تكملة بارت ٦٦
#منطقة_13
#مريم_السعدي
سلام-خليلل
هممم
ارجعك للمستشفى تريد عالمغذي تتسكن ترتاح
لالا اختنك فدوه
براحتك
اسينات- كالها ودار وجهه تنهد بقيت اباوعله واكف ببدلته ويتلفت لانحاء الغرفه ويتنهد بحسره رجعت نصيت على راس خليل اللي مغمض ودموعه تنزل على حضني واني مستمره اقره
حسيته فتح حلكه وغفه
شلته بهدوء خليته على مخدته كعدت على ركبي اباوعله. من نايم
وجهه متكرمش من احساس المه وكد ما يعصر ويفقد
فجاءه انطفا الضوه التفتت راسن شفت سلام طفاه همس
خلي يرتاح وطلع
كمت وتمددت كدامه
يومين عدت سلام الصبح احس بي طب يمه يشوفه وكت نومته اباوعله بدون ميدري عباله نايمه وبس يلتفت عليه اغمض يبقه شوي ويروح
امه مدتتحمل تسمع صراخ المه ترجع وي احمد لبيتنا وترد تجي ثاني يوم ملهوفه
واني مستمره بمداراتي
يومين مرت
والحمد لله الم ماكو
واليوم توني كعدت داحضر ريوكه شفت سلام اجه من بيته طب
ضل يمي تطنطن
وام سلام دتقره قران
واني دااحضر طب سلام
همس
السلام عليكم
جاوبت عليكم السلام وامه هم ردت رفعت راسها باوعتلنا ونصت
حضرت الصينيه ضهري عليه
همس
ضله بابا جيبي الجبن بباب الثلاجه ببيتنا
اي بابا
اخذت الصينيه وديتها لخليل ابد مباوعتله
اكل خليل واكلت وياه. واسولف وهو يبتسم وبده يتفاعل يحجي عن جماعته وسوالفهم لو يتذكر مرته بفد موقف ونضحك
طب سلام باوعله
همس
ابو الخل اليومً نشيل الضماد
خليل صفن ونصه
نتحمل شوي
والله مضلت طاقه
اسينات- ميصير يبقه اكثر مرتاح عليه
جاوب ويباوع لخليل يبتسم ايده على كتفه مباوعلي
لا ميصير لازم يشم الجرح هوا حتى ينشف
هز راسه خليل ونصه
شلت الصينيه وديتها
ورجعت جانو ديسولفونً حضرت هدوم خليل سلام احسه يباوع من جوه ليجوه
خليل- هسه ابدل لو من اشيله
سلام- هسه الطبيب على جيه تكمل وتبدل تاخذ راحتك
اريد افوت حمام قبل ليجي
يله كوم
طببه للحمام وطلع اجه الطبيب شال الضماد خله شي بسيط
منضرها جان مرعب بس ردت البسه البجامه حتى ميضل يباوعلها
لبسو ورجعو لفراشه بقه ييمه قاسم وسلام عفتهم وطلعت شفت عمتهم رجوى جايه واصيل ورقيه بالمرجوحه
سلمت وخليت المي لحم عالنار اباوع لاصيل تنتر برقيه صوتهم ماسمعه بس مبين من الحركات
رقيه هم بعنتكه تجاوب ماشوف اله اصيل غمتها وطبت ركض جوه كعدت يم امها رقيه طبت وصعدت فوك شايله خشمها
صفنت معقوله تعاركن
كملت توني دافوت اسبح ضل يمي كتلها حطب اغسل بغرفتج كالت زين
جتي ورايه قففلت باب غرفتها سبحت وطلعت اسرح شعري واسولف وياها دااضفر شعري واندكت باب غرفتها
صفنت عليه همست
فتحيها
فتحتها سلام باوعلها ابد مرفع راسه كلها
بابا روحي لببيتج كوليلها جدو يكول خلي تطلع فلوس الخمس جتي المره
اي بابا كالتها وتباوعلي
راحت وهو بقه واكف جر نفس منصي دار وجهه لم شفافه لداخل حلكه جريت شالي داروح هناك
التفت باوعلي بغضب تعديته ووكفت رجعت باوعتله شفته مكتف ايده وبعده على نضرته عاكد الحاجب ويحرك بفكه. يمنه ويسره يريد يملخني
طلعت من بيته راسن بس وصلت سمعت صوت خليل يصيح
اسينات
امه يمه تكوله شبيك يوم
يمه صيحيهاااااا
اي اي
اجيت ركض كالت
فدوه يمه يريدج
ركضت للغرفه باوعتله
ها ابو الخل
اقري على راسي فدوه
اي جيت طلعت امه تشهك وتبجي نيمته بحضي واقره. همس
باردتلي
غطيته
عاط لالا ثكيل على رجلي الغطا
حسد الباب حتى ميجي هوا اوك
اييي توني اسدها طب سلام وسدها وراه
ها شبيك
سلام دتموتني
هاي لان توك رافعها للضماده
رجعت لمكاني خليت راسي بحضنه وباذنه اهمس سوره يس يغمض ويرجف يصك سن بسن
اسينات. لتسكتين فدوه
واكمل حدما رخه تقلص ايده على دشداشتي عرفته نام
بقيت اتلمس شعره حمار خده خف شوي شوي
رفعت راسي شفت سلام يباوعله ويباوع لهدومه
همس بتعب
رجع نزف جرحه
غمضت عيني
هونها ربي دخيلك
شلت راسه وغطيته منزف بعد يبس الدم
واني نمت عالقنفه وتغطيت التفت سلام لناحيتي بس مباوع لوجهي طلع من الغرفه وطفا الضوه
لليل خليل احسن
طلعت من يمهم عفتهم يسولفون نسيم وره كم ساعه صعد وقاسم رجع وي امي
واني يم ام سلام وضل تسولف ويايه
طبيت للغرفه اشوفه خاف محتاج شي
شفتهم نايمين
سلام
وخليل
خليل واخيرا كالبي صفح ومرتاح خطيه
وسلام—- سلام بله تيشرت كالعاده وممتغطي نايم على ضهره وداير وجهه صفح مكنفد
تقربت منه غطيته بهدوء وكعدت على ركبي كباله اباوع لقساوه ملامحه
صافنه عليه
شفافه الرفيعه وشاربه المخصل بشعر جوزي محمر وتذكرت لحضاتنا الحلوه
حيل شتاقيتله
تقربت منه بسته بكل هدوء حسيته قرب وجهه مغمض يتنفس بلهفه ابتعدت باوعتله شفته فتح عينه شوي ويتنفس سريع بلع ريك ويباوعلي مضيق عينه وعاكد الحاجب بس النفس فاضحه
كمت وتركته طلعت بره غسلت وجهي مندمت عالسويته لا بس تفاجئت بروحي شكد احبه
طلعت جانت ضل تسولف وي ببيتها
من شافتني كالت
اسوني متعرف بيبي تسوي البتيته مكسبه باعي مايعه كليها انتي
تعالي
كعدت عالكاونتر وبيبيتها تدردم
يبيبي تعبت البنيه اليوم هم اخوها وهم انتي
اسونه تعبانه
لا ضلوله شعدي لاخاله كاعده مجاني نوم
براحتج يوم
خليت الطاوه وضل بصفي اقلم بالبتيته واحجي
ضل خابرتني ام سجاد الوياج بالصف
اي شنو كلتلج
كالت عدج كتب مال رابع لضل لو ادزلها
يااا موعطله
جننا ناطين ضهرنا ونسولف
ادري عطله بس لازم واحد يراجع ضل هسه سجاد يتفوق عليج وانت متلحكين تقرين لان هو قاري مراين وانتي بس مره
خرب هسه اقره اريد كتب بس خاف مااعرف
من متعرفين نفتح كامره ونتعلم خوش
اي خوش زين انتي شوكت تروحين
خلي شوي يتحسن عمو واروح
زين يصير نقره شوي قبل لتروحين
اي اوك باجر اكولها تجيب الكتب
اي حبابه يعني هوخلص الكتب
لاتوه بده نكدر نلحك بي
اي اريد اغلبه
انشاء الله
دااحجي وياها همس ورقيه وام سلام ونسيم يسولفون كبال المطبخ بغرفه الطعام كاعدين مفتوح بقوس عالمطبخ
رقيه عينها عليه مدرتلها بال ابد مالي خلكها
اثاري سلام ورانا ديسمع شنحجي
ضل من دتحجي اندارت وخنست باوعتلي وجهه انخطف
شبيج وقطعت الكلام من انداريت وشفته واكف ورانا
يمكن عرف جننا نتخابر
يمكن عرف جنتا متفقين. وهو ميدري
ضل نزلت من الكاونتر انهزمت يم ببيتها
واني دااكلي عادي شسويله وكف بصفي شغل قوري الجاي وبقه واكف
افتر بالمطبخ وردوكف بصفي واني مقاومه ماباوعله حسيت ضهر كف ايده طخ بضهر كف ايدي جمدت
شال ايده جر علبه الشكر ويمشي ايده بكل هدوء ومدير وجهه كلبي راد يوكف وجامده بمكاني اطلع بالفنكر بتك ايد ماريد اقطع احساسه كملت وطفيته ومتحركت باوع للطاوه ويتنفس صوت نفسه مسموع واني كاتمه حتى انفاسي
التفتت بهدوء باوعت بعينه والتفت باوع بوجهي بهالقرب وباصابعه يرسم على ضهر كف ايدي بدفو وحنان تامل ملامح وجهي من كصتي لمحور عيني وشفافي بلع ريكه فريت عيني باوعت اهله خنسو شفتهم الثلاثه يباوعولنا رقيه تباوع معاجبها
ابتعدت هو التفت عرف ديباوعون
باوعلهم ابتسم
خو انتو خلصت سوالفكم
نسيم- عمي فلم عربي بلاش ههههه
سلام- دكوم ويايه كوم خلي نسبح هذا دمه لزك على هدومه
خاف ميصير
طاني الطبيب واقي حتى ميوصله دم
نصه راسه وعافنه جتي ام سلام يمي
متت احراج
همست
فدوه اسينات وداعت ابو سلام روحه معلكه بيج والله مات هالشهرين فدوه لتقسين كلبج والله من شافج شون حنينه على اخوتج يكولي شبيه وماحصل من حنانها شي
بقيت منصيه راسي ضل تباوعلها وتباوعلي
رقيه جاوبت
خاله هو سلام اذا مبادر يعني ميريد هو من يريد يروحلها الوش تذل نفسها
انتي اسكتي رقيه عليج برجلج. اني ابني اعرفه. شوفي شون. حيموت عليها
والله اني كلشي مداشوف
ضل جاوبت بحيره
بيبي خاف مرت الله يخليها تبجي
ابتسمت اباوعلها حضنتها. ابتسم
هزيت راسي لام سلام بست راسها
خاله ليضل بالج اني بس ردت ارد اعتباري
مويمه صارت شهرين مكافي
ادعيلنا انتي والله كريم
يارب كون على كد نيتكم ماريد اكثر
فدوه لحلكج خاله
عفتهم ورحنا اني وضل نمنا بالغرفه
ثاني يوم من الصبح اندكت الباب كمت راسن شفت الخدامه كالت
خاله تريدج بدلت ورحت
شفت حمادي جاي خطيه ومرته وياه بدون اطفاله وجايب ذبيحه
سلمت عليهم
سلام كاعد وقاسم وخليل هم مطلعي
وسمعتهم
يحجون
ابو ضل مامريتلنا كل هذا خفر العلويه كالت بس يفك خفره يجيلنا واحنا نتاني
والله الله يسهل
تعال مر واشوفك البستان ونفرك الديوانيه. ونعرفك على اهلنا هم نسيبنا انت
انشاء الله امر فد يوم
كل الهلا بيك
اسينات- طبيت سلمت وطلعت كعدت وي النسوان رقيه تباوع لمرت حمادي باشمئزاز ومن تحجي تضحك وام سلام رحبت ذاك الترحاب
شوي وصاح نسيم
اسينات
نعم طلعت ها نسيم
اخوج يكول اذا تريد خل تروح اني احسن حتى ترحين وي حمادي
هاي شنو وينه
طب للغرفه طبيت للغرفه اباوعله ديتمدد وسلام يعاونه
تقربت منه معبس وجهه الم
شافني ابتسم
كال
روحي اسونه هاهي الحمد لله الالم راح
اخاف اعوفك
شسوي بيج بعد
اباوع سلام صافن عليه ويباوعله بغضب
نتر
معليه اني حلو مشاكلكم بينكم طلعو يله خل انام
عفته وطلعت وسلام ورايه سد الباب
داامشي اروح لغرفه ضل الم هدومي واردد
اروح وهو يجيني يجيبني يرد اعتباري كدام اهله
توني امشي لزم ايدي وجرني لصالتهم وسد الباب
رفع راسه ليفوك وعيونه على سبلت الصاله موعليه
نتر
شكو دتروحين بعدد
بقيت اباوع بوجهه
باوعلي ودار وجهه متحجين تلمس جيبه يدور الباكيت جره وخله جكاره لحلكه شكووو دترحين بعد
همست
بيتي وهناك محد يهينني
وهنا منوداسلج على طررف محد يكدر يعينج بعد
تقربت منه وجهي قربته لوجهه جر نفس جكاره رافع تك حاجب يمثل البرود
تقربت اكثر همست
منوويكول محد يهينني منو يسكتهم مثلا
بلع ريك وطلع الدخان بعشوائيه واختنك بي ذب الجكاره ونصه ممكملها
للللتكبريها
هي جبيره سلام همست
لعد انتي من طلعتي وي ابن خالج وحدكم واخذج بله حتى اذني منو يقبلها يارجال
همست بهالقرب وعيوني بعيونه
انت لومتعرفني جان بهل حركه تطلكني من زمانن بس تعرفني كلش زين
بقه يباوع بوجهي عيونه تنتقل بين عيوني من عين لعين
هز راسه التردي شنو
تعرفه وجريت عيني ردت اعيش مقدره موحجايه تجيبك وعشره توديك تعبت.
سلامتح من التعب كالها بغضبب انتي حتى حجي منطيتيني مجال احجي هواني شحجيت وانتي ماصدكتي حتىً بلوك سويتي
لان الموضوع مومال تلفون
صفن بعيني همس تردين اجيج ابوس ايددديج لج ششايفه نفسي
مرت ال — سلام حقي من اشوف نفسي واخوتي. كلمن رتبته بثكل. الجبل
التردي شنوووو
كتلك متصير مسماع الهممم كتلك صير ويايه عليهم مووياهم عليههه
نتر
دروحي من خرب بالللي يفكر بالزواج بعددد
جر ايدي بقسوه ومن اصبعي راد يجر الحلقه
بقيت اباوعله واتنفس سريع
همس
هاهي لازم البيننا ينتهي اضل اتوسل بيج. انييي
دمعت عيني الحلقه ضيقه مدتطلع من ايدي عافها تعب ويباوع بوجهي من دمعت عيني
كعد عالقنفه ولزم راسه منصي
عفته مكدرت ابقى بعد ثاري كرامته ميصير تنلجم اما كرامتي وصله مسح
مومبالغه مني بس كلمن يفرض هيبته. لميت هدومي ورحت وي حمادي
رجعت
مرجيه راسي عالشباك ودموعي تجري بهدوء
واباوع لايدي بعدها الحلقه عالنص عدلتها مغمضه ولزمت كلاده حمزه
خليك ويايه اليوم خويه كلبي يوجعني
وصلت خابرت مليكه حجيت كلشي الها وابجي على خليل
مليكه- هسه ليش البجي
خايفه على اخويه كلبي يمه مليكه
هلكد تحبي لعد لو مغركج بحنانه جان شسويتي
اخوتي ذولي خلي يلعبون بيه طوبه. اخوتي. مليكه
مليكه- دمعت عيني واني اباوع لاحمد يحجي بالتلفون مبتسم بعيد بالغرفه تندمت ووجعني كلبي سديته منها وفتت لغرفتي قفلت الباب
طلعت الفون الثاني
فكيته شفت اربع صوره مرسله من عده
فتحتهن
صور العقد مال محكمه بس منتضر بصمتي وتوقيعي
دكيت عليه راسن رد بلهفه
حبيبي
الو
يكلبي موهيج موهيج شهر كامل مليكا
بقيت ساكته
مليكا
نعم عابس
شنو الغاثجً كلبي احجيلي
شهكت ابجي
احمد اخوج مو
اييي شون شون اسوي بي هيج
بقه خانس
عابس هسه اني زوجتك بالقانون مو
اممم
زين شيصير بي من يعرف اني غدرت بي
لاتعوفيني بحدي نص الطريق
اخويه عابس
بقه ساكت
مداكدر اتنفس اختنكت
سلامتج همسها بحسره
البارحه حلمت بابويه يكلي هله هله باخوج
بقه ساكت
عابس احجيي
حبيبا ماريد اضغط عليج سوي اليطيبلج وانا موجود خذي وكتج كلا
مااكدر اعذرني
بقه ساكت
عابس
عيونا
عابس فدوه
فدوا لج كلبي لاتحيرين بيننا اخوج هاذ ولاتفكرين بيا ماكش واحد مات ورا احد
اني اموت دونك
سكت جر نفس
عابس احجي
ماراح اكول شي سوي التردي وانا وياج وماراح اعتب يوم ثقي بيا
مسحت دموعي
بقه خانس همس
فكري ورديلي خبر يحجيها بوجع كلب وصوت الورقه بيده تطبك
شنوبيدك
عقدنا وصورتي حد صورتج من اسبوع اتامل بيها
غمضت مهديه روحي كوه
عابس مداكدر
فكري وردي خبر
لاهذا هو سامحني مراح انساك
بقه ساكت
الله وياك ويهديك وينولك التستاهل. غيرتك وكلبك
مرد
عابس
هممم كالها احس يرجف
انهي كلشي
صار همس صوته انببح
شون خاف يبين
لاتخافين معامله وتلغي
خاف يعرف احمد عفيه
لتخافين مليكا كالها صوته راح
شون حفاركك حموت
همس
اخوج هذا منج عرفت حب الاخوه
اسفه
انا الاسف حسيتج بهالاحساس وخليتج بهالموقف انسيني كالها صوته اختفى
سكتت شوي وهووساكت بس يتنفس همست بعد دقيقه سكوت
ابو قبضه
ياعمرا
كالها وشهك يتنفس بقسوه. سد الخط
اخابره مره لخ يطلع مغلق اوغير متصل
قفلت الجهاز ايدي ترجف اريد ارتاح وتانيب الضمير ياكل بيه. طلعت والتلفون بيدي اتلفت وارد ارجع الغرفه
وارد اطلع
اواجهه واكوله وهو كيفه شيريد يسوي يسوي
وصلت لغرفته شفته يسولف مبتسم. وعيونه عالسكف منتبه لوجودي
احمد- من ترجعين من خالتج بس طيني خبر محضرلج مفاجاه بالبيت تنتضرج
ولمحني تفاجا من وجهي الميت بجي همس مستعجل
نور نور روحي هسه بعدين اخابرج سده وذب التلفون وكف وتقدم
شبيج ولزمني من زندي وجهه انخطف بجيت بحركه حضنني
شبيج فهميني منو وياج
احمد لتكرهني
ابتعد ملامحه انترست خوف مديت ايدي ارجف طيته التلفون باوعله وغمض لم شفته
وووالله مطلعت
هز راسه وكعد عالقنفه جر ايدي كعدني بصفه ساكت
فتحته وهووبيده وهووبس يباوع بهدوء للجهاز طبيت للواتس اب ارجف واتصرف واشهك
ااسفه
فتحت الصوره مال عقد بلع ريك وباوعلي فاك عينه بجيت متوسله
والله كلشي نهيت هسه كتله ماريد اغدر بي
هز راسه ويتنفس لازم اعصابه
احمد اني اسفه
هز راسه منصي عالتلفون
حمودي
رفع راسه فاك عيونه مخنزر ومليانه دمع
جرني لحضنه واني مصدكت بجيت كل كلبي ويهدي بيه
خلص هذا هو مزعلان
اي هذا هو
المن البجي لعد ابويه موزين عليج
شون حكدر على فراكه شوون
ليش نهيتي كلشي جان طلعتي بدون علمي وخلص
مكدرت مالت الكفه الك مكدرت انت اخويه الوحيد
نزلت دمعه عينه ساكت عافني وطلع
شفته كاعد بالباب بالسياره متحرك
ساعه ساعتين
واني بالغرفه بلعت نص حبايه واتخيل صوته
شربي البطل كلا
اختنكت غصيت ابجي
صعد احمد ساعه ١١ بليل بس طب صوت رساله المسنجر تعلن انه تكنك عالراوتر
طب لغرفته
دك تلفونه
رد
نعم
اي هلا بيك
تقربت من الباب واسمعه—
كال
ليضل بالك زينه
ماكاسر بيكم اني ابو قبضه. بس احنا شي وانت شي
وين ترجع شتسوي بالعراق وانت مطلوب بلشت حياتك هناك كمله بله اختي
ليش هيج تكول
ابويه موشغله غربه والله العضيم شغله نسب
جر نفس وتنهدت حقك مالك ذنب اي لاداكولك حقك
اي صح كلامك
زين ماشي
هسه انت ليش متفاول لروحك تره اذا سويت شي لنفسك تروح للنار حرامات
مليكه- وكف كلبي بهالكلمه ودموعي تنزل
لاسلامتك يعني انت هسه بالمستشفى
هاي صوت جهاز نبضات القلب داسمعه
مليكه- يحجي ببرود واني اتفركس طبيت للغرفه احمد باوعلي بقلق ونصه
همس
ماشي
الله وياك
لالا والله
ماشي الله وياك معافى انشاء الله
سده وباوعلي ونصه مسحت دموعي
دار وجهه وفركه ورجع باوعلي بعتب
شبي الله عليك اخر مره اسئل والله
جر نفس وغمض همس
روحي مليكه فدوه
طلعت من الغرفه مكدرت انام لصباح الله
من الصبح تلفون احمد دك فزيت رحت يم غرفته اسمع
يعني وين انت
صدك تحجي تتشاقى
عمي هلا بيك ساعه سته شوكت طالع
هسه ليش دترزلني ابو عمرهههه قسمه ومصارت
نازل افتحلك هلا بيك عمي دكولك هله بيك هاي شون شغله
نزل ورد صعد ويا صوت رجال
يحجي
وطبو بالهول اباوع من البرده الهودج كاعد موجر
بالقران اذا صار بي شي اشرب من دمك لاتضل تلللح لاتوكف قسمتهم
شسوي ابو عمر
ابوي شنو التسووووي انطيها وخلااص. حرام عليك والله والله اضل حوبتهم بركبتك
انت اذا اختك
عمي انطططيها انططططيها وروح اخوتي انطييهاا. وفوكاها ابوس ايدينه هماااات. ابو شهاب فك عينك ابو قبضه مامنه ثنين تراااا
انا جايك دخيييل. اليوم اخوي الوكفلي. بوكعتي خابرني. يودعني ويوصيني بيكم. يكلي انا موزين بس لاتهدهم لون اعتازوووا امانتي ذولي
وانت اضلمااااا. حرام عللليك سيددد ارد ن. اروحن لسادتة وانخاهم ارد اشوف شلون يكلون كوم وياي الحين الحين
معود ساعه سته
عسا ما دنيا ليل تكوم لو اشيلك
وين نروح صدك جذب
هسا نطلع النجف ونطب على سادتك ونستفسر ارد اشوف شيكلون.
صفن احمد نتر الهودج
كووووووم اكولك كوووم
كام احمد طب بدل وطلع مستعجل طبلي للغرفه واني الوب باوعلي همس
رايح للنجف بليل ارجع
اوك
باوعلي دير بالج علىً روحج سكت وهمس وروحي هم
اوك فهمت
طلع واني ركض عالسجاده وانخي الله. واعرف ميردني عابس مضلوم واني هم مضلومه ادري حيرد بخبر زين
ادري حيرد مبرد كلبي
هاي ثقتي بالله هاي ثقتي بي
—-
يتبع
هذا تكمله البارحه بنات
مريم السعدي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!