رواية منطقه 13 الفصل الحادي وخمسون 51 - بقلم mem141162

بارت٤٩

#منطقة_13

#مريم_السعدي

الو — الو ويايه
الو نعم
شنو صوتي  مواضح
لا العفو بس مادري
شنو مادري — المهم اسف اذا خابرتج هالوكت
سكتت
الو
الو
اسينات دتسمعين لو اخابر عالشبكه
لالا والله داسمعك
خوش شوفي يابه. اني راح انزل سبوع واجب  ووراها اسافر اميركا عدنا تجنيد وتدريب  شهر نبقى واحتمال اكثر مادري مناطين خبر
اي
فضل كتلها ضلت تبحي تريد تجي يمج اني اخذت  اذن  من خليل وقاسم بس انتي كيفج تبقين يم امي تبقين بيتكم حتى هاي وياج لان الدروس دتصعب عليها من حولتها من الاهلي للحكومي شوي دراسه انكليزيه انتي تعرفين بعد

اي اي دتستصعبها
اها. لان اول  سنه  فاخليها يمج عادي لوو ابقيها يم امي  واخليلها مدرسه

لا حيبها هنا يمي
متحين عدنا
لالا
البيت فارغ خو ضلي بيتي مخد يمج وخليل من ينزل يضل يمج
لامرتاحه هيج قاسم ميقبل
تردين احجي ويا اني
لالا ماكو داعي
ماشي براحتج مو خاف تضوج عمتي هاي من تحجي صوتها عالي
حتى لو اصعد فوك بغرفه قاسم
ماشي براحتج انتي هم اذا هاي خابري السايق موصي اني
اوك
ماوصيج. بيها. ولو راح اتعبج
لا عادي
ممنونً منج يابه
هلا بيك همست
سكت همس
في امان الله
الله وياك توصل بسلامه
رحمه الله والديج
سده
واني. اباوع لايدي ترتعش شبيه ليش هلكد
خشونه صوته خزرته وبروده عصابه. تحركني حرك. انسان. بحياتي مشفت بهيبته وجبروته. جنت اسمع ابويه يكول شعليه بحجي النسوان هذا اساسا ممعبرهم كانما محجو يبوو شكد يسمعو ويلزكون وهو كانما اطرش

ثاني يوم الضهر جتني ضله. جانت طايره وتباوع ليفوك
نصعد يم ملوكه

واني ابتسم
هسه اخابرها
خابرت راسن ردت
ها اسونه جيتي
اي حيت احمد راح
اي من الصبح
ميحي الضهر عالغده
لالا تجين
اي مووحدي عدي خطار ويايه غمزت لضل ضحكت وصعدت قبلي صعدنا وفتحت الباب مليكه شهكت من شافت ضل وضل خربت ضحك حضنت مليكه طبينا وضل تعدد
نسوي كيك وبسكت ابو الككو ونسوي بيتزا

مليكه- اكولج عيني هاي برادلها مصرف شهر
ضل- جبت كلشي  وكلاشي بابا قبل ليروح  كتله شنو اريد وجابلي كلشي بس اسونه عادي من هذا الزبد كلت لبابا مو نفسه كال ملكيت غيره

اي يصير
مليكه- هسه غير نتغده يله
ضل- اجيب اللفات واجي تسيتها بالجنطه
اسينات- منو جابلج لفات اني موكتلج بعد لتجيبين
والله بابا كال بس هالمره كال لان طيبه حتى تجربيها وحاب لملوكه هم
ملبكه- الله يحبر بخاطره ههه روحي جيبيها روحي
اسينات
كم يوم كضت اني بيت. جدي. مرتاحه. نوعا ما   مرت ابويه نوبات. تسمع حجي واني اهملها
علىانه اني ذاله روحي ال بيت خالهم
واني اغلس
و فد مره بليل سمعتها تحجي وي ضل
بيبي ضلوله كوليله لبابا اريد ام اريد وحده. ويايه. توكلني تدرسني اضل اني بالبيوت افتر كوليله على عمه اصيل شفتيها شون تحبج هي. تجيبلج لعاب ونساتل
طبيت شفت ضل صافنه ومبرطمه اصبعها بحلكها السبابه. باوعتلي جتي يمي

ومرت ابويه فرت بيدها ودارت وجهه

لليل خابر خليل  
هلاو خللو
هلاو اسونه وين انتي
بيت جدو
لااا ولج داروح بيت خالي   اريد عشا  جايب لحم تكه
دجيبه وتعال
ها خوش حجي اكولج قاسم نزل داخابره مغلق

لا كال باجر الصبح خابرته
خوش دروحي دانزل اجيب صمون لتتعشين وكولي لامي لتنام اريد احاجيها تردين شي
لاسلامتك
هذا تسوك
لا قاسم من نزل تسوك
همم وهو شيسوي لعد استغفر الله روحي نعل شيب محمد روحي
اوك
سديته وكمت راسن حضرتله الحمام. صاحت خاله
هاي منو حيجي
ابو الخل خاله
ها يجي لهنا
اي كال لتنامين يريد يحاجيج
شكو ياستار
مادري
كملت وطلعت سمعت ضل تحجي ويا
بابا اجه وياك
لا حبيبتي بابا مسافررر يم النسوان
بابا ماعده نسوان

اسينات- هلاو خلو
هلاو كبد شونج تعاي تعاي هذا حيجيف من الحر شني خاف بي ريحه
تقربت شميت اللحم ههه بي ريحه لحم
هذا هو يله اشري اسبح واطلع ام قاسم وين
دتنتضرك
خوش
شويت وحضرت الصينيه مرت ابويه طلعت تسبح وصافنه تباوعلي وضل يمي تسمع بالمحفوضه والايه والمحاوره

وترد تعيد
كالت
والله سطرتني
اشرت لضل اش
سكتت وتباوع عليها بخوف
حضرت الاكل طلع خليل
صاح
ام قااااسم الوررررد
هله يوم هله بيك
تقرب بوسها وكعد يمها يشاقيها خليت ابصينيه كدامه
كال
تعاي وين كعدي ويايه

ام قاسم- اكل انت يوم اكل هي تاكل كلشي

نتر
اكعدي  اكلج  شيخلصه هاذ
يله يوم
لا يمه شبعانه مااكدر ثكيل عليه هذا

كعدت بالكع وهو عالقنفه والصينيه عالطبله ضل يمي سويتلها لفات. وهووبلش حجي
ام قاسم الذهب رايدج بسالفه اليوم
شكو كول
يمه الباجر العصر اريد تلبسين الكلبيه مالتج والفوطه. والعبايه الجابها خالي وتجين ويايه

وين عشتو
غمزلها نخطب لابنج

اسينات- صفنت عليه اضحك
عليك القران  تخطبهااا باجر

وخاله باوعتلي مخنزره
هاي كلها تدزي واني مادري
لا بمه شتدري بنيه شفتها من جنت داوصل اسينات بيت خالي وعجبتني وهاعي
وشمعرفني اصلها فصلها منين مامنين
سالت كلللشي واعرف كللشي

منين عشتو هاي
من الموصل
حلللو. والله يابه زززين بعد عليه. المصالوه
وشبييهم يوووم شبيهم معاجبيج
والله خليل  شوف اكولك  اني راسمه على اسراء شو محاميه وتخبل ومال ووضيفه. ومفاتحه خالتك

ههههاي والله يابه عود زوجيها لقاسم. يووم هاي بياكوفي المهر باعي يمه تجين تخطبين لو اخذ  مرت خالي واروح. والله بس عزفت كالت اخذني ويام اشوفها وحلفتني بس اني قفلت لااا اله امي

وصيحت مرت ابويه

ايييي مرت خالك صارت اممك اربي واتعب عالحاضر. اييي. خوش والله  بعدلي منين مامنين شافها بالشارع ورادها

يبووووووو
اسينات- ودفر الصينيه  راسن  لكفتها واباوعله صار نار وجهه احمر دم

وكف
يمه جاييج من الواجب عدددل لهنا. وجيت افرحج زوهرتينيييي. شنو صايره تتخبلين من اطب لهنااا تتخبلين من تشوفينيي

لا انت الصاير متتحمل تبقى هنا جاي تغثني وترروح

اني من اجي  اكولج خطبيلي دااغثج هاهي  يوم كيفج  هدومي وين اسينات
والله بعدها مناشفه مبلله
استغفر الله نزلي تراك من قاسم داولي

صيحت مرت ابويه
وين مولي اذا خطبتها اروح لبيتها وافركش كلشي
حتى داافلش البيت على راسكم

امشي لج يله انشي بدلي دتجين ويايه
همست
اي اي اوك

كمت راست لبست واخذت هدوم طلعه شفته بره بالطرمه ضل منزويه خايفه
طلعت لكيتها لمرت ابويه  بالمطبخ كاعده مزنبره. باوعت للصينيه لملمت. ورجعت ملشي لمكانه اخاف اباوعلها
اخذي لهذا الاكل  معايزين على اكله انعل ابوك لابو  الجابك

لميت الاكل وغطيته باربع خبزايات ولفيته وهي تدردم.
اثاري اربي وانطي لاخته ومرت خاله ياريت اخته من امه وابو امها باكت رجلي وهي تبوك ولدي
ضل تباوعلهاوتباوعلي  طلعت والتلفون بيدي وضل تسحب بجنطتها وتباوعلي خايفه

صعدت بالسياره هو مزنبر محجه شي خطيه كسرت فرحته

خابرت قاسم
دك كومه يله رد
الو
هلو قاسم
ها اسونه
نايم
اي والله توني اغفه شتريدين
باوع حروح بيت ابو سلام
شعدج
ممو وحدي خليل ويايه صيح هليل
ويايه ويايه
خوماكو شي
لالا بس باحر دنروح نخطب لاخوك

وين اكص رجله اجي  ويا
اي هو من تجي
شدتحربطين روحي روحي خل انام
ههه نام عيني انت نام
وصلنا ونزلت طبب السباره وعلك السويج باوع بيدي ماعون
هاي حبتي الاكل وياج
اذا انت كلشي ماكلت
زوهرتني كلت حتهلهل وتفرح وتكسر حزنها على وسكت نصه استغفر الله ربي
تعاي فوتي
ام سلام وين
موهنا فارغ البيت تعاي
رقيه
بايته بيت خالتي

طبيت رجعت فرشت الاكل كمل ويسولف

نطيت خبر لام عمار راحت كلتلهم والام معترضت كالت هله بيهم
خوش
باحر مرت خالي تجي ونروح سوه اني وياج ورياها ورقيه
صفنت
باوعلي ونصه
شبيج
لا هيج
تره هم اختي رغم اغلاطها وعدم مصافاتها وياج بس غير اختي
اوك بس خاف مرت ابويه تحجي
هل تحجي منا للصبح  شون تكه هاي تخبل
الف عافيه
ديله حروح انام  تعبان لحد يكعدني انتي وين تنامين
حروح بيت فريده ضل تريد بغرفتها
ماشي يله قفلي الباب عليج
اوك
كملت تلملم وطبينا  للبيت هدومه تراكسوده عالجربايه مال غرفته  والبدلهزالعسكريه معلكه
هاي شنو ضلوله مااخذها بابا
لا مااخذها كال غير زي عدهم
همم لملمت وحضرنا هدوم الدوام سمعت ام سلام طبت تحجي وي ابو سلام
عرفت جوي
نمنا بغرفه ضل جانت مكيفه بيه ومن كيفها كالت للسايق عمو تسوكلنا نمنمات وفواكه ماعدنا شوي وجابهن مكدرنا ناكل لان متخومين ضميناها من نرجع من الدوام
كعدنا الصبح وهي خطيه مكيفه
سويتلها لفات ومشطت شعرها وتسولف مكيفه  طلعت الدجاجه موعتها وطلعت السايق وداني براس فرع بيت جدو علمود يجي خطي

وداومت
ورجعت بيت خالهم كبل خليت الدجاجه بالفرن وياها خضار وطبيت سبحت وطلعت جتي ضل
بين متبدل طبيت بيت ام سلام خطيه كيفت من شافتني حجيتلها عالصار كله. هناك كالت
راح تخسر ولدها مرت ابوج وابتسمت والله نروح ونخطبله ونفرحه. مصدكه مجذبه يريد يتزوج
خاله فد جمال شايله تخبل بس شوي جامده
هو يموعها مالح دخل بينهم
اي فدوه هه
ونزلت رقيه مزنبره باوعتلي وجرت عينها

كالت
مرت خالي مالج حق تكسرين حجايه امي وترحين  تخطبيله. ابنج هوو قابل
جاوبتها
يمه هو اجا ونخاني

حتلو مفروض تكوليله مااقبل الا امك تقبل
اني معليه بينهم

لا انتتي تردين تسوين هيج حتى مياهذ اسراء تموتين من بنات هالتي
صفنت عليها خزرتها
انتي لو تحترمين نفسج لو اخلي خالح يعلمج الاخترام
والله اني محترمه ومتربيه. مواتلزك بالزلمم وباوعتلي واكول بلكن يخطبني. ولا ماخذه ولد من ام واروح ازوجه عيب باجي عيب
وصيحت ام سلام اول مره اسمعها هيج تصيح
امشيييي لججج امشييي ادبسززز  بعد عليه. رقيه افتدي تعلمتي العيبببب وحراناي شتعرفين عالعيب
لبسج
لو لسانج
لو صوتج ومكياجج

لو تنزلين تاكلين وتصعدين كشايه متشيلين
رقيه-قابل انتي منضفته عدج خدم  واشرت عليه عكدت حاجبي شفت روحي مداكدر اسمع بعد عفتهم رحت بيت فريده صيحت
اي اي انهزمي وسوي سحوره بلكن ياخذج سلام  ويعطف عليج من يشوفج. تدارين بته وتشط—

التفتت خزرتها وكملت حجي وي مرت خالها
طبيت اعصابي تفور
ضل دتطلع كتبها تحضر باوعتلي ببرود
همست
الدجاجه ريحتها طيبه اجيب خبز من بيبي
مو هسه ضلوله
دك تلفونها ضحكت
بابا بابا هذا هسه يخابر

ردت كامره
باباا
هلو ضلوله
هلو شونك
هاي شنو انتي بالبيت
اي جينا اني واسونه
شوف شعري
والتفتت تشوفه الضفيره

اللله شون حلوه طالعه ديله. تغديتو اكو مسواك
كلت لعمو مصطفى يحيب وجاب واسونه سوت دجاج
عفيه بابا عفيه
خل اشوفك الدجاجه
لالا خل اروح
بس شوف
فراها عالفرن الكامره ابتعدت سوه
واو الف عافيه اكلي زين حتى تدرسين
اليوم الست كلتلي خلي ابوج يجي
ليش شتزيد بعد
مادري كتلها مسافر
اي عفيه زين تسوين
بس كالت خلي امج تجي واني وسكتت باوعتلي
همس بتعب
اي بابا كملي
مكتلها ماما راحت للجنه
جر نفس ليش يابابا
هسه تنقهر عليه اضوج
هسه اخابر الاداره
حتكوللهم
جر نفس
لا بابا مراح اكوللهم لتخافين
خوش ديله باي
باي
سدته وباوعتلي نصت
ملبي انمرد تقربت منها
شرادت منج الست

كالت وسكتت
كالت لازم يجون الاهالي
ميخالف شوكت
الخميس
مو مشكله اني اجي
واكولهم انتي ماما عادي
اي عادي
شكرا بس خاف حرام
اناي مثل اختي الصغيره وبتي
اي صح لعد موحرام
اي يله تعاي ناكل جعت
خل اجيب خبز من بيبي
راحت ركض ورجعت بيدها ٣ كرص همست
جدو يتعارك وي عمو نسيم وعمه رقيه
معلينا خليل كعد
لا ماكو
يله تعاي ناكلتوني امد ايدي وصوت هليل صاح
اسونه
هلاو عمتك تحبك
رحت فدوه لعيون بتها
تعال اكل تعال

طب كعد ويانا ويحجي
اول شي نروح ونكوللهم امي مريضه شسوي يعني وتبدي مرت خالي تحجي وي امها مالج دخل انتي تلزمين زمرد تفهميها
اي
تكوليها ناجر  شقه هنا نفس المنطقه واني بيوم الانزل للواجب اوديها لامها وبيوم  الارجع اخذها
اوك
وياريت تكدرين تحصلين رقمها
صفنت عليه
كال
لو مو وكتها
لالا مترهم
يله مو مشكله كمل اكل غسل ورجع نام

ضل هم نامت واني عدت اقره. وعيوني عالساعه صارت ب٥ كمت حضرت هدومي وهدوم ضل ورحت بيت ابو سلام حضرت هدومه شافني خاله ابتسم همس
هله بيج عمي
كملت كوي هدومه وحضرتهن شفت ام سلام تبدل وتتعطر الريحه بالبيت تخبل
ها خاله كملتي
اي يمه هم يله هو كلي ب٦  ساعه٥ ونص
واجه طاير
وجهه مطعج
ها كعدت
ادري ياسونه غير تكعديني مو كتلج ب٦ متواعد وياهم
ميخالف بدل عالسريع
اي لاعاسل لا مزين شلحك هسه
طب وركض واني بدلت. وضل هم بدلتلها وطلعت لكيته يمسح بجامه السياره بس وجهه ضايج
خليلو
ها عيني يحجي وميباوعلي
حنخطبلك زمرده بيول
جر نفس ضحك وشال ايده. كون ينطون
وليش عشتو مينطون
حضي يسويها

يله صعدي دك هورن طلعت مرت خاله والعبايه بيدها كال
هله هله بالحجيه
لتتلوكلي  لك اذا موحلوه ماافتح حلكي
معوده صعدي اذا مردتيها لخالي معتب
دكوم لكك خالك ميبدلني بكنوز الدنيا
كاشان كاشان مرت الخال
صعدنا وضل تهمس
وين حنروح
بين هاي البنيه الحلوه
فيروز ايي
وصلنا وخليل طبك السياره دك الجرس هم
تعاي باجي
وكف وراها ويباوع للساعه
٦ وخمسه تاخرنا
انفتحت الباب امهم مكشخه وتبتسم. وفيروز وراها ضل ضحكت  اشرتلها
ومرت الخال طبت وتصلي عالنبي
هو طب وراهم والتلفون بيده ويباوع لخابط عمار جاوب
هنس
لك كو- مو كتلك امك ويانا
اي اي جي دتنتضر جوه. ببيتهم انتو تاخرتو
خرب  طبينا شفت ام عمار جوه عرفتنا عليها ام زمرد وبدت مرت خالهم تحجي وخليل مفات بقه برد بالباب يم عمار
ام عمار تحجي وعينها عليها
وفاتت زمرده
لابسه ازرك فاتح بلون عينها تبتسم وقدمت كيك وعصبر
مرت خالهم صفنت وهمست
صلوات عالنبي. حقه الولد متخربطه احواله
ام سلام انتي مشايفتها كم مره حيني للحسينيه وتتفاوتون
اي والله تخبل الله يحفضها والله ليخليج بعينه هذا خليل اني ربيته.
اعرف حاجيلي
كعدت بصفي زمرد ابتسمت ونصت
واني باشت حجي الكبار يحجون وهي بصفي

كتلها
حبيبتي اذا امج وافقت
نصت راسها
فيكول ااجر شقه قريبه عنهم ومن موجود موجوده ومن يروح يذبج. يم امج
هزت راسها تبتسم وتفرك بيدها
امها اشرتلها طلعي وطلعت

طلعنا واحنا نتفق على موعد الفاتحه والخواتم اللي صدمنا رفضت العقد احد ما تتخرج من المعهد الطبي يعني بعد سنه ونص

ام عمار بقت عينها عليه سالت ام سلام اللي ترددت بالاجابه بس بعدها كالت
اخت خليل

بوستني وتباوع بوجهي
طلعنا ووجه خليل دم سلم على ام عمار باس راسها والولد الواكف بصفه. تقرب باس راس ام سلام
باوعلي فك عينه ونصه
خليل باريحيه همس

عمار اسينات اختي من ابويه
هز راسه وباوعلي شونج خويه

اهلا وسهلا

صعد الدجه سلم على ام زمرد وباوع ليفوك ونصه يبتسم صعد السياره واني داصعد ضل واكفه ام عمار وعمار همس عمار
يمه هاي مرت نسيم

وسكتو سمعته وصعدت
جان شاب مملوح ومرتب راقي كلش صعدنا وطلع اول مطلع صاح
بشروو

لا اخته من ابو

وام سلام هطيه باوعتلي همست
من وحصتج عيني اسينات
وهلهلت بالسباره خليل ضحك وجهه نفر دم همس
حددتي موعد
اي عالجمعه مثل ماكال خالك حاقات وفاتحه
جر نفس والوراها عقد
لا يمه
ليييش
امها مقبلا تكول الا تكمل معهد
ليش حطفر بيها

شسوي امها بعد
سكت انكسرت فرحته هز راسه مو مشكله. بلكن الم جم فلس هم فوك العدي

وصلنا جانت ام قاسم بالبيت والدنيا كالبتها على ابو سلام
حركت الدنيا حرك هي وبتها خليل صفن عليها صيح احركها لروحيييي
وهي تصبح بالقير ماخذ هاي ومرت خالك ورايح. ذوله شون ناس. هيلك النطوك بله امك
خاله يصيح وهوًيصيح ومرت الخال كلشي مسوت طبت بغرفتها اشرتلي روحي بيت فريده طبيت وقفلت الباب
بقه الصياح لحد ما سكعت البوب تركعت  عرفت طلعو

كعدت ادرس ضل خابر قاسم.
ها ولج
ها عيني انت تجي

اي راح اجي امي واجه لمحمد واصله
ميخالف تعال احضرلك عشه
لالاجايب لفات خليل الناقص وين
ولك انت تاخرت
تعاقبت والله وكعدت ساعتين يله خلونياطلع

اسم الله

ديله. جيت
كملت دراسه ضل ونيمتها. وطلعت انتضر طب يبتسم. شاف خليل بالحديقه يدخن كام يدبجله بعدوء
اخونا خوش اخو
اسكت طلعتها من خشمي
مالك دخل ببوسه ترضه اممك
سبوع الله الكعده
راضيها يله تروح وتحمل شتكول غلس
استغفر الله ربي واتوب اليه  دتعال. تعال شون لفات جايبلك اسونه تعشيتي
اي خويه متعشايه طبني بدلتك داغسلها
هاخوش هل اشرف خالي

طب سلم وغسلت بدلته ورحت نمت
لليل خابرتني مليكه
اسينات
ها عيتي شبيج
فدوه تعاي باجر مو الاوف مالتج
اي
فدوه  خايفه
اجي لتخافين من درب الدوام واخلي السايق يجيب ضله اتحمل مرتزابويه لخاطر عيونج
ابقيج عدي
لالا ميقبل قاسم
خوش زين شلبس احمد جاب جبب٣ وورحنا اشترينا احذيه وجنط ٢ وحجايات بس اني مادري مدوهنه
لتخافين باجر احي من وكت وعلى كيفنا اول يوم ب٤ مو
اي
خوش
مليكه- لارايده هالشي ولا مستقتله. بس كرهت الوحده والملل وحدي بس افكر بي وبس ابجي شتاقيتله بتعب كلب وابو الماطور يفوت مرات صار مو دوم
مره شفته فات ووكف واني عيني انزرعت عالشباك شفت قاسم طب للفرع يتمشى جان ديشتري من المحل بقه يباوعله وابو الماطور نصه
تقرب منه قاسم
ها تفضل
لا بس داصلح الماطور وكف
ها بس اني وين شايفك
ااني هنا بيتنا بالمنطقه
قاسم عاكد حاجبه صافن عليه والولد احواله ارتبكت اشتغل الماطور وطلع بي
قاسم بقه صافن عليه
وين شايفه وين يعرفه

جتي اسينات حضرتني من الالف للياء  تعدل وتنصح وتوصي واني اهز راسي

مرتبكه من العالم من الاختلاط من كلشي

وطلعنا ضل جانت ويانا واحمد هم نتمشى حتى تصير سهله عليج
اوك
اسينات- جنت منحرجه من وجوده رغم باوعلي بكل قلق شونج صحتج شىنها عليج الله هم اخوج اني ممحتاجه شي بروح عمي راجح تلفون واحد فوك راسج حالج حال ملوكه
وصلها وبقه كاعد والدكتوره. تعلمها شتسوي جانت مرتبكه
اي مرتبكه وخايفه احس راح افشل. واباوع لاحمد يبتسم ضل واسينات يباوعولي

كعدت وطب اول مراجع وكفت
اشرلي احمد كعدي
كعدت وايدي ترتعش

طلع احمد وبقت سونه يمي تبتسم

رد اسمه الولد وطبيت للدكتوره

اجه واحد
ضحكت الدكتوره همست
اي طببي للواحد
طلعت كتله تفضل
طلعت واباوع لاسينات
همست
باعي هاي هنا براد جيبي اكلج خلي بي فاكهه لان من ال١٢ لل٦ دكتورتين تجوعين
اوك
هزيت راسي
همست
داري العياده. بردات مسح طبلات مزهريه تكيف الدكتوره واذا تكدرين فد قاط يوميه
امسحها شنو اني منضفه
لا حبيبي مو هذا البنكلادش باعي موخوش مسحه مراح تقل من قدرج
صفنت عليه وعالكاع
هي صغيره
اي وانتي هم متعرفين تكعدين مكان وصخ
اي والله صدك حتى الحمام تلعب روحي اذا ماغسله يله افوت
اي هيج الدكتوره تكيف عليج وتزيد راتبج صيري خفيفه حتى لكمتج تتحلل
اي
وباعي لتسولفين زايد وي الناس ادري بيج فطيره
لالا مااحجي
لا عادي سولفي وضحكي بس من يصير زايد عاللزوم سكتي غلسي

خوش
يله نروح
لالا بعد موهسه
لا خل نروح فد ساعه واجيج حتى نجيك اسنان ضلوله ها ضل
اوك عادي هه
دك احمد
ها حمودي
لالاعادي لالامخايفه عادي اي اوك ماشي

اسينات- طلعنا نتمشى وصلت للبيت شفت رقيه طبكت بسياره السايق باوعتلي خزرتني

طبيت مهتميت

وضلت تحجي ورايه. وين جنتي اخوتج وين عننج. طبيت ركض صعدت  فوك قاسم مموجود قفلت باب غرفته عليه وكعدت خابرت اسينات
همست
لج بعد لتخابروني خمس مرات خابر احمد ومرتين  اجاني
اخذتي لنص
اي جوي هواي ناس بباي
فدوه بباي عمزي

سديته وضل يمي
حدما خابرت قاسم يله ردت روحي
تعال يمعود اني فوك محبوسه
شكو
رقيه جتي مالي خلك  عركاتها وحجيها والقران
ديله جايبن اني وخليل نطيب هاطر العلويه
اي فدوه
مليكه- تعدي الايام صار سبوعين مداومه. اروح واجي نوبات وي احمد نوبات وحدي
بكل ركن اتخيل وكفته حنيه ضهره لمن رمه اليمين وراح والكه روحي اعثر وابجي

وبيوم جانت حاره حيل ب٦ العصر
شارعنا يروش
جهال وكبار منصيه امشي وسمعت صوت٢ الماطور كلبي وكف التفتت راسنن
والتفت عكد حاجبه جنت واصله لباب بيتنا
ثكل ويباوعلي رجال ب٥٠ كاسكيته. لابس ومناضر رجفه رجفتها. مو طبيعيه متاكده من نضرته اله علاقه بي متاكده هوالذب الذهب بسياره حمودي متاكده.

طلع راح وطبيت سديت الباب واباوع من الزرف وابجي اشهك برجفه. شفته  رجع مر بثكل فات  فتحت الباب  باوعلي وطلع سديت الباب التفتت مروه فاتحه باب المطبخ تباوعلي عاكده الحاجب
نترت
شبييج انتتي
كانما مصدكت وحده اطلع قهر كلبي بيها
طبت راسن وسدت الباب
صعدت رجليه متشيلني

نمت وافكر هالمره الزمه هالمره احجي ويا اكوله وييينه وينه
واصفن كذب ماكدر هسه يكولي ماعرف علوش تحجين عبالهم مخبله
واعض باصبعي واكل بنفسي ودموعي تحرك بيه حرك
ثاني يوم عطله
وراها دوام بدلت بلهفه  وافكر اوكف كبال ماطوره ابوس ايده بس يكولي وينه وهاذ هو

معقوله مات
معقوله مسجون
شىون اجه للمستشفى لعد
خاف مااجه
لعد منو كتب الرمز
ضعفت قوتي ونزلت وعيوني عالفرع. مليان ناس

طلعت مشيت كم خطوه واسمع الماطور مره طلعت من بيتهم  واني التفيت على ابو الماطور باوعلي توني امشي تجاهه اسوي روحي دعمني وزلكت رجلي من الرصيف ووكعت كلها صاحت الله بقيت روحي نايمه عساس متخربطه. فتحت عيني كلش قليل شفته واكف بعيد يباوع
المره خطيه انثبرت
اسم الله يمه شبيج  سلامتج يمه. جنج ورد شبيج خاله

همست مذبله روحي وخجلانه. حيل من العالم
اللي جاب بطل مي واللي  يصيح بيتمن خل نوديها
الحجيه كعدتني همست
شبيج يمه هاي من الشمس
كتلها
لاخاله اني مريضه هاي اخر ايامي مرض خطير بيه
ضربت على صدرها يمه اسم الله سوده عليه بعدج صغيره
كمت نفضت هدومي وطبيت شفتها من الباب تحجي وي العالم وابو الماطور سالها
وهي جاوبته صوت ناصي
بقيت اباوعله صعد وطلع

كعدت بالكع عالدرج مالتنا واتنفس سريع
حيكوله
يمكن حيكوله ويجي
يمكن يخاف عليه ويضل باله
لو اصلا مراجع اله

يومين. ورجعت داومت. توني اطلع واتلفت هسه يطب
ابو الماطور

دامشي منصيه توني اكول لا مستحيل هذا عافني بعد سلمني بيد اخويه وخلص. نسى كلشي ولازم انسى احجي ودموعي تجري
وصلت راس الفرع واسمع الماطور بس هالمره سريع. بسرعته  يمشي الفرع فارغ ساعه١١ الصبح الجهال مدارس

ارجف ماعرف ليش وكلبي يدك سريع

مشيت موكفت والصوت طفه ورايه ورايه
صوت خطوات صارت تمشي
رجلي ترجف وعيني تندار وراسي باستقامته كبل

واجاني صوته
صحه كل ذره ميته بغيابه بيه شافه  كل خليه تمرضت من عافني لليوم

همس بارتباك ونفس مخنوك
مليكا——

يتبع

مريم السعدي

حيو عابس بالصلاه على محمد وال محمد

اهداء البارت لاغلى المتابعين واتمنى اكون مصار بي جر  وعر بس هاي من ضروريات القصه
شكرا لصبركم