد ثنينا نفس القالب نخلصها بامم وامم
لو انصح زمرد شون تتعامل وي خليل حتى تاخذ عقله ويكوم ميكدر يباوع لغيرها مثل نسيم
وتحجي كل حجايه وكالت
جننا اني وفريده الله يرحمها نسوي هيج لذلك سلام مكدر ينساها حتى شفتي بالعرس روحه طافره ميقبل احد يهلهل عيني الحب للحبيب الاولى
جانت ابد متباوعلي من تحجي وتوجه كل كلامها لزمرد رغم انها كاعده ببيتي
خبصتنا توها حامل واشتهت فد شي واجاها نسيم من اربيل جايبلها التريده بس لان توحمت
واني ادري هالحجي كله تصفيط
كاعده يمهم بس ساكته وزمرد خلصتها امم وامم
جتني ضل
شاورتني
ورديت شاورتها
ضحكت تكمز فرحانه
وراحت وي فيروز
باوعتلي رافعه تك حاجب
كالت
باعي احنا هنا نختلف عن الديوانيه والمنطقه مال اهلي انتي حقج مماخذه هنا منطقه راقيه عدهم عيب واحد كدام واحد. يشاور تروح تتعلم. عيب علميها تروحين يمها بغير مكان الخطار وتحجين براحتكم
ابتسمت الها كتلها
صاار
ودرت وجهي زمرد همست
تلفوني عالشحن خل اجيبه خاف يخابر خليل
راحت تجيب تلفونها من الغرفه وجابت تلفوني يدك
لج سونه هاي رجلج ديخابر
لا بربج كمت مرتبكه وعيون رقيه عليه رديت
الو
هله اسينات شونج
هلاو شونك انت
الحمد لله
طولت هاي ضل خبصتني عليك ومخابرت بعد
ههه باجر انزل الصبح اني يمكم باذن الله
توصل بسلامه يله فيماللا
الله وياك
سديته وجتني زمرد تركض
ولج ولج خابري السايق داارجع هم يله الحك اتحضر باجريجون لج
اي ادري ههه دروحي
عفيه بقالج شيره
خلصتها من تطلعين مري للصيدلانيه اخذي
نطت رقيه
خو روحي للمركز وضربي ليزر شخلك
باوعتلها زمرد ودارت وجهه همست
عفيه اسونه خابري السايق
هذا بالباب
خوش لج يله فيروز
يله باي كلبي تقربت بوستني من ينزلون اجيج لووتجين
اي انشاء الله باوعت لرقيه
ووانتي تعاي هله بيج
الا عيني ماعرف انام الا بفراشي يله خل اروح خابروني البنات دنريد نروح للكوفي
اي شكو منها جاوبتها زمرد واني ابتسم
باوعتلي وجرت عينها كالت
تره شعرج من جوه محروك يرادله بالقليل شبر كص
ابتسمت
سلومي ميقبل اكص منه اصبع يكلي اموت علي طويل
وجهه انكلب فرت بيدها وطلعت
زمرد ضحكت كاتمه ضحكتها
امشي ولي انتي امشي كش
راحو ومصيبتي مصيبه
مو نضيفه واكيد جاي من بعد سبوعين من العرس اللي مالحك يعرس بي
بقيت بحيره رتبت حضرت اكل خليته بالفريز كبب مكبب علمتني عليه زمرد. غير تخبل
حضرت كلشي وضل ويايه. خطيه حتى مسح تعلمت تمسح
المنظفه كامت متطب عدنا
كملت شغلي ورحت بيت ام سلام اني وضل
واتفاجا بوجهه ثكيل وتسبح منصيه
خاف جيف جتي زمرد ووممريتلهم
بقيت اتصفن شبيها
كاعده وتتحسر اخر شي عافتني وطبت لغرفتها
خلتني بحيره جانت هواي تسولف عن اهلها وخواتها بكربلا والحسينيه. العدهم
والعوايا الهناك شغير طبعها
رجعت لبيتي وضل ويايه
باوعتلي كالت
جدو تعارك وي بيبي البارحه بليل
شمدريج ضله
جنا نلعب اني وفيروز بالمرجوحه وسمعت بيبي صيح علي
صفنت واني شعليه ليش ويايه وجهه ثكيل خاف هي ضايجه
غلست عالموضوع
ثاني يوم دوام امتحانات نهائيه مبقالها غير سبوع
طلعنا اني وضله
لدوامنا.
واني بالدوام
دز رساله
اني بالبيت
رديت
حمد الله عسلامتك
شكرا حنام اخذي راحتج
اوك
كملت دوامي ورجعت بالخط متلهفه للبيت وافكر هيج اسوي وهيج اسوي
طبيت للمشتمل راسن ضل توها طابه دتبدل ابتسمت كالت
بابا اجه
وينه
بالغرفه يلعب بالموبايل
طبيت مديت راسي ابتسم الله يساعدك
كام تقرب مني شونج
الحمد لله تقربت متردده ماعرف اسويها لو لا مثل اخوتي من ابوسهم من يجون لو عيب
بس لكيت روحي تقربت بسته من خده صفن صفح وباوعلي بهالقرب تلاشت بسمته
بلع ريك يباوع صفح غمضت عيني خجلانه. فشلت كلش فتحتها شفته يباوع بملامح وجهي
جر نفس همس
رايح لاهلي امي دزت عليه شوي واجي حتى شسمه نتغده
اوك كلتها منصيه راسي بقه واكفه متحرك وتقرب لزمني من زندي تقرب بهدوء باسني من راسي بكل هدوء وابتعد وطلع
بدلت وشلت شعري مكيجت خفيف
وطلعت
ضل كالت بابا راح
ببيت جدو
خل اروح اسلم واجيج
خليت الاكل على نار هاديه ورحت
ادور عليهم ماكو وسمعت صوتهم بالصاله
ابو سلام
وام سلام وصوته هو
يمه. اني الرضيت واني الردت ابويه شعليه
وام سلام تحجي بصوت ناصي وتبجي
لك يمه شون هيج تسوي
يمه داكولج مكدرت حمزه. نسيتي لحمزه. يلوب ديموت ويلوب يصيح اختي شون
شون تردين اعوفها واخوتها حايرين بيها ياهو اليسمع يصرف نضر ميت واحد تقدم ويسمع بيها متخلف يبطل
وكفتها ويايه بضل ودلالها الها
شون ترديني اعوفها عذريني
وشون ميصير عدك بزر شون اكدر اصبر ولد ميصير عدك ولد بعد ولك داانتضر يوم يوم
يمممه البنيه صارت بعصمتي ماريد احد يتدخل واني عدي ضل بعشر ولد شسوينا لابويه عود
احجيلكً كلمه حجي
اسينات- اسمع وشي شي بيه يتفسر ويوكع شون يعني ماخلف شون يعني يعني شنووشون
ختمها سلام
اني لو ما حمزه فلا اتزوج تصدكين. يوم لحد هاللحضه اني متقربت منها لج يوم روحها ويايه. صوتها باذذذني يررن غير لوما تتوسل بيه اخذها خاطر ضل ترتاح والله فلا اتزوج سدو الموضوع والبنيه متدري ماريد تعرف
مالها ذنب
اسينات- دك تلفونه واني متحجره بمكاني ارتعش وذكرى ذكرى توجع بذاكرتي
دااطلع. طلع هوه ختلت
طب لهولهم ختلت وره البوفيه يحجي بالفون وينتر
الباجر هيج وكت الكل مستلم رواتبه. عماااااد التاخير هذا منك اخصمك والله اخصمك
سده والتفت ديطلع ووكف
رجيت راسي عالحايط مغمضه كلشي بيه. يبجي كارهه روحي مو كلام كزاز ويجرح بيه كان
حسيته من طكه شحاطته بهدوء مد راسه وره البوفيه
طلعت من صفحه اللخ
صفن بوجهي
عيوني فكيتها بوسعها الصوره مدتوضح عدي والنفس ضاق
همس
من شوكت جيتي
نصيت راسي
اسينات تقرب يلزم ايدي شلت كتفي وميلت راسي كاشه
بلع ريك طلعت من يمه بهدوء
لحكني طب ورايه صافن عليه بقلق وين مااتحرك يباوع
دك تلفونه مره لخ باوعلي
ورد
ديحجي مكدرت ابقى بعد لبست صايتي وحجابي شون مجان طلعت بره المشتمل وين اروح
منين اجيبه لحمزه
ليش اني مااعرف
شون تاكدو
ليش. زوجوني لعدددددد
السايق لمحني كال
وين تردين عمو
وديني لخليل
كلتها وغصيت غصيت بجي بقه صافن عليه مكدرت اهدي روحي تلفوني يدك بالجنطه
واني موكادره انسى كلامهم
واكثر شي وجعني
لعد تزوج اصيل خلفللك ولد خليها ام لضل واصيل عدي عني والله اروح اوكع على عمتك واكولها اريدها لسلام
يمممممه سدي الموضوع
اتذكر واضرب براسي
وصلنا ونزلت ركض—-
يتبع
مريم السعدي
بارتين ببارت واحد هذا
متابعه ممتعه
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!